ფარული ჩანაწერების განადგურება 1 კვირაში იგეგმება

სამართალი

ფარული ჩანაწერების განადგურება 1 კვირაში იგეგმება

2013 მაი 20 21:11:28
პრობლემა განსაკუთრებით მას შემდეგ გამწვავდა , რაც შინაგან საქმეთა სამინისტროს მაღალჩინოსანმა მის მიმართ გავრცელებულ დასაბუთებულ თუ დაუსაბუთებელ ბრალდებას საკმაოდ უხამსი ვიდეო ჩანაწერის გამოქვეყნებით უპასუხა.

"მოხდა ძალიან მძიმე ფაქტი, როდესაც ამ მასალების გავრცელებაში ჩართული აღმოჩნდა შს სამინისტროს მაღალი თანამდებობის პირი. ეს ყველაფერი ცხადჰყოფს იმას, რომ ჩვენ ვერ ვიქნებით გარკვეული თანამდებობის პირების იმედზე. ჩვენ გვჭირდება ინსტიტუციური გარანტიები, რომ მსგავსი მასალები არ შეიქმნება, არ დასაწყობდება და არ გავრცელდება," _ განაცხადა პარლამენტის თავმჯდომარე დავით უსუფაშვილმა.

პარლამენტის იურიდიული და ადამიანის უფლებათა კომიტეტების წევრებმა დღეს გასვლითი სხდომა სასტუმრო "ჰოლიდეი Inn"- ში გამართეს და ფარულ ჩანაწერების არქივის მომავალზე პროკურატურასთან, სასამართლოსთან, შს და იუსტიციის სამინისტროებთან ერთად იმსჯელეს.

"მძიმე მემკვიდრეობა გვერგო არა მარტო საკანონმდებლო თვალსაზრისით, არამედ იმ მახინჯი პრაქტიკის არსებობის კუთხით, რომელიც წლების განმავლობაში ადამიანების უფლებების დარღვევისკენ იყო მიმართული," _ აცხადებს შინაგან საქმეთა მინისტრის მოადგილე ლევან იზორია და პირობას დებს, რომ უახლოეს ერთ კვირაში უკანონოდ მოპოვებული ჩანაწერები სამოქალაქო საზოგადოების უშუალო მონაწილეობით განადგურდება.

პარლამენტის იურიდიულმა კომიტეტმა შს სამინისტროს კონკრეტული კითხვები გადაუგზავნა, მათ შორის იყო კითხვა: "ბოლო ერთი წლის განმავლობაში რამდენჯერ ეცნობა საქართველოს იუსტიციის მინისტრს იმ ინფორმაციის განადგურების შესახებ, რომლის შენახვაც ოპერატიულ-სამძებრო საქმიანობის შესახებ კანონითაა აკრძალული?" გაირკვა, რომ ვიდეო და აუდიო ჩანაწერებთან დაკავშირებით სამინისტრო დღემდე არ ფლობს ზუსტ სტატისტიკას.

"აღნიშნული ინფორმაცია არ არის სისტემატიზებული და ავტომატურ რეჟიმში აღრიცხვადი. ამდენად ასეთი ინფორმაციის მოძიებას სჭირდება გარკვეული დრო. მოცემული ინფორმაცია თავმოყრილია არა ერთ განაყოფში, არამედ სხვადასხვა დანაყოფებში და ქვედანაყოფებში," _ განაცხადა იზორიამ, რაზედაც კომიტეტის თავმჯდომარე ვახტანგ ხმალაძემ უპასუხა, რომ ამისთვის ახალ ხელმძღვანელობას 6 თვე ჰქონდა.

ლევან იზორიას თქმით, ჩანაწერები დაცულია შს სამინისტროს ოპერატიულ-ტექნიკურ დეპარტამენტში და ამჟამად მიმდინარეობს გამოძიება იმის დასადგენად, რომელი ჩანაწერია უკანონო გზით მოპოვებული და რომელი კანონის დაცვით.

"ამ ყველაფერს სჭირდება დრო, რათა დახარისხდეს, რათა გაირკვეს რომელია უკანონო გზით მოპოვებული და რომელი _ კანონიერად. მე მინდა გავაჟღერო შს მინისტრის დაპირება, რომ ერთ კვირაში მოხდება უკვე გამოაშკარავებული უკანონო ჩანაწერების საზოგადოების ჩართულობით განადგურება," _ განაცხადა იზორიამ.

მთავარი პროკურორის მოადგილე შოთა რეხვიაშვილი სტატისტიკას იშველიებს იმის დასამტკიცებლად, რომ 2012 წლის 1 ნოემბრამდე სასამართლო ფარულ მიყურადებასთან დაკავშირებულ ყველა შუამდგომლობას აკმაყოფილებდა. ეს ტენდენცია მნიშვნელოვნად შეიცვალა ახალი ხელისუფლების მოსვლის შემდეგ.

2012 წელს ფინანსურ დანაშაულთან დაკავშირებით პროკურატურის მიერ წარდგენილი 1063 შუამდგომლობიდან სასამართლომ ყველა უპირობოდ დააკმაყოფილა. ასევე, დაკმაყოფილდა გენერალური ინსპექციის მიერ სასამართლოში წარდგენილი 494 შუამდგომლობა 3952 პირზე. 2012 წლის 1 ნოემბრიდან 2013 წლის 1 მაისამდე სასამართლოში შეტანილი 643 შუამდგომლობიდან 83 საქმე 147 პირის მიმართ სასამართლოს მიერ არ დაკმაყოფილდა.

დღევანდელ შეხვედრაზე სასამართლო ხელისუფლება იუსტიციის უმაღლესი საბჭოს წევრმა გიორგი ობგაიძემ წარმოადგინა. მან დამსწრე საზოგადოებას თბილისის მასშტაბით ოპერატიულ-სამძებრო ღონისძიებათა შესახებ შუამდგომლობების სტატისტიკური მონაცემები გააცნო: 2011 წლის განმავლობაში სასამართლოში შევიდა 7 195 შუამდგომლობა, აქედან დაკმაყოფილდა _ 7 187. 2012 წელს შევიდა 5 951 შუამდგომლობა, დკამაყოფილდა _ 5939. 2013 წელს შესული 1 195 შუამდგომოლბიდან დაკმაყოფილდა 1064.

ობგაიძის თქმით, ამ ღონისძიებათა გამოყენებისას სასამართლო ხელმძღვანელობს ოთხი ძირითადი სტანდარტით: 1) იდენტიფიცირების სტანდარტი _ სავალდებულოა იდენტიფიცირებული იქნას პირი, რომლის მიმართაც უნდა გახორციელდეს ოპერატიულ-სამძებრო ღონისძიება.

2) დანაშაულთან კავშირის სტანდარტი _ წარმოდგენილი მტკიცებულებები უნდა ასაბუთებდეს პირის კავშირს დანაშაულთან.

3) სარგებლობის სტანდარტი _ წარმოდგენილი უნდა იქნას მტკიცებულება (მობილური ტელეფონი ან სხვა საშუალება), რომელიც წარმოადგენს ოპერატიულ-სამძებრო ღონისძიების ობიექტის კუთვნილებას.

4) ვადის სტანდარტი _ ოპერატიულ-სამძებრო ღონისძიების ჩასატარებლად მოთხოვნილი ვადა უნდა იყოს დასაბუთებული, ლოგიკური.

საპარლამენტო უმრავლესობის წევრის ეკა ბესელიას თქმით, დღევანდელ შეხვედრაზე ორი ძირითადი პრობლემა გამოიკვეთა: უკანონო მოსმენები ხდებოდა მასობრივად, რაც იმას ნიშნავს, რომ არსებობს რამდენიმე ათასი ადამიანის ფარული ჩანაწერი. ეს მასალები ერთმნიშვნელოვნად უნდა განადგურდეს. მეორე პრობლემა საკანონმდებლებო ხარვეზია _ დღევანდელი კანონი ვერ იცავს ადამიანის პირად ცხოვრებას.

ფარულ ჩანაწერების განადგურებამდე ბესელიას თქმით, მინიმუმ ერთი საკომიტეტო მოსმენა კიდევ ჩატარდება, რათა ამ საკითხზე საბოლოო გადაწყვეტილება იქნეს მიღებული.




 ახალი ამბები
  • სემეკმა „ვარკეთილაირის“, „საჩხერეგაზისა“ და „ენერგოკავშირის“ საინვესტიციო გეგმები შეითანხმა (R)საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) საჯარო სხდომაზე ბუნებრივი გაზის გამანაწილებელი კომპანიების მიერ 2019-2022 წლებში განსახორციელებელი საინვესტიციო გეგმები განიხილა და შეითანხმა. შპს „ვარკეთილაირის“, შპს „საჩხერეგაზისა“ და სს „ენერგოკავშირის“ შეთანხმებული საინვესტიციო გეგმები ემსახურება ბუნებრივი გაზის გამანაწილებელი ქსელის ეფექტიანობისა და საიმედოობის ზრდას, ასევე ქსელის გაფართოებას. შპს „ვარკეთილაირი“ 2019-2022 წლებში 1 592 464 ლარის ინვესტიციას განახორციელებს. კომპანიის საინვესტიციო პროექტები ძირითადად მიმართულია დანაკარგების შემცირებისა და ქსელის საიმედოობის ზრდისკენ. კომპანია ასევე ახორციელებს ახალი არეალის გაზიფიცირებას. შპს „საჩხერეგაზის“ მიერ კომისიასთან შეთანხმებული 2019-2022 წლების საინვესტიციო გეგმა ჯამში 337 227 ლარით განისაზღვრა. კომპანია გეგმავს 3000-ზე მეტი აბონენტისთვის მრიცხველის შეცვლასა და ამ გზით აღრიცხვის მოწესრიგებას. კომისიამ ნაწილობრივ შეითანხმა სს „ენერგოკავშირის“ მიერ წარმოდგენილი 2019-2022 წლების საინვესტიციო გეგმა. კომისიამ არ შეითანხმა კომპანიის მიერ მოთხოვნილი ინვესტიციები ქსელის განვითარების ნაწილში, ვინაიდან მოთხოვნილი ინვესტიციის დაფინანსება უნდა მოხდეს მიერთების მსურველთა მიერ, ხოლო ერთ შემთხვევაში კომპანია ითხოვდა ინვესტიციის შეთანხმებას იმ არეალში, სადაც იგი არ ახორციელებს ბუნებრივი გაზის განაწილებას. კომისია დაეთანხმა კომპანიას მხოლოდ არაქსელური აქტივების ინვესტიციების ნაწილში, რაც ჯამურად 81 740 ლარს შეადგენს.(R)   ... ...
  • მკვლელობა ქარელში- კაცმა დის ქმარი მოკლამკვლელობა ქარელის მუნიციპალიტეტის სოფელ დირბში. ახალგაზრდა კაცის მკვლელობაში ცოლის ძმას ადანაშაულებენ. ის, სავარაუდოდ, ცივი იარაღით ან ბლაგვი საგნით მიყენებული ჭრილობის შედეგად გარდაიცვალა. გამოძიებას შინაგან საქმეთა სამინისტრო გამოძიებას სისხლის სამართლის კოდექსის 109-ე მუხლით აწარმოებს, რაც განზრახ მკვლელობას გულისხმობს. მომხდართან დაკავშირებით ჯერ დაკავებული არავინ არ ... ...
  • ქუთაისში ოპოზიციას კვერცხები ესროლესოპოზიციური პარტიის წარმომადგენლებს და მათ მხარდამჭერებს, ქუთაისში, კვერცხები ესროლეს. შემთხვევა აბაშიძის ქუჩაზე მდებარე სკვერში მოხდა, სადაც ისინი არიან შეკრებილები და მსვლელობას გეგმავენ. კვერცხები, სავარაუდოდ მაღალსართულიანი კორპუსების სახურავებიდან ... ...
  • რა თანხას გახარჯავს ბიუჯეტი წინასაახალწლო სამზადისისთვისლანჩხუთის ცენტრში წინასაახალწლო სამზადისია, რისთვისაც ადგილობრივი ბიუჯეტიდან 17 ათასი ლარის გახარჯვაა გათვალისწინებული.   ქალაქის ცენტრალურ სკვერში უკვე დაწყებულია სადრესასწაულო განათებების მონტაჟი, რომელსაც, კეთილმოწყობის სამსახური ახორციელებს. კეთილმოწყობის სამსახურის უფროსის, დავით წულაძის თქმით, მხოლოდ ცენტრალური ქუჩა არ იქნება მორთული. „დამდეგ ახალ წელს უფრო ლამაზი და მორთული შეხვდება ჩვენი ქალაქი. ახლა სადღესასწაულო განათებების მონტაჟი მიმდინარეობს. ბევრი სიახლე გვაქვს დაგეგმილი. ლამაზი მანათობლებით მხოლოდ ცენტრალური ქუჩა არ იქნება მორთული, მიმდებარე ქუჩებსაც გავალამაზებთ. მთავარი ნაძვის ხის ანთებას კი 25 დეკემბრისთვის ვგეგმავთ“,_ამბობს წულაძე. ... ...
  • საქართველოს ბანკი ონლაინ გადახდების მიმართულებით მომხმარებელს ახალ ინოვაციურ პროდუქტს სთავაზობს(R)საქართველოს ბანკი მომხმარებლის ინტერესების გათვალისწინებით, მათ საჭიროებებზე მორგებული პროდუქტების შეთავაზებას განაგრძობს. ამჯერად, ბანკმა მომხმარებელს ონლაინ გადახდების მიმართულებით ახალი, ინოვაციური პროდუქტი - iPay შესთავაზა.  iPay  არის სწრაფი, თანამედროვე, მარტივი და კომფორტული გადახდის გზა მათთვის, ვისაც ონლაინ შოპინგი უყვარს. iPay Mastercard-ის, Visa-ისა და ექსკლუზიურად American Exmpress-ის მფლობელებს შესაძლებლობას აძლევს, მინიმალური ძალისხმევითა და მაქსიმალური კომფორტით გააკეთონ შენაძენი ონლაინ მაღაზიაში.  iPay -ს საშუალებით ყოველ ჯერზე აღარ არის საჭირო ბარათის მონაცემების თავიდან შეყვანა. საკმარისია საქართველოს ბანკის ინტერნეტბანკის ან მობაილბანკის მონაცემებით ავტორიზაცია. ამასთანავე, მომხმარებლისთვის სასურველი ნივთის შესაძენად საჭირო ნაბიჯები მინიმუმამდეა შემცირებული, რადგან პროდუქტი სწორედ თანამედროვე ონლაინ შოპინგის საპასუხოდ შეიქმნა. Mastercard-ის, Visa-ისა და ექსკლუზიურად American Express-ის მფლობელებს iPay მარტივი და კომფორტული ონლაინ გადახდების გარდა, აძლევს შესაძლებლობას, მისთვის სასურველ პროდუქტზე განვადება ნებისმიერ დროს და ნებისმიერი ადგილიდან,  ვებგვერდიდან გაუსვლელად და ფილიალში მისვლის გარეშე გააკეთოს. გადახდის ახალი სისტემა მოსახერხებელია არა მხოლოდ ფიზიკური პირებისთვის, არამედ მცირე და საშუალო ბიზნესისთვის, რადგან  iPay არის კარგი შესაძლებლობა ბიზნესისთვის, მარტივად მართოს გადახდები, გაეცნოს ანალიტიკურ ინფორმაციას. ასევე, ერთ სივრცეში ნახოს გადახდებთან დაკავშირებული ყველა საჭირო დოკუმენტი, რაც მას მნიშვნელოვნად დაუზოგავს დროს. ეს კი ბიზნესს დაეხმარება შემდგომ განვითარებასა და მომდევნო ნაბიჯების სწორად დაგეგმვაში. „საქართველოს ბანკი მომხმარებლის მეტი კომფორტისთვის, მის საჭიროებაზე მორგებული პროდუქტების დანერგვას აგრძელებს. მოხარულები ვართ, რომ დღეიდან ჩვენს მომხმარებელს ონლაინ გადახდების კიდევ უფრო სწრაფად, მარტივად და უსაფრთხოდ განხორციელების შესაძლებლობა აქვს. ჩვენი მიზანია, ხელი შევუწყოთ ონლაინ გადახდებში თანამედროვე ტექნოლოგიების განვითარებას. არსებული პროდუქტის შეთავაზება გახლავთ საქართველოს ბანკის  მიერ რეგიონის მასშტაბით open banking-ის განვითარების სტრატეგიის ნაწილი და ამ კუთხით ჩვენ ჩვენს მომხმარებელს კიდევ ბევრ სიახლეს შევთავაზებთ“,_განაცხადა საქართველოს ბანკის გენერალური დირექტორის მოადგილემ, ვახტანგ ბობოხიძემ.(R) ... ...

არქივი

ზაფრანი

მკურნალი ყავა

საინტერესოდ გამოიყურება ჰარვარდის უნივერსიტეტის მეცნიერთა...

საშიშია თუ არა მზის სათვალე

მზის სათვალე წარმოადგენს არა მხოლოდ...

ლიმონის დიეტა

ლიმონის დიეტა გრძელდება 10-დან 14...

ახდენს თუ არა ცხელი ჩაი კიბოს პროვოცირებას

ჩინელი მედიკოსები ცხრა წლის მანძილზე...

ნივთები, რომლებიც იმაზე ჭუჭყიანია, ვიდრე წარმოგიდგენიათ

წარმოგიდგენთ ნივთებს, რომლებიც იმაზე ბინძურია,...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

საპარლამენტო არჩევნების რომელ მოდელს უჭერთ მხარს