რატომ აღარ მღერის კრიმანჭულს ელენა ბიბინეიშვილი

საზოგადოება

რატომ აღარ მღერის კრიმანჭულს ელენა ბიბინეიშვილი

25 ნოე. 2010, 23:05:57

გზა, რომელიც უნდა გავიაროთ, ვიცით, რომ შორი და რთულია, მაგრამ საინტერესო და ძალიან ლამაზი. ქალბატონი, რომელიც უნდა ვინახულოთ, ასაკოვანი და მარტოხელა ელენა ბიბინეიშვილია. ჩვენი მიზანია, რომ თქვენამდე მოვიტანოთ მისი გასაჭირი და ერთად ვიზრუნოთ მასზე, რადგან მისი სიცოცხლე მხოლოდ მას არ ეკუთვნის _ იგი საქართველოს ერთი პატარა სოფლის, ერთი პატარა უბნის უკანასკნელი მცხოვრებია.
ჩოხატაურის მუნიციპალიტეტის სოფელი ზემო სურები მაღალმთიანია, ზღვის დონიდან 640 მეტრზე, მდინარე სუფსის ხეობაში მდებარეობს. 2 საათზე მეტი მანქანით ვიარეთ... წინასწარ გაგვაფრთხილეს, _ თქვენს ადრესატამდე სამანქანო გზა არ მიდის და ტყეში ფეხით სიარული მოგიხდებათო... ის გზაც, რომელსაც სამანქანედ მიიჩნევენ, ავარიულია და მასზე გავლა მხოლოდ ორხიდიანი ავტომანქანებით არის შესაძლებელი. უგზოობა ამ ხეობის სოფლების მცხოვრებთა უპირველესი პრობლემაა.
ზემო სურებში მასპინძელი და მეგზური _ სანდო, კეთილსახიანი, შავებში ჩაცმული ქალბატონი _ ნანული ბიბინეიშვილი დაგვხვდა _ დანიშნულების ადგილამდე მან უნდა მიგვიყვანოს. ქალბატონი ნანული სოფლის ჭირ-ვარამის გამზიარებელი და როგორც აქაურები ამბობენ, ყველას ჭირისუფალია. რამდენიმე თვის წინ, უბედური შემთხვევის შედეგად 18 წლის შვილიშვილი დაეღუპა, მაგრამ დიდმა დარდმა ვერ გატეხა _ ისევ ძველებური შემართებით და პასუხისმგებლობით დგას თანასოფლელების გვერდით. ახლაც, დაუზარებლად დაგვთანხმდა მეგზურობაზე.
_ იქ ხალხი იშვიათად დადის. ტყეში წასული ადამიანი თუ გაივლის სეზონის დროს, თორემ სადაც ელენა ცხოვრობს, ადამიანები აღარ დადიან, _ გვიხსნის ქალბატონი ნანული, რომლის დამსახურებაცაა, რომ ელენა ბიბინეიშვილი ცოცხალია, _ დასახლებული პუნქტიდან თითქმის 2 კილომეტრი ტყეში მივდივართ, ბილიკი ციცაბოა და შესაძლებელია ნებისმიერ წამს გადავიჩეხოთ...
ბევრჯერ ამ გზაზე ძროხა გადამჩეხვია... როცა შვილები პატარები მყავდა და ვერავის ვუტოვებდი, საქონელს უმეთვალყურეოდ ვუშვებდი და ამ ადგილზე ბევრჯერ მინახავს ჩაჩეხილი, _ ღრმა უფსკრულისკენ ხელს იშვერს ქალბატონი ნანული.
დამღლელი და რთული გზის გავლის შემდეგ, დანიშნულების ადგილს ვუახლოვდებით, რის მაცნეც უზარმაზარ წიფელზე გასული ვენახია...
_ ელენას ძალიან კარგი მშობლები ჰყავდა... ერთ-ერთი ძლიერი ოჯახი იყო მთელ სურებში; ელენა და მისი და, გოგუცა გაუთხოვრები დარჩნენ და შემორჩნენ სოფელს. სამწუხაროდ, გოგუცა ბიბინეიშვილი რამდენიმე წლის წინ გარდაიცვალა, _ გვიყვება მეგზური.
სახლი, სადაც მარტოხელა მოხუცი ცხოვრობს თითქმის დაშლილია. სიცოცხლის ნიშანწყალი არ ჩანს _ არც ღობე, არც ჭიშკარი... ირგვლივ სულიერი არ ჭაჭანებს...
_ რომელი ხარ მაქ? _ ისმის შეშინებული ხმა სახლის სიღრმიდან.
_ ნანული ვარ, ნუ გეშინია, გამოდი, _ მოულოდნელი სტუმრებისგან დამფრთხალ ელენას ამშვიდებს ჩვენი გამყოლი.
რამდენიმე წუთში ოთახიდან თმაშევერცხლილი ქალბატონი გამოვიდა. ჩვენი ვინაობა და სტუმრობის მიზანი რომ გაიგო, გაოცებულს გაეღიმა: _ მე ვინმეს ვახსოვარ?
ფოტოს გადაღების ნება დაგვრთო, თუმცა, რამდენიმე წუთი ითხოვა და ოთახის კარი მიხურა. მალე "სასურათედ" მოწესრიგებული გამოვიდა _ სახეზე ფერუმარილწასმული და ტუჩებზე პომადანაცხები, მაღალქუსლიანი ფეხსაცმლით.
_ ჩემმა ნათესავებმა მომიტანეს დიდი ხნის წინ და განსაკუთრებული შემთხვევისთვის ვინახავ.
_ მშვენივრად გამოიყურებით ქალბატონო ელენა...
_ ახლა არა, თუმცა იყო დრო, როცა მართლა ლამაზი ვიყავი და მთხოვნელებიც ბევრი მყავდა... დღეს კი მარტო ვარ...
ელენა ბიბინეიშვილი 1930 წლის 10 სექტემბერს დაიბადა. სკოლა ფრიადებზე დაამთავრა, თუმცა სხვადასხვა მიზეზის გამო სწავლის გაგრძელება ვერ მოახერხა. როგორც თავად ამბობს, დრომ მალე გაირბინა და ახლა მარტოობის ბორკილებს ყოველ წუთს ებრძვის:
_ ნანული რომ არ მყავდეს, რა მეშველება არ ვიცი. დიდ გზაზე სიარული მე არ შემიძლია... ახლა მისი უბედურება ეყოფა, თუმცა მაინც არ მივიწყებს. მის გარდა არავის ვახსოვარ, _ გვითხრა ქალბატონმა ელენამ, რომელსაც ასაკი ნამდვილად არ ეტყობა _ ლამაზად დავარცხნილ თმებს საღებავის კვალი ეტყობა და ჩვენი გაოცებული მზერის საპასუხოდ გვიხსნის: _ მე თვითონ ვამზადებ მცენარეებისგან და თავად ვიღებავ. ახლა, ახალი დაბანილი მაქვს და ფერი გადასულია, _ გვითხრა მასპინძელმა; თუმცა საღებავის დამზადების რეცეპტი არ გაგვიმხილა, _ თქვენ შავი ფერის თმა გაქვთ და მაინც არ გამოგადგებათო.
_ ყოველ დილით ისეთ კრიმანჭულს მღერის, რომ დაბლა, თითქმის მთელ სოფელს ესმის, ამით ვიგებთ რომ ცოცხალია, თუმცა, რაც ჩემი შვილიშვილი დაიღუპა, მისი სიმღერაა აღარავის გაუგონია, _ გვეუბნება ქალბატონი ნანული.
_ აღარ არის სასიმღეროდ საქმე. თან ზამთარიც მომისწრებს და თოვლი მომჭყლიტავს. ახლა რომ ვიმღერო, გიჟი ვეგონები ვინმეს, _ გვიხსნის ქალბატონი ელენა.
იცის, რომ ამ ზამთარს მისი სახლი ვერ გაუძლებს, თუმცა არ იცის რა ქნას.
_ ნანული მეხვეწება ჩემთან წამოდიო. დისშვილებიც მყავს ბათუმში, მაგრამ არავისთან არ მინდა წასვლა. ჩემს ჭკუაზე ვერავისთან ვიქნები. რაიმე არ მოეწონებათ ჩემი გაკეთებული და დამწყევლიან... სხვაგან ბინის დასაქირავებელი ფული კი მე არ მაქვს. პენსია და 22-ლარიანი დახმარება მეძლევა, ისიც საჭმლისთვის ძლივს მყოფნის. ხშირად ნანულის მოაქვს საჭმელი, _ გაგვიშინაურდა და გასაჭირზე თამამად გვესაუბრება.
ის დროც გაიხსენა, როცა თაყვანისმცემლებს უარს ეუბნებოდა და მისი სილამაზის დასტურად ახალგაზრდობისდროინდელი ფოტოები გვაჩვენა: _ ასეც ხდება. ცხოვრება ყველას არ უფენს ია-ვარდებს. წუთისოფელი ჩემთვის ძალიან მწარე დარჩა... ვიცი, რომ ამ ზამთარს, ჩემი დაშლილი ბუხრის საკვამურიდან კვამლი აღარ ამოვა. აქ ხომ ძალიან დიდი თოვლი იცის, _ ცრემლების შეკავება უჭირს.
როგორც უკვე გითხარით, ელენა ბიბინეიშვილის სახლამდე სამანქანო გზა არ მიდის, თუმცა არ გვითქვამს, რომ მას არასდროს ჰქონია ელექტროენერგია _ გადამცემი ხაზი აქამდე არ მოუყვანიათ. ტელევიზორიც სხვაგან თუ უნახავს, ისიც ძალიან დიდი ხნის წინ, რადგან ბოლო რამდენიმე წელია საკუთარ ნავსაყუდელს არ გასცილებია.
_ სანთელიც არ მაქვს. როცა ღამდება, ლოგინში ვწვები... ხანდახან მგონია, რომ მარტოობისგან ლაპარაკი დამავიწყდება, _ წუხს ჩვენი რესპონდენტი.
ღამდება და ჩვენი წამოსვლის დროც დგება. ქალბატონი ელენა გვაცილებს. თვალებზე ცრემლი ადგას... მადლობას გვიხდის სტუმრობისთვის და პირობას გვადებინებს, რომ ისევ შევხვდებით _ ოღონდ, თოვლის მოსვლამდე...
ზემოსურებში კი მალე დიდი თოვლი მოვა, როგორ ყოველ წელს...
ჩოხატაურის მუნიციპალიტეტის გამგებლის მოვალეობის შემსრულებელი, გია გიორგაძე ამ ისტორიის მოსმენის შემდეგ შეგვპირდა, რომ ქალბატონ ელენას სახლს უქირავებენ და უხიფათოდ გამოაზამთრებენ, მასზე ზრუნვას გაზაფხულზეც არ შეწყვეტენ...
ამ რეპორტაჟის დაბეჭდვის წინ გავიგეთ, რომ დასაქირავებელი სახლი ქალბატონი ელენასთვის უკვე მოიძებნა მის მშობლიურ სოფელშივე, ოღონდ დასახლებულ უბანში.
ჩვენ კი ისეთ ადამიანებს ვეძებთ, რომლებთან ერთადაც უკვე ჩამოთოვილ სურებს საახალწლო ნობათით დატვირთულები ვესტუმრებით ქალბატონი ელენასთვის ახალი წლის მისალოცად _ მისთვის, თურმე, ახალ წელს საჩუქარი არასდროს არავის მიურთმევია.
გაზაფხულზე კი, მშვიდობით გამოზამთრებული ჩვენი რესპონდენტის კრიმანჭულსაც ჩავწერთ _ ჰიმნს, რომელსაც იგი დანარჩენ სამყაროს ყოველ დილით უგზავნის იმის ნიშნად, რომ კვლავაც ცოცხალია თვითონაც და ჯერ კიდევ დასახლებული მიწის მტკაველი!




 ახალი ამბები
  • ურეკში 20 წლის ახალგაზრდა დაიხრჩოდღეს, შუადღისას, ურეკში 20 წლის ბიჭი დინებამ გაიტაცა. მასთან ერთად მისი ბიძაშვილიც იმყოფებოდა. მაშველმა ერთი მათგანის გადარჩენა შეძლო, მეორის შველა კი ვერ მოხერხდა. მას ამ დრომდე ეძებენ. „გურია ნიუსის“ წყაროს ცნობით, ახალგაზრდა ზღვაში ნასვამ მდგომარეობაში ... ...
  • კონჭკათში მეწყერმა მაცხოვრებლებს გზა ჩაუკეტაოზურგეთის მუნიციპალიტეტის სოფელ კონჭკათში, შუა ღელესთან ახლოს მდებარე უბანში, მეწყერის ჩამოწოლის შედეგად ბეტონის გზა ჩამოიშალა და მაცხოვრებლებს გზა ჩაუკეტა. ადგილობრივები ამბობენ, რომ აღნიშნულ ტერიტორიას გადასაადგილებლად მთელი სოფლის მაცხოვრებლები იყენებენ, რადგან ციტრუსი აქვთ და ახლა გადაადგილება შემოვლითი გზით უწევთ. როგორც ოზურგეთის მუნიციპალიტეტის მერიაში აცხადებენ, მერიის შესაბამისი სამსახურები მიწის შევსებასა და გზის გამაგრებას უახლოეს დღეებში ... ...
  • ეპიდვითარება სვანეთში და გაფრთხილება ქობულეთში მყოფ ადამიანებსმესტიაში ეპიდემიოლოგიური ვითარების გართულების შედეგად დაწყებული ინტენსიური კვლევის შედეგებსა და საკარანტინო სივრცეებში არსებულ ვითარებაზე იმსჯელეს უწყებათაშორისი საკოორდინაციო საბჭოს სხდომაზე, რომელიც პრემიერ-მინისტრ გიორგი გახარიას ხელმძღვანელობით, დღეს მთავრობის ადმინისტრაციაში გაიმართა. დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ საბჭოს მიაწოდა ინფორმაცია, რომ ბოლო დღეების განმავლობაში, თბილისში ე.წ „ცხელების ცენტრებს" სვანეთში მოგზაურობის ისტორიის მქონე 1000-მდე მოქალაქემ მიაკითხა, რომელთაგან 14 პირს კორონავირუსი დაუდასტურდა. არსებული ვითარების გათვალისწინებით, მესტიის მუნიციპალიტეტში ღრმა ეპიდემიოლოგიური კვლევები გრძელდება, ასევე ძალაში რჩება დაწესებული საკარანტინო შეზღუდვები. ამასთან, კორონავირუსის ერთი შემთხვევა გამოვლინდა ქობულეთში. დაავადებათა კონტროლის ეროვნული ცენტრის მონაცემებით, ვირუსი კაფე „ჰავანაში" დასაქმებულ, თბილისიდან ჩასულ ქალს დაუდასტურდა. ინფიცირებულის ყველა კონტაქტი გამოვლენილია და მათ PCR ტესტირება უტარდებათ, თუმცა უწყებათაშორისი საკოორდინაციო საბჭო მოუწოდებს იმ მოქალაქეებს, რომლებიც 9, 10 და 11 აგვისტოს ქობულეთში, კაფე „ჰავანაში" იმყოფებოდნენ, ნებისმიერი სიმპტომის გამოვლენისთანავე, დაუყოვნებლივ დაუკავშირდნენ 112-ს ან მიმართონ შესაბამის „ცხელების ცენტრს". გასული დღე-ღამის მონაცემებით, ქვეყნის მასშტაბით კორონავირუსის 6 ათასამდე ტესტი ჩატარდა, ხოლო ჯამურად საქართველოში ჩატარებულია 300 ათასზე მეტი PCR ტესტი. ამასთან, საბჭოს სხდომაზე აღინიშნა, რომ ეპიდემიოლოგიური კვლევები ტარდება ყაზბეგის მუნიციპალიტეტშიც და არსებული მდგომარეობის ანალიზის საფუძველზე, მუნიციპალიტეტში შეზღუდვების დაწესების საფრთხე არ არსებობს, ვინაიდან ადგილზე ეპიდემიოლოგიური მდგომარეობა სრულად კონტროლდება. საქართველოში კორონავირუსის სულ  1321 შემთხვევაა დადასტურებული, მათ შორის გამოჯანმრთელებულია - 1088, ხოლო გარდაცვლილი - ... ...
  • გზავნილი სუფსის კარიერიდან: „დაუყოვნებლივ შეგვხვდეს ოზურგეთის მერი!“დღეს,  ოზურგეთის მუნიციპალიტეტის სოფლების, სილაურის და ბაილეთის რამდენიმე მცხოვრები,  სუფსის კარიერზე ,   მდინარის ხეობაში , შეხვდა კომპანია „სამი ძმების“ წარმომადგენლებს. ეს შეხვედრა 13 აგვისტოს  აქციის  შემდეგ მოხდა, როცა ორივე სოფლის მოსახლეობამ საავტომობილო მაგისტრალი  გადაკეტა, კარიერიდან „სამი  ძმების“ წასვლის მოთხოვნით. შეხვედრისას აღელვებული საუბრობდა კომპანიის ერთ-ერთი  წარმომადგენელი, ვახტანგ მარშანიშვილი: _მოსვლის  დღიდან, მოსახლეობასთან შეხვედრას ვითხოვ. ყველანაირი დოკუმენტაცია წესრიგში მაქვს. რასაც ეჭვის თვალით  უყურებდნენ, ისიც მოვაწესრიგე. უბრალოდ, ადგილობრივი  ხელისუფლების ნება არ არის.   ჩვენზე მიდის ზეწოლა და აქცენტი გადატანილია იქითკენ, რომ კარიერზე უნდა დარჩეს მხოლოდ ერთი კომპანია „ქიუ  ემ სი“.   15 ივლისს მივედი ბაილეთის გამგებელთან, რომ სოფლის წარმომადგენლებთან შეხვედრაში დამხმარებოდა. შემპირდა, პარასკევს შევხვდეთო. თუმცა, უშედეგოდ. მერე მითხრა, მერიაში უნდა ვიკითხოო.  ასევე უარი მითხრა დეპუტატმაც. დრო და დრო კი ხან აქ გადააკეტინებენ გზას ხალხს, ხან იქ და აყვირებენ, რომ ჩვენ აქედან უნდა წავიდეთ, ხოლო „ქიუ ემ სი“ უნდა დარჩეს. ეს ის კომპანიაა,  რომელსაც ლიცენზია არ ჰქონდა და ისე,  თურმე,  მილიონ ორასი ათასიანი მემორანდუმი გაუფორმა მოსახლეობას... იცით,  ეს რას ნიშნავს? ამდენივე კუბი ინერტული მასალის ამოღებას.   მაგრამ როგორ?  ... ხან ბიძინა ივანიშვილის ბანდას აძახებინებენ ხალხს ჩვენთვის, ხან ადიკოს.   ეგ მფარველები რომ მყავდეს, დარწმუნებული ვარ,  კანონს აკანონებინებდნენ და ასე გადავლას ვერავინ მოინდომებდა, _ განაცხადა მან შეხვდრისას და  მოყვა, თუ როგორ მოიარა დღის განმავლობაში, სოფლის მცხოვრებ ზურაბ დარჩიასთან ერთად, ყველა მიმდებარე ადგილი, სადაც საყანე ფართობებს უახლოვდება მათი ლიცენზიით განსაზღვრული კარიერის კონტურები და როგორ შეთანხმდნენ, რომ იმუშავებდნენ მათი მოთხოვნების გათვალისწინებით, ერთმანეთის მოტყუების და დაზარალების გარეშე. ცხარე კამათისას  გამოიკვეთა  აზრი, რომ  კომპანია  „ქიუ ემ  სის“ ოზურგეთის მუნიციპალიტეტის მერია მფარველობს და რომ მისი  მემორანდუმი არის დაპირება ქაღალდზე. თავის მხრივ ზურაბ დარჩიამ, მაია სარიშვილმა და სხვებმა თქვეს, რომ აუცილებლად უნდა მოხდეს ამ არეული სიტუაციის დარეგურილება. თუ „ქიუ ემ სი“ მართლა რაიმეს აკეთებს, დაიწყოს ხვალიდანვე ცოტ-ცოტათი  მაინც რაიმეს გაკეთება, თორემ  ცარიელი დაპირების მეტი რა ვიცთ, - თქვეს მათ. საკმაოდ ხაგრძლივი საუბრის შემდეგ, რის შესახებაც  ჩვენ უახლოეს საგაზეთო ნომერში გიამბობთ,  შეხვდრის მონაწილეებმა განაცხადეს ,რომ აუცილებლად  უნდა მოხდეს კომპანიების ხელმძღვანელების  და  მოსახლეობის წარმომადგენლების ერთობლივი შეხვედრა ოზურგეთის მუნიციპალიტეტის მერთან, რომ აუცილებელია გულწრფელი, მართალი საუბარი და კოორდინირებული მუშაობა, რათა არც კომპანიები დაზარალდნენ, არც მდინარის კალაპოტი და  ურთიერთობაც დალაგდეს. შეხვედრაზე  მყოფმა გარემოს  დამცველმა  ირმა გორდელაძემ  მათ უთხრა, რომ დღესვე გაახმოვანებს ამ მოთხოვნას. _ჩემი ვალია,  გითხრათ,  მოაწესრიგოთ  დოკუმენტაცია. მე როცა ეს ხალხი მეძახის, მაშინ მოვდივარ  აქ. შეთანხმდით, ოქმის სახით გააკეთოს სოფელმა , იმუშაოს თუ არა ორივე კომპანიამ მდინარეზე არსებულ კარიერში-   უთხრა მათ ... ...
  • კორონავირუსი ქობულეთში- როგორ უნდა მოიქცნენ კაფე "ჰავანას" ვიზიტორებიქალს, რომელიც თბილისიდან სამუშაოდ ქობულეთში ჩავიდა და კაფე „ჰავანაში“ დაიწყო მუშაობა, კორონავირუსი დაუდასტურდა. დაავადებათა კონტროლის ეროვნული ცენტრის ხელმძღვანელის მოადგილის,  პაატა იმნაძის განცხადებით, მიმდინარეობს ქალთან კონტაქტში მყოფი თანამშრომლების კვლევა. იმნაძემ ასევე მოუწოდა ადამიანებს, რომლებიც 9, 10 და 11 აგვისტოს კაფეს სტუმრობდნენ, სიფრთხილე გამოიჩინონ და სიმპტომების გამოვლენის შემთხვევაში ცხელების ცენტრს მიაკითხონ. „ქობულეთში გამოვლინდა შემთხვევა. ქალი ჩასულია თბილისიდან სამუშაოდ ქობულეთში. არის ასეთი კაფე „ჰავანა“ და ამ ბუნგალოში მომუშავე პერსონალი, ვინც კონტაქტში იყო ამ თანამშრომელთან, მოკვლეულია და მათ გამოიკვლევენ. მაგრამ 9, 10 და 11 აგვისტოს ვინც იყო ვიზიტორი ამ კაფის, მინდა, რომ ისინიც გავაფრთხილო, ფრთხილად იყვნენ და თუ ოდნავ მაინც სიმპტომები გამოუვლინდებათ, მიმართონ „ცხელების ცენტრებს“,_ განაცხადა იმნაძემ. საქართველოში კორონავირუსის სულ  1321 შემთხვევაა დადასტურებული, მათ შორის გამოჯანმრთელებულია - 1088, ხოლო გარდაცვლილი - ... ...

არქივი

ტესტები

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...