პორტუგალიის რესპუბლიკაში საქართველო საელჩო განცხადებას ავრცელებს

პოლიტიკა

პორტუგალიის რესპუბლიკაში საქართველო საელჩო განცხადებას ავრცელებს

2014 იან 25 12:50:19

 _ მოქალაქე ირაკლი ბარამიძის მიერ მედიისთვის მიცემულ ინტერვიუებში მოყვანილია კონკრეტული ინციდენტი პორტუგალიის აეროპორტის დროებითი დაკავების საკანში საქართველოს მოქალაქის გარდაცვალების თაობაზე. აღნიშნული ფაქტის კომენტირებისას ირაკლი ბარამიძე ირწმუნება, რომ თითქოს, პორტუგალიაში საქართველოს საელჩომ და პირადად ელჩმა  არ გამოიჩინა სათანადო ყურადღება აღნიშნული ტრაგედიის მიმართ.

გვსურს აღვნიშნოთ, რომ ეს არ გახლავთ პირველი შემთხვევა, როდესაც ბატონი ირაკლი ბარამიძე  სხვადასხვა მეთოდებით ცდილობს ელჩის ღირსების შელახვას და ჩრდილს აყენებს საელჩოს საქმიანობას. მისი მხრიდან ელჩის დისკრედიტაციის მცდელობებმა მიზანმიმართული  კამპანიის სახე მიიღო.

ამ დრომდე საელჩო არ თვლიდა მიზანშეწონილად გამოხმაურებოდა აღნიშნული პიროვნების აბსურდულ ბრალდებებს, თუმცა ამ კონკრეტულ შემთხვევაში, გამომდინარე იქიდან, რომ საქმე ეხება ადამიანის პირად ტრაგედიას, საზოგადოებისთვის ობიექტური ინფორმაციის მიწოდების მიზნით, მიზანშეწონილად ჩავთვალეთ განცხადების გავრცელება.

გაცნობებთ, რომ ქ. ლისაბონში საქართველოს საელჩოში მიმდინარე წლის 8 იანვარს მიღებულ იქნა შეტყობინება, რომლის თანახმადაც, პორტუგალიის შინაგან საქმეთა სამინისტროს საზღვრის დაცვისა და მიგრაციის სამსახურის ლისაბონის აეროპორტის წინასწარი დაკავების საკანში 2014 წლის 6 იანვარს ადგილი ჰქონდა საქართველოს მოქალაქის,  გ.გ-ს (დაბ.21.02.1980წ) მიერ  თვითმკვლელობის მცდელობას.  შეტყობინებაში აღნიშნული იყო, რომ მიუხედავად გატარებული სამედიცინო-რეანიმაციული ღონისძიებებისა, მოქალაქე გარდაიცვალა.

აღნიშნული ინფორმაცია საქართველოს საელჩოს მიერ დაუყოვნებლივ გადაეგზავნა საქართველოში შესაბამის უწყებებს. ვინაიდან არც საელჩოს და არც საკონსულო დეპარტამენტს არ გააჩნდა ინფორმაცია მისი ოჯახის შესახებ (სამწუხარო ფაქტამდე მიმდინარეობდა რეადმისიის აღსრულების პროცესი მოქალაქის საქართველოში გადაყვანის მიზნით), მათ  დახმარების თხოვნით მიმართეს საქართველოს შინაგან საქმეთა სამინისტროს  საპატრულო პოლიციის დეპარტამენტს, რომელმაც მოიძია ინფორმაცია გარდაცვლილის ოჯახის წევრების შესახებ და თავის მხრივ, აცნობა მათ აღნიშნული პიროვნების გარდაცვალების ფაქტი. ამჟამად,  ცხედარი გადასვენებულია ქ. ლისაბონის შესაბამის უწყებაში და მიმდინარეობს გარდაცვალების მიზეზების თაობაზე საექსპერტო დასკვნის მომზადება. ლისაბონში საქართველოს საელჩო  და საკონსულო დაწესებულება მუდმივ კავშირშია შესაბამის უწყებებთან და ელოდება სასამართლო  ექსპერტიზის პასუხს საქმეზე ობიექტური ჭეშმარიტების დადგენის მიზნით.

ბატონი ირაკლი ბარამიძე იტყუება, როდესაც აცხადებს, რომ თითქოს გარდაცვლილი იყო საელჩოს თანამშრომელი. აღნიშნულ პიროვნებას არასდროს უმუშავია საელჩოში. ხოლო ის კონკრეტული მძღოლი, რომელზეც ბარამიძე საგაზეთო ინტერვიუში საუბრობს,  გახლავთ უჩა ანდრონიკაშვილი და არა გარდაცვლილი გ.გ. ჩვენთვის სამწუხაროა, რომ მოქალაქე ირაკლი ბარამიძემ კონკრეტული პირის ტრაგედია გამოიყენა პირადი მიზნებისთვის და კიდევ ერთხელ შეეცადა ამ მეთოდით პორტუგალიაში საქართველოს წარმომადგენლობისა და პირადად ელჩის დისკრედიტაციას. ამ მიზანმიმართულ კაპმანიაზე და მოქალაქე ბარამიძის მიერ გავრცელებული ინფორმაციების აბსურდულობაზე ისიც მეტყველებს, რომ აღნიშნული პიროვნება წლებია ამტკიცებს, თითქოს პორტუგალიაში საქართველოს საელჩო მისი პირადი სახსრებით გაიხსნა, რაც აშკარა სიცრუეა. მეტიც, პორტუგალიაში საქართველოს საელჩოში შემოსულია აქ მცხოვრები ქართველების არაერთი საჩივარი, რომელიც პორტუგალიაში ირაკლი ბარამიძის არაკანონიერ და თაღლითურ საქმიანობას უკავშირდება. ჩვენ, ბუნებრივია, ვერავის ავუკრძალავთ პირადი დამოკიდებულება ჰქონდეს ამა თუ იმ სახელმწიფო მოხელის საქმიანობისადმი, მაგრამ მიგვაჩნია, რომ ამგვარი ინფორმაციის გავრცელება ზიანს აყენებს საქართველოს დიპლომატიური წარმომადგენლობის იმიჯს და შეცდომაში შეჰყავს საზოგადოება. საქართველოს საელჩო პორტუგალიაში სარგებლობს შემთხვევით და უსამძიმრებს გარდაცვლილის ოჯახს, _ აღნიშნულია საელჩოს მიერ გავრცელებულ განცხადებაში.




 ახალი ამბები
  • გპირდებით, გავაშიშვლებ სახალხო დამცველს _სანდრო ბრეგაძემას შემდეგ, რაც "სახალხო დამცველის" ოფისში სანდრო ბრეგაძემ პოლიცია გამოიძახა, საქმე თავად "ქართული მარშის" ლიდერის წინააღმდეგ აღიძრა. სახალხო დამცველის ოფისში შეღწევას ბრეგაძე პატრულის დახმარებით შეეცადა, თუმცა სამართალდამცველებმა თავად "ქართული მარშის" ლიდერი გაარიდეს შენობიდან. ბრეგაძეს თავისივე გამოძახებულმა საპატრულო ეკიპაჟმა სახალხო დამცველის ოფისი დაატოვებინა. "ქართული მარშის" ლიდერი ომბუდსმენის ოფისში, ფილმის "და ჩვენ ვიცეკვეთ" წინააღმდეგ დაწყებული კამპანიის ფარგლებში მივიდა და აპარატის წარმომადგენლების მიერ გაკეთებული განცხადებები გააპროტესტა. თავად სახალხო დამცველი ნინო ლომჯარია საქართველოში არ იმყოფება, მისი მოადგილე გიორგი ბურჯანაძე კი აქცენტს რადიკალთა ჯგუფის ლიდერის მუქარის შემცველ განცხადებებზე აკეთებს. არასამთავრობო სექტორში რადიკალთა ჯგუფების ბოლო პერიოდში გააქტიურებას მათ დაუსჯელობას უკავშირებენ. როგორც ადამიანის უფლებათა საკითხზე მომუშავე ორგანიზაციებში ამბობენ, შინაგან საქმეთა სამინისტროს მიერ დაწყებული გამოძიება ბოლომდე უნდა მივიდეს და დანაშაულის ნიშნების აღმოჩენის შემთხვევაში, დამნაშავეები უნდა დაისაჯონ. სახალხო დამცველის ოფისთან მასშტაბურ პროტესტს "ქართული მარში" მომავალ კვირაში აანონსებს. სანდრო ბრეგაძე ნინო ლომჯარიას გამოსასწორებლად ერთკვირიან ვადას აძლევს. თუ ომბუდსმენი ვადის ამოწურვამდე უკან არ წაიღებს მის მოწოდებას რადიკალთა დაკავების შესახებ და არ დაიცავს ფილმში "და ჩვენ ვიცეკვეთ" მონაწილე ბავშვების უფლებებს, ორგანიზაციის ლიდერი ამბობს, რომ მრავალათასიანი აქციის მოწყობას შეძლებს და სახალხო დამცველის გადაყენებასაც მიაღწევს. წყარო: ... ...
  • 3D კადასტრის შექმნის მიმართულებით თანამშრომლობის სამმხრივი მემორანდუმი გაფორმდა (R)3D მოდელირებისა და კადასტრის შექმნის მიმართულებით გამოცდილების გაზიარებისა და თანამშრომლობის მიზნით, საჯარო რეესტრის ეროვნულ სააგენტოს, თბილისის მერიის ქონების მართვის სააგენტოსა და დუბაის მიწის რეგისტრაციის დეპარტამენტს შორის სამმხრივი მემორანდუმი გაფორმდა. მემორანდუმს საჯარო რეესტრის ეროვნული სააგენტოს თავმჯდომარემ ივანე ცარციძემ, ქონების მართვის სააგენტოს უფროსმა ირაკლი თავართქილაძემ და დუბაის მიწის დეპარტამენტის გენერალურმა დირექტორმა სულთანმა ბუტი ბინ მეჯრინმა მოაწერეს ხელი.3D კადასტრის შექმნის კუთხით ქალაქ დუბაის მნიშვნელოვანი მიღწევები და პროექტები აქვს. ამ ფაქტის გათვალისწინებით გადაწყდა დუბაის შესაბამის უწყებასთან ურთიერთობა. თანამშრომლობის მემორანდუმის ფარგლებში გაზიარებულ გამოცდილებას, ექსპერტულ რეკომენდაციებსა და შესაბამის ტრენინგებს ქართული მხარე უძრავ ქონებაზე საკუთრების შესახებ ელექტრონული ბაზის განვითარებისა და უძრავ ნივთებზე 3-განზომილებიანი კადასტრის შესაქმნელად გამოიყენებს. აღსანიშნავია, რომ საჯარო რეესტრი, 2019 წლის ივნისიდან დედაქალაქის ტერიტორიაზე არსებულ უძრავი ნივთების აგეგმვა/ აზომვასა და აღწერას ახორციელებს და ელექტრონულ საძიებო სისტემის შექმნის მიმართულებით მუშაობს. პროექტის ფარგლებში, საჯარო რეესტრი დედაქალაქის 10-ვე რაიონში, მიწის ნაკვეთებს აღრიცხავს, ფოტოსურათებს , მათ შორის, 360° პანორამული ფოტოებს გადაუღებს და სკეტცჰUპ ფორმატში ობიექტების 3D გამოსახულებებს მოამზადებს. ამასთანავე, შიდა ფართს აღრიცხავს და აზომვით ნახაზებს მოამზადებს მუნიციპალიტეტის საკუთრებაში არსებული ყველა რეგისტრირებული შენობისთვის და ხაზოვანი ნაგებობისთვის, როგორიცაა მიწისქვეშა გადასასვლელები, გვირაბები და ის ხიდები, რომელთაც აქვთ შიდა სივრცე .დამუშავებულ ინფორმაციასა და ელექტრონულ ფორმატში მომზადებულ მონაცემთა ბაზებს საჯარო რეესტრი თბილისის მერიის ქონების მართვის სააგენტოს მიაწვდის, რომელიც, თავის მხრივ, მონაცემებს სხვადასხვა საჭიროებებისთვის, საპრივატიზაციო ბაზის შესაქმნელად და ა.შ. გამოიყენებს. ტექნოლოგიური განვითარების მიმართულებით საჯარო რეესტრის ეროვნული სააგენტო ინტენსიურ რეჟიმში მუშაობს. გამარტივებული ელექტრონული სერვისებთან, უძრავი ქონების სფეროში ბლოკჩეინის ტექნოლოგიის გამოყენებასთან და სხვა ინოვაციურ პროექტებთან ერთად, დედაქალაქის ტერიტორიაზე არსებული უძრავი ნივთებისთვის 3-განზომილებიანი მოდელირებისა და კადასტრის უახლესი ტექნოლოგიის გამოყენება მნიშვნელოვნად გაამარტივებს უძრავ ქონებაზე კომპლექსური გადაწყვეტილების მიღებას, გააუმჯობესებს ქონების მართვის, განკარგვისა და ინვესტირების შესაძლებლობებს; გაზრდის დაგეგმვისა და პროექტირების ხარისხს და უზრუნველყოფს საკუთრების უფლების ... ...
  • 2 გარდაცვლილი და 3 მძიმედ დაშავებული - საზარელი ავარია დადიანზეთბილისში, დადიანის ქუჩაზე მომხდარი ავტოსაგზაო შემთხვევის შედეგად ორი ადამიანი გარდაიცვალა სამი კი მძიმედ დაშავდა. ერთმანეთს სამი მანქანა შეეჯეხა. ამ წუთებში დაშავებულები საავადმყოფოში გადაჰყავთ. საქმეზე დაწყებულია გამოძიებადაწყებულია ... ...
  • პატრიარქი - მიყვარხარ საქართველომიყვარხარ საქართველო! _ ბრძანა დღეს საქართველოს კათალიკოს-პატრიარქმა ილია მე­ო­რემ მე­ტე­ხის ხიდ­ზე, სა­დაც ასი ათა­სი მო­წა­მის ხსე­ნე­ბის დღეს­თან და­კავ­ში­რე­ბით ღო­ნის­ძი­ე­ბა მიმ­დი­ნა­რე­ობს.  "მიყ­ვარ­ხარ სა­ქარ­თვე­ლო" პატ­რი­არ­ქმა სამ­ჯერ ... ...
  • საცობი თბილისის მეტროში (ფოტო)ამ წუთებში თბილისის მეტროს პირველი ხაზი შეფერხებით მუშაობს. მატარებლები მგზავრთა ნაკადს ვერ ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...
კარმიდამო ჩემი

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

არის თუ არა თქვენ საცხოვრებელ ადგილას სასმელი წყალი?