რიგითი სხდომა ოპოზიციონერის საპროტესტო აკომპანიმენტით

პოლიტიკა

რიგითი სხდომა ოპოზიციონერის საპროტესტო აკომპანიმენტით

2012 ნოე 5 10:39:17
ორი კვირის წინ ანონსდებოდა ახალი ფრაქციის შექმნა, ძველის დაშლის სანაცვლოდ, მაგრამ ზოგიერთი ოპოზიციონერის გეგმები და სურვილები არ გახორციელდა _ ახალი ფრაქცია არ შეიქმნა. სამაგიეროდ, ერთი დეპუტატით გაიზარდა ფრაქცია "ლანჩხუთელი". "ნაციონალური მოძრაობის" სუფსის მაჟორიტარი დეპუტატი ნუგზარ ხავთასი "ლანჩხუთელს" შეუერთდა. ამბობენ, რომ მის "გადმობირებაში" დიდი როლი ითამაშა გამოცდილმა ლანჩხუთელმა პოლიტიკოსმა, რომან ბიწაძემ, თუმცა, თავად ბიწაძე ამ ფაქტს ასე არ აღიქვამს. მისი მტკიცებით, ხავთასი არასოდეს ასოცირდებოდა "ნაციონალურ მოძრაობასთან", ხოლო ამ ადამიანის სუფთა წარსული არავის მისცემს სხვადასხვა ინტერპრეტაციების საშუალებას.

იყო მოლოდინი, რომ 2 ნოემბრის სხდომა სკანდალური იქნებოდა, რადგან, წინასწარი ინფორმაციით, იგეგმებოდა გამგებლის კანდიდატურის დამტკიცება, თუმცა, ეს მოლოდინი არ გამართლდა _ ოთხშაბათს, ლანჩხუთის გამგეობის კანცელარიაში განცხადება შეიტანა გამგებლობის ერთ-ერთმა კანდიდატმა, დავით ჩხაიძემ. ჩვენი წყაროს ინფორმაციით, იგი პარასკევის სხდომაზე დამტკიცდებოდა, მაგრამ საკრებულოს თავმჯდომარის, რევაზ ჩიტიძის განმარტებით, კანონის შესაბამისად უნდა ჩატარდეს კონკურსი, რომლის შემდეგაც მოხდება საკრებულოს მიერ კანდიდატის დამტკიცება. ამ ეტაპზე, დავით ჩხაიძის გარდა, სხვა კანდიდატის განცხადება გამგეობის კანცელარიაში შესული არ არის.

სხდომა, დავით წულაძის "წყალობით", ხმაურიანი აღმოჩნდა. როგორც წესი, იგი ყველაფერს აქტიურად აპროტესტებდა, ადგილიდან განუწყვეტლივ ისროდა რეპლიკებს და არც ერთი საკითხის გადაწყვეტაში არ მიუღია მონაწილეობა. დავით წულაძის მუდმივ უკმაყოფილებას იწვევს ბიუჯეტის ხშირი კორექტირება, რასაც იგი ყოველ სესიაზე აპროტესტებს, მაგრამ სრულიად უშედეგოდ.

ადგილობრივ ბიუჯეტში შესული ცვლილებებით, შემცირდა ზოგიერთი სამსახურის დაფინანსება. გამოთავისუფლებული თანხები კი, როლანდ ლაშხიას განმარტებით, უფრო მიზნობრივად დაიხარჯება. მაგალითად, გაიზრდება მშობიარეთა თანადაფინანსება. მისივე წინადადებით, ნოემბრის რელიგიური დღესასწაულების ჩასატარებლად თანხა გამოიყოფა ლანჩხუთში მოქმედი ეკლესიებისთვის.

დეპუტატმა მაკა კვირკველიამ შეკითხვა დასვა შეჭირვებული ოჯახების შეშით უზრუნველყოფის შესახებ. გამგებლის მოვალეობის შემსრულებელმა, კახა ასკურავამ დაამშვიდა კვირკველია და დაჰპირდა, რომ წლევანდელ ზამთარში ყველა შეჭირვებული ოჯახი მიიღებს კუთვნილ შეშას.

ფრაქცია "ლანჩხუთელის" თავმჯდომარემ, მარინე თურნავამ საკრებულოს თავმჯდომარისა და კოლეგების ყურადღების გამახვილება ერთი კონკრეტული საკითხის შესახებ სცადა _ მისი თქმით, წინასაარჩევნოდ, ლანჩხუთის ერთ-ერთ უბანში, კორაგვისღელეში, მოიტანეს და შეინახეს "ეკლიანი" მავთული, რომლითაც რკინიგზის გადასასვლელი უნდა შეეღობათ, რადგან იქ ადგილობრივი მოსახლეობის საქონელი გადადის. არჩევნებმა ისე ჩაიარა, შეღობვა ვერ მოასწრეს. წაგებული არჩევნების შემდეგ, რომლის წინაც უხვად არიგებდნენ მოსახლეობის მოსასყიდად ფულსა და სხვადასხვა ფასეულ ნივთებს, ეს მავთული ისევ უკან წაიღეს. ლანჩხუთის გამგეობის თანამშრომელი, მერაბ ჩიჩუა, რომელიც პირადად ასრულებდა გიორგი გოგუაძის ყველა დავალებას, მავთულის მოტანის და უკან წაღების ორგანიზატორი გახლდათ. თვითონ ჩიჩუა ზემოთ აღნიშნულ უბანში ცხოვრობს და მას მეზობლები ხშირად ადანაშაულებდნენ მსგავს ქმედებებში. მარინე თურნავა დაინტერესდა, იყო თუ არა ეს ამომრჩევლის მოსყიდვა და საკრებულოს თავმჯდომარისგან მოითხოვა, გაერკვია, სად გაქრა "ეკლიანი" მავთული.

ჩიბათის მაჟორიტარმა დეპუტატმა, გიორგი ჩახვაძემ გააპროტესტა ადგილობრივ პრესაში გამოქვეყნებული მასალა, რომლის მიხედვითაც, ყველა დეპუტატი სოფლის პროგრამების ფარგლებში გახორციელებული პროექტების წილების მფლობელი იყო. მან სპეციალური კომისიის შექმნაც მოითხოვა, რომელიც ამ საქმეში საკრებულოს დეპუტატების ბრალეულობას შეისწავლის: "ჩემთვის ეს თემა შეურაცხმყოფელია, ამიტომ მოვითხოვ, კომისიის შექმნას, რომ უსაფუძვლო ეჭვები გაიფანტოს", _ განაცხადა ჩიბათის მაჟორიტარმა.

მისმა განცხადებამ ლევან ჩხაიძის გაღიზიანება და საბოლოო ჯამში, დიდი ხმაური გამოიწვია _ ოპოზიციური ფრაქციის "ლანჩხუთელის"წევრი, ლევან ჩხაიძე ჩახვაძეს დაუპირისპირდა: "შენ ახალგაზრდა ხარ, გიორგი, და შენს პატიოსნებაში ეჭვი არ შეგვაქვს, ამ ტენდერებში იმდენი ფულია მოპარული, ორ რაიონს ეყოფოდა. მამა აბრამის ბატკნების როლის თამაში არ არის საჭირო", _ აღშფოთდა ჩხაიძე. მისმა გამოსვლამ დეპუტატთა დიდი ნაწილის მძაფრი უკმაყოფილება და შეხლა-შემოხლა გამოიწვია.

დავით წულაძე, მთელი სხდომის განმავლობაში, ცდილობდა გაერკვია, რატომ ვერ მოახერხა ლანჩხუთის გამგეობამ, კერძოდ, კი გამგებლის მოვალეობის შემსრულებელმა ბიუჯეტის ხარჯვითი წილის შემცირება: "სხვადასხვა პროგრამების დაფინანსება შეამცირეთ, საბავშვო ბაღების მენიუს განახევრება მოახერხეთ, მშობიარეთა დასაფინანსებელი თანხებიც გაანახევრეთ და საკუთარი ხარჯები იგივე დატოვეთ. ამხელა ჯიპი რომ გყავთ, იმას შენახვა ხომ უნდა?!"_ ნიშნისმოგებით მიმართა მან კახა ასკურავას, რომელმაც კი მშვიდად დააკონკრეტა, რომ პირველი, რაც გამგებლის მოვალეობის შემსრულებლად დანიშვნისას გააკეთა, შეამცირა პირადი ხარჯები, როგორც ბენზინის, ისე _ მონო-ბარათების. ეს პასუხი, დაუოკებელი პროტესტის სურვილით შეპყრობილმა წულაძემ, რა თქმა უნდა, არ დაიჯერა.

უმრავლესობის წევრმა, ილო გვარჯალაძემ გაახმიანა ნუგზარ ხავთასის განცხადება ფრაქცია "ნაციონალური მოძრაობის"დატოვების შესახებ.

დღის წესრიგით გათვალისწინებული ყველა საკითხის ამოწურვის შემდეგ, საკრებულოს თავმჯდომარემ დამსწრეებს ბოდიში მოუხადა და სხდომის დამთავრება მოითხოვა იმ მიზეზით, რომ სოფელ ნიგვზიანში არსებული რელიგიური დაპირისპირების გამო, იქ გამგზავრებას ჩქარობდა.

ჩვენთვის უცნობია საკრებულოს თავმჯდომარის პოზიცია სოფელში არსებული დაპირისპირების თაობაზე. რევაზ ჩიტიძემ განაცხადა, რომ საკუთარ პოზიციას მხოლოდ მას შემდეგ დააფიქსირებს, როცა საქმის დეტალებში გაერკვევა.




 ახალი ამბები
  • ლაითურის, ნარუჯას და ანასეულის მოსახლეობასთან შეხვედრა გაიმართა (R)ცენტრალური, საკანონმდებლო, სამხარეო და ადგილობრივი ხელისუფლების წარმომადგენლები ოზურგეთში, ლაითურის, ნარუჯასა და ანასეულის მოსახლეობას შეხვდნენ. მათ ადგილობრივების საჭიროებები მოისმინეს და რეგიონში მიმდინარე პროექტებზე დეტალური ინფორმაცია მიაწოდეს. ადგილობრივ მოსახლეობასთან შეხვედრაზე განსაკუთრებული ყურადღება მუნიციპალიტეტში მიმდინარე და დაგეგმილ ინფრასტრუქტურულ პროექტებზე, ასევე, მუნიციპალურ და სახელმწიფო სერვისებზე გამახვილდა. ანასეულის მოსახლეობამ ერთ-ერთ პრიორიტეტულ საკითხად კანალიზაციის რეაბილიტაცია დაასახელა. ასევე, სრულ რეაბილიტაციას საჭიროებს მე-5 საჯარო სკოლაც. იქ არსებულ პრობლემას რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი პირადად გაეცნო. დაბა ლაითურისა და ნარუჯის მოსახლეობამ ძირითად მოთხოვნად დასაქმებისა და შიდა გზების მოწესრიგების საკითხები დააყენა. მოსახლეობასთან შეხვედრებს პარლამენტის წევრები გიორგი ვოლსკი, თემურ ჭკუასელი, გია გაჩეჩილაძე, გურიის მხარის რწმუნებული ზურაბ ნასარაია, მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე, საოლქო ორგანიზაციის წევრები, ოზურგეთის მუნიციპალიტეტის საკრებულოს თავმჯდომარე დავით დარჩია, ოზურგეთის მერი კონსტანტინე შარაშენიძე და ადგილობრივი ხელისუფლების სხვა წარმომადგენლები ესწრებოდნენ. ამჟამად, დაბა ლაითურში წყალმომარაგების ქსელის სარეაბილიტაციო სამუშაოები დასკვნით ეტაპზეა. დაბა ნარუჯაში მიმდინარეობს 7 280 მ. სიგრძის საავტომობილო გზის მშენებლობა, რომელიც მუნიციპალური განვითარების ფონდიდან 3 777 936 ლარით დაფინანსდა. ანასეულში გაერთიანებული წყალმომარაგების კომპანიამ წყლის სისტემის მშენებლობა დაიწყო. პროექტის ღირებულება - 6 799 998 ლარს შეადგენს. ... ...
  • ბახმაროში საცხოვრებელი სახლები დაიწვაგასულ შაბათს, ჩოხატაურის მუნიციპალიტეტის დაბა ბახმაროში, მახარაძის ქუჩაზე, ეკლესიის მიმდებარედ, ორი საცხოვრებელი სახლი დაიწვა. ხანძრის შედეგად არავინ დაშავებულა. როგორც გვითხრეს, არსებობდა ცეცხლის გავრცელების საშიშროება, თუმცა, მეხანძრეებმა, ცეცხლის დროულად ლოკალიზება შეძლეს. _ ღამის საათებში ერთ-ერთ საცხოვრებელში გაჩნდა, შემდეგ გადავიდა მეორე სახლზეც. არავინ დაშავებულა, კარგად იმუშავა სამაშველო სამსახურმა. მათი დამსახურებაა, რომ ხანძარი გვერდით მდგომ სახლებზე არ გავრცელდა, _ აღნიშნა ჩვენთან საუბრისას ა(ა)იპ "ბახმაროს დირეტქორმა დავით საჯაიამ. ამ დროისთვის უცნობია ხანძრის გამომწვევი მიზეზი. მომხდარზე გამოძიებაა ... ...
  • "საქართველოს გული იწვის ამაზონის ტყესთან ერთად" - ზურაბიშვილისაქართველოს გული იწვის ამაზონის ტყესთან ერთად, – ამის შესახებ საქართველოს პრეზიდენტი სალომე ზურაბიშვილი სოციალურ ქსელ „ტვიტერში“ წერს. „ჩვენ ვუერთდებით ჩვენი პლანეტის გადარჩენის ძალისხმევას და მოვუწოდებთ ქმედებისკენ ამაზონის გადასარჩენად“, – აღნიშნავს სალომე ზურაბიშვილი. ამაზონის ტყეში მასშტაბური ხანძარი უკვე მესამე კვირაა მძვინვარებს. „დედამიწის ფილტვებად“ წოდებული ამაზონის ტყეში ხანძრის ათასობით კერაა ... ...
  • სოფელ საყავრესთან ხანძარი ლოკალიზებულიასაგანგებო სიტუაციების მართვის სამსახურის მეხანძრე-მაშველებმა, სასაზღვრო პოლიციის სამი ვერტმფრენის დამხარებით ტყის ხანძრის ლოკალიზება შეძლეს. ამ დროისთვის შიდა ქართლში, გორის მუნიციპალიტეტში, სოფელ საყავრესთან ტყის მასივში გაჩენილი ხანძრის სალიკვიდაციო სამუშაოები მიმდინარეობს. ამ მომენტისათვის ადგილზე ღია ცეცხლის კერა აღარ არის. მიმდინარეობს ცალკეული მონაკვეთების დამუშავება, როგორც ცოცხალი ძალის, ასევე ვერტმფრენების საშუალებით. სიტუაცია კონტროლს ექვემდებარება. მთელი ღამის განმავლობაში ადგილზე უწყვეტ რეჟიმში მუშაობდა თბილისის, შიდა ქართლის, იმერეთის, სამცხე-ჯავახეთის, ქვემო ქართლის და მცხეთა-მთიანეთის სახანძრო-სამაშველო ჯგუფები. სულ 250-მდე მეხანძრე-მაშველი. პროცესში ჩართული იყო სახანძრო სამაშველო და დამხმარე ტექნიკა. გათენებისთანავე განაახლა მუშაობა შინაგან საქმეთა სამინისტროს სასაზღვრო პოლიციის სამმა ვერტმფრენმა. სოფელ საყავრესთან ხანძარი 22 ... ...
  • საზარელი მკვლელობა კახეთში - ცხედარი, სავარაუდოდ, დაანაწევრეს და მდინარეში გადააგდესგურჯაანის რაიონის სოფელ ვეჯინში 34 წლის ვ. მ-შვილი, სავარაუდოდ, მოკლეს, ცხედარი დაანაწევრეს და მდინარე ალაზნის სარწყავ არხში გადააგდეს. პოლიციას არავინ ჰყავს დაკავებული და ვერც გვამი იპოვეს, _ ინფორმაციას reginfo ავრცელებს. ვ. მ-შვილი სოფელ ძირკოკის მკვიდრია. ოჯახის წევრებს ის 2 აგვისტოს შემდეგ აღარ უნახავთ, თუმცა შინაგან საქმეთა სამინისტროში „რეგინფოს“ უთხრეს, რომ ახალგაზრდის გაუჩინარების შესახებ შეტყობინება 16 აგვისტოს მიიღეს. პოლიციამ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. „რეგინფომ“ გამოარკვია, რომ ბოლოს ვ. მ-შვილი მეზობელ სოფელში, ვეჯინში, ერთ-ერთ ოჯახში ნახეს, სადაც ის ხშირად მიდიოდა. ახალგაზრდები ნასვამ მდგომარეობაში იმყოფებოდნენ და ჩხუბი მოუვიდათ. ერთ-ერთი პირი პოლიციისთვის მიცემულ ჩვენებაშიც აღნიშნავს, რომ ვ. მ-შვილი მოკლეს, ცხედარი დაანაწევრეს, ტაქსი გამოიძახეს, საბარგულში მოათავსეს და მდინარე ალაზნის სარწყავ არხში გადააგდეს. პოლიციამ ტაქსის მძღოლი დააკავა, თუმცა მალევე გაათავისუფლეს. „რეგინფოს“ შინაგან საქმეთა სამინისტროში უთხრეს, რომ დაკავებული არავინ ჰყავთ. გვამის პოვნის მიზნით, 21 და 22 აგვისტოს მდინარე ალაზნის სარწყავ არხში წყალიც დაწყვიტეს, მაგრამ ცხედარი ვერ ... ...

არქივი

ზაფრანი

როგორ ვიშოვნოთ ფული ზოდიაქოს ნიშნის მიხედვით

ადამიანების უმრავლესობა ოდითგანვე დაეძებდა გზებს...

დაუჯერებლად თავხედი 3 ქალი ზოდიაქოს ნიშნის მიხედვით

ალბათ, ოცდამეერთე საუკუნეში ქალის სითამამე...

ასტროლოგია და ასაკობრივი კრიზისი ბავშვებში

საყოველთაოდ ცნობილი ფაქტია, რომ ადამიანის...

ასტროლოგია ბავშვების სწორად აღზრდის შესახებ

ამბობენ - "მშობლებს არ ირჩევენ"...

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...