108 წლის ჟენია ცეცხლაძე ოპერაციის შემდეგ მხნედაა და „გურია ნიუსს“ პირველ ინტერვიუს აძლევს

საზოგადოება

108 წლის ჟენია ცეცხლაძე ოპერაციის შემდეგ მხნედაა და „გურია ნიუსს“ პირველ ინტერვიუს აძლევს

2019 ნოე 6 20:29:00

ოზურგეთის მუნიციპალიტეტის სოფელ ბაღდადში (ცხემლისხიდის თემი) მცხოვრები ჟენია ცეცხლაძე, რომელმაც ოზურგეთის საავადმყოფოში რამდენიმე დღის წინ გაიკეთა საკმაოდ რთული ოპერაცია  (ამოკვეთეს ნაღვლის ბუშტი), თავს მხნედ გრძნობს და ორ დღეში, როგორც ექიმები გვეუბნებიან, უკვე საავადმყოფოდან  შინ გაწერენ.


_ უეცარი შეტევა მომცა, ყველაფერი მტკიოდა, ვერ მივხვდი, რის ბრალი იყო. სასწრაფოდ გადმომიყვანეს საავადმყოფოში და ღმერთმა ამათ  უშველოთ, გადამარჩინეს.  ექიმმა  ტიტე მგელაძემ გამიკეთა ოპერაცია.  ორ დღეში სახლში წავალ, _ გვეუბნება ჟენია ბებო და ფოტოს  გადაღებზე გვთანხმდება, თან მორიდებული ღიმილით ხუმრობს, ძალიან ვერ გავიცინებ, ყველა კბილი ჯერ არ ამომსვლიაო.

სიმპათიური, ფუმფულა,  სასიამოვნოდ მოსაუბრე  ქალბატონი, იმდენად კარგად გამოიყურება, რომ  მნახველი შეეჭვდება, საუკუნე თუ კარგა ხნის წინ მოიტოვა უკან.

 კითხვაზე ნამდვილად 108 წლის არის თუ არა,  კვლავ იღიმება:

_ კარგად კი არ მახსოვს ჩემი დაბადების წელი, მაგრამ პასპორტი აგერ არის, ნახეთ, 1911 წლის 5 მაისს რომ ვარ დაბადებული, წერია პირადობის მოწმობაში.   

_ ცოტა რაიმეს თუ გვიამბობთ  თქვენი ბიოგრაფიიდან?

_ ცოტა გვიან კი დავქორწინდი. ნინიძის ქალი ვარ. მეუღლე ადრე გარდამეცვალა. მერე ერთადერთი შვილიც მომიკვდა... და 40 წლის შვილიშვილი. ბევრი სიმწარეც ვნახე. დიდხანს სიცოცხლემ ესეც იცის. ძალიან მიჭირს საუბარი. ორი შვილიშვილი მყავს და ოთხი შვილთაშვილი, ძალიან მივლიან.  

_ პენსიის გარდა, რამე დახმარება თუ გაქვთ სახელმწიფოსგან?

_ ერთხელ სამასი  ლარი მომცეს.  მეტი  არაფერი.

_ საახალწლოდ ან სარვამარტოდ ხელისუფლებისგან თუ იღებთ მოლოცვას?

_ არა, მაგრამ მთავრობამ რა იცის? სოფელში ხომ აქვთ ჩემი მონაცემები.  აქედან თუ არ უთხრა ვინმემ, იქ  რა იციან. ყველა კარგად იყოს.  რა ვქნა...

_ ქალბატონო ჟენია,  საახალწლოდ აუცილებლად გესტუმრებით, ჩვენს ქვეყანას  დამდეგი წლის მილოცვა თქვენგან განსაკუთრებით დაშვენდება.

_ აუცილებლად, ნენა, თუ მივაღწიე, კი, თუ არადა, ახლა მიულოცეთ, _ თბილ სიტყვებს თბილი ღიმილი მოაყოლა და ხელიც დაქნევით დაგვემშვიდობა.

ოზურგეთის მუნიციპალიტეტის საკრებულოს წევრი სოფელ ცხემლისხიდიდან, ქალბატონი  ლალი სიჭინავა,  „გურია ნიუსთან“ ამბობს, რომ როგორც ხანდაზმულ პენსიონერს, ქალბატონ ჟენია ცეცხლაძეს , კანონის თანახმად, წელიწადში ერთხელ 300 ლარის ოდენობით ეძლევა დახმარება.

_ როდის გაიკეთა ოპერაცია არ გაგვაგებინეს, თუმცა, როცა მოვიდა მისი ოჯახის წევრი, მომზადდა შუამდგომლობა ჩვენგან და  მუნიციპალიტეტის  მერიიისგან, ქალბატონ ჟენია ცეცხლაძეს  ჩაერიცხება 500 ლარი პირად ანგარიშზე, _ გვითხრა  ოზურგეთის მუნიციპალიტეტის მერის წარმომადგენელმა სოფელ ცხემლისხიდში შოთა მახარაძემ.




 ახალი ამბები
  • "შესაძლოა, დავძლიოთ ისეთი გამოწვევა, როგორიც არის აკადემიური წლის გამოცხადება""შესაძლოა დავძლიოთ ისეთი გამოწვევა, როგორიც არის აკადემიური წლის გამოცხადება", _ აღნიშნულის შესახებ პრემიერ მინისტრმა გიორგი გახარიამ ისაუბრა. „გარდა ამისა, მნიშვნელოვანია, რომ იქ, სადაც გვაქვს წარმატებები, ეს დავაფიქსიროთ. მოგეხსენებათ, ერთ-ერთ ანგარიშში ეკონომიკური განვითარებისა და თანამშრომლობის ორგანიზაციამ, (OECD) გამოაცხადა, რომ დისტანციური განათლების მოდელი, რომელიც საქართველოში იყო დანერგილი ბოლო ერთი თვის განმავლობაში, არის ერთ-ერთი ყველაზე წარმატებული მსოფლიოში. ამისთვის მინდა მადლობა გადავუხადო განათლების სამინისტროს. ხაზგასმით გამოყოფილი იყო ტელესკოლის პროექტი, როგორც ერთ-ერთი ყველაზე წარმატებული. ეს ის ნაბიჯებია, რომელმაც განათლების სამინისტროსთან ერთად შეიძლება მოგვცეს საშუალება, დავძლიოთ ისეთი გამოწვევა, როგორიც არის აკადემიური წლის გამოცხადება და ეს არ მოგვიწიოს. ესეც არის კრიტიკულად მნიშვნელოვანი“, - განაცხადა გიორგი ... ...
  • გიორგი გახარია: "ციფრები იზრდება, სახლის პირობებში მართვისთვის უნდა მოვემზადოთ"მთავრობის ადმინისტრაციაში კორონავირუსთან დაკავშირებით უწყებათაშორისი საკოორდინაციო საბჭოს სხდომა გაიმართა. სხდომის დაწყებამდე პრემიერ-მინისტრმა ინფიცირებულთა რაოდენობაზე ილაპარაკა და აღნიშნა, რომ ამ ფონზე განსაკუთრებით დიდი მნიშვნელობა ენიჭება პირველადი ჯანდაცვის სისტემის მზადყოფნის დონეს. გიორგი გახარია ასევე გამოეხმაურა ეკონომიკური განვითარებისა და თანამშრომლობის ანგარიშს, რომელმაც განათლების მიღების უწყვეტობისთვის საქართველოს მიერ გადადგმული ნაბიჯები ერთ-ერთ საუკეთესო ნიმუშად შეაფასა. პრემიერმა განათლების სამინისტროს ამ კუთხით განხორციელებული წარმატებული პროექტებისთვის მადლობა გადაუხადა. „ფაქტია ის, რომ ციფრები იზრდება და ახლა მთავარი ამოცანაა, ნელ-ნელა მსუბუქი შემთხვევები სახლის პირობებში მართვის მზაობა მოვისმინოთ. ეს არის ძალიან მნიშვნელოვანი, ისევე როგორც ცხელების კლინიკების ეფექტიანობა“. - განაცხადა გიორგი ... ...
  • იძებნება!ჩოხატაურის მუნიციპალიტეტის სოფელ სურებში მცხოვრებ, 75 წლის ჯანფოლად (აბელ) სოროზანიშვილს ოჯახი და ახლობლები რამდენიმე დღეა ეძებენ. ისინი მოგმართავენ თხოვნით, უკანასკნელი დღეების განმავლობაში თუ სადმე შეგხვდათ აღნიშნული პიროვნება, დაუკავშირდეთ ტელეფონის ნომერზე: ... ...
  • ჩოხატაურელი მომღერალი ჯემალ ნაკაშიძე გარდაიცვალაცოტა ხნის წინ, ჩოხატაურელი მომღერალი ჯემალ ნაკაშიძე გარდაიცვალა. ბატონი ჯემალის გარდაცვალების მიზეზად ინსულტი სახელდება. იგი წლების განმავლობაში ანსამბლ "გურიაში" მღეროდა. ჯემალ ნაკაშიძე 79 წლის იყო. მისი გარდაცვალება დიდი დანაკლისია ანსამბლისთვის და მისი მშობლიური ჩოხატაურისთვის. "გურია ნიუსის" რედაქცია მწუხარებას გამოხატავს ბატონი ჯემალის გარდაცვალების გამო და სამძიმარს უცხადებს ოჯახს და ... ...
  • საგანგებო მდგომარეობის რეჟიმის დარღვევის 238 ფაქტი გამოავლინესშინაგან საქმეთა სამინისტროს თანამშრომლები, საქართველოს მთავრობის მიერ საგანგებო მდგომარეობისა და ე.წ. კომენდანტის საათის ფარგლებში დაწესებული შეზღუდვების დამრღვევი პირების გამოვლენის მიზნით, 24-საათიან რეჟიმში მუშაობას განაგრძობენ. პოლიცია, ქვეყანაში კორონავირუსის გავრცელების აღკვეთისა და პრევენციის მიზნით, სამართალდარღვევის ყველა ფაქტზე ოპერატიულად რეაგირებს. სამართალდამცველებმა, მონიტორინგის შედეგად, ბოლო 24 საათის განმავლობაში, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 238 ახალი ფაქტი გამოავლინეს. პოლიციამ საჯარო სივრცეში 3-ზე მეტი პირის შეკრების და 2-მეტრიანი სოციალური დისტანციის დაუცველობის გამო 21 მოქალაქე დააჯარიმა. 1 იურიდიული და 1 ფიზიკური პირი დაჯარიმდა ეკონომიკურ საქმიანობასთან დაკავშირებული შეზღუდვების დარღვევის ფაქტზე. ქვეყანაში ასევე დაფიქსირდა, ე.წ. კომენდანტის საათის, თვითიზოლაციის და  მგზავრთა გადაყვანისა და ავტომობილით გადაადგილების წესების დარღვევის ფაქტები. საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით. შინაგან საქმეთა სამინისტრო კვლავ მოუწოდებს მოქალაქეებს, დაიცვან საგანგებო მდგომარეობით დაწესებული შეზღუდვები, წინააღმდეგ შემთხვევაში, გამოყენებული იქნება კანონით გათვალისწინებული, შესაბამისი ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...