"მე თუ წავალ, არავის არ დავტოვებ აქ, ყველას მოეტყ... დედები და ცოლები!" _ ტყიბულის პოლიციის უფროსის სკანდალური წარსული

სამართალი

"მე თუ წავალ, არავის არ დავტოვებ აქ, ყველას მოეტყ... დედები და ცოლები!" _ ტყიბულის პოლიციის უფროსის სკანდალური წარსული

2016 ივნ 1 20:22:07

ნასვამ მდგომარეობაში მყოფმა ზესტაფონის სამმართველოს უფროსმა პავლე ბუბულაშვილმა და ტყიბულის სამმართველოს უფროსმა ზაზა ჩუბინიძემ ერთ –ერთ რესტორანში შელაპარაკების ნიადაგზე ერთმანეთი ხელჯოხებით სცემეს. დამტვრეულია ავეჯი და რესტორნის ინვენტარი _ ამ ინფორმაციას kutaisitoday.com ავრცელებს.

გამოცემის ინფორმაციით  ადგილზე რამდენიმე გასროლაც მოხდა. შინაგან საქმეთა სამინისტროს ინფორმაციით ზესტაფონის და ტყიბულის სამმართველოს უფროსები კადრების დაქვემდებარებაში არიან გადაყვანილი და ამ ფაქტზე გენერალური ინსპექცია სამსახურებრივ შემოწმებას აწარმოებს.

ზაზა ჩუბინიძე 2013-2014 წლებში იმერეთის სამხარეო პოლიციის მთავარი სამმართველოს უფროსად მუშობდა.

მის შესახებ "გურია ნიუსის" არქივში ბევრი საინტერესო მასალა ინახება _ ადამიანების გინება, კაბინეტში იარაღის სროლა,  საქმეების "ნასედკების" დახმარებით შექმნა _ ამ ყველაფრის შესახებ "გურია ნიუსს" არაერთი მასალა აქვს გამოქვეყნებული. 

უფრო მეტიც, ზაზა ჩუბინიძეს გენერალური ინსპექციის დასკვნის თანახმად, სისტემაში მუშაობა, ჯერ კიდევ, 2006 წელს აეკრძალა.

ამის მიზეზი კი "გურია ნიუსის" სტატია გახდა. 2006 წლის ნოემბერში, ზაზა ჩუბინიძემ, რომელიც იმ დროს ოზურგეთის პოლიციის უფროსის სავარძელს იკავებდა, ჩვენს გამოცემასთან საუბარში ოზურგეთელებს შეურაცხყოფა მიაყენა:

_ ვინმეს თუ ჰგონია მაგით ძირს გამომითხრის, ძალიან შემცდარა. ამ დამპალ ოზურგეთში დამპალმა ოზურგეთლებმა არაფერი იციან. უამრავი ძებნილი დავიჭირე და ძებნის მაჩვენებლით რესპუბლიკაში პირველი ვარ. ეტყობა ვიღაცას მაგრად აეწვა ტრ..... თანამდებობის პირები იფარავენ დამნაშავეებს(?!).

ოზურგეთში თანამდებობის პირებს იმათ ვეძახი, ვისაც განყოფილებები თუ სამმართველოები აბარია, ოზურგეთს მოვუტყ... ამ დამპლებს არაფერი არ უნდა გაუკეთო, ღორები არიან, არ მოსწონთ საქმეს რომ ვაკეთებ და იმიტომ მებრძვიან. ჩემი დედის მტყ... ვიყო, აგერ წმინდა გიორგის ხატია და იმაზე დავიფიცებ, მე რომ აქედან წავალ, ვინმე თუ დავტოვო.

ყველაზე მაქვს კომპრომატები. დეკემბრამდე მაცადეთ და ნახავთ, რაც მოხდება. მე წავალ და ბოზისშვილი ვიყო, აქ ამბებს დავატრიალებ, არავის რომ არ გაუგია! მე თუ წავალ, არავის არ დავტოვებ აქ, ყველას მოეტყ... დედები და ცოლები!" _ ამბობდა მაშინ ჩუბინიძე.

პოლიციის უფროსის ეს "კომენტარი" "გურია ნიუსის" 2006 წლის 2 ნოემბრის ნომერში სრულად გავიდა. იმავე წლის 7 ნოემბერს კი, საქართველოს პარლამენტის წევრმა, კოტე ბერიძემ ოზურგეთის საკრებულოს მიმართა და ამ სტატიის განხილვა მოითხოვა:

_ პოლიციის უფროსის თანამდებობრივი შეთავსების თუ შეუთავსებლობის საკითხი, რა თქმა უნდა, საკრებულოს კომპეტენციას არ განეკუთვნება, მაგრამ თქვენ ხართ ხალხის მიერ არჩეული საკრებულო, რომელსაც ენდობა საზოგადოება ოთხი წლის განმავლობაში და თქვენ პასუხისმგებელი ხართ ოზურგეთის საზოგადოებრივ-პოლიტიკურ ცხოვრებაზე. ამიტომ, გთხოვთ, ეს საკითხი განიხილოთ. მე არ გეუბნებით მიიღოთ რაიმე გადაწყვეტილება, მაგრამ კარგი იქნება თუ ამ სიტუაციაზე იმსჯელებთ.

თუმცა, ჩვენ აქ ერთი მხარის _ ჟურნალისტის მოსაზრება გვაქვს და მან, რამდენადაც ვიცი, ამ პიროვნების გამონათქვამები მოიყვანა გაზეთში. ამ საკითხის რეაგირების გარეშე დატოვება, ჩემი აზრით, არ შეიძლება. მიუხედავად იმისა თუ რა გადაწყვეტილებას მიიღებთ თქვენ, მე, საქართველოს პარლამენტის წევრი ვაცხადებ, რომ ამას მივცემ შესაბამისს რეაგირებას. აქ ის საკითხი კი არ დგას როგორია ან როგორი არ არის პოლიციის უფროსი, აქ დგას პირდაპირ ვიტყვი _ ხელისუფლები ავტორიტეტის საკითხი, რომლის ნაწილსაც ჩვენ წარმოვადგენთ. მინდა ამაზე მოვახდინოთ რეაგირება, _ ამბობდა ბერიძე.

პოლიციის უფროსის აღნიშნულ კომენტარს საკრებულოს წევრებიც გამოეხმაურნენ:

_ პრესაში თითოეული ოზურგეთელი მოქალაქის მიმართ ასეთი შეურაცხყოფისთვის, პოლიციის უფროსს, ვფიქრობ, სერიოზული პასუხი უნდა მოეთხოვოს. ჩვენ ჯერჯერობით ბეჭედი არ გაგვაჩნია, რომ მიმართვა გავუგზავნოთ შინაგან საქმეთა მინისტრს. მინდა თქვენთან ერთად ვიმსჯელოთ ამ თემაზე, ანუ იმაზე, რა გააკეთა ამ ადამიანმა და საერთოდ, რაც ხდება ჩვენს რეგიონში ძალოვნებთან დაკავშირებით, _ აღნიშნა საკრებულოს იმდროინდელმა თავმჯდომარემ ვლადიმერ სურგულაძემ.

_ ჩემთვის შეურაცხყოფაა, რაც "გურია ნიუსში" წავიკითხე. ერთი რამ მაინტერესებს _ თუ არსებობს ამ მასალის აუდიო ჩანაწერი. ძალიან საინტერესოა ასევე, ჟურნალისტის და პოლიციის უფროსის მოსვლა საკრებულოში და მათთან გასაუბრება. თუ ის დადასტურდა, რაც გაზეთში წერია, ჩემი აზრით, ეს არის აღმაშფოთებელი ფაქტი, რომლითაც შეურაცხყოფილი იქნება თითოეული ჩვენთაგანის ოჯახი. აჯობებს, ჯერ მოვისმინოთ ეს ყველაფერი და შემდეგ გავაკეთოთ განცხადებები, _ აღნიშნა საკრებულოს დეპუტატმა, ოთარ რევიშვილმა.

ერთადერთი ადამიანი, რომელიც ამ საკითხზე განსხვავებულ აზრს გამოთქვამდა, ოპოზიციის წარმომადგენელი, ლელა ნაცვალაძე იყო:

_ ძალიან კარგია, როდესაც ვეხმაურებით ასეთ წერილებს, მაგრამ "გურია ნიუსში" პირველი არ არის ასეთი შემთხვევა. მე არ ვამართლებ იმ პიროვნებას, ვისი პირიდანაც ასეთი სიტყვები წამოვიდა და ეს აუცილებლად განსჯის საგანი უნდა გახდეს, მაგრამ საკრებულოს, მე მგონი, არ აქვს ამის უფლება. პოზიცია დავაფიქსირეთ და გამოძიებისთვის არსებობს შესაბამისი ორგანოები, მაგრამ ამაზე მნიშვნელოვანი საკითხები გვაქვს გასარკვევი. რა თქმა უნდა, ძალიან ცუდია, როდესაც პიროვნებებს, რაიონს ეხებიან. მაპატიეთ, ბოლომდე არ წამიკითხავს და არ ვიცი რა ხდება, მაგრამ ძალიან ბევრ შემთხვევაში, გაზეთ "გურია ნიუსში" იწერება ისეთი ინფორმაციები, რომლებიც ნამდვილად არ არსებულია და რომელიც მოგონილიც არის. აუდიო ჩანაწერები წაღმა რომ აქვთ, უკუღმა ბეჭდავენ ამ გაზეთში. ამიტომ, ჩვენ თუ მივყევით ყველა ჟურნალისტის და განსაკუთრებით, ნატო გოგელიას კალამს, საკრებულოსა და რაიონის საქმეს ვერ გავაკეთებთ ნაღდად, _ მიაჩნდა ნაცვალაძეს.

თუმცა, ასე არ უფიქრია იმ დროინდელ უმრავლესობას. კოტე ბერიძემ ეს საკითხი პარლამენტის სხდომაზეც დააყენა და გამოიძიება დაუყოვნებლივ დაიწყო. როგორც ყოველთვის, "გურია ნიუსმა" გენერალურ ინსპექციას, რომელიც პირადად ვანო მერაბიშვილის დავალებით ჩამოვიდა ოზურგეთში, ჩუბინიძის სრული ჩანაწერი გადასცა.

ამ ჩანაწერს სხვა ფაქტებიც დაემატა _ კერძოდ ის, რომ ნასვამი ჩუბინიძე თანამშრომლების გინებით ირთობდა თავს (არსებობდა პოლიციელების შესაბამისი ჩვენებები) და გაბრაზებულ გულზე, კაბინეტშიც კი ისროდა (მაშინ, გენერალურმა ინსპექციამ მის კაბინეტში იარაღის ნატყვიარებიც გადაიღო).

"ნაციონალური" ხელისუფლების დროს, ეს იყო პირველი და უკანასკნელი ფაქტი, როცა გაზეთში გამოქვეყნებულ სტატიას მყისიერი რეაგირება მოჰყვა. ამ ჩანაწერის და ფაქტების წარდგენიდან ათ დღეში, ზაზა ჩუბინიძე დაკავებული თანამდებობიდან გაათავისუფლეს. გენერალური ინსპექციის დასკვნით კი, შინაგან საქმეთა სამინისტროში მუშაობა აეკრძალა.

სწორედ იმ პერიოდში ჩაატარა "გურია ნიუსმა" ჟურნალისტური გამოძიებების სერია სათაურით "მოწმე განათხოვრებით". მოპოვებული მტკიცებულებებით და ფაქტებით, ასევე გამომძიებლების კაბინეტში გადაღებული ფოტოებით ირკვეოდა, რომ ჩუბინიძის მმართველობის დროს, პოლიცია იყენებდა მოწმეს, ვინმე გიორგი გაბიტაძეს, რომელიც ჩვენს ხელთ არსებული დოკუმენტებით, 38 სისხლის სამართლის საქმეში ფიგურირებდა პოლიციის მოწმედ _ ხან ოზურგეთში, ხან ლანჩხუთში, ხან კიდევ ჩოხატაურში! ამ მოწმის ჩვენების საფუძველზე კი, ბევრ ადამიანი დაისაჯა.

როგორ მოახერხა სისტემაში დაბრუნება ჩუბინიძემ, ჩვენთვის უცნობია. ვერც 2013 წელს, როცა იგი ქუთაისის სამხარეო პოლიციის უფროსად დაინიშნა და ვერც ახლა, ამის გარკვევა ვერ შევძელით. ძალოვან უწყებაში ამაზე კომენტარს არ აკეთებენ.

აღსანიშნავია, რომ ჩუბინიძის იმერეთის სამხარეო პოლიციის უფროსის პოსტზე დანიშვნიდან მალე, "გურია ნიუსმა" იმდროინდელ პრემიერ-მინისტრს ბიძინა ივანიშვილს ჰკითხა ფლობდა თუ არა იმ ჩინოვნიკების წარსულის შესახებ ინფორმაციას, რომლებიც თანამდებობაზე ინიშნებოდნენ.

ნაწყვეტი ინტერვიუდან:

_ ბატონო ბიძინა, ცოტა ხნის წინ, არჩილ კბილაშვილმა განაცხადა, რომ "დღეს უამრავი დამნაშავე დადის დაუსჯელი და მაღალ თანამდებობებზეც მოხვდნენ". ამ საკითხზე ჩვენ წინა ინტერვიუშიც ვისაუბრეთ, თუმცა, არაფერი შეცვლილა _ დღემდე, მაღალ თანამდებობებზე ის ადამიანები ინიშნებიან, რომელთა მისამართით უამრავი პასუხგაუცემელი კითხვა არსებობს. კონკრეტული გვარ-სახელებით რომ ვისაუბროთ, სულ ცოტა ხნის წინ, იმერეთის სამხარეო სამმართველოს უფროსად დაინიშნა ზაზა ჩუბინიძე, რომელიც "ნაციონალების"' დროს, თანამდებობიდან იმიტომ გაათავისუფლეს, რომ ადამიანებს აგინებდა, კაბინეტში იარაღს ისროდა, საქმეებს "ნასედკების" დახმარებით ქმნიდა... ამ ყველაფრის მტკიცებულებების შემდეგ, რომელიც "გურია ნიუსმა" ჯერ კიდევ 2006 წელს გამოაქვეყნა, ის თანამდებობიდან გაუშვეს და სისტემაში მუშაობა აუკრძალეს. თქვენმა ხელისუფლებამ კი ძალიან მაღალი პოსტი ჩააბარა. ამას ყბადაღებულ კოჰაბიტაციასაც თუ დავუმატებთ, ბევრ კითხვაზეა პასუხი გასაცემი...


_ მე კონკრეტულ პიროვნებებზე ვერ ვისაუბრებ, მაგრამ გეტყვით ჩემს დამოკიდებულებას _ ვერც პოლიციაში, ვერც პროკურატურაში, ვერც სასამართლოში დიდი რაოდენობით კადრები ვერ შეიცვლება. ეს შეუძლებელია. რაც შეეხება კოჰაბიტაციას, მე ამის შესახებ რამდენჯერმე გავაკეთე განცხადება. უმრავლესობასთანაც მქონდა შეხვედრა და დამატებით მოვუწოდე საზოგადოებას, რომ უნდა მოვახერხოთ და ჩავაცხროთ ხელჩართული ბრძოლის ის მუხტი, რაც არის. რა თქმა უნდა დამნაშავეები დაისჯებიან, თუმცა, ამას დროს დასჭირდება.


_ თუმცა, ადამიანები, რომელთა მისამართით, როგორც გითხარით, ბევრი კითხვა არსებობს, თქვენს ხელისუფლებაში მაღალ თანამდებობებზე ინიშნებიან...


_ ჩვენ უნდა შევეცადოთ და გადავიტანოთ აგრესიის მუხტი. სიძულვილის მუხტი საზოგადოებაში უნდა ჩაცხრეს. ჩვენ უნდა მოვახერხოთ და უმცირესობიდანაც, მათ რიცხვში, შევინარჩუნოთ აბსოლუტური უმრავლესობა _ ვისაც სურვილი გაუჩნდება, რომ ჩადგნენ საკუთარი სამშობლოს სამსახურში და არა ისე, გაუგებრად, ყოველდღიურ ცხოვრებაში, ერთმანეთი ვლანძღოთ. ეს დამოკიდებულება მინდა, რომ თქვენც გაიზიაროთ, ჩემმა საყვარელმა გურიამაც. გურულები პოლიტიკოსები არიან ყველანი. ძალიან გთხოვდით და გეტყოდით _ იმდენი ადამიანია გამოყენებული არჩევნების დროს, პოლიტიკური ბატალიების დროს, რომ შეიძლება საუკეთესო ვერ გამოვძებნე, მაგრამ გულწრფელად გეუბნებით, რომ ჩვენ, პირველად, უნდა მოვახერხოთ და ჩავატაროთ ღირსეული არჩევნები. ჩვენ არ დავუშვებთ, რომ სახელმწიფო რესურსი მხოლოდ ერთ კანდიდატს მოხმარდეს. აი, ამაზე უნდა გადავერთოთ და ამაში თქვენც, მედიაც უნდა ჩაერთოს _ ეს არის ჩემი თხოვნა. თუმცა, სხვა საკითხები, რომლებიც თქვენ გაწუხებთ, აუცილებლად იქნება შესწავლილი და გათვალისწინებული _ ივანიშვილის პოზიცია 2013 წელს.

ამ ინტერვიუდან რამდენიმე თვეში ჩუბინიძე დააქვეითეს და თბილისის პოლიციის სამმართველოში გადაიყვანეს, მოგვიანებით კი,  ტყიბულის პოლიციის უფროსად დანიშნეს და ზემოთ აღნიშნულ ინცინდენტამდე ამ თანამდებობაზე მუშაობდა.

ამავე პერიოდში ჩვენ იმის გადამოწმებასაც შევეცადეთ ვინ ლობირებდა სკანდალური წარსულის მქონე ჩუბინიძეს და რამდენად სწორი იყო გავრცელებული ინფორმაცია იმის შესახებ, რომ იგი სახელმწიფო დაცვის სპეციალური სამსახურის უფროსის ანზორ ჩუბინიძის ნათესავი იყო. თუმცა, ანზორ ჩუბინიძემ ჩვენთან საუბრისას განმარტა, რომ ზაზა ჩუბინიძესთან მხოლოდ გვარი აკავშირებდა.

კითხვებზე პასუხის გაცემა მაშინ ზაზა ჩუბინიძემ არ ისურვა. ის ახლაც დუმს და სატელეფონო ზარებს არ პასუხობს.  მიუწვდომელი აღმოჩნდა პავლე ბუბულაშვილიც.

ამავე თემაზე: ბიძინა ივანიშვილი: "სიძულვილის მუხტი საზოგადოებაში უნდა ჩაცხრეს"

"ნასედკების" დახმარებით შეკერილი საქმეები: ეპიზოდი II _ კახა რუსიძის საქმე

"ნასედკების" დახმარებით შეკერილი საქმეები და ციხეში გატარებული წლები

სისტემაში მუშაობა აკრძალული კადრი სამხარეო პოლიციის სამმართველოს უფროსად ინიშნება

საკრებულოს თავმჯდომარის თანაშემწე: "პასკვილები ჩემი მოგონილია საერთოდ"

რა კავშირშია ბადრი პატარკაციშვილი ურეკის პოლიციის ყოფილი უფროსის დაკავებასთან




 ახალი ამბები
  • გიორგი გახარია: "ყველაზე დიდი დარტყმა მიიღო პოლიციამ"შინაგან საქმეთა მინისტრმა გიორგი გახარიამ დაშავებული პოლიციელები მოინახულა და მათ ჯანმრთელობის მდგომარეობას ადგილზე გაეცნო. გიორგი გახარიამ პოლიციელებს მადლობა გადაუხადა და განაცხადა, რომ გამოძიების შედეგად, იდენტიფიცირებული იქნება თითოეული პოლიციელზე თავდამსხმელი, რასაც კანონის შესაბამის ზომებს მიიღება მოჰყვება. მინისტრმა, ასევე, მადლობა გადაუხადა პანკისის ხეობის თემის უხუცებსაც ერთად მიღწეული შედეგისთვის: „მოვინახულე პოლიციის დაშავებული თანამშრომლები. ძირითადად, ეს, გახლავთ ნასროლი ქვებისგან მიღებული დაზიანებები. კიდევ ერთხელ ხაზგასმით ვიტყვი, რომ თითოეული ადამიანი იქნება იდენტიფიცირებული და თითოეული ადამიანი, რომელმაც გაბედა პოლიციელზე თავდასხმა, იქნება შესაბამისად დასჯილი. ამას მე ვპირდები თითოეულ პოლიციელს და თითოეულ ჩვენს მოქალაქეს. საბედნიეროდ, მძიმე შემთხვევები არ გვაქვს _ ერთ პოლიციელს დაზიანება აქვს თავის არეში. მას ახლა აკვირდებიან ექიმები და იმედი გვაქვს, რომ ყველაფერი სერიოზული გართულების გარეშე გამოვა. ამ მომენტისთვის მიმდინარეობს საგამოძიებო მოქმედებები. ჩვენ დეტალურად შევისწავლით ყველა კამერაზე ასახულ ყველა მოვლენას, თითოეული ადამიანის და თითოეულ ჩვენ პოლიციელზე თავდასხმის შემთხვევას და მხოლოდ ამის შემდგომ, კანონის სრული შესაბამისობით გავატარებთ იმ ზომებს, რის საშუალებასაც გვაძლევს იურისდიქცია. სიტუაცია დამშვიდებულია, დაწყნარებულია, შედეგი მიღწეულია, როგორც კომპანიის ინტერესებიდან გამომდინარე, ასევე, საქართველოს ენერგოუსაფრთხოებიდან გამომდინარე და რა თქმა უნდა, მოქალაქეების და ადგილობრივი მცხოვრებლების ინტერესებიდან გამომდინარე. ყველაზე დიდი დარტყმა მიიღო პოლიციამ. ჩვენ გვესმის, რომ გვაქვს უაღრესად დიდი თმენის ვალდებულება, რომელიც განახორციელა თითოეულმა ადამიანმა, რომელიც დღეს აქ იმყოფება. მე მათ მინდა მადლობა გადავუხადო, გადავუხადო მადლობა ყველა იმ პოლიციელს, რომელსაც ამ ღონისძიებაში, ნებსით თუ უნებლიეთ, დღეს იღებდა მონაწილეობას. მათ ღირსეულად შეასრულეს თავისი ფუნქცია-მოვალეობა. რაც მთავარია, მადლობა მინდა გადავუხადო, ასევე, უხუცესებს, რომლებთან საუბარშიც ჩვენ ობიექტურ რეალობასთან დაახლოებაც შევძელით და მივაღწიეთ იმ შედეგს, რომელიც ეფექტური იქნება ხვალინდელი დღისთვის, როგორც ხეობის, ასევე ქვეყნისთვის. კიდევ ერთხელ ხაზგასმით ვიტყვი, რომ ყველა ჩვენი, თითოეული მოქალაქის, თითოეული პოლიციელის, თითოეული პანკისელის ინტერესი და მიზანი უნდა იყოს ძლიერი საქართველო და ამას მივაღწევთ!“ _ განაცხადა გიორგი ... ...
  • გახარია: ‘სამინისტრო იძულებული იყო, მოეხდინა ძალების მობილიზება“შინაგან საქმეთა მინისტრმა გიორგი გახარიამ პანკისის ხეობაში დღეს განვითარებულ მოვლენებზე ჟურნალისტების კითხვებს უპასუხა. გახარიას განცხადებით, შინაგან საქმეთა სამინისტროს ვერავინ ვერასდროს შეუზღუდავს არეალებს _ „სამინისტრო როდესაც ჩათვლის საჭიროდ, რომ მის თანამშრომლებსა და საქართველოს მოქალაქეებს ემუქრებათ საფრთხე, იმოქმედებს ისე, როგორც საჭიროა“. როგორც მინისტრმა განაცხადა, „თითოეული ძალოვანი, რომელიც დღეს პანკისის ხეობაში დგას, იცავს ყველას, მათ შორის, სოფელ ბირკიანის მოსახლეობის ინტერესსაც“. მინისტრის თქმით, პანკისის ხეობაში დამატებითი ძალების შეყვანა მოხდა მაშინ, როდესაც დილას ადგილობრივები 35 ფორმიან პოლიციელს დაუპირისპირდნენ: „შემდგომ სიტუაცია დარეგულირდა, დაიწყო მოლაპარაკებები, ამ მოვლენების პარალელურად კი კონფლიქტი გამწვავდა და უკვე მწვავე ფაზაში შევიდა. შსს-ს ოფიციალურად მიმართა ეკონომიკის სამინისტრომ, რომ აქ იწყებოდა გარკვეული სამუშაოები და უსაფრთოხების დაცვის მიზნით, ითხოვეს მათი მხარდაჭერა. ამიტომ დილით, როდესაც მშენებლები აქ ამოვიდნენ, მათ ამოჰყვათ 35 პოლიციელი. მას შემდეგ, რაც მოხდა მათზე თავდასხმა და დაუშინეს ქვები, რა თქმა უნდა, სამინისტრო გახდა იძულებული, მოეხდინა ძალების მობილიზება. დამატებითი ძალების მობილიზების აუცილებლობა იყო იმიტომ, რომ შსს ვალდებულია ყველგან, მთელი საქართველოს ტერიტორიაზე დაიცვას მოქალაქეების ჯანმრთელობა და უსაფრთხოება. ვერავინ ვერასდროს შსს-ს ვერ შეუზღუდავს არეალებს. შინაგან საქმეთა სამინისტრო როდესაც ჩათვლის საჭიროდ, რომ მის თანამშრომლებსა და საქართველოს მოქალაქეებს ემუქრებათ საფრთხე, იმოქმედებს ისე, როგორც საჭიროა“, _ თქვა ... ...
  • "გაიღიმეთ" _ უტიფრად გვეუბნება მინისტრი, როდესაც კვამლშია გახვეული პანკისის ხეობა"„მთავარი პრობლემა პანკისის ხეობაში არის უპატრონობა ცენტრალური ხელისუფლების მხრიდან, ჰესი არის აისბერგის წევრი,“ - ასე გამოეხმაურა „ევროპული საქართველოს“ წევრი, გიგი უგულავა პანკისში განვითარებულ მოვლენებს. გიგი უგულავამ პანკისელებს სიმშვიდისკენ მოუწოდა. სიმშვიდე არის მათი თავდაცვის და სიმართლის დამტკიცების ყველაზე კარგი საშუალება. მან ხელისუფლების მიერ გადადგმულ არასწორ ნაბიჯებზე ისაუბრა. „მიუღებელი საყურებელია, როდესაც ვხედავთ პოლიციელების მიმართ ნასროლ ქვებს, ჯოხებს, უნდა გვესმოდეს რატომ მივიდეს ულამაზესი და მნიშვნელოვანი რაიონი ამ ვითარებამდე. ბოლო 7 წელია ივანიშვილი და მისი მთავრობა ყოველდღიურ რეჟიმში დგამს იმ უგუნურ ნაბიჯებს, რამაც საბოლოო ჯამში აქამდე მიგვიყვანა. აქ იგულისხმება ის, რომ სახელმწიფოდა ცენტრალური მთავრობა, არცერთი შტო აღარ წარმოადგენს იქ ფაქტორს. ვაკვირდებით კადიროვის ხალხის და ISIS-ის რეკრუტირების ძალიან სახიფათო, მავნებლურ სახელმწიფოსთვის კამპანიას, რასაც ჩვენი ხელისუფლება არაფერს და ვერაფერს უპირისპირებს... "გაიღიმეთ" უტიფრად რომ გვეუბნება მინისტრი, როდესაც კვამლშია გახვეული პანკისის ხეობა, ეს არის უტიფრობის ზეიმი გახარიას და მთავრობის მხრიდან,“- აღნიშნა უგულავამ რუსთავის 2-ის ... ...
  • აქციის შედეგად დაზიანებული სპეცტექნიკა _ "გურია ნიუსის" ფოტორეპორტაჟი პანკისიდანმძიმე დღის შედეგი პანკისიდან _ ამ დროის მონაცემებით დაშავებულია 27 ადამიანი. აქედან 12 პანკისის მცხოვრებია, ხოლო დანარჩენები სპეცრაზმელები არიან. დაპირისპირების შედეგად დამწვარია ჰესის მშენებელი კომპანიის ტექნიკა და შინაგან საქმეთა სამინისტროს ... ...
  • ნიკა მელია: ასეთი ცინიკური შს მინისტრი ამ ქვეყანს არ ჰყოლია„ეს იყო თავზე ხელაღებული ბიძინა ივანიშვილის ხელის ბიჭის ქმედება," - ასე გამოეხმაურა „ნაციონალური მოძრაობის“ წევრი ნიკა მელია პანკისში განვითარებულ მოვლენებს. მან შს მინისტრს, გიორგი გახარიას კრიმინალი უწოდა. ნიკა მელიამ მკაცრად გააკრიტიკა ხელისუფელების მიერ გადადგმული ნაბიჯები და აღნიშნა, რომ ბიძინა ივანიშვილს მხოლოდ საკუთარი ბიზნესინტერესები ამოძრავებს. „მას და ბიძინა ივანიშვილს ჰგონია, რომ მოჯადოებული წერე არასოდეს გაირღვევა ხალხის მიერ და ჰგონიათ, რომ ოლიგარქი ივანიშვილი, ჩხარტიშვილი და რამდენიმე ადამიანი დაეპატრონა ამ ქვეყანას სამუდამოდ, აღმოჩნდა, რომ ეს ასე არ არის... ბიძინა ივანიშვილი ხალხის ინტერესს და წუხილს არ ითვალისწინებს, მას ბიზნესინტერესები ამოძრავებს და გახარიას, ჩხარტიშვილისა და ფარცხალაძეების მეშვეობით ამ ბიზნესინტერესებს ახორციელებს,“- განაცხადა ნიკა მელიამ. ოპოზიციის წევრმა „კურიერის“ პირდაპირ ეთერში აღნიშნა, რომ შინაგან საქმეთა მინისტრის, გიორგი გახარიას ბოლო განცხადებიდან  იკვეთება, რომ ის შეუშინებიათ ხალხს. გახარიას თქმით, ჰესის თემა გადადეს და როცა მოსახლეობის 90% დაუჭერს მხარს, მაშინ აშენდება ის. "შეუშინებია ხალხს ბატონი გახარია," - აღნიშნა ნიკა მელიამ, რომელმაც შინაგან საქმეთა მინისტრს ცინიკოსი უწოდა.  „ასეთი ცინიკური შს მინისტრი ამ ქვეყანას არ ჰყოლია, ხან თვალს აპაჭუნებს, ხან წერილი გინდათ თუ სიხარულიო, ამაზე ლაზღანდარობს. დღეს თურმე, ჟურნალისტმა, რომელმაც ცრემლსადენი გაზი გადაყლაპა, ამ ადამიანს ეუბნება ცინიკურად, რომ გაიღიმეო,“ - განაცხადა ნიკა ... ...

არქივი

ზაფრანი

იცინეთ ხშირად!

თუ მძიმე დღე გქონდათ –...

რატომ უნდა მიირთვათ ხშირად კარტოფილი

არსებობს რამდენიმე მიზეზი, რის გამოც...

რატომ უნდა მივბაძოთ ბავშვებს

ნებისმიერი ადამიანი ზოგჯერ ბავშვობაში უნდა...

ელტონ ჯონის „საბედისწერო“ სტილი

ელტონ ჯონზე სტილისტები ამბობენ, ისე...

შვიდი დღე გასალამაზებლად

ნამდვილად არ გაწყენთ, სულ რაღაც...

ქრონიკული დაღლილობა ვირუსით არის გამოწვეული

ადამიანის დაღლილობა, შეიძლება, ვირუსით იყოს...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...