8 ოქტომბერი და მაჟორიტარი ქალები "გურია ნიუსის" ობიექტივში

პოლიტიკა

8 ოქტომბერი და მაჟორიტარი ქალები "გურია ნიუსის" ობიექტივში

2016 ოქტ 17 19:37:56

8 ოქტომბრის საპარლამენტო არჩევნების ოფიციალური მონაცემები ჯერ არ გამოქვეყნებულა, თუმცა, წინასწარი შედეგების თანახმად, პარლამენტში სამი პარტია მოხვდა _ "ქართული ოცნება", "ნაციონალური მოძრაობა" და "პატრიოტთა ალიანსი". ამავე მონაცემებით, საქართველოს 50 მაჟორიტარულ ოლქში დეპუტატის გამოსავლენად მეორე ტური უნდა ჩატარდეს. მათ შორის ჩოხატაურისა და ლანჩხუთის საარჩევნო ოლქში, სადაც ერთმანეთს "ქართული ოცნების" კანდიდატი ნინო წილოსანი და დამოუკიდებელი კანდიდატი აკაკი ჩხაიძე დაუპირისპირდებიან.

8 ოქტომბერმა გურიაში ხმაურის გარეშე, მშვიდ ვითარებაში ჩაიარა რასაც არჩევნების დღეს ჩვენს მიერ ჩატარებული გამოკითხვა მოწმობს _ ამომრჩევლების თქმით, საარჩევნო პროცესი ზეწოლის და დაშინების გარეშე მიმდინარეობდა.

"გურია ნიუსისა" და არასამთავრობო ორგანიზაცია "Post ალიონის" ერთობლივი პროექტის ფარგლებში მომზადებული გადაცემაში "მონოლოგიდან დიალოგამდე" , ჩვენი კორესპონდენტები დაინტერესდნენ ოზურგეთის, ჩოხატაურის და ლანჩხუთის საოლქო საარჩევნო კომისიების თავმჯდომარეების შეფასებებით.

ლანჩხუთის საოლქო საარჩევნო კომისიის თავმჯდომარის თამარ ბისიეშვილის თქმით, 8 ოქტომბრის არჩევნებმა მშვიდ და წყნარ ვითარებაში ჩაიარა:

_ კენჭისყრის დღეს საოლქო საარჩევნო კომისიაში 16 საჩივარი შემოვიდა. საჩივრების უმეტესობა შეეხება პროცედურულ დარღვევებს. ყველა მათგანზე მივიღეთ გადაწყვეტილება _ 16 საჩივრიდან სრულად მხოლოდ ერთი დაკმაყოფილდა; 4 არის ნაწილობრივ დაკმაყოფილებული; ორს გაეცა შესაბამისი წერილობითი პასუხი, ხოლო დანარჩენი არ დაკმაყოფილდა, _ აღნიშნა ბისიეშვილმა, რომლის თქმით, სერიოზულ დარღვევებს ადგილი არ ჰქონია.

ჩოხატაურის საოლქო საარჩევნო კომისიის თავმჯდომარის, თემურ კუტუბიძის თქმით, ჩოხატაურში არჩევნები ძალიან მაღალ დონეზე ჩატარდა:

_ ჩვენ ვიყავით დამხმარე ოლქი _ ძირითადი ლანჩხუთის #61 ოლქი იყო. ძალიან ბევრი ფიზიკური სამუშაო იყო, რასაც ოლქის წევრებმა თავი ბრწყინვალედ გაართვეს. არჩევნების დღეს სულ 2 საჩივარი შემოვიდა. ზოგადად კი, არჩევნების დღემ ჩვენს რაიონში ძალიან მშვიდად ჩაიარა. ეს შედეგზეც აისახა _ გვაქვს მეორე ტური. ვეცდებით მეორე ტურიც ასევე მშვიდობიანად ჩავატაროთ. ათი წელია ოლქის თავმჯდომარე ვარ და მინდა ჩემი ოლქი ერთ-ერთი პირველი იყოს საქართველოში, _ თქვა კუტუბიძემ.

ოზურგეთის საოლქო საარჩევნო კომისიის თავმჯდომარის ზვიად თენიეშვილის შეფასებით, არჩევნები მშვიდ ვითარებაში ჩატარდა #59-ე მაჟორიტარულ ოლქშიც:

_ ოლქში 32 საჩივარი შემოვიდა, რომლის უმეტესობა პროცედურულ დარღვევებს ეხებოდა, რაც შედეგზე გავლენას ვერ იქონიებს. საერთო ჯამში, არჩევნები დადებითად შეგვიძლია შევაფასოთ, _ გვითხრა თენიეშვილმა.

8 ოქტომბრის საპარლამენტო არჩევნებში ოზურგეთის საარჩევნო ოლქში 9 კანდიდატი იყო დარეგისტრირებული. აქედან მხოლოდ ერთი იყო ქალი. რაც შეეხება ჩოხატაურისა და ლანჩხუთის გაერთიანებულ საარჩევნო ოლქს, დარეგისტრირებული 11 კანდიდატიდან 4 ქალი იყო.

როგორი იყო საარჩევნო მარათონი, გაუჭირდათ თუ არა კამპანიის ჩატარება ქალ კანდიდატებს და როგორ აფასებენ არჩევნებს. _ ამ თემით ჩვენი კორესპონდენტები ჟანა მეგრელიშვილი და სოფო წილოსანი დაინტერესდნენ.

ნინო გოგუაძე, "რესპუბლიკური" პარტიის მაჟორიტარი დეპუტატობის კანდიდატი ოზურგეთში:

_ წინა საპარლამენტო არჩევნებისგან განსხვავებით, 8 ოქტომბრის არჩევნები უფრო მშვიდ და თავისუფალ გარემოში ჩატარდა. თუმცა, დავდექით იმ რეალობის წინაშე, რაზეც "რესპუბლიკელები" აფრთხილებდნენ ამომრჩეველს _ მივიღეთ ორპარტიული პარლამენტი. "ფსევდოპატრიოტების" 6 დეპუტატიც ვერაფერს ვერ გადაწყვეტს. რაც შეეხება ჩემი, როგორც ქალი კანდიდატის წინასაარჩევნო კამპანიას, არანაირი ხელისშეშლა არ ყოფილა და ჩემზე არ ზეწოლა გახორციელებულა. თუმცა, როგორც ჩანს, ზოგადად ქალი კანდიდატი, რომელიც წარმოადგენს ლიბერალურ პარტიას, მიუღებელი აღმოჩნდა ჩვენი გარემოსთვის. თუმცა, დრო წინ გვაქვს და აუცილებლად უნდა მივიტანოთ ჩვენი სათქმელი მოსახლეობამდე. ის რეალობა, რაც გვიდგას, 4 წლის შემდეგ აუცილებლად უნდა შეიცვალოს. ბევრი სამუშაოა პიროვნულ თავისუფლებებზე _ მენტალურ გათავისუფლებას ვგულისხმობ, რადგან პოსტსაბჭოური ელემენტები არც თუ ისე სახარბიელოა ჩვენი ქვეყნის წინსვლისთვის.

გურანდა მანაგაძე, "პატრიოტთა ალიანსის" კანდიდატი ჩოხატაურისა და ლანჩხუთის საარჩევნო ოლქში:

_ ძალიან ინტენსიური და საინტერესო კამპანია ჩავატარეთ. მაქსიმალური გავაკეთეთ, რაც ჩვენზე იყო დამოკიდებული _ სააგიტაციო კუთხით, მოსახლეობასთან შეხვედრის სიმრავლით. პრობლემები ნამდვილად არ გვქონია და მთელი შემართებით ვმუშაობდით. ერთადერთი პრობლემა, რაზეც მუდმივად ვლაპარაკობდი, სახელისუფლებო კანდიდატის კამპანიაში ადმინისტრაციული რესურსის გამოყენება იყო. ამის შესახებ მხოლოდ მე არ ვსაუბრობდი _ ამაზე აქცენტს აკეთებდა ყველა ოპოზიციური პარტიის და დამოუკიდებელი კანდიდატებიც. საერთაშორისო დამკვირვებლებიც აღნიშნავდნენ თავიანთ ანგარიშებში, თუმცა, ამაზე არავითარი რეაგირება არ მოუხდენია ხელისუფლებას. შესაბამისად, არ იყო თანაბარი საარჩევნო პირობები _ როცა მინისტრები დაყვებიან კანდიდატს, როცა მათ გვერდით უდგათ სახელისუფლებო ძალა, დგება ის შედეგი რაც დადგა, _ აღნიშნა მანაგაძემ და მისი პარტიის პარლამენტში შესვლაზეც გააკეთა კომენტარი:

_ ამას შესვლა არ ქვია _ ეს არის ცრემლნარევი სიხარული. მინიმუმ, 13-პროცენტამდე გვქონდა სინამდვილეში ხმები, მაგრამ ასე მოხდა და დამერწმუნეთ, რაც ახლა გააკეთა სახელისუფლებო პარტიამ, ეს კარგად არც ქართველ ხალხს მოუბრუნდება და არც დემოკრატიას. ჩვენ ჩვენი ძალებით ვერაფერს გავხდებით და "ქართული ოცნება" შესანიშნავად განახორციელებს გეგმას _ მოირგებენ საკუთარ თავზე კონსტიტუციას, ისე, როგორც ეს თავის დროზე მოახერხა მიხეილ სააკაშვილმა, _ თქვა მანაგაძემ.

თამარ ჟღენტი, მაჟორიტარობის კანდიდატი პარტიიდან "პროგრესულ დემოკრატიული მოძრაობა:

_ ჩვენი პარტია მხოლოდ სამი თვეა, რაც ჩამოყალიბდა და ვფიქრობთ, რომ ხმების ის რაოდენობა, რაც ამ მცირე დროის მანძილზე შექმნილმა პარტიამ მიიღო, დამაკმაყოფილებელია. მინდა აღვნიშნო, რომ არჩევნები მიმდინარეობდა ნამდვილად მშვიდ, დემოკრატიულ, გარემოში. არც მე და არც ჩემი პარტიიდან წარდგენილ კომისიის არც ერთ წევრს და დამკვირვებელს არჩევნების მიმდინარეობისას დარღვევა არ დაგვიფიქსირებია და აქედან გამომდინარე, არ გვქონია საჩივრის დაწერის საბაბი. ჩვენ მივესალმებით ყველა გამარჯვებულს და ჩვენი პარტია მზადაა მათთან თანამშრომლობისთვის, რომ შევძლოთ შემდგომ არჩევნებში ღირსეულად წავრდგეთ ამომრჩევლის წინაშე.

ნინო წილოსანი, "ქართული ოცნების" კანდიდატი ლანჩხუთისა და ჩოხატაურის საარჩევნო ოლქში:

_ საერთაშორისო საზოგადოებამ ძალიან მაღალი შეფასება მისცა 2016 წლის 8 ოქტომბრის საპარლამენტო არჩევნებს. არამარტო საქართველოს ისტორიაში, არამედ მთლიანად პოსტსაბჭოთა ქვეყნების ისტორიაში თითოეულმა ჩვენთაგანმა დავინახეთ, რამდენად დემოკრატიულად ჩატარდა ეს არჩევნები ყოველგვარი აკრძალული ილეთების გარეშე. ჩემი, როგორც ქალი მაჟორიტარი კანდიდატის პოზიცია არის ის, რომ ყველაფერმა კარგად ჩაიარა, წინასაარჩევნო კამპანია სიმშვიდეში მიმდინარეობდა. არანაირი ხელისშეშლა, როგორც ქალ მაჟორიტარს არ შემქმნია. დარწმუნებული ვიყავი და დავინახე კიდევაც, რომ ჩვენი ამომრჩეველი ძალიან შეგნებული და მაღალგანვითარებულია.აღსანიშნავია, რომ მხოლოდ ჩოხატაურის საარჩევნო ოლქში არჩევნებში მონაწილეობა 12 554 ამომრჩეველმა მიიღო. აქედან 6150 ამომრჩეველი ქალი გახლდათ, 6419 ამომრჩეველი კი კაცი. იყვნენ თუ არა ქალები აქტიურები წინასაარჩევნო კამპანიის დროს, რა პრობლემები გამოიკვეთა ამ კუთხით და მოხერხდა თუ არა მონოლოგიდან დიალოგის რეჟიმში გადასვლა _ ამ თემებზე ჩვენი პროექტის ავტორმა, არასამთავრობო ორგანიზაცია "Post ალიონის" ხელმძღვანელმა და მედიასახლ "გურია ნიუსის" დამფუძნებელმა ია მამალაძემ გადაცემის ბოლო ბლოკში ვრცლად ისაუბრა, რომლის ნახვაც შეგიძლიათ აქ.




 ახალი ამბები
  • ავტოსაგზაო შემთხვევა ზუგდიდში - არის დაშავებულიზუგდიდის ცენტრში  ავტოსაგზაო შემთხვევა მოხდა. თვითმხილველების ინფორმაციით, ერთმანეთს მსუბუქი და სატვირთო ავტომობილები შეეჯახნენ. ავარიის შედეგად ახალგზარდა ქალი დაშავდა, რომელიც მსუბუქ ავტომობილს მართავდა. ავტოსაგზაო შემთხვევის შედეგად დაშავებული ამ დროისთვის ზუგდიდის რეფერალურ  ჰოსპიტალშია გადაყვანილი. მედიკოსების შეფასებით, პაციენტის სოცოცხლეს საფრთხე არ ემუქრება. რა გახდა ავტოსაგზაო შემთხევის მიზეზი, ჯერჯერობით, უცნობია.   შინაგან საქმეთა სამინისტრომ მომხდარ ფაქტზე გამოძიება სსკ-ის 276-ე მუხლით ... ...
  • სამტრედიელი გოგონა მოსკოვში, აჭარულის ცეკვის დროს გარდაიცვალა20 წლის გოგონა თავის დაბადების დღეზე, მოსკოვში, აჭარულის ცეკვის დროს გარდაიცვალა. მომხდარის შესახებ ინფორმაციას სოციალურ ქსელში გარდაცვლილის ოჯახის ახლობელი ავრცელებს. „ანა ენგიბარიანს საშინელმა ბედისწერამ მოსკოვში საკუთარ დაბადების დღეზე  აჭარულის ცეკვისას მოუსწრო. ამ შემზარავმა და დაუჯერებელმა ფაქტმა შავებით შემოსა გარი ენგიბარიანის ლამაზი სამშვილიანი ოჯახი. წარმოშობით სამტრედიელი გოგონა ასე მძიმედ დაემშვიდობა მოსკოვს სადაც ბავშვობა გაატარა და ახლა მშობლიური სამტრედია ჩაიხუტებს მის ცხედარს..“_ წერს ის. გარდაცვალების მიზეზი უცნობია, ახლობლების თქმით, გოგონა სიცოცხლეში არაფერს უჩიოდა. ანა ენგიბარიანი წარმოშობით სამტრედიელია. მისი ოჯახი საცხოვრებლად მოსკოვში, დაახლოებით, 15 წლის წინ გადავიდა. ენგიბარიანები მშობლიურ სამტრედიას ხშირად სტუმრობდნენ. გარდაცვლილ   გოგონას საქართველოში ხვალ ჩამოასვენებენ. ... ...
  • მოძველებული ინფრასტრუქტურა, სანიტარულ-ჰიგიენური პირობები_ რა ხდება “თბილისის ფსიქიკური ჯანმრთელობის ცენტრში“2020 წლის 14 თებერვალს სახალხო დამცველმა ნინო ლომჯარიამ შპს „თბილისის ფსიქიკური ჯანმრთელობის ცენტრი“ მოინახულა. სახალხო დამცველმა დაათვალიერა დაწესებულების ქალთა და კაცთა განყოფილებები, სასადილო სივრცე; შეხვდა და გაესაუბრა სტაციონარში მყოფ პაციენტებს და ცენტრის პერსონალს. ვიზიტის შესახებ ინფორმაციას სახალხო დამცველის აპარატი ავრცელებს. მათ მიერ გავრცელებულ ინფორმაციაში წერია, რომ პრობლემურია დაწესებულების მოძველებული ინფრასტრუქტურა, გადატვირთულობა და სანიტარულ-ჰიგიენური პირობები. ცენტრში არსებული მდგომარეობა არ ქმნის ხელსაყრელ თერაპიულ გარემოს. პაციენტები არ არიან უზრუნველყოფილი სათანადო საყოფაცხოვრებო პირობებით. არ აქვთ პირადი ნივთების შესანახი კარადები. განყოფილებებში არ დგას სკამები, რბილი ავეჯი. თამბაქოს მოსაწევი ადგილი არ არის იზოლირებული განყოფილების საერთო სივრციდან. შენობაში დგას მძაფრი სპეციფიური სუნი. პაციენტები მოკლებული არიან ყოველდღიური გასეირნების შესაძლებლობას. სველ წერტილებში არ მოდის ცხელი წყალი, რის გამოც მათ პირადი ჰიგიენის დაცვა ცივი წყლის გამოყენებით უწევთ. სტაციონარისთვის არსებული დაფინანსება აბრკოლებს პაციენტთა სათანადოდ მოვლის, ფსიქო-სოციალური რეაბილიტაციის ხარისხს. ბენეფიციართა შორის ხშირია კონფლიქტისა და ძალადობის შემთხვევები. არ ხდება ასეთი შემთხვევების სათანადო მართვა, არ ხორციელდება ძალადობის პრევენციისთვის საჭირო ღონისძიებები. დაწესებულებას არ ჰყავს საკმარისი რაოდენობის პერსონალი. ამასთან, არც დასაქმებულებს აქვთ სათანადო სამუშაო პირობები. სახალხო დამცველი მოუწოდებს სახელმწიფო უწყებებს გააძლიერონ ღონისძიებები ფსიქიკური ჯანმრთელობის სფეროში ადამიანის უფლებების დაცვის მაღალი სტანდარტის უზრუნველყოფის მიმართულებით. დროულად მოხდეს სფეროს დეინსტიტუციონალიზაციის სტრატეგიის შემუშავება, თემზე დაფუძნებული და ფსიქო-სოციალური რეაბილიტაციის სერვისების რაოდენობის ... ...
  • „ახალგაზრდობა,რომელიც მამების თაობას უმოქმედობას არ აპატიებს“_ სამტრედიის მერი მოსწავლეებს შეხვდა,,მე რომ მუნიციპალიტეტის მერი ვიყო"- ამ ფორმატში დიალოგი შედგა დღეს სამტრედიის მუნიციპალიტეტის მერიის სააქტო დარბაზში. მოსწავლე-ახალგაზრდობის სახლის მოსწავლეთა პარლამენტის წევრები სამტრედიის მუნიციპალიტეტის მერთან იმ ინიციატივებით შევიდნენ, რომლის განხორციელებაც ახალგაზრდების ინტერესში შედის. მოსწავლეების მიერ შეთავაზებული პროექტები  მოიწონა მერმა, ვალერიანე ფოცხვერიამ, განსაკუთრებით აქტუალურად მიიჩნია ქალაქში მომრავლებული მაწანწალა ძაღლების საკითხის მოგვარება და სპორტის სასახლის აშენება. მოსწავლეთა პარლამენტის წევრები ქალაქში დასუფთავების მიზნით ურნების დამატებას ითხოვენ. მათ გაუმართლებლად მიაჩნიათ ქალაქში საზოგადოებრივი ტუალეტის არ ქონა. მერმა შეხვედრაზე აღნიშნა, რომ წინა წლებში ხელშეკრულება ჰქონდათ გაფორმებული, კონტრაქტორს გაყავდა ძაღლები, აცრიდნენ, ყურზე ბირკას ადებდნენ და უკან აბრუნებდნენ, რასაც  მისახლეობისთვის სასურველი ეფექტი არ მოუტანია. ფოცხვერიას განცხადებით, ძაღლის კბენის ეშინია მოსახლეობას და უკან დაბრუნებული, თუნდაც აცრილი, კბენის საშიშროებისგან ვერ იცავს ქუჩაში მოსიარულეებს ,,ოპოზიცია რომ იყოთ, ვიცით, რა პასუხსაც გაგცემდით, მათი ხელისუფლებაში ყოფნის დროს მაწანწალა ძაღლების პრობლემა ,,მოგვარებული" ჰქონდათ, შუაგულ ქუჩაში ხოცავდნენ ძაღლებს. სრულიად სამართლიანია თქვენი მოთხოვნა, თქვენი თვალით დანახული პრობლემები. ვეცდებით,  გავითვალისწინოთ და დროულად მოვაგვაროთ. მოდის ახალგაზრდობა, რომელიც მამების თაობას უმოქმედობას არ აპატიებს,“_  განაცხადა ... ...
  • ოზურგეთის საკუთრებაში არსებული მიწის ნაკვეთი „ბლექსი არენას“ უსასყიდლოდ გადეცემადღეს ოზურგეთის მუნიციპალიტეტის საკრებულოს  სხდომაზე განიხილეს საკითხი: „ოზურგეთის მუნციპალიტეტის საკუთრებაში არსებული უძრავი ქონების სახელმწიფოსთვის საკუთრებაში გადაცემის შესახებ. საკითხის ირგვლივ მუნიციპალიტეტის მერიის შესაბამისი სამსახურის წარმომადგენელმა, პელაგია  კალანდაძემ ისაუბრა და თქვა, რომ ოზურგეთის მუნიციპალიტეტის საკუთრებაში არსებული 3724 კვ. მ და 502 კვ.მ. არასასოფლო-სამეურნეო დანიშნულების მიწის ნაკვეთები გადაეცეს უსასყიდლოდ  საკუთრებაში სახელმწიფოს შემდგომში   შპს „ბლექსი არენას ჯორჯიას“-სთვის  გადაცემის მიზნით. საკრებულოს დეპუტატებმა იკითხეს, რა დანიშნულებისთვის სჭირდება,რატომ უნდა გადაეცეს ეს მიწა „ბლექ სი არენას“. პელაგია კალანდაძემ უპასუხა, რომ ეს მიწის ფართი  იქ პარკირებისთვის ... ...

არქივი

ზაფრანი

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...

საუკეთესო თეთრ ღვინოებს შორის

Chateau d'Yquem მსოფლიოში ერთ–ერთი ყველაზე ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...