მარიხუანას მოხმარების გამო პატიმრობის გაუქმებას იურიდიულმა კომიტეტმა მხარი დაუჭირა

პოლიტიკა

მარიხუანას მოხმარების გამო პატიმრობის გაუქმებას იურიდიულმა კომიტეტმა მხარი დაუჭირა

2015 სექ 29 22:05:37

იურიდიულ საკითხთა კომიტეტმა პირველი მოსმენისთვის განიხილა კანონპროექტები: "საქართველოს სისხლის სამართლის კოდექსში ცვლილების შეტანის თაობაზე" და "საქართველოს ადმინისტრაციულ სამართალდარღვევათა კოდექსში ცვლილების შეტანის თაობაზე", რომელთა ინიციატორიც პარლამენტის წევრი, გიორგი ხაჩიძეა.

პოზიციების შეჯერების შემდეგ, კომიტეტის წევრებმა მხარი დაუჭირეს პრინციპს, რომლის თანახმად, მარიხუანის მცირე ოდენობით განმეორებითი მოხმარება რჩება სისხლის სამართლის დანაშაულად, თუმცა სანქციების ნაწილში აღარ იქნება გათვალისწინებული თავისუფლების აღკვეთა. კანონპროექტების ინიციატორი და კომიტეტის წევრები ასევე შეთანხმდნენ, რომ გაიმართება დამატებითი მსჯელობა ადმინისტრაციულ სამართალდარღვევათა კოდექსში შესატანი ცვლილებით გათვალისწინებული ჯარიმების ოდენობაზე.

მოქმედი სისხლის სამართლის კანონმდებლობით აღიარებულია, რომ კანაფის, მარიხუანის გასაღების მიზნის გარეშე, მცირე ოდენობით უკანონო შეძენა ან შენახვა, ან/და ექიმის დანიშნულების გარეშე  პირველ ჯერზე მოხმარება არ არის სისხლისსამართლებრივად საშიში და განეკუთვნება ადმინისტრაციულ სამართალდარღვევას, ხოლო განმეორებით იგივე ქმედების ჩადენა იწვევს პირის სისხლისსამრთლებრივ პასუხისმგებელობას.

პარლამენტის წევრის, გიორგი ხაჩიძის მიერ სხდომაზე წარმოდგენილი სისხლის სამართლის კოდექსში შესატანი ცვლილების მიხედვით კი, კანაფის, მარიხუანის გასაღების მიზნის გარეშე, მცირე ოდენობით უკანონო შეძენა ან შენახვა, ან/და მოხმარება ექიმის დანიშნულების გარეშე  უნდა წარმოადგენდეს ადმინისტრაციულ სამართალდარღვევას მისი განმეორების შეთხვევაშიც, ანუ განმეორებით აღნიშნული ქმედების ჩადენა არ უნდა იწვევდეს სისხლის სამართლის პასუხისმგებლობას.

ადმინისტრაციულ კოდექსში შესატანი ცვლილებით, რამდენიმე ნარკოტიკული საშუალების (კანაფი, კანაფის ექსტრაქტი და ნაყენი, ასევე მარიხუანა (გამომშრალი/ნედლი)) გასაღების მიზნის გარეშე, მცირე ოდენობით უკანონო შეძენისთვის ან შენახვისთვის, ან/და ექიმის დანიშნულების გარეშე მოხმარებისთვის გათვალისწინებული უნდა იყოს  ჯარიმა 100 ლარის ოდენობით, ხოლო განმეორების შემთხვევაში 300 ლარის ოდენობით.

პრინციპს, რომლის თანახმად, მარიხუანის მცირე ოდენობით განმეორებითი მოხმარება რჩება სისხლის სამართლის დანაშაულად, თუმცა სანქციების ნაწილში აღარ იქნება გათვალისწინებული თავისუფლების აღკვეთა კომიტეტის სხდომაზე, მხარი დაუჭირეს დეპუტატებმა როგორც საპარლამეტო უმრავლესობიდან და საპარლამენტო ოპოზიციიდან, ასევე პარლამენტის დამოუკიდებელმა  წევრებმა.  უმრავლესობის წევრებმა ანი მიროტაძემ და ფრიდონ საყვარელიძემ განაცხადეს, რომ აღნიშნულ პრინციპს ეთანხმებიან, თუმცა გადასახედია პროექტით წარმოდგენილი ჯარიმების ოდენობა.

გოგა ხაჩიძის განცხადებით, ,,რეპრესიული კანონმდებლობა არაეფექტურია“ და აუცილებელია ნარკოპოლიტიკის ზოგადად გადახედვა, თუმცა ამ ეტაპზე, მის მიერ წარმოდგენილი პროექტი შეეხება  მხოლოდ ,,პრობლემის მცირე სეგმენტს“.

ფრაქცია ,,თავისუფალი დემოკრატების“ წევრის, ვიქტორ დოლიძის განცხადებით, ფრაქცია მხარს უჭერს კანონმდებლობის ლიბერალიზაციას, თუმცა აუცილებელია საზოგადოების უკეთ ინფორმირება იმის თაობაზე, რომ საუბარია არა ნარკოტიკული ნივთიერებების მოხმარების ლეგალიზებაზე, არამედ საკითხის დეკრიმინალიზაციაზე.

პავლე კუბლაშვილის განცხადებით, აღნიშნული კანონპროექტების განხილვის დროს მთავარი იყო მომხდარიყო შეთანხმება პრინციპზე ,,არ დაიჭირო“. მისი თქმით, როგორც წინა მოწვევის პარლამეტის იურიდიულ საკითხთა კომიტეტის თავმჯდომარე აცხადებს, რომ 2009 წლიდან უნდა მომხდარიყო კანონმდებლობის ლიბერალიზაცია და ამ ნაბიჯის არ გადადგმა იყო შეცდომა.

იურიდიულ საკითხთა კომიტეტმა მხარი დაუჭირა კანონპროექტების პლენარულ სხდომა განხილვას.




 ახალი ამბები
  • ხუნდაძე: რამდენიმე დღეა მონიტორინგს ვუწევთ რეგიონებს„უკვე რამდენიმე დღეა მონიტორინგს ვუწევთ  რეგიონებს, ძირითადად, ჰოსპიტალური სექტორის მიმართულებით. ეს გამომდინარეობს იქედან, რომ  ჩვენ ახლა  იმ ფაზაში შევდივართ, სადაც პირველი მიღების ზოლი, სწორედ, ჰოსპიტალური სექტორი იქნება", - განაცხადა პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ ტელეკომპანია „იმედის" ეთერში"  ქვეყნის რეგიონებში  კორონავირუსთან ბრძოლის პროცესში  განხორციელებულ ღონისძიებებზე საუბრისას. მისივე თქმით, მონიტორინგი, უკვე განხორციელდა: ქუთაისში, ფოთში, კახეთში, მცხეთა-მთიანეთში, შიდა ქართლში, რუსთავში, ბოლნისში და აჭარაში. როგორც ხუნდაძემ აღნიშნა, მონიტორინგი ამჟამად გახორციელდება სამეგრელოში, შემდეგ კი სხვა რეგიონებში. „რა თქმა უნდა, იქნება რაჭა-ლეჩხუმი, ქვემო სვანეთი და ასე ყველა რეგიონს შევამოწმებთ და ვნახავთ. ჩვენ არა მხოლოდ რევიზიას ვაკეთებთ, არამედ ადგილზე ვაკეთებთ ხარვეზების იდენტიფიცირებას, ვაძლევთ რეკომენდაციებს და რჩევებს.  ჩვენ ახალი მექანიზმი შევიმუშავეთ დღეს. კერძოდ,   ყველა რეგიონს ეყოლება ლიდერი ამ მიმართულებით, რომელიც მთელი ამ პროცესის განმავლობაში, ზედამხედველობის კუთხით, მონიტორინგს გაუწევს ჰოსპიტალური სექტორის მზაობას.  ამ ვერტიკალში ე.წ ლიდერები, ძირითადად, დეპუტატები იქნებიან. ისინი შევლენ  პარლამენტის ჯანდაცვის კომიტეტის მართვის რგოლში და შემდეგ, რა თქმა უნდა, საკოორდინაციო საბჭოს ფორმატში, პირდაპირი კომუნიკაცია გვექნება პრემიერმინისტრთან", - განაცხადა დიმიტრი ხუნდაძემ. როგორც პარლამენტის  ჯანმრთელობის დაცვისა და სოციალურ საკითხთა კომიტეტის თავმჯდომარემ აღნიშნა, ჰოსპიტალური სექტორი მზად უნდა იყოს ყველაზე რთული  სცენარისათვის, რომ ამას ნამდვილი მზაობა ერქვას. „ჩვენ ვამოწმებთ პერსონალის მზაობას. მათ უტარდებათ კონსულტაციები. ისინი გადიან გადამზადებას, ტრენინგებს, რომ ამ სიტუაციაში იცოდნენ როდის, სად და როგორ უნდა მოიქცნენ. ვამოწმებთ ინდივიდუალური  დაცვის საშუალებებს, რომ მათ ჰქონდეთ მარაგები, ასევე, რომ არ იყო ინფექციის კვეთები კლინიკებში და სწორად იყოს გამოყოფილი სივრცეები. ჩვენ ძალიან დიდი მნიშვნელობას ვანიჭებთ სასუნთქი აპარატების მზაობას", - განაცხადა დიმიტრი ხუნდაძემ.​ ... ...
  • ცხოველის მიმართ სასტიკი მოპყრობის ფაქტზე დაკავებულ პირს ბრალი წარედგინა ახალციხის რაიონულმა პროკურატურამ ქ.ბორჯომში ცხოველის მიმართ განხორციელებული სასტიკი მოპყრობის ფაქტზე დაკავებულ ა.ს.-ს ბრალი წარუდგინა. გამოძიებით დადგინდა, რომ 2020 წლის 6 აპრილს, დაახლოებით 20:30 საათზე, მთვრალ მდგომარეობაში მყოფმა ა.ს.-მ ქ.ბორჯომში მდებარე ერთ-ერთი საცხოვრებელი კორპუსის მე-12 სართულიდან ქ.თ.-ს ძაღლი გადააგდო, რის შედეგად ცხოველმა ჯანმრთელობის სხვადასხვა სახის დაზიანება მიიღო. სამართალდამცველებმა ა.ს. 2020 წლის 8 აპრილს დააკავეს. მას  ბრალდება საქართველოს სისხლის სამართლის კოდექსის 259-ე მუხლის პირველი ნაწილით (ცხოველისადმი სასტიკი მოპყრობა, რამაც მისი დასახიჩრება გამოიწვია) წარედგინა. 2020 წლის 10 აპრილს პროკურატურამ შუამდგომლობით მიმართა სასამართლოს და ბრალდებულ ა.ს.-სთვის აღკვეთის ღონისძიების სახით 5000-ლარიანი საპატიმრო გირაოს შეფარდება მოითხოვა. სასამართლომ ნაწილობრივ დააკმაყოფილა ბრალდების მხარის შუამდგომლობა და ბრალდებულ ა.ს.-ს აღკვეთის ღონისძიების სახით შეეფარდა - ხელწერილი გაუსვლელობისა და სათანადო ქცევის შესახებ, რასაც პროკურატურა გაასაჩივრებს კანონით დადგენილ ვადაში და წესით. სისხლის სამართლის საქმეზე გამოძიება გრძელდება. ა.ს.-ს მიმართ წარდგენილი ბრალდება, სასჯელის სახედ და ზომად ერთ წლამდე თავისუფლების აღკვეთას ... ...
  • თბილისი „ევროპის ახალგაზრდული ბარათის ასოციაციის“ წევრი გახდათბილისი „ევროპის ახალგაზრდული ბარათის ასოციაციის“ (www.eyca.org) წევრი გახდა. ასოციაციის წევრობა საქართველოს დედაქალაქს ანიჭებს უფლებას, ევროპის ახალგაზრდული ბარათი ქართველ ახალგაზრდებსა და სტუდენტებზე გასცეს. ბარათის საშუალებით, ქართველ ახალგაზრდებს საშუალება ეძლევათ, ევროპის 36 ქვეყანაში 60 000-მდე პროდუქტსა თუ მომსახურებაზე ფასდაკლებით ისარგებლონ. ბარათის მფლობელები ფასდაკლებას მიიღებენ შემდეგი მიმართულებებით: მოგზაურობა, სასტუმროები, კულტურული ღირსშესანიშნაობები, კვების ობიექტები, ქსელური მაღაზიები და სხვა. „ევროპის ახალგაზრდული ბარათის ასოციაცია“ 1987 წელს დაარსდა. ამ ეტაპზე, ასოციაცია ევროპის 36 ქვეყანაში 40 ორგანიზაციას აერთიანებს და გაცემული აქვს 6 მილიონი ბარათი. ბარათის მთავარი მიზანი სოციალური, კულტურული, საგანმანათლებლო და ეკონომიკური მიმართულებით, ახალგაზრდების გაძლიერება და მხარდაჭერაა. საქართველო ასოციაციის 37-ე ქვეყანა გახდა და მას ორგანიზაციაში თბილისის მერიის ახალგაზრდული ცენტრების გაერთიანების (EuropeanYouthCardAssociation) სახით, თბილისის მუნიციპალიტეტი წარმოადგენს, რომელსაც ბარათის გაცემის ექსკლუზიური უფლება გააჩნია. საქართველოში ევროპის ახალგაზრდული ბარათის გაცემა მიმდინარე წლის ოქტომბრიდან დაიწყება.       ... ...
  • თბილისის ზოოპარკის ტერიტორიაზე ხმობადი ფიჭვები მოიჭრება დედაქალაქში სანიტარიული ჭრების ფარგლებში, დაავადებული და ხმობადი ფიჭვების ჭრა გრძელდება. ამის შესახებ დედაქალაქის მერიის მიერ გავრცელებულ ინფორმაციაშია ნათქვამი. მერიის ინფორმაციით, თბილისის ზოოპარკის ტერიტორიაზე დაავადების გავრცელების პრევენციის მიზნით, 400-მდე ზეხმელი და დაავადებული ფიჭვი მოიჭრება, მათ ნაცვლად კი ჯანსაღი ხეები დაირგვება. აღნიშნულ სამუშაოებს შპს „ეკოსერვის ჯგუფი“ განახორციელებს. სანიტარიული ჭრების გადაწყვეტილება უცხოელი ექსპერტების მიერ ჩატარებულ კვლევას ეყრდნობა, რომლის მიხედვითაც, ფიჭვებზე მავნებელი მწერია გავრცელებული. დედაქალაქში ამ დროისთვის, ჯამში, 40 000-მდე დაავადებული და ხმობადი ფიჭვი მოიჭრა. სანიტარიული ჭრები დედაქალაქის სხვადასხვა ტერიტორიაზე ეტაპობრივად ... ...
  • როგორი ამინდი იქნება მომდევნო დღეებშიგარემოს ეროვნული სააგენტოს ინფორმაციით, 11-12 აპრილს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა, მაღალმთაში თოვლი, ზოგან იქროლებს დასავლეთის მიმართულების ძლიერი ქარი. ჰაერის ტემპერატურა დღის საათებში დაბლობსა და ბარში +10, +15 გრადუსამდე დაიკლებს. 13 აპრილიდან კი გამოიდარებს და შედარებით დათბება. თბილისში უმეტესად უნალექო და ქარიანი ამინდია მოსალოდნელი. ჰაერის ტემპერატურა +13, +15 გრადუსის ფარგლებში ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...