აქვს თუ არა ოპოზიციას მხარდაჭერა რევოლუციისკენ ნაბიჯის გადასადგმელად

პოლიტიკა

აქვს თუ არა ოპოზიციას მხარდაჭერა რევოლუციისკენ ნაბიჯის გადასადგმელად

2019 ნოე 29 11:54:10

საქართველოს დედაქალაქში პარლამენტის ირგვლივ თითქმის 2 კვირაა, რაც ვითარება დაიძაბა.

მას შემდეგ რაც, პარლამენტში პროპორციული საარჩევნო სისტემის კანონპროექტს ხმა დეპუტატების ნაწილმა არ დაუჭირა, ოპოზიციონერი ლიდერები მხარდამჭერებთან ერთად ქუჩაში დგანან და საკანონმდებლო ორგანოს პიკეტირებას ყოველდღე ცდილობენ.

როგორც თავდაცვის მინისტრმა, ირაკლი ღარიბაშვილმა განაცხადა, ნებისმიერ ნორმალურ სახელმწიფოში პარლამენტის ან რომელიმე სხვა სახელმწიფო დაწესებულების პიკეტირება სისხლის სამართლის დანაშაულია.

"როგორ წარმოგიდგენიათ ევროპის ნებისმიერ სახელმწიფოში ან აშშ-ში მსგავსი მეთოდებით პიკეტირების მცდელობა მოხდეს კონგრესის შენობის ან სხვა პარლამენტების შენობების? ეს აბსოლუტურად დაუშვებელია. ეს არის სისხლის სამართლის დანაშაული ნებისმიერ ნორმალურ სახელმწიფოში და ამას არ დავუშვებთ. ჩვენ ვართ ევროპის, ამ დიდი ცივილური გაერთიანების მომავალი წევრი, აქედან გამომდინარე ყველა ის ანტიევროპული, ანტიდასავლური ქმედება, რომელიც გამოხატული იქნა ბოლო პერიოდში აბსოლუტურად მიუღებელი“,_ განაცხადა ღარიბაშვილმა.

მისაღებია თუ არა სახელმწიფო ორგანოების პიკეტირებით პოლიტიკური პრობლემების გადაწყვეტა_ ამ საკითხზე „გურია ნიუსი“ პოლიტილოგ ვახტანგ ძაბირაძეს ესაუბრა.

პოლიტიკის ექსპერტის თქმით, ქართული პოლიტიკური სპექტრი ვერ ჩამოყალიბდა პარლამენტის პიკეტირება ხდება თუ ბლოკირება, რაც დაძაბულობასა და გაურკვევლობას იწვევს.

„გაურკვევლობაა,  ჯერჯერობით, პიკეტირებასა და ბლოკირებას შორის. ოპოზიცია ამბობს, რომ აკეთებს პიკეტირებას, ხელისუფლება ამას თვლის ბლოკირებად, რაც იწვევს გარკვეულ შეხლა-შემოხლას და დაძაბულობას. ზოგადად, პიკეტირება დასაშვებია და აქ პრობლემას ნამდვილად ვერ ვხედავ. არის რა თქმა უნდა ზეწოლა ხელისუფლებაზე, მაგრამ ისე უნდა გახორციელდეს, რომ ხელი არ შეუშალოს სახელმწიფო ინსტიტუტების და ადამიანების საქმიანობას“,_ ამბობს ძაბირაძე.

კითხვაზე კი - რამდენად მისაღებია ეს ფორმა რამის მისაღწევად, რომელსაც აქციის ორგანიზატორები  აანონსებენ და ახორციელებენ, შესაძლებელია თუ არა ამ პიკეტირებით რამის მიღწევა - პოლიტოლოგი ამბობს, რომ ნაკლებად შესაძლებელია.

„ალბათ, ნაკლებად შესაძლებელია. პიკეტირება და ასეთი მიტინგები ზოგადად ტარდება იმიტომ რომ საზოგადოების ის ნაწილი, რომელსაც არ შეუძლია ან ინფორმირებული არ არის ან სხვაგვარ განწყობაზეა, გადაიყვანოს თავის მხარეს და მასში გააღვივოს აქტიურობა. ეს არის მთელი დანიშნულება, როგორც პიკეტირების, ასევე ნებისმიერი აქციის, რომელიც შემდეგ აისახება ხელისუფლებაზე ზეწოლაში.  

ოპოზიცია სანამ გადაწყვეტს რამის ქმედებას,  ჯერ სწორედ, ეს პროცესი უნდა გაიაზროს. რამდენად მომგებიანია მისთვის ის, რასაც აკეთებს. თუ მომგებიანია უნდა გააგრძელოს, ხოლო თუ არა უნდა შეწყვიტოს“,_ამბობს ძაბირაძე.

„ქართული ოცნების“ თავმჯდომარემ, ბიძინა ივანიშვილმა ტელეკომპანია „იმედისთვის“ მიცემულ ინტერვიუში განაცხადა, რომ ნაცმოძრაობას რეალურად გადატრიალება სურს, რადგან „ქართულ ოცნებას“ აქვს იმის რესურსი, რომ არჩევნებში ამომრჩევლის ხმების 50%-ზე მეტი აიღოს.

პარლამენტის თავმჯდომარის პირველმა მოადგილემ და „ქართული ოცნების“ ლიდერი გიორგი ვოლსკი მიიჩნევს, რომ ოპოზიციას სააკაშვილის დაანონსებული რევოლუცია უნდა.

„არაფერი სისტემა ისეთი არ არის, რომელიც მიუღებელია ნაციონალური მოძრაობისათვის და სხვა სატელიტებისთვის. ნებისმიერ ვითარებაში, როცა გულზე მჯიღს ირტყამენ და ამბობენ, რომ მათი პოპულარობა დღითიდღე იზრდება, თუნდაც ამ ლიდერების, რომლებიც ერთად გაერთიანდნენ, რატომაც არა, გამოვიდნენ არჩევნებში და მიიღონ მონაწილეობა. მაგრამ მათ არჩევნები არ უნდათ, მათ უნდათ ის რევოლუციური რეჟიმი, რომელსაც სააკაშვილი 2014 წლიდან აანონსებდა, შეიძლება უფრო ადრეც“,_ განაცხადა ვოლსკიმ.

აქვს თუ არა ოპოზიციას რევოლუციის მოსაწყობად საჭირო მხარდაჭერა_ „გურია ნიუსმა“ პოლიტოლოგ ძაბირაძეს ეს შეკითხვაც დაუსვა.

პოლიტოლოგის თქმით, მართალია ხელისუფლება რეიტინგს კარგავს, მაგრამ საზოგადოების განწყობა არ არის ისეთი რადიკალური, რომ ოპოზიციას რევოლუციის მოწყობის შესაძლებლობა მისცეს.

 უფრო მეტიც, ძაბირაძის შეფასებით, ოპოზიციას ფართომასშტაბიანი აქციის მოწყობის საშუალებაც კი არ აქვს.

„საზოგადოების მხრიდან ჯერ არ არის ისეთი მხარდაჭერა, რომ ოპოზიციამ რევოლუციისკენ გადადგას ნაბიჯი. გასაგებია, რომ ხელისუფლება რეიტინგს კარგავს, მაგრამ ხელისუფლებისადმი განწყობა იმ კრიტიკულ ზღვარს არ მიახლოებია, რომელიც არათუ რევოლუციისთვის, არამედ ფართომასშტაბიანი აქციისთვის იქნებოდა საკმარისი.

რეალობაა ასეთი  და რა განაპირობებს ამ რეალობას ეგ სხვა თემაა. ასე რომ ხვალ და ზეგ არ ვიცი რა იქნება, მაგრამ ოპოზიციას ჯერ არ აქვს შესაძლებლობა, რომ რაღაც სერიოზული არასტაბილურობა გამოიწვიოს. არ აქვს და ამას ადასტურებს ის, რაც ხდება. თავებს არ ვითვლით გასაგებია, მაგრამ თავები ყოველთვის, როგორც ამბობენ, პიკეტირებაზე და მიტინგზე მოსული თავები, ყოველთვის განსაზღვრავს იმას, თუ რა დოზის უკმაყოფილებაა საზოგადოებაში და რისთვის არის საზოგადოება მზად“,_ამბობს ძაბირაძე.

 

 




 ახალი ამბები
  • კორონავირუსით გარდაცვლილი ადამიანი ყველა წესის დაცვით დაიკრძალა _ ბოლნისის მერიბოლნისის მუნიციპალიტეტის მერის, დავით შერაზადიშვილის განცხადებით, კორონავირუსით გარდაცვლილი ბოლნისის მკვიდრის დაკრძალვაზე ყველა ის წესი იყო გათავლისწინებული, რომელიც სახელმწიფო რეგულაციით არის განსაზღვრული. ამის შესახებ მერმა „მაესტროს“ ეთერში განაცხადა. „მედიკოსებმა კარდაკარის პრინციპით მოსახლეობის სამედიცინო შემოწმება უკვე დაასრულეს. სკრინინგი 48 ათას მოქალაქეს ჩაუტარდა, კორონავირუსი ჩვენს მუნიციპალიტეტში 8 ადამიანს დაუდასტურდა, აქედან ერთი, სამწუხაროდ, გარდაიცვალა. 208 ადამიანი თვითიზოლაციაში იმყოფება, 37 _ კარანტინში“, - აღნიშნა ბოლნისის მერმა. მისივე თქმით, განმეორებითი სკრინინგი ქვემო ბოლნისში ჩატარდება, სადაც კორონავირუსის ყველაზე მეტი შემთხვევა არის დაფიქსირებული. მარნეულისა და ბოლნისის მუნიციპალიტეტები მკაცრ საკარანტინო რეჟიმზე მას შემდეგ გადავიდა, რაც მარნეულში კორონავირუსით ქალი დაინფიცირდა, რომლის ინფიცირების წყაროს დადგენაც ვერ მოხერხდა. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ და დაავადებათა კონტროლის ეროვნულმა ცენტრმა, კორონავირუსის დიაგნოზით გარდაცვლილი ადამიანების დაკრძალვის რეკომენდაციები 25 მარტს ... ...
  • 25 წელი ეპისკოპოსად კურთხევიდან და თაფლი საჩუქრად მრევლს დღეს, 7 აპრილს, ხარების დღესასწაულზე, ოზურგეთის ღვთისმშობლის მიძინების სახელობის საკათედრო ტაძარში ზიარების შემდეგ მრევლს თაფლი დაურიგდა. საჩუქარი მრევლმა შემოქმედელი მიტროპოლიტი იოსების კურთხევით მიიღო. "ეს ის მცირედია, რითაც გვინდოდა, გაგვეხარებინეთ. ისეთ სიტკბოებას გისურვებთ ცხოვრებაში, როგორი ტკბილიც თაფლია", _ მიმართა მეუფე იოსებმა მრევლს. 25 წლის წინ 7 აპრილს მიტროპოლიტი იოსები შემოქმედის ეპარქიის ეპისკოპოსად ... ...
  • პრეზიდენტმა 9 მსჯავრდებული ქალი შეიწყალასაქართველოს პრეზიდენტმა ხარების დღესასწაულთან დაკავშირებით შეწყალების აქტი გამოსცა და 9 მსჯავრდებული ქალი შეიწყალა.ყველა მსჯავრდებულს ერთი, ან მეტი არასრულწლოვანი შვილი ჰყავს, მათ მიერ ჩადენილი დანაშაულები კი, ძალადობრივ დანაშაულთა კატეგორიას არ განეკუთვნება. ცხრავე მსჯავრდებული პენიტენციურ დაწესებულებას დღესვე ... ...
  • კორონავირუსი მოსახდელი დაავადებაა და აუცილებლად ყველამ უნდა მოიხადოს _ ლევან რატიანიკორონავირუსი მოსახდელი დაავადებაა და აუცილებლად ყველამ უნდა მოიხადოს, – ამის შესახებ თბილისის პირველი საუნივერსიტეტო კლინიკის დირექტორმა ლევან რატიანმა განაცხადა. „ჩვენი კლინიკა განსხვავდება სხვა კლინიკებისგან, ჩვენ არა მარტო ვმკურნალობთ პაციენტებს, არამედ ვიღებთ და გავცემთ ინფორმაციას ამ დაავადებების შესახებ. ერთი რამ შემიძლია გითხრათ, ჩვენთვისაც, მსოფლიოში წამყვანი მეცნიერებისთვის ამ ვირუსის სტრატეგია არის უცნობი. მხოლოდ და მხოლოდ ვიცით ერთ რამ – ეს მოსახდელი დაავადებაა, აუცილებლად უნდა მოიხადოს ეს ვირუსი კაცობრიობამ, 80 პროცენტმა აკლინიკური ფორმით, 20 პროცენტმა – საშუალო, მძიმე და კრიტიკული ფორმით. იცით, რომ „ბეცეჟე ვაქცინაციის“ შესახებ როგორი ბუმია სამყაროში წამოსული. ჩვენს ქვეყანას გაუმართლა კალენდარულ აცრებთან დაკავშირებით. ძალიან დიდი იმედი მაქვს, რომ ჩვენი ქვეყანა მსუბუქად გადაივლის ამ პანდემიას. ჩატარებულია „ბეცეჟე ვაქცინაცია“, რაც დაავადებათ კონტროლის ცენტრის დიდი დამსახურებაა“, – განაცხადა ლევან ... ...
  • თბილისში ყველა აგრარული ბაზარი დაიკეტაკორონავირუსის საპრევენციო ღონისძიებების ფარგლებში, უწყებათაშორისი საკოორდინაციო საბჭოს რეკომენდაციით, თბილისში მოქმედი აგრარული ბაზრები დროებით დაიკეტა. როგორც დედაქალაქის მერიაში აცხადებენ, გადაწყვეტილების მიზეზი კორონავირუსის გავრცელების პრევენციაა. „ეს უკავშირდება კორონავირუსის გავრცელების პრევენციის ღონისძიებებს. შესაბამისი რეკომენდაცია გასცა უწყებათაშორისმა საკოორდინაციო საბჭომ და დღეიდან თბილისში არსებული ყველა აგრარული ბაზარი დაიკეტა“, - აცხადებენ ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...