დაიხურება თუ არა გუთურის საჯარო სკოლა

საზოგადოება

დაიხურება თუ არა გუთურის საჯარო სკოლა

2011 აგვ 5 08:37:12
გასულ კვირას, ჩოხატაურის მუნიციპალიტეტის სოფელ გუთურში აქცია გაიმართა _ სოფლის მოსახლეობის ინფორმაციით, საუკუნოვანი სკოლა შესაძლოა დაიხუროს.

გუთურის საჯარო სკოლა, წლების განმავლობაში ავარიულ მდგომარეობაშია და იქ სწავლა ადამიანის სიცოცხლისთვის სახიფათოა. ორიოდე წლის წინ, ამ სკოლაში, კიბეს მოაჯირი მოძვრა და მოსწავლეს დაეცა. გარდა ამისა, განათლებისა და მეცნიერების სამინისტროს ინფორმაციით, აქ სწავლის დაბალი დონეა. მინისტრის, დიმიტრი შაშკინის განმარტებით. გუთურის საჯარო სკოლის დირექტორის მოხსნაც სწორედ ამან განაპირობა. შაშკინი მიიჩნევს, რომ გუთურის სკოლის აწ უკვე ყოფილმა დირექტორმა, სხვა კოლეგების მსგავსად, ვერ უზრუნველყო, რომ ბავშვებს ნორმალური განათლება მიეღოთ.

გუთურის საჯარო სკოლის ქართული ენისა და ლიტერატურის მასწავლებელი, მზია სიხარულიძე ჩვენთან საუბრისას ამბობს, რომ არავინ დაინტერესებულა იმ პრობლემებით, თუ რატომ ვერ შეძლეს ამ სკოლის მოსწავლეებმა საატესტატო გამოცდებში მაღალი ქულების მიღება:

_ ბავშვების რაოდენობა თუ არ იქნება, სკოლა გაუქმდება. დადგა სოფელი საშიშროების წინაშე, რომ აქ არ იქნება სკოლა და ითხოვენ, ბავშვები სხვა სკოლებში არ გადაიყვანონ. სკოლა არ უქმდება და სწორედ ამის თქმა გვინდოდა ამ შეკრებით. სოფლის ხელმძღვანელობა და ყველა ვითხოვთ, რომ სოფელში არსებობდეს ერთი მოწესრიგებული, გარემონტებული სკოლა. ახლა სკოლაში 98 ბავშვია, მაგრამ შესაძლებელია მეტი იყოს _ არავის მოუვა აზრად. ბავშვი გარემონტებული სკოლიდან გადაიყვანოს.

_ ქალბატონო მზია, ბავშვების გადაყვანა ხომ არ განაპირობა იმ ოფიციალურმა განცხადებამ, რომლის თანახმადაც გუთურის საჯაროს სკოლაში სწავლის დაბალი დონეა?

_ რატომ არის დაბალი, ამით რატომ არავინ ინტერესდება?! ყველა კლასში არის 5-6 წარმატებული მოსწავლე, მერე არიან საშუალო და შემდეგ დაბალი მოსწრების მოსწავლეები. მშობლებმა ის საუკეთესო ნაწილი წაიყვანეს და დარჩნენ სუსტები. წელს ათი ბავშვიდან, მე, როგორც მასწავლებელმა, 2 ბავშვთან ვაჩვენე შედეგი. ჩამოვიდეს გინდ შაშკინი, გინდ სააკაშვილი და თუ იმ დანარჩენ რვასთან შედეგს აჩვენებს, მე საერთოდ დავანებებ თავს პედაგოგობას. ზოია ჯიბლაძე ჩვენს სკოლაში მუშაობდა, პირველ სკოლაში მასთან ათიანები მიიღეს ბავშვებმა. ის რომ ჩვენთან ყოფილიყო, ამ შედეგს ვერ აჩვენებდა. მაგრამ ის მოხვდა კარგ სკოლაში, კარგ ბავშვებთან და აჩვენა შედეგი. ჩვენ ვერ ვაჩვენეთ, მაგრამ არავინ მოგვისმინა იმის გასაგებად, რატომ ვერ ვაჩვენეთ. ჩვენ რომ ბავშვებს დონე ვერ ავაწევინეთ, დირექტორი რა შუაში იყო? ის ძალიან პატიოსანი, მოწესრიგებული და შეგნებული ადამიანია, _ აღნიშნა სიხარულიძემ.

მისივე თქმით, პირველი საჯარო სკოლის და სამრევლო სკოლის წარმომადგენლები სოფელში დადიან და მშობლებს შვილების მათ სკოლაში გადაყვანას სთხოვენ:

_ დადის ირმა ჯიბუტი სამრევლო სკოლიდან, რომლის ფუნქცია არც კი ვიცი, რა არის და მშობლებს ეუბნება, მეუფის კურთხევით დავდივარო. ეკლესიის, ღმერთის სახელით ესაუბრებიან ადამიანებს და ეს მათზე მოქმედებს. ცოტა ხნის წინ ჩვენთან მშობელი მოვიდა _ ისეთი დამუშავებული იყო, რომ ტიროდა: ბავშვი უნდა გადავიყვანო სამრევლო სკოლაშიო. ასე არ შეიძლება. ჩვენთან არც სასულიერო სწავლება დგას უკანა პლანზე _ მამა ვიქტორი ჩვენი სკოლის აღზრდილია. წლევანდელმა ორმა კურსდამთავრებულმა სასულიერო სემინარიაში ჩააბარა. ჩვენ სკოლას ბევრი ღირსეული ადამიანი აღუზრდია და მისი დახურვის მცდელობა კარგს არავის არაფერს მოუტანს, _ ამბობს სიხარულიძე.

აღსანიშნავია, რომ თავად სიხარულიძეს შვილი სამრევლო სკოლაში დაჰყავს:

_ დიახ, ჩემი შვილი სამრევლო სკოლაში სწავლობს, მაგრამ გუთურის სკოლაში გადმომყავს, რადგან მოსახლეობამ მოითხოვა, პედაგოგების შვილებმაც გუთურში ისწავლონო, _ გვითხრა ქალბატონმა მზიამ, რომელიც არ საუბრობს იმ მიზეზებზე, თუ რატომ გადაიყვანა თავისი შვილი იმ სკოლაში, რომლის წარმომადგენლებს მშობლების გადაბირების მცდელობაში ადანაშაულებს.

გუთურის რწმუნებულის, მალხაზ გიორგაძის თქმით, სოფელში გამართულ შეხვედრაზე მყოფმა პარლამენტის მაჟორიტარმა დეპუტატმა კორნელი კუკულავამ მათ გვერდში დგომა აღუთქვა:

_ სკოლის დახურვის საკითხს არც ადგილობრივი ხელისუფლება წყვეტს და არც დეპუტატი _ ეს განათლების სამინისტროს პრეროგატივაა. ბატონმა კორნელიმ მოგვცა პირობა, რომ ყველაფერს გაარკვევს. თვენახევარში საბოლოო გადაწყვეტილება ცნობილი იქნება.

გუთურელები ჩვენთან საუბრისას ამბობენ, რომ სკოლის დახურვა ბევრ მათგანს პრობლემას შეუქმნის:

_ შესაძლოა, სკოლა ტერიტორიულად ახლოა დაბასთან, მაგრამ აქ ბავშვები სოფლის ბოლოდან დადიან. არ შეიძლება ამ სკოლის დახურვა, პირიქით, ყურადღების მიქცევა სჭირდება. კარგია, რომ ქალაქის სკოლებს არემონტებენ, მაგრამ სხვებმა რა დააშავეს? სოფელი აღარ არის საჭირო?! _ ამბობენ ისინი.

_ რა წესია კარდაკარ სიარული და მშობლებზე ფსიქოლოგიური ზემოქმედება? გვესმის, რომ კონკურენციაა, მაგრამ ამას ასეთი სახე არ უნდა მიეცეს, _ აღნიშნა ჩვენთან საუბრისას ერთ-ერთმა მშობელმა.

პირველი საჯარო სკოლის დირექტორი მანანა ჯინჭარაძე "გურია ნიუსთან" საუბრისას ამბობს, რომ სოფელმა და სკოლამ თავის გადასარჩენად უნდა იბრძოლოს:

_ გუთურს დიდი ტრადიციები აქვს და სოფელმა უნდა იბრძოლოს სკოლისთვის. რაც შეხება გადაბირებას, ვინც ეს თქვა, მან უნდა დაასახელოს კონკრეტული ადამიანი, რომელიც ჩემი სკოლის სახელით დადის მშობლებთან. სხვა შემთხვევაში, არანაირი ზომების მიღება არ შემიძლია, _ გვითხრა ჯინჭარაძემ.

ირმა ჯიბუტი სამრევლო სკოლის მენეჯერია. იგი ჩვენთან საუბრისას ამბობს, რომ მზია სიხარულიძის განცხადება სიმართლეს არ შეესაბამება. მისი თქმით, გუთურის საჯარო სკოლაში ერთი, კონკრეტული ბავშვის საბუთების წამოსაღებად მშობლის თხოვნით მივიდა:

_ თუ სიმართლე გაინტერესებთ, გოგონას დედას დაუკავშირდით და ყველაფერი ნათელი გახდება. ჩვენ არ ვართ დაინტერესებულნი, დაიხუროს სხვა სკოლა. მოსწავლეების ნაკლებობას ნამდვილად არ განვიცდით და თუ ოჯახი ისურვებს, რომ ბავშვი ჩვენ გვანდოს აღსაზრდელად, ეს მხოლოდ გვახარებს და მათთვის კიდევ უფრო მეტის გაკეთების სტიმულს გვაძლევს, _ გვითხრა ჯიბუტმა.

ჩვენი გაზეთი იმ ბავშვის მშობელს დაუკავშირდა, რომელსაც შვილი სამრევლო სკოლაში გადმოჰყავს:

_ ჩემს შვილს ორი წელია, სამრევლო სკოლაში გადმოსვლა უნდა. არანაირი ზემოქმედება ჩემზე არ მოუხდენიათ. მე, როგორც მშობელს, მაქვს უფლება შვილი იმ სკოლაში გადავიყვანო, სადაც მინდა და ამ თემის აჟიტირება მართებულად არ მიმაჩნია. სამრევლოს სკოლის წარმომადგენელი ჩემი თხოვნით მივიდა გუთურის სკოლაში, _ გვითხრა მშობელმა, რომლის ვინაობას ჩვენ შეგნებულად არ ვასახელებთ.

განათლებისა და მეცნიერების სამინისტროში გუთურის საჯარო სკოლის შესაძლო დახურვასთან დაკავშირებით კომენტარს არ აკეთებენ. როგორც სამინისტროში გვითხრეს, ჯერჯერობით ამ საკითხზე კონკრეტული გადაწყვეტილება მიღებული არ არის.




 ახალი ამბები
  • ოზურგეთელი დაძმა გაზით მოიწამლნენთბილისში ოზურგეთელი და ძმა არასწორად დამონტაჟებული გამათბობლის გამონაბოლქვით მოიწამლნენ. 30 წლის  და გარდაიცვალა, 22 წლის ძმის გადასარჩენად იბრძვიან ღუდუშაურის ... ...
  • ახალი დეტალები ოზურგეთში მესაქონლეობის ფერმის აშენებასთან დაკავშირებითმესაქონლეობის ფერმის ასაშენებლად რკ „გურული ნობათს“ სახელმწიფო ქონების ეროვნული სააგენტოსგან 15 505 კვ.მ. მიწის ნაკვეთი და მასზე განთავსებული შენობა-ნაგებობა 1 ლარად გადაეცა. ამის შესახებ ინფორმაცია არა ერთ საინფორმაციო სააგენტოში გავრცელდა. გავრცელებული ინფორმაციის თანახმად ვიგებთ, რომ ოზურგეთის მუნიციპალიტეტში  რკ “გურული ნობათი” ნატურალურ ნედლეულზე დამზადებულ რძესა და ხორცის პროდუქტებს წარმოებას აპირებს. კომპანიაში 70 ადგილობრივი მოსახლე დასაქმდება და 400 000 ლარის ინვესტიცია განხორციელდება. კომპანია წელიწადში სულ მცირე 32 000 კგ. ყველის, 15 000 კგ. საქონლის ხორცის, 275 000 ლ რძის და 20 000 კგ. ღორის ხორცის წარმოებას და ბაზრისთვის მიწოდებას უზრუნველყოფს, რომელიც ეკოლოგიურად სუფთა და მომხმარებლის მოთხოვნებზე ორიენტირებული იქნება. რეალიზება განხორციელდება როგორც ადგილობრივ ბაზარზე, ასევე, უცხოეთში. “გურია ნიუსი“ პროექტის დეტალებით დაინტერესდა. კოოპერატივი “გურული ნობათის“ თავმჯდომარის მოადგილე ზაზა ზაქარეიშვილი ამბობს, რომ ოზურგეთში, ჩოლოქის ტერიტორიაზე (გურია-აჭარის საზღვართან) აუქციონზე გამოტანილი 7 ჰექტარზე მეტი მიწის ნაკვეთი იყიდა, მაგრამ მარტო მან არა. “ფული არ მეყო და სხვებმაც იყიდეს. მიწის ნაკვეთზე 2000-სზე მეტი ნერგი მაქვს დარგული, ხეხილის ბაღია. შემდეგ გადავწყვიტე მესაქონლეობის ფერმის გაკეთება. უკვე დაწყებული მაქვს პროექტის განხორციელება და ორ წელიწადში უნდა დავასრულო. მე კი მინდა ექვს თვეში ავაშენო, მაგრამ ასე, არ ხდება. მიწის ნაკვეთის გადმოცემას არ დააყენეს საშველი. მარგველაშვილის პრეზიდენტობის დროს შევიტანე საქართველოს მთავრობაში პროექტი. იმის შემდეგ მესამე პრემიერი ჰყავს უკვე საქართველოს და როგორც იქნა მიწის ნაკვეთი გადმოგვცეს. ეს პროექტი “აწარმოე საქართველოს“ ფარგლებში მოვიგეთ. 20 დღის წინ პრემიერმა გიორგი გახარიამ მოაწერა ხელი ბრძანებას, აქედან გამომდინარე დავიწყეთ მუშაობა. მიწის ნაკვეთზე 15 კაცი მუშაობს ახლა,“ _ გვითხრა ზაქარეიშვილმა. ზაზა ზაქარეიშვილის თქმით, გურიაში ბიზნესის დაწყებამდე, ახალციხეში ჰქონდა  ფერმა. “150 სულამდე საქონელი მყავდა. მოხდა ისე, რომ ყველა ჩასვლამდე მცირდებოდა ამ საქონელის რიცხვი, ზოგს რა დაემართა და ზოგი კიდევ მგელმა დაჭამა. ამის შემდეგ გადავწყვიტე ახალი ბიზნესის დაწყება ოზურგეთში,“_თქვა ზაქარეიშვილმა. ... ...
  • ზაზა ურუშაძე “ოსკარის“ მოპოვების შემთხვევაში გურული აქცენტით აპირებდა "გავიმარჯვეს" თქმასცნობილი ქართველი რეჟისორი ზაზა ურუშაძე მოულოდნელად გარდაიცვალა. მისი ერთ-ერთი ფილმი “მანდარინები“ ოსკარზე იყო წარდგენილი 2015 წელს. გთავაზობთ ნაწყვეტს ზაზა ურუშაძის ინტერვიუდან, რომელიც 2015 წელს მისცა “პრაიმტაიმს“ ჟურნალისტი:– გამარჯვების შემთხვევაში გვინდა, რომ ქართულად წარმოთქვათ მადლობის სიტყვა დოლბის თეატრის დარბაზში, სადაც ის არასდროს გაჟღერებულა. ზაზა ურუშაძე:– როგორ არ ვიტყვი, გავიმარჯვო და ქართულადაც წარმოვთქვამ და გურული აქცენტითაც. ჟურნალისტი: – ფილმის სიუჟეტიდან გამომდინარე – ოკუპაციის თემას გააჟღერებთ? ზაზა ურუშაძე: – ლოს-ანჯელესში ბევრი პრესკონფერენცია და სიმპოზიუმი იყო. კინოზე რომ საუბრობ, მისი პოლიტიკურ ჭრილში გადაყვანა არ შეიძლება, მაგრამ მე მაინც ვერ ვითმენ და ყოველთვის ვამბობ, როგორ წაგვართვეს ტერიტორია. ეს პოლიტიკური განცხადება არაფერს აკეთებს. მთავარი განცხადება კულტურაა, ამ შემთხვევაში კინო ყველაზე კარგად აპოზიცირებს ქვეყანას. როდესაც ასეთი წარმატებაა, ხვდებიან, რომ ცარიელ ადგილას არაფერი ხდება. ჩვენ სერიოზული კინოს ისტორია გვაქვს. რომ არა ის ჩაყრილი საფუძველი, რამაც აქამდე მოგვიყვანა, არც ეს დაუჯერებელი წარმატება იქნებოდა. ინფორმაციისთვის “მანდარინები“ გურიაში, ოზურგეთის მუნიციპალიტეტის სოფელ ნატანებში არის გადაღებული. ამ ფაქტით კი ზაზა ურუშაძე ამაყობდა. “მიხარია, რომ გურიაში ვიღებ ფილმს. გურია ძალიან მიყვარს“ - გვითხრა “გურია ნიუსს“ ფილმის გადაღების დროს ზაზა ... ...
  • ილია მეორე: "უნდა მიხედოთ თქვენს მამულს, თქვენს მიწას"სრულიად საქართველოს კათოლიკოს-პატრიარქმა ილია მეორემ სამების საკათედრო ტაძარში ქადაგებისას განაცხადა, რომ უცხოეთში წასვლას მამულისა და მიწის მიხედვა სჯობს. პატრიარქმა მღვდლებს სთხოვა, რომ მაგალითი მისცენ მრევლს, საკარმიდამო მიწები დაამუშაონ და ამით ხელი შეუწყონ სოფლის გაძლიერებას.  „დღეს ჩვენთან არიან ჩამოსული სხვადასხვა ეპარქიებიდან სამღვდელოება და ასევე ჩამობრძანებული არიან ხელისუფალნი. მინდა, დავლოცო ეს სამღვდელოება და ეს ხელისუფლება. მინდა გთხოვოთ, რომ ჩვენი სამღვდელოება, სოფლის სამღვდელოება იყოს მაგალითი, სოფლის მეურნეობაში. თიბვა იყო, სათიბეები იყო და დღეს როცა უკეთესი პირობები დაგვიდგა, აღარ ითიბება. მინდა, ვთხოვო ჩვენს სამღვდელოებას, რომ მაგალითი მიეცით სოფლის ხალხს, დაამუშავეთ საკარმიდამო მიწები და ამით უნდა გავაძლიეროთ სოფელი. ჩვენი სოფელი გადაარჩენს ჩვენს ხალხს. დიდება უფალს და მადლობა უფალს ასეთი წყალობისათვის. კიდევ ერთხელ შეგახსენებთ, რომ სოფლის მეურნეობას მიხედოთ. სამღვდელოებას, გარდა მიწის დამუშავებისა, უნდა იყოლიოთ პირუტყვი, ძროხები, ცხვარი, ქათმები და სხვა პირუტყვი. ეს დიდად წასწევს ჩვენს სოფელს და სოფელი დაეხმარება ჩვენს ქალაქს. იმედი მაქვს, რომ მთელი საქართველო ამუშავდება, მთელი საქართველო მიიღებს ამას.  მიდიან საზღვარგარეთ და იქ ემსახურებიან მოხუცებულ ადამიანებს, ეს ცუდი არ არის, მაგრამ რაღა იქით მიდიხართ, აქ უნდა მიხედოთ თქვენს მამულს, თქვენს მიწას. ხელიდან გვეცლება მიწები, ჩამოდიან უცხოელები, ყიდულობენ მიწებს და სახლდებიან. ღმერთმა ინებოს, რომ გამოსწორდეს. მთელს საქართველოში გაავრცელეთ ეს სურვილები და გადავარჩინოთ საქართველო,“_ განაცხადა ... ...
  • აფეთქება თბილისში-როგორია დაშავებულების მდგომარეობათბილისში აფეთქების შედეგად 5 ადამიანია დაშავებული. მათ შორის - 1 ქალი, 1 არასრულწლოვანი და 3 მამაკაცი, რომლებიც სასწრაფო-სამედიცინო დახმარების ჯგუფებმა სამკურნალო დაწესებულებაში გადაიყვანეს. 5 დაშავებულიდან 3  დამწვრობის ცენტრშია, ერთი ალადაშვილის კლინიკაში, არასრულწლოვანი კი ციციშვილის სახელობის ბავშვთა საავადმყოფოშია მოთავსებული. მათ დამწვრობა, ძირითადად, სახისა და ზედა კიდურების არეში აქვთ მიღებული. ამ დროისთვის დაშავებულებიდან 2 ადამიანის მდგომარეობა მძიმეა და რეანიმაციაში არიან მოთავსებულები. აფეთქება თბილისში, ფიროსმანის ქუჩაზე მდებარე ბენზინგასამართ სადგურ "სენტასთან" საღამოს მოხდა. როგორც საგანგებო სიტუაციების მართვის სააგენტოში ამბობენ, შეტყობინების მიღებისთანავე, ადგილზე უმოკლეს დროში მივიდა 9 სახანძრო-სამაშველო ჯგუფი და დაიწყო ხანძრის ქრობა. ძლიერი ცეცხლი და დაკვამლიანება ბენზინგასამართი სადგურის მიმდებარედ არსებული მაღაზიის 2 ოთახში იყო გავრცელებული. მეხანძრე-მაშველებმა სადგურის აფეთქებისა და ცეცხლის ფართო მასშტაბებზე გავრცელების საფრთხე დაუყოვნებლივ აღკვეთეს. ადგილზე საგანგებო სიტუაციების მართვის სამსახურის 45-მდე მეხანძრე-მაშველთან ერთად, მობილიზებული იყვნენ საპატრულო და კრიმინალური პოლიციის ეკიპჟები და სასწრაფო სამედიცინო დახმარების ჯგუფები. შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ს 240-ე პრიმა მუხლის 1-ლი ნაწილით დაიწყო, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს. ... ...

არქივი

ზაფრანი

რა დაავადებისგან იცავს ვარჯიში მამაკაცებს

რეგულარული ვარჯიში კონკრეტული დაავადებების რისკს...

დღეში, რამდენი ფინჯანი ყავის დალევა შეიძლება

რამდენიმე თვის წინ ამერიკელმა მკვლევარებმა...

კაკაოს გასაოცარი თვისებები

კაკაო შეიცავს ნივთიერებას, რომელიც კარგია...

პროდუქტები რომლებიც სწრაფად გვაბერებს

მარგარინი – შეიცავს ტრანსცხიმს და...

მკურნალი ყავა

საინტერესოდ გამოიყურება ჰარვარდის უნივერსიტეტის მეცნიერთა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

საპარლამენტო არჩევნების რომელ მოდელს უჭერთ მხარს