სისხლიანი გარჩევა ახალსოფელში _ რას ყვებიან მოკლულისა და დაჭრილის თანასოფლელები

სამართალი

სისხლიანი გარჩევა ახალსოფელში _ რას ყვებიან მოკლულისა და დაჭრილის თანასოფლელები

2019 თებ 22 16:59:51

ლანჩხუთის მუნიციპალიტეტის სოფელ ახალსოფელში  21 თებერვალს გვიან ღამით მომხდარ სისხლიან გარჩევას 50-წლამდე მამაკაცის, ომარ მოქიას სიცოცხლე ემსხვერპლა, რომელიც სამედიცინო დაწესებულებაში უგონო მდგომარეობაში შეიყვანეს და ექიმებმა მისი გადარჩენა ვერ შეძლეს. შემთხვევის შედეგად დაშავდა, ასევე, გია ტუღუშიც, რომელიც მრავლობითი ჭრილობებით, გადაიყვანეს საავადმყოფოში. ექიმების ინფორმაციით, მიუხედავად იმისა, რომ ჭრილობები ღრმა და მძიმე იყო, მის სიცოცხლეს საფრთხე აღარ ემუქრება.

 როგორც ირკვევა, ორივე შემთხვევაში სავარაუდო მკვლელმა სანადირო თოფი გამოიყენა. ახალსოფელში მომხდარი ფაქტის ირგვლივ რამდენიმე ვერსია ფიგურირებს, მართალია დაზარალებულთა ახლობლები და ოჯახის წევრები ამ ეტაპისთვის მედიასთან საუბარს ერიდებიან, მაგრამ რამდენიმე ადგილობრივთან გასაუბრების შემდეგ გამოიკვეთა ერთი ვერსია _ დაპირისპირება დაიწყო შემთხვევამდე ერთი დღით ადრე. კერძოდ, ჩვენი ინფორმაციით, გია ტუღუშის მამის გარდაცვალებიდან მეორმოცე დღის სუფრასთან შელაპარაკება მოხდა სავარაუდო მკვლელსა და დაზარალებულებს შორის.

„სანამ ეს ამბავი მოხდებოდა, გიას ოჯახში მამის ორმოცის სუფრა ჰქონდა. იქ იმყოფებოდა ის პირიც, ვისზეც ეჭვი აქვს მთელს სოფელს. როგორც გავიგეთ, მას სიტყვიერი შეურაცხყოფა მიუყენებია ოჯახის ერთ-ერთი ახლობლისთვის და ჭიქაც ჩაურტყამს თავში. სწორედ ამ კაცს გამოსარჩლებია ომარი და გია. ბოლოს გიას უთქვამს, მამის ორმოცი მაქვს და ნუ ამირევ სუფრას, წადი აქედანო. ისიც წასულა და იმ დღეს ყველაფერი ამით დასრულებულა“, _ გვიყვებიან ადგილობრივები, რომლებიც სწორედ ამ დღეს მომხდარი ინცინდენტის გამო ეჭვობენ, რომ მკვლელი მათივე თანასოფლელი და ამჟამად დროებით ბათუმში მაცხოვრებელი მ.ს-უა. თუმცა, რეალურად რა და როგორ მოხდა მკვლეობის ღამით,  ამის თვითმხილველი არავინაა.

ფაქტია მხოლოდ ის, რომ მკვლელმა ჯერ ოჯახში მარტო მყოფ გია ტუღუშს მიაკითხა და საწოლში მყოფს ორჯერ ესროლა. იქედან კი პირდაპირ გეზი მოქიას სახლიკენ აიღო, სადაც ვიწრო წრეში გაშლილ  სუფრასთან გარდაცვლილის ტყუპისცალი ძმა და რამდენიმე მეზობელი იმყოფებოდნენ. როგორც ირკვევა, გასროლა ომარ მოქიას მისამართით მაშინ მოხდა, როცა ის გარეთ გავიდა.

 „სვამდნენ თურმე, ომარი გარეთ გამოსულა და იქვე დადარაჯებულ მკვლელს მაშინ გაუსროლია, ასევე, ორჯერ. დეტალურად არავინ არაფერი ვიცით. ამბობენ, ძმისშვილმა ნახა პირველმა მძიმედ დაჭრილი ბიძაო. გადაიყვანეს კიდეც საავადმყოფოში, მაგრამ მისი გადარჩენა ვერ მოხერხდა. შეიძლება იგივე სამწუხარო ხვედრი სწეოდა მარტო მყოფ გიასაც, მარა, მისდა ბედად, მეზობლის ქალმა გაიგო მისი განწირული ხმა და გადარჩა. ყველაფერი ძალიან მალე მოხდა,  ეტყობა, გამიზნულად გააკეთა ამ ადამიანმა ყველაფერი. ცუდის თქმა არც ომარზე და არც გიაზე არ შეგვიძლია. რაც შეეხება იმ ადამიანს, ვისთანაც წინა დღით შელაპარაკება მოუვიდათ და ვისზეც ეჭვია სოფელში, ვერაფერს გეტყვით დაზუსტებით. ახალსოფელში ცხოვრობდა, ოჯახი და შვილები ჰყავს, ბოლო დროს ბათუმში იყო“, _ ჰყვებიან „გურია ნიუსთან“ საუბარში ადგილობრივები.

იმის თაობაზე,  ჰყავს თუ არა ახალსოფელში მომხდარ სისხლიან გარჩევას ამ დროისთვის კონკრეტული ეჭვმიტანილი, შსს-ში, სადაც სისხლის სამართლის საქმე მომხდარი ფაქტიდან მალევე აღიძრა, კომენტარს არ აკეთებენ.

„გამოძიების ინტერესებიდან გამომდინარე ამის თობაზე ვერაფერს გეტყვით. საგამოძიებო მოქმედებები ამ დრომდე მიმდინარეობს და როგორც კი რაიმე დეტალები გაირკვევა, გავაკეთებთ განმარტებებს“, _ გვითხრეს -შსს პრესამსახურში. 




 ახალი ამბები
  • მოქალაქეები საჯარო სივრცის დასაცავადქაოტური განაშენიანების, რეგულირების გეგმების არარსებობის და გადაწყვეტილების მიღების პროცესში საჯარო ინტერესის გაუთვალისწინებლობის პირობებში, მნიშვნელოვნად შემცირდა გამწვანებული ზონები და საჯარო სივრცეები, დაზიანდა კულტურული მემკვიდრეობა. შედეგად, ყოველდღიურად ილახება ჯანსაღ გარემოში ცხოვრების კონსტიტუციური უფლება. განსაკუთრებით ურბანულ დასახლებებში, უარესდება ეკოლოგიური მდგომარეობა, იზღუდება მოსახლეობის წვდომა საჯარო სივრცეებზე. ამდენად, მნიშვნელოვანია საზოგადოების ინიციატივები და აქტიური მონაწილეობა გადაწყვეტილების მიღების პროცესში ისე, რომ მუნიციპალური საქმიანობის და ურბანული განვითარების პარალელურად, დაცული იყოს საჯარო ინტერესი. 20 ნოემბერს, ღია საზოგადოების ფონდმა საზოგადოებას კონკურსის „საჯარო ინტერესის დაცვა მუნიციპალურ საქმიანობაში“ კონკურსში გამარჯვებული ოთხი პროექტი წარუდგინა, რომელიც თბილისში, ბათუმსა და ოზურგეთში გახორციელდება.  ოთხივე პროექტის მიზანია საჯარო სივრცეების დაცვა ქაოტური განაშენიანებისგან, გამწვანებისა და კულტურული მემკვიდრეობის დაცვის პოლიტიკის შემუშავებაში მონაწილეობა და მდგრადი ურბანული განვითარების ხელშეწყობა. 1)      ახალგაზრდა მწვანეები- დიღმის ტყე-პარკში მრავალფუნქციური კომპლექსისა და ბათუმში „რივიერას“ კომპლექსის მშენებლობის წინაღმდეგ აქტივისტური ღონისძიებების განხორციელება. გარემოსდაცვითი აქტივისტური ჯგუფების გაძლიერება ბათუმში; 2)      სამოქალაქო საზოგადოების ინსტიტუტის ბათუმის ფილიალი - ბათუმის გამწვანებისა და ეკოლოგიის პოლიტიკის კვლევა, ხარვეზების გამოვლენა და ხარვეზების გამოსასწორებლად რეკომენდაციების შემუშავება. გამწვანებითა და ეკოლოგიით დაინტერესებული ადგილობრივი ჯგუფების გაძლიერება; გარემოსდაცვით გადაწყვეტილებებში მოქალაქეთა მონაწილეობის გაზრდა. 3)      საინიციატივო ჯგუფი „გადავარჩინოთ მთაწმინდა“- მთაწმინდაზე მიმდინარე მასიური მშენებლობის  წინააღმდეგ ეკოლოგიური, გეოლოგიური და სამართლებრივი არგუმენტების დამუშავება, სასამართლოში დავის წარმოება, აქტივისტური ღონისძიებების დაგეგმვა და განხორციელება მშენებლობის შესაჩერებლად; 4)      ინოვაციებისა და სამოქალაქო განვითარების ცენტრი- ოზურგეთში გენერალური გეგმის შემუშავებისა და დამტკიცების ადვოკატირების ... ...
  • თსუ სტუდენტური ლიტერატურული კონკურსის "შემოდგომის ლეგენდა 2019" მეათე ფინალისტი ოზურგეთელიათსუ სტუდენტური ლიტერატურული კონკურსის _ "შემოდგომის ლეგენდა 2019" მეათე ფინალისტი ხვიჩა ყაზაიშვილია _ ამის შესახებ ამავე უნივერსიტეტის ფეისბუქის გვერდიდან ხდება ცნობილი. ხვიჩა ოზურგეთის მუნიციპალიტეტის, სოფელ შემოქმედში დაიბადა და შემოქმედის საჯარო სკოლა დაამთავრა. “სწავლობს  _ განათლების სადოქტორო პროგრამაზე; კითხულობს _ რაც უნდა გასაკვირი იყოს, ახლა ჯაბა იოსელიანის "ლიმონათის ქვეყანას" ვკითხულობ. უფრო ხშირად სამეცნიერო ლიტერატურას ვეცნობი, ჩემი საყვარელი ჟანრი კი რეალიზმია;  წერს _  ადამიანებზე, რომლებიც ჩვენს რეალობაში ცხოვრობენ, თუმცა, მათ ვერც სიცოცხლეს და ვერც სიკვდილს ვერ ვხედავთ; ეშინია _ გველების; აშფოთებს _ უსამართლობა;  აბედნიერებს _ ფეხზე წამომდგარი ადამიანების დანახვა; ოცნებობს _ რომ ოდესმე ოზურგეთის "მერცხალი" ჩემპიონთა ლიგაზე ითამაშებს და გურიაში მადრიდის "რეალს" მოუგებს“, _ წერია ხვიჩა ყაზაიშვილის შესახებ “თსუ“-ს ფეისბუქგვერდზე. ერთი პერიოდი ხვიჩა ყაზაიშვილი საინფორმაციო სააგენტოს “გურია ნიუსის“ პრაქტიკოსი იყო. “გურია ნიუსი“ ხვიჩა ყაზაიშვილს წარმატებას და გამარჯვებას ... ...
  • ავღანეთიდან დაბრუნებული მამის შეხვედრა შვილთანსოციალურ ქსელში ვრცელდება ემოციური ფოტო, რომელზეც აღბეჭდილია ავღანეთიდან დაბრუნებული მამისა და შვილის შეხვედრა. „ავღანეთში მიმდინარე „მტკიცე მხარდაჭერის“ მისიიდან დაბრუნებული მშობლის მოულოდნელი და მონატრებული ვიზიტი თბილისის ერთ-ერთ ბაგა-ბაღში. ემოციური წუთები ყველაფრის მთქმელია„, _ წერია ფოტოს დასათაურებაში. წყარო: ... ...
  • "ივანიშვილი იძულებული იქნება სპეცრაზმის მეშვეობით მართოს ქვეყანა"- უგულავაამ წუთებში ოპოზიციის წარმომადგენლები პროკურატურასთან აქციას მართავენ. მათ პროკურატურის ჭიშკარს პროტესტის ნიშნად ბოქლომი დაადეს. როგორც გიგი უგულავამ ჟურნალისტებს განუცხადა, აქციები გაგრძელდება. მისი თქმით, ოპოზიცია მხარდამჭერებთან ერთად ორშაბათს საღამოს შეიკრიბება, ღამეს გაათევს და მეორე დღეს პარლამენტის პიკეტირებას მოახდენს. "გამოიყვნენ სპეცრაზმს? გამოიყვანონ, კი ბატონო ეგ არის ჩვენი მიზანი. ივანიშვილი იძულებული იქნება ქვეყანა მართოს, გადაადგილდეს მხოლოდ სპეცრაზმის მეშვეობით, თუ ამას მართვა ჰქვია",- განაცხადა ... ...
  • აქციის მონაწილეებმა გენარალური პროკურატურის ჭიშკარს ბოქლომი დაადესამ წუთებში ოპოზიციის წარმომადგენლები თბილისში, გენერალურ პროკურატურასთან აქციას მართავენ. მათ პროტესტი უსამართლობის წინააღმდეგ პროკურატურის ღობეზე ბოქლომის დადებით ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

დარწმუნებული ხართ თუ არა, რომ სასმელად ვარგის წყალს მოიხმართ?