"კიდევ ერთი ფოლკლორული ანსამბლი უნდა დაფინანსდეს?" _ რამდენს გაუძლოს ოზურგეთის ბიუჯეტმა

ფინანსები

"კიდევ ერთი ფოლკლორული ანსამბლი უნდა დაფინანსდეს?" _ რამდენს გაუძლოს ოზურგეთის ბიუჯეტმა

2019 სექ 10 11:39:51

ოზურგეთის მუნიციპალიტეტის მერიის და ა(ა)იპ "კულტურისა და მოსწავლე-ახალგაზრდობის ცენტრის" თანადგომით, 2 სექტემბერს, დაბა ურეკის კულტურის სახლში ვეტერანმა ქორეოგრაფებმა, მომღერლებმა და მუსიკოსებმა კონცერტი გამართეს.

როგორც ღონისძიების წამყვანმა ზაზა ჯინჭარაძემ თქვა, ანსამბლში გაწევრიანებულები არიან ღვაწლმოსილი, პროფესიონალი და გამოჩენილი ადამიანები. თუმცა, ვეტერანების გარდა, ანსამბლში, რომლის სახელი, ჯინჭარაძისავე თქმით, ჯერ უცნობია და ამ ეტაპზე მას პირობითად, "უსახელო ანსამბლი" უწოდა, გამოჩნდნენ 30 წლამდე ასაკის გოგო-ბიჭები.

კონცერტის დაწყებამდე გურიის ქორეოგრაფთა კავშირის თავმჯდომარემ, მელის ნადირიძემ თქვა, რომ პროექტის მიზანია გურიაში ძველი ქართული ხალხური ცეკვების, სიმღერების, მუსიკის აღდგენა, ასევე, რეგიონისთვის დამახასიათებელი ახალი ცეკვების და სიმღერების შექმნა, გურული და სხვადასხვა კუთხის სახელოვნებო ტრადიციების გაცოცხლება.

_ ყველაფერი, ყველა ნომერი, რასაც შეეხებიან, იქნება ფოლკლორზე აგებული და არა მხოლოდ გურულ ფოლკლორზე, _ უთხრა დარბაზში მყოფთ ნადირიძემ.

ზაზა ჯინჭარაძემ, ვიდრე სცენაზე ვეტერან შემსრულებლებს უხმობდა, განაცხადა, რომ კონცერტი არ იქნებოდა დიდი _ სულ რვა ნომერს წარმოადგენდნენ და ეს იქნებოდა საჩვენებელი გამოსვლა:

_ ვეტერანი ქორეოგრაფები, სახელოვანი ადამიანები, რომლებიც გურიაში დაიბადნენ და რეგიონის სახელი შორს გაიტანეს, დღეს საქართველოს სხვადასხვა ქალაქებში რომ მოღვაწეობენ, შექმნიან ფოლკლორულ ანსამბლს, რომელიც გურული ფოლკლორის შედევრებს მოიძიებენ, გააცოცხლებენ და წარუდგენენ ხალხს. ახლა ეს ადამიანები წარმოგიდგენენ კონცერტს, შემდეგ კი თქვენ, გურიის ხელისუფალთ და სახელოვან ქორეოგრაფებს, გთხოვთ, ამობრძანდეთ სცენაზე და თქვენი მოსაზრება გამოთქვათ, _ მიმართა ჯინჭარაძემ დარბაზში მყოფ გუბერნატორს, ოზურგეთის მერს, სხვა ჩინოვნიკებსა და ხელოვანებს. მან, ასევე, ჩამოთვალა დამსახურებულ, ღვაწლმოსილ ვეტერან ქორეოგრაფთა გვარ-სახელები: ომარ ხურციძე, ვაჟა ახვლედიანი, თემურ ჩხაიძე, გიგა ნაჭყებია, ემზარ სანიკიძე, მელის ნადირიძე, ირმა სვანაძე, მარინე სიხარულიძე და სხვები, რომლებიც, ჯერჯერობით, "უსახელო ანსამბლის" წევრებად მოიხსენია.

ვეტერანმა ქორეოგრაფებმა მართლაც ცეცხლი დაანთეს სცენაზე და მათ ასაკის არც არაფერი ეტყობოდათ, რაც ორმაგად სასიხარულოა თითოეული მაყურებლისთვის, ქართველი ხალხისთვის.

ქორეოგრაფმა რევაზ ჭანიშვილმა კონცერტის შემდეგ განაცხადა, რომ ეს არის გამარჯვება. მისივე თქმით, აჭარას ჰყავს მსგავსი ანსამბლი, რომელიც ბიუჯეტიდან ფინანსდება.

გურიის გუბერნატორმა ზურაბ ნასარაიამ აღნიშნა, რომ ეს არის ძალიან კარგი საქმე და ასეთ წამოწყებას მიესალმება:

_ მე დავინახე, რომ თქვენ გაქვთ უდიდესი სიყვარული საკუთარი საქმისადმი, რომელიც შემდეგ მომავალ თაობას უნდა გადაეცეს. მივესალმები ასეთ წამოწყებას და შესაძლებლობის მიხედვით დაგეხმარებით, _ უთხრა ვეტერან ხელოვანებს გუბერნატორმა.

ოზურგეთის მუნიციპალიტეტის მერმა კოტე შარაშენიძემ თავის მილოცვას და მისალმებას, მნიშვნელოვანი ფრაზა დაურთო:

_ შევეკითხოთ ფინანსთა სამინისტროს და ისე გადავწყვიტოთ, _ თქვა შარაშენიძემ.

ოზურგეთის მუნიციპალიტეტის საკრებულოს თავმჯდომარემ დავით დარჩიამ კი, ყველა კარგ წამოწყებაში გვერდით დგომა აღუთქვა ვეტერან ქორეოგრაფებს.

ხელისუფლების წარმომადგენლებმა, ასევე, აღნიშნეს, რომ, სავარაუდოდ, შეიქმნება ა(ა)იპ ორგანიზაცია და ანსამბლსაც სახელი დაერქმევა.

მკითხველს შევახსენებთ, რომ დღეისთვის ოზურგეთის მუნიციპალიტეტში რვა ფოლკლორული ანსამბლი ფუნქციონირებს: "შვიდკაცა", "შემოქმედი", "ვახტანგური", "ელესა", "იადონი", "რეხეული", "ალილუია"და სახელმწიფო ანსამბლი "გურია".

აღნიშნული ანსამბლების არაერთი წევრი, რომელიც ამ ეტაპზე თავს იკავებს ღია კომენტარისგან, აცხადებს, რომ ამ ანსამბლებში, არანაკლები პროფესიონალი და ცნობილი ხელოვანები მოღვაწეობენ, გააჩნიათ მაღალი საშემსრულებლო კლასი, თუმცა, ხელფასი მიზერულია _ 150 ლარიდან 350 ლარამდე, ხელმძღვანელების გარდა, რომელთაც შედარებით მეტი აქვთ, თუმცა, სახარბიელო არც ეს არის. ისინი ამბობენ, რომ თუ ბიუჯეტში საშუალება გაჩნდა, არის თუ არა უფრო მიზნობრივი ის, რომ ჯერ არსებულ ანსამბლებში მოუმატონ ხელოვანებს ხელფასი? ან რა აუცილებლობამ გამოიწვია კიდევ ერთი ახალი ანსამბლის შექმნა, რომლის წევრთა უმეტესობა დასაქმებულია, აქვთ ხელფასები, ხოლო გურული ფოლკლორის უზარმაზარი საგანძურის საძიებლად და მზის სინათლეზე გამოსატანად ოზურგეთში საგანგებოდ ფოლკლორის სახლი გაიხსნა, რომლის არსებობის და საქმიანობის საფუძველი სწორედ ფოლკლორულ წიაღში ჯერ აღმოუჩენელი მარგალიტების ძიება და არსებულის კიდევ უფრო დახვეწა და შთამომავლობისთვის გადაცემაა?!

იქნება თუ არა კიდევ ერთი ახალი ანსამბლის დაფუძნება და დაფინანსება არაეფექტური? არის თუ არა ამის საჭიროება და საკმარის ფინანსებს როგორ გამოყოფს ბიუჯეტი? არსებობს თუ არა ადმინისტრაციული შენობა? რომელიც არსებობს, სადაც განთავსებულა ააიპ მოსწავლე ახალგაზრდობის და რეკრეაციულ გაერთიანებათა ცენტრი, ტექნიკურად გაუმართავი და მოუწესრიგებელია, ხშირად რომ "ერთი დიდი დომხალის" სახელით მოიხსენიებენ.

გარდა ამისა, კანონი ადგილობრივი თვითმმართველობის შესახებ მხოლოდ მუნიციპალიტეტის ტერიტორიაზე მცხოვრებთა დაფინანსების უფლებას იძლევა. ჯერჯერობით "უსახელო ანსამბლის" წევრები კი არა მხოლოდ ოზურგეთის, არამედ დასავლეთ საქართველოს ქალაქებში მცხოვრები ადამიანები არიან.

კითხვაზე, იქნება თუ არა შესაძლებელი ადგილობრივი ბიუჯეტიდან კიდევ ერთი ახალი ანსამბლის დაფინანსება, როცა არსებულ უამრავ ფოლკლორულ ანსამბლის წევრებს მიზერული ხელფასები აქვთ და არის თუ არა ეს სამართლებრივად სწორი ნაბიჯი, ააიპ "მოსწავლე ახალგაზრდობის და რეკრეაციულ დაწესებულებათა გაერთიანების" უფროსი თამარ ნადირიძე მოკლედ გვპასუხობს:

_ მე არაფერი არ ვიცი ამის შესახებ. ეს თვითონ ქორეოგრაფებმა შექმნეს, _ გვითხრა მან და გვთხოვა, ეს გვეკითხა გურიის ქორეოგრაფთა კავშირის თავმჯდომარისთვის, მელის ნადირიძისთვის, რომელიც მისი ძმაა.

მელის ნადირიძემ "გურია ნიუსთან" ასეთი განმარტება გააკეთა:

_ ჩვენ ეს ყველაფერი იდეის დონეზე წარმოვადგინეთ. ჯერ ენთუზიამზე ვმუშაობთ, ჩვენი ჯიბის ფულით. ვაჩვენეთ ხელისუფლებას, ხალხს. ჯერ ერთი, მე არ ვედრები სხვა ფოლკლორულ ანსამბლებს. დამისახელებთ, რომელ მათგანშია ცეკვა? ვეტერან ქორეოგრაფებს დახმარება და დაფასება სჭირდებათ. მოცეკვავეს ერთხელ ფეხი რომ გადაუბრუნდეს, დამთავრებულია...

_ ბატონო მელის, ასე ფეხბურთელსაც რომ გადაუბრუნდეს ფეხი, დამთავრებულია...

_ ფეხბურთელს უზარმაზარი დაფინანსება აქვს. მე ვსაუბრობ იმაზე, რომ ქორეოგრაფები არ არიან დაფასებულები. რა გააჩნიათ მათ ამდენი წლის სანავლოდ?

_ ხალხის სიყვარული, ბატონო მელის...

_ ჰოდა, მარტო სიყვარული თუ არის საკმარისი, შეინახონ ოჯახები ხალხის დიდი სიყვარულით. ვინმეს თუ პრეტენზია აქვს, ამ პრეტენზიას უნდა ჰქონდეს კონკრეტული მისამართი. ვიმეორებ, ჩვენ იდეის დონეზე წარმოვადგინეთ საკითხი და ჯერ არავინ იცის, დადებითად გადაწყდება თუ არა...

ჩვენი წყაროს ინფორმაციით, ღონისძიებაზე გამოსულმა ოზურგეთის მერმა ფინანსთა სამინისტროს მოშველიება და დახმარება სწორედ იმიტომ დააანონსა, რომ ბიუჯეტს გაუჭირდება ამდენი ფოლკლორული ანსამბლის დაფინანსება და საკუთარ თავზე პასუხისმგებლობა მთლიანად არ აიღო. აქტიურად საუბრობენ იმაზეც, რომ მერზე უსიტყვო ზეწოლაც ხდება და საარჩევნო პერიოდში დახმარებისა და თანადგომის სანაცვლოდ მისგან გამუდმებით ითხოვენ ახალი საშტატო ერთეულების შექმნას. გაუძლებს კი ოზურგეთის ბიუჯეტი ამდენს?

"გურია ნიუსი" აღნიშნულ თემაზე მუშაობს და ინფორმაციას უახლოეს პერიოდში მივაწვდით ჩვენს მკითხველებს.




 ახალი ამბები
  • დაგვეხმარეთ მაუწყებლის გადარჩენაში - ჟურნალისტების ნაწილი დიპლომატიურ კორპუსს მიმართავსაჭარის საზოგადოებრივი მაუწყებლის საინფორმაციო სამსახურის თანამშრომლები განცხადებას ავრცელებენ. ისინი ახალი ამბების სამსახურის უფროსის მოადგილის - მაია მერკვილაძის შტატის გაუქმება სარედაქციო პოლიტიკაზე პირდაპირი თავდასხმად მიიჩნევენ და დიპლომატიურ კორპუსს მიმართავენ. "საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს სხდომაზე დღეს მიღებულ გადაწყვეტილებას ახალი ამბების სამსახურის თანამშრომლები სარედაქციო დამოუკიდებლობის შეზღუდვად მივიჩნევთ. ახალი ამბების სამსახურის უფროსის მოადგილის - მაია მერკვილაძის შტატის გაუქმება სარედაქციო პოლიტიკაზე პირდაპირი თავდასხმაა. დღეს მრჩეველთა საბჭომ და მაუწყებლის დირექტორმა არხის თანამშრომლების მოთხოვნა, - საკითხის უკეთ შესწავლის მიზნით მისი განხილვა გადადებულიყო, არ გაითვალისწინა. გაუგებარია, რატომ არის პროცესი ფორსირებული, როდესაც დირექტორს ისედაც აქვს გაცხადებული, რომ რეორგანიზაციას გეგმავს. ამასთან, დაწყებულია დისციპლინური დევნა ახალი ამბების სამსახურის უფროსის - შორენა ღლონტის წინააღმდეგ, რაც კიდევ უფრო მეტად გვიღრმავებს ეჭვებს, რომ მენეჯმენტისთვის სასურველი ახალი კადრების შემოსაყვანად პოზიციები თავისუფლდება. გვაქვს მოლოდინი, რომ მაია მერკვილაძის შემდეგ, სარედაქციო პოლიტიკას ჩამოაშორებენ ახალი ამბების ხელმძღვანელს - შორენა ღლონტს. მიგვაჩნია, რომ საზოგადოებრივი მაუწყებლის აჭარის ტელევიზიასა და რადიოში შექმნილი ვითარება საარჩევნო წელს ემსახურება არასასურველი კადრების, განსაკუთრებით კი - კრიტიკული ჟურნალისტების ჩამოშორებას. მივმართავთ დიპლომატიურ კორპუსს, საერთაშორისო და ადგილობრივ არასამთავრობო ორგანიზაციებს - ჩაერთონ პროცესში და დაგვეხმარონ მაუწყებლის გადარჩენაში. წინააღმდეგ შემთხვევაში, დაზარალდებიან არა მხოლოდ ჟურნალისტები, არამედ დაზიანდება საზოგადოებრივი მაუწყებლის იდეა, რაც კიდევ უფრო დააზარალებს მედიაგარემოს, პლურალიზმსა და დემოკრატიულ პროცესებს ქვეყანაში. დირექტორის მიერ დაგეგმილი სტრუქტურული ცვლილებები შეეხო სხვა სამსახურებსაც. მაგალითად: საავტორო - შემოქმედებითი გადაცემების სამსახურის უფროსის მოადგილეს შემოქმედებითი მიმართულებით - გიორგი მურვანიძეს, ამავე სამსახურის მოადგილეს საორგანიზაციო მიმართულებით - ბესო დუმბაძეს და ფინანსური სამსახურის უფროსის მოადგილეს მაია შაშიკაძეს. ასევე სხვა მოადგილეების შტატებს, რომლებიც ვაკანტური იყო. მაუწყებელში დღეს განვითარებული მოვლენები ლოგიკური გაგრძელებაა იმ პროცესებისა, რომელიც დაიწყო 2019 წლის აპრილში ნათია კაპანაძის იმპიჩმენტით, გაგრძელდა მაუწყებლიდან ნათია ზოიძის იძულებით წასვლით და ნათია შავაძესთან შრომითი ხელშეკრულების ამოწურვით."_ ნათქვამია ... ...
  • ჩოხატაურელი ნორჩი მხატვრების წარმატება "ზამთრის ვერნისაჟზე"მერაბ ბერძენიშვილის სახელობის ოზურგეთის თანამედროვე სახვითი ხელოვნების ცენტრში გურიის რეგიონის საჯარო სკოლების მოსწავლეთა ნამუშევრების მეცხრე გამოფენა-კონკურსი _ „ზამთრის ვერნისაჟი“ მოეწყო. გამოფენაში მონაწილეობა მიიღეს ჩოხატაურის სახელოვნებო სკოლების გაერთიანების სამხატვრო სკოლის მოსწავლეებმა, რომლებიც სხვადასხვა ნომინაციაში, ოზურგეთის მერიისა და საკრებულოს მიერ მიერ დაჯილდოვდნენ სიგელებით, ფულადი ჯილდოთი და ფასიანი საჩუქრებით. ნომინაციაში ,,საუკეთესო ფერწერა'' დაჯილდოვდა პაპუნა ჯინჭარაძე (მე- 5 კლასი), ნომინაციაში ,,საუკეთესო კომპოზიცია'' _ ლუკა ფუტკარაძე (მე-3 კლასი); ნომინაციაში ,,საუკეთესო ნახატი’’ _ ნანა კვინტრაძე (მე-6 კლასი); ნომინაციაში ,,მნახველის სიმპათია’’ _ ანასტასია კობიძე (მე-4 კლასი). ა(ა)იპ ჩოხატაურის მუნიციპალიტეტის სახელოვნებო სკოლების გაერთიანების სამხატვრო სკოლის ყველა მონაწილე ცენტრის მიერ დაჯილდოვდა სიგელებით გამოფენაზე ... ...
  • ხანძარი ზუგდიდში, სოფელ ზედა ეწერშიხანძარი იყო ცოტა ხნის ზუგდიდში, სოფელ ზედა ეწერში. როგორც ადგილიდან "გურია ნიუსის" ჟურნალისტი იტყობინება, ცეცხლი ეკალ-ბარდებს ეკიდა. ხანძარი ამდროისთვის ლიკვიდირებულია. შემთხვევის შედეგად არავინ დაშავებულა. ადგილზე სამი სახანძრო მუშაობდა. ჯერჯერობით, უცნობია, რამდენი ჰექტარი დაიწვა. ასევე, უცნობია ხანძრის გამომწვევი ... ...
  • „ვითხოვთ სამართალს“ _ აქცია ავტობანის მშენებლობაზე ლანჩხუთში, სუფსის მოსახლეობამ ავტობანთან დაკავშირებით აქცია გამართა. ისინი ამბობენ, რომ თანხა, რომელიც სახელმწიფომ მათ კუთვნილი მიწების დათმობის სანაცვლოდ გადაუხადა მიზერულია და საკითხით დაინტერესებას პრემიერ მინისტრს თხოვენ. სუფსის ადმინისტრაციის მოსახლეობის ნაწილის საპროტესტო მუხტი იმ ფართობების კომპენსირების თანხაზე, სადაც ავტომაგისტრალმა უნდა გაიაროს, არახალია _ მათთვის კატეგორიულად მიუღებელია სახელმწიფოს მიერ ერთ კვ/მეტრზე შეთავაზებული ფასი. ისინი ხელისუფლებას მოსახლეობის აბუჩად აგდებაში დებენ ბრალს და გაცილებით მეტი თანხის გადახდას ითხოვენ. საქმე სუფსის ადმინისტრაციული ერთეულის საზღვრებში მოქცეულ კერძო საკუთრებაში არსებულ სასოფლო-სამეურნეო დანიშნულების მიწის იმ ნაკვეთებს ეხება, რომლებიც "ფოთი-გრიგოლეთის" 14-კილომეტრიანი მონაკვეთის საზღვრებში ავტობანის მშენებლობის პროექტში მოხვდა. აქედან, "გრიგოლეთი-ქობულეთის ზოლი 10 კილომეტრია. „ჩვენი კერძო საკუთრება (მიწის ნაკვეთები) მიზერულ ფასებად მუქარითა და იძულებაში ჩაყენებით დაგვათმობინეს. დღემდე ვითხოვთ სამართალს, გენპროკურატურასაც მივმართეთ საქმის ჯეროვანი გამოძიების მოთხოვნით, მაგრამ 11 თვეა იძიებენ და ახლა ირკვევა, რომ საქმე შესასწავლად სუფსის პოლიციისთვის გადმოუგზავნიათ. დიდი ალბათობით თანამდებობის პირებმა მიითვისეს ჩვენი კუთვნილი სოლიდური თანხები და ამიტომაც ეტყობა საქმის ჩაფარცხვის სურვილი აქვთ“-ამბობს აქციის ერთ-ერთი მონაწილე ხათუნა გუჯაბიძე. ხათუნა გუჯაბიძის თქმით, ფართობების კომპენსირების თანხის თაობაზე სუფსის მოსახლეობის მხრიდან ინფორმირებულია პარლამენტის თავმჯდომარის მოადგილე გია ვოლსკი და იუსტიციის მინისტრი თეა წულუკიანიც. „ჩვენ ინფორმაცია საკითხთან დაკავშირებით მივაწოდეთ გია ვოლსკისა და თეა წულუკიანს, დაგვპირდნენ საკითხით დავინტერესდებითო, მაგრამ საქმე ამის იქეთ არ წასულა. წულუკიანი მაშინ  დაგვპირდა, რომ საქმეს გენპროკურატურისგან გამოითხოვდა და პასუხს ადგილობრივი ხელმძღვანელობის მეშვეობით შეგვატყობინებდა, ბევრჯერ მოვიკითხეთ მერიაში მინისტრისგან გამოგზავნილი პასუხი, მაგრამ დღემდე არააფერი ჩანს“-  ამბობს ხათუნა გუჯაბიძე. მიწის იმ მესაკუთრეები,  რომელთა ნაკვეთებიც მოექცა გრიგოლეთი-ქობულეთის საავტომობილო გზის პროექტში, საკუთარ პრეტენზიებს „გურია ნიუსთან“ საუბარში აფიქსირებენ: -"მონაკვეთის საზღვრები იწყება ზღვის სანაპირო ზოლიდან 700 მეტრის დაშორებით. ნაკვეთებს მარჯვენა მხრიდან ესაზღვრება საგზაო-სატრანსპორტო მაგისტრალი, მარცხენა მხრიდან კი _ მდინარე სუფსა. არის ვაკე ადგილი და თავისი მდებარეობის მიხედვით პრესტიჟულია ნებისმიერი ბიზნესსაქმიანობისთვის. მოსახლეობას გვქონდა დიდი მოლოდინი, რომ ამ ნაკვეთებში სახელმწიფო სოლიდურ თანხას გადაგვიხდიდა და ღირსეულად მოგვექცეოდა, მაგრამ მოხდა პირიქით. სუფსის საზღვრებში განლაგებული მიწის ნაკვეთები (ე. წ. "ნაოჩვანი"), რომლებიც წარმოადგენს 32 ოჯახის კერძო საკუთრებას, მდებარეობს პრესტიჟულ ადგილზე, დანიშნულებით _ სასოფლო-სამეურნეო, მოხვდა ავტობანის მშენებლობის პროექტში. ამ შემთხვევაში მიწის მესაკუთრეებთან მთავრობის, არასამთავრობო ორგანიზაციების და არც გზის დეპარტამენტის მხრიდან არანაირ შეხვედრას, შემოთავაზებას და კონსულტაციას ადგილი არ ჰქონია. დეპარტამენტის წარმომადგენლები გვაძალებდნენ ხელშეკრულებაზე ხელის მოწერას და ჩვენი საკუთრების დათმობას ასეთ მიზერულ ფასად და მოსახლეობაში ავრცელებდნენ ხმებს, რომ წინააღმდეგ შემთხვევაში მესაკუთრეს სახელმწიფო ჩამოართმევდა საკუთრებას _ პროექტის განხორციელების ხელის შეშლასთან დაკავშირებით. ჩვენი ხელისუფლების დამოკიდებულებამ ისე შეაშინა და პანიკაში ჩააგდო სოფლის მოსახლეობა საკუთრების ჩამორთმევასთან დაკავშირებით, რომ მათმა ერთმა ნაწილმა, რომლებიც ბანკის ვალებში იხრჩობოდნენ, ამ უსამართლო და ძალით თავსმოხვეულ "ხელშეკრულებას" ხელი მოაწერა.  ჩვენ გვქონდა სიტყვიერი ინფორმაცია იმასთან დაკავშირებით, რომ იმ მონაკვეთში, ე.წ. "ლოტში", რომელიც, დაახლოებით, 10-კილომეტრიან ზოლს მოიცავს, ჩვენი ნაკვეთების შემდეგ განლაგებულ ნაკვეთებში (რომელიც შედის, ლანჩხუთის და ოზურგეთის მუნიციპალიტეტის საზღვრებში), მესაკუთრეებს გადაუხადეს გაცილებით სოლიდური თანხები 1კვ. მეტრში. ზოგან 25-60 ლარი ერთ კვ, მეტრში, ზოგან კი 40-დან 120 ლარამდე“, _ ამბობს მიღებული კომპენსაციით უკმაყოფილო მოსახლეობა და ხელისუფლებას საკითხით დაინტერესებას ... ...
  • საზარელი ტრაგედია ვანში - 26 წლის მამაკაცმა სანადირო თოფით თავი მოიკლავანში, სოფელ მუქედეში 26 წლის მამაკაცმა სიცოცხლე თვითმკვლელობით დაასრულა. ინფორმაცია "გურია ნიუსს"მერის წარმომადგენელმა დაუდასტურა. ავთანდილ გუბერიძის განცხადებით,სუიციდის ფაქტი 16 თებერვალს მოხდა.  ადგილობრივების ინფორმაციით, ახალგაზრდა კაცმა თავი სანადირო თოფით მოიკლა. რა გახდა თვითმკვლელობის მიზიზეზი, უცნობია.  შსს-მ მომხდარ ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას ... ...

არქივი

ზაფრანი

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...