პროკურატურის ცრუ მოწმეების აღიარებითი ჩვენებები

სამართალი

პროკურატურის ცრუ მოწმეების აღიარებითი ჩვენებები

2012 ნოე 26 20:56:37

პირველ ვიდეჩანაწერში, რომელიც ამ სტატიას თან ერთვის, სოფელ ტყაჩირის მკვიდრის, კახაბერ სვანაძის ჩვენებაა ჩაწერილი, რომელიც მან 2010 წლის 04 ივნისს შინაგან საქმეთა სამინისტროს მისცა. მის ჩვენებაზე კომენტარს შინაგან საქმეთა სამინისტროს ანალიტიკური დეპარტამენტის მაშინდელი უფროსი, შოთა უტიაშვილი აკეთებს.

მეორე აუდიოჩანაწერში (ხმა ცოტა ხარვეზით ისმის), იგივე კახაბერ სვანაძე "გურია ნიუსს" 2011 წლის 23 დეკემბერს დეტალურად უყვება, როგორ მიაცემინა პროკურატურამ იძულებით მისთვის სასურველი ჩვენება და რას უშვებოდნენ ციხეებში. სწორედ იმ ჩვენებაზეა საუბარი, რომელიც შემდეგ შსს-ს ოფიციალურ გვერდზე გავრცელდა.

კახაბერ სვანაძე პროკურატურის მოწმე იყო. პროკურატურისთვის სასურველი ჩვენების მიცემის შემდეგ, ის საპროცესო გარიგებით გამოუშვეს, პირობითი მსჯავრით.

მას შემდეგ, რაც სვანიძისგან მოვისმინეთ, როგორ უსწორდებოდნენ ციხეში და აწამებდნენ, მისივე უსაფრთხოებიდან გამომდინარე, გადავწყვიტეთ, მასთან ჩაწერილი ინტერვიუ არ გამოგვექვეყნებინა. არსებულ სამართლებრივ რეჟიმში (ჩვენ ნარკოკარტელის სასამართლო პროცესებს ინტენსიურად ვესწრებოდით), არ იყო გამორიცხული, გამოქვეყნებული მასალის გამო, ის რაიმე მიზეზით კვლავ ციხეში ჩაესვათ ან მის სიცოცხლეს საფრთხე დამუქრებოდა. თუმცა, აუდიოჩანაწერი გადავეცით ადვოკატებს, რათა მათ დანიშნულებისამებრ გამოეყენებინათ.

კახაბერ სვანაძის გარდა, პროკურატურას კიდევ ორი მოწმე ჰყავდა _ მერაბ ბოჭორიშვილი და ალექსანდრე ბოჭორიშვილი. მაშინ, პროკურატურამ, ეს მოწმეები, "ნარკოკარტელის" გახმაურებული საქმის გარშემო გააერთიანა. სანამ პროკურატურის ცრუ მოწმეების აღიარებით ჩვენებებს შემოგთავაზებთ, ამ სკანდალური საქმიდან რამდენიმე ფაქტს გაგახსენებთ.

"კოკაინური სპეცოპერაცია" კოკაინის გარეშე...

2010 წლის 2 ივნისს ქართველმა სამართალდამცველებმა სოფელ ტყაჩირში, სათბურიდან ერთი მილიონ შვიდასი ათასი ევრო ამოიღეს. ამ რეიდს შინაგან საქმეთა სამინისტროს მაღალჩინოსნებმა და ხელისუფლების კონტროლირებადმა მედიასაშუალებებმა უპრეცედენტო მასშტაბის სპეცოპერაცია უწოდეს(?!). თავისი მოსაზრება კი იმით გაამყარეს, თითქოს, ბოლო ათწლეულის ყველაზე მასშტაბური ნარკოდანაშაული გახსნეს. ამ საქმეს რეზონანსი ნამდვილად ექნებოდა, სამართალდამცავებს ფულთან ერთად, 220 კილო კოკაინი მართლა რომ აღმოეჩინათ. როგორც ამბობენ, სპეცოპერაციას პირადად ვანო მერაბიშვილი ხელმძღვანელობდა.

იმავე დღეს, მიხეილ სააკაშვილმა ამ საქმეზე ბრიფინგი მოაწყო და პირდაპირ ეთერში გამოუტანა განაჩენი ბოჭორიშვილსაც და მასთან დაკავშირებულ სხვა პირებსაც. იმ დროისთვის, როცა პრეზიდენტი სააკაშვილი ნარკოკარტელსა და დანაშაულებრივ ჯგუფზე საუბრობდა, ქართველი სამართალდამცავების მიერ ამოღებული ერთადერთი მტკიცებულება, ნუგზარ ბოჭორიშვილის სათბურიდან ამოღებული ფული იყო. საქმის მასალებს, კოკაინის სახით, რაიმე სახის მტკიცებულება დღემდე არ შემატებია...

მიუხედავად არარსებული მტკიცებულებებისა, 2010 წლის 3 დეკემბრის ფოთის საქალაქო სასამართლოს განაჩენით, ნუგზარ ბოჭორიშვილი დამნაშავედ იქნა ცნობილი ნარკოტიკულ დანაშაულში, ასევე იარაღის შეძენა-შენახვა-ტარება - გასაღებასა და განზრახ მკვლელობის მომზადებაში. მას დაუსწრებლად შეეფარდა უვადო თავისუფლების აღკვეთა, ხოლო მასთან ერთად მსჯავრდებულ ანასტასია ზაუტაშვილს, გიორგი ჩეჩელაშვილს, რომან მესუმიანს და მევლუდ სვანიძეს 30 და 24 წლით თავისუფლების აღკვეთა განესაზღვრათ. არც ერთი მსჯავრდებული თავს დამნაშავედ არ ცნობს და როგორც ადვოკატები მიუთითებენ, მთელი სისხლის სამართლის საქმე, მხოლოდ პოლიციის მიერ ფალსიფიცირებულ მტკიცებულებებს ემყარება. მტკიცებულებების გამყარება კი მოწმეთა ჩვენებებით მოხდა. დღეს, სამივე მათგანი აცხადებს, რომ ის რაც აღიარეს, სინამდვილეში ცრუ ჩვენება იყო.

სასამართლომ სწორედ კახაბერ სვანაძის, მერაბ ბოჭორიშვილის, ალექსანდრე ბოჭორიშვილის ჩვენებებზე დაყრდნობით მიიჩნია დადგენილად ისეთ ფაქტობრივ გარემოებები, როგორიცაა, ჯართის შემოტანა, ჯართის დაჭრა, "კოკაინის" პაკეტების ამოღება, შემდეგ მანქანების დაშლა, "კოკაინის" პაკეტების მომზადება მანქანაში ჩასალაგებლად, "კოკაინის" ევროპისკენ გატანა, " ოკაინის" ოდენობა. სინამდვილეში კი, აი რა ხდებოდა...

აღიარებითი ჩვენება #1 _ "მე მიცემული მაქვს ჩვენება იმიტომ, რომ მემუქრებოდნენ 20 წლიანით..."

2012 წლის 6 ოქტომბერს ნუგზარ ბოჭორიშვილის ერთ-ერთ ადვოკატს, მიხეილ ელიკაშვილს მერაბ ბოჭორიშვილმა და ალექსანდრე ბოჭორიშვილმა.

ალექსანდრე ბოჭორიშვილი: "მე მიცემული მაქვს ჩვენება, სადაც ვთქვი, რომ ჩემთან ინახებოდა სახლში ჩანთები, რომლებიც მოიტანა მევლუდ სვანიძემ, ნუგზარ ბოჭორიშვილის სიძემ და მითხრა შემენახა ჩანთები, სულ ვთქვი, რომ იყო 8 ჩანთა, ასევე ვთქვი, რომ ჩანთებში თუ რა იყო არ ვიცოდი. სინამდვილეში, ჩანთები ჩემთან იმ პერიოდში არ ინახებოდა და ჩანთები მქონდა მანამდე დიდი ხნით ადრე, რაც წაღებული იყო 8 თვით ადრე და იქ იყო ნივთები, რასაც მევლუდი ყიდდა მაღაზიაში. ეს იმიტომ ვთქვი, რომ ვიყავი შიშის ქვეშ. პოლიციის თანამშრომლები, რომლებიც მაკითხავდნენ, მეუბნებოდნენ, რომ მელოდება 20 წლიანი თუ არ ვიტყოდი, რომ იმ პერიოდში ჩანთები ინახებოდა ჩემთან. ასევე ზეწოლა იყო ფიზიკური. დაკითხვაზე ვიყავი თბილისში და იქაც მაშინებდნენ, რომ მელოდებოდა 20 წლიანი პატიმრობა."

აღიარებითი ჩვენება #2 _ "სინამდვილეში, არანაირი ცელოფნები მე არ მინახავს..."

მერაბ ბოჭორიშვილი: "2012 წლის ივნისის თვეში ტელევიზიით მოვისმინე, რომ ჩემმა ნაცნობმა კახა სვანაძემ გამოაცხადა, რომ მე ვესწრებოდი მის სახლში ჯართის დაჭრას, რა დროსაც თითქოს მე დავინახე, რომ ჯართიდან ჩამოვარდა შეფუთული ცელოფნები... მუქარა განხორციელდა ნუგზარ ბოჭორიშვილის სახლის ეზოში, სადაც პოლიციის თანამშრომლების გარდა არავინ იმყოფებოდა. როგორც მგონია, პოლიციელები იყვნენ ბათუმიდან. მათ მომთხოვეს, რომ მეთქვა ის ყველაფერი, რაც ტელევიზიით იყო ნათქვამი, წინააღმდეგ შემთხვევაში მოახდენდნენ ფიზიკურ ზემოქმედებას. მე ვიყავი ნასვამი და დამეუფლა ძლიერი შიშის გრძნობა. რამდენიმეჯერ მოხდა ჩემზე შეხება... სინამდვილეში არანაირი ცელოფნები მე არ მინახავს და მითუმეტეს, თუ რა იყო ცელოფნებში არც ეს ვიცი..."

აღიარებითი ჩვენება #3 _ მოვიდა ვიღაც პიროვნება კამერით და მომთხოვა წამეკითხა მისი დაწერილი სიტყვები..."

2012 წლის 6 ოქტომბერს, ადვოკატ მიხეილ ელიკაშვილს, ასევე მიმართა კახაბერ სვანაძემ და განუცხადა, რომ სურდა ახსნა-განმარტების მიცემა.

მან გამოკითხვის ოქმში აღნიშნა, რომ 2012 წლის 4 ივნისს, მასთან სახლში, წყალტუბოს რაიონის სოფელ ტყაჩირში, მივიდა ავტომანქანა. შემდგომ გაირკვა, რომ ისინი იყვნენ ბათუმის კონსტიტუციური უსაფრთხოების დეპარტამენტიდან ან პროკურატურიდან. მათ ჩასვეს მანქანაში და დაუწყეს ცემა. შემდეგ წაიყვანეს რესტორან ვენეციასთან ნაძვნარებში, ხეზე მიაბეს "ნარუჩნიკებით" და გააგრძელეს მისი ცემა. ისინი ეუბნებოდნენ რომ მიეცა მათთვის 50 მილიონი ევრო და კოკაინი. ერთ-ერთ მათგანს ეძახდნენ ბერიძეს, რომელიც ეუბნებოდა ხელი მოეწერა რაღაც დოკუმენტებისათვის, მან მის მიმართ გააკეთა 5 გასროლა. შემდეგ წაიყვანეს ნიკეას ქუჩაზე ქალაქ ქუთაისში პოლიციის შენობაში, სადაც მისი ცემა არ გაჩერებულა მთელი ღამე. შემდგომ მოვიდა ვიღაც პიროვნება კამერით და მოსთხოვეს წაეკითხა მათ მიერ დაწერილი სიტყვები და ეხსენებინა სიტყვა "კოკაინი," უფრო ზუსტად ითხოვდნენ, რომ ეთქვა, რომ ვიღაც ბიჭის მანქანაში, რომლის სახელი არ ახსოვს ჩადო კოკაინი. ასევე სთხოვდნენ სხვა რამეების თქმასაც. კარგად ახსოვს, რომ ყველაფერი თქვა, რასაც თხოვდნენ იქიდან გამომდინარე, რომ იყო ძლიერი ზეწოლის ქვეშ. მეორე დღეს, დილით წაიყვანეს მის სახლში და თხოვდნენ, რომ ეჩვენებინა რკინები, შემდეგ გადაიყვანეს გეგუთში და იქიდან კი თბილისში შუშებიან შენობაში, სადაც გაიარა ბევრი წამება რისი გახსენებაც უჭირს. მას სთხოვდნენ ეთქვა თუ სად ინახებოდა კოკაინი, რომელიც ეკუთვნოდა ნუგზარ ბოჭორიშვილს... საპყრობილეში იჯდა ერთი წელიწადი და ამ ხნის განმავლობაში მასზე ზეწოლა არ შეწყვეტილა... ფიზიკური ზეწოლა ხორციელდებოდა განსაკუთრებით თბილისის მე-8 საპყრობილეში, სადაც უშუალოდ მისი ცემისას მონაწილეობდა ციხის უფროსი მელაძე. მის მიმართ ცემის ფაქტი ხდებოდა ციხის უფროსის კაბინეტში, უფრო ზუსტად მის მისაღებში და ყოველთვის ღამის საათებში. უფრო მეტად, ე.წ. ციხის რეჟიმის თანამშრომლები ახდენდნენ მის ცემას... ახსენდება, ვიღაც ჭაღარა კაცი, რომელიც ამბობდა, რომ იყო დეპარტამენტიდან და ემუქრებოდა.

საკანში ყოფნისას, ხელები გადაიჭრა "ბრიტვით", რადგან ეგონა, რომ მისი ბავშვები მისი გულისთვის აწამეს და მოკლეს... მას "კოკაინი" არასოდეს უნახავს და იმის თქმა, რომ "კოკაინი" ეკუთვნოდა ბოჭორიშვილს, განპირობებელი იყო მასზე ზეწოლით... მან ფოთის სასამართლოშიც მისცა ჩვენება და თქვა, რომ ჭრიდა ჯართს, იქ იყო "კოკაინი" და ამ "კოკაინს" ინახავდა ნუგზარი, ასევე კარნახობდნენ და აიძულეს რომ ეთქვა, რომ ემხილებინა გიორგი ჩეჩელაშვილი, რომან მესუმიანი, ანასტასია ზაუტაშვილი, მევლუდ სვანიძე. აღნიშნულის თქმა განპირობებული იყო მასზე ზეწოლით, ზეწოლა იყო შვილებზე მუქარით, ოჯახის წევრებზე მუქარით, ფსიქოლოგიური ზემოქმედებით, _ ასეთი აღიარებითი ჩვენება მისცა კახაბერ სვანაძემ ადვოკატებს 2 წლისა და 5 თვის შემდეგ...

ახლა, მათ აღიარებით ჩვენებებზე მთავარი პროკურატურა იმსჯელებს ახალი შემადგენლობით. მანამდე, კი ამ ჩვენებების საფუძველზე დაკავებული პირები კვლავ 30 და 24-წლიანი პატიმრობის მუხლით იხდიან სასჯელს...




 ახალი ამბები
  • SOLO-ს და Erti Gallery-ს თანამშრომლობით კოკა რამიშვილის პერსონალური გამოფენა „სინათლის მანქანები“ გაიხსნა (R)ERTI Gallery-ს და SOLO-ს თანამშრომლობა გრძელდება. 15 სექტემბერს კოკა რამიშვილის პერსონალური გამოფენა  „სინათლის მანქანები“ გაიხსნა. გამოფენაზე, რომელიც 23 ოქტომბრამდე გაგრძელდება, წარმოდგენილია  არტისტის მიერ შექმნილი უნიკალური ფოტოები, რომლებიც დამთვალიერებელს არამხოლოდ სასიამოვნოდ გააოცებს, არამედ განსაკუთრებული ემოციებითაც აავსებს. კოკა რამიშვილი თავის ნამუშევრებში გეომეტრიულ ფორმებს ქმნის. ის ფოტოგრაფიის საშუალებით იმ სინათლეს წარმოაჩენს, რომელსაც ხელოვანი რბილ ნაცრისფერ მონოქრომულ რიგად ანაწევრებს. არტისტი არ იყენებს შავ-თეთრ კონტრასტებს, რომლებიც  სხვადასხვა ტონს ერთმანეთისგან მკაცრად გამიჯნავდნენ. „პირიქით, ნიუანსების დიდსულოვანი რიგი და მისი ბუნდოვანი კონტურები თვალს სინათლისა და სიბნელის, სიზმრისეულისა და რეალობის ზღვარზე მდებარე შუალედურ სამყაროში შეღწევის შესაძლებლობას ანიჭებენ“,- ასე აფასებს გამოფენის კურატორი, კატრინ ტისო კოკა რამიშვილის შემოქმედებას. SOLO და Erti Gallery-ს თანამშრომლობა 2018 წელს დაიწყო,  რაც გულისხმობს Erti Gallery-ს სივრცეში წარმატებული ქართველი ხელოვანების გამოფენების მოწყობას. გალერეაში  ისეთი ქართველი მხატვრების ნამუშევრების გამოფენას, რომლებთანაც გალერეა ექსკლუზიურად თანამშრომლობს. SOLO-სა და Erti Gallery-ს თანამშრომლობის ფარგლებში ერთი წლის განმავლობაში უკვე მოეწყო სამი გამოფენა. კოკა რამიშვილის „სინათლის მანქანები“ კი რიგით მეოთხე გამოფენაა. ყოველი გამოფენის შემდეგ SOLO -სა და Erti Gallery-ს პარტნიორობის ფარგლებში გამოიცემა  წიგნი, რომელთა ავტორებიც, მსოფლიოს წამყვანი ხელოვნებათმცოდნეები არიან.   Erti Gallery-ს და SOLO-ს ურთიერთთანამშრომლობის მიზანია, საქართველოს სახელოვნებო სივრცეს მეტი პოპულარიზაცია შესძინოს. დამატებითი სტიმული მისცენ მსოფლიოს მაშტაბით ნიჭიერ არტისტებს და ისინი ქართული პლატფორმის ქვეშ გააერთიანონ. SOLO-ს მიზანია, პატრონაჟი გაუწიოს თანამედროვე ხელოვნების განვითარებას. სწორედ ამ მიზნით, SOLO-მ საინვესტიციო კოლექციის შეგროვება დაიწყო.  ყოველი გამოფენიდან SOLO შეისყიდის ერთ ნამუშევარს, რომელიც კონკრეტული არტისტების შემოქმედების უკეთ გაცნობისა და საქართველოში თანამედროვე ხელოვნების განვითარების  მიზნით  სოლო ლაუნჯებში გამოიფინება.  დამატებითი ინფორმაციისთვის, SOLO-ს შესახებ ეწვიეთ: www.SOLO.ge;  ... ...
  • "მთავარსარდალი რომ ხარ, პასპორტი არ უნდა ჩააბარო, ძმაო” _ ხაზარაძე სააკაშვილზესაზოგადოებრივი მოძრაობა „ლელოს“ დამფუძნებელი მამუკა ხაზარაძემ გადაცემა მთავარ აქცენტებში სტუმრობისას განაცხადა, რომ საქართველოს მესამე პრეზიდენტი მიხეილ სააკაშვილი, თავისივე შექმნილი პროკურატურის და სასამართლოს მსხვერპლია, რომელიც შემდგომ ივანიშვილმა გადმოიბარა. "სააკაშვილი თავისივე შექმნილი პროკურატურის და სასამართლოს მსხვერპლია, რომელიც ივანიშვილმა გადმოიბარა. უფრო მეტიც - მთავარსარდალი რომ ხარ, პასპორტი არ უნდა ჩააბარო, ძმაო”, - განაცხდა ... ...
  • ქობულეთში პირველკლასელებს წითელი და ლურჯი ყელსახვევები გაუკეთესაჭარის ტელევიზიის ინფორმაციით, ქობულეთში, ერთ-ერთ საჯარო სკოლაში, სასწავლო წლის დაწყებასთან დაკავშირებული საზეიმო მიღების დროს, პირველკლასელებს საბჭოთა სიმბოლო - წითელი და ასევე ლურჯი ყელსახვევები გაუკეთეს.  აჭარის საზოგადოებრივი მაუწყებელს კლასის პედაგოგმა უთხრა, რომ ბორდოსფერი და ლურჯი ყელსახვევების შეკერვის იდეა მას ეკუთვნის. ყელსახვევები საკუთარი ფინანსებით შეიძინა, გადაწყვეტილება კი, დირექციასთან არ შეუთანხმებია.  „ასეთი წესი გვაქვს, ყველა მასწავლებელი მოსწავლეს საჩუქარს ახვედრებს. ბავშვები სხვებისგან, რომ გამერჩია ამ მიზნით გადავწყვიტე ყელსახვევების გაკეთება. ამაში ჩემი ფული დავხარჯე და პირადი გადაწყვეტილებით გავაკეთე. სკოლის ადმინისტრაციასთან არ შემითანხმებია.  ლურჯი ბიჭის ფერია, ბორდოსფერი კი გოგოს, ამიტომ შევარჩიე. სხვა კონტექსტი არ ქონია ამ ამბავს. მშობლებსაც არ გამოუთქვამთ პროტესტი“.- ამბობს მასწავლებელი.  „თავისუფლების ქარტიის“ საქართველოს კანონის მე-7 მუხლის მე-6 პუნქტის მოთხოვნების შესაბამისად, კომუნისტური ტოტალიტარული სიმბოლიკის გამოყენება ... ...
  • პრემიერმა მოსწავლეებს ახალი სასწავლო წლის დაწყება მიულოცასაქართველოს პრემიერ-მინისტრმა გიორგი გახარიამ სკოლის მოსწავლეებს ახალი სასწავლო წლის დაწყება მიულოცა. მთავრობის მეთაურმა სწავლის დაწყება განსაკუთრებით მიულოცა პირველკლასელებს, რომლებიც დღეს პირველ ნაბიჯს დგამენ თავიანთი დიდი, წარმატებული ცხოვრების დასაწყისისთვის. „მინდა, სასწავლო წლის დაწყება მივულოცო სკოლის მოსწავლეებს და განსაკუთრებით – პირველკლასელებს, რომლებიც დღეს გადადგამენ პირველ ნაბიჯს თავიანთი დიდი წარმატებული ცხოვრების დასაწყისისთვის. იმ ცხოვრების, რომლითაც ისინი უნდა ემსახურონ პირველ რიგში თავის სამშობლოს. გისურვებთ, იყოთ წარმატებულები, ჯანმრთელები, ბედნიერები, რომ ემსახუროთ ამ ქვეყანას“, – განაცხადა გიორგი ... ...
  • ზურაბ ნასარაიამ რეგიონის მოსწავლეებს ახალი სასწავლო წლის დაწყება მიულოცა (R)გურიის მხარისა და ადგილობრივი ხელისუფლების წარმომადგენლებმა, ლანჩხუთში, ოზურგეთში და ჩოხატაურში, ახალი სასწავლო წლის დაწყება საჯარო სკოლის მოსწავლეებსა და პედაგოგებს მიულოცეს. მხარის რწმუნებულმა, ზურაბ ნასარაიამ თითოეულ მათგანს წარმატება უსურვა. „ახალი სასწავლო წლის დაწყებას ვულოცავ ჩვენი რეგიონის მოსწავლეებს, სტუდენტებს, პედაგოგებს, მშობლებს. განსაკუთრებით ვულოცავ ჩვენს პირველკლასელებს და სკოლამდელი აღზრდის დაწესებულებათა აღსაზრდელებს. ვუსურვებ წარმატებებს და ნათელ მომავალს. მიმდინარე წელს, გურიის რეგიონში, სხვადასხვა სარეაბილიტაციო სამუშაოები ჩაუტარდა 35 საჯარო სკოლას. განახლდა საკლასო ოთახები, სველი წერტილები და სპორტული დარბაზები.2018-19 წლებში საგანმანათლებლო ინფრასტრუქტურის კეთილმოწყობისთვის დაიხარჯა 2 220 000 ლარი. ეს პროცესი კიდევ გაგრძელდება, რადგან ჩვენი სახელმწიფოსთვის განათლება და მისი ხელმისაწვდომობა პრიორიტეტულია,“- აღნიშნა მან. ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...