დაიხურება თუ არა საავადმყოფო ჩოხატაურში

საზოგადოება

დაიხურება თუ არა საავადმყოფო ჩოხატაურში

1 ივნ. 2011, 08:06:04
_ ჩვენი კომპანია საკმაოდ წარმატებულია სამედიცინო სფეროში. ჩვენი დონორია ებრაული კომპანია, რომელიც, მთელი ქვეყნის მასშტაბით, 9 რეგიონულ სამედიცინო ცენტრს ააგებს. ბუნებრივია, ყველა რეფორმას თან ახლავს თავისი დადებითი და უარყოფითი მხარეები. როცა რეფორმა იწყება, დასაწყისში, შესაძლოა, ბევრი რამ იყოს უარყოფითი, მაგრამ შემდეგ ვითარება უმჯობესდება. ჩვენი კომპანია კერძოა და ბუნებრივია, ბიზნესის თვალით უყურებს ყველაფერს. ლანჩხუთში მომუშავე მედპერსონალს იმ დონეზე ვიცნობ უკვე, რომ გარკვეული ანალიზის გაკეთება შეიძლება. ვფიქრობ, ამ ეტაპზე შტატები შენარჩუნდება, მომავალში კი რა იქნება, წინასწარ ვერ გეტყვით. მხოლოდ ერთი რამის თქმა შემიძლია: არსებული პერსონალი აუცილებლად უნდა გადამზადდეს. საერთოდ, რეგიონებში, მედიცინის მუშაკების მენტალიტეტიც არის შესაცვლელი. ლანჩხუთში ვინც კარგი სპეციალისტია, ბუნებრივია, იმუშავებს, ვისაც სერტიფიკატი არ აქვს, მასთან თანამშრომლობა, ალბათ, არ შედგება, _ ეს განცხადება, კომპანია "ადიტტი"-ს რეგიონულმა მენეჯერმა, ზურაბ დანელიამ ლანჩხუთში სტუმრობისას გააკეთა.

მანვე დადო პირობა, რომ ყველაფერი უკეთესობისკენ შეიცვლებოდა, თუმცა, როგორც გვითხრეს, პირიქით მოხდა _ ლანჩხუთის ჩაჩავას სახელობის სამედიცინო ცენტრში მომსახურების ფასები ძალიან გაძვირდა. თანაც, ეს გაძვირება ექიმების შემოსავალზე არ ასახულა. როგორც მედიკოსებმა განგვიმარტეს, 15-ლარიანი ქვითრიდან, რომელსაც პაციენტი იხდის, მათ 2,5 ლარი ერგებათ. ლანჩხუთის საავადმყოფო უკვე დატოვა წამყვანმა ქირურგმა, მალხაზ მირცხულავამ, რომელიც სამუშაოდ სამტრედიაში გადავიდა. გავრცელებული ინფორმაციით, არ არის გამორიცხული, მას სხვა ექიმებმაც მიბაძონ.

ანალოგიური სიტუაციაა ჩოხატაურში, სადაც დანელიას სტუმრობას ბევრი მითქმა-მოთქმა მოჰყვა:

_ "მოგესალმებით ჩემ მიწაზე!" _ ასე შეხვდა კომპანიის მენეჯერი ჩოხატაურელ ექიმებს. "თავიანთ მიწაზე" "ადიტტი"-ს წარმომადგენლებმა საკუთარი წესები შემოიღეს: როგორც გვითხრეს, შეამცირეს ხელფასები, გააუქმეს რამდენიმე შტატი; ჩვენ მიერ მოპოვებული ინფორმაციით, 1 ივნისიდან ექიმები გამომუშავებაზე გადავლენ.

ლანჩხუთის მსგავსად, ჩოხატაურის საავადმყოფო დატოვა წამყვანმა პედიატრმა ვახტანგ გაჩეჩილაძემ და სამუშაოდ ოზურგეთში, შპს "სააქიმოში" (ე.წ. "რუდოს კლინიკა") გადავიდა:

_ გაყიდვიდან თუ ე.წ. ინვესტიციიდან 3 თვის განმავლობაში ველოდებოდით კონტრაქტებს. როგორც იქნა გამოაგზავნეს, თუმცა არ იკადრეს, რომ ერთი წარმომადგენელი მაინც ჩამოსულიყო და ჩვენთვის განმარტებები მოეცა. ამან ექიმები გააღიზიანა და ბევრმა კონტრაქტზე ხელი არ მოაწერა. სწორედ ამის შემდეგ ჩამოვიდა ვიღაც დანელია, რომელიც ასე მოგვესალმა: _ "მოგესალმებით ჩემ მიწაზე!" ურთიერთობებში და საუბრებში ამ კაცმა თქვა კიდეც: _ ჩემია ეს ყველაფერი და მე რასაც მინდა, იმას ვიზამ". მე პირადად ვესაუბრე და როცა პირობებზე წავიდა საუბარი, მითხრა _ "მე არ ვარ ინვესტორი, მე ვარ მეპატრონე". აქ უკვე ყველაფერი გასაგები იყო და ის პირობები, რომელიც ამ კომპანიამ შემომთავაზა, არ მიმიღია. ამიტომაც წამოვედი, _ გვითხრა გაჩეჩილაძემ.

არსებული ინფორმაციით "ადიტტი", რომელიც კომპანია აიჰოპის შვილობილი კომპანიაა, 100 საავადმყოფოს პროექტში მონაწილეობდა და აღებული ვალდებულებები ვერ შეასრულა.

ითქვა იცის, რომ კომპანია ფინანსურ კრიზისს განიცდის და დაპირებული ახალი საავადმყოფო ლანჩხუთსა და ჩოხატაურში შორი პერსპექტივაა. აღებული ვალდებულების თანახმად, ჩოხატაურში ახალი საავადმყოფო 2012 წელს უნდა აშენდეს, თუმცა მშენებლობა დაწყებულიც არ არის. კომპანიას არც დაპირებული უახლესი აპარატურა გამოუგზავნია. მრავალი მცდელობის მიუხედავად, კომპანიის ხელმძღვანელობას ვერ დავუკავშირდით. დანელიას მიერ დატოვებული არც ვებსაიტის მისამართია სწორი და არც ელექტრონული ფოსტისა.

ჩოხატაურელი მედიკოსები კი არ გამორიცხავენ მალე მათაც დატოვონ საავადმყოფო:

_ ცოტა ხანში კლინიკა " მამქოლი" გაიხსნება, რომელიც ევრო სტანდარტების შესაბამისად არის აშენებული. გვაქვს ინფორმაცია, რომ აპარატურაც შესაბამისი იქნება. მე პირადად, თუკი იქნება შემოთავაზება ამ კლინიკის ხელმძღვანელობიდან, აუცილებლად გადავალ, _ აღნიშნა გაჩეჩილაძემ.

გაჩეჩილაძეს სხვა ექიმებიც ეთანხმებიან და ამბობენ, რომ "ადიტტ"-ში მცირე ხელფასებს უმუშევრობის შიშის გამო დათანხმდნენ. როგორც მედიკოსები ამბობენ, არ არის გამორიცხული საავადმყოფო დაიხუროს.

_ ოზურგეთში "ავერსის" კლინიკა შენდება. გურიაში დაზღვეულების 80% "ალფას" ეკუთვნის, რომელიც "ავერსის" კუთვნილებაა. შესაბამისად, კომპანია საკუთარ დაზღვეულებს მისავე კლინიკაში წაიყვანს, რაც ავტომატურად საავადმყოფოს დახურვას გამოიწვევს, რადგან ჩოხატაურში გადახდისუნარიანი პაციენტების ძალიან მცირე რაოდენობაა. თან გასათვალისწინებელია ისიც, რომ "ადიტტЙ-ზე ადრე, საუკეთესო პირობებს "მამქოლი" პირდება ჩოხატაურელებს, _ ამბობს გაჩეჩილაძე.

"ადიტტ"-ის ჩოხატაურის განყოფილების დირექტორი, თემურ კოროშინაძე კითხვაზე _ შემოთავაზების შემთხვევაში, გადავა თუ არა სხვა კლინიკაში ასე გვპასუხობს:

_ ჯერჯერობით მსგავსი შემოთავაზება არ მქონია და შესაბამისად, არც ამ საკითხზე მიფიქრია. ამ ეტაპზე ვარ "ადიტტის" ჩოხატაურის განყოფილების დირექტორი.

კოროშინაძე საავადმყოფოდან გაჩეჩილაძის წასვლის მიზეზებსაც არ აკონკრეტებს:

_ გაჩეჩილაძემ განცხადება დაწერა სამსახურიდან გათავისუფლების თაობაზე. თუმცა, მიზეზებზე შეგიძლიათ მას ჰკითხოთ.

_ როგორც თქვენმა თანამშრომლებმა გვითხრეს, "ადიტტის" უკმაყოფილოები არიან... გვითხრეს, რომ შტატები, ხელფასები შემცირდა, რომ პირობები არ ვარგა და არც დაპირებული უახლესი ტექნიკა ჩანს, რემონტზე რომ არაფერი ვთქვათ...

_ რა თქმა უნდა დაპირებული ტექნიკა ჩამოვა უახლოეს პერიოდში. რემონტი არ არის დღის წესრიგში, იმიტომ, რომ ახალი საავადმყოფო აშენდება.

_ როდის უნდა აშენდეს?

_ 2012 წელში.

_ მშენებლობა დაწყებულიც რომ არ არის?

_ ჯერ არ დაიწყება. არ არის გამორიცხული, რომ წელს საძირკველი ჩაისხას, თუმცა ეს არაა საჯარო განხილვის თემაა. 2012 წელში აშენდება ახალი საავადმყოფო.

_ როგორც ჩვენთვის გახდა ცნობილი, სავარაუდოდ სექტემბერში ახალი კლინიკა გაიხსნება, რომელიც ევროსტანდარტებით არის აშენებული და აპარატურასაც მსგავს გვპირდებიან. ამბობენ იმასაც, სპეციალისტებიც კვალიფიციურები იქნებიან. ეს ფაქტორები თქვენი საავადმყოფოს დახურვას ხომ არ გამოიწვევს, მით უმეტეს რომ თქვენ სიახლეს მომავალ წელს გვპირდებით?

_ ის სამედიცინო დაწესებულება, რომელიც სხვადასხვა კატეგორიაში მოიპოვებს ლიცენზიას, თავისუფლად იმუშავებს. ჯანსაღი კონკურენცია სწორედ მაგას ნიშნავს _ ვინც უკეთეს პირობებს შექმნის, ის გაიმარჯვებს. მთავარია, მოსახლეობა დარჩეს მოგებული.

_ ეს ფაქტია გამოიწვევს თუ არა თქვენი საავადმყოფოს დახურვას? თუ გავითვალისწინებთ იმ ფაქტსაც, რომ მალე "ავერსი" თავის დაზღვეულებს ოზურგეთში წაიყვანს...

_ რაც შეეხება წაყვანას _ ეს ასე არ უნდა მოხდეს. დაცული უნდა იყოს ტერიტორიალური პრინციპი.

_ უნდა იყოს თუ იქნება?

_ მე მაგის გარანტი ვერ ვიქნები. უბრალოდ, მიმაჩნია რომ ეს ასე უნდა იყოს. რაც შეეხება ურგენტულ შემთხვევებს, ის მომართავს სტაციონარს ადგილმდებარეობის მიხედვით. ასე რომ, ეს ყველაფერი მომავლის თემაა... დღესდღეობით ჩვენ ვმუშაობთ. ფაქტობრივად, დღეს გარდამავალი პერიოდია. არის გარკვეული სიძნელეები, გარკვეული პრობლემები, მაგრამ არა გადაულახავი და დაუძლეველი. არა მგონი ის განწყობა იყოს, რომ საავადმყოფო დაიხურება, რადგან ჩვენ ვმუშაობთ და ვასრულებთ ჩვენ მოვალეობას.




 ახალი ამბები
  • "წაგვიღო წყალმა" _ ჩოხატაურში დუმბაძის ქუჩის #24-ში მცხოვრებლები დახმარებას ითხოვენუამინდობამ პრობლემები შექმნა ჩოხატაურში. როგორც "გურია ნიუსს" დუმბაძის 24-ში მდებარე მარავალბინიანი საცხოვრებელი სახლიდან შეატყობინეს, ადიდებული მდინარე ორპირა კალაპოტიდან გადმოვიდა და საცხოვრებელი სახლის ქვეშ მიედინება. "თუ ჰყავს ვინმე პატრონი რაიონს, მოგვხედონ. რამდენჯერ მივმართეთ განცხადებით, მაგრამ შედეგი არაფერმა გამოიღო. მოვლენ, გადახედავენ-გადმოხედავენ, წავლენ. ვფიქრობთ, ეს იმიტომ ხდება, რომ კორპუსის მცხოვრებლებს ოპოზიციონერებად მოგვიაზრებენ, რატომ ესეც არ ვიცით, მაგრამ რა უბედურებაა პოლიტიკური შეხედულების მიხედვით ადამიანების დაყოფა. თუ ოპოზიციონერები ვართ, ამიტომ უნდა წაგვიღოს წყალმა და დაგვეხრჩონ ბავშვები. ვინმემ მოგვხედოს, _ ამბობს "გურია ნიუსთან" ბინის ერთ-ერთი მცხოვრები. პრობლემაზე სასაუბროდ "გურია ნიუსი" მუნიციპალიტეტის მერს, ირაკლი კუჭავას დაუკავშირდა. კუჭავას თქმით, აბსურდია ბრალდება, რომ პოლიტიკური შეხედულების გამო არ ეხმარებიან ვინმეს. "მაგ ტერიტორიაზე გაკეთებულია დიდი პროექტი, მოწესრიგდება ორპირას ნაპირები და მოეწყობა ბულვარი, მაგრამ ეს წელს ვერ განხორციელდება. ასეთ დროს უნდა დარეკონ მერიაში, ჩვენი კომისია გავა ადგილზე, დასურათდება მდგომარეობა და მოვითხოვთ სტიქიის სალიკვიდაციო ხარჯებში. ამ შემთხვევაში ახლავე გავლენ ჩვენი სპეციალისტები შემთხვევის ადგილზე. ხოლო რაც შეეხება პოზიცია-ოპოზიციად ადამიანთა დაყოფას და ამ ნიშნით დახმარებას, ეს არის აბსურდი. არასოდეს გაგვირჩევია ადამიანები. შეგიძლიათ თუნდაც მაგ ქუჩაზე იკითხოთ, რამდენჯერ დავხმარებივართ იმ ადამიანებს, მათი ოჯახის წევრებს, თითონ რომ მოიაზრებენ თავს ოპოზიციონერებად, _ გვითხრა მუნიციპალიტეტის ... ...
  • “მაგნიტში“ მომხადარ ქურდობის ფაქტზე ერთი პირია მხილებულიდღეს ქალაქ ოზურგეთში სუპერმარკეტების ქსელის მაღაზია გაქურდეს. შინაგან საქმეთა სამინისტროს პრესსამსახურის ინფორმაციით, მომხდარ ფაქტთან დაკავშირებით გამოძიება სისხლის სამართლის კოდექსის 178 მუხლით მიმდინარეობს, რაც ძარცვას გულისხმობს. მხილებულია ერთი პირი. მიმდინარეობს ინტესიური საგამოძიებო მოქმედებები. “გურია ნიუსის“ ინფორმაციით, მოპარულია 5 ბოთლი ალკოჰოლური ... ...
  • რაჭაში სტიქიამ ცენტრალური მაგისტრალი დააზიანა„ონის მუნიციპალიტეტში, უხვი ნალექის შედეგად ადიდებულმა მდინარე ჭანჭახმა სოფელ გლოლაში საავტომობილო გზის ცენტრალური მაგისტრალი დააზიანა", _ აღიშულ ინფორმაციას რაჭა-ლეჩხუმის და ქვემო სვანეთის სამხარეო უწყება ავრცელებს. უწყებისვე ცნობით, შემთხვევის ადგილას დილიდან ოპერატიულად დაიწყო აღდგენითი და პრევენციული ... ...
  • როდიდან აღდგება საზოგადოებრივი ტრანსპორტის მოძრაობათბილისის მერის, კახა კალაძის განცხადებით, საზოგადოებრივი ტრანსპორტი მოძრაობას, სავარაუდოდ, ივნისის დასაწყისში გაანახლებს. მერის განცხადებით, ტრანსპორტის ამუშავებისთვის აუცილებელია მითითების მიღება, თუ როგორი უნდა იყოს წესები ეპიდემიის დროს. „ზუსტი თარიღი უცნობია.  ჩვენ არ გვაქვს ეს ინფორმაცია. დღეს საკოორდინაციო საბჭოს სხდომა გაიმართა, სადაც პირადად მე დავსვი საზოგადოებრივი ტრანსპორტის ამუშავების საკითხი, რადგან ძალიან დიდი მოთხოვნაა საზოგადოებაში. ველოდებით მითითებებს, ჯერ არანაირი მითითება არ არის ჩვენთან შემოსული. თუ როგორ უნდა იყოს წესები საზოგადოებრივ ტრანსპორტის მუშაობის დროს, ხალხმა როგორი წესებით უნდა ისარგებლოს ავტობუსით, მეტროთი, მიკროავტობუსით მგზავრობის დროს და ა.შ.“_ თქვა კალაძემ ... ...
  • საქართველოს დამოუკიდებლობის დღეს მასშტაბური ღონისძიებები არ გაიმართება საქართველოს დამოუკიდებლობის დღის აღსანიშნავად მასშტაბური ღონისძიებები წელს არ გაიმართება. ამის მიზეზი ეპიდვითარება და ხალხმრავლობის თავიდან აცილებაა. პრემიერ-მინისტრის პრესსპიკერის, ირაკლი ჩიქოვანის განცხადებით,  საქართველოს დამოუკიდებლობის დღეს სახელმწიფო უწყებები სხვადასხვა ფორმატის მცირემასშტაბიანი ღონისძიებებით აღნიშნავენ. პრემიერ-მინისტრი კი 26 მაისს საქართველოს თავდაცვის ძალებთან ერთად აღნიშნავს, ვაზიანის მე-4 მექანიზებული ბრიგადის ბაზაზე. „26 მაისი ჩვენი ქვეყნის ისტორიაში და საქართველოს თითოეული მოქალაქისთვის უმნიშვნელოვანესი თარიღია. მოგეხსენებათ, ბოლო წლების განმავლობაში 26 მაისი გახდა მასშტაბური საერთო სახალხო ზეიმი, რომელშიც ათასობით ჩვენი მოქალაქე მონაწილეობდა. წელს, მსოფლიო პანდემიიდან გამომდინარე, ამ მნიშვნელოვანი თარიღის აღნიშვნა განსხვავებული ფორმატით გვიწევს. ხალხმრავლობის თავიდან აცილების მიზნით, წელს 26 მაისის აღსანიშნავი მასშტაბური ღონისძიებები არ გაიმართება. სახელმწიფო უწყებები დამოუკიდებლობის დღეს სხვადასხვა ფორმით აღნიშნავენ. რაც შეეხება საქართველოს მთავრობას, პრემიერ-მინისტრი 26 მაისს საქართველოს თავდაცვის ძალებთან ერთად აღნიშნავს, ვაზიანის მე-4 მექანიზებული ბრიგადის ბაზაზე“, _  განაცხადა ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...


რას ფიქრობთ სოფლის მეურნეობის დახმარების პროგრამაზე?