რას სთავაზობს დავით უსუფაშვილი პარლამენტს

პოლიტიკა

რას სთავაზობს დავით უსუფაშვილი პარლამენტს

2017 მაი 10 13:15:02

საკონსტიტუციო ცვლილებების პროცესმა უნდა გაგვაერთიანოს და არ უნდა დაგვყოს. კონსტიტუციამ მრავალი ხელისუფლების მშვიდობიანი შეცვლა უნდა უზრუნველყოს და არა პირიქით - ყოველი ხელისუფლება ცვლიდეს კონსტიტუციას საზოგადოების მორიგი გახლეჩის ფონზე“, _ აცხადებს პარლამენტის ყოფილი თავმჯდომარე დავით უსუფაშვილი, რომელიც დღეს საკონსტიტუციო ცვლილებების თაობაზე სასაუბროდ მედიის წარმომადგენლებს შეხვდა.

„თუ პროცესი დღევანდელ პოლიტიკურ კალაპოტში გაგრძელდა, კვლავ მივიღებთ არსებული ხელისუფლების და არა ქვეყნის მომავლის კონსტიტუციას, რაც მორიგ ჯერზე დაასუსტებს ქვეყნის სამართლებრივ-პოლიტიკურ ფუნდამენტს და რასაც ნებისმიერი შემდეგი ხელისუფლება კვლავ ნაჯახით მიადგება.

ყველამ, ავტორებმაც და ოპონენტებმაც, აუცილებლად უნდა გამოვნახოთ საკუთარ თავში თუ საკუთარ გუნდებში დამატებითი რესურსი ერთმანეთისკენ ნაბიჯების გადასადგმელად და გონივრული კომპრომისების მისაღწევად.

იმედს ვიტოვებ, რომ საკონსტიტუციო პროცესში ამ ეტაპზე მაინც პირადად ჩაერთვება საპარლამენტო მმართველობის პირობებში ქვეყნის მთავარი პოლიტიკური ფიგურა - პრემიერ-მინისტრი, რომელიც  მხოლოდ მმართველი უმრავლესობის ლიდერი არ არის და რომელსაც განსაკუთრებული პასუხისმგებლობა მხოლოდ აწმყოზე არ აკისრია.

ჩემი შეთავაზებაა:

  1. 1.    აკონსტიტუციო კომისიის მიერ შემუშავებული კონსტიტუციის ახალი ტექსტიპარლამენტში კენჭისყრაზე არ დადგეს საშემოდგომო სესიამდე იურიდიულ კომიტეტში მისი დახვეწის გარეშე.
  2. 2.    საპარლამენტო არჩევნების საკითხში დავუბრუნდეთ „ქართული ოცნების“ მიერ 2015 წლის ივნისში ინიცირებულდა კენჭისყრისთვის მომზადებულ პროპორციულ და სამართლიან საარჩევნო სისტემას.
  3. 3.    საპრეზიდენტო არჩევნების პირდაპირი თუ არაპირდაპირი წესის თაობაზე საბოლოო გადაწყვეტილება მივანდოთ 2020 წელს არჩეულ პარლამენტს“, _ განაცხადა უსუფაშვილმა.

ყოფილმა კანონმდებელმა საკონსტიტუციო ცვლილებების შესახებ თავისი მოსაზრება რამდენიმე საკითხად დაყო და აღნიშნა, რომ მრავალ საინტერესო და საჭირო ცვლილებებთან ერთად შემოთავაზებულია ბევრი ისეთი ნოვაცია, რომლის ნაჩქარევად,  საფუძვლიანი გააზრებისა და დახვეწის გარეშე მიღება ბევრ პრობლემას შექმნის მომავალში.

„საკონსტიტუციო კომისიამ შემჭიდროებულ ვადებში დიდი მოცულობის სამუშაოები ჩაატარა და სამსჯავროზე გამოიტანა კონსტიტუციის პრაქტიკულად ახალი ტექსტი. მრავალ საინტერესო და საჭირო ცვლილებებთან ერთად შემოთავაზებულია ბევრი ისეთი ნოვაცია, რომლის ნაჩქარევად,  საფუძვლიანი გააზრებისა და დახვეწის გარეშე მიღება ბევრ პრობლემას შექმნის მომავალში.

მაგალითად, უკეთაა გასააზრებელი, ორმაგი მოქალაქეობის მოდელი; კონსტიტუციური პრინციპების და უფლებების სისტემა და სტრუქტურა მათი შესრულება-დაცვის გარანტიებით; კომპეტენციები თავდაცვის სფეროში: დამოუკიდებელი კონსტიტუციური ინსტიტუტები;მოსამართლეთა თანამდებობაზე გამწესება; საკონსტიტუციო სასამართლოს უფლებამოსილება;  თვითმმართველობის, მათ შორის, სუბსიდიარობის,სამართლებრივი დაცვის გარანტიები; პარლამენტის მიერ სახელმწიფო ბიუჯეტის ვერ მიღების შედეგები; და სხვა. ეს სამუშაოები უნდა დავინახოთ როგორც ობიეტური აუცილებლობა და არა ავტორების ნაკლი ან ოპონენტების ახირება“, _ განაცხადა უსუფაშვილმა.

რაც შეეხება საპარლამენტო არჩევნების მისეულ ხედვას, უსუფაშვილი ამბობს, რომ სინამდვილეში პროცესი მიდის არა „ბონუსური“ მოდელისკენ, არამედ არსებული საარჩევნო სისტემის მაჟორიტარული კომპონენტის დატოვებისკენ.

„ხელისუფლების მიერ შემოთავაზებული ვარიანტი (ბლოკების აკრძალვას + 5%-იანი ბარიერი + გამარჯვებულ პარტიას მიაქვს მთელი „ბონუსი“)არის მორიგი ნაბიჯი დაუბალანსებელი ანუ სწორედაც არასტაბილური ერთმმართველობისკენ. ამ გზით არათუ დემოკრატიული პოლიტიკური სისტემა ვერ განვითარდება, არამედ თავად მმართველი პარტიაც მეტად გადაიქცევა სუს-ის, ანუ სტაბილურობის „ჭეშმარიტი ბურჯის“,პოლიტიკურ ანტურაჟად.

შესაბამისად, ეს მოდელი საბოლოოდ დაწუნებული იქნება ყველა ადგილობრივი და საერთაშორისო მოთამაშის მიერ. თუმცა, ამის შემდეგ გაირკვევა, რომ სხვა მოდელზე შეუძლებელია უმრავლესობის შიგნით შეთანხმება და ამიტომ დარჩება არსებული სისტემა.ამრიგად, შემოვლითი გზით, მაგრამ კვლავ იზეიმებს ნეო-ბოლშევიზმი...

გამოსავალია თავად „ქართული ოცნების“ მიერ ერთი წლის წინ ინიცირებული, „ვენეცია გავლილი“, სახალხოდ განხილული და პარლამენტში კენჭისყრისთვის მომზადებული ვერსიისთვის მხარდაჭერა. ეს ვერსია ითვალისწინებს დაბალ ბარიერიან პროპორციულ არჩევნებს ყოველგვარი ექსკლუზიური „ბონუსის“ გარეშე და მის დამუშავებაში უშუალოდ მონაწილეობდნენ პარლამენტის დღევანდელი ლიდერებიც. სამწუხაროდ, წინა მოწვევის პარლამენტში ოპოზიციის ცალკეულ ლიდერებს არ ეყოთ პოლიტიკური შორსმჭვრეტელობა და ხელიდან გავუშვით ამ მოდელის კონსტიტუციურად განმტკიცების უნიკალური შანსი. დღეს ეს შანსი ხელახლა გაჩნდება, თუ თითო ნაბიჯს გადავდგამთ ერთმანეთისკენ“, _ ამბობს უსუფაშვილი.

საპრეზიდენტო არჩევნებთან დაკავშირებით კი აღნიშნავს, რომ „პრეზიდენტის ინსტიტუტი ვერა და ვერ ვაქციეთ იმად, რაც კონსტიტუციაში დიდი ასოებით გვიწერია - სახელმწიფოს ერთიანობის სიმბოლოდ და გარანტად“.

„ასე გაგრძელება უბრალოდ დაუშვებელია, არა ზვიადის, ედუარდის, მიშას, გიორგის მიმართ, არამედ ქართულ სახელმწიფოს მიმართ. ეს ერთნაირად უნდა გაითვალისწინონ მომავალმა ზვიად-გიორგიებმაც და მთელმა საქართველომაც.შექმნილ ვითარებაში სწორედ ამის გაუთვალისწინებლობა იქნება ოცნების მიერ გადაწყვეტილების ერთპიროვნულად მიღება.

არის გამოსავალი. ხელისუფლების მიერ შემოთავაზებული მოდელითვე, ერთი მხრივ, 2023 წლამდე ქვეყანას ეყოლება პირდაპირი წესით არჩეული პრეზიდენტი; მეორე მხრივ, გათვალისწინებულია გარკვეულ შემთხვევებში კონსტიტუციური ცვლილებების ორი მოწვევის პარლამენტის მიერ მიღება. ამ ორი პოლიტიკური და სამართლებრივი მიდგომის ერთობლიობა (სათანადო ტექნიკური დამუშავების შემდეგ), იძლევა შესაძლებლობას 2023 წლის საპრეზიდენტო არჩევნების სისტემის საკითხზე საბოლოო გადაწყვეტილება მივანდოთ 2020 წელს არჩეულ პარლამენტს.

ამ შემთხვევაში მინიმუმ 4 წლით ერთნაირად დაკმაყოფილდება დღეს არსებული ყველა მოთხოვნა და პოზიცია, ხოლო საბოლოო გადაწყვეტილება დაეფუძნება ხალხის უმრავლესობის გადაწყვეტილებას, ვინაიდან 2020 წლის საარჩევნო კამპანიაში მონაწილე პოლიტიკური ძალები გვერდს ვერ აუვლიან ამ საკითხს“, _ აღნიშნავს უსუფაშვილი. 




 ახალი ამბები
  • ყიდულობს თუ არა ვანო ჩხარტიშვილი "რუსთავი 2"_ს _ ბიზნესმენის ექსკლუზიური კომენტარიგავრცელებული ინფორმაციით, ტელეკომპანია რუსთავი 2_ს, რომლის გაყიდვის შესახებ განცხადება ხალვაშმა რამდენიმე დღის წინ გაავრცელა, მყიდველი უკვე გამოუჩნდა. როგორც ამბობენ, ტელეკომპანის ბიზნესმენი ვანო ჩხარტიშვილი ბიძინა ივანიშვილის დავალებით ყიდულობს. თუმცა, გურია ნიუსისთვის მიცემულ ექსკლუზიურ კომენტარში ჩხარტიშვილი ამას ურყოფს: _ სისულელეა და ამაზე არ გავაკეთებ კომენტარს, _ გვითხრა ჩხარტიშვილმა და დააკონკრეტა, რომ ტელევიზიის ყიდვას არ ... ...
  • შტორმი ზღვაზე _ საგანგებო სიტუაციების მართვის სამსახური ზღვაზე დამსვენებლებს აფრთხილებსშავი ზღვის სანაპირო ზოლზე, აჭარის, გურიის და სამეგრელოს ტერიტორიაზე 3-დან 4 ბალამდე შტორმია. საგანგებო სიტუაციების მართვის სამსახურის ცნობით, ზღვაზე გამოფენილია წითელი ალმები და მაშველები დამსვენებელებს აფრთხილებენ, რომ წყალში არ ჩავიდნენ. შინაგან საქმეთა სამინისტროს საგანგებო სიტუაციების მართვის სამსახური მოუწოდებს დამსვენებლებს, დაემორჩილონ მაშველების მითითებებს და დაიცვან უსაფრთხოების ნორმები, არ დატოვონ მცირეწლოვანი ბავშვები უმეთვალყურეოდ, არ ჩავიდნენ წყალში ალკოჰოლის ზემოქმედების ქვეშ ან ნაბახუსევზე, არ გასცდნენ უსაფრთხოების ტივტივებს, მაშველების მიერ გამაფრთხილებელი წითელი ალმების გამოფენის შემთხვევაში არ ჩავიდნენ წყალში. „მას შემდეგ, რაც ცურვა დასაშვები იქნება, გამოიფინება თეთრი ალმები“, - აცხადებენ ... ...
  • პრემიერმა ბახმაროში წასვლა გააუქმა _ ვინ ჩაანაცვლებს ბახტაძესპრემიერი მამუკა ბახტაძე, დღეს ბახმაროში ტრადიციულ დოღს არ დაესწრება. პრემიერის დაგეგმილი სტუმრობა ბახმაროში გუშინ საღამოს გაუქმდა, რისი მიზეზიც უცნობია. არაოფიციალური ინფორმაციით ბახმაროში პრემიერის ჩასვლის გაუქმება მოსალოდნელ სამთავრობო ცვლილებებს უკავშირდება, რომლის მიხედვითაც მამუკა ბახტაძე პოსტს ტოვებს და მისი შემცვლელად ბიძინა ივანიშვილი ორ კანდიდატს შს მინისტრს გიორგი გახარიას და ინფრასტრუქტურის მინისტრს მაია ცქიტიშვილის კანდიდატურებს განიხილავს. იმ შემთხვევში თუ პრემიერის სავარძელში ვიცე-პრემიერი გახარია გადაინაცვლებს მისი პოსტი, შესაძლოა ალეკო ტაბატაძემ ან ირაკლი ღირბაშვილმა დაიკავოს. აღსანიშნავია ის გარემოება, რომ დღეს პრემიერი არც ფერიცვალების სადღესასწაულო წირვას არ ესწრება, რომლესაც მისი უწმინდესობა ილია მეორე აღავლენს. წყარო: ... ...
  • გედევან ფოფხაძემ პარტია დატოვა _ დაპირისპირება ბესელიას გუნდშიგავრცელებული ინფორმაციით, გედევან ფოფხაძემ ეკა ბესელიას პარტია “სამართლიანობისთვის” დატოვა. თუმცა, ინფორმაციას თავად ეკა ბესელია ამ ეტაპზე არ ადასტურებს. გუნდში შესაძლო დაპირისპირებასთან დაკავშირებით დასმული შეკითხვა კი ბესელიამ უპასუხოდ დატოვა. შეგახსენებთ, რომ პარტია “სამართლიანობისთვის” ყრილობა 20 ივნისს გაიმართა, სადაც პარტიის თავმჯდომარედ - ეკა ბესელია, გენერალური მდივნად – გედევან ფოფხაძე, ხოლო პოლიტიკურ მდივნად ზვიად კვაჭანტირაძე ... ...
  • ბახმარო თანამედროვე მუსიკალურო ფესტივალის სამზადისში _ ის, რაც არ უნდა გამოტოვოთSunset Fest Bakhmaro 2019-ის მზადება აქტიურად მიმდინარეობს. უკვე მოწყობილია კარვების ქალაქი, მოსასვენებელი კუთხეები, კაფე-ბარები. ამ წუთებში, ზღვის დონიდან 2050 მეტრზე საკონცერტო სცენის აწყობა მიმდინარეობს. ბახმაროში, ხვალ, 19 აგვისტოს ბევრი სიურპრიზი და დიდი მხიარულება გელით. ტრადიციული დოღის დასრულების შემდეგ, 17 საათზე, მზის ჩასავალი გორის მიმდებარედ (ასასვლელი ვერტოდრომიდან) თანამედროვე მუსიკის ფესტივალი გელოდებათ არაჩვეულებრივი შემსრულებლებით _ Bedford Falls, LOUD speakers, Kordz & Dro, Pitter J, Anushka Chkheidze, Lua და Kraumur თქვენს შესანიშნავ განწყობაზე დილამდე იზრუნებენ. შეაგროვე მთელი წლის სამყოფი ენერგია და მოგონებები. სუფთა ჰაერი, ნისლი, წიწვოვანი ტყე, კოცონები, ვარსკვლავებიანი ცა, კარვების ქალაქი, კარგი მუსიკა, ზაფხულის მზესთან დამშვიდობება _ ეწვიეთ 19 აგვისტოს ბახმაროს! არ გამოტოვოთ დიდი მხიარულება. ფესტივალი „ჩექინ ჯორჯიას“ ფარგლებში იმართება და მისი თანადამფინანსებელია საქართველოს განათლების, კულტურის, სპორტისა და მეცნიერების სამინისტრო. გენერალური სპონსორია „წყალი მარგებელი“. სპონსორები და მხარდამჭერები არიან: „ზედაზენი“; “New Road”; „ორბი ჯგუფი“; „ვასაძის პური“; „სანდომი“; „თქვენი მარკეტი“ ასკანგელი“, ‘გზამშენი 18“, „ლიდერფუდი“, „ბითი ჩერითი ჯგუფი“, „ბახმარო ჰოტელი“; ჩოხატაურის მუნიციპალიტეტის მერია; ლანჩხუთის მუნიციპალიტეტის მერია; „ენერგო პრო ჯორჯია“; საგანგებო სიტუაციების მართვის სამსახური; საგანგებო სიტუაციების კოორდინაციისა და გადაუდებელი დახმარების ცენტრი; ფესტივალის მედია პარტნიორი და საინფორმაციო მხარდამჭერია ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...