დავით უსუფაშვილი ვიზიტით ბრიუსელში იმყოფება


პოლიტიკა

დავით უსუფაშვილი ვიზიტით ბრიუსელში იმყოფება

22 ივლ. 2015, 21:12:09

საქართველოს პარლამენტის თავმჯდომარე, დავით უსუფაშვილი, რომელიც ვიზიტით ბრიუსელში იმყოფება, "ნატო"-ს გენერალური მდივნის მოადგილეს, ალექსანდრე ვერშბოუს შეხვდა. მხარეებმა საქართველოს ალიანსში ინტეგრაციის, ქვეყანაში მიმდინარე პროცესებისა და უსაფრთხოების საკითხების შესახებ ისაუბრეს.

ამავე დღეს, პარლამენტის თავმჯდომარე ნატო-საქართველოს კომისიის სხდომას დაესწრო, სადაც საქართველოში მიმდინარე რეფორმების, ქვეყნის  ნატო-ში ინტეგრაციის პროცესზე, რეგიონულ უსაფრთხოებასა და საქართველოს ოკუპირებულ ტერიტორიაზე არსებულ ვითარებაზე ისაუბრეს.

მოკავშირეები ნატო-საქართველოს არსებით ღონისძიებათა პაკეტის განხორციელებაში მიღწეულ პროგრესს მიესალმნენ, დადებითად შეაფასეს საქართველოს მიერ რეფორმების განხორციელებაში მიღწეული პროგრესიც. ელჩებმა საქართველოს "ნატო"-ს მისიებსა და ოპერაციებში შეტანილი წვლილისთვის მადლობა გადაუხადეს. ამჟამად, საქართველო, რიგით მეორე უმსხვილესი კონტრიბუტორია ავღანეთის მხარდამჭერ მისიაში.

გარდა ამისა, მოკავშირეებმა  კიდევ ერთხელ, დაადასტურეს ერთგულება ბუქარესტის სამიტის გადაწყვეტილებისადმი, რომლის მიხედვით, საქართველო ალიანსის წევრი გახდება. მათივე განცხადებით, ალიანსი მტკიცედ უჭერს მხარს საქართველოს ევროატლანტიკურ მისწრაფებებს და მზადყოფნა გამოთქვეს, აქტიური მონაწილეობა მიიღონ უელსის სამიტზე მიღებული ნატო-საქართველოს არსებითი ღონისძიებათა პაკეტის განხორციელებაში, რომელიც საქართველოს ალიანსის წევრობისთვის მომზადებას უწყობს ხელს.

საქართველოს პარლამენტის თავმჯდომარე ნატო-საქართველოს კომისიის სხდომაზე სიტყვით გამოვიდა, სადაც აღნიშნა, რომ ევროპულ და ევროატლანტიკურ სტრუქტურებში ინტეგრაცია საქართველოს ურყევი ნებაა და ამის შესახებ ქართული პოლიტიკური სპექტრის ძირითადი ნაწილი და საზოგადოება, უკვე დიდი ხანია, შეთანხმდა. მისივე განცხადებით, ქვეყანამ მნიშვნელოვანი პროგრესი განიცადა  ნატო-ს სტანდარტებთან დაახლოების თვალსაზრისით და ეს შეეხება როგორც დემოკრატიულ, ინსტიტუციურ რეფორმებს, ასევე, სამხედრო კომპონენტს. დავით უსუფაშვილის თქმით, საქართველო წევრობის სამოქმედო გეგმის (ინგლ. MAP) მისაღებად მზადყოფნას ადასტურებს.

სხდომაზე ისაუბრეს რუსეთის ფედერაციის მიერ ოკუპირებული აფხაზეთთან გაფორმებული ე.წ. მოკავშირეობის შეთანხმებისა და ცხინვალის რეგიონის ადმინისტრაციულ საზღვართან განვითარებული მოვლენების შესახებაც. მოკავშირებმა მეზობელი ქვეყნების მიმართ რუსეთის ფედერაციის აგრესიული და არალეგიტიმური პოლიტიკის გამო შეშფოთება გამოთქვეს. "ნატო"-ს გენერალური მდივნის მოადგილემ, ალექსანდრ ვერშბოუმ ხაზგასმით აღნიშნა, რომ მოკავშირეები მხარს უჭერენ საქართველოს მის საერთაშორისოდ აღიარებულ საზღვრებში.

კომისის სხდომის დასრულების შემდეგ საქართველოს პარლამენტის თავმჯდომარემ მედიასთან კომენტარი გააკეთა და აღნიშნა რომ ალიანსში საქართველოს მიმართ დიდი ინტერესია.

"დღეს  მე მქონდა საშუალება, მიმემართა "ნატო"-ს წევრი სახელმწიფოების წარმომადგენლებისთვის. შეხვედრა დაგეგმილზე თითქმის ერთი საათით მეტი ხანი გაგრძელდა იმიტომ, რომ ძალიან დიდია ინტერესი იმის თაობაზე, თუ რა ხდება საქართველოში, როგორ ვემზადებით ჩვენ იმ ამოცანების გადასაწყვეტად, რაც ქვეყანას აქვს.

მე მოვახსენე "ნატო"-ს წევრი სახელმწიფოების წარმომადგენლებს ჩვენი მიღწევების თაობაზე, ის რაც უკვე გავაკეთეთ და იმის თაობაზე, რომ ჩვენ გვინდა ვიხილოთ პროგრესი "ნატო"-ში ინტეგრაციის გზაზე, ვინაიდან ეს არის უკიდურესად მნიშვნელოვანი ჩვენი ქვეყნის უსაფრთხოებისთვის", - განაცხადა დავით უსუფაშვილმა.

მისივე თქმით, აგვისტოს ბოლოს საქართველოს „ნატო"-ს გენერალური მდივანი, იენს სტოლტენბერგი ეწვევა, ხოლო მიმდინარე წლის ბოლომდე, თავდაცვის მინისტრების დონეზე, მნიშვნელოვანი შეხვედრები გაიმართება.

"არის სრული ურთიერთგაგება ამ საკითხებში, ის პროგრამები, რომლებიც უკვე ხორციელდება საქართველოში, სულ მოკლე ხანში კიდევ უფრო თვალსაჩინო გახდება. ამასთანავე, "ნატო"-ს წევრ სახელმწიფოებს აინტერესებთ ქვეყანაში მიმდინარე მოვლენები. 

დაახლოებით 20-მდე წარმომადგენელმა გამოთქვა თავისი მოსაზრებები. ისინი ძალიან მაღალ შეფასებას აძლევენ ქვეყნის წარმატებებს ინსტიტუციური რეფორმების თვალსაზრისით, დემოკრატიული რეფორმების თვალსაზრისით და ამბობენ, რომ ჩვენ, პრაქტიკულად, ყველა დანაპირებს ვასრულებთ.

ასე რომ, ახლო მომავალში ჩვენ უნდა ვიყოთ მზად უფრო სერიოზული ნაბიჯებისთვის, თუმცა  ეს ყველაფერი,  დამოკიდებულია საერთაშორისო მდგომარეობაზე, გეოპოლიტიკურ მდგომარეობაზე, იმ საფრთხეების ანალიზზე, რაც ამა თუ იმ ნაბიჯს შეიძლება მოჰყვეს და ჩვენ მზად ვართ ასეთი დიალოგისთვის ჩვენს პარტნიორებთან" - განაცხადა საქართველოს პარლამენტის თავმჯდომარემ ჟურნალისტებთან საუბრისას.

ნატო-საქართველოს კომისიის სხდომა, რომელსაც დავით უსუფაშვილი დაესწრო, ელჩების დონეზე გაიმართა.

საქართველოს პარლამენტის თავმჯდომარე ბრიუსელში ვიზიტს 23 ივლისს დაასრულებს.




 ახალი ამბები
  • თოვლი, ლიპყინული და ზვავსაშიშროება _ როდიდან შეიცვლება ამინდი საქართველოშისაქართველოში ჰაერის ტემპერატურა მნიშვნელოვნად დაეცემა , _ ამის შესახებ ინფორმაციას გარემოს ეროვნული სააგენტო ავრცელებს. სააგენტოს ცნობით, მოსალოდნელია ნალექი, ზოგან ძლიერი - 19-20 იანვარს, უმეტესად თოვლის სახით, მთაში ზოგან ნისლი და ქარბუქი, ზღვაზე 2-3 ბალიანი ღელვა, საავტომობილო გზებზე ლიპყინული, ელექტროგადამცემ ხაზებზე მოყინულობა, მთიან რეგიონებში ზვავსაშიშროება. 19-22 იანვარს ღამის საათებში კოლხეთის დაბლობზე ჰაერის ტემპერატურის -4, -6 გრადუსამდე მოსალოდნელმა დაწევამ შესაძლებელია ციტრუსები, განსაკუთრებით ლიმონის ნარგავები ... ...
  • მარინა ენდელაძე: ეს ერთადერთი გამოსავალიამსოფლიოში არცერთი ეპიდემია არ დამარცხებულა ვაქცინაციის გარეშე, შეუძლებელია ადამიანებმა მუდმივად რეგულაციების ქვეშ ვიცხოვროთ, ამდენად ერთადერთი საიმედო გამოსავალი - ვაქცინაციაა, - ამის შესახებ თბილისის ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ „რუსთავი 2“-ის ეთერში განაცხადა. მისი თქმით, საქართველოში ვაქცინაცია იქნება პირველ კვარტალში და პირველ ეტაპზე მცირე დოზა. „როგორც ვიცი, ქვეყანა ემზადება, რომ შემდეგ ვაქცინაცია მასიურად მოხდეს. პირველ რიგში რისკჯგუფები აიცრებიან. ვაქცინაცია ინფიცირებულთა შემთხვევებს შეამცირებს, მაგრამ პარალელურად, ჯერჯერობით, ისევ რეგულაციების დაცვა მოგვიწევს“, - განაცხადა ... ...
  • საქართველოს საავტომობილო გზების ზოგიერთ მონაკვეთზე მოძრაობა შეიზღუდასაქართველოს საავტომობილო გზების ზოგიერთ მონაკვეთზე მოძრაობა შეიზღუდა, _ ამის შესახებ საავტომობილო გზების დეპარტამენტი ინფორმაციას ავრცელებს: "რთული მეტეოროლოგიური პირობების გამო, შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის კმ125-კმ157 (მელე-ლასდილი) მონაკვეთზე, აკრძალულია ყველა სახის ავტოტრანსპორტის მოძრაობა. ამავე გზის კმ89-კმ125 (ლენტეხი-მელე) მონაკვეთზე, აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. ხოლო დანარჩენი სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია", - წერია განცხადებაში. ცნობისთვის, მოძრაობა განახლდა ახალციხე-ნინოწმინდის საავტომობილო გზის კმ90-კმ112 მონაკვეთზე - ამ დროისთვის, ყველა სახის ავტოტრანსპორტის მოძრაობა ... ...
  • ხვალ დიდ ქალაქებში, ასევე, აჭარაში სკოლებში მეორე სემესტრი დისტანციურ ფორმატში განახლდებახვალ, 18 იანვარს სასწავლო პროცესი დისტანციური სწავლების სრულად ელექტრონული მოდელის გამოყენებით დაიწყება ქალაქებში: თბილისი, ქუთაისი, რუსთავი, თელავი, ზუგდიდი, ზესტაფონი, გორი, ფოთი, მარნეული და გარდაბანი. აჭარისავტონომიური რესპუბლიკის ტერიტორიაზე მოქმედი ზოგადსაგანმანათლებლო დაწესებულებები სასწავლო პროცესს ასევე გააგრძელებენ დისტანციურ რეჟიმში. განათლების სამინისტროს ინფორმაციით, ის სკოლები, სადაც მეორე სემესტრი საკლასო ოთახებში განახლდება, კორონავირუსის პრევენციის მიზნით, სრულად უზრუნველყვეს პირბადეებით, დისტანციური, უკონტაქტო თერმომეტრებით, დეზობარიერითა და ზედაპირების სადეზინფექციო სითხეებით. გარდა ამისა, სკოლებში კორონავირუსის შემთხვევების დადასტურების შემთხვევაში გაგრძელდება პირველ სემესტრში აპრობირებული მიდგომა წერტილოვანი შეზღუდვების შესახებ. ჯანდაცვის სამინისტროს მიერ დადგენილი წესების განხორციელების პროცესს განათლების სამინისტრო სისტემატიურად დააკვირდება და განახორციელებს სკოლების მონიტორინგს. სასწავლო პროცესის განახლებასთან ერთად, დისტანციური სწავლების მიმართულებით ერთ-ერთი მთავარი რესურსის „ტელესკოლის“ მეორე სემესტრის საგაკვეთილო პროცესიც გაგრძელდება. საქართველოს განათლების, მეცნიერების, კულტურისა და სპორტის სამინისტროსა და საქართველოს პირველი არხის ერთობლივი საგანმანათლებლო პროექტი 18 იანვარს 9:00 საათიდან განახლდება. „პანდემიის პირობებში დისტანციური სწავლების ხელმისაწვდომობის უზრუნველყოფის მიზნით, საქართველოს მთავრობის ინიციატივით, განათლების, მეცნიერების, კულტურისა და სპორტის სამინისტრომ საქართველოში მოქმედ სამ მობილურ ოპერატორთან - სს „სილქნეტთან“, შპს „მაგთიკომთან“ და შპს „ვიონი საქართველოსთან“ (ბრენდი „ბილაინი“) ურთიერთთანამშრომლობის მემორანდუმს მოაწერა ხელი, რის საფუძველზეც საჯარო და კერძო სკოლების მოსწავლეები და მასწავლებლები ივნისის ბოლომდე შეღავათიანი მობილური ინტერნეტ პაკეტით ისარგებლებენ. მობილური ინტერნეტ პაკეტის შეღავათიან ტარიფს ასევე მხარი დაუჭირა საქართველოს კომუნიკაციების კომისიამ“ - აცხადებენ განათლების სამინისტროში. დისტანციური სწავლების გამოწვევებისა და ტექნიკური საჭიროებების შესაბამისად, ინტერნეტ პროვაიდერები მოსწავლეებსა და მასწავლებლებს20 GB მობილურ ინტერნეტპაკეტს 10 ლარად შესთავაზებენ, რაც სტანდარტულ ღირებულებასთან შედარებით 2,5-ჯერ ნაკლებია. დარგის ექსპერტების რეკომენდაციით, 20GB საკმარისი ოდენობაა ერთი თვის განმავლობაში ონლაინ გაკვეთილებზე დასასწრებად და ინტერნეტ რესურსების ... ...
  • პანკისის ხეობაში 40 წლამდე კაცი მოკლეს - ერთმანეთს ნათესავები დაუპირისპირდნენპანკისის ხეობაში ნათესავებს შორის  ურთიერთშელაპარაკება მკვლელობით დასრულდა - მოკლულია 40 წლამდე კაცი. შემთხვევა ცოტახნის წინ მოხდა. სავარაუდო დამნაშავეს, გავრცელებული ინფორმაციით, ჯანმრთელობის პრობლემები აქვს. ადგილზე პოლიციაა მობილიზებული. წყარო: მთავარი ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ყველაზე, ყველაზე...

იცი თუ არა გეოგრაფია

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....