რა ინფორმაციებს ფლობენ ახალაიების ადვოკატები

სამართალი

რა ინფორმაციებს ფლობენ ახალაიების ადვოკატები

2013 აპრ 18 00:43:09

"გურია ნიუსი" ახალაიას ადვოკატს ირაკლი ზაქარეიშვილს დაუკავშირდა.

_ ბატონო ირაკლი, დათა ახალაიას მიერ სოციალურ ქსელში გავრცელებულ განცხადებასთან დაკვშირებით გირეკავთ.

_ რომელ გაცხადებასთან დაკავშირებით? ალბათ გუშინ რომ გავრცელდა იმას გულისხმობთ.

_ დღევანდელთან დაკავშირებითაც და გუშინდელთანაც.

_ დღევანდელი საიდან იცით, მისია თუ არ არის?

_ სწორედ იმიტომ გირეკავთ, რომ ვარკვიო არის თუ არა...

_ დეზინფორმაციაა, ჩემო ბატონო.

_ გუშინ, სოციალურ ქსელში დათა ახალაიას მიერ გავრცელებულ განცხადებაზე თქვენ განაცხადეთ, რომ ნადვილად მისი დაწერილია.

_ მე იმას ვადასტურებ, რა განცხადებაც  გუშინ გავრცელდა. დაეყრდენით იმ შინაარსს. რაც შეეხება დღევანდელს, ეს არის დეზინფორმაცია. დათა ახალაია თუ დაწერდა, მე ეს მეცოდინებოდა.

_ ბატონო ირაკლი, თქვენგან განსხვავებით ოჯახის წევრებმა არ დაადასტურეს (კითხვის დასმა არ დაგვასრულებინა. ავტ.)

_ თქვენ საიდან იცით, რომ ოჯახის წევრებმა არ დაადასტურეს?! არარეალურ ინფორმაციას მაწვდით ახლა თქვენ, მე! თქვენ  სად ნახეთ, რომ ოჯახის წევრებმა არ დაადასტურეს. ერთი იყო, რომ ქალბატონმა, მისმა რძალმა იმ მომენტში, როდესაც ეს ახალი იყო... არ იყო საქმის კურსში... იმის შემდეგ არანაირი კომენტარი არ გაკეთებულა.  საიდან მოიტანეთ თქვენ, რომ არ დაადასტურეს? რომ დაადასტურეს არის რამე მსგავსი? თქვენ როგორ ფიქრობთ, რამე რომ ყოფილიყო ამ ხნის განმავლობაში, ან მე  ვიქნებოდი მისი ადვოკატი, ან ვინმე არ უარყოფდა ამას? როგორ ფიქრობთ თქვენ? ამიტომ, როცა რაღაცას ადვოკატს ეკითხები იმ კუთხით შემეკითხეთ ხოლმე, უხერხულობას არ ჰქონდეს ადგილი. ახლა მე გეტყვით რატომ. თქვენ, ჩემგან ნუ მიიღებთ ამას საყვედურად. მე გუშინ ვესაუბრებოდი ერთ-ერთი ტელევიზიის ჟურნალისტს. მეგონა რომ პირადი საუბარი იყო. მე უთხარი რომ არც ჩაწერა მინდა და არც ის... ვესაუბრები პირადი საუბარია მეთქი და ტელევიზორში პირადი საუბარი გამომიქვეყნა. ახლა მე თქვენ არ გკადრებთ, რომ იგივეს აკეთებთ მაგრამ, უბრალოდ გთხოვთ რომ...

_ ბატონო ირაკლი, თქვენ ხართ დათა ახალაიას ადვოკატი და გირეკავთ კომენტარზე. პირადი საუბრით მასალა როგორ უნდა მოვამზადო?

_ მე არ მქონია განზრახვა, რომ რაიმეთი გული დაგწყვიტოთ. უბრალოდ ფორმულირება თქვენი შეკითხვის გავიგე. გიპასუხეთ და ასე გააგრძელეთ. დიდი მადლობა რომ დარეკეთ.

რას ფიქრობს ბაჩო ახალაია მისი ძმის, დათა ახალიას მიერ გავრცელებულ განცხადებაზე, "გურია ნიუსი" ამასთან დაკავშირებით მის ადვოკატს, გიორგი ონიანს დაუკავშირდა.

"გურია ნიუსის" კითხვაზე იცის თუ არა და ადასტურებს თუ არა ბაჩო ახალია იმას, რომ  განცხადება მისი ძმის გავრცელებულია, ონიანმა განაცხადა, რომ "ზოგადად, როგორც ჩვენ ვიცით ტელევიზიიდან, ისე იცის მანაც. ბაჩო ახალაიამ არ იცის, არის თუ არა ეს მისი ძმის გაკეთებული."

_ თქვენ თუ გქონდათ როლანდ ახალაიასთან ამ განცხადებასთან დაკავშირებით საუბარი?

_ არა.

"გურია ნიუსი"თავისუფლების ინსტიტუტის" წევრს თეა თუთბერიძეს დაუკავშირდა. "დღევანდელი განცხადება პასუხობს, რომ ეს მისი გავრცელებული არ არის. შესაბამისად, მეც მჯერა იმისი, რომ ის რაც ორი დღის წინ გავრცელდა, არ არის დათა ახალაიას გავრცელებული. თუმცა განცხადების შინაარსი გარკვეულ კითხვის ნიშნებს აჩენს. სავარაუდოა, რომ რეალობასთან ახლოს იყოს."

_ დათა ახალაიას ადვოკატი "გურია ნიუსთან" აცხადებს, რომ ორი დღის წინ განცხადება დათა ახალაიამ გავრცელდა.

_ ვერ გეტყვით, რას საუბრობს დათა ახალაიას ადვოკატი. მე ვიცი რა არის ადვოკატის ფუნქცია. ის კონკრეტული სისხლის სამართლის საქმის ადვოკატია. ვგულისხმობ, რომ დათა ახალაიას სისხლის სამართლის საქმის ადვოკატია და ის თუ რა განცხადებას გაავრცელებს მისი დაცვის ქვეშ მყოფი პირი, ამაზე კომენტარის გაკეთება არ შედის ადვოკატის ფუნქციებში. საერთოდ, არასწორად მიმაჩნია, რომ ჟურნალისტები ამ თემაზე კომენტარის სათხოვნელად ადვოკატთან მიდიან. რადგან, მე რა განცხადებას გავავრცელებ, ამაზე რატომ უნდა გააკეთოს ჩემმა  სისხლის სამართლის საქმის ადვოკატმა კომენტარი, ძალიან მაინტერესებს.

_ სამწუხაროდ დათა ახალაია საქართველოში არ იმყოფება. კითხვას ვერ დაუსვამ...

_ დათა ახალაია რომ არ იმყოფება, იმყოფებიან მისი ოჯახის წევრები, ახლობლები, რომლებიც ამაზე არ საუბრობენ.  ვინ არის ადვოკატი, ამაზე რომ საუბრობს?

_ ჩვენ ვცდილობდით როლანდ ახალაიასთან კავშირებას, მაგრამ...

_ მე მიმაჩნია, რომ როლანდ ახალაიამ, არც ოჯახმა, ამაზე განცხადება არ უნდა გააკეთოს. ერთადერთი, ვინც ამაზე შეიძლება განცხადება გააკეთოს თავად დათა ახალაიაა. ადვოკატი რა შუაშია? მაშინ წადით და ჩამოართვით ინტერვიუ დათა ახალაიას მეზობელსაც.

_ დათა ახალაიას მეზობლების რას ფიქრობენ, ეს ინფორმაცია უკვე გვაქვს. ვფიქრობ, მეზობელზე მეტად საინტერესოა როლანდ ახალაიამ გააკეთოს განცხადება. მისი შვილები: ბაჩო ახალაია ციხეშია, დათა ახალაია ქვეყანაში არ არის და ასეთ განცხადებას ავრცელებს.

_ მესმის, მესმის. მაგრამ ის არ მესმის, რა შუაშია ადვოკატი?

_ ამ შემთხვევაში მხოლოდ ადვოკატი საუბრობს მედიასთან.

_ გასაგებია. მაგრამ, ჩემი სახელით რომ განცხადება გავრცელდეს და იმაზე კომენტარს არ ვაკეთებდე, არც უარყოფას ვახდენდე და არც დადასტურებას, თქვენ (ჟურნალისტებს გულისხმობს. ავტ.) უნდა ირბინოთ და ჩაწეროთ ჩემი მეზობლები, ჩემი ახლობლები, ადვოკატები?.

_ ჟურნალისტები არ უნდა უნდა დაინტერესდნენ თქვენს მიერ გავრცელებული განცხადებით?!

_ საბოლოო ჯამში, ვფიქრობ, რომ ამ ადვოკატს ამ საქმესთან არაფერი ესაქმება. რადგან ის არის კონკრეტული სისხლის სამართლის საქმის ადვოკატი და მისი საქმე არ არის, არც მის ფუნქციებში არ შედის დათა ახალაიას სახელით გავრცელებული განცხადებების კომენტარის გაკეთება.

შეგახსენებთ, რომ აპრილს სოციალურ ქსელში დათა ახალაიას განცხადება გამოჩნდა:

"აგერ უკვე მეშვიდე თვეა, სამშობლოდან გადახვეწილი ვაკვირდები ქვეყანაში მიმდინარე მტკივნეულ პროცესებს. ვფიქრობ, ვაანალიზებ წარსულს და სულ უფრო მიმყარდება რწმენა იმისა, რომ საქართველოში დატრიალებული მრავალი უბედურების სათავე ერთი კაცია,- კაცი, რომელმაც ჩვენთან - ჩემთან და ჩემს ძმასთან - ბრძოლას გადააყოლა ხელისუფლება და ქვეყანა.

ამ ერთი კაცის დაუოკებელმა ლტოლვამ ძალაუფლებისაკენ, ანგარებამ და უბინძურესი ფორმებით წარმოებულმა ფარულმა ომებმა შეიწირა ჩვენი ხელისუფლება.
მე ღრმად მწამს, რომ არა ვანო მერაბიშვილი, ნაციონალური მოძრაობა, მიუხედავად შეცდომებისა, ასე გამანადგურებლად არ დამარცხდებოდა არჩევნებში.

მყარად მაქვს გადაწყვეტილი, უახლოეს მომავალში ჩემს მეგობრებთან ერთად დავბრუნდე საქართველოში და ყველა კითხვას გავცე პასუხი" - ნათქვამია განცხადებაში.

17 აპრილს, სოციალურ ქსელში დათა ახალაიას სახელით მეორე გაცხადება გავრცელდა:

"უპირველესად, მინდა მოგახსენოთ, რომ ინტერნეტით განცხადებების გაკეთება ჩემი სტილი არ არის, თუმცა ბოლოდროინდელი მოვლენებიდან გამომდინარე, საჭიროდ ჩავთვალე რეაგირების გაკეთება. მინდა განვაცხადო, რომ მე, დათა ახალაიას, არ მეკუთვნის ინტერნეტში გავრცელებული წერილი და არც ფეისბუქის გვერდი.

...მინდა ჩემი მხარდაჭერა დავაფიქსირო 19 აპრილის მიტინგის მიმართ და ვთვლი, რომ მასზე ჩვენი ქვეყნის მომავალი წყდება."




 ახალი ამბები
  • "დედა ჩემს შიშველ გადაღებებს ესწრებოდა!" _ ექსკლუზიური ინტერვიუ სექსუალურ ტრეფიკინგში ჩართულ არასრულწლოვნათანდედა მაფრთხილებდა, რომ იმის შესახებ, თუ როგორ მიღებდნენ, არავისთვის მეთქვა, _ ამბობს გოგონა, რომელსაც, ბებიის თქმით, დედის ძალიან ... ...
  • „შემოქმედობა“ _ ორმოციოდე შემოქმედელით და ოთხჯერ მეტი სტუმრით20 სექტემბერს, სოფელ შემოქმედში „შემოქმედობის“ ტრადიციული დღესასწაულის აღნიშვნა ოზურგეთს მუნიციპალიტეტის მერიამ დაგეგმა. ტრადიციული დღესასწაული, როგორც აქ, ისე სხვა სოფლებშიც იმართება და არასდროს აკლია ხალმრავლობა, ხალისი და საინტერესო წიაღსვლები. თუმცა, ამჯერად, როგორც ეს ყველამ იხილა, უჩვეულოდ მცირერიცხოვნობით გამორჩეული „შემოქმედობა“, ძირითადად, მოსული სტუმრების ხარჯზე წარიმართა _ ძალისხმევა დაგვჭირდა, რომ ორმოციოდე შემოქმედელი დაგვეთვალა, რასაც, დაახლოებით, ოთხჯერ სჭარბობდა სტუმარი (ძირითადად, შემოქმედებითი ანსამბლების წევრები, ხელისუფლების წარმომადგენლები და კონცერტში მონაწილე ბავშვთა მშობლები). ღონისძიების დასაწყისში სპორტული აქტივობები შედგა:  გაიმართა შეჯიბრი ნარდში, მკლავჭიდსა და მაგიდის ჩოგბურთში, რომლის  მონაწილეები მუნიციპალიტეტის მერიის თანამშრომლებიც  იყვნენ. აღსანისნავია, რომ უხლოეს პერიოდში გამართულ ღონისძიებებზე ისინი ნარდის თამაშში აქტივობით გამოირჩევიან. „ერთი, მენახა ვინმე, ჭადრაკი ეთამაშა, რა მაგრად ყვარებიათ გურულებსაც ეს კამათლების კოტრიალი და ყირამალა. რა შავდება მაგით, მარა არც არაფერი კეთდება. როგორც ჩვენ ვერაფერი გავაკეთეთ დღეს. დავიძარით ქუთაისიდან, ისეთი რეკლამა იყო ფეისბუკზე, გვეგონა, ცოტას  ვივაჭრებდით, მაგრამ ორი ჭიქა ბატიბუტი ვერ გავყიდეთ, _ ასე გაღარიბდა აქ ხალხი? იქითაც კია გაჭირვება, მარა... რა ვიცი, ასე ხელცარიელი არსად დავრჩენილვართ ამ ბოლო დროს,  _  ღიმილიანი სახით გვითხრა გვითხრა ქუთაისიდან ჩამოსულმა ინდმეწარმე გიორგი ლაცაბიძემ. „რა გინდა? შემოქმედლებს ითვლი? მიდი იქ და ნახე, „პოლონელი შემოქმედელები“ ცეკვავენ, _ ხუმრობა მოგვადევნა რამდენიმე შემოქმედელმა და მიგვითითა სკვერში  მოწყობილი სცენისკენ, სადაც მართლაც სადღესააწაულოდ ცეკვავდა პოლონელი ახალგაზრდების ხალხური ცეკვის ანსამლი, თუმცა, ვერავინ გვითხრა, კონკრეტულად რომელი ქალაქიდან იყვნენ ისინი. „რაა ეს, ახლაც არჩევნები ხომ არაა, ძალით მოყვანა რომ არ უნდათ, კი გააფრთხილეს ხალხი, მაგრამ სამ საათზე იყო დანიშნული და ალბათ, აწი მოვლენ. ისე, შარაშენიძის ამომრჩეველი მაინც მოსულიყო,  _  მცირე  პოლიტიკაც გაურია მცირერიცხოვანი მაყურებლის ყოფნას ღონსძიებაზე რამდენიმე ადგილობრივმა მცხოვრებმა. შემოქმედელებმა _ მედიკო ხვინგიმ და თამუნა აშუბამ, გვითხრეს, რომ დღეს აქ მათი შვილები ცეკვით გამოდიან და იმის სანახავად მოვიდნენ. _ ხალხი? რა ვიცი, რატომ არის ასე ცოტა, ალბათ, ვერ მოიცალეს. ისე, სოფელში კი იცოდნენ და ყველას გააგბინეს,  _ გვითხრეს მათ. „უი, უი, უი, რამ წამომიყვანა, ჩემი  სათამაშო „კეკელობანი“ მაქვს,  წამოვიღე. პატარა სათამაშო ბიზნესია, ერთი ლარი არ ამიღია. არავინ მოსულა. ასე ცოტა ხალხი არც ერთ ღონისძიებაზე არ მხვდება. ინტერნეტში ვეცნობი ასეთ ამბებს და მერე ჩავდივარ ყველგან. ისეთი რეკლამა იყო, ავიბარგე ამ დიაბეტიანმა პენსიონერმა  კაცმა და  წამოვედი. პენსია არ მყოფნის, ვიფიქრე, ორიოდე ლარს ვიშოვი,-მეთქი და დავითარსე.  „პოლიაკები“  კი ჩამოუყვანიათ საცეკვაოდ, მარა გამომცეკვებელია ცოტა... ღმერთმა მისცეთ საქმე საცეკვაოდ, მარა მე მაგი საქმე არ მეხერხება და რაც მეხერხება, ტყუილა ჩამოვათრიე“, _ ბათუმელმა ავთო მეგრელაძემაც ხუმრობა ამჯობინა „შემოქმედობის“ შეფასებისას და იმედი გამოთქვა, მომავალ წელს  ბევრად მეტი ხალხი დახვდება, გურულები ასე ცოტა სანადიროდაც არ დადიან და დღეს რა დაემართათო, _ გვითხრა მეგრელაძემ. მცირერიცხოვანი მაყურებლის წინაშე მოეწყო ადგილობრივი შემოქმედებითი ჯგუფების: ,,გურიას,’’ "აისის," "იადონის," "ვახტანგურის," "ალილუიას," სტუდენტური-ფოლკლორული ჯგუფი ,,იედლინოკის’’ (პოლონეთი)  კონცერტი.  სოლო შემსრულებლის,  რეზიკო ხომერიკის გამოსვლისას მიკროფონი გამოირთო და ჩართვის მომლოდინე მომღერალს  მაყურებლმა თანაგრძნობის ნიშნად ტაში დაუკრა. ღონისძიების დასასრულს, შემოქმედელებს, რომელთა რაოდენობას სულ ცოტა ოთხჯერ სჭარბობდნენ სტუმრები, მიესალმა გურიის გუბერნატორი ზურაბ ნასარაია და თქვა, რომ კულმინაცია ღონისძიებისა  არის დაჯილდოება _  „საპატიო შემოქმედელის“ წოდების მინიჭება.    „საპატიო შემოქმედელის“ წოდება მიანიჭეს „გზამენი 18“-ის დირექტორს, შემოქმედის მკვიდრს,  თემურ ჯახვას და  ამჟამად პენსიონერ ოთარ გეგიაძეს. მათ ჯილდოები ზურაბ ნასარაიამ და კოტე შარაშენიძემ გადასცეს. ოზურგეთის მუნიციპალიეტის მერმა კოტე შარაშენიძემ თავისი გამოსვლის დასაწყისშივე მიანიშნა მოსული ხალხის მცირერიცხოვნობაზე, რითაც, როგორც ეტყობა, თავადაც არ დარჩა კმაყოფილი: _ მთლიანობაში ვერ ვხედავ სოფლის აქტივობას, მაგრამ კარგია, რომ მოვიდნენ ახალგაზრდები, მომავალშიც მრავალჯერ აღვნიშნავთ „შემოქმედობას“, რომელიც უკვე ტრადიციად არის ქცეული, ასევე, მომავალშიც კვლავ დავაჯილდოებთ საპატიო შემოქმედელებს, _ თქვა მან. თემურ ჯახვამ მადლობა გადაუხადა ყველას, ვინც სოფლისთვის მისი ღვაწლი შეაფასა და იმ პროექტების შესახებ ისაუბრა, რომელიც უახლოეს დროში უნდა გახორციელდეს შემოქმედში. _ 50 წელია,  საგზაო სისტემაში ვმუშაობ. ბევრი სიკეთე გამიკეთებია ჩემი სოფლისთვის, თუმცა, უფრო მეტი უნდა გამეკეთებინა. დიდ მადლობას ვუხდი ყველას დაფასებისთვის. ახლა გეტყვით, რომ დაპროექტებულია და მალე დაიწყება შემოქმედთან მოსასვლელი გზის კეთება, რომელსაც მარჯვენა მხარეს ექნება ტროტუარი, კედელი და რა თქმა უნდა, გაკეთდება გარე განათება. ასევე, კეთდება გომისმთის გზის პროექტი და მომავალ წელს უკვე მშენებლობა დაიწყება, რის დასრულების შემდეგ უკვე ნახევარ საათში იქნება შესაძლებელი გომისმთაზე ასვლა. გზის მთელ მონაკვეთზე გაკეთდება სამი გადასახედი მოედანი. ასევე, აშენდება ეკლესია, რომლის საძირკველიც გომისმთაზე ჩაყრილია, _ თქვა თემურ ჯახვამ, რასაც გულწრფელი ოვაცია და ტაში ... ...
  • ოზურგეთში იურიდიული მომსახურების ცენტრი გაიხსნა19 სექტემბერს, ოზურგეთში იურიდიული დახმარების ცენტრი გაიხსნა. ლენტი საზეიმოდ გაჭრეს ოზურგეთის მუნიციპალიტტის მერმა კოტე შარაშენიძემ და იურიდიული დახმარების სამსახურის დირექტორმა რაჟდენ კუპრაშვილმა.   რაჟდენ კუპრაშვილმა  დამსწრე საზოგადოებას სიტყვით მიმართა და წარუდგინა ოზურგეთის ბიუროს უფროსის მოვალეობის შემსრულებელი იამზე მემარნიშვილი. კუპრაშვილმა განმარტა, რომ ამიერიდან გურიის მცხოვრებლები აქ  უფასო იურიდიულ მომსახურებას  მიიღებენ. _ მინდა გითხრათ, რომ ნებისმიერი თქვენგანისთვის ხელმისაწვდომი გახდება უფასო სამართლებრივი დახმარების სერვისი და ბიუროს სპეციალისტები დახმარებას და იურიდიულ კონსულტაციას გაგიწევენ ნებისმიერ სამართლებრივ საკითხზე, საადვოკატო მომსახურებაში. ყველა სპეცილისტი, ვინც მოგემსახურებათ, აუცილებლად იქნება მაღალკვალიფიციური, _ თქვა მან. ღონისძიებას ესწრებოდნენ აღმასრულებელი, საკანონმდებლო, სასამართლო ხელისუფლების, საერთაშორისო ორგანიზაციებისა და ადვოკატთა ასოციაციის წარმომადგენლები. გახსნის ცერემონიის შემდეგ, სახელმწიფო ქორეოგრაფილუმა ანსამბლმა „გურიამ“,  სახელმწიფო ფოლკლორულმა ანსამბლებმა _ „შვიდკაცამ“ და „ რეხეულმა“ თავიანთი შემოქმედებით მიულოცეს  ყველას  ეს მნიშვნელოვანი დღე. ცნობისთვის, საქართველოში დღეისთვის ათი საკონსულტაციო ცენტრი და ცამეტი იურიდიული დახმარების ბიურო ... ...
  • ლისაბონში ვებპროგრამირების სამიტზე ორი ოზურგეთელი მიემგზავრება“გურია ნიუსის“ ინფორმაციით, ყოველწლიურ ვებპროგრამირების სამიტზე, რომელიც ყოველწლიურად ლისაბონში ტარდება, წელს ოზურგეთიდან ორი ქალი თამო ონიანი და იაკო თავდიშვილი მიეგზავრება. წელს, აპრილსა და მაისში სოციალური მედიისა და ვებპროგრამირების ტრენინგი ჩატარდა, რომელიც გაეროს ქალთა ფონდის ეგიდით მიერ ჩატარდა და ემსახურებოდა ქალთა ეკონომიკურ გაძლიერებას საქართველოში. პროექტი ჩატარდა დასავლეთ საქართველოში 5 რეგიონში, მათ შორის გურიაში, კონკრეტულად ოზურგეთში და ლანჩხუთში. კონკურსში მონაწილეობდა 11 ადამიანი, აქედან ოთხი იყო ოზურგეთელი _ იაკო თავდიშვილი, თამო ონიანი, სოფო კალანდაძე, მერი ეძიეშვილი. საბოლოო ჯამში, გამოვლინდა ოთხი გამარჯვებული, რომელიც ლისაბონში მიემგზარება ყოველწლიურ ტექნოლოგიების ვებსამიტზე. თამო ონიანი და იაკო თავდიშვილი პირველად არიან მსგავსი ტიპის შეხვედრაზე. “ეს არის ძალიან პრესტიჟული და საკმაოდ მნიშვნელოვანი სამიტი. სასიხარულოა, რომ სამიტზე პირველად გურიიდან ორი ქალი მიეგზავრება. საქართველოდან სამიტზე წლებია ესწრებიან ქალები", _ გვითხრა პროექტის ერთ-ერთმა ტრენერმა ხათუნა ... ...
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...