შედუღებული კარების გაღების შემდგომ გაკეთებული კომენტარები

პოლიტიკა

შედუღებული კარების გაღების შემდგომ გაკეთებული კომენტარები

2015 ოქტ 21 21:59:50

დღეს ლანჩხუთში "ერთიანი ნაციონალური მოძრაობის" ოფისთან განვითარებულ მოვლენებთან დაკავშირებით საკუთარი პოზიცია დააფიქსირეს პარტიის ადგილობრივი ორგანიზაციის თავმჯდომარემ კახა ასკურავამ და მისმა თანაპარტიელმა და საკრებულოს წევრმა გია გოგუაძემ, რომლებმაც მომხდარი ინცინდენტის შემდგომ მალევე მოახერხეს პარტიის ოფისის კარების გაღება და ჩვეულ რეჟიმში მუშაობის გაგრძელება.

ასკურავას თქმით,  იმ დროისთვის, როცა "ქართული ოცნების" აქტივისტები იკრიბებოდნენ, ის  სამტრედია - გრიგოლეთის მონაკვეთზე საავტომობილო გზის  მშენებლობასთან დაკავშირებით ადგილობრივი მოსახლეობის პრობლემების შესწავლის მიზნით  ლანჩხუთის საკრებულოში შექმნილი დროებითი სამუშაო ჯგუფის სხდომაზე იყო.

" ვაკეთებდი საქმეს ხალხის სასარგებლოდ, ვიცავდი იმ ადამიანების ინტერესებს, ვისაც მხოლოდ 3 ლარს აძლევენ  მიწის კომპენსაციისთვის. მართლაც დაკავებული ვიყავი საქმით, მაშინ როცა, "ქართული ოცნების" აქტივისტები  დაკავებულები იყვნენ იმით, რაც დღეს მთელმა საქართველომ იხილა. ესაა სხვაობა ჩვენსა და იმ ადამიანებს შორის, რომლებიც დღეს აქ იმყოფებოდნენ. ისინი საქმის კეთების ნაცვლად დაკავებულები არიან იმით, რომ როგორმე ხელისუფლება შეინარჩუნონ, მხოლოდ და მხოლოდ ესაა მათი ინტერესი და წამსვლელები არიან ყველაფერზე. თესავენ ქარს და მიიღებენ ქარიშხალს. ესაა აგონიაში ჩავარდნილი ადამიანების ქმედება. ყველა იყო საჯარო მოხელე, მათ ხალხის მხარდაჭერაც კი აღარ აქვთ". 

 გია გოგუაძემ დღეს ლანჩხუთში პარტიის ოფისთან განვითარებულ მოვლენებზე მთელი პასუხისმგებლობა მუნიციპალიტეტის გამგებელს ზაზა ურუშაძესა და საკრებულოს ხელმძღვანელობას დააკისრა.

 "როცა დავინახე, რომ ქალაქის ცენტრში შეკრება ხდებოდა, თანაც ყველა საჯარო მოხელე იყო, დავურეკე საკრებულოს თავმჯდომარეს, გოგი ხელაძეს და საქმის კურსში ჩავაყენე.  მითხრა, რომ თბილისში იმყოფებოდა და  სიტუაციას აუცილებლად გაარკვევდა. შემდეგ გამგებელსაც დავუკავშირდი, რომელმაც გაიკვირვა და თქვა, არაფერი  ვიციო. ასევე სატელეფონო საუბარი მქონდა საკრებულოს თავმჯდომარის მოადგილესთან გელა კილაძესთანაც. ბატონ გამგებელსაც და ბატონ კილაძესაც ვუთხარი, რომ შემდგომში განვითარებულ მოვლენებზე პასუხისმგებლობა მათ დაეკისრებოდათ. ამის მერე მოხდა ის, რომ გამგებელმა გამოგვიგზავნა მისი მოადგილე ნუგზარ ცინცაძე და პირადი მდივანი, რომელიც სურათებს გვიღებდა. ასევე იყვნენ ა(ა)იპ-ის ხელმძღვანელები და მათი მოადგილეები. ასევე საკრებულოს სოციალური კომისიის თავმჯდომარე, ქალბატონი ია ჩხაიძეც, რომელიც თანამოაზრეებს ეუბნებოდა, რომ დღეს ამ სიამოვნებას ვერ მიიკლებდა, ეს უნდა მენახა, ამ ხალხს კიდევ ხელისუფლებაში გონიათ თავი, ისეთი ბრძანებლური კილოთი გველაპარაკებიან საკრებულოშიო. აი, ეს გააკეთა დღეს საკრებულოს თავმჯდომარემ და მუნიციპალიტეტის გამგებელმა", -გაგვიცხადა გოგუაძემ.

აღნიშნულთან დაკავშირებით,  ჩვენ  მხოლოდ  ია ჩხაიძის  და  გოგი ხელაძის კომენტარი მოვიპოვეთ.

"ახლა ლანჩუთში არ ვიმყოფები, ჩემს მოვალეობას გელა კილაძე ასრულებს. როგორც კი ჩამოვალ, დეტალურად გავერკვევი სიტუაციაში", -გვითხრა ხელაძემ.   ია ჩხაიძის თქმით კი,  ის ღონისძიებაზე იმყოფებოდა და პასუხის გაცემა არ შეეძლო.

რაც შეეხება მუნიციპალიტეტის გამგებელს ზაზა ურუშაძესა და საკრებულოს თავმჯდომარის მოადგილეს გელა კილაძეს, მათ ჩვენს სატელეფონო ზარებს არ უპასუხეს.

შეგახსენებთ, რომ დღეს ლანჩხუთში  "ქართული ოცნების" აქტივისტებმა, რომელთა შორის მუნიციპალიტეტის გამგეობისა და სხვადასხვა ა(ა) იპ-ების თანამშრომლები ჭარბობდნენ და აქტიურობდნენ,  "ერთიანი ნაციონალური მოძრაობის" ოფისის შესასვლელი რკინის კარები შეადუღეს და აცხადებდნენ, რომ ლანჩხუთში ამ პარტიის ფუნქციონირება უნდა აიკრძალოს.

ჩვენ შემდგომშიც ვეცდებით ზაზა ურუშაძესთან დაკავშირებას და მის კომენტარს მომხდარ ინცინდენტთან დაკავშირებით, აუცილებლად შემოგთავაზებთ.




 ახალი ამბები
  • შშმ და მრავალშვილიან ვეტერანთა ოჯახებს პროდუქტები გადაეცათმიმდინარე წლის 7 აპრილს, ვეტერანების საქმეთა სახელმწიფო სამსახურის რეგიონული მართვის დეპარტამენტის შიდა ქართლის სამმართველოს წარმომადგენლებმა, შიდა ქართლის გუბერნატორის, გიორგი ხოჯევანიშვილის მხარდაჭერით, ადგილობრივ ომისა და თავდაცვის ძალების შშმ და მრავალშვილიანი ვეტერანების 50 ოჯახს საკვები პროდუქტები გადასცეს. COVID-19- ის პანდემიასთან დაკავშირებით, ჩვენს ქვეყანაში გამოცხადებული საგანგებო მდგომარეობის პირობებში, ვეტერანების საქმეთა სახელმწიფო სამსახური კვლავ გააგრძელებს უწყების ბენეფიციართათვის მთელი საქართველოს მასშტაბით დახმარების გაწევას. ვეტერანების საქმეთა სახელმწიფო სამსახური ვეტერანებს მიმართავს თხოვნით, გაითვალისწინონ ახალი კორონავირუსის გავრცელებისა და ეპიდემიის წინააღმდეგ მიმართული პრევენციული ღონისძიებების ფარგლებში, საქართველოს მთავრობის მიერ დადგენილი შეზღუდვები და უკიდურესი აუცილებლობის გარდა, მოერიდონ გარეთ გასვლას, საზოგადოებრივი თავშეყრის ადგილებს, რათა თავიდან ავირიდოთ, როგორც ჩვენი, ისე ჩვენს ირგვლივ მყოფ პირთა დასნებოვნება. გავუფრთხილდეთ ჩვენი და ერთმანეთის სიცოცხლეს! ... ...
  • გამყრელიძე: ეს თვე იქნება საკმაოდ რთული დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ვიდეო ბრიფინგი გამართა და კორონავირუსის გავრცელების პროგნოზზე ისაუბრა. როგორც გამყრელიძემ აღნიშნა, ქართველი სპეციალისტების პროგნოზი რეალობას გარკვეულად ემთხვევა. „მაგალითად, ჩვენ ვპროგნოზირებთ, რომ კვირის ბოლოს უნდა გვქონოდა 200 შემთხვევა. ანუ კვირა დღის ბოლოს გვქონდა 185, თუ არ ვცდები. ანუ რამოდენიმე ერთეულით შევცდით, მაგრამ ეს კარგია, რომ უფრო ნაკლები გვქონდა. ასევე ვპროგნოზირებთ, რომ ამ კვირის ბოლოს უნდა გვქონდეს სადღაც 350-დან 400-მდე. აი შემდგომი კვირები, და თქვენ კარგად გახსოვთ, რომ ჩვენს გამოსვლებში აღინიშნებოდა, რომ ეს თვე იქნება საკმაოდ რთული ჩვენთვის, მთლიანად აპრილი, და შემდეგ დაახლოებით ველოდებით, რომ შეიძლება იყოს გაორმაგება. ამიტომ, აპრილი - მაისის პირველი ორი კვირა იქნება რთული“, - განაცხადა გამყრელიძემ. ... ...
  • პატრიარქი: უნდა გვახსოვდეს, რომ ღმერთი მოწყალეა სრულიად საქართველოს კათოლიკოს-პატრიარქი, ილია მეორე მრევლს ხარების დღესასწაულს ულოცავს. „დღეს არის დიდი დღესასწაული - ხარებობა. გილოცავთ, სრულიად საქართველოს ვულოცავ ხარების დღესასწაულს, ვულოცავ უცხოეთში მცხოვრებ თანამემამულეებს, აფხაზეთის მოსახლეობას და სამაჩაბლოს მოსახლეობას. უფალმა ძალი ერსა თვისსა მოსცეს, უფალმან აკურთხოს ერი თვისი მშვიდობით. ძალა და მშვიდობა, როგორ სანატრელია ჩვენთვის. ჩვენ უნდა გვახსოვდეს, რომ ყველაფერი ღვთით არის, ღვთის ლოცვა-კურთხევით არის, უნდა ვიცოდეთ, რომ ძალა ღვთისა გამოვლინდება ყოველ ადამიანში, ყოველ ოჯახში, ყოველ სახელმწიფოში. ჩვენ უნდა ვიცოდეთ ისიც, რომ უღვთოდ არაფერი არ ხდება. ერთი მუშაკი მოსკოვის, კრემლის ეკითხება აკადემიკოს პავლოვს – ნუთუ თქვენ ასეთი დიდი მეცნიერი ბრძანდებით და მორწმუნე ხართო? პავლოვი იყო მღვდლის შვილი და მან უპასუხა – როცა ჩვენ ვსწავლობთ ადამიანის სისხლს, მორწმუნე კი არა წმინდანი შეიძლება, გახდეო. ეს უნდა გვახსოვდეს ჩვენ“, - განაცხადა პატრიარქმა. ილია მეორე აცხადებს, რომ რთული დრო გაივლის და ქვეყანაში მშვიდობა დაისადგურებს. „ჩვენ ვცხოვრობთ რთულ დროს, იმ დროს, როცა სხვადასხვა მოვლენები მოიცავს ადამიანებს, ჩვენ ხშირად ვერ ვაძლევთ პასუხს, რატომ ხდება ეს. ჩვენ უნდა გვახსოვდეს, რომ ყველაფერს ვერ ახსნის ადამიანი, მაგრამ ისიც უნდა გვახსოვდეს, რომ ღმერთი მოწყალეა და ყველაფერი ეს სიმძიმე გადაივლის და მშვიდობა დაისადგურებს. კიდევ ერთხელ ყველას გილოცავთ ამ დიდებულ დღესასწაულს. სიხარული მოგმადლოთ უფალმა. სიხარული არის შედეგი სიყვარულისა, ვისაც გააჩნია სიყვარული, იმას გააჩნია სიხარული. დალოცვილი იყავით, იხარეთ ორსავ სოფელსა შინა, ჩვენთან არს ღმერთი“, – განაცხადა პატრიარქმა. ... ...
  • ქუთაისში სწრაფი ჩარიცხვის აპარატი ურიკით მოიპარესკომენდანტის საათის დროს ქუთაისში სწრაფი ჩარიცხვის აპარატი ურიკით მოიპარეს. მომხდარის შესახებ ინფორმაციას „მთავარი არხი“ ავრცელებს. მაუწყებლის ცნობით, შემთხვევა ღამის 4 საათზე მოხდა. მაუწყებლის ინფორმაციით, დილით ობიექტზე მისულმა თანამშრომლებმა კამერის ჩანაწერები ნახეს, სადაც ჩანს, რომ რამდენიმე პირმა სწრაფი ჩარიცხვის აპარატი ურიკაზე დადო და რამდენიმე კილომეტრი ... ...
  • სოფელ ზოდში პოლიციის თანამშრომელი დააკავესდასავლეთ საქართველოს საოლქო პროკურატურის საგამოძიებო ნაწილისა და საქართველოს შინაგან საქმეთა სამინისტროს გენერალური ინსპექციის თანამშრომლებმა, სასამართლოს განჩინების საფუძველზე, სამსახურებრივი უფლებამოსილების ბოროტად გამოყენების ფაქტზე, პოლიციელი მ.ბ. დააკავეს. გამოძიებით დადგენილია, რომ საქართველოს შინაგან საქმეთა სამინისტროს ჭიათურის რაიონული სამმართველოს უბნის ინსპექტორ-გამომძიებელმა მ.ბ.-მ, ბოროტად გამოიყენა სამსახურებრივი უფლებამოსილება მის სამოქმედო ტერიტორიაზე, სოფელ ზოდში. მ.ბ.-ს ბრალდება საქართველოს სისხლის სამართლის კოდექსის 332-ე მუხლის პირველი ნაწილით, კანონით დადგენილ ვადებში წარედგინება, რაც სასჯელის სახედ და ზომად 3 წლამდე თავისუფლების აღკვეთას ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...