"სამგანზომილებიანი" კოალიციის შიდადაპირისპირებები

პოლიტიკა

"სამგანზომილებიანი" კოალიციის შიდადაპირისპირებები

2012 დეკ 19 12:35:44

_ არჩევნების შემდეგ, ჩათვალეს რა, რომ კოალიციასთან ახლო ყოფნა უფრო მომგებიანი იქნებოდა, ბევრმა პოლიტიკურმა ძალამ მისი სახელით დაიწყო მოღვაწეობა.

ლანჩხუთელი "ოცნებისტები" ვერაფრით ვერ შეთანხმდნენ მთავარზე _ ვინ არიან პარტიის ლანჩხუთის ორგანიზაციის დამფუძნებლები. თავდაპირველად, როცა ლანჩხუთში ახლადშექმნილი კოალიციის ოფისი გაიხსნა, საზოგადოების წინაშე სამი პარტიული ლიდერი წარსდგა: "თავისუფალი დემოკრატების" ლანჩხუთის ორგანიზაციის ხელმძღვანელი ელგუჯა ჩხაიძე, "რესპუბლიკელი" რომან ბიწაძე და პარტია "ქართული ოცნების" საინიციატივო ჯგუფის ხელმძღვანელი ლანჩხუთში სოსო ბოლქვაძე.

სოსო ბოლქვაძე ხაზგასმით აღნიშნავს, რომ ის არის არა პარტიის ადგილობრივი ორგანიზაციის თავმჯდომარე, არამედ საინიციატივო ჯგუფის ხელმძღვანელი.

მიმდინარე წლის 21 აპრილს, თბილისში პარტიის დამფუძნებელი ყრილობა ჩატარდა, რომელსაც ლანჩხუთიდან 11 წარმომადგენელი ესწრებოდა: სოსო ბოლქვაძე, ლადო ნანაძე, გია ბოლქვაძე, ვახტანგ წილოსანი, ბესო კუპრაძე, ალეკო სარიშვილი, ნესტორ მგელაძე, ნიკოლოზ ვადაჭკორია, ზურაბ გუჯაბიძე, თენგიზ კუპრეიშვილი და ნუგზარ ჯავახიშვილი.

როგორც პარტიის ადგილობრივი ორგანიზაციის ერთ-ერთი დამფუძნებელი ამბობს, პარტიის წესდებით, ეს 11 კაცი ლანჩხუთის პარტიული ორგანიზაციის დამფუძნებლებად ითვლებიან და მხოლოდ მათ აქვთ უფლება პარტიაში მისაღებ კანდიდატს რეკომენდაცია გაუწიონ.

ლანჩხუთის საოლქო საარჩევნო კომისიის წევრმა "ქართული ოცნებიდან" სოსო შეიზაშვილმა ყველა ადგილობრივ გაზეთს გადასცა განცხადება, რომელშიც იგი გარკვეულ პრეტენზიას გამოთქვამს, როგორც ყოფილი "მემარჯვენის" დავით წულაძის, ისე "ქართული ოცნების" წარმომადგენლების მიმართ: "2012 წლის პირველი ოქტომბრის საპარლამენტო არჩევნებებზე #61 ლანჩხუთის საარჩევნო ოლქის ერთიანი საარჩევნო სიები იყო დაუზუსტებელი. საქართველოს პრეზიდენტის ბრძანებულებით, შეიქმნა ერთიანი საარჩევნო სიების დაზუსტების კომისია (კაციტაძის კომისია). ამ კომისიას გურიაში სათავეში ედგა ლანჩხუთის საკრებულოს წევრი, "ახალი მემარჯვენეების" ლანჩხუთის ოფისის თავმჯდომარე დავით წულაძე. ეს კომისია შექმნილი იყო არჩევნებამდე თითქმის ერთი წლით ადრე და ფინანსდებოდა ბიუჯეტიდან სოლიდური თანხით. კომისიამ "კარდაკარის" პრინციპით ჩაატარა სამუშაოები და 2012 წლის საპარლამენტო არჩევნებისთვის მივიღეთ უფრო დაუზუსტებელი სიები და უარესი, ვიდრე ის იყო 2010 წლის ადგილობრივი თვითმმართველობის არჩევნების დროს. სიებში იყო შეყვანილი გარდაცვლილებიც.

2012 წლის საპარლამენტო არჩევნებისთვის, ამომრჩეველთა ერთიანი სიები იმდენად დაუზუსტებელი იყო, რომ არჩევნების შედეგები შესაძლებელი იყო ეჭვქვეშ დამდგარიყო. #61 ლანჩხუთის საოლქო საარჩევნო კომისიაში, კომისიის თავმჯდომარის თხოვნით და დავალებით, ვმუშაობდი ერთიანი საარჩევნო სიების დაზუსტებაზე. ჩემთან ერთად საკითხზე მუშაობდა კომისიის წევრი გოჩა ცინცაძე. ჩვენს მიერ ჩატარებული სამუშაოების შედეგად მოხდა სიების კორექტირება და დაახლოებით 800 ამომრჩეველი შეყვანილ იქნა ამომრჩეველთა ერთიან სიაში.

საზოგადოება დამერწმუნება, რომ კაციტაძის კომისია შექმნილი იყო საერთაშორისო საზოგადოებისა და საქართველოს მოსახლეობის თვალის ასახვევად. ამ კომისიამ არასამთავრობო ორგანიზაციების დასკვნით, მთელ საქართველოში გააყალბა დაახლოებით 800 ათასი ამომრჩევლის სია.

ამ კომისიის მუშაობას თავიდანვე გაემიჯნენ და უნდობლობა გამოუცხადეს რეალურმა ოპოზიციურმა ძალებმა.

სიების დაზუსტების კომისიის მუშაობაში მონაწილეობას იღებდნენ "ნაციონალური მოძრაობა", "ქრისტიან დემოკრატები", "ედპ" და "ახალი მემარჯვენეები". კაციტაძის კომისიის სამუშაო ჯგუფში გურიაში შედიოდნენ კომისიის თავმჯდომარე დავით წულაძე, "ახალი მემარჯვენეები"; კომისიის თავმჯდომარის მოადგილე მერაბ ჩხაიძე, "ედპ" და კომისიის წევრი მარიკა თურნავა, "ქრისტიან დემოკრატები". ყოველივე ზემოთ აღნიშნულიდან გამომდინარე, მაინტერესებს, როდის მოიხდით ბოდიშს ბატონო დავით, თქვენ და თქვენი გუნდი ლანჩხუთელების წინაშე მსგავსი ქმედებების გამო.

გაოცებას იწვევს "ქართული ოცნების" ე.წ. წარმომადგენლების ტყუილი, რომელიც დაიბეჭდა გაზეთ "ჰო და არას" 14 დეკემბრის ნომერში. ვახდენ ციტირებას: "ლანჩხუთში მხოლოდ მაჟორიტარს არ მოუგია, მასზე გაცილებით მეტი ხმა მიიღო კოალიცია "ქართულმა ოცნებამ".

მე საოლქო საარჩევნო კომისიის წევრი ვიყავი და ხელი მაქვს მოწერილი არჩევნების შემაჯამებელ ოქმზე. მაჟორიტარმა კანდიდატმა თეიმურაზ ჩხაიძემ მიიღო ამომრჩეველთა 62,28 პროცენტი. ხოლო კოალიცია "ქართულმა ოცნებამ" _ 61,45 პროცენტი. პირიქითაც რომ ყოფილიყო, ამაში პრობლემას ვერ ვხედავ, რადგან ბატონ თემურ ჩხაიძის ქმედებები იდეაშიც კი არ ემიჯნება პარტია "ქართულ ოცნებას", პირიქით _ ის მოქმედებს ლანჩხუთელების და პარტიის ინტერესებიდან გამომდინარე.

აღნიშნული ფაქტი პირდაპირ მიუთითებს იმაზე, რომ მიზანმიმართულად ხდება მაჟორიტარი დეპუტატის დისკრედიტაცია და საზოგადოების შეცდომაში შეყვანა "ქართული ოცნების" ე.წ. წარმომადგენლების მიერ," _ ნათქვამია შეიზაშვილის განცხადებაში, რომლიდანაც ჩანს, რომ მისი გაღიზიანება გამოიწვია კოალიციის წევრების სახელით გაზეთ "ჰო და არაში" გამოქვეყნებულმა განცხადებამ, რომელსაც შეიზაშვილი ტყუილს უწოდებს.

სოსო შეიზაშვილი, თავის წერილში პარტია "ქართული ოცნების" დამფუძნებლებს "ეგრეთწოდებულად" მოიხსენიებს. ეს შემთხვევითი არ უნდა იყოს, რადგან დღეს ბევრი აცხადებს პრეტენზიას ლანჩხუთში პარტიის დამფუძნებლის პირველწოდებაზე.

საოლქო საარჩევნო კომისიის წევრის პრეტენზიასთან დაკავშირებით, სოსო ბოლქვაძე ამბობს, რომ არსებითი მნიშვნელობა არ აქვს, კოალიციამ აიღო ერთი-ორი პროცენტით მეტი თუ მაჟორიტარობის კანდიდატმა. იგი ხაზგასმით აღნიშნავს იმასაც, რომ თემურ ჩხაიძის სახელის დისკრედიტაციას არა კოალიციის ლიდერები, არამედ ეს დაუსრულებელი დაპირისპირება ახდენს, რომელიც თვეებია გრძელდება ლანჩხუთში.

"თავისუფალი დემოკრატების" წევრი ვახტანგ ზენაიშვილი ასეთ განმარტებას აკეთებს სოსო შეიზაშვილის პრეტენზიის პასუხად: "ჩვენ, კოალიციაში შემავალი პარტიების წარმომადგენლებმა, ოფიციალური განცხადება გავაკეთეთ, რომ ვემიჯნებით საარჩევნო-საატესტაციო კომისიის საქმიანობას. სხვა, რაც ჩვენი სახელით ეწერა იმ განცხადებაში, არ არის ჩვენი ოფიციალური აზრი. ჩვენ ვსაუბრობდით, გამოვთქვამდით გარკვეულ ვარაუდებს, რაც შემდეგ, ჩვენდა გასაკვირად, გაზეთში იქნა გამოქვეყნებული. მაგრამ ერთი კითხვა მაინც გამიჩნდა შეიზაშვილთან _ რატომ გახდა თემურ ჩხაიძე მისი დასაცავი? თუ მას სურვილი გაუჩნდება, რომ რამეზე გვესაუბროს, მზად ვართ მოვუსმინოთ და პასუხიც არ დავუგვიანოთ."

ჩვენ დავუკავშირდით ე. წ. კაციტაძის კომისიის ყოფილ თავმჯდომარეს დავით წულაძეს, რომელსაც ეჭვი არ ეპარება, რომ ამ განცხადების უკან დგას არა სოსო შეიზაშვილი, არამედ მაკა კვირკველია: "ეს კომისია სამი თვით ადრე დავტოვე, ვიდრე მუშაობას დაასრულებდა. ეს თვითონ შეიზაშვილმაც კარგად იცის, მაგრამ მას მაკა კვირკველია ეუბნება, რომ ასე დაწეროს. რაზე უნდა მოვუხადო ბოდიში ლანჩხუთელებს, იმისთვის, რასაც საკუთარი ნებით გავემიჯნე?"

ვრცელდება ინფორმაცია, რომ მაჟორიტარ დეპუტატს საკრებულოს თავმჯდომარის თანამდებობაზე საკუთარ კანდიდატურად საკრებულოს წევრი მაკა კვირკველია ჰყავს შერჩეული. თავად კვირკველია, ამ ინფორმაციის დადასტურებისგან, ამ ეტაპზე თავს იკავებს, მაგრამ არც კატეგორიულად უარყოფს ამ ხმებს. დეპუტატმა, მოუცლელობის გამო ჩვენს კითხვებს ვერ უპასუხა, მაგრამ დაგვპირდა, რომ ჩამოვა ლანჩხუთში და ყველა კითხვაზე ამომწურავ პასუხს გაგვცემს.

მაკა კვირკველია, თავის ძველ თანაგუნდელებთან ერთად, არჩევნების შემდეგ თემურ ჩხაიძის დასაყრდენ ძალად იქცა, როგორც ლანჩხუთის საკრებულოში, ისე ადგილობრივ პოლიტიკურ სივრცეში. გარეგნულად კარგად ჩანს, რომ ეს ჯგუფი დაპირისპირებულია, როგორც კოალიციის "ძველ" ნაწილთან, ასევე ბიწაძის გარემოცვასთანაც. თუმცა, ამის აღიარება არავის სურს. თემურ ჩხაიძის მეგობარი და მისი საარჩევნო შტაბის ყოფილი წევრი ნუგზარ ჩხაიძე, რომელიც მაკა კვირკველიას დაჯგუფების სახეა, ამბობს, რომ არანაირი უთანხმოებები არ არსებობს და ამ დროისთვის ყველა დაპირისპირებული ძალა დაზავებულია. მაგრამ მისი განცხადების პარალელურად, მისივე გუნდის წარმომადგენელი სოსო შეიზაშვილი პრესისთვის აბსოლუტურად საპირისპირო განცხადებას აკეთებს.

მაკა კვირკველიას პოლიტიკური ოპონენტები ამბობენ, რომ ის კვლავ კახა კუკავას პარტიის "თავისუფალი საქართველოს" წევრია და ოფიციალურად არსად არ გაუკეთებია პარტიის დატოვებაზე განცხადება. ყოფილი "კონსერვატორი" კი ამ ბრალდებას უარყოფს და ამბობს, რომ კუკავას პარტია დიდი ხნის წინ დატოვა, თუმცა, თარიღის დაკონკრეტებისგან თავს იკავებს. ამჟამად, როგორც კვირკველია ამბობს, ის პოლიტიკური გაერთიანება "ქართული ოცნების" წევრია.




 ახალი ამბები
  • „საყურიანი ბიჭები ქართველობას არ შეეფერება“ _ ახალგაზრდებს მეტროში ფიზიკურად გაუსწორდნენ წუხელ, გვიან ღამით, „რუსთაველის“ მეტროში რამდენიმე ადამიანი ორ ახალგაზრდას ფიზიკურად გაუსწორდა.  „საყურიანი ბიჭები ქართველობას არ შეეფერება“, - ამ სიტყვებით მიმართავდნენ ახალგაზრდებს, რომლებიც სავარაუდოდ მუსიკოსები იყვნენ. მოგვიანებით, ახალგაზრდებს მეტროს გასასვლელში ფიზიკურად გაუსწორდნენ.  ინციდენტზე გამოძიება ხულიგნობისა და ძალადობის მუხლებით დაიწყო.  შსს-ს ცნობით, ფაქტზე გამოძიება მიმდინარეობს სსკ-ის 239-ე მუხლის პირველი ნაწილით, რაც ხულიგნობას გულისხმობს, ასევე გამოძიება დაწყებულია სსკ-ის 126-ე მუხლის მეორე ნაწილის „ზ“ ქვეპუნქტით, რაც რასობრივი, რელიგიური, ეროვნული ან ეთნიკური შეუწყნარებლობის ნიადაგზე ჩადენილ ძალადობას გულისხმობს. ინციდენტის ამსახველ ვიდეოს პირველი არხი ... ...
  • ქუთათელ-გაენათელი მიტროპოლიტი კალისტრატე გარდაიცვალაქუთათელ-გაენათელი მიტროპოლიტი მეუფე კალისტრატე, რამდენიმე საათის წინ, ქუთაისის ინტერვენციული მედიცინის ცენტრში გარდაიცვალა. მეუფე კალისტრატემ რამდენიმე დღის წინ მძიმე ოპერაცია გადაიტანა და უგონო მდგომარეობაში იმყოფებოდა. ქუთათელ-გაენათელი მიტროპოლიტი, მეუფე კალისტრატე (მარგალიტაშვილი) 1938 წლის 20 ოქტომბერს, თელავის მუნიციპალიტეტის სოფელ ვარდისუბანში დაიბადა. 1982 წლიდან ბეთანიის მონასტრის მორჩილია. ამავე წელს აღიკვეცა ბერად. 1983 წლის აპრილიდან დაინიშნა ალავერდის ჯვართამაღლების სახელობის ტაძრის წინამძღვრად, რამოდენიმე თვეში აკურთხეს ეპისკოპოსად. სრულიად საქართველოს კათოლიკოს-პატრიარქის უწმინდესისა და უნეტარესის ილია II-ისა და წმინდა სინოდის გადაწყვეტილებით დაინიშნა ქუთაის-გაენათის ეპარქიის მმართველად. 1989 წლის 8 თებერვალს მეუფე კალისტრატე აღყვანილ იქნა მთავარეპისკოპოსის, 1992 წლის 25 დეკემბერს კი - მიტროპოლიტის ... ...
  • სემეკი საოჯახო ტიპის სასტუმროებისთვის სასმელი წყლის ტარიფის მოდელზე იმსჯელებს20 ივნისის საჯარო სხდომაზე საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) საოჯახო ტიპის სასტუმროებისთვის სასმელი წყლის ტარიფის მოდელზე იმსჯელებს. აღნიშნულ საკითხზე სემეკმა საჯარო ადმინისტრაციული წარმოება 2019 წლის იანვარში დაიწყო. ამ პერიოდის განმავლობაში რამდენიმე შეხვედრა გაიმართა დარგის ექსპერტებთან და საოჯახო სასტუმროების მფლობელებთან. სემეკი კიდევ ერთხელ განმარტავს, რომ ის პირები, რომლებიც აქირავებენ ბინებს როგორც დღიურად, ისე გრძელვადიან პერიოდში, სხვადასხვა საიტის მეშვეობით, მოხმარებული სასმელი წყლის საფასურს ისევ საყოფაცხოვრებო ტარიფით გადაიხდიან. კომისიის გადაწყვეტილება მხოლოდ საოჯახო ტიპის სასტუმროებს შეეხება. (R) ... ...
  • როგორ გადაჭრა ბათუმმა უწყლობის და ზღვის დაბინძურების პრობლემა ევროკავშირის დახმარებით დაბა ჩაქვში, მრავალსულიან ოჯახში მცხოვრები ნინო ქათამაძე ამბობს, რომ სასმელი წყლის 24-საათიან უწყვეტ მომარაგებასა და სისუფთავეს მისთვის, ისევე როგორც დანარჩენი მოსახლეობისთვის, დიდი მნიშვნელობა აქვს. ამ დასახლებაში ვიდრე წყალმომარაგების ახალ სისტემაზე გადავიდოდნენ, ნინო ამბობს, რომ წყლის ჭავლი ტანსაცმლისა თუ ჭურჭლის სარეცხი მანქანის ჩართვას არ ჰყოფნიდა. წყალი ხშირად წყდებოდა კიდეც. არადა, მთელი ბათუმი, სადაც 165 ათასი ადამიანი ცხოვრობს და ბათუმის შემოგარენიც, სასმელი წყლით სწორედ იმ მდინარის (ჩაქვისწყლის) სათავიდან მარაგდება, რომელიც ნინო ქათამაძის სახლიდან ათეულ მეტრში მიედინება. ჩაქვსა და ბათუმში ცალკე ტექნიკური წყალი არ აქვთ, მოსახლეობას მხოლოდ ერთი - სასმელი წყალი მიეწოდება. „ყოველი გაწვიმება გვაშინებდა. წყალი იმღვრეოდა, ბინძურდებოდა და სასმელად უვარგისი ხდებოდა. გრაფიკით მოგვეწოდებოდა ხან როდის - ხან როდის. ერთი წელია, რაც წყალმომარაგების ახალ სისტემაზე გადავედით და მრიცხველიც დაგვიმონტაჟეს. ახლა 24 საათის განმავლობაში სუფთა წყალი გვაქვს, დიდი შეღავათია,“ - ამბობს ნინო ქათამაძე. ჩაქვის მცხოვრებ ნინო ქათამაძის ოჯახი წყალმომარაგების ახალ სისტემაში ერთი წლის წინ ჩაერთო  ნინოს ოჯახი სასმელი წყლით ახლა ჩაქვის ახალი რეზერვუარიდან მარაგდება,  რომელიც ევროკავშირისა და KFW-ს დაფინანსების ფარგლებში ორი წლის წინ მოეწყო. 2500 კუბური მეტრის მოცულობის ეს რეზერვუარი 1100 აბონენტისთვის წყლის უწყვეტ რეჟიმში მიწოდებას უზრუნველყოფს. რეზერვუარის მშენებლობას 900 823 ევრო დასჭირდა. ცალკე პროექტის ფარგლებში ჩაქვში მეორე, შედარებით მცირე, 900 კუბური მეტრი მოცულობის წყლის სამარაგო რეზერვუარიც აშენდა. ჩაქვის №1 2500 კუბური მეტრის მოცულობის რეზერვუარიდან წყლით 1100 აბონენტი მარაგდება ჩაქვში, ასევე, ბათუმსა და მის შემოერთებულ ტერიტორიაზე კომუნალური ინფრასტრუქტურის რეაბილიტაციის ყველაზე დიდ ინვესტიციას გერმანია-საქართველოს ფინანსური თანამშრომლობის პროგრამის ფარგლებში ახორციელებს გერმანიის განვითარებისა და რეკონსტრუქციის ბანკი KFW და ევროკავშირის საინვესტიციო სამეზობლო ფონდი. კომუნალური ინფრასტრუქტურის რეაბილიტაცია რამდენიმე წელია მიმდინარეობს. ჩაქვში ჩატარებული სამუშაოები რეაბილიტაციის მესამე ფაზაში შედის. ამ ფაზაში ჩაერთო ევროკავშირის თანადაფინანსებაც. სწორედ KFW-ის დაფინანსებითა და ევროკავშირის გრანტით განხორციელდა პროექტი, რაც წყალმომარაგებისა და ნაწილობრივ წყალარინების (საკანალიზაციო) სისტემების რეაბილიტაციას, ასევე, გამწმენდი ნაგებობის მშენებლობას მოხმარდა ჩაქვის, მახინჯაურისა და მწვანე კონცხის ტერიტორიაზე. პროექტისთვის, რომელიც მოსახლეობის კეთილდღეობაზე, მდინარეებისა და ზღვის წყლის სისუფთავეზე პირდაპირ აისახება, ევროკავშირმა 4 მილიონი ევრო გამოყო. პროექტის ღირებულებამ ჯამში 6 მილიონ 100 ათასი ევრო შეადგინა - 2 მილიონ 100 ათასი ევროს დაფინანსება  KFW ბანკმა და  ბათუმის მუნიციპალიტეტის მერიამ გამოყო. ბათუმის მუნიციპალიტეტის საინვესტიციო პოლიტიკისა და საგრანტო პროგრამების მართვის განყოფილების უფროსი, ჯაბა ტუღუში ამბობს, რომ ამ დასახლებებში წყალმომარაგების ძველ სისტემაზე ბევრი უკანონო დაერთება იყო, რის შედეგადაც მდინარე ჩაქვისწყლის სათავეზე მოპოვებული წყლის დიდი ნაწილი იკარგებოდა. ბათუმის მუნიციპალიტეტის საინვესტიციო პოლიტიკისა და საგრანტო პროგრამების მართვის განყოფილების უფროსი ჯაბა ტუღუში  „ერთ დიდ ქალაქს რომ ეყოფა, იმდენი წყალი იკარგებოდა. წყლის სისტემის რეაბილიტაციასთან ერთად უკანონო დაერთებებიც ჩაიჭრა, რაც მოსახლეობისთვის 24-საათიანი, უწყვეტი წყალმომარაგების გარანტიაა. უკვე მოწესრიგებული ახალი ქსელის საშუალებით მიმდინარეობს მოსახლეობის ეტაპობრივი გამრიცხველიანება. ცხადია, გაუმჯობესდა წყლის ხარისხიც, რაც რეზერვუარების არარსებობის პირობებში შეუძლებელი იყო. ჩაქვის ორივე რეზერვუარი თვითდენით ცენტრალური სათავე ნაგებობიდან მარაგდება წყლით და შემდეგ მოსახლეობაში ნაწილდება,“ - ამბობს ჯაბა ტუღუში. ზურაბ მიქელაძის მოვალეობა რეზერვუარში წყლის დონის და ქლორის შემცველობის მუდმივი კონტროლია. მან წყლის რეზერვუარის ოპერატორის სპეციალური კურსი გაიარა და სხვა პირებთან ერთად დასაქმდა.   ზურაბ მიქელაძემ სპეციალური კურსი გაიარა და ჩაქვის წყლის №1 რეზერვუარის ოპერატორად დასაქმდა გარდა ჩაქვისა, რომელიც ქობულეთის მუნიციპალიტეტს ეკუთვნის, წყალმომარაგების სისტემა სრულადაა განახლებული მწვანე კონცხსა და მახინჯაურშიც. ეს დასახლებები, ჩაქვის ნაწილის მსგავსად, ქალაქ ბათუმის ფარგლებშია მოქცეული. აქ წყალმომარაგების ახალი მილები ზღვის დონიდან 40 მეტრ სიმაღლეზე მცხოვრებ თითოეულ მოსახლესთან ინდივიდუალურადაა მიყვანილი. ამ ეტაპზე მიმდინარეობს აბონენტების ქსელში ჩართვა-გამრიცხველიანების პროცესი. აჭარის გარემოს დაცვის სამმართველოს გარემოს ინტეგრირებული მართვის განყოფილების უფროსის, ნუგზარ პაპუნიძის თქმით, ჩაქვში წლების განმავლობაში ზღვაში კანალიზაციის წყლის უკანონო ჩაშვების 18 ადგილი იყო დაფიქსირებული და ეს დაბა ზღვის სანაპირო ზოლის ერთ-ერთ ყველაზე დამაბინძურებელ მონაკვეთად მიიჩნეოდა. პრობლემა მას შემდეგ აღმოიფხვრა, რაც ევროკავშირისა და KFW ბანკი დაფინანსების ფარგლებში ჩაქვის ჩამდინარე წყლების გამწმენდი ნაგებობა აშენდა ყველაზე მჭიდროდ დასახლებულ ტერიტორიაზე. ევროპული სტანდარტის გამწმენდი ნაგებობის მოსაწყობად 400 ათასზე მეტი ევრო დაიხარჯა. ის 1200 ოჯახს ემსახურება. აქ გროვდება ყველა ჩამდინარე წყალი, სრულად იწმინდება  ბიოლოგიურად, ზედაპირულ წყალში ჩაშვებამდე კი, მოწმდება წმენდის ხარისხი. მსგავსი ნაგებობები აჭარის მთელ ტერიტორიაზე იქნება ზღვის წყლის უმაღლესი ხარისხის გარანტია, რადგან წყალარინების სისტემების გამართული მუშაობა პირდაპირ კავშირშია ზღვისა და მდინარეების წყლის სისუფთავესთან. ინფრასტრუქტურის რეაბილიტაციის მიმდინარე პროექტის ფარგლებში ბათუმში აშენდა და ფუნქციონირებს ცენტრალური გამწმენდი ნაგებობა, სადაც მთელი ქალაქის, ასევე, გონიოსა და კვარიათის საკანალიზაციო სისტემები იყრის თავს. 2019 წელს, პირველად, ბათუმის კანალიზაცია ღიად ზღვაში აღარ ჩაედინება. ოპერატორი ჰუსეინ ნემსაძე ჩაქვის გამწმენდ ნაგებობაზე ხუთი  დასაქმებულიდან ერთ-ერთია. როგორც თავად ამბობს, მისთვის მნიშვნელოვანია ასრულებდეს სამუშაოს, რაც მდინარეების, ზღვის, ბუნების დაცვასთანაა დაკავშირებული. აკონტროლებს დანადგარებს და მდინარეში ჩაშვებამდე გაწმენდილი წყლის ხარისხზეა პასუხისმგებელი. ჰუსეინ ნემსაძე - ჩაქვის ჩამდინარე წყლების გამწმენდი ნაგებობის ოპერატორი  გამწმენდი ნაგებობა ჩაქვში უკვე სრულად ფუნქციონირებს. აქ დამონტაჟებული დანადგარებით გაწმენდილი წყლის არც ერთი ნაწილაკის შემცველობა გარემოსთვის საზიანო არ არის.             ჩაქვში, აღმაშენებლის ქუჩაზე, ინდივიდუალური დაერთებები გრძელდება იმ ახალ საკანალიზაციო ქსელზე, საიდანაც დაბინძურებული წყალი გამწმენდ ნაგებობაში იყრის თავს. პარალელურად მიმდინარეობს აბონენტების ჩართვა წყალმომარაგების ახალ სისტემაში. ჩაქვში, აღმაშენებლის გამზირზე აბონენტთა ახალ საკანალიზაციო სისტემაზე გადართვის სამუშაოები მიმდინარეობს ჩაქვის მოსახლეობა განცხადებისა და მიმართვის საფუძველზე უერთდება წყალმომარაგებისა და წყალარინების ცენტრალურ სისტემას, რაშიც მათ ფინანსური რესურსის ხარჯვა არ უწევთ. ყველა ხარჯი პროექტითაა გათვალისწინებული და ძირითადად, მუნიციპალიტეტისა და მუნიციპალური საწარმოს - „ბათუმის წყლის“ მიერ ფინანსდება. აღმაშენებლის გამზირის N36-ში მდებარე საცხოვრებელი კორპუსის მცხოვრები მამია კოჩალიძე ამბობს, რომ ამ და ახლომდებარე სხვა კორპუსების სერიოზული პრობლემა არასტაბილური წყალმომარაგება და მოუწესრიგებელი, არარსებული საკანალიზაციო სისტემა იყო. „მილები სულ იჭედებოდა, ვწვალობდით, ჩვენ ვწმენდდით... ძველ, კომუნისტების დროს მოწყობილ შამბოებზე იყო დაერთებული კორპუსების საკანალიზაციო მილები. ანტისანიტარია იყო... წყლისა და კანალიზაციის ძველი სისტემა აქ, მეზობლად მდებარე კორპუსებთანაც მთლიანად გაუქმდება და სრულად გადავალთ ახალ სისტემაზე,“ - ამბობს მამია კოჩალიძე. „მილები სულ იჭედებოდა, ვწვალობდით, ჩვენ ვწმენდდით“ - ჩაქვის მცხოვრები - მამია კოჩალიძე 24-საათიანი წყალმომარაგება სასიცოცხლოდ მნიშვნელოვანია ჩაქვში, მწვანე კონცხსა და მახინჯაურში. შავიზღვისპირა ამ დასახლებებში მოსახლეობის უმეტესობისთვის მნიშვნელოვან შემოსავლის წყაროს წარმოადგენს საზღვაო ტურიზმი. სწორედ ჩაქვთან, მწვანე კონცხთან და მახინჯაურთანაა დაკავშირებული მტირალას ეროვნული პარკი, ცნობილი პლაჟები, ბათუმის ბოტანიკური ბაღი, რაც განსაკუთრებით იზიდავს ტურისტებს. მუდმივი წყალმომარაგება ზრდის მომსახურების ხარისხს, რაც ეკოლოგიურად სუფთა გარემოსთან და ზღვასთან ერთად არის ამ ადგილებში ტურისტებისა და დამსვენებლების რაოდენობის ზრდის გარანტია. ცხადია, ეს აისახება მოსახლეობის შემოსავლებზეც. ინგა ჯინჭარაძის ოჯახისთვის ტურისტულ სეზონზე ხარისხიანი წყლის უწყვეტ მომარაგებას დიდი მნიშვნელობა აქვს, აქამდე ვერც ეზოს რწყავდა ზაფხულობით ისე, როგორც მწვანე ნარგავებს სჭირდებოდა და მის საოჯახო სასტუმროში დაბინავებულ ტურისტებსაც დისკომფორტი ექმნებოდათ უწყლობისგან. უკვე ერთი წელია, რაც ეს მდოგომარეობა შეიცვალა და წყალი გასუფთავდა, აღარც გრაფიკია დაწესებული. ინგა მწვანე კონცხზე ცხოვრობს.  მწვანე კონცხის მცხოვრები - ინგა ჯინჭარაძე ევროკავშირის საინვესტიციო სამეზობლო ფონდისა და გერმანული KFW-ის  დაფინანსებით ჩაქვში, მახინჯაურსა და მწვანე კონცხზე - წყლისა და წყალარინების ახალი სისტემის მოსაწყობად ჩატარებულ სამუშაოებში არაერთი ადამიანი ჩაერთო, შეიქმნა ახალი სამუშაო ადგილები. მხოლოდ ახალი აბონენტების სისტემაში ჩართვისა და მრიცხველების დამონტაჟების  სამუშაოებისას დასაქმდა 300-350 ადამიანი, ამას ემატება გამწმენდ ნაგებობებსა და წყლის რეზერვუარებზე დასაქმებულთა რაოდენობა. წყლისა და წყალარინების ახალი სისტემის მოსაწყობად ჩატარებულ სამუშაოებში არაერთი ადამიანი ჩაერთო, შეიქმნა ახალი სამუშაო ადგილები.  ჩაქვის, მახინჯაურისა და მწვანე კონცხის წყლისა და წყალარინების ახალი სისტემები, რომლებშიც ევროკავშირისგან გამოყოფილი გრანტი დაიხარჯა, იმ დიდი პროექტის ნაწილია, რომლის მიხედვითაც ბათუმში საბოლოოდ უნდა შეიქმნას თანამედროვე, ევროპული სტანდარტების შესაბამისი და ერთი პულტით მართვადი წყლისა და წყალარინების ერთიანი ქსელი. იქ, სადაც წყალარინების სისტემა მოწესრიგებული არ არის, მოსახლეობა იძულებული ხდება კანალიზაციის მილები უკანონოდ მიუერთოს სანიაღვრეებს, დაბინძურებული წყალი კი, ყოველგვარი გაფილტვრის გარეშე ჩაედინება  ზედაპირულ წყლებში და საფრთხეს უქმნის მდინარეებს, აბინძურებს გარემოს, აუარესებს ზღვის წყლის ხარისხს. ჩაქვში, მწვანე კონცხსა და მახინჯაურში, ასევე, ბათუმს შემოერთებულ სხვა ტერიტორიებზე - ხელვაჩაურში, კახაბერში, მეჯინისწყალსა და ადლია-აეროპორტის დასახლებაში -  წყალარინების ახალი სისტემის სრულად გასამართად მუშავდება ახალი პროექტი, რომელიც დონორებთან, განსაკუთრებით KFW ბანკთან წინასწარი შეთანხმებით, მათივე დაფინანსებით განხორციელდება. ავტორი: ია ბობოხიძე სტატია დაიწერა პროექტის „ევროკავშირის აღმოსავლეთ სამეზობლო“ ფარგლებში.სტატიაში გამოხატული მოსაზრებები ეკუთვნის მხოლოდ და მხოლოდ სტატიის ავტორს ... ...
  • "მე და ბოკერია ორკაციან კამერაში ჩაგვსვით და ცოტა ხანი ნუ შემოიხედავთ" _ ლევან ვასაძე"ერთადერთი თხოვნა მექნება, რომ ორკაციან კამერაში ჩაგვსვით და ცოტა ხანი ნუ შემოიხედავთ, – ამის შესახებ ბიზნესმენმა, ლევან ვასაძემ ვიდეომიმართვისას განაცხადა. როგორც ლევან ვასაძემ აღნიშნა, პირადად შეურაცხყოფას არავის აყენებს, თუმცა, საქმე ეხება ქვეყნის რეპუტაციას. „მე თუ დასაპატიმრებელი ვარ, მაშინ გიგა ბოკერიაც არის დასაპატიმრებელი, ვინც არის იდეოლოგი არეულობის მცდელობისა. ერთადერთი თხოვნა მექნება, ორკაციან კამერაში ჩაგვსვით, ცოტა ხანი ნუ შემოიხედავთ, მერე ნამდვილად გექნებათ ლეგალურად დაკავების მიზეზი. ამას ვამბობ ყოველგვარი იუმორის გარეშე. მე პირად შეურაცხყოფაზე არ გადავდივარ, მაგრამ აქ საქმე ეხება ჩვენი ქვეყნის რეპუტაციას კავკასიის რეგიონში, ეს ხალხი ცდილობს ამ ქვეყნის დანგრევას. ჩვენი ქვეყნის პირველი ევროპელები ზეზვა და მზია. სულ უფრო და უფრო ემგვანებიან არამარტო ქცევით, ახლა უკვე გარეგნობითაც ზეზვას და მზიას. ამდენი წელია, მაგინებენ და მლანძღავენ. ეს არის პასუხი ჩემგან არა პირადი წყენის გამო, არამედ იმიტომ, რომ ცდილობენ ქვეყნის არევას“, – განაცხადა ლევან ... ...

არქივი

ზაფრანი

ეს დიეტა 99% - იან შედეგს იძლევა

ამ დიეტის დროს ერთ კვირაში...

ჩინური მედიცინის რჩევები

ძველი ჩინური მედიცინის მეცნიერულ შესწავლას,...

იაპონური სილამაზის საიდუმლო

გაიკეთეთ სახის და ტანის ნიღაბი,...

5 აკრძალული საკვები

იდეალური ფიგურა და ბრტყელი მუცელი...

10 პროდუქტი დაღლილობის წინააღმდეგ

შვრია _ შვრია შეიცავს მაგნიუმს,...

როგორ ვებრძოლოთ ღამით ჭამას

ეგრეთ წოდებული, "ღამის დიეტის" ავტორი...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...