მისამართებსა და კომპეტენციაში არეულმა კონტროლის პალატამ, ებრალიძეს ახსნა-განმარტების ჩამორთმევაზე უარი უთხრა

პოლიტიკა

მისამართებსა და კომპეტენციაში არეულმა კონტროლის პალატამ, ებრალიძეს ახსნა-განმარტების ჩამორთმევაზე უარი უთხრა

2012 მარ 19 16:14:10
კონტროლის პალატის თბილისის ოფისში მისული "ქართული ოცნების" მხარდამჭერს, ლელა ებრალიძეს ახსნა-განმარტება არ ჩამოართვეს. ქეთევან წამებულის #96-ში დაბარებული ებრალიძე, ჩვენთან საუბრისას ამბობს, რომ ამის მიზეზად, კონტროლის პალატის თანამშრომლებმა კომპეტენტური პირის თბილისში არყოფნა და რეგისტრაციის ადგილის არასწორად მითითება დაუსახელეს.

"კონტროლის პალატაში წამომყვა ჩემი ადვოკატი, გედევან ფოფხაძე, მაგრამ ჭიშკართან გარკვეული ლოდინის შემდგომ გამოვიდა 2 ახალგაზრდა გოგონა და ამიხსნეს, რაღაც შეცდომაა მომხდარი, აქ არ უნდა დაებარებინეთ, რეგისტრაციის ადგილი არ გაქვთ თბილისიო. თუმცა, ისიც აღიარეს, რომ სამსახურის ძირითადი ნაწილი, ვისაც დაკითხვა და მიღება შეეძლო, რეგიონებში არიან გაკრეფილებიო. ვინმე ზაზა არ იმყოფებოდა ადგილზე _ ანუ რეალურად ხალხი არ ყოფნით იმ ფუნქციისათვის, რაც დაიმატეს.

გაირკვევა თქვენი რეგისტრაციის ადგილი, ამ საკითხში ჩვენ არ ვართ კომპეტენტურნი, ვისაც ეხება, დაბრუნდება და თუ საჭირო გახდა, გადაწყვეტენ, სად დაგიბარონ და საერთოდ დაგიბარონ თუ არაო, მითხრეს კონტროლის პალატაში", _ განაცხადა ლელა ებრალიძემ.

ბიზნესმენი ლელა ებრალიძე, ფოთში სასტუმროს აშენებს და "ქართული ოცნების" ფოთის ოფისის წარმომადგენლად მოიაზრება. კონტროლის პალატის უწყება, მასაც 12 მარტს, შეცდომით დედის სახლში, ფოთში მიუვიდა, თუმცა, თავად უკვე 10 წელია თბილისში ცხოვრობს და საქმიანობს: "ჩემი რეგისტრაციის ადგილი და საცხოვრებელი მისამართი თბილისია. შესაბამისად, ფოთში არც ჩავსულვარ, სხვა რომ არაფერი, ერთ დღეში ვერც მოვასწრებდი. მიუხედავად იმისა, რომ უწყებაზე მხოლოდ ინფორმაცია მქონდა და ოფიციალურად არ ჩამბარებია, თბილისშივე შევადგინე განცხადება და შევიტანე თბილისის კონტროლის პალატაში, პოლიტიკური პარტიების მონიტორინგის სამსახურის უფროსის სახელზე. ჩემს განცხადებაში მივწერე კონტროლის პალატას: მიუხედავად იმისა, რომ ბუნდოვანია, რა კანონდარღვევაზე მედავებიან და რა გახდა ჩემი გადაუდებელი გამოძახების მიზეზი, გამოვხატე მზადყოფნა, რომ მივიდოდი და ჩემს ხელთ არსებულ ნებისმიერ ინფორმაციას მივაწოდებდი. თუმცა, მოვითხოვე წინასწარ ეცნობებინათ, ადმინისტრაციული სამართლის რა მოთხოვნებთან მიმართებაში დადგა ჩემი ქმედება გონივრულ ეჭვს ქვეშ. ამ განცხადებაზე პასუხი არ მიმიღია," _ აცხადებს ებრალიძე.

მისივე განმარტებით, კონტროლის პალატისგან პასუხი არ მიუღია და მოგვიანებით, თბილისის მისამართზე, მას ახსნა-განმარტების მისაცემად ქეთევან წამებულის #96-ში მისვლის უწყება მიუტანეს.

"18 მარტს უკვე თბილისში დაახლოებით 3 საათისთვის თბილისის მისამართზე მოვიდა საქართველოს ფოსტის კურიერი, რომლისგანაც მივიღე იგივე შინაარსის უწყება, ამჯერად, თბილისში, ქეთევან წამებულის #96 ში გამოცხადების თაობაზე. ამის შემდგომ გავედი ბინიდან მეგობართან და დავბრუნდი გვიან ღამით. აღმოჩნდა, კურიერი რამდენჯერმე დაბრუნებულა, ითხოვდა პირველი უწყების დაბრუნებას და ახალი უწყების ჩაბარებას. აცხადებდა, რომ აუცილებლად დაერეკათ ჩემთვის და გადმოეცათ, რომ დავბრუნებულიყავი სახლში უწყების მისაღებად. რამდენიმეჯერ უთქვამს, ფოთში უნდა გამოცხადებულიყოო, ბოლო მოსვლაზე კი დაუბარებია, ზუგდიდში უნდა გამოცხადდეს, მგონიო. ისე, ცუდ დღეში კი ყოფილა, მუდმივად ვიღაც ურეკავდა ტელეფონზე და აშკარად აძლევდა დირექტივებს _ დაჟინებული თხოვდა ძველი უწყების დაბრუნებას და ახლის გადმოცემას. რამდენადაც მე ტელეფონი გამორთული მქონდა, მხოლოდ გვიან ღამით სახლში დაბრუნებულმა შევიტყვე ეს ამბავი", _ გვითხრა ლელა ებრალიძემ.




 ახალი ამბები
  • ვის დაუფინანსდება კომუნალური გადასახადები _ მთავრობის გადაწყვეტილებამთავრობამ მიიღო გადაწყვეტილება, საქართველოს თითოეულ მოქალაქეს, ყველას, ვინც თვის განმავლობაში მოიხმარს 200 კილოვატზე ნაკლებ ელექტროენერგიას და, ასევე, 200 კუბურ მეტრზე ნაკლებ ბუნებრივ აირს, სამი თვის განმავლობაში – მარტში, აპრილსა და მაისში სრულად დაუფინანსებს გადასახადებს, – ამის შესახებ საქართველოს პრემიერ-მინისტრმა გიორგი გახარიამ კორონავირუსთან დაკავშირებით მოქმედი უწყებათაშორისი საბჭოს სხდომაზე განაცხადა. როგორც მთავრობის მეთაურმა აღნიშნა, დაფინანსება აგრეთვე მოიცავს დასუფთავებისა და წყლის გადასახადსაც. „აქ შედის როგორც დასუფთავების, ასევე, წყლის გადასახადიც. ეს დახმარება არის პირდაპირ მიმართული თითოეულ მოქალაქეზე, რომელიც ჩვენ მთავრობის ფარგლებში მივიღეთ და გვესმის, რომ ეს არ იქნება საკმარისი. რა თქმა უნდა, გვესმის, რომ ჩვენ უნდა მოვახდინოთ თითოეული მოქალაქის იდენტიფიცირება, რომელმაც დაკარგა სამსახური და ამის შემდგომ ჩვენ გვექნება სპეციალური ღონისძიებები მათი პირდაპირი დახმარებისთვის,“- განაცხადა ... ...
  • ეკონომიკის პირდაპირი დახმარებისთვის 2 მილიარდი ლარი გამოიყომთავრობის გადაწყვეტილებით, ეკონომიკის პირდაპირი დახმარებისთვის 2 მილიარდი ლარი გამოიყო. ეკონომიკის მხარდაჭერის გეგმის ძირითად მიმართულებებზე პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე ისაუბრა. უშუალოდ კორონავირუსთან ბრძოლის ღონისძიებებისთვის კი, მთავრობის მეთაურის განცხადებით, კრიზისულ ბიუჯეტში 351 მილიონი ლარია ... ...
  • კახა კალაძე: ვთხოვ ჩვენს მამებს, მეუფეებს, მღვდელმთავრებს, გაძლიერებულად ილოცონ ჩვენთვის"მინდა ვთხოვო, ჩვენს მამებს, მეუფეებს, მღვდელმთავრებს, რომ მაქსიმალურად ყველაფერი გააკეთონ იმისთვის, რომ რაც შეიძლება გაძლიერებულად ილოცონ ჩვენთვის, _ ამის შესახებ თბილისის მერმა კახა კალაძემ რუსთავი 2-ის ეთერში განაცხადა. კალაძის თქმით, ქართული ეკლესია ძნელბედობის ჟამს ყოველთვის ქვეყნის სადარაჯოზე იდგა. მისივე განცხადებით, ახლა როგორც არასდროს გვჭირდება ერთიანობა. „ქართული სამოციქულო ეკლესია, ყოველთვის იდგა და დგას ქვეყნის ინტერესების მხარეს. მე კიდევ ერთხელ მინდა ვთხოვო, ჩვენს მამებს, მეუფეებს, მღვდელმთავრებს, რომ მაქსიმალურად ყველაფერი გააკეთონ იმისთვის, რომ რაც შეიძლება გაძლიერებულად ილოცონ ჩვენთვის, ჩვენი ქვეყნის მომავლისთვის და მრევლს მოუწოდონ, რომ მაქსიმალურად თავი შეიკავონ ქუჩაში გამოსვლისგან. დღეს, ისე როგორც არასდროს, გვჭირდება ერთიანობა. თუ ჩვენ გადავხედავთ ჩვენს ისტორიას, ეკლესია ძნელბედობის ჯამს ყოველთვის იდგა ქვეყნის სადარაჯოზე და მე დარწმუნებული ვარ, ეს ასე იქნება მომავალშიც“, - განაცხადა ... ...
  • საირმის საკარანტინო ზონა დღეს მოქალაქეთა მორიგმა ჯგუფმა დატოვაიმერეთში მდებარე საირმის საკარანტინო ზონა დღეს მოქალაქეთა მორიგმა ჯგუფმა დატოვა. სასტუმროს დატოვებამდე 34-ვე მათგანმა სამედიცინო შემოწმება გაიარა. მათი წასვლის შემდეგ კი საკარანტინო ზონის ტერიტორიაზე, ჯანდაცვის სამინისტროს რეკომენდაციების შესაბამისად, სრულფასოვანი სადეზინფექციო სამუშაოები ჩატარდა. სტუმრების საკარანტინო ზონიდან გაცილებას, დღეს DMO Imeret-ის ხელმძღვანელი ტატო ლილუაშვილი ხელმძღვანელობდა. მათი ტრანსპორტირება საკუთარ სახლებში ადგილობრივმა ხელისუფლებამ უზრუნველყო. საკარანტინო ზონები როგორც იმერეთში, ასევე საქართველოს სხვა მხარეებში ეკონომიკისა და მდგრადი განვითარების სამინისტროს სსიპ ტურიზმის ეროვნული ადმინისტრაციის ორგანიზებითაა მოწყობილი. საკარანტინო სივრცეებში არსებული განთავსების პირობები სრულ შესაბამისობაშია საერთაშორისო ჯანდაცვის ორგანიზაციისა და ეროვნული კანონმდებლობით გათვალისწინებულ ნორმებთან საკარანტინო სივრცეების მოწყობის ... ...
  • როგორ და სად უნდა გავიკეთოთ პირბადე _ თენგიზ ცერცვაძის განმარტებარა ტემპერატურაზე კვდება კორონავირუსი და ვინ და სად უნდა ატაროს პირბადე, - ამ კითხვებზე პასუხი თენგიზ ცერცვაძემ „ღამის კურიერის“ ეთერში გასცა. თბილისის ინფექციური საავადმყოფოს დირექტორმა განმარტა რამდენად არის შესაძლებელი კორონავირუსით დაავადება სურსთთან შეხებისას. „სურსათთან მიმართებაში შესაძლებელია თეორიულად, თუ მომხმარებელი მოვიდა მარკეტში და დააცემინა, დაახველა და ამოაფრქვია ეს შხეფები და ეს შხეფები მოხვდა სურსათზე. შესაძლებელია თეორიულად, მაგრამ ამის ალბათობა დიდი არ არის“, - აღნიშნა ცერცვაძემ. მისივე თქმით, კორონავირუსი +56 გრადუსზე 30 წუთს ძლებს, 70 გრადუსზე კი 5 წუთში იღუპება. ინფექციური საავადმყოფოს დირექტორმა პირბადეების გამოყენების წესებზეც ისაუბრა. „ცალსახად, ულაპარაკოდ უნდა ეკეთოს ინფიცირებულს, ავადმყოფს. ვინაიდან ის არის წყარო აი ამ ვირუსისა და ის ხველებისა და საუბრისას ამოაფრქვევს ვირუსის ნაწილაკებს და თუ პირბადე უკეთია, ეს პირბადე შეაკავებს ამ ნაწილაკების დიდ უმრავლესობას. მეორე. ასევე ცალსახად უნდა ეკეთოს სამედიცინო პერსონალს, ვინც ამ პაციენტს უვლის. ან ოჯახში პიროვნებას, ვინც ამ პაციენტს უვლის, არის მასთან ახლო კონტაქტში. მას უნდა ეკეთოს აუცილებლად. ექთანს, ექიმს, სანიტარს, მომვლელს. რაც შეეხება მოსახლეობას, ღია ჰაერზე, ქუჩებში არ უნდა ეკეთოთ, არავითარი აზრი არ აქვს. სადაც სოციალური დისტანცირების დაცვა შეიძლება, იქ არ უნდა ეკეთოს“, - ამბობს ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...