"თუ ოპოზიციას ბნელ წარსულში უნდა დაბრუნება, ჩააქრონ შუქები და აანთონ სანთლები!"

პოლიტიკა

"თუ ოპოზიციას ბნელ წარსულში უნდა დაბრუნება, ჩააქრონ შუქები და აანთონ სანთლები!"

7 მარ. 2012, 21:31:16
"შარშან მე დაგპირდით, რომ 2015 წლისთვის ჩვენი მოსახლეობის 70%-ზე მეტი იქნებოდა გაზიფიცირებული. დღეისთვის უკვე მოსახლეობის 55%-ია გაზიფიცირებული, წელს გაზით დამატებით 80 ათასი ოჯახი ისარგებლებს. ასევე, დაგპირდით, რომ 2015 წლისთვის საქართველოში აშენებული იქნება მინიმუმ 10 ახალი ჰიდროელექტროსადგური, ჯამში 300 მეგავატის სიმძლავრით. დღეისთვის უკვე დაწყებულია 15 ჰესის მშენებლობა, ხოლო მიმდინარე 2012 წლის ბოლომდე დაგეგმილია კიდევ 10 ახალი ჰესის მშენებლობის დაწყება", _ ეს განცხადება მიხეილ სააკაშვილმა პარლამენტში გამოსვლისას გააკეთა და 2015 წლის სამოქმედო გეგმას კიდევ ერთი საკითხი შეჰმატა.

საქართველოს პრეზიდენტს სამოქმედო გეგმა მხოლოდ 2015 წლამდე არ აქვს გაწერილი _ ის დიდი კაშხლებისა და ჰესების მშენებლობის ბოლომდე მიყვანას აპირებს, რასაც, დაახლოებით, 15-20 წელი დასჭირდება. ამაზე მზაობა და პასუხისმგებლობის აღება მიხეილ სააკაშვილმა პარლამენტში გამოსვლამდე რამდენიმე ხნით ადრე დააფიქსირა: "ვფიქრობ, მსოფლიო ბაზარზე ჩვენი ნიშანი ჰესების მშენებლობა უნდა გახდეს. ამ მხრივ, მომდევნო 15-20 წლის განმავლობაში სამუშაო მუდმივად გვექნება. ამასთან, ტურბინების გამოშვებაც უნდა ვისწავლოთ და საერთაშორისო ბაზარზეც გავიდეთ. ეს ძალზე მნიშვნელოვანია. ჰიდროენერგეტიკის თვალსაზრისით, 80-იან წლებში მსოფლიო დონეზე ვიყავით _ ენგური მთლიანად ქართველების აშენებულია და მხოლოდ პოლიტიკური მიზნით ჩამოჰყავდათ რუსები. ახლა ტექნოლოგიურად ცოტა ჩამოვრჩით და ამ საკითხს დიდი ყურადღება უნდა მივაქციოთ. ჩვენი ნოუ-ჰაუ კარგი მშენებლობაა. უკვე ვსწავლობთ კიდეც ყველაზე სწრაფი ტემპით მშენებლობას, რითაც, შესაძლოა, თურქებს გავუსწროთ და ჩინელებსაც დავეწიოთ. ჰესების მშენებლობაც ასე უნდა ვისწავლოთ. დავისახოთ მიზნად, რომ ქართველები მსოფლიოში ყველაზე სწრაფად და ხარისხიანად აშენებდნენ ჰესებს, რაც სრულებით რეალურია. ამისთვის, ხალხი აზიაში, აფრიკასა და ევროპაში უნდა გავგზავნოთ. ჩვენ არ ვართ ჩამორჩენილი, ეკონომიკურად გამოუცდელი ქვეყანა, სადაც უცხოელი უნდა ჩამოვიდეს და რაიმე ააშენოს. ჩვენ ვიძენთ სათანადო გამოცდილებას და ახლა უნიკალური მომენტია, რომ მისი ექსპორტიც მოვახდინოთ".

სააკაშვილის "ნოუ-ჰაუსთან" დაკავშირებით თავისი მოსაზრებები აქვთ ენერგეტიკის სფეროში მომუშავე ექსპერტებს, არასამთავრობო ორგანიზაციებსა და ოპოზიციის დიდ ნაწილს. მათი განცხადებით, ამ პროექტების გახორციელების შედეგად, წყლის ქვეშ აღმოჩნდება, ისედაც მცირემიწიანი ქვეყნის, სულ მცირე 2 000 ჰექტარი ფართობი: ნაყოფიერი სავარგულები, უძველესი ქართული სოფლები, კულტურული და არქეოლოგიური მემკვიდრეობა; გადაგვარდება რიონის, ენგურის, თერგისა და სხვა მდინარეთა ხეობები, განადგურდება აქ არსებული ბიოლოგიური და ლანდშაფტური მრავალფეროვნება; დიდი საფრთხის წინაშე აღმოჩნდება შავი ზღვის საქართველოს სანაპირო. ეს პროექტები კიდევ უფრო მეტად დააზიანებს ისედაც საგანგაშოდ დაზიანებულ სასიცოცხლო სივრცეს და დააჩქარებს ეკოლოგიურ კატასტროფას საქართველოში.

ლაშა ჩხარტიშვილი: "ამ პროექტის გახორციელება ნიშნავს საქართველოს ისტორიული მთიანეთის მნიშვნელოვანი ნაწილის დატბორვას. თუკი სააკაშვილის ეს ბარბაროსული გეგმა განხორციელდება, ამ მდგომარეობაში აღმოჩნდება სვანეთის ათობით სოფელი, ლეჩხუმის, რაჭის, მთიანი აჭარისა და იმერეთის ტერიტორიები. გარდა იმისა, რომ დაიტბორება ისტორიული ძეგლები, სასაფლაოები, საცხოვრებელი ადგილები და ადამიანები ლტოლვილები გახდებიან. დამატებით სხვა უფრო დიდი საფრთხეებიც არსებობს _ ჩვენ სეისმოლოგიურად აქტიურ ზონაში ვცხოვრობთ და ზედმეტი მასშტაბური რისკების შექმნა ყოვლად გაუმართლებელია. "დარიალის ჰესის“ მშენებლობა ხეობას და მის ეკოსისტემას გამოუსწორებელ ზიანს მიაყენებს. საუბარია დერივაციულ კაშხალზე. მისი კალაპოტის შეცვლასაც გეგმავენ. გვირაბში მოექცევა თერგის, დაახლოებით, რვაკილომეტრიანი მონაკვეთი. ეს იმას ნიშნავს, რომ თერგი აღარ გვექნება. თუ ჩვენ არ გვექნა არც თერგი, არც მტკვარი, სვანეთი, რაჭა, ადამიანების სიცოცხლე და ჯანმრთელობა, ბუნებრივია, აღარ გვექნება სამშობლო".

"გურია ნიუსმა" მოსალოდნელ ეკოლოგიურ კატასტროფებთან დაკავშირებით კომენტარის გაკეთება საქართველოს ენერგეტიკის მინისტრს, ალექსანდრე ხეთაგურს სთხოვა, რომელმაც საკმაოდ "შთამბეჭდავი" პასუხები გასცა ოპონენტებს:

_ "ენერგეტიკის სფეროში ახალი ჰიდროელექტროსადგურების მშენებლობა კვლავ უმნიშვნელოვანეს საკითხად რჩება. წელს უკვე, არსებულ მომენტამდე, დაწყებული გვაქვს 15 ახალი ელექტროსადგურის მშენებლობა და წლის ბოლომდე ამ რიცხვს კიდევ 10 ელექტროსადგური დაემატება. ეს არის, დაახლოებით, 2,5 მილიარდ დოლარზე მეტის ინვესტიცია და 13 000-ზე მეტი დასაქმებული.

_ ახალი ჰესების ინტენსიური მშენებლობა აისახება თუ არა ელექტროენერგიის საფასურზე, რა თქმა უნდა, შემცირების თვალსაზრისით?

_ ახალი ჰესების ინტენსიური მშენებლობა ელექტროენერგიის საფასურის შემცირების არანაირ გარანტიას არ იძლევა _ ფასს ბაზარი განსაზღვრავს. ჰიდროელექტროსადგურები ეტაპობრივად შევა ექსპლუატაციაში. უმთავრესად ეს არის ისევ და ისევ ქვეყნის გაზრდილი მოხმარების დაბალანსება იმისთვის, რომ ჩვენ აღარ დავბრუნდეთ იმ ძველ წარსულში, სადაც ვიყავით. თავისთავად ახალი ჰიდროელექტროსადგურებისა და გამომუშავებული ენერგიის ექსპორტიც გახორციელდება, რაც ისევ და ისევ ქვეყანაში სავალუტო შემოსავლებისა და ეკონომიკის ზრდის მყარი წინაპირობა იქნება.

_ ექსპერტები საუბრობენ იმაზე, რომ თქვენი ახალი პროექტი _ დიდი კაშხლების მშენებლობა, ეკოლოგიურ კატასტროფას გამოიწვევს და საკმაოდ მძიმე იქნება მოსახლეობისთვისაც.

_ გამორიცხულია. არანაირი ეკოლოგიური კატასტროფა არ იქნება და არც მოსახლეობას შეექმნება რაიმე საფრთხე.Oოპოზიციის ნაწილი სრულიად აბსურდულ შეფასებებს აკეთებს. ქვეყანა უნდა განვითარდეს და ამისთვის საჭიროა ელექტროენერგია. თუ ოპოზიციის ნაწილს ბნელ წარსულში უნდა დაბრუნება, შეუძლიათ, ჩააქრონ შუქები, აანთონ სანთლები და დასხდნენ სანთლის შუქზე, უპრობლემოდ, დღესაც. ამ რომანტიკაში თუ უნდათ დაბრუნება, დიდი სიამოვნებით. თუ არადა, ჩვენ ქვეყანას ვაშენებთ და ამ ქვეყნის განვითარებისთვის საჭიროა გაზრდილი მოხმარების ელექტროენერგიის დაბალანსებისთვის ელექტროენერგიის წარმოების ახალი ობიექტების გახსნა. ეს იქნება სწორედ ჰიდროელექტროსადგურები, რადგან ჩვენ არ გვაქვს ნავთობი და გაზი. სწორედ ამ ჰიდროელექტროსადგურების მშენებლობით უზრუნველვყოფთ ქვეყნის სტაბილურ განვითარებას და ეკონომიკის ზრდას. ეს თავისთავად გულისხმობს ახალ სამუშაო ადგილებსა და გაზრდილ ინვესტიციებს.

_ როგორც თქვენი ოპონენტები ამბობენ, ახალი ჰესების მშენებლობის შედეგად გამომუშავებული ელექტროენერგია ძირითადად, საექსპორტოდ იქნება გამოყენებული და სულაც არ არის გამიზნული შიდა მოხმარებისთვის.

_ ძირითადად, ეს არის განკუთვნილი ქვეყნის გაზრდილი ელექტროენერგიის მოხმარების დასაბალანსებლად. საჭიროა, ექსპერტებმა ერთხელ და სამუდამოდ ისწავლონ კითხვა და შეფასებების გაკეთება. უბრალოდ, დაფიქრდნენ და ნახონ მონაცემები, ბოლო წლებში რამდენით გაიზარდა ელექტროენერგიის მოხმარება ქვეყანაში. წლიური ზრდა შეადგენს 10%-ს და ჩვენ თუ არ უზრუნველვყოფთ ახალი ჰიდროელექტროსადგურების მშენებლობას, დაახლოებით, რამდენიმე წელიწადში ისევ იმ ბნელ წარსულში დავბრუნდებით, საიდანაც გამოვედით.




 ახალი ამბები
  • ეს ომი ტრაგედიაა - პრემიერი სოხუმის დაცემის დღესთან დაკავშრებითამ ომში გამარჯვებული არ არსებობს და ეს ომი ტრაგედიაა ჩვენთვის ყველასთვის - აფხაზებისთვისაც და ქართველებისთვისაც, - ამის შესახებ საქართელოს პრემიერ-მინისტრმა გიორგი გახარიამ, სოხუმის დაცემის დღესთან დაკავშრებით, ჟურნალისტებს განუცხადა. გიორგი გახარიამ დაღუპულ გმირთა მემორიალი გვირგვინით შეამკო. მთავრობის მეთაური გმირთა მოედანზე თბილისის მერთან და მთავრობის წევრებთან ერთად იმყოფებოდა.  „დღევანდელი დღე არის უმძიმესი ტკივილის დღე. ჩვენ ყველას კარგად გვესმის, რომ ეს უმძიმესი ტრაგედიაა ქართველებისთვის და აფხაზებისთვისაც. ამ ომში გამარჯვებული არ არსებობს და ეს ომი ტრაგედიაა ჩვენთვის ყველასთვის - აფხაზებისთვისაც და ქართველებისთვისაც. დღეს საქართველოს ტერიტორიების 20 პროცენტი ოკუპირებულია და შესაბამისად, ჩვენ ყოველდღიურად უნდა ვიშრომოთ იმისთვის, რომ ჩვენი შვილებისთვის, აფხაზებთან ერთად, აფხაზებმა, ქართველებმა, ჩვენ, ყველამ ერთად, ვიცხოვროთ ეკონომიკურად ძლიერ, სამართლიან, ევროპულ, განათლებულ სახელმწიფოში. ეს ჩვენი მოვალეობაა ჩვენი შვილების წინაშე და დარწმუნებული ვარ, ჩვენ ამას გავაკეთებთ", - განაცხადა გიორგი ... ...
  • გახარია - საკარანტინო სივრცეებში მდგომარეობას ვაკონტროლებთჩვენ საკარანტინო სივრცეებში მდგომარეობას ვაკონტროლებთ დეტალურად, - ამის შესახებ საქართველოს პრემიერ-მინისტრმა გიორგი გახარიამ ჟურნალისტის კითხვის პასუხად განაცხადა, რომელიც საკარანტინო სივრცეებში არსებულ მდგომარეობას შეეხებოდა. მთავრობის მეთაურმა აღნიშნა, რომ შესაძლოა, რაღაც გამონაკლისები იყოს, თუმცა რეაგირება არის მომენტალური და სწრაფი. „შეიძლება იქ რაღაც გამონაკლისები იყოს, მაგრამ რეაგირება არის მომენტალური და სწრაფი, ამიტომ რაღაც დიდი გადახრები ვერ იქნება,"- განაცხადა ... ...
  • საჭიროა წესების დაცვა და ვირუსთან თანაცხოვრების სწავლა - გახარიაპანდემია არჩევნებს ხელს ვერ შეუშლის, - ამის შესახებ პრემიერ-მინისტრმა გიორგი გახარიამ ჟურნალისტის კითხვის პასუხად განაცხადა - თუ რა კეთდება იმისთვის, რომ პანდემიამ ხელი არ შეუშალოს არჩევნების ჩატარებას. მთავრობის მეთაურის თქმით, დღეს განვითარებულ მსოფლიოში პირბადეზე, დისტანციასა და ჰიგიენის ელემენტარული ნორმების დაცვაზე უკეთესი პრევენცია ვირუსის გავრცელებისა ვერავინ მოიგონა, ამიტომ საჭიროა წესების დაცვა და ვირუსთან თანაცხოვრების სწავლა. „პანდემია არჩევნებს ხელს ვერ შეუშლის. ჩვენ ყოველთვის ვამბობდით, რომ მეორე ტალღა იქნება. ეს ხომ არ არის რაღაც სიახლე. ყოველთვის ვამბობდით, რომ მეორე ტალღა იქნება. ყოველთვის ვამბობდით, რომ ელემენტარული წესები უნდა დავიცვათ. მარტივი რამ მინდა გითხრათ - დღეს განვითარებულ მსოფლიოში ვერავინ პირბადეზე, დისტანციასა და ჰიგიენის ელემენტარული ნორმების დაცვაზე უკეთესი პრევენცია ვირუსის გავრცელებისა ვერ მოიგონა, ამიტომ ეს წესები უნდა დავიცვათ და მიუხედავად იმისა, რომ მოსალოდნელი იყო, ჩვენ ეს ვიცოდით, გეგმას მივყვებით, ინფიცირების რაოდენობის ზრდა გვაქვს და გვექნება კიდევაც, უნდა მივეჩვიოთ ვირუსთან თანაცხოვრებას, რასაც ვგეგმავდით და რასაც ყოველთვის ვამბობდით. მარტივია ინფექციის გაჩერება, მარტივად შეგვიძლია იგივე მკაცრი ზომების მიღება, საგანგებო მდგომარეობის გამოცხადება, კიდევ ბევრი რაღაცები, მაგრამ ჩვენ ხომ ეს არ გვინდა, ჩვენ გვინდა, რომ განათლება გაგრძელდეს, ეკონომიკა გაგრძელდეს, პოლიტიკური პროცესი გაგრძელდეს, ამიტომ უნდა დავიცვათ ელემენტარული წესები, არ არის ეს რთული. ვატაროთ პირბადე, დავიცვათ დისტანცია და ჰიგიენის ელემენტარული ნორმები. კიდევ ერთი რამ უნდა გავითვალისწინოთ, ჩვენ, სამწუხაროდ, ქვეყანაში გვყავს საკმაოდ დიდი რაოდენობა ქრონიკული დაავადებების მქონე ადამიანების, ეს უნდა გავითვალისწინოთ. ჩვენი ოჯახების სოციალური სტრუქტურა ისეა, რომ რამდენიმე თაობა ცხოვრობს ერთად და პირველ რიგში უნდა გავუფრთხილდეთ მაღალი რისკის მატარებელ სოციალურ ჯგუფებს, მოხუცებს, ქრონიკული დაავადებების მქონე ადამიანებს და აქ განსაკუთრებული ყურადღება უნდა გამოვიჩინოთ. უფრო მეტიც, ალბათ სწორია რეკომენდაცია, აჭარაში განსაკუთრებით, რომ ხანდაზმული ადამიანები დარჩნენ სახლში, ეს ძალიან სწორი რეკომენდაციაა,"- განაცხადა ... ...
  • პრემიერი: ვირუსის გავრცელების წინააღმდეგ სისტემური შეზღუდვები არ იგეგმებასასწავლო პროცესი განახლდება ზუსტად იმ რეჟიმში, როგორც გამოვაცხადეთ, - ამის შესახებ საქართელოს პრემიერ-მინისტრმა გიორგი გახარიამ, ჟურნალისტებს განუცხადა. მთავრობის მეთაურის თქმით, ვირუსის გავრცელების წინააღმდეგ შემდგომი ღონისძიებები იქნება მიზნობრივი და ლოკალური, სისტემური შეზღუდვები ამ ეტაპზე არ იგეგმება. „ნებისმიერი ჩვენი შემდგომი ღონისძება, ქმედება,  ვირუსის გავრცელების წინააღმდეგ იქნება მიზნობრივი და ლოკალური. სისტემური შეზღუდვები ამ ეტაპზე არ იგეგმება. კიდევ ერთხელ ვიმეორებ - ჩვენ მარტივად შეგვიძლია ამის გაკეთება, მაგრამ ამას მოჰყვება მძიმე სოციალური და ეკონომიკური შედეგები, ამიტომ, ნორმალური ცხოვრების პირობებში გავრცელება რომ იყოს შედარებით დაბალი, უნდა ვატარიოთ პირბადე, დავიცვათ დისტანცია და მარტივად - დავიბანოთ ხელი უფრო ხშირად", - განაცხადა გიორგი ... ...
  • გიორგი გახარია ზაზა გახელაძეზე - ჩართული გვყავს საერთაშორისო პარტნიორებიჩვენ ჩართული გვყავს ჩვენი საერთაშორისო პარტნიორები და ყველა მექანიზმი, რომელიც დღესმთავრობის ხელშია, - ამის შესახებ საქართველოს პრემიერ-მინისტრმა გიორგი გახარიამ, საოკუპაციო რეჟიმის მიერ დაკავებულ ზაზა გახელაძესთან დაკავშირებით განაცხადა. მთავრობის მეთაურის თქმით, ხელისუფლება აქტიურია ყველა მიმართულებით. „ხელისუფლება არის უაღრესად აქტიური ყველა მიმართულებით. ჩვენ ჩართული გვყავს ჩვენი საერთაშორისო პარტნიორები, ყველა მექანიზმი, რომელიც დღესმთავრობის ხელშია და ეტაპობრივად თითოეულ ჩვენს მოქალაქესთან მიმართებაში მიზანს მივაღწევთ", - განაცხადა გიორგი ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls