"ეს არის ფარსი, ივანიშვილის თამაში"

პოლიტიკა

"ეს არის ფარსი, ივანიშვილის თამაში" _ ლევან გოგიჩაიშვილი

2019 ნოე 13 16:58:03

რაც, დღეს პარლამენტში ხდება საარჩევნო სისტემასთან დაკაშირებით არის ფარსი, ეს არის ბიძინა ივანიშვილის თამაში განაცხადა ოპოზიციონერმა დეპუტატმა ლევან გოგიჩაიშვილმა. მისი თქმით თუ ქართულ ოცნებას საკმარისი ხმები არ აქვს ცვლილებისთვის, მაშინ ზონდერმოსამართლეების დამტკიცება როგორ უნდა მოახერხონ ,,ამბობენ ხმები არ გვყოფნისო, მაშინ როგორ აპირებენ ჩინჩალაძეების, მურუსიძეების და სხვა ზონდერ მოსამართლეების დამტკიცებას, თუ მხოლოდ 75 ხმა აქვთ. ეს არის ფარსი, ივანიშვილის თამაში. რომელზეც პასუხს მიიღებენ" - განაცხადა გოგიჩაიშვილმა

ახალი ამბები

"გაიმასქნებული" საქმე რომ ჰქვია, ისეთია ელექტროსისტემის წარმომადგენელთა მოქმედება"10 დეკემბერს, "გურია ნიუსს" ოზურგეთის მუნიციპალიტეტის სოფელ ლიხაურიდან შეატყობინეს, სოფლის ადმინისტრაციულ შენობაში, საქართველოს ელექტროსისტემის წარმომადგენლები შეხვედრას მართავდნენ რამდენიმე მცხოვრებთან იმ მიზნით, რომ მოახდინონ მათ საკუთრებაში არსებული მიწის ნაკვეთების რეგისტრაცია სადაც, სავარაუდოდ, ელექტროგადამცემი ხაზები გაივლის. როგორც ლიხაურელები გვეუბნებიან, სოფლის მოსახლეობის სრული უმრავლესობა წინააღმდეგია, ლიხაურის ბუფერულ ზონებში ქვესადგურების დასადგმელად თუ სავარაუდო ელექტროგადამცემი ხაზების გასაბმელად დათმონ თავიანთ საკუთრებაში არსებული მიწის ნაკვეთები, სანამ საკითხი დეტალურად არ იქნება შესწავლილი და არ ექნებათ სრული ინფორმაცია. "გურია ნიუსი" საქართველოს სახელმწიფო ელექტროსისტემის წარმომადგენელს, შოთა ფხაკაძეს დაუკავშირდა, რომელიც სოფელ ლიხაურში, რამდენიმე ადგილობრივთან შეხვედრაზე იმყოფებოდა: _ მე ვარ კომპანია "გეოგრაფიკის" წარმომადგენელი, ეს არის საქართველოს ელექტროსისტემის ქვეკონტრაქტორი ორგანიზაცია. ვასრულებთ საქართველოს სახელმწიფო ელექტროსისტემის დაკვეთას _ ლიხაურში იმ პირთა საკუთრებაში არსებული მიწის ნაკვეთების რეგისტრაციას, რომელთა ნაკვეთშიც, სავარაუდოდ, ხაზი გაივლის. ასე ვთქვათ, სადაც ბუფერული ზონებია. _ ჩვენ გვაქვს ინფორმაცია, რომ ლიხაურელთა დიდი ნაწილი წინააღმდეგია მათ ნაკვეთებზე გაიაროს ამ სადენებმა... _ ამიტომ, დღეიდან რვა თვის განმავლობაში, ჩვენ აქ გვექნება შეხვედრები. საჯარო შეხვედრები ძალიან კარგ შედეგს მოიტანს. ვფიქრობ, შევთანხმდებით, _ გვითხრა ფხაკაძემ. თუმცა, შეთანხმებაზე ჯერ საუბრის გაგონებაც არ სურს ლიხაურელთა უმრავლესობას. მოვუსმინოთ, რას ამბობენ ისინი, ვისაც ლიხაურელები ენდობიან და მიიჩნევენ, რომ მათ აზრს ეს ადამიანები შეულამაზებლად ახმოვანებენ. დოდო დონაძე, ლიხაურის საჯარო სკოლის პედაგოგი, დირექტორის მოადგილე: "მე ვიყავი წინა პრეზენტაციაზე. დღეს მეორედ მოსულან. დღის 12 საათზე რომ დანიშნავ შეხვედრას, გასაგებია, რომ ხალხის მოსვლა არ გინდა. სოფელში სკოლაა და აქ მნიშვნელოვანი ბირთვია თავმოყრილი, ვისი აზრიც გასათვალისწინებელია. თუმცა, ვერ მივიდოდნენ მარტივი მიზეზით _ სასწავლო პროცესს ვერ ჩავშლით. გარდა ამისა, პირველად როცა მოვიდნენ, გარკვევით ვუთხარით, რომ ასეთ შეხვედრაზე აუცილებლად უნდა იყვნენ ენერგეტიკოსები, ფიზიკოსები, ვინც პასუხს გასცემს კონკრეტულ კითხვებს. მოვიდნენ, ილაპარაკეს, რომ ყველაფერი აბსოლუტურად უსაფრთხოა. თქმა კმარა? ხალხს უნდა უთხრან სიმართლე რისკების შესახებ და ამის შემდეგ ადამიანები თავად გადაწყვეტენ, გაკეთდეს თუ არა ქვესადგური იქნება თუ სხვა რამ. ჩვენ ვიცით, რომ ელექტროგადამცემი ქსელის გაუმჯობესების პროექტები უნდა გახორციელდეს, ინტერნეტი საჭიროა და არავინ არის კატეგორიულად წინააღმდეგი. ხალხი არ იყო ინფორმირებული, ამიტომ პირველ შეხვედრაზე წინააღმდეგნი წავიდნენ. მოსულებმა საკმაოდ შემოგვიტიეს. რომ იძახიან, განცხადება ლიხაურის ადმინისტრაციულ გვერდზე დევსო, რამდენი კითხულობს მაგ გვერდს? რა დიდი ჯაფა უნდა იმას, რომ ხალხი დაიბარონ, მოვიდეს მცხოვრებთა უმრავლესობა და სპეციალისტების მეშვეობით უთხრან სიმართლე. დამფრთხალია ხალხი, რომ ამბობენ, 400 მეტრზე მეტად სიახლოვე არ შეიძლებაო, ჰგონიათ, ყველა დაავადდება. ყველაფერი ხომ ადამიანის საკეთილდღეოდ კეთდება და თუ სიცოცხლისთვის საშიში იქნება ეს ყველაფერი, ვის რად უნდა?" _ ამბობს დოდო დონაძე და მიიჩნევს, რომ სოფელში უნდა გაიმართოს სერიოზული საჯარო განხილვა. ანალოგიურ აზრს გამოთქვამს ლიხაურის საჯარო სკოლის ისტორიის მასწავლებელი, მაია გოგორიკიძე _ ის განსაკუთრებით უკმაყოფილებას იმის გამო გამოთქვამს, რომ "საქართველოს ელექტროსისტემის წარმომადგენლები, რატომღაც სულ ცდილობენ, ყოველი შეხვედრა კამერული და დახურული იყოს: _ როცა სამი სოფლის, ლიხაურის, მაკვანეთის და შემოქმედის მოსახლეობის ბედთან არის ეს ყველაფერი დაკავშირებული, ათკაციან შეხვედრებზე უნდა გადაწყდეს, გაიყვანონ თუ არა მაღალი ძაბვის ხაზები? ჩვენ პროგრესს კი არ ვუშლით ხელს, გვაღიზიანებს სიცრუე, როცა აშკარად ჩანს, რომ ყველაფერი გადაწყვეტილია და რამდენიმე ადამიანს ფორმალურად ეძახიან. "გაიმასქნებული" საქმე რომ ჰქვია, ისეთია საქართველოს ელექტროსისტემის წარმომადგენელთა მოქმედება ლიხაურში. რომ მოვუსმინე, ისე საუბრობდნენ, უკვე ყველაფერი გადაწყვეტილი ჰქონდათ და უფრო სოციალურ საკითხზე ამახვილებდნენ ყურადღებას, ვის რამდენი გადაუხადონ ნაკვეთში, სადაც ელექტროსადენებს გაიყვანენ. გაჭირვებულ ხალხზე აპელირება ადვილია. უნდა უთხრან ღიად და დამაჯერებლად ხალხს, ფიზიკოსების და სხვა სპეციალისტთა თანდასწრებით და დახმარებით, რა რისკი არსებობს, რა მანძილით იქნება დაშორება დასახლებულ მოსახლეობასთან და ასე შემდეგ. ნუ იტყუებიან, _ თქვა მაია გოგორიკიძემ და გვთხოვა, ისე გაგვეხმოვანებინა ინფორმაცია ამ თემის ირგვლივ, რომ არავის ეგონოს ხალხი პროგრესის და ცივილიზაციის წინააღმდეგია. ოზურგეთის მუნიციპალიტეტის საკრებულოს წევრი სოფელ ლიხაურიდან, გიორგი თოიძე აღელვებული საუბრობდა მეორე შეხვედრის შესახებ, როცა სოფელში ელექტროსისტემის წარმომადგენლები, იმ მცხოვრებთა საკუთრებაში არსებული მიწის ნაკვეთების გასაზომად მოვიდნენ, ვის მიწაზეც, სავარაუდოდ, ეს ხაზები გაივლის: _ არც ქვესადგურის ზომა იცოდნენ, რამდენ კილოვატიანი იქნება. მაგისთვის სხვა ჩამოვაო, _ გვითხრეს. მათ აინტერესებდათ მხოლოდ იმ ადამიანებთან მოლაპარაკება, ვის ნაკვეთშიც ხაზი გაივლის და ეს იმას ხომ ნიშნავს, რომ არავის არაფერს ეკითხებიან და უკვე გადაწყვეტილია ყველაფერი?! მხოლოდ 13 ადამიანი მოვიდა შეხვედრაზე და ფაქტობრივად, ჩაიშალა, წავიდნენ უკან. ხალხს სჭირდება სიმართლე, რამდენად საშიშია მოსახლეობის სიახლოვეს ეს ქვესადგურები და ხაზები. სულაც უსაფრთხო რომ იყოს, როცა ადამიანს არ ეუბნები და ისე წყვეტ, გაიარო თუ არა მის ეზოში, ძალაუნებურად, ნდობის ფაქტორი წაიშლება და სიმართლეც ტყუილი ეგონება, _ თქვა გიორგი თოიძემ "გურია ნიუსთან" საუბარში. გარემოს დაცვითი ორგანიზაცია "ეკოს" თავმჯდომარე, ლიხაურის მკვიდრი ირმა გორდელაძე: _ სოფელი ლიხაურის ტერიტორიაზე, საქართველოს ელექტროსისტემის მიერ, იგეგმება მაღალი ძაბვის ელექტროხაზების გაყვანა და ქვესადგურების აშენება. ეს გაივლის ლიხაურს, მაკვანეთის ნაწილს და შემოქმედს. როცა პირველი შეხვედრა შედგა, ეს იყო მოუმზადებელი, ზედაპირული პრეზენტაცია. "ჩიტის ბუდეც არ დაზიანდებაო" _ სასაცილო საუბარიც კი დაიწყეს. 25 ადამიანი ესწრებოდა იმ პირველ შეხვედრას და პროტესტის ნიშნად დატოვეს. ეს მეორე შეხვედრა თუ იყო დაგეგმილი, არც ვიცოდი. შემთხვევით აღმოვჩნდი იქ. ვნახე 8 ლიხაურელი, სამი შემოქმედელი და ორი _ მაკვანეთელი ადამიანი. იქ სოფელი არ იყო. ვიცი სოფლის პოზიცია ამ საკითხის ირგვლივ. გარდა ამისა, ლიხაური ტურისტული ზონაა. ის არის მარგალიტი ოზურგეთის მუნიციპალიტეტის. ამ სადენების გაყვანა შესაძლებელია მისი აცილების გზით, რაც იმას ნიშნავს, რომ ტყის ზოლიდან უნდა მოხდეს გადასვლა, სოფლის ტერიტორიის გარეთ. როგორც მითხრეს, მიწის რეგისტრაციაზე იყო საუბარი ამ მეორე შეხვედრაზე. სადაა აქ სოფელი, ან მიწის რა რეგისტრაციას ახდენთ, ეს არის გასაიდუმლოებული, უკანონო ქმედება-მეთქი. მითხრეს, ჩვენ იმ მცხოვრებთა სია, ვის ნაკვეთშიც უნდა გაიაროს ხაზებმა, მერიამ გადმოგვცაო. ახლა ეს ყველაფერი ოზურგეთის მუნიციპალიტეტის მერიაში უნდა გავარკვიო. ვახმოვანებ მოსახლეობის აზრს _ ხალხი ითხოვს საჯარო განხილვას! _ ამბობს ირმა გორდელაძე. "გეოგრაფიკის" წარმომადგენლის განცხადების თაობაზე, რომ საქართველოს ელექტროსისტემის ხელმძღვანელთა მიერ, ოზურგეთის მუნიციპალიტეტის მერიას გაეგზავნა სპეციალური მიმართვა, "გურია ნიუსი" მუნიციპალიტეტის მერიას დაუკავშირდა, საიდანაც ასეთი ინფორმაცია მოგვაწოდეს: "საქართველოს სახელმწიფო ელექტროსისტემა ახორციელებს ელექტროგადამცემი ქსელის გაუმჯობესების პროექტებს გურიის რეგიონში. აღნიშნული პროექტის ფარგლებში, ითხოვს, გახორციელდეს მიწის ნაკვეთების პირველადი რეგისტრაცია ელექტროგადამცემი ხაზის სავარაუდო განთავსების ზოლში. გამარჯვებული კომპანიაა შპს "გის და დზ", საკონსულტაციო ცენტრი "გეოგრაფიკი". მათი მოთხოვნაა, ადგილობრივი ხელისუფლების და მოსახლეობის ჩართულობა. საჯარო განხილვა დაგეგმილი იყო სოფელ ლიხაურში და უახლოეს მომავალში კიდევ ... ...
"მთელმა მსოფლიომ გეიგო, სუფსაში რაც ხდება და ამ მერიაში რით ვერ გეიგეს?!"სუფსაში, რკინიგზის სადგურის მიმდებარედ, წლებია, მოსახლეობა უგზოობას უჩივის. მართალია, პერიოდულად ადგილობრივი ხელისუფლება პრობლემის მოსაგვარებლად გზის დაგრეიდერებას ახორციელებს, თუმცა, როგორც ადგილობრივები ამბობენ, ამას მხოლოდ დროებითი ეფექტი აქვს _ დროის მოკლე მონაკვეთში გზა ისევ გამოდის მწყობრიდან და უამინდობისას მთლიანად წყლით იფარება. "რამდენიმე წელია, რაც ეს პრობლემა დგას და არაერთი დაპირების მიუხედავად, რომელი მთავრობა გააკეთებს, ღმერთმა იცის. გულსატკენია, რომ არასდროს გამოუჩნდა ჩვენს სოფელს პატრონი, ცოტა მაინც რომ მოხედოს, ყველა თავის ჯიბესა და სკამისთვის იბრძვის. ჩვენივე ბრალია ამ დღეში რომ ვართ _ ის შინაურია და ვერ ვიტყვი, ის მეგობრის შვილია... ხალხი არ ვარგივართ, მეტი არაფერი. მოიყვანენ გრეიდერს, გადაატარებენ, თვითონ საქმეში კი ეთვლებათ და თანხებიც იხარჯება, მაგრამ, საბოლოოდ, პრობლემის მოგვარებას ეს არ შველის _ მოკლე ხანშივე უვარგისი ხდება გზა, უშველებელი ორმოები ჩნდება და წყლით ისე იფარება, ნავი კი არა, გემი ხდება საჭირო გასავლელად. ვენეციაში ვცხოვრობთ გვგონია და არა სუფსაში", _ ამბობენ სუფსის მცხოვრებლები და ჩვეული გურული იუმორის მოშველიებით ხელისუფლების წარმომადგენლებს რჩევასაც აძლევენ: "აქ ორი ცალი "სპასატელნი ჟილეტიც" რომ ჩამოკიდოთ, თქვენთვისვე იქნება კაი, მუნიციპალიტეტის მიღწევების შესამოწმებლად წამოსულები რომ არ დაგვეხრჩოთ". როგორც მოსახლეობა ამბობს, პრობლემის თაობაზე არა ერთხელ მიმართეს ადგილობრივი ხელისუფლების წარმომადგენლებს, სოციალურ ქსელშიც ბევრჯერ განათავსეს მდგომარეობის ამსახველი ფოტო თუ ვიდეომასალა, მაგრამ ამაოდ, წლების მანძილზე ეს გზა მაინც ვერ მოხვდა გასახორციელებელი ინფრასტრუქტურული სამუშაოების ნუსხაში. "ხალხი არ ვარგივართ _ რას ვერჩით სხვას? გზის ნაცვლად ხომ გაგვიკეთეს 200-ათას ლარიანი პარკი, სანაგვედ რომაა იქაურობა ქცეული?! ისე, იცოცხლე, არის დაპირებები, გაკეთდებაო, მარა დაპირებებს იქეთ საქმე არ წასულა, თუ არ ჩავთვლით წელიწადში ორჯერ გრეიდერის გადაგრუხუნებას. ყველას ეზარება ამ გზაზე შემოსვლა, არადა რამდენიმე სოფელს აკავშირებს ერთმანეთთან, თან ბათუმისკენ მიმავალი უმოკლესი გზაა, მარა, სადაა გზა?! იმდენჯერ დაიდო სოციალურ ქსელში ამ გზის სურათები და ვიდეოები, რომ მთელმა მსოფლიომ გეიგო, სუფსაში რაც ხდება და ამ მერიაში რით ვერ გეიგეს?! გადმოგვხედეთ, ხელისუფალნო, მაღალი სკამებიდან!" _ თხოვნით მიმართავენ ადგილობრივები ხელმძღვანელ პირებს და პრობლემის გადასაჭრელად "ალტერნატიულ" ვერსიასაც სთავაზობენ: "თუ საშველი არაა, გადავხუროთ ეს ქუჩა, ზამთარში გავყინოთ და ჰოკეის და ფიგურული სრიალის შემსწავლელი წრე გავხსნათ, ზაფხულში კი _ ცურვის". სუფსის ადმინისტრაციული ერთეულის მაჟორიტარი დეპუტატი, ზურაბ კუკულავა "გურია ნიუსთან" საუბრისას დაპირებას იძლევა, რომ 2020 წლისთვის რკინიგზის სადგურის მიმდებარედ არსებულ გზაზე ინფრასტრუქტურული სამუშაოები გახორციელდება: "ამ ეტაპზე ეს გზა დაგრეიდერებულია, თუმცა, სამომავლოდ გეგმაშია მისი სრული რეაბილიტაცია. როგორც მე მაქვს ინფორმაცია, ის ჩასმულია მომავალი წლის ინფრასტრუქტურული სამუშაოების ნუსხაში, აქ სამუშაოები გაზაფხულიდან დაიწყება და სოფელ წყალწმინდამდე მოხდება ამ გზის რეაბილიტაცია", _ ამბობს სოფლის მაჟორიტარი ... ...
რატომ შეირჩა გასვლის ადგილად ნაგომარი და რამდენი პედაგოგი წავიდა აქციაზე ოზურგეთიდან“ქართული ოცნების“ ოზურგეთის საოლქო ორგანიზაციის აღმასრულებელი მდივანი ბესო მელუა “გურია ნიუსთან“ საუბრისას ამბობს, რომ რამდენიმე წუთში ოზურგეთიდან წასული კოლონა დედაქალაქში იქნება. _ თბილისის აქციაზე მე მივდივარ ახალგაზრდებთან ერთად. ძალიან ორგანიზებულია ყველაფერი. _ ოპოზიციის წევრები საუბრობენ, რომ ეს აქცია სინამდვილეში, არ ეხება ევროსაბჭოს თავმჯდომარეობის აღსანიშნავ ღონისძიებას... _ ეს არის გამორიცხული. ოპონენტები კი ავრცელებენ ამ ინფორმაციას, მაგრამ, მინდა შევახსენო “ნაცმოძრაობას“, როგორ მიჰყავდათ ხალხი აქციებზე. მათ უნდათ ასე იყოს “ქართული ოცნების“ ახალგაზრდული ფრთის მიერ დაანონსებული აქცია, მაგრამ, არ არის და ეს არის რეალობა. ეს არის ის აქცია, რაც არის დაანონსებული და აქ სხვა კითხვები არ არსებობს. _ გავრცელდა ინფორმაცია, რომ პედაგოგებზე გახორციელდა ზეწოლა, რადგან აქციაზე უნდა წამოსულიყვნენ... _ მე პირადად გამოვრიცხავ ამ ინფორმაცია. ათამდე პედაგოგსაც ვერ დაითვლი, რომელიც ოზურგეთიდან აქციაზე მიდის. ესენი, არიან ჩვენი მხარდამჭერები და თან დღეს შაბათია. ღიად ვამბობ, არც ადმინისტრაციული რესურსი დახარჯულა, არც ადამიანებზე ზეწოლა მომხდარა და არც ვინმესთვის რამე დაგვიძალებია. _ რატომ შეირჩა გასვლის ადგილი სოფელი ნაგომარი, ამას რამე დატვირთვა აქვს? _ არა, არანაირი დატვირთვა ამას, არ ჰქონია. იქ იყო შერჩეული ადგილი, საიდანაც ყველა წამსვლელი ერთად გავიდა. შეგახსენებთ, რომ დღეს, 16 საათზე, თბილისში ევროსაბჭოს თავმჯდომარეობის აღსანიშნავად ღონისძიებაა დაგეგმილი, რომლის ორგანიზატორი “ქართული ოცნების“ ახალგაზრდული ... ...
ევროსაბჭო საქართველოს მიმართ იმედგაცრუებას გამოთქვამსევროსაბჭო საქართველოში უზენაესი სასამართლოს მიერ უვადო მოსამართლეების დამტკიცებას ეხმაურება და ქვეყნის მიმართ იმედგაცრუებას გამოთქვამს. „სექტემბერში ვიზიტის დროს გამოვხატეთ სერიოზული შეშფოთება იუსტიციის უმაღლესი საბჭოს მიერ უზენაესი სასამართლოს კანდიდატთა გაუმჭირვალე და არასათანადო შერჩევის პროცესის შესახებ. იმ დროს ჩვენ გამოვთქვით მოლოდინი რომ პარლამენტი პროცესში არსებულ ნაკლოვანებებს გამოასწორებდა, მათ შორის მოსამართლეთა მინიმალური რაოდენობით დანიშვნას, რომელიც აუცილებელია უზენაესი სასამართლოს ფუნქციონირებისთვის, ვენეციის კომისიის რეკომენდაციის თანახმად. ახლა კი ვხედავთ, რომ პარლამენტმა 19 კანდიდატიდან 14 სათანადო დასაბუთების გარეშე დაამტკიცა, მათ შორის იმ პირები, რომლებმაც შერჩევის დროს არ აჩვენეს, რომ მათ აქვთ იურიდიული ცოდნა და დამოუკიდებლობა პოზიციის დასაკავებლად. ეს იმედის გაცრუებას იწვევს“,_ წერია ევროსაბჭოს მიერ გავრცელებულ განცხადებაში. ევროსაბჭოს განცხადებაში აღნიშნულია ისიც, რომ მომავალი წლიდან საქართველოში დამკვირვებლები რეგულარულად ჩამოვლენ. განცხადებაში აღნიშნულია ისიც, რომ საჭიროა სწრაფი ზომების მიღება სასამართლო სისტემისა და დამოუკიდებელი სასამარლო ხელისუფლებისადმი საზოგადოების ნდობის ... ...
"საქართველოში ცოცხლად გლეჯენ „ოსკარზე“ და „ოქროს გლობუსზე“ ნომინირებულ კაცს " _ კალანდია ზაზა ურუშაძეზე გუშინ საღამოს ზაზა ურუშაძის პანაშვიდზე ვიყავი, ერთი ჩვეულებრივი თბილისური კორპუსი, გაცვეთილი ლამინატი, გაურემონტებელი კედლები, იმ სევდიან ატმოსფეროს კიდევ უფრო მძიმეს ხდიდა ის მატერიალურად ღარიბი გარემო, რომელშიც ამ გამორჩეულმა ადამიანმა იცხოვრა, დიახ, მხოლოდ საქართველოში „ოსკარზე“ და „ოქროს გლობუსზე“ ნომინირებულ კაცს ჭამენ და გლეჯენ ცოცხლად ისინი, ვისაც კოლექტიური სახელი „კოლტი“ და „ქაჯთა რემა“ შეგიძლია უწოდო", _ ამის შესახებ ფეისბუქის საკუთარ გვერდზე ჟურნალისტმა და კინორეჟისორმა გიორგი კალანდიამ დაწერა. როგორც კალანდია საკუთარ პოსტში ამბობს, საზოგადოება ხმას მაშინ იღებს, როცა უკვე ძალიან გვიანაა. "ჩვენ კი საზოგადოება (თუ კი ვართ საზოგადოება) მხოლოდ მაშინ ვიღებთ ხმას როცა ძალიან გვიანია, როცა ჩვენი ვიშვი და მოთქმა მხოლოდ ლიტონი სიტყვებია! არასოდეს, არასოდეს შეგვწევს უნარი შევაჩეროთ ეს „კოლექტიური კოლტი“ და „ქაჯთა რემა“ და ვუთხრათ „არა“, არა ღვარძლისთვის, ტალახისთვის, ბულინგისთვის! მახსენდება ერთი შემთხვევა, რამდენიმე თვის წინ ხელოვნების სასახლის ოფიციალურ ფეისბუქ გვერდზე დავდე ჩემ მიერ გადაღებული ფილმი ხელოვნების სასახლეში დაცულ გვირგვინების კოლექციაზე და ამავე გვერდის მომხმარებელს ჩემი ფილმის ყურება მოვუწოდე. უცებ ერთი ცნობილი ფოტოგრაფის ძმისშვილი თუ დისშვილი „გამოხტა“ და მომიწოდა, საკუთარი ინტერესებისთვის არ გამომეყენებინა მუზეუმის ოფიციალური ფეისბუქ-გვერდი, ჰოდა, დაიწყო… ატყდა ვაიუშველებელი, ლანძღვა, გინება, ბულინგი და ა.შ. ვუცქერდი ამ ვაკხანალიას და ვხდებოდი რომ ამ „კოლექტიურ კოლტსა“ და „ქაჯთა რემას“ ძალუძს უბრალოდ მოგკლას, ან მინიმუმ გულის დაავადება შეგძინოს! და მაშინ საკუთარ თავს მტკიცედ ვუთხარი, რომ ამ სიამოვნებას მათ არასოდეს მივანიჭებდი, მათ გამო არასოდეს ავიშლიდი ნერვებს…. დიახ, საქართველოში უნდა იყო მტკიცე, ვითარცა რკინა და „უშიში, ვითარცა უხორცო“, რადგან, როცა უსაფუძვლოდ გლანძღავენ, დანარჩენები ისუსებიან, ან სეირს უყურებენ, ან სულაც ხალისობენ, უმეტესობას თავის ატკიება არ სურს და არც შარიანთან დაპირისპირებას ლამობს. ჰოდა, იზრდება და ფუვდება ეს კოლექტიური კოლტი და ქაჯთა რემა, ასევე ყვავიან და ხალისობენ ისინი, ვინც წარმოადგენენ პროფესიული კლანებს, საძმოებს, ჯიგრულ სადაქალო-საძმაკაცოებს. ღმერთმა არ ქნას მათ რაიმე გადაცდომაზე, დანაშაულზე ან ხარვეზზე მიუთითო, მაშინვე დაგესევა მთელი კლანი, რემა და კოლტი. შენ კი ინდივიდი, რომელიც დამოუკიდებელი პიროვნება ხარ, რომელმაც საკუთარი შრომითა და ჯაფით, პატრონებისა და მფარველების გარეშე გზა გაიკვლიე, საზოგადოებას ენდობი, თუმცა ბოლოს ხვდები რომ ეს საზოგადოება ჯერ კიდევ მაშინ დასამარდა, როცა ილიამ „ყველას მუნჯი და ყველას უტყვი“ უწოდა! ძვირფასო ზაზა, შენთან ერთად დავტირი ჩვენს გარდაცვლილ ქართულ საზოგადოებას, რომელმაც საუბედუროდ, საკუთარი საუკეთესო შვილების გაფრთხილება, მოვლა და უბრალოდ, დაფასება არ იცის, საქართველოს ხელოვნების სასახლის კინოსადმი მიძღვნილი არქივთა აღწერილობის მე-9 ტომი შენს ხსოვნას მიუძღვენით, ნიშნად იმისა, რომ ამ ბედკრულ ქვეყანაში ჯერ კიდევ დარჩენილი იყო საზოგადოების მცირე ნაწილი, რომელსაც სიკვდილი არ სურდა და ჯანსაღი სიცოცხლისაკენ ... ...