გურიაში, ბოლო ერთი წლის მანძილზე, არაერთი საჯარო მოხელე დააკავეს


სამართალი

გურიაში, ბოლო ერთი წლის მანძილზე, არაერთი საჯარო მოხელე დააკავეს

17 აგვ. 2011, 16:23:19
პრეზიდენტი აცხადებს, რომ საქართველოში კორუფცია დამარცხდა. ამ დროს კი, გურიაში მომხდარი სკანდალური ფაქტები ცხდაჰყოფს, რომ საქართველოში ელიტარული კორუფცია კვლავ მეფობს. "გურიაში მომხდარი ბოლოდროინდელი მოვლენები არ მიგვანიშნებს, რომ ხელისუფლება გამოსწორებას აპირებს. მათ ყველაფერში ორმაგი სტანდარტები აქვს, კორუფციის დიდ ჯაჭვში პატარა რგოლი _ გურია გაწირეს", _ ამბობდნენ რესპონდენტები "გურია ნიუსთან" საუბარში. "გურია ნიუსი" სისტემატურად წერდა გურიის რეგიონის მუნიციპალიტეტებში არსებულ კორუფციაზე, ბიუჯეტის არამიზნობრივ ხარჯვასა და კანონდარღვევით შედგენილ ათიათასობით ლარის ღირებულების ხელშეკრულებებზე.

"გურია ნიუსთან" საუბარში გურიის გუბერნატორი, ვალერი ჩიტაიშვილი აცხადებდა, რომ ყველა მოხელე, ვინც ქრთამს აიღებს, დანაშაულს ჩაიდენს, ან უბრალოდ, ყურადღებას მოადუნებს, მკაცრად დაისჯება, რადგან კორუფციის წინააღმდეგ უკომპრომისო ბრძოლა მიმდინარეობს.

გასულ წელს ოზურგეთის მუნიციპალიტეტის გამგეობის ერთ-ერთი სამსახურის უფროსი გელა ლომჯარია ქრთამის აღების ბრალდებით დააკავეს. ასევე შარშან, 10 სექტემბერს კონსტიტუციური უსაფრთხოების დეპარტამენტის თანამშრომლებმა ოზურგეთის მუნიციპალიტეტის გამგეობის ზედამხედველობის სამსახურის თანამშრომელი, მინდია დოლიძე ქრთამის აღების ბრალდებით დააკავა, რასაც ამავე სამსახურის უფროსისა და თანამშრომლების დათხოვა მოჰყვა. ლანჩხუთის მუნიციპალიტეტში გასული წლის 17 სექტემბერს, წლების წინ უკანონოდ გაყიდული მიწების გამო, სოფელ წყალწმინდის ტერიტორიული ერთეულის სპეციალისტი, ჯემალ გოგოლაშვილი და სუფსის პოლიციის განყოფილების ყოფილი უფროსი, პავლე ბენაშვილი დააკავეს. გასული წლის ივნისის ბოლოს, ლანჩხუთის მუნიციპალიტეტის სოფელ ნიგოითის რწმუნებული, ამირან ჩაგუნავა და ჩოხატაურის მუნიციპალიტეტის სოფელ ბურნათის რწმუნებულის თანაშემწე, ტარიელ ძნელაძე ქრთამის აღების ფაქტზე დააკავეს. ასევე გასული წლის 7 სექტემბერს, კონსტიტუციური უსაფრთხოების დეპარტამენტმა საჯარო რეესტრის ჩოხატაურის ფილიალის თანამშრომელი, გელა დოლიძე ქრთამის აღების ბრალდებით დააკავა, რომელიც შოთა სირაძესთან ერთად, გაყიდული ნაკვეთების ნახაზებს აყალბებდა. ამას ჩოხატაურის მუნიციპალიტეტის საკრებულოს მმართველი ფრაქციის აწ უკვე ყოფილი თავმჯდომარის, შოთა სირაძის გაქცევა მოჰყვა, რომელიც ამჟამადაც იძებნება. ამის გამო, ჩოხატაურის მუნიციპალიტეტის გამგებელს, მამუკა დოლიძეს თანამდებობა დაატოვებინეს. მხოლოდ ამით არ დაკმაყოფილდნენ სამართალდამცველები და ბახმაროს გახმაურებულ სკანდალს გურიის მაღალჩინოსანი პოლიციელების სავარძლებიც შესწირეს. თუმცა, აღსანიშნავია, რომ გახმაურებული საქმის ფიზიკური შემსრულებელი, როგორც ჩვენი წყარო ამტკიცებდა, კურორტ ბახმაროს ქვეგანყოფილების პოლიციის მაშინდელი უფროსი, შოთა მჟავანაძე იყო. აღსანიშნავია, რომ ეს უკანასკნელი დღეს აქტიურად არის ჩართული სხვადასხვა ბიზნესში, აქვს კარიერები და ტაკიძის დაკავების შემდეგ, გამგეობის შენობაშიც ხშირად ჩნდება. ერთ დროს შექმნილი ელიტარული ფეშენდასახლება ჩვენს საამაყო კურორტზე უკვე აღარ არსებობს. მაშინ საზოგადოება ხშირად საუბრობდა, რომ ამ ფაქტებს გურიის გუბერნატორიც გადაჰყვებოდა. გურიის გუბერნატორი კი ამ მოსაზრებას, "ზოგიერთი ჟურნალისტის ნააზრევს" უწოდებდა: "ჭორებს ყურადღების არ ვაქცევ, არც გადავმდგარვარ და არც ვაპირებ," _ ამბობდა "გურია ნიუსთან" საუბარში გუბერნატორი.

ბახმაროს სკანდალი საზოგადოებას მიწყნარებული ეგონა, რომ დასავლეთ საქართველოს მთავარ პროკურორს, იმერეთისა და ოზურგეთის რაიონულ პროკურორებს თანამდებობები დაატოვებინეს. "საპროკურორო წმენდა" წყარომ, გურიაში მომხდარ მოვლენებს დაუკავშირა.

საქართველოს მთავარი პროკურატურის თანამშრომლების მიერ ოზურგეთის მუნიციპალიტეტის დასუფთავების სამსახურის უფროსის, მერაბ კურდღელაშვილის დაკავებამ, ეს პროცესები "გააცოცხლა". 10 ივლისს დაკავებულ კურდღელაშვილს, რამდენიმე დღეში საპროცესო გარიგება გაუფორმეს და გამოუშვეს. თუმცა, როგორც ჩვენი წყარო ამბობს, მას საპროცესო "ერთი დავალების შესასრულებლად" გაუფორმეს.

წყარო ამტკიცებს, რომ ის "ჩამწერით" დადიოდა და გამგებელს, გია ტაკიძეს შეხვდა და შეხვედრის ჩუმი ჩანაწერიც გააკეთა. მისი თქმით, კურდღელაშვილი გია ტაკიძეს დახმარებას სთხოვდა, _ "საპროცესოს ფული მაქვს შესატანი, რასაც გაძლევდით უკან დამიბრუნეთო", მისთვის ტაკიძეს უარი უთქვამს _ "შენი საქმე შენ თავად გამოასწორეო". სწორედ ამის საფუძველზე საუბრობს ანონიმურად არაერთი საჯარო მოხელე და საზოგადოების ნაწილი, რომ გამგებელს კონკრეტულად ამ შემთხვევაში არ ჰქონდა "მიქარული" და არც ეშინოდა; მეტიც, არც დამალვა უცდია.

გამგეობაში არ სჯერათ, რომ ტაკიძე დასუფთავების სამსახურში ხელებს ასე გაისვრიდა და კურდღელაშვილისგან ქრთამს აიღებდა, თორემ ის, რომ ყველაფერი წესრიგში არ არის, საზოგადოებამ ყველაზე უკეთ იცის. "გურია ნიუსი" შეეცადა მერაბ კურდღელაშვილისაგან კომენტარი მოეპოვებინა, მაგრამ მან სატელეფონო საუბრისას, კომენტარზე უარი გვითხრა.

გასულ წელს ოზურგეთის მუნიციპალიტეტის გამგეობის ზედამხედველობის სამსახურის თანამშრომლის, მინდია დოლიძის დაკავების ფაქტთან დაკავშირებით, ტაკიძე აცხადებდა, რომ "თუ საჯარო მოხელე ვერ ითავსებს მოვალეობას და საეჭვო გარიგებაზე მიდის, ის სასჯელის ღირსია".

ჩვენი ინფორმაციით, ტაკიძემ ჩვენება უკვე მისცა. მას არაერთი სახელი და გვარი დაუსახელებია, თუმცა, ამ ინფორმაციის გადამოწმება საკმაოდ რთულია. ამბობენ, რომ გურიაში პოლიტიკურად ცხელი ზაფხული დადგა და შემოდგომა კიდევ უფრო "ცხელი" იქნება.




 ახალი ამბები
  • 21 წლის მამაკაცი ჩამომხრჩვალი ნახეს21 წლის მამაკაცი საკუთარი საცხოვრებელი სახლის ეზოში, ჩამომხრჩვალი ნახეს. ტრაგედია თელავში, სოფელ ბუშეტში მოხდა. ინფორმაცია "გურია ნიუსს"  მერის წარმომადგენელმა აღნიშნულ თემში, ივანე გობეჯიშვილმა დაუდასტურა. "პატიოსანი ახალგაზრდა იყო. არვიცი რა გახდა ტრაგედიის მიზეზი",-ამბობს გობეჯიშვილი. შსს-მ მომხდარზე გამოძიება სსკ-ის 115-ე მუხლით ... ...
  • გურიაში საერთაშორისო პროექტის „ევროპული სოლიდარობის დღეები პრეილში“ დასკვნითი შეხვედრა გაიმართა (R)გურიის რეგიონში საერთაშორისო  პროექტის „ევროპული სოლიდარობის დღეები პრეილში“ დასკვნითი შეხვედრა გაიმართა, სადაც  მრავალმხრივი პარტნიორული ურთიერთობების განმტკიცებასა და ურთიერთთანამშრომლობის შესახებ ისაუბრეს. შეხვედრაში ლატვიაში საქართველოს საგანგებო და სრულუფლებიანი ელჩი, გურიის მხარისა და ადგილობრივი ხელისუფლების, ასევე, პროექტის პარტნიორები:  პრეილის (ლატვია) და ნიჟინის (უკრაინა) მუნიციპალიტეტების წარმომადგენლები მონაწილეობდნენ.  შეხვედრაზე  პროექტის ფარგლებში გამოცხადებული საერთაშორისო შემოქმედებით კონკურსში გამარჯვებული ოზურგეთის  საჯარო სკოლის მოსწავლეები და მათი პედაგოგები დაჯილდოვდნენ. მათ საჩუქრები საერთაშორისო ჟიურის, გურიის სამხარეო ადმისტრაციის, ოზურგეთის  მუნიციპალიტეტის სახელით სახელმწიფო რწმუნებულმა ზურაბ ნასარაიამ და საკრებულოს თავმჯდომარემ დავით დარჩიამ  გადასცეს.  მხარეებმა შეხვედრის მონაწილეებს მისასალმებელი სიტყვით მიმართეს და წარმატებები უსურვეს. „პროექტი მიზნად ისახავს ლატვიის ადგილობრივი მოსახლეობის ინფორმირებას აღმოსავლეთ ევროპის პარტნიორობის შესახებ, რომლის ფარგლებშიც ჩატარდა ლატვიურ-უკრაინულ-ქართული შემოქმედებითი კონკურსი ახალგაზრდებისათვის. კოვიდ - 19 გათვალისწინებით პროექტი მოდიფიცირდა და ონლაინ ფორმატში წარიმართა ( ჩატარდა საინფორმაციო, საგანმანათლებლო  ონლაინ ვებინარი და ინტერაქტიული შეხვედრები). პროექტის მონაწილეები შეთანხმდნენ სამომავლო თანამშრომლობაზე, თანამონაწილეობით პროცესების გააქტიურებაზე. მინდა მადლობა გადავუხადო მხარდაჭერისთვის ლატვიაში საქართველოს საგანგებო და სრულუფლებიან ელჩს და კონკურსის ორგანიზატორებს“ - ამბობს გურიის სახელმწიფო რწმუნებული ზურაბ ნასარაია.   „ძალიან სასიხარულოა, რომ გურიის რეგიონის ჩართულობა ლატვიაში, ადგილობრივი სოლიდარობის ევროპული დღეების პროექტის ფარგლებში  აქტიურად და წარმატებით ხორციელდება,  რაც კიდევ უფრო უწყობს ხელს ურთიერთობების გაღრმავებას, მუნიციპალიტეტების დონეზე ლატვიას და საქართველოს შორის და გამოცდილების გაზიარებას. მინდა მადლობა გადავუხადო პროექტის ორგანიზატორებს, მონაწილეებს და ვულოცავ პროექტის გამარჯვებულებს“ - თქვა  თეა მაისურაძემ,  ლატვიაში საქართველოს საგანგებო და სრულუფლებიანმა ელჩმა.   როგორც შეხვედრაზე ოზურგეთის საკრებულოს თავმჯდომარემ დავით დარჩიამ აღნიშნა, ოზურგეთისთვის მნიშვნელოვანია  ურთიერთხელსაყრელი თანამშრომლობის გაღმავება. საერთაშორისო გამოცდილებისა და კარგი პრაქტიკების გაზიარების  მიზნით, მუნიციპალიტეტი კვლავაც აქტიურად გააგრძელებს  თანამშრომლობას ლატვიის, უკრაინის და  სხვადასხვა ქვეყნის მუნიციპალიტეტებთან. ასევე, იგეგმება მემორანდუმის გაფორმება პროექტში მონაწილე პარტნიორებთან. ... ...
  • საბანკო ასოციაცია მოქალაქეებს კიბერშეტევების შესახებ აფრთხილებსქვეყანაში კიბერთაღლითობის ახალი შემთხვევები დაფიქსირდა. ამის შესახებ სოციალურ ქსელში სპეციალურ განცხადებას საბანკო ასოციაცია ავრცელებს. როგორც ორგანიზაციაში აცხადებენ,  თაღლითობის ახალი სქემის მიხედვით, კიბერდამნაშავეები შეტევის დროს იყენებენ Google-ის საძიებო სისტემას, სადაც ისინი თაღლითური ვებგვერდების რეკლამას აკეთებენ. ასეთი ყალბი გვერდების მისამართი, ხშირ შემთხვევაში, მიმსგავსებულია კომერციული ბანკების ინტერნეტბანკის ნამდვილ მისამართებთან. „გთხოვთ, გაითვალისწინოთ რჩევები კიბერთაღლითობის (ფიშინგის) პრევენციისთვის: არ გადახვიდეთ საეჭვო ბმულებზე; ბმულზე კურსორის მიტანით გამოჩნდება ვებგვერდის რეალური მისამართი; ყურადღებით დააკვირდით იმ ვებგვერდის მისამართს, სადაც პაროლი შეგყავთ, დარწმუნდით, რომ ნამდვილად ბანკის ვებგვერდზე იმყოფებით. ზოგიერთ შემთხვევაში, გაყალბებული მისამართი შეიძლება მხოლოდ ერთი სიმბოლოთი განსხვავდებოდეს ნამდვილისგან. ინტერნეტბანკით სარგებლობისთვის, Google-ის საძიებო ველში რომელიმე კონკრეტული ბანკის სახელით მოძებნის ნაცვლად, მისამართის ველში პირდაპირ აკრიფეთ კომერციული ბანკის ვებგვერდის მისამართი; მობილური მოწყობილობიდან, ისარგებლეთ მობაილბანკის აპლიკაციით,“  – ნათქვამია ასოციაციის მიერ გავრცელებულ ... ...
  • "გამყრელიძე-ცერცვაძე-იმნაძესთან მიმართებაში სერიოზული გამოძიებაა ჩასატარებელი"„ტრიბუნას“ ლიდერი დავით ჭიჭინაძე აცხადებს, რომ გამყრელიძე-ცერცვაძე-იმნაძესთან მიმართებაში გამოძიებაა ჩასატარებელი. „ვფიქრობ, გამყრელიძე-ცერცვაძე-იმნაძესთან  მიმართებაში სერიოზული გამოძიებაა ჩასატარებელი! რადგან,  ამ სამეულმა ისე მოახვია საკუთარი მმართველობა  ქვეყანას, არანაირი არჩევანი არ დატოვეს. მათ მიერ გადადგმული ყველა ნაბიჯი,  საკმაოდ ძვირი დაუჯდა ქვეყანას, ხალხს,  როგორც ეკონომიკურად,  ისე ჯანმრთელობის მხრივ. მოკლედ, დღეს ყველა ზიანი კონკრეტულია! არანაირი ოპოზიცია, საუბარია ახალგაზრდებზე, ბიზნესის წარმომადგენლებზე, რიგითი ადამიანებზე, ისინი, ვინც თავს დამოუკიდებელ მოქალაქეებად  გრძნობდნენ,  დღეს კი, ისეთ ხაფანგში მოახვედრა ხელისუფლებამ, ყველანაირი პერსპექტივა წაართვა. რაშიც  „წარმატებულად“  ეხმარება გაფეტიშებული სამეული და  ფსიქოლოგიური შეტევას ახორციელებენ,  რათა ავადმყოფობიდან გამომდინარე შიშის ფაქტორით, ბოლომდე გადატეხონ ადამიანებში  ყველანაირი წინააღმდეგობის გრძნობა. მოკლედ, უნდათ, არ უნდათ გაზაფხული მოვა, ამას ვერ გაექცევიან. „ქართული ოცნებაც“ ვეღარ დარჩება ხელისუფლებაში, გამორიცხულია,  უბრალოდ როგორ გაუშვებენ, აი მაგაზეა საუბარი“,_ აცხადებს ... ...
  • ბაქრაძე: "სანამ მექნება პარლამენტის წევრის ხელფასი, დავხარჯავ ქველმოქმედებაში"დავით ბაქრაძე  იანვრის თვის სადეპუტატო ხელფასით გლდანში, გაჭირვებულ ოჯახებს დაეხმარა. „ევროპული საქართველოს” ლიდერის, დავით ბაქრაძის თქმით, ოპოზიციის მიერ დაწერილი განცხადებების მიუხედავად, პარლამენტს იანვარშიც არ შეუწყვეტია ოპოზიციური პარტიების წარმომადგენლებისათვის სადეპუტატო  უფლებამოსილება. ბაქრაძემ აღნიშნა, რომ სანამ ჩაერიცხება მეათე მოწვევის პარლამენტის დეპუტატის ხელფასი, ის დახარჯავს ამ თანხას ქველმოქმედებაზე და დაეხმარება გაჭირვებულ ადამიანებს, რათა მათ იგრძნონ ყურადღება და უკეთესობა. „როგორც იცით, ჩვენი მოთხოვნის მიუხედავად, იანვარში მაინც არ შეგვწყვეტია პარლამენტის წევრის სტატუსი და შესაბამისად, ჩაირიცხა ხელფასი. ჩემი გადაწყვეტილება უკვე იცის საზოგადოებამ, რომ სანამ მექნება პარლამენტის წევრის ხელფასი ამ მოწვევის პარლამენტში, მთელ ხელფასს დავხარჯავ ქველმოქმედებაში. დღეს გლდანის რაიონში მცხოვრებ სოციალურად დაუცველ ოჯახებს ვეხმარებით, გვაქვს სხვა პროექტებიც, რომელთა განხორციელებასაც ვაპირებთ, მათ შორის - მზრუნველობამოკლებული ბავშვების დასახმარებლად. საქართელოში ძალიან ბევრ ადამიანს უჭირს, ძალიან ბევრი ოჯახია, სადაც არ იციან როგორ გაიტანონ საკუთარი თავი, როგორ არჩინონ შვილები და რა უნდა იყოს ხვალ მათი საკვები. ამიტომ, სანამ ვიქნები ამ მოწვევის პარლამენტის წევრი, რასაც გაწვდება ხელფასი და რასაც გაწვდება ერთი ადამიანის შემოსავალი, მთელ ხელფასს დავხარჯავ ქველმოქმედებაზე, რომ თუნდაც რამდენიმე ოჯახში იგრძნონ ყურადღება და იგრძონ უკეთესობა,“ - განაცხადა ... ...

არქივი

ტესტები

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....