ცხრას მინუს ექვსი _ ექვსმა კანდიდატმა დებატებზე უარი თქვა

პოლიტიკა

ცხრას მინუს ექვსი _ ექვსმა კანდიდატმა დებატებზე უარი თქვა

2016 ოქტ 6 15:05:58

"გურია ნიუსისა" და არასამთავრობო ორგანიზაცია "POST ალიონის" ერთობლივი პროექტის _ "მონოლოგიდან _ დიალოგამდე", ფარგლებში, არჩევნებამდე ზუსტად 4 დღით ადრე, სტუდიაში ოზურგეთის ოლქში რეგისტრირებული კანდიდატები მათ მხარდამჭერებთან ერთად მოვიწვიეთ და დიალოგის ფორმატში შევეცადეთ, კანდიდატები ამომრჩევლებისთვის უკეთ გაგვეცნო.
თუმცა, ოლქში რეგისტრირებული 9 კანდიდატიდან სტუდიაში მხოლოდ 3 კანდიდატი მოვიდა. მიუხედავად ამისა, დავით მამალაძეს ("ლეიბორისტული პარტია"), არჩილ თალაკვაძეს ("ქართული ოცნება") და გოჩა ძიმისტარაშვილს (დამოუკიდებელი კანდიდატი) შორის საინტერესო დებატები გაიმართა.

კანდიდატებმა საუბარი საკუთარი თავის და პარტიის წარდგენით, რიგითობის მიხედვით დაიწყეს.

დავით მამალაძე: _ "ლეიბორისტულ პარტიას" დაჟინებული მოთხოვნა გვქონდა, რომ მაჟორიტარული სისტემა გაუქმებულიყო. ეს სისტემა არის თაღლითობა, რადგან მაჟორიტარებს პიროვნულად ირჩევენ. თქვენ იცით, რომ სახელმწიფოს თვალკუთხედი არის პოლიტიკური პარტიების თანაარსებობა და ამ პოლიტიკურ პარტიებს ადამიანები უნდა ირჩევდნენ იდეოლოგიით, მსოფმხედველობით და ა.შ. სამწუხაროდ, ეს არ გაითვალისწინა ხელისუფლებამ და ისევ დატოვა მაჟორიტარული სისტემა იმის გარანტად, რომ შეინარჩუნონ ძალაუფლება. ამის გამო მე, დავით მამალაძე, იძულებული ვარ, არჩევნებში წარვდგე დეპუტატობის მაჟორიტარ კანდიდატად.

ჩვენ პარტიის შექმნის დღიდან ვებრძვით იმ ოლიგარქიულ მართველობას, მილიონერთა და მილიარდელთა კასტას, რომელმაც 90-იანი წლებიდან მოყოლებული დღემდე, უკანონოდ მიითვისეს  ჩვენი მშობლების, ჩვენი წინაპრების მიერ ათწლეულების მანძილზე შეგროვებული ინტელექტუალური და მატერიალური დოვლათი. მინდა მოვუწოდო მოსახლეობას, რომ ეს მტარვალი მილიონერები და მილიარდერები მოგვაცილონ ხელისუფლებიდან. ქვეყანაში, რაც შეიძლება, ბევრი მილიონერი უნდა იყოს, მაგრამ არც ერთი მილიონერი არ უნდა იყოს პოლიტიკაში.

არჩილ თალაკვაძე: _ პირველ რიგში, უნდა ვთქვა, რომ ჩვენ მოვახერხეთ დემოკრატიული, თავისუფალი და თანასწორი გარემოს შექმნა არჩევნებისთვის. დღეს ყველა პარტიას, ყველა კანდიდატს აქვს შესაძლებლობა, გასწიოს წინასაარჩევნო კამპანია იმავე პირობებში, როგორშიც სახელისუფლებო პარტიამ. ჩვენ ვართ ის გუნდი, რომელმაც მოახერხა ქვეყნის მართვა შიშის, ტერორის და ძალადობის გარეშე 4 წლის განმავლობაში. ჩვენ ვართ ძალა, რომელმაც ვალების ეკონომიკა გადართო ინვესტიციების ეკონომიკაზე და რომელმაც სახელმწიფო ინსტიტუტები, მათ შორის, ჯანდაცვის და სოციალური სისტემები, ჩააყენა ხალხის სამსახურში და რეალური ძალაუფლება დაუბრუნა ხალხს. რაც შეეხება შემდეგ 4 წელიწადს _ იმის საფუძველზე, როცა ჩვენ შევძელით ეკონომიკური საკითხებს მეტ-ნაკლებად მოწესრიგება, სოციალური სისტემის მოგვარება, მზად ვართ, გადავიდეთ ძალიან სწრაფ ეკონომიკურ განვითარებაზე _ ეს არის ჩვენი ძირითადი პრიორიტეტი შემდეგი 4 წლის განმავლობაში. ამიტომ, მთელი ჩვენი პროგრამა, ძირითადად, ორიენტირებულია იმაზე, რომ ჩვენ შევქმნით ორასი ათას ახალ სამუშაო ადგილს, ორიენტირებულია იმაზე, რომ ჯანდაცვის საყოველთაო პროგრამას კიდევ უფრო განვავითარებთ _ მედიკამენტები გახდება კიდევ უფრო ხელმისაწვდომი მოსახლეობისთვის; ჩვენ გავაგრძელებთ აქტიურ მხარდაჭერას სოფლის მეურნეობის სექტორში, რათა უფრო მეტი ფერმერი, უფრო მეტი ადამიანი და მეტი ოჯახი ჩაერთოს დოვლათის შექმნის პროცესში და მეტი კეთილდღეობა შევიდეს მოსახლეობის ოჯახებში.

გოჩა ძიმისტარაშვილი: _ ოზურგეთელები ძალიან კარგად მიცნობენ. 2002 წლიდან განსაკუთრებით აქტიურად ჩავები პოლიტიკაში და "ნაციონალური მოძრაობის" მოსვლის დღიდანვე აქტიურ ოპონირებას ვუწევდი ამ მოძრაობას. მინდა ვუთხრა მოსახლეობას, რომ 2012 წლიდან დავაფუძნე "პატრიოტთა ალიანსი" გურიის რეგიონში. მოგეხსენებათ, ეს იყო ისეთი ძალა, რომელიც ყველაზე მეტ ოპონირებას უწევდა "ნაციონალურ მოძრაობას" და ძალიან სერიოზული შედეგი დავდეთ ადგილობრივი თვითმმართველობის არჩევნებში ჩემი ხელმძღვანელობით. მე და ჩემს გუნდს ოზურგეთის მოსახლეობამ დაგვიჯერა, რადგან წესიერი ადამიანები ვიყავით. თუმცა, შემდგომ ჩვენი გზები გაიყარა, რადგან დავით თარხან-მოურავმა და ირმა ინაშვილმა ბეგლარ სიორიძის მხარდაჭერა მომთხოვეს. ეს არ მინდოდა, რადგან ჩემ მოსახლეობას, ჩემს ამომრჩევლებს ვერ შევაფურთხებდი თვალებში, რადგან ამირჩიეს, როგორც ოპოზიციის ლიდერი და არა როგორც "ქართული ოცნების" მხარდამჭერი. შესაბამისად, დღეს ვარ დამოუკიდებელი კანდიდატი და ვაგრძელებ ბრძოლას გამარჯვებისთვის.

საკუთარი თავის პრეზენტაციის შემდეგ კანდიდატებმა ერთმანეთს შეკითხვები დაუსვეს. დავით მამალაძე დაინტერესდა, იღებდა თუ არა პასუხისმგებლობას არჩილ თალაკვაძე იმ დანაშაულებზე, რომლებიც 90-იანი წლებიდან მოყოლებული ხდება:

_ თქვენი პოლიტიკური გუნდის ხელმძღვანელია ვინმე გიორგი კვირიკაშვილი, რომელიც, როგორც ოფიციალურად არის დადასტურებული, ანაბრების ქურდია. ჩემზე კარგად მოგეხსენებათ, რომ სისხლის სამართლის კოდექსი იცნობს თანამონაწილეობის მცნებას. თქვენ შეიძლება ახალი ხართ ამ ორგანიზაციაში, არ გქონდეთ ამ ხალხთან საქმიანი ურთიერთობა, მაგრამ თუ გრძნობთ სინდისის ქენჯნას იმის გამო, რომ ამ პოლიტიკური გუნდის წევრი ხართ და თუ ხართ თანამონაწილე იმ დიდი დანაშაულების, რომელიც 90-იანი წლებიდან დღემდე მიმდინარეობს საქართველოში? _ მიმართა მამალაძემ თალაკვაძეს.

არჩილი თალაკვაძე: _ მგონი, ქრონოლოგიასთან დაკავშირებით ჩემს ოპონენტს პრობლემები აქვს, რადგან 2012 წლიდან ვართ ხელისუფლებაში და არა 90-იანი წლებიდან. რაც შეეხება ბატონ კვირიკაშვილს, როცა საუბრობდით, მე შემოგხედეთ რამდენიმეჯერ და თვალებში გეწერათ, რომ თქვენც ძალიან მოგწონთ კვირიკაშვილი და რომ არ იყოთ იმ პარტიის წარმომადგენელი, რომელისაც ხართ, აუცილებლად მას დაუჭერდით მხარს. ეს არის ადამიანი, რომელიც ასპროცენტიანი პოზიტივის მატარებელია. მისი შეცდომის ვერც ერთ მაგალითს ვერ მოიყვანთ. რაც შეეხება პასუხისმგებლობას, თუ შეიძლება გაიხსენეთ, რომ 4 წელია აღმასრულებელი ხელისუფლების წევრი ვარ, პოლიტიკური თანამდებობები მეკავა. ამიტომ, პოლიტიკური პასუხისმგებლობას არ გავურბივარ და ის, რომ არჩევნებში ვმონაწილეობ, იმის დასტურია, რომ მომავალზე ვიღებ პასუხისმგებლობას, _ აღნიშნა თალაკვაძემ და შეკითხვა მამალაძეს დაუბრუნა:
_ მაინტერესებს თქვენი სამომავლო ხედვა ქვეყნის განვითარებასთან დაკავშირებით _ რა რეფორმების და რა პროექტების გატარებას გეგმავთ? იქნებ, კონკრეტული რიცხვები და მაჩვენებლები გვითხრათ, რას პირდებით ხალხს?
_ იკითხა თალაკვაძემ.

დავით მამალაძე: _ ჩვენი სამომავლო გეგმა არის ის, რომ მტარვალ ოლიგარქებს ჩამოვართვათ და ჩამოვაცილოთ სახელისუფლებო ბერკეტები. იყვნენ ბიზნესში, შექმნან სამუშაო ადგილები, გადაიხადონ გადასახადები და ადროვონ პოლიტიკოსებს, _ განაცხადა მამალაძემ.

გოჩა ძიმისტარაშვილმა კითხვა არჩილ თალაკვაძეს დაუსვა:

_ ინფორმაცია მომაწოდეს, რომ მხარის გუბერნატორმა შეკრიბა პოლიციის სამმართველოს უფროსები. როგორც ვიცი, თქვენც ესწრებოდით ამ შეხვედრას. ეს ინფორმაცია მართალია თუ ტყუილი?

არჩილ თალაკვაძე: _ ტყუილია.

გოჩა ძიმისტარაშვილის განცხადებით, ის, არჩევნებში აუცილებლად გაიმარჯვებს:

_ მე ვაძლევ პირობას "ქართულ ოცნებას", რომ ჩემი მცირე ძალებით დავამარცხებ ბატონ არჩილ თალაკვაძეს და არ გამოვიყენებ არანაირ ადმინისტრაციული და ფინანსურ რესურსს, არც ტყუილებს დავიწყებ. ოზურგეთელები გააკეთებენ სწორ არჩევანს, _ აღნიშნა ძიმისტარაშვილმა.

დავით მამალაძის თქმით, ის არავის არ ეჯიბრება და გამარჯვებაში დარწმუნებულია:

_ ჩვენი დევიზია _ ან ჩვენ, ან არავინ! აუცილებლად გავიმარჯვებთ და ქართველ ხალხს გავათავისუფლებთ ამ სექტებისგან, _ განაცხადა მამალაძემ, რომელმაც "ქართული ოცნება" ბარდღუნიებს შეადარა, ხოლო შალვა ნათელაშვილი _ დათა თუთაშხიას.

ოპონენტებთან დებატებისას არჩილ თალაკვაძეს საკუთარ შანსებზე არ უსაუბრია და მხოლოდ ის აღნიშნა, "ქართულმა ოცნებამ" 4 წლის მანძილზე შექმნა 56 000 ახალი სამუშაო ადგილი; კერძო სექტორში მოხერხდა 33%-ზე მეტი უცხოური ინვესტიციების მოზიდვა; 1 მილიარდის ინვესტირება გახორციელდა სოფლის მეურნეობაში; შეიქმნა საყოველთაო ჯანდაცვის სისტემა და ეს და სხვა პროექტები მომავალშიც გაგრძელდება.

გადაცემის მეორე ბლოკში კანდიდატებს შეკითხვები დარბაზის სტუმრებმა დაუსვეს და პასუხებიც მიიღეს, რომლის სრულად ნახვა შეგიძლიათ აქ.




 ახალი ამბები
  • "ერთიანი ნაციონალური მოძრაობა" "ძალა ერთობაშიას" ნაცვლად _ ფრაქციამ სახელი შეიცვალადღეს, ლანჩხუთის მუნიციპალიტეტის საკრებულოს ფრაქციამ ,,ძალა ერთობაშია“ სხდომა გამართა და საკრებულოს რეგლამენტის შესაბამისად, ფრაქციის წესდებაში ცვლილება შეიტანა. ფრაქციამ ,,ძალა ერთობაშია“ სახელი შეიცვალა და ,,ერთიანი ნაციონალური მოძრაობა“-დ დარეგისტრირდა. უცვლელი რჩება შემადგენლობა, თუმცა, თავმჯდომარე ლელა ჩახვაძე ... ...
  • ელიზაბეთ რუდი: ჩვენი ერთგულება საქართველოს მიმართ მომავალშიც გაგრძელდება„აშშ ამაყობს, რომ საქართველო მნიშვნელოვანი პარტნიორია“, - თავდაცვის სამინისტროს ინფორმაციით, ამის შესახებ აშშ-ის ელჩის მოვალეობის შემსრულებელმა ელიზაბეთ რუდმა წეროვანში, სამხედრო მოსამსახურეთა ახალი სარეაბილიტაციო ცენტრის გახსნის ცერემონიაზე განაცხადა. სიტყვით გამოსვლისას რუდმა თქვა, რომ ამერიკა ქართველ პარტნიორებთან ერთად მხარდამხარ ბრძოლას განაგრძობს. „ჩვენი ერთგულება საქართველოს მიმართ მომავალშიც გაგრძელდება“, - აღნიშნა ამერიკელმა დიპლომატმა. ელიზაბეთ რუდმა მსოფლიოს მშვიდობის საქმეში საქართველოს წვლილი აღნიშნა და ქართველ სამხედრო მოსამსახურეებს მადლობა გადაუხადა. „ახალი ცენტრი საქართველოს დაშავებულ მებრძოლთა შესახებ პროგრამების ახალი დასაწყისია. ეს კომფორტული, თანამედროვე და უსაფრთხო რეაბილიტაციის ცენტრი უფრო მეტ დაშავებული მებრძოლისა და მათი ოჯახის წევრებისთვის მაღალი დონის კომპლექსურ მომსახურებას უზრუნველყოფს. ჩვენ თავად ვიხილეთ ქართველი ჯარისკაცების სიმამაცე და სანდოობა ბრძოლის ველზე. ეს გახლავთ შთამბეჭდავი მაგალითი საქართველოს ერთგულების, მშვიდობისა და უსაფრთხოების მიმართ როგორც ქვეყნის შიგნით, ასევე მის ფარგლებს გარეთ. ვალში ვართ მათ წინაშე, ვინც უდიდესი მსხვერპლი გაიღო და ვალში ვართ ჩვენი დაშავებული მეომრებისა და მათი ოჯახების წინაშე“, - განაცხადა საქართველოში აშშ-ის ელჩის მოვალეობის ... ...
  • ჯანდაცვის მინისტრი:ექთნებისთვის ცალსახად არ შეიძლება მოხდეს სახელფასო ანაზღაურების შემცირება„ექთნებისთვის ცალსახად არ შეიძლება მოხდეს სახელფასო ანაზღაურების შემცირება“- ასე გამოეხმაურა ჯანდაცვის მინისტრი ექთნებისთვის ხელფასის შემცირებასთან დაკავშირებით გავრცელებულ ინფორმაციას. მინისტრის თქმით, სელექტიური კონტრაქტირება, რომელიც კლინიკებთან მოხდება ეყრდნობა იმ საერთაშორისო ნორმატივებს, რომელიც ითვალისწინებს გარკვეული პერსონალის, აუცილებელ აღრიცხვას საავადმყოფოებში. „შესაბამისად მინდა მივცე რეკომენდაცია ყველა დაწესებულებას, ნუ შეეცდებიან თავიანთი ხარჯების ოპტიმიზაციას სამედიცინო პერსონალის ხარჯზე. არაერთხელ აღვნიშნეთ, რომ 520 დადგენილება, მოიცავს სახელფასო ანაზღაურების სრულიად იმ ციფრებს და მასშტაბებს, რომელიც იყო 520-ე დადგენილებამდე. ჩვენ მკაცრად დავიცავთ ექიმების და ექთნების ინტერესებს“, - განაცხადა ეკატერინე ... ...
  • რა ეტაპზეა გამოძიება მსაჯის გარდაცვალების ფაქტთან დაკავშირებით, რომელიც თოკზე ჩამოკიდებული იპოვესლანჩხუთელი მსაჯის, ილო ტუღუშის გარდაცვალების ფაქტთან დაკავშირებით პასუხგაუცემელი კითხვები საზოგადოებაში, უპირველესად კი გარდაცვლილის ოჯახში, დროში გაწელილი საგამოძიებო პროცესის გამო დღემდე არსებობს. მკითხველს შევახსენებთ, რომ ეროვნული ჩემპიონატის  33 წლის მსაჯი ილო ტუღუში 2017 წლის დეკემბერში, მალთაყვის ტყეში იპოვეს გარდაცვლილი _ იგი ხეზე იყო ჩამოკიდებული, იქვე იყო მისი კუთვნილი ავტომობილიც. მომხდარ ფაქტთან დაკავშირებით მაშინ გამოძიება ფოთის პოლიციამ სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. თუმცა, თვითმკვლელობის ფაქტს იმთავითვე გამორიცხავდნენ გარდაცვლილი მსაჯის ოჯახის წევრები და ეჭვს გამოთქვამდნენ, რომ იგი მოკლეს. ოჯახი მომხდარს ჩაწყობილ საფეხბურთო თამაშებს უკავშირებდა და ამბობდა, რომ ილო ტუღუშს სიკვდილამდე ერთი დღით ადრე სახლში მიაკითხეს და მისგან ფულს ითხოვდნენ. გარდაცვლილის ოჯახის წევრები კონკრეტულ პირებსაც ასახელებდნენ და ამბობდნენ, რომ ამ დაძაბული შეხვედრის მიზეზი სწორედ გარიგებული საფეხბურთო თამაშები იყო. "ჩემი ქმარი  თავს არ მოიკლავდა. სახლში იყვნენ მოსულები და დამემუქრნენ. ერთმა მითხრა, მე ხვალ მივფრინავ, მაგრამ ძმაკაცებს ვტოვებ და ისინი მიხედავენ შენს ქმარსო. ის ერთი _ ირაკლი ბახტაძე უბრალოდახლდა . ბათუმელები იყვნენ შავი "მერსედესით". მეორე ჩხაიძეა, ლანჩხუთელი", _ ამბობდა გარდაცვლილის მეუღლე ეკა ტუღუში, რომლის ინფორმაციითაც,  საუბარი იყო 5 000 ლარზე, რომელიც, სავარაუდოდ, ილო ტუღუშს უკან უნდა დაებრუნებინა, თუმცა, ვერ შეძლო. ეკა ტუღუში მაშინ იმასაც ამბობდა, რომ მისი მეუღლის მანქანა გატეხილი იყო. რა ხდება  გარდაცვლილი მსაჯის საქმესთან დაკავშირებით და რა ეტაპზეა ახლა გამოძიება, ამის გასარკვევად "გურია ნიუსი"  გარდაცვლილის მეუღლეს, ეკა ტუღუშს დაუკავშირდა. მასთან საუბრისას გაირკვა, რომ გამოძიების მიმდინარეობასთან დაკავშირებით, გარდაცვლილი მსაჯის ოჯახი არანაირ ინფორმაციას არ ფლობს და შესაბამისად, არც არაფრის თქმა შეუძლიათ: "ერთი წელია, რაც არ დამირეკავს და არ მომიკითხავს ამბავი. შეგნებულად არ ვრეკავ _ ყოველი დარეკვისას ნერვების მოშლის მეტი არაფერი გამოდის. არანაირი ინფორმაცია არ მაქვს, რა ხდება და როგორაა საქმე. ადრეც ყოველთვის მე ვრეკავდი თავად, გამოძიებიდან არასდროს შემხმიანებია ვინმე. აქეთ დარეკვის მაგივრად, სულ მე უნდა ვურეკო მაგათ?! არ უნდათ და არ იძიებენ საქმეს. აბა, სხვა რა უნდა ვთქვა?! ყველას ღმერთი დასჯის. მეტს ვერაფერს გეტყვით", _ გვითხრა სატელეფონო საუბრისას  გარდაცვლილი ილო ტუღუშის მეუღლემ.  ეკა ტუღუშის თქმით,  მისი მეუღლის გარდაცვალების საქმის გამოძიებას  გამომძიებელი გრიგოლ თოფურია აწარმოებს. "გურია ნიუსიც", შესაბამისად, საქმესთან დაკავშირებით მეტი  ინფორმაციის მისაღებად  გამომძიებელ თოფურიას დაუკავშირდა, რომელმაც პირდაპირ, ყოველგვარი კომენტარის  გარეშე შინაგან საქმეთა სამინისტროს პრესსამსახურთან გადაგვამისამართა _ "მიმართეთ შსს-ს პრესსამსახურს", _ გვითხრა გრიგოლ თოფურიამ. აღნიშნული უწყების პრესსამსახურში კი გვითხრეს, რომ 33 წლის ლანჩხუთელი მსაჯის გარდაცვალების საქმეზე გამოძიებას პროკურატურა აწარმოებს. ჩვენ, რა თქმა უნდა, პროკურატურასაც დავუკავშირდით, თუმცა, იქედან ისევ შინაგან საქმეთა სამინისტროში გადაგვამისამართეს იმ განმარტებით, რომ 2017 წლის დეკემბერში, მალთაყვის ტყეში მომხდარ ფაქტთან დაკავშირებით გამოძიებას სწორედ შინაგან საქმეთა სამინისტრო აწარმოებს. შინაგან საქმეთა სამინისტროში უკან მობრუნებულებს კი უწყების პრესსამსახურის სამეგრელოს ზონის კურატორმა გვითხრა, რომ ჩვენ მიერ დასახელებული საქმის გამომძიებელი გრიგოლ თოფურია პროკურატურის დაქვემდებრებაში მუშაობს და ეს გაუგებრობაც  ამიტომ მოხდა. საბოლოოდ, ძალოვანი უწყებიდან მხოლოდ მშრალი ინფორმაცია მივიღეთ, რომ ეროვნული ჩემპიონატის  33 წლის ლანჩხუთელი მსაჯის გარდაცვალების საქმეზე გამოძიება გარდა თვითმკვლელობამდე მიყვანის მუხლისა, საქმეში გამოვლენილი ახალი გარემოებებიდან გამომდინარე, სისხლის სამართლის კოდექსის 203- მუხლითაც მიმდინარეობს, რაც პროფესიული სპორტული შეჯიბრის მონაწილის ან ორგანიზაციის მოსყიდვას გულისხმობს და გამოძიებას ამ ეტაპზე სამეგრელო-ზემო სვანეთის სამხარეო პოლიცია აწარმოებს. როგორც თავშივე აღვნიშნეთ, გარდაცვლილის ოჯახი მომხდარს იმთავითვე ჩაწყობილ საფეხბურთო თამაშებს უკავშირებდა. თუმცა,  ოჯახისგან განსხვავებით, ფეხბურთის ფედერაციის მსაჯთა კომიტეტში გამორიცხავდნენ, რომ ტუღუშის გარდაცვალება გარიგებულ თამაშებთან იყო კავშირში. ამგვარ  კავშირს ლანჩხუთის "გურიას" ხელმძღვანელობაც ... ...
  • "სახელმწიფო წარმოუდგენლად ულმობელია ჩვენ მიმართ!"ოზურგეთში მცხოვრები ცოლ-ქმარი _ აზა ჩაფიძე და გოგი კიღურაძე, საკუთარი სახლის ავარიული მდგომარეობის გამო, სადაც ცხოვრება არ შეიძლებოდა, ცხრა წლის წინ, სოფელ ლიხაურში გადავიდნენ საცხოვრებლად. იქ მათ სახლის მეპატრონემ პირველი სართული დაუთმო საცხოვრებლად. მეორე სართული კი დღემდე დაკეტილია და როცა ზაფხულობით დედაქალაქიდან სოფელში ჩადიან, თავად სარგებლობენ. როგორც აზა ჩაფიძე გვიამბობს, მათი გასაჭირი სათავეს შორიდან იღებს და ამის გამო ყოველთვის ჰქონდათ სოციალური დახმარება. მაშინაც კი, როცა საცხოვრებლად ლიხაურში გადავიდნენ. თუმცა, სამი წლის წინ, მოულოდნელად დახმარება შეუწყვიტეს. _ ეზოში ამ ოჯახის მფლობელის ძველი "ჟიგული" იდგა, დაჟანგული და გაოხრებული. თავიდან არ მიუჩნევიათ ეს პრობლემად. მერე კი ამიხირდნენ, შენიაო. ამიტომ მოგვივიდა 80 ათასი ქულა. მივდექ-მოვდექი, მაგრამ ვერაფერს გავხდი. სასწაული ის არის, რომ გაზი ჩვენ არ გვაქვს და მაცივარი, მხოლოდ ერთი პატარა "პლიტა" გაგვაჩნია. შეშის ღუმელით ვთბებით. დახეულ-დაგლეჯილი ლინოლეუმითაა მოფენილი ცემენტის იატაკი. თხილი კი არის ამ საკარმიდამოში, მაგრამ მიაქვს პატრონს. სახლში უსასყიდლოდ შემოგვიშვა და ახლა მოსავალსაც მე ხომ არ მაჩუქებს?! მანქანებიც ჰყავთ, შემოსავალიც აქვთ, საკუთარ სახლშიც ცხოვრობენ და დახმარებასაც იღებენ. ცოტაა ასეთი? გამოდის, რაც უფრო გაჭირვებული ხარ, მით უფრო სასტიკი ხდებიან. სახელმწიფო ულმობელია ჩვენ მიმართ _ ამას სხვა არაფერი ჰქვია! _ გვეუბნება აზა ჩაფიძე.  აზა ჩაფიძეს და გოგი კიღურაძეს ერთი შვილი ჰყავთ, რომელიც ხარაგაულშია გათხოვილი. იგი, ორი მცირეწლოვანი შვილით, თავადაც ხელმოკლედ ცხოვრობს და არათუ მშობლების დახმარება, საკუთარი თავის რჩენაც უჭირს. _ როცა სტუმრად ჩამოდიან შვილი და შვილიშვილები, ღამის გასათევად ჩემს ძმასთან ვგზავნი. აქ მხოლოდ ორი ოთახია, რითაც ვსარგებლობთ. ისიც ისე მოუხერხებელია, ბავშვებს კი არა, დიდებს გვიჭირს ყოფნა. სამუშაო რომ იყოს, მაგათ შევეხვეწები?! დღიურად სამუშაო თუ გამოჩნდება, კი დავდივართ, მაგრამ სისტემატურად არ არის. ათასში ერთხელ რომ 30 ლარს აიღებ, რამდენს უნდა ამყოფინო? _ გვიამბობს ქალბატონი აზა და იხსენებს, როგორ გამოესარჩლნენ მეზობლები, როცა სოციალურმა აგენტმა ოჯახის მფლობელის უვარგისი, მდგომარეობიდან გამოსული "ჟიგული", კიღურაძეების საკუთრებად ჩათვალა და დეკლარაციაში შეიტანა. _ არავის დაუჯერეს, თქვენიაო, _ გვიმტკიცებდა აგენტი. აშკარა იყო, გეგმა ჰქონდა შესასრულებელი, რომ დახმარებები გაეუქმებინა და ჩვენ ყველაზე დაუცველი საკბილო გვანახა, _ ამბობს ის. სოციალური მომსახურების სააგენტოს გურიის რეგიონული ცენტრის უფროსი თეა ლომჯარია, "გურია ნიუსთან" საუბარში ამბობს, რომ კიღურაძეების ოჯახის ინტერესი არავის აქვს: _ აგენტები საფუძვლიანად ამოწმებენ სოციალურად დაუცველის მდგომარეობას და მის დახმარებას ცდილობენ. აზა ჩაფიძეს უნდა გაეკეთებინა სოფლის გამგებელთან ცნობა, რომ ეს მანქანა მისი არ არის. ამ მომენტისთვის, ქულის მინიჭებიდან ერთი წელი არ არის გასული. მათ მინიჭებული აქვთ 175 ათასი ქულა. ამიტომ უნდა წარმოადგინონ ცნობა, რადგან დეკლარაციაში ეს მანქანა მათ საკუთრებად არის მინიშნებული. ინფორმაცია მეზობლებისგანაც არის აღებული. უბრალოდ და ზერელედ არ ხდება დეკლარაციის შევსება. ჩვენ მას აუცილებლად დავეხმარებით, როცა სათანადოდ ექნება ეს ყოველივე მოწესრიგებული, _ ამბობს თეა ლომჯარია. _ რომელ მანქანაზეა საუბარი, ჯართზე, რომელიც ჩვენი არასდროს ყოფილა? ვინ თქვა, რომელმა მეზობელმა, რომ ჩვენია? პირიქით, აგენტთან გვიცავდნენ მეზობლები. ჩემს მეუღლეს მართვის მოწმობაც არასდროს ჰქონია, არც საჭესთან მჯდარა არასოდეს! ამას არ იტყვიან ახლა, ვერ გავამხელთო კონფიდენციალურიაო, მოგვიშორებენ. მათი მოგონილია და იმიტომ, თორემ ხვალვე წამოვალ სააგენტოში, თქვენთან ერთად. რა უნდოდა მაგის გაგებას, რომ ჩვენი არ იყო? სხვის სახლში ვართ შეხიზნული. მაშინ ისიც დაამტკიცონ, რომ ეს სახლი ჩვენია და ვიტყუებით. როგორც ის მანქანაა ჩვენი, ისეა ეს სახლიც ჩვენი. ესეც ჩაეწერათ ბარემ დეკლარაციაში. თუ ყოველგვარი საბუთის გარეშე მანქანაზე ამტკიცებენ, რომ ჩვენია, მაშინ ამ სახლზეც ემტკიცებინათ _ რა განსხვავებაა?! ასეთი უგულობა საიდან მოდის?! მანქანა რომ ჰყავს და დახმარებაც აქვს, ასეთი საკმაოდ ჰყავთ _ ეს ჩემზე უკეთ არ იციან? კარგი დასაჩაგრი გვნახეს და სადღაც გეგმის შესრულება ჩაეწერა მაგათ... თავს ვერ ვირჩენთ, მანქანას კი არა. მართლა რომ გვყავდეს, დღესვე გავყიდით, _ ტირილით გვითხრა აზა ჩაფიძემ. "გურია ნიუსი" ყველა დეტალს, რაც კიღურაძეების ოჯახისთვის სოციალური დახმარების დანიშვნას, მანამდე კი დეკლარაციის შევსებას შეეხება, თვალს ... ...

არქივი

ზაფრანი

მეცნიერები ვარაუდობენ, რომ კიბო, შესაძლოა, გადამდები იყოს

ვებგვერდ wize.life-ზე გამოქვეყნებული ინფორმაციის მიხედვით...

მიწაზე მიყინული კნუტები კაცმა ყავით გადაარჩინა

BBC-ის ინფორმაციით, მიწაზე მიყინული კნუტები...

სასარგებლო რჩევები ცნობილი ქალებისგან

ანჯელინა ჯოლი ზოგჯერ, როცა თავის...

ბიონსეს სილამაზის საიდუმლო

მართალია მომღერალი ვეგეტარიანელი არაა, მაგრამ...

ცნობილი ვარსკვლავების ყოველდღიური დილის რეჟიმი

ჯენიფერ ენისტონი ჯენიფერ ენისტონის დილა...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...