როგორ გადაარჩინა ფორუმელმა მერაბ აბაშიძემ "ქართული ოცნება"

პოლიტიკა

როგორ გადაარჩინა ფორუმელმა მერაბ აბაშიძემ "ქართული ოცნება"

2016 აპრ 26 19:40:36

 კოალიცია "ქართული ოცნების" დაშლა, რომელიც ჯერ კიდევ წელიწადნახევრის წინ "თავისუფალი დემოკრატების" გასვლით დაიწყო, დააგვირგვინა "ეროვნული ფორუმის" ხმამაღალმა განცხადებამ, რომ ისინიც მიდიან, თანაც "რესპუბლიკელებისგან' განსხვავებით, არც პოსტებს შეინარჩუნებენ, არც პორტფელებს და არც უმრავლესობაში დარჩებიან. ამ ფონზე, საკმაოდ მძიმე სიტუაციაში ხშირად ვარდებოდა აჭარის უმაღლესი საბჭოს უმრავლესობა, რომელიც, ჯერ კიდევ წლინახევრის წინ აღმოჩნდა უმცირესობაში და ნებისმიერი საკითხის გატანა "ოცნების" წევრ დეპუტატებს მკაცრი ორგანიზებით ან თხოვნით (გააჩნია, რომელიც გაჭრიდა) უხდებოდათ. "ფორუმელებმა" საპარლამენტო თანამდებობები დატოვეს  თუმცა, "ეროვნული ფორუმის" ერთადერთმა წარმომადგენელმა აჭარის უმაღლეს საბჭოში მერაბ აბაშიძემ, არ დატოვა არც თანამდებობა (აგრარული და თვითმმართველობის კომისიის თავმჯდომარე) და არც ფრაქცია. თანამდებობის არდატოვების მოტივად, მერაბ აბაშიძე ხელფასზე საკმაოდ სოლიდურ დანამატს, სამსახურებრივ ავტომანქანას კი არა, ქვეყნის გაჭირვებას ასახელებს და აცხადებს, რომ მისი წასვლით, აჭარის უმაღლესი საბჭოც და მთავრობაც უზარმაზარი საფრთხის წინაშე აღმოჩნდებოდა, ვინაიდან სწორედ ისაა მეცამეტე დეპუტატი, ხელს რომ შეუშლის  "რეაქციულ ძალებს" იმპიჩმენტი მოუწყონ მთავრობას ან მოინდომონ უმაღლესი საბჭოს დათხოვნა.

"მოგეხსენებათ, "ფორუმელი", რომელიც თავის დროზე სწორედ "ნაციონალური მოძრაობის" დასამარცხებლად გაერთიანდა კოალიციაში, ვერ დაუშვებს ასეთ უმსგავსოებას. წარმოიდგინეთ, ორი საჩოთირო მომენტის წინაშე აღმოვჩნდი. ერთი ეხებოდა პოსტს – აგრარულ და თვითმმართველობის კომისიის თავმჯდომარეობას, რომელიც გაუქმდებოდა ჩემი წასვლით, რადგან ამ ადგილზე დასანიშნად "ოცნებას" არ ჰყავს კადრი. თანაც ჩემი ფრაქციიდან გასვლით იხეირებდნენ რეაქციული ძალები. ჩვენი და "ართული ოცნების" გზები გაიყარა, მის ოპოზიციაში ჩავდექით, მაგრამ ჩემი ქვეყნის ოპოზიცია კი არ გავმხდარვარ! ზემოთ ხსენებული კომისიის გაუქმებით პრობლემები შეექმნებოდა სოფლის მეურნეობაში მოქმედ პროგრამების რეალიზაციას. შეიქმნებოდა კრიზისი. თუ გახსოვთ, 4 აპრილს, "ეროვნული ფორუმის" კოალიციიდან გასვლაზე გაკეთებულ განცხადებაში კახაბერ შარტავამ აღნიშნა, "ჩვენი წასვლით, თვითმმართველობებში არ შევქმნით კრიზისსო," _ ამბობს "გურია ნიუსთან" საუბარში აბაშიძე.

მერაბ აბაშიძემ, იმისათვის, რომ "ოცნებას" კრიზისი არ შექმნოდა ("ფორუმელების" პოლიტსაბჭოსგან ნებართვის შემდეგ) გადაწყვიტა, ფრაქცია "ქართული ოცნება-თავისუფლება" არ დაეტოვებინა, თუმცა მოითხოვა მისთვის სახელწოდება შეეცვალათ და მხოლოდ "თავისუფლება" დაერქვათ. ამაზე, ცხადია, უარი ვერ უთხრეს ისედაც უმცირესობაში აღმოჩენილმა "ქართული ოცნების" წევრებმა და ბატონი მერაბი დარჩა საკუთარ პოსტზე. ასევე არ დატოვეს უმრავლესობა შუახევისა და ქედის მუნიციპალიტეტების საკრებულოში მოქმედმა ორ-ორმა "ფორუმელმა" დეპუტატმა. ისინიც მხოლოდ და მხოლოდ ლიდერთა ნებართვით დარჩნენ პოსტებზე.

მერაბ აბაშიძის განმარტებით, "2017 წელს უნდა მოხდეს თვითმმართველობის არჩევნები, მანამდე მათი უმრავლესობიდან გასვლა დესტაბილიზაციას გამოიწვევდა, რასაც ვერანაირად ვერ დავუშვებდით. მეც და "ეროვნული ფორუმიც" ხომ ყოველთვის სტაბილურობის არა მარტო მომხრე, არამედ გარანტიც ვიყავით და ვართ". კითხვაზე, თუ არ სურდათ დესტაბილიზაცია, მაშინ "რესპუბლიკური პარტიის" მსგავსად, მხოლოდ არჩევნებზე ცალკე გასვლა დაეანონსებინათ, აბაშიძე ამბობს: "გუბაზ სანიკიძემ რომ დატოვა პოსტი, ამით კრიზისი არ შექმნილა; რაც შეეხება ჩვენს ფრაქციას პარლამენტში, მას თუ ადრე ერქვა "ქართული ოცნება-ეროვნული ფორუმი", ახლა ეწოდება მხოლოდ "ეროვნული ფორუმი". ასე რომ, აქაც არავინ დაგვიზარალებია. მოგეხსენებათ, მინისტრის პორტფელები ისედაც არ გვქონდა..."




 ახალი ამბები
  • ბლოკირება ცდება მშვიდობიანი მანიფესტაციის ფარგლებს - თალაკვაძე პარლამენტის თავმჯდომარე მიმდინარე მოვლენებზე პასუხისმგებლობას ოპოზიციას აკისრებს. არჩილ თალაკვაძემ ოპოზიცია დესტრუქციულ ქმედებებში კიდევ ერთხელ დაადანაშაულა. "პოლიტიკოსების გარკვეული ნაწილი ცდილობს მაქსიმალური დესტრუქციით და ისტერიული აქტივობებით, მოხვდნენ ყურადღების ცენტრში და როგორმე თავისი თავი მიჰყიდონ საზოგადოებას, რომ მათ ვინმე პოლიტიკური მიზნებით უპირისპირდება. მოვუწოდებ, ოპოზიციის იმ დესტრუქციულ ნაწილს, რომლის მთავარი პროგრამაც არის, რომ როგორმე სახელმწიფო ინსტიტუტების ბლოკირება გაიმეორონ ხშირად. ვერანაირი ბლოკირება ვერ მოხდება, ეს ცდება მშვიდობიანი მანიფესტაციის ფარგლებს და სახელმწიფოს ამაზე მომავალშიც ექნება რეაქცია,"- განაცხადა არჩილ თალაკვაძემ. შეგახსენებთ, თბილისში და საქართველოს რეგიონებში "დაბოქლომების" აქციები ტარდება, ოპოზიცია და აქტივისტები მაჟორიტარი დეპუტატების ბიუროებს და სახელისუფლებო შენობებს ბოქლომებს ადებენ, რაც იმის სიმბოლოა, რომ ხელისუფლება რომელიც ხალხის ნებას არ ასრულებს, გაუქმებული და ... ...
  • "დაბოქლომებას როგორ დავანებებდით?! მათთვის მქონდა სიმბოლური ცოცხები და ბოქლომები!“ოზურგეთში, არჩილ თალაკვაძის ბიუროსთან განვითარებული მოვლენების შემდეგ, ბიუროს ხელმძღვანელმა, ლაშა ჭელიძემ „გურია ნიუსთან“ ასეთი კომენტარი  გააკეთა: _  დაბოქლომებას  როგორ დავანებებდით?! მათთვის მქონდა სიმბოლური ცოცხები და ბოქლომები, რომ გადამეცა.  მათ შევახსენებ  წარსულს, რომ წორედ ცოცხები და ბოქლომია მათი სიმბოლო. ვუთხარი კიდეც მათ წარმომადგენელეს, ლევან ჩხაიძეს, _   თქვა ... ...
  • "ჩვენ დავბრუნდებით!“ _ ოზურგეთის ადმინისტრაციულ შენობაში ხელმძღვანელი პირები არ იმყოფებიანოზურგეთის მუნიციპალიტეტის მერიის შენობის შესასვლელთან სამართალდამცავები ამ დრომდე იმყოფებიან. აქციის დასრულების შემდეგ, პოლიციელები იმ ადგილს იცავენ, სადაც ოზურგეთის მუნიციპალიტეტის მერი უნდა შევიდეს. ამ ფოტოების გადაღების დროს შენობაში არც მერი კონსტანტინე შარაშენიძე, არც გურიის გუბერნატორი ზურაბ ნასარაია და არც ოზურგეთის მუნიციპალიტეტის საკრებულოს თავმჯდომარე დავით დარჩია არ იმყოფებოდნენ. როგორც აქციის მონაწილეებმა დაანონსეს, ისინი აუცილებლად დაბრუნდებიან და ბოქლომს მაინც დაადებენ მაჟორიტარის ბიუროს ... ...
  • კლინიკის დირექტორი: "პაციენტი მიოკარდიუმის მწვავე ინფარქტით შემოიყვანეს _ დაშავებული არ შემოსულა!“მედიით გავრცელებული ინფორმაცია იმის შესახებ, რომ არჩილ თალაკვაძის ბიუროსთან მოქალაქე დაშავდა, არ დასტურდება. აქციის შემდეგ, „ევროპული საქართველოს“ წევრი, ჯაბა ღლონტი „მედალფას კლინიკაში“ გულის შეტევით მიიყვანეს. _ ჩვენთან შემოვიდა მიოკარდიუმის მწვავე შეტევით. გამოძახებულია რეანომობილი ბათუმიდან. დაშავებული არ შემოსულა. ვიზუალური ნიშნებით არაფერი არ ეტყობა, _ თქვა „გურია ნიუსთან“ კლინიკა „მედალფას“ ოზურგეთის ცენტრის დირექტორმა დათო ... ...
  • აჭარის უმაღლეს საბჭოს ბოქლომი დაადეს„ნაციონალური მოძრაობის“ წარმომადგენლებმა აჭარის უმაღლესი საბჭოს ღობეზე სიმბოლურად ბოქლომი ჩამოკიდეს. ამის შესახებ საქართველოს პირველი არხის ჟურნალისტი ადგილიდან იუწყება. თავდაპირველად ისინი ბოქლომის ჭიშკარზე დამაგრებას გეგმავდნენ, თუმცა მმართველი პარტიის მხარდამჭერებმა და სამართალდამცველებმა მათ ჭიშკართან მიახლოების საშუალება არ მისცეს. „ეს არის სიმბოლური, ჩვენ გვინდა მშვიდობიანი აქცია, მაგრამ ივანიშვილმა მოგვიგზავნა „ტიტუშკები“. ეს ვერ შეგვაშინებს, „ქართული ოცნება“ დამთავრდა“ , – აღნიშნა გიორგი კირთაძემ, რომელმაც ბოქლომი ღობეზე ჩამოკიდა. აქციის მონაწილეები უმაღლესი საბჭოს დეპუტატის, ელგუჯა ბაგრატიონის დაკავებას აპროტესტებენ. აჭარის უმაღლეს საბჭოსთან აქცია უკვე დასრულდა. აქციის მონაწილეები ტერიტორიას ტოვებენ. წყარო: ... ...

არქივი

ზაფრანი

საჭმელი, რომელიც კიბოს აჩქარებს

გამოცემა Sciencealert - ის ცნობით,...

რა სასმელი უნდა დალიოთ რომ დიდხანს იცოცხლოთ?

ესპანეთში ჩატარებული გამოკვლევების შედეგად, რომელიც...

როგორ მოქმედებს ორგანიზმზე კომბოსტოს ფოთოლი

კომბოსტო ერთ-ერთი ყველაზე სასარგებლო პროდუქტია....

შეიძლება თუ არა ვარჯიში, როცა გაციებული ხართ

თუ რეგულარულად ვარჯიშობთ, ალბათ, თქვენთვის...

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

დარწმუნებული ხართ თუ არა, რომ სასმელად ვარგის წყალს მოიხმართ?