„ქართულ ოცნებას“ სასამართლო სისტემა გადაიყოლებს“_ ვახტანგ მაისაია

პოლიტიკა

„ქართულ ოცნებას“ სასამართლო სისტემა გადაიყოლებს“_ ვახტანგ მაისაია

2019 აპრ 15 14:55:21

 „აშკარაა, რომ ბიძინა ივანიშვილს ანალიტიკურ საინფორმაციო ველზე წვდომა შეზღუდული აქვს, რაც არაორდინალური შეხედულებების ქონას იწვევს“, _ აღნიშნა „გურია ნიუსთან“ პოლიტიკის ექსპერტმა ვახტანგ მაისაიამ, რომელმაც ქვეყანაში არსებულ სოცლიაურ-ეკონომიკურ ვითარებასთან დაკავშირებით პარტია „ქართული ოცნების“ თავმჯდომარის, ბიძინა ივანიშვილის განცხადება შეაფასა.

ვახტანგ მაისაია „დაიცავი საქართველოს“ შესახებაც საუბრობს და აცხადებს, პოლიტიკურ პარტიად გარდაქმნის შემთხვევაში, იგი „3%-იანი ბარიერის გადალახვას შეძლებს და 2020 წლის საპარლამენტო არჩევნების შემდეგ საკანონმდებლო ორგანოში საკუთარ წარმომადგენლებს შეიყვანს“.

_ბატონო ვახტანგ, საზოგადოებრივი მოძრაობა „დაიცავი საქართველო“, რომელიც პოლიტიკურ ასპარეზზე „ქართული ოცნებისა“ და „ნაციონალური მოძრაობის“ გაქრობის მიზნით დაბრუნდა, საზოგადოებრივი მხარდაჭერის მოპოვებასა და პოლიტიკურ პარტიად გარდაქმნის შემთხვევაში, 2020 წლის საპარლამენტო არჩევნებში 3%-იანი ბარიერის გადალახვას შეძლებს?

_ პირველ ყოვლისა, უნდა ითქვას, რომ მოძრაობა „დაიცავი საქართველო“ პოლიტიკურ ორგანიზაციად გადაკეთდება, რაც დადებითი მომენტია.  ახალი საარჩევნო კანონმდებლობა, კერძოდ, კი 3%-იანი საარჩევნო ბარიერი იძლევა შესაძლებლობას, რომ 2020 წლისთვის ნაკლებად პერსპექტიულმა პარტიებმა პარლამენტში თავიანთი წარმომადგენელი შეიყვანონ. ვფიქრობ, „დაიცავი საქართველო“ 3%-იანი ბარიერის გადალახვას შეძლებს და 2020 წელის საპარლამენტო არჩევნების შემდეგ საკანონმდებლო ორგანოში საკუთარ წარმომადგენლებს შეიყვანს.

_“ქართული ოცნების“ ხელისუფლებაში მოსვლიდან მეშვიდე წელს, დაშვებული შეცდომების ფონზე,  უკეთ გამოჩნდა, რომ დრო მმართველი პარტიის საწინააღმდეგოდ მოქმედებს. იმისთვის, რომ 2020 წელთან შედარებით არჩევნებმა შედარებით ნაკლები იმედგაცრულების გარეშე ჩაიაროს, რამდენად სავარაუდოა, რომ „ქართული ოცნების“ ლიდერი ბიძინა ივანიშვილი რიგგარეშე საპარლამენტო არჩევნების ჩატარების გადაწყვეტილებას მიიღებს?

_ბიძინა ივანიშვილი ვადამდელ საპარლამენტო არჩევნებს არ დანიშნავს. „ქართული ოცნება“ 2020 წლის საპარლამენტო არჩევნებამდე როგორმე მიგორდება. მმართველი პარტიისთვის მთავარი ტესტი 19 მაისის შუალედური არჩევნები იქნება, სადაც საზოგადოების დამოკიდებულება მმართველი პარტიის მიმართ კარგად გამოიკვეთება. უნდა აღინიშნოს, რომ „ქართული ოცნება“ ტექნოკრატიულ პარტიად გადაიქცა, მას მოქალაქეთა კავშირის ელფერი დაჰკრავს. თუ გუნდში რებრენდინგი არ განხორციელდა, ბუნებრივია, დრო მათზე უფრო ცუდად იმოქმედებს, რაც არჩევნების შედეგებზე აისახება.

_“ოცნების“ მმართველობს პირობებში  მივიღეთ ვითარება, როცა მმართველმა პარტიამ წინა ხელისუფლების მანკიერი საქმეების შემსრულებელი მოსამართლეები  შეიყვარა და ლიდერებად გადააქცია. ასეთ ვითარებაში „ქართული ოცნების“ მხრიდან იკვეთება იმ ღირებულებებიდან გადახვევა, რომლითაც ბიძინა ივანიშვილის ხელმძღვანელობით პარტია ხელისუფლების სათავეში მოვიდა. თქვენი მოსაზრებით, 2020 წლის  საპარლამენტო არჩევნებში „ოცნების“ მარცხის ფორმულა სხვა შეუსრულებელი დაპირებებთან ერთად, შესაძლოა, სასამართლო სისტემაში არსებული მანკიერებაც გახადეს?

_ ტენდენცია ჩანს იმისა, რომ „ქართულ ოცნებას“ სასამართლო სისტემა ისე გადაიყოლებს, როგორც „ნაციონალური მოძრაობა“ გადაიყოლა. ლევან მურუსიძე აბსოლუტურად მართალი იყო, როცა თქვა: მე სასამართლო სისტემის ლიდერი მოსამართლე ვარო. მის მიმართ „ქართული ოცნების“ დამოკიდებულება სწორედ აქ გამოჩნდა. როგორც კი, ასეთი ე.წ. ინდივიდები ისტორიას ჩაბარდებიან, სისტემა მაშინვე გაუმჯობესდება. სანამ მურუსიძის მსგავსი ადამიანები მართლმსაჯულების სისტემაში  საქმეებს აწყობენ, ჩავთვალოთ, რომ სასამართლო სისტემა, ფაქტობრივად, მკვიდრი ორგანიზაციაა.

_“ქართული ოცნების“ თავმჯდომარე ბიძინა ივანიშვილმა საზოგადოებას  ქვეყანაში არსებული ვითარებების შესახებ საკუთარი ინტერპრეტაცია გააცნო, კერძოდ, პარტიის ლიდერი მიიჩნევს, რომ ხალხს ისე არ უჭირს, როგორც მათ ჰგონიათ.  როგორ ფიქრობთ, ბიძინა ივანიშვილს რატომ სურს ქვეყანაში არსებული რთული სოციალურ-ეკონომიკური ვითარება საზოგადოების ფანტაზიის წარმოსახვის ნაწილად წარმოაჩინოს?

_ზოგადად, პარტიის ხელმძღვანელოს განცხადებებში საზოგადოებამ საკმაოდ სიღრმისეული პოლიტიკურ-ფსიქოლოგიური პორტრეტი დაინახა. აშკარაა, რომ ბიძინა ივანიშვილს ანალიტიკურ-საინფორმაციო ველზე წვდომა შეზღუდული აქვს, რაც არაორდინალური შეხედულებების ქონას იწვევს. პარტიის ლიდერი იარაღის გარეშე ცდილობს, ტყვიები მიზანში მოარტყას, ამიტომ ვერ აღწევს შედეგს. გარდა ამისა, მას ირგვლივ შემოკრებილი არ ჰყავს ისეთი გუნდი, რომელიც ქვეყნის განვითარებისთვის საჭირო რჩევებს მისცემს.




 ახალი ამბები
  • "რაც ვამპირის კბილები ჰქონდათ, დააძრეს, უკვე აღარ აქვს" _ ვოლსკი ოპოზიციასადამიანები, რომლებიც თავის კოლეგას მანდილოსანს მიმართავენ, გაგანადგურებ, ყველაზე სუსტ ადგილში დაგარტყამ, ეს მაზოხიზმია თუ სადიზმია, არ მესმის, – ამ სიტყვებით მმართველი გუნდის წევრმა, გიორგი ვოლსკიმ ოპოზიციას მიმართა. “მე ვერ გავიგე ადამიანები, რომლებიც თავის კოლეგას მანდილოსანს მიმართავენ, გაგანადგურებ, ყველაზე სუსტ ადგილში დაგარტყავ, ეს მაზოხიზმია თუ სადიზმია, არ მესმის. იმიტომ, რომ ზუსტად იცის, რომ პასუხი შეუბრუნდება. სადიზმის თემაც არ მესმის, იმიტომ, რომ ის კბილები, რაც ვამპირის კბილები ჰქონდათ, დააძრეს, უკვე აღარ აქვთ და ღმერთმა ნუ ქნას, რომ ახალი ამოუვიდეს”, – განაცხადა ვოლსკიმ. პარლამენტის თავმჯდომარის მოადგილე პლენარულ სხდომაზე რუსეთის თემასაც გამოეხმაურა. “რაც შეეხება რუსეთის თემას, იქ პარტიის ცეკას ინსტრუქტორი და აქ კარიკატურების გამოქვეყნება არ შველის იმ რეალობას, რასაც ჰქვია რუსეთის ხელშეწყობა და სერიოზულად: რუსეთის თემის ექსპლოატაცია საერთოდ მოდაშია, ადვილია სალაპარაკოდ, ცოტა ძნელია სალაპარაკოდ ვთქვათ ციფრები. არის საკითხები რაზედაც შეიძლება კამათი, შეიძლება კონსტრუქციული კამათიც, მაგრამ ეს თემა არ არის, კამათს არ ექვემდებარება. მოხდა ის, რაც მოხდა. რეალურად მოხდა ის, რომ ყველანაირი შეთავაზება, ყველანაირი სტრატეგიული გეგმა, რომელიც ჰქონდა ამერიკის შეერთებულ შტატებს და ევროკავშირს ჩვენთან ერთად შემუშავებული, დაირღვა. რეალობაა ხალხო ეს. მე განსაკუთრებით ახალგაზრდებს მივმართავ იმიტომ, რომ სწორედ თქვენი ტვინის გამორეცხვისათვის არის მიმართული ყველა განცხადება და პროპაგანდისტული ნაბიჯი იმიტომ, რომ ის ემოცია არა გაქვთ, რაც 2008-ში იყო, 11-ში იყო, ბევრმა საკითხმა ისე ჩაიარა, რომ წლებმა გარკვეული მოშუშება უზრუნველყო ადამიანის გულებში და მახსოვრობაში, მაგრამ არის ათასობით ადამიანი, ვისაც ეს კარგად ახსოვს. მე ახალ პოლიტიკურ თემაზე მაქვს ყურადღება გამახვილებული. რაც შეეხება იმ უმტკივნეულო რეზოლუციას, ჯერ ეს ერთი უმტკივნეულო რეზოლუციები რატომ შემოგაქვთ, თუ არაფერს არ ნიშნავს და ნაჭუჭია კვერცხის, მაშინ ნუ შემოგაქვთ, ეს ერთი, მაგრამ არ არის უმტკივნეულო – ეს არის გათვლილი, საკმაოდ მზაკვრული გეგმა რომ ადრე თუ ხელი შეუწყვეს სამხედრო ინტერვენციას, ეხლა ეკონომიკური ინტერვენცია გაძლიერდეს და გამაგრდეს. წინა ხაზზე გაგიყვანონ მაშინ, როდესაც ხელში იარაღი არ გიკავია და იცი ზუსტად, რომ მტერი გაცილებით უფრო ეფექტური იარაღით დაგარტყამს. ეს იყო მიზანი, მთავარი მიზანი. რაც შეეხება საკითხებს, რომელიც ეხება განათლებას, სპორტს, ამ თემებთან დაკავშირებით ვიკამათოთ კი ბატონო, სახელმწიფოს დამსახურებაა თუ არა, რომ ბიუჯეტი იზრდება, ვთქვათ სპორტში. სახელმწიფოს დამსახურება თურმე არ ყოფილა ის, რომ, არ ყოფილა კი არა, თურმე მავნებლობა ყოფილა ის, რომ დედაენა დაბრუნდა სკოლაში. ეს ხომ ფაქტია და ამ ფასეულობებით ვეჯიბრებით ერთმანეთს და საზოგადოებამ ამ ფასეულობების აწონვით უნდა მოგვიჩინოს ის ადგილი პოლიტიკურ ასპარეზზე, რაც კონკრეტულ პოლიტიკურ პარტიებს, რისი პრეტენზიაც აქვს. აქედან გამომდინარეობს მთავარი თემა – დაველოდოთ არჩევნებს და გავაკეთოთ ყველაფერი, განსაკუთრებით მთავრობის მხარეს მოვუწოდებ, რათა საკითხი არ დარჩეს კითხვის ნიშნის გარეშე, რათა საკითხი არ დარჩეს პასუხგაუცემელი, თუნდაც თითოეული ადამიანის, კონკრეტული ადამიანის გაჭირვების თემას ეხებოდეს”, – განაცხადა პარლამენტის თავმჯდომარის მოადგილემ, საპარლამენტო უმრავლესობის ლიდერმა გიორგი ვოლსკიმ პარლამენტის პლენარულ ... ...
  • ჯურუყვეთელ პედაგოგს დამსახურებული მასწავლებლის წოდება მიენიჭალანჩხუთის მუნიციპალიტეტის ჯურუყვეთის #1 საჯარო სკოლის ქართული ენისა და ლიტერატურის ღვაწლმოსილ  პედაგოგს, მიმოზა ბარამიძეს საქართველოს დამსახურებული მასწავლებლის  წოდება მიენიჭა.  მასწავლებელთა პროფესიული განვითარების ცენტრის სიგელი დამსახურებულ პედაგოგს საგანმანათლებლო რესურსცენტრის ხელმძღვანელმა ნინო ჩიტაძემ ახალი სასწავლო წლის პირველ დღეს ... ...
  • საგანგებო სიტუაციების მართვის სამსახური კინოლოგიური სამსახურის განახლებას იწყებსსაქართველოში სამუშაო ვიზიტით გერმანიის ტექნიკური დახმარების ფედერალური სამსახურის (THW) შემფასებელი მისია იმყოფება. საერთაშორისო შემფასებლები საგანგებო სიტუაციების მართვის სამსახურის  კინოლოგიის სამსახურის მომზადების დონეს შეამოწმებენ და ქართულ მხარეს მაშველი ძაღლების სამსახურის განვითარების გეგმის შემუშავებაში  დაეხმარებიან _ აღნიშნულია განცხადებაში, რომელსაც შინაგან საქმეთა სამინისტროს პრესსამახური ავრცელებს. უწყების ცნობით, THW-ის  წარმომადგენლები განსაკუთრებულ საგანგებო სიტუაციებზე რეაგირების მთავარი სამმართველოს სწრაფი რეაგირების ბაზაზე იმყოფებოდნენ, სადაც ნანგრევებში მოყოლილი ადამიანების ძიება-გადარჩენის კინოლოგიური ოპერაციების იმიტაცია მოეწყო. გერმანიის ტექნიკური დახმარების ფედერალური სამსახური INSARAG -ის კვალიფიკაციის მიღების პროცესში ქართული მხარის მენტორი ქვეყანაა და შინაგან საქმეთა სამინისტროს საგანგებო სიტუაციების მართვის სამსახურს რამდენიმე მიმართულებით ეხმარება. საძიებო-სამაშველო ოპერაციებისთვის გაწვრთნილი ძაღლები მნიშვნელოვნად შეუწყობენ ხელს სამსახურის ეფექტურობას  საძიებო სამუშაოების  დროს. შინაგან საქმეთა სამინისტროს საგანგებო სიტუაციების მართვის სამსახური ძაღლების გადამზადებას განსაკუთრებულ ყურადღებას დაუთმობს. უახლოეს მომავალში დაგეგმილია კინოლოგიური სამსახურის გაძლიერება ახალი ცხოველებით. მოეწყობა და განახლდება ვოლიერები, გაუმჯობესდება მათი საცხოვრებელი და საწვრთნელი პირობები. გერმანულ მხარესთან კინოლოგიური სამსახურის  განვითარების კუთხით თანამშრომლობა მომავალშიც ... ...
  • ოზურგეთში საპენსიო ჯილდოზე 174 პედაგოგი გავიდა“174 პედაგოგი გავიდა საპენსიო ჯილდოზე და 105 ახალი პედაგოგი მივიღეთ საჯარო სკოლაში“, _ ამის შესახებ ინფორმაცია “გურია ნიუსს“ ოზურგეთის საგანმანათლებლო რესურსცენტრის უფროსმა ლელა იმედაშვილმა მიაწოდა. 2019 წლის მაისში ცნობილი გახდა, რომ განათლების მინისტრის მიხეილ ბატიაშვილის გადაწყვეტილებით, განათლების რეფორმის შემდეგ ეტაპზე, საპენსიო ასაკის ღვაწლმოსილ პედაგოგებს, რომელთაც არ ექნებათ მინიმალური კომპეტენციის დადასტურებისა და სტატუსის ამაღლების სურვილი, ეძლევათ პრივილეგია, ნებაყოფლობითი არჩევანის საფუძველზე, 2019 წელს სახელმწიფოსგან ერთჯერადი ფულადი ჯილდო - ორი წლის ჯამური ხელფასი მიიღონ. ამის შესახებ მინისტრმა ბრიფინგზე განაცხადა.  ამასთან, მთელი სიცოცხლის განმავლობაში შეუნარჩუნდებათ ჯანმრთელობის დაზღვევის პაკეტი  (საჯარო სკოლების მასწავლებელთა ჯანმრთელობის სადაზღვევო ვაუჩერის პირობების ... ...
  • რამდენი პირველი კლასელია ოზურგეთშიოზურგეთის მუნიციპალიტეტის 42 საჯარო სკოლაში ახალი სასწავლო წლის დაწყება საზეიმო ღონისძიებით აღინიშნა. ოზურგეთის საგანმანათლებლო რესურსცენტრის უფროსის, ლელა იმედაშვილის მიერ მოწოდებული ინფორმაციით, ოზურგეთში წელს 683 პირველ კლასელმა დაიწყო სწავლა. “გურია ნიუსი“, ასევე, დაინტერესდა, პირველ კლასში დაფიქსირდა თუ არა ერთი ან ორი მოსწავლე. ლელა იმედაშვილის თქმით, ასეთი შემთხვევა მხოლოდ გომის საჯარო სკოლაში დაფიქსირდა, სადაც ორი ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...