იმერეთის ყოფილ გუბერნატორს პროკურატურაში ისევ დაიბარებენ

სამართალი

იმერეთის ყოფილ გუბერნატორს პროკურატურაში ისევ დაიბარებენ

20 ივნ. 2013, 21:59:39

მაქაცარიას გამოძიება თანამდებობრივი უფლებამოსილების ბოროტად გამოყენებას ედავება. საუაბარია 2010 წელს ქუთაისის ბაღებიდან გათავისუფლებულ რამდენიმე მასწავლებელზე, რომლებიც სამსახურიდან მაქაცარიას ბრძანებით გაუშვეს. სწორედ ეს მასწავლებლები არიან იმ საჩივრების ავტორები, რომლის საფუძველზე იმერეთის ყოფილი გუბერნატორის წინააღმდეგ საქმის ძიება სისხლის სამართლის კოდექსის, 332-ე მუხლის პირველი პუნქტით მიმდინარეობს.

მაქაცარიას თქმით, ის კორუფციას ებრძოდა და პროკურატურის ქმედება კომიკურია, რადგან მისივე განცხადებით, პროკურატურაში დღემდე მუშაობენ ის ადამიანები, რომლებიც უშუალოდ ჩართულნი იყვნენ 2010 წელს ამ ფაქტის ძიებასა და კორუფციასთან ბრძოლაში და კარგად იციან, რა ხდებოდა მაშინ. იმერეთის ყოფილი გუბერნატორი მიიჩნევს, რომ პროკურატურაში მისი დაბარება პოლიტიკური ანგარიშსწორებაა.

მაქაცარიას განცხადებით, კორუფციულ საქმიანობაში ბევრი ისეთი ადამიანია გარეული, რომლებიც დღეს ქუთაისში პოლიტიკურ ამინდს ქმნიან და ადგილობრივი ხელისუფლებასთან საკმაოდ მჭიდრო კავშირი აქვთ. როგორც მან ჟურნალისტებს უთხრა, ყველა ამ ფაქტზე პროკურატურას განუცხადა და საჭიროა იმ პირების დაკითხვა, ვინც უშუალოდ გარეული იყო 2010 წელს ქუთაისის ბაღების სკანდალით ცნობილ საქმეში.

"რა თქმა უნდა, ჩემი მხრიდან ყველა სახის ინფორმაცია იქნება მათთვის მიწოდებული და მე გამოძიებასთან ვითანამშრომლებ. თუმცა, ერთი რამე შემიძლია ვთქვა _ ეს ნადვილად გახლდათ პოლიტიკური გადაწყვეტილება. ეს არის ის, რომ ადამიანი დაიბარო ერთი მიზეზით _ რატომ ებრძოდი კორუფციას ქუთაისში? ის ხალხი, რომლებიც ჩართულნი იყვნენ კორუფციაში, დღეს პოლიტიკას ქმნიან ქუთაისში _ ნიშნავენ ქალაქის მერებს და მჭიდრო კავშირი აქვთ ადგილობრივ თვითმმართველობასთან. მე არანაირი პრეტენზია არ მაქვს იმ ადამიანებთან, რომლებმაც ეს საჩივარი შეიტანეს პროკურატურაში, იმიტომ, რომ ვიცი შეატანინეს პოლიტიკური ანგარიშსწორებისთვის," _ განაცხადა ჟურნალისტებთან იმერეთის ყოფილმა გუბერნატორმა ლაშა მაქაცარიამ.

ლაშა მაქაცარიას მხარდასაჭერად დასავლეთ საქართველოს საოლქო პროკურატურასთან საპარლამენტო უმცირესობის წევრი აკაკი მინაშვილიც იმყოფებოდა. მან მაქაცარიას პროკურატურაში დაბარება პოლიტიკურ დევნად შეაფასა და აღნიშნა, რომ ყოფილი გუბერნატორი პროკურატურაში კორუფციასთან ბრძოლისთვის დაიბარეს. მინაშვილი "ქართულ ოცნებას" კორუფციასთან ბრძოლაში უუნაროს უწოდებს და აღნიშნავს, რომ მაქაცარიას დაკითხვა ცუდი გზავნილია: "ეს ნიშნავს, რომ კორუფციასთან ბრძოლა ისჯება და ყველას ისევ თავისუფლად შეუძლია ქრთამის აღება," _ თქვა მინაშვილმა.

"რასაკვირველია, ეს არის პოლიტიკური დევნა. თვითონ "ქართულ ოცნებას" არ აქვს უნარი, ებრძოლოს კორუფციას და ეს გამოჩნდა. ერთის მხრივ, ისინი არიან ჩაფლული კორუფციაში და მეორეს მხრივ, ებრძვიან იმ ადამიანებს, ვინც ებრძოდა ამ სენს. ეს არის გზავნილი, რომ კორუფცია მათვის დაშვებულია, ამაში შეუძლიათ აიღონ ფული, ქრთამი და ამისთვის არ დაისჯებიან. ეს არის ძალიან ცუდი მაგალითი და ძალიან ცუდი გზავნილი. ლაშა მაქაცარია აქტიურად იბრძოდა და დაამარცხა კიდეც კორუფცია," _ განაცხადა საპარლამენტო უმცირესობის წევრმა აკაკი მინაშვილმა.

"გურია ნიუსი" იმ პროკურორს დაუკავშირდა რომელიც 2010 წელს ქუათაისის ბაღებში მომხდარ ფაქტს იძიებს. გიორგი გვარაკიძე, მაქაცარიას პირდაპირ ბრალეულობას ამ საკითხზე ჯერჯერობით არ ადასტურებს და აღნიშნავს რომ გამოძიების დასრულებამდე ამაზე საუბარი რთულია. მისი განცხადებით, გამოძიების ეტაპზე დაიკითხა ყველა ის ადამიანი, რომელიც ამ საქმესთანაა კავშირში და ასევე ისინი, ვინც პროკურატურაში განცხადება შეიტანეს. პროკურორ გვარაკიძის განცხადებით, არაა გამორცხული, მაქაცარია კვლავ დაიბარონ დაკითხვაზე. მისივე თქმით,  ამ ფაქტის, როგორც პოლიტიკური ანგარიშსწორების შეფასება, არასწორია, რადგან მაქაცარია თავად აღიარებს მედიასაშუალებებით, რომ ის ამ გათავისუფლებებთან დაკავშირებული იყო, როგორც გუბერნატორი და ამიტომ საჭირო იყო მისი დაკითხვაც," _ აღნიშნავს "დასავლეთ საქართველოს საოლქო პროკურორის" მოადგილე გიორგი გვარაკიძე.

"მაქაცარიას ბრალეულობას რაც შეეხება, ამაზე ჯერ ადრეა საუბარია. მისი ბრალეულობა გამოკვეთილი არ არის. საქმის მიმდინარეიბა ასეთია _ დაკითხულია თითქმის ყველა განმცხადებელი. ისინი, ვინც თავის დროზე შემოიტანეს განცხადება. დაკითხული არიან საქმეზე ასევე მერიის თანამშრომლები. ჩატარებულია საკმაოდ მოცულობითი საგამოძიებო სამუშაოები, თუმცა, ჯერჯერობით საქმის ძიება დასრულებული არ არის. წინასწარ ვერ გეტყვით, განვიხილავთ თუ არა მაქაცარიას ჩვენებას საქმის სხვა მასალებთან ერთად და შესაძლოა ისევ დავიბაროთ. როგორც ჩანს, ცდილობენ პოლიტიზირება მოახდინონ ამ საქმის, თუმცა, მე ვერ დავეთანხმები ამას. ეს არის ჩვეულებრივი სისხლის სამართლის საქმე და არანაირად არ არის დაკაშირებული იმასთან, რომ მაქაცარია იყო გუბერნატორი. თუ პროკურატურას მასთან კითხვები აქვს, ეს არ შეიძლება პოლიტიკურ ანგარიშსწორებად მივიჩნიოთ. ვერ დავეთანხმები იმ ადამიანებს, რომლებიც პოლიტიკურ ელფერს აძლევს ამ საქმეს, ვინაიდან გამოძიებას, მოგეხსენებათ, ხან გუბერნატორის დაკითხვა მოგვიწევს, ხან _ მასწავლებლის ხან _ დამლაგებლის და ამ საქმეში აუცილებელი იყო მაქაცარიას დაკითხვა. თვითონ ლაშა მაქაცარიას სატელევიზიო ინტერვიუები, საგაზეთო მასალები და საკუთარ გვერდზე ინტერნეტში გამოქვეყნებული ნააზრევი, იმის შესახებ, რომ დაკავშირებული იყო ამ გათავისუფლებებთან, როგორც გუბერნატორი.  გახდა იმის მიზეზი, რომვიბარეთ და დავკითხეთ. ასე რომ, ჰაერიდან არ მოგვიტანია მაქაცარიას დაკითხვა," _ განაცხადა "გურია ნიუსთან" საუბრისას პროკურორმა გიორგი გვარაკიძემ.

შეგახსენებთ რომ საქმე ეხება 2010 წელს ქუთაისის ბაღებში გახორციელებულ სპეცოპერაციას, რომელსაც სკოლამდელი დაწესებულებების თანამშრომლები შეეწირნენ _ ისინი კორუფციული სქემით მუშაობაში დაადანაშაულეს. მაშინდელმა გუბერნატორმა ლაშა მაქაცარიამ დანაშაულებრივ სქემაში მონაწილე დაპატიმრებული მასწავლებლების გარდა, დანარჩენი 30 გამგისა და 27 ბუღალტრის სამსახურდან დათხოვნაც მოითხოვა. სწორედ ამ საქმეზე მიმდინარეობს საქმის ხელახალი ძიება. ჩათვლის თუ არა პროკურატურა საჭიროდ, მაქაცარიას კიდევ ერთხელ დაკითხვას და გამოიკვეთება თუარა მისი ბრალეულობა ამ საკითხში, გამოძიების საბოლოო დასრულებამდე უცნობია.




 ახალი ამბები
  • "წაგვიღო წყალმა" _ ჩოხატაურში დუმბაძის ქუჩის #24-ში მცხოვრებლები დახმარებას ითხოვენუამინდობამ პრობლემები შექმნა ჩოხატაურში. როგორც "გურია ნიუსს" დუმბაძის 24-ში მდებარე მარავალბინიანი საცხოვრებელი სახლიდან შეატყობინეს, ადიდებული მდინარე ორპირა კალაპოტიდან გადმოვიდა და საცხოვრებელი სახლის ქვეშ მიედინება. "თუ ჰყავს ვინმე პატრონი რაიონს, მოგვხედონ. რამდენჯერ მივმართეთ განცხადებით, მაგრამ შედეგი არაფერმა გამოიღო. მოვლენ, გადახედავენ-გადმოხედავენ, წავლენ. ვფიქრობთ, ეს იმიტომ ხდება, რომ კორპუსის მცხოვრებლებს ოპოზიციონერებად მოგვიაზრებენ, რატომ ესეც არ ვიცით, მაგრამ რა უბედურებაა პოლიტიკური შეხედულების მიხედვით ადამიანების დაყოფა. თუ ოპოზიციონერები ვართ, ამიტომ უნდა წაგვიღოს წყალმა და დაგვეხრჩონ ბავშვები. ვინმემ მოგვხედოს, _ ამბობს "გურია ნიუსთან" ბინის ერთ-ერთი მცხოვრები. პრობლემაზე სასაუბროდ "გურია ნიუსი" მუნიციპალიტეტის მერს, ირაკლი კუჭავას დაუკავშირდა. კუჭავას თქმით, აბსურდია ბრალდება, რომ პოლიტიკური შეხედულების გამო არ ეხმარებიან ვინმეს. "მაგ ტერიტორიაზე გაკეთებულია დიდი პროექტი, მოწესრიგდება ორპირას ნაპირები და მოეწყობა ბულვარი, მაგრამ ეს წელს ვერ განხორციელდება. ასეთ დროს უნდა დარეკონ მერიაში, ჩვენი კომისია გავა ადგილზე, დასურათდება მდგომარეობა და მოვითხოვთ სტიქიის სალიკვიდაციო ხარჯებში. ამ შემთხვევაში ახლავე გავლენ ჩვენი სპეციალისტები შემთხვევის ადგილზე. ხოლო რაც შეეხება პოზიცია-ოპოზიციად ადამიანთა დაყოფას და ამ ნიშნით დახმარებას, ეს არის აბსურდი. არასოდეს გაგვირჩევია ადამიანები. შეგიძლიათ თუნდაც მაგ ქუჩაზე იკითხოთ, რამდენჯერ დავხმარებივართ იმ ადამიანებს, მათი ოჯახის წევრებს, თითონ რომ მოიაზრებენ თავს ოპოზიციონერებად, _ გვითხრა მუნიციპალიტეტის ... ...
  • “მაგნიტში“ მომხადარ ქურდობის ფაქტზე ერთი პირია მხილებულიდღეს ქალაქ ოზურგეთში სუპერმარკეტების ქსელის მაღაზია გაქურდეს. შინაგან საქმეთა სამინისტროს პრესსამსახურის ინფორმაციით, მომხდარ ფაქტთან დაკავშირებით გამოძიება სისხლის სამართლის კოდექსის 178 მუხლით მიმდინარეობს, რაც ძარცვას გულისხმობს. მხილებულია ერთი პირი. მიმდინარეობს ინტესიური საგამოძიებო მოქმედებები. “გურია ნიუსის“ ინფორმაციით, მოპარულია 5 ბოთლი ალკოჰოლური ... ...
  • რაჭაში სტიქიამ ცენტრალური მაგისტრალი დააზიანა„ონის მუნიციპალიტეტში, უხვი ნალექის შედეგად ადიდებულმა მდინარე ჭანჭახმა სოფელ გლოლაში საავტომობილო გზის ცენტრალური მაგისტრალი დააზიანა", _ აღიშულ ინფორმაციას რაჭა-ლეჩხუმის და ქვემო სვანეთის სამხარეო უწყება ავრცელებს. უწყებისვე ცნობით, შემთხვევის ადგილას დილიდან ოპერატიულად დაიწყო აღდგენითი და პრევენციული ... ...
  • როდიდან აღდგება საზოგადოებრივი ტრანსპორტის მოძრაობათბილისის მერის, კახა კალაძის განცხადებით, საზოგადოებრივი ტრანსპორტი მოძრაობას, სავარაუდოდ, ივნისის დასაწყისში გაანახლებს. მერის განცხადებით, ტრანსპორტის ამუშავებისთვის აუცილებელია მითითების მიღება, თუ როგორი უნდა იყოს წესები ეპიდემიის დროს. „ზუსტი თარიღი უცნობია.  ჩვენ არ გვაქვს ეს ინფორმაცია. დღეს საკოორდინაციო საბჭოს სხდომა გაიმართა, სადაც პირადად მე დავსვი საზოგადოებრივი ტრანსპორტის ამუშავების საკითხი, რადგან ძალიან დიდი მოთხოვნაა საზოგადოებაში. ველოდებით მითითებებს, ჯერ არანაირი მითითება არ არის ჩვენთან შემოსული. თუ როგორ უნდა იყოს წესები საზოგადოებრივ ტრანსპორტის მუშაობის დროს, ხალხმა როგორი წესებით უნდა ისარგებლოს ავტობუსით, მეტროთი, მიკროავტობუსით მგზავრობის დროს და ა.შ.“_ თქვა კალაძემ ... ...
  • საქართველოს დამოუკიდებლობის დღეს მასშტაბური ღონისძიებები არ გაიმართება საქართველოს დამოუკიდებლობის დღის აღსანიშნავად მასშტაბური ღონისძიებები წელს არ გაიმართება. ამის მიზეზი ეპიდვითარება და ხალხმრავლობის თავიდან აცილებაა. პრემიერ-მინისტრის პრესსპიკერის, ირაკლი ჩიქოვანის განცხადებით,  საქართველოს დამოუკიდებლობის დღეს სახელმწიფო უწყებები სხვადასხვა ფორმატის მცირემასშტაბიანი ღონისძიებებით აღნიშნავენ. პრემიერ-მინისტრი კი 26 მაისს საქართველოს თავდაცვის ძალებთან ერთად აღნიშნავს, ვაზიანის მე-4 მექანიზებული ბრიგადის ბაზაზე. „26 მაისი ჩვენი ქვეყნის ისტორიაში და საქართველოს თითოეული მოქალაქისთვის უმნიშვნელოვანესი თარიღია. მოგეხსენებათ, ბოლო წლების განმავლობაში 26 მაისი გახდა მასშტაბური საერთო სახალხო ზეიმი, რომელშიც ათასობით ჩვენი მოქალაქე მონაწილეობდა. წელს, მსოფლიო პანდემიიდან გამომდინარე, ამ მნიშვნელოვანი თარიღის აღნიშვნა განსხვავებული ფორმატით გვიწევს. ხალხმრავლობის თავიდან აცილების მიზნით, წელს 26 მაისის აღსანიშნავი მასშტაბური ღონისძიებები არ გაიმართება. სახელმწიფო უწყებები დამოუკიდებლობის დღეს სხვადასხვა ფორმით აღნიშნავენ. რაც შეეხება საქართველოს მთავრობას, პრემიერ-მინისტრი 26 მაისს საქართველოს თავდაცვის ძალებთან ერთად აღნიშნავს, ვაზიანის მე-4 მექანიზებული ბრიგადის ბაზაზე“, _  განაცხადა ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...


რას ფიქრობთ სოფლის მეურნეობის დახმარების პროგრამაზე?