„საფუძვლიანი ეჭვი არსებობს რომ ფარული ჩანაწერი სახელმწიფო სტრუქტურებმა გაავრცელეს“_ ლადო პაპავა

პოლიტიკა

„საფუძვლიანი ეჭვი არსებობს რომ ფარული ჩანაწერი სახელმწიფო სტრუქტურებმა გაავრცელეს“_ ლადო პაპავა

2019 იან 30 18:31:54

 „ფარული ჩანაწერებით შანტაჟის პრაქტიკა „ნაციონალურმა მოძრაობამ“ დანერგა, რათა მისთვის არასასურველ პიროვნებებზე ზეგავლენა მოეხდინა. ცუდია, რომ აღნიშნული პრაქტიკა „ქართული ოცნების“ მმართველობის პირობებშიც გრძელდება“,_აღნიშნა „გურია ნიუსთან“ პროფესორმა ლადო პაპავამ.

პაპავას ეჭვი აქვს, რომ „ქართული ოცნების“ დეპუტატის ეკა ბესელიას ფარული ჩანაწერის შესაძლო გამოქვეყნებით სახელმწიფო უწყენები არიან დაინტრესებულნი.

_ბატონო ლადო, საქართველოში ფარული ჩანაწერების გამავრცელებლების მიმართ დაუსჯელობის სინდრომია გამეფებული. სტატისტიკურად, ადამინი, რომელსაც ფარული ვიდეომასალა ინტერნეტში აუტვირთავს, სამართალდამცავი უწყებების მხრიან არ დასჯილა. როგორ ფიქრობთ, ამგვ  სისხლის სამართლის დანაშაულზე სამართალდამცავი უწყებების მხრიდან, რატომ არ ხდება ადეკვატური რეაგირება ?

_ძალიან ცუდია, როცა ჩვენს მოქალაქეებზე ფარული ჩანაწერების მეშვეობით ზეწოლა ხორციელდება. ეს აბსოლუტურად მიუღებელია ნებისმიერი თავმოყვარე საზოგადოებისთვის. გულდასაწყვეტია, რომ ფარული ჩანაწერებით სტიმულირება ხდება სახელმწიფო სტრუქტურების მხრიდან. ჩვენ ვიცით, რომ ეს მავნე პრაქტიკა „ნაციონალურმა მოძრაობამ“ დანერგა, რათა მისთვის არასასურველ პირებზე ზეგავლენა მოეხდინა. ცუდია, რომ აღნიშნული პრაქტიკა „ქართული ოცნების“ მმართველობის პირობებშიც გრძელდება. ამ ქვეყანაში ფარული ჩანაწერების გავრცელებას ერთხელ და სამუდამოდ ბოლო უნდა მოეღოს.

_ თქვენი აზრით, ფარული ჩანაწერების გავრცელების გზით, კონკრეტულად ვის სურს „ქართული ოცნების“ დეპუტატის ეკა ბესელიას დისკრედიტაცია?! პოლიტიკური პროცესების გათვალისწინებით, ლეგიტიმურია კითხვა _ სასამართლო თუ საპარლამენტო ჯგუფს, რომელიც ბესელიას უვადოდ გასამწესებელ მოსამართლეებთან დაკავშირებით დაუპირისპირდა?

_რა თქმა უნდა, ზუსტად. ეს ჩანაწერები ქალბატონ ეკას გამოუქვეყნეს მაშინ, როცა მოსამართლეებთან დაკავშირებით პრინციპული პოზიცია გამოხატა. ამასთან, ვხედავთ, რომ უმრავლესობაში არიან ადამიანები, რომლებსაც უნდათ, რომ ოდიოზური მოსამართლეები  უზენაესი სასამართლოს მოსამართლეები გახდნენ, აქედან გამომდინარე, საფუძვლიანი ეჭვი არსებობს, რომ ფარული ჩანაწერები ამ სტრუქტურების მიერ არის გავრცელებული.

_ჩანს, რომ ფარული ჩანაწერის გამავრცელებელს „ქართული ოცნებიდან“ ეკა ბესელიას მოშორება სურს, რათა ურჩი დეპუტატების ჩამოშორების გზით, საკუთარი პოლიტიკური გეგმები განახორციელოს. რას ფიქრობთ აღნიშნულზე ?

_მხოლოდ ეკა ბესელიას მოშორებაზე არ არის საუბარი. ვიღაცას სურს, რომ ბესელია მორალური ზეწოლის განხორციელების გზით დაასუსტოს. იმ ორგანოებს, რომლებიც ქვეყნის უსაფრთხოებაზე უნდა ზრუნავდნენ და არა ადამიანების შანტაჟზე, ასეთი მეთოდები ძალიან კარგად აქვთ შესწავლილი, რაც თავიდან ბოლომდე ამორალურია. 

_ახსენეთ, რომ  ფარული ჩანაწერების გავრცელების მავნე პრაქტიკა „ნაციონალურმა მოძრაობამ“ დანერგა, თუმცა ამ მეთოდის გამოყენება „ქართული ოცნების“ მმართველობის ხელწერადაც იქცა. ექსპერტი, გია ხუხაშვილი აცხადებს, ფარული ჩანაწერების მეშვეობით „ქართული ოცნების დეპუტატების შანტაჟი ბიინა ივანიშვილის წინააღმდეგაც არის მიმართულიო. როგორ ფიქრბთ, ბიძინა ივანიშილი ასეთი ტიპის დანაშაულს თავად ახალისებს თუ ისეც ისეთივე “მსხვერპლია“, როგორც მაგალითად, „ოცნების“ დეპუტატი  ეკა ბესელია ?

_ბატონი ბიძინას როლი დიდი იყო მაშინ, როცა „ქართულმა ოცნებამ“ „ნაციონალური მოძრაობა“ დაამარცხა, თუმცა პარალელურად, მისი როლი სასამართლო სისტემაში არსებულ პრობლემებთან დაკავშირებითაც საკმაოდ დიდია. როცა ბიძინა ივანიშვილმა ლევან მურუსიძეს მსხვერპლი უწოდა, მაშინ ყველა არაკეთილსინდისიერ მოქალაქეს, დეპუტატსა თუ მოხელეს ხელ-ფეხი გაუხსნა და ხელშეუხებლობის იმუნიტეტი მიანიჭა, რაც ნიშნავს, რომ ბიძინა ივანიშვილი დანაშაულს ახალისებს.

_იუტიციის უმაღლესი საბჭოს წევრთა ნაწილისა და სხვა პრივილიგირებილი  მოსამართლეების მხრიდან ხშირად ისმის ფრაზა _“მე ვარ სასამართლოს ლიდერი“, რაც სასამართლო სისტემაში არსეულ მანკიერ მმართველობით სისტემაზე კარგად მიუთითებს. სამოქალაქო სექტორისა და სხვა პოლიტიკუ წრეების მსგავსად,  თქვენც ფიქრობთ, რომ სასამართლო სისტემა ასეთი ოდიოზური მოსამართლეებისგან უნდა გათავისუფლდეს ?

_ჩემთვის გაუგებარია, რას ნიშნავს იყო სასამართლო სისტემის ლიდერი. ლიდერის ადგილი პოლიტიკაშია და არა მართლმსაჯულებაში. სასამართლოში მოსამართლის საკუთარი სახელი უნდა ერქვას. ის ადამიანები, რომლებიც არაკეთილსინდისიერად იქცევიან და სახელი აქვთ გატეხილი, სასამართლო სისტემას უნდა ჩამოშორდნენ. ფატი იმის შესახებ, რომ ოდიოზურმა მოსამართლეებმა პარლამენტისგან თვითაცილება მოითხოვეს, მხოლოდ ხრიკია. სასამართლო სისტემის მოდელი პრინციპულად უნდა შეიცვალოს, სხვა შემთხვევაში პრობლემები ვერ გამოსწორდება.




 ახალი ამბები
  • ვის აბარია ორმოცდასამი საბავშვო ბაღის ხორცით მომარაგება,,ახალი საქართველოს“ სოციალური მიმართულების ხელმძღვანელი სურსათის ეროვნული სააგენტოს გურიის რეგიონული სამმართველოს უფროსის მანანა ერქომაიშვილის მიერ გავრცელებულ ინფორმაციას ეხმაურება. აღნიშნულმა სამმართველომ ოზურგეთის სოფელ დვაბზუს სასაკლაოზე შპს ,,სოფოს“ ნაქირავებ ფართში ვადაგასული ხორცი აღმოაჩინა, რომელიც მათი განცხადებით აჭარის ბაღებისთვის იყო განკუთვნილი. ,,როგორც ჩანს, რამდენიმე კვირის წინ, შპს ,,ელენიკოს“ დირექტორისთვის პატიმრობის შეფარდებამ, წინა წელს სამტრედიის საბავშვო ბაღებში ცხენის ხორცის შეტანის ფაქტის დადგენის შემდეგ, დიდად ვერ დააფიქრა ბიზნეს ოპერატორები და მაინც ბედავენ საბავშვო ბაღების მომარაგებას საეჭვო წარმოშობისა და მდგომარეობის ხორცპროდუქტებით. სახელმწიფოს მხრიდანაც საკმარისი ნება არაა, რომ საბავშვო ბაღების მომმარაგებლები მეტი სიფრთხილით იქნენ შერჩეული. აღსანიშნავია რომ შპს ,,სოფო“ დაფუძნებულია 2018 წლის 26 მარტს და პირველი ტენდერი, რომელშიც მონაწილეობა მიიღო და მოიგო კიდეც გამოცხადებული გახლდათ ა(ა)იპ ,,ოზურგეთის მუნიციპალიტეტის სკოლამდელი აღზრის ცენტრის“ მიერ 2018 წლის  16 მარტს და განაცხადების შეტანის ბოლო ვადად განსაზღვრული იყო 29 მარტი. ეს იმას ნიშნავს, რომ აღნიშნული შპს ნაჩქარევად სპეციალურად ამ ტენდერისთვის შეიქმნა და შესაბამისად, მას არანაირი გამოცდილება არ გააჩნდა. ისმის კითხვა: რატომ ანდო სატენდერო კომისიამ ასეთ შპს-ს 43 საბავშვო ბაღის ხორცპროდუქტებით მომარაგება? გამოძიება უნდა დაიწყოს სწორედ აქედან და დაიკითხოს NAT180004337 ტენდერის სატენდერო კომისიის მთლიანი შემადგენლობა: ოზურგეთის მუნიციპალიტეტის სკოლამდელი აღზრდის ცენტრის დირექტორი მაკა ჭყონია, ამავე ცენტრის თანამშრომლები და სატენდერო კომისიის წევრები: ნინო ქადეიშვილი, კაკო ზაქარიაძე, მალხაზ კვაჭანტირაძე, ნატალია კალანდაძე, ბადრი გორგილაძე, ანა გოგატაძე, მარიკა ანდღულაძე. შემდეგ კი ყველა იმ ტენდერის სატენდერო კომისიის წევრები, რომელშიც შპს “სოფომ“ გაიმარჯვა. თავისთავად შპს-ს დამფუძნებელი სოფიკო გორგაძე და დირექტორი ბეგლარ ბერიძეც. აღსანიშნავია, რომ ეს შპს მოხვდა შავ სიაშიც სახელმწიფო შესყიდვის შესახებ ხელშეკრულებით ნაკისრი ვალდებულებების არაჯეროვანი შესრულების გამო; კერძოდ, ააიპ ,,ხელვაჩაურის საბავშვო ბაღების გაერთიანების“ ტენდერით გათვალისწინებული რძის პროდუქტების ნაცვლად, უხარისხო პროდუქტების მიწოდების გამო. ყოველივე ზემოთ აღნიშნული გვიჩენს საფუძვლიან ეჭვს, რომ აღნიშნული შპს-ს მიერ ტენდერების მოგება, შესაძლოა, უკავშირდებოდეს კონკრეტულ ინტერესებს. ამიტომ, აუცილებელია აღნიშნულ ფაქტზე დაიწყოს გამოძიება. ცალსახად უნდა დამკვიდრდეს პრაქტიკა, რომ საბავშვო ბაღებში საკვები პროდუქტის მიმწოდებელი ბიზნეს ოპერატორების შერჩევის დროს, სატენდერო პირობების დადგენისას, განსაკუთრებული ყურადღება მიექცეს კომპანიის გამოცდილებას და სამი დღის დაფუძნებულ კომპანიებს არ ვანდოთ ათასობით ბავშვის კვება,“_აცხადებს ,,ახალი საქართველოს“ სოციალური მიმართულების ხელმძღვანელი თეონა ... ...
  • როდის აღსრულდება გურიის გუბერნატორის მუქარა “უმკაცრესად დასჯის“ შესახებსამართალდამცველები და სპეციალისტები არკვევენ იყო თუ არა ვადაგადასული ტონაზე მეტი ხორცი, რომელიც საბავშვო ბაღებში უნდა შესულიყო. საეჭვო ხორცით მომარაგებაში  შპს “სოფოს“ ადანაშაულებენ, რომელიც ადრეც იყო გახვეული “ხორცის სკანდალში. “გურია ნიუსი“ გურიის გუბერნატორს ზურაბ ნასარიას დაუკავშირდა და ამ ფაქტთან დაკავშირებით, მისი კომენტარი ჩაწერა. “სურსათის ეროვნული სააგენტო დგას მოწოდების სიმაღლეზე, ოპერატიულად მუშაობენ. ეს, არ არის პირველი შემთხვევა, როდესაც, მოხდა ძველი პროდუქტების ამოღება და დაჯარიმდნენ კონკრეტული კომპანიები. ჩვენს რეგიონში მსგავსი ფაქტი ხორცთან დაკავშირებით ერთხელ დაფიქსირდა, თუ არ ვცდები და იქაც სურსათის ეროვნული სააგენტოს ჩართულობით მოხდა ფაქტის აღსკვეთა. მაქსიმალური კონტროლია არა მარტო ბაღში, არამედ ყველგან, რომ მოხდეს სუფთა და ხარისხიანი პროდუქტების შეტანა,“-გვითხრა ზურაბ ნასარაიამ. გუბერნატორისგან განსხვავებული პოზიცია აქვს “ერთიანი ნაციონალური მოძრაობის“ ლანჩხუთის ორგანიზაციის თავმჯდომარეს კახა ასკურავას; ის თვლის, რომ ვადაგასული ხორცით მომარაგების შემთხვევების მიუხედავად, შპს “სოფოს“ ბაზარზე ოპერირება, გავლენიანი მფარველის გარეშე ვერ მოხდება: “შპს "სოფოს"(შპს, რომელიც გურიის და აჭარის საბავშვო ბაღებს ძროხის ხორცით ამარაგებს) მფლობელი რომ თაღლითი და დანაშავეა, ეს არაერთგზის გამოვლინდა იმ დარღვევებით, რომელიც ამ ერთ წელიწადში სამჯერ გამოვლინდა უკვე. მაინტერესებს და ოფიციალურად მოვითხოვ შესაბამისი უწყებებებიდან განმარტებებს, ვინ დგას ამ შპს-ს უკან ისეთი გავლენიანი, რომ მიუხედავად სურსათის უვნებლობის სამსახურის მიერ ჯერ დისკვალიფიკაციისა და ამჯერად ვადაგასული ხორცის ამოღების შემდგომაც კი, კიდევ ოპერირებდეს ბაზარზე?! ვერავინ დამაჯერებს,რომ ეს შემთხვევითია და ვიღაც ბობოლა ბაბაიას ხარჯზე, ეს თაღლითი შპს არ აყენებს ჩვენი შვილების სიცოცხლეს რისკის ქვეშ?! ამაზე უსწრაფეს ვადებში მოვითხოვთ კონკრეტულ პასუხებს!“ გურიის გუბერნატორი ზურაბ ნასარაია კი თვლის, რომ  შპს “სოფომ“ გაიმარჯვა ტენდერში და თუ მსგავსი დარღვევები იყო ან კიდევ იქნება, შესაბამისად, სამართალდამცველები შეისწავლიან ამ საქმეებს. _ ბატონო ზურაბ, მსგავსი ქმედების დროს, კომპანიები მცირედი თანხით  ჯარიმდებიან და შემდეგ ისევ აგრძელებენ მუშაობას. არის თუ არა გასამკაცრებელი კანონი? _ არსებობენ ადამიანები და არსებობენ თაღლითები. ამიტომ, ჩვენ ცალსახად ვამბობთ, არავის დანდობა არ იქნება, სადაც საუბარია ბაღებზე, ბავშვებზე, ადამიანების სიცოცხლეზე. ყველა მსგავსი ფაქტი იქნება გამოძიებული და ის ადამიანები, რომლებიც ცდილობენ ვადაგადასული ხორცის შეტანას სხვადასხვა დაწესებულებებში, მკაცრად დაისჯებიან. _ როდის, ბატონო ზურაბ? შპს “სოფო“ უკვე იყო დადანაშაულებული მსგავსს ქმედებაში. თქვენ ახლა გვითხარით, რომ ყველას, ვინც შეეცდება ვადაგადასული ხორცის შეტანას ბაღებში, მკაცრად მოეთხოვება პასუხი. _ “სოფოს“ დარღვევები, რა ქონდა წინა წლებში, მე არ ვიცი. კიდევ ერთხელ ვიტყვი, არავის დანდობას არ ვაპირებთ. დაარღვია შპს “სოფომ“ კანონით მინიჭებული უფლება? მაშინ მან უნდა აგოს პასუხი ამ ქმედებაზე. დაველოდოთ გამოძიების შედეგებს. _ თქვენი გუბერნატორობის დროს მოხდა, ე.წ. “ხორცის სკანდალი“ და მაშინაც ხორცის მიმწოდებელი  იყო შპს “სოფო“... _ ყველა ფაქტი გაჟღერდა ჩვენი სამსახურების კარგი მუშაობის გამო. სურსათის ეროვნული სააგენტო თავის საქმეს კარგად აკეთებს, - გვითხრა საუბრის დასასრულს ზურაბ ნასარაიამ. ... ...
  • ვეტერანი პოლიციელების აქცია ლანჩხუთში პოლიტიკური ფიგურების წინააღმდეგლანჩხუთში  სამსახურებრივი მოვალეობის დროს დაღუპულ პოლიციელთა სახელობის სკვერში ვეტერანმა პოლიციელებმა აქცია გამართეს. თუმცა, აქციას გარდა პოლიციელებისა, რამდენიმე საჯარო მოხელეც შეუერთდა. როგორც გაირკვა, აქციის მონაწილეები „გამარჯვებული საქართველოს” ერთ-ერთი  ლიდერის, გუბაზ სანიკიძის ტელეკომპანია „კავკასიას“ ეთერში პოლიციელების მისამართით გაკეთებულმა განცხადებამ: „ნახევარი მილიონი ქართველი გამოვა ორლულიანი თოფებით და თქვენზე დაიწყებენ ნადირობას, ფრთხილად იყავით, თორემ სახელით და გვარებით მოგაკითხავთ ყველას“, გააღიზიანა. ვეტერან პოლიციელთა ჯგუფის სახელით აქციაზე ყოფილმა პოლიციელმა ლალი ლომაძემ წერილობითი მიმართვა გაჟღერდა სახალხო დამცველისა და არასამთავრობო სექტორის მისამართით, სადაც გარდა გუბაზ სანიკიძის განცხადებისა, გრიგოლ ვაშაძის ქმედებაც იყო დაგმობილი. „პოლიცია საზოგადოების მხრიდან დიდ ნდობას, პატივისცემას და არა თავში წამორტყმას, მუქარასა და დაშანტაჟებას. რა ხდება, რა შემთხვევასთან გვაქვს საქმე, როცა მავანნი ცდილობს პოლიციის დემორალიზაციას. კიდევ უფრო ცუდი დაუმორჩილებლობისკენ მოუწოდებს?! თავს უკიდურესად შეურაცხყოფილად ვგრძნობთ. მოვუწოდებთ სახალხო დამცველს, არასამთავრობო სექტორს დადგნენ  მოწოდების სიმაღლეზე. დაუყოვნელივ მისცენ შეფასება გრიგოლ ვაშაძისა და გუბაზ სანიკიძის საქციელს. ამავდროულად მსოფლიოს გააცნონ მათი „გმირობის“ ამსახველი კადრი და განცხადების შინაარსი,“_ თქვა ... ...
  • როგორია უახლოესი დღეების ამინდის პროგნოზიგარემოს ეროვნული სააგენტოს ინფორმაციით, 9-15 დეკემბერს საქართველოში მოსალოდნელია უმეტესად უნალექო ამინდი. 13 დეკემბრიდან ზოგან იქროლებს აღმოსავლეთის მიმართულების ქარი. ჰაერის ტემპერატურა დასავლეთ საქართველოს დაბლობში +12, +17 გრადუსამდე მოიმატებს, აღმოსავლეთ საქართველოში ღამის საათებში ეციება, დღისით კი ბარში +6, +11 გრადუსი დაფიქსირდება. თბილისში უნალექო ამინდი იქნება. ჰაერის ტემპერატურა დღის საათებში +9, +11 გრადუსია ... ...
  • კიდევ ერთი გაზით გარდაცვლილი გურიიდანგაზის გაჟონვის გამო, კიდევ ერთი ადამიანი დაიღუპა; ჩოხატაურის მუნიციპალიტეტის სოფელ შუა ამაღლებიდან 28 წლის ირინა სიხარულიძე, რომელიც თბილისში ცხოვრობდა, სავარაუდოდ, გუშინ გაიგუდა გაზით. ირინა სახლში მარტო იყო. კარის შემტვრევა ძმამ მოახერხა, თუმცა, სამწუხაროდ, და გარდაცვლილი დახვდა. “გურია ნიუსი“ უთანაგრძნობს გარდაცვლილის ოჯახს. გუშინ, თბილისში და-ძმა კობიძეები ასევე, გაზის გამონაბოლქვით გაიგუდნენ. სამწუხაროდ, და გარდაიცვლა, ხოლო ძმის მდგომარეობა გაუმჯობესდა და დღეს აპარიტან ... ...

არქივი

ზაფრანი

რა დაავადებისგან იცავს ვარჯიში მამაკაცებს

რეგულარული ვარჯიში კონკრეტული დაავადებების რისკს...

დღეში, რამდენი ფინჯანი ყავის დალევა შეიძლება

რამდენიმე თვის წინ ამერიკელმა მკვლევარებმა...

კაკაოს გასაოცარი თვისებები

კაკაო შეიცავს ნივთიერებას, რომელიც კარგია...

პროდუქტები რომლებიც სწრაფად გვაბერებს

მარგარინი – შეიცავს ტრანსცხიმს და...

მკურნალი ყავა

საინტერესოდ გამოიყურება ჰარვარდის უნივერსიტეტის მეცნიერთა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

საპარლამენტო არჩევნების რომელ მოდელს უჭერთ მხარს