"ჟურნალისტი არის საზოგადოებრივი ძაღლი, რომელიც ყეფს და ხალხს აფხიზლებს"

საზოგადოება

"ჟურნალისტი არის საზოგადოებრივი ძაღლი, რომელიც ყეფს და ხალხს აფხიზლებს"

5 ოქტ. 2011, 23:33:49

ჩვენი ნომრის სტუმარია ცნობილი ტელეჟურნალისტი და პროდიუსერი, ინტელექტუალური საკუთრების ეროვნული ცენტრის პრესსამსახურის განყოფილების უფროსი ეკა შანიძე.

_ ქალბატონო ეკა, გვიამბეთ თქვენი ჟურნალისტური საქმიანობის შესახებ.

_ პირველი ტელევიზია, სადაც ვმუშაობდი, იყო დამოუკიდებელი არხი, სადაც ჟურნალისტები და პროდიუსერები ერთად მივედით. საინფორმაციო სამსახურის უფროსი იყო ნოდარ დუმბაძის ქალიშვილი ქეთევან დუმბაძე, პროგრესულად მოაზროვნე ადამიანი, რომელმაც სრული შემოქმედებითი თავისუფლება მოგვცა. ძალიან საინტერესო და ამავე დროს რთული სამუშაო გვქონდა, იმიტომ რომ ქვეყანაში იყო მძიმე კრიმინოგენური სიტუაცია. ტელევიზიებში სფეროებად იყო დაყოფილი ჟურნალისტური მიმართულებები _ მე ავირჩიე სამართალი და კრიმინალი. პროფესიით ისტორიკოსი ვარ და და უფრო დამაინტერესა სამართალმა და ექსტრემალურმა სიტუაციებმა. ბევრ ცხელ წერტილში მიხდებოდა მუშაობა და ამით იყო ეს პროფესია ჩემთვის ძალიან მომხიბვლელი, ანუ დამწყები ჟურნალისტისთვის ეს იყო საუკეთესო სამუშაო. ხშირად მიწევდა სპეცოპერაციებზე ყოფნა. მაშინ ისეთი სამართლებრივი სივრცე იყო, რომ ჟურნალისტი თავისუფლად შედიოდა სპეცოპერაციაზე, რაც დღევანდელი გადასახედიდან, ვფიქრობ გაუმართლებელია.

_ ხომ არ გაიხსენებდით პანკისის ხეობას, სადაც თქვენ ოპერატორთან ერთად რამდენიმე დღის განმავლობაში ტყვეობაში იყავით?

_ ყველას კარგად ახსოვს, როგორი ურთულესი სიტუაცია იყო მაშინ პანკისის ხეობაში _ უზარმაზარი ნარკობიზნესი ტრიალებდა. იქამდე მივიდა საქმე, რომ შინაგანმა ჯარმა ჩაკეტა მთელი ხეობა. მე შევძელი პირადი კონტაქტების საფუძველზე და იქედან გამომდინარე, რომ მენდობოდნენ იქაური სახელმწიფო მოხელეები და იცოდნენ, რომ ანტისახელწიფოებრივს არაფერს გავაკეთებდი, ინტერვიუ ჩამეწერა მაშინ ერთ-ერთ ცნობილ კრიმინალურ პირთან ვეფხია მარკოშვილთან. ინტერვიუს ჩაწერის შემდეგ აღმოჩნდა, რომ მე და ჩემი ოპერატორი დათო ფირომაშვილი (იგი დღეს ბრიუსელშია და პირველი არხის ოპერატორია) 4 დღის განმავლობაში ტყვეობაში ვიმყოფებოდით. დათო მაშინ 16 წლის იყო. სხვათაშორის, უფრო ასაკოვანმა ოპერატორებმა ვერ გარისკეს იქ წასვლა. ასევე ძალიან ბევრ ხმაურიან სასამართლო პროცესზე ვყოფილვარ.

_ ამბობდნენ, რომ იმ პერიოდში ჟურნალისტები უფრო თავისუფლები იყვნენ.

_ ნამდვილად ზედმეტად თავისუფლები იყვნენ. მაგალითად, ჟურნალისტი თუ ინფორმაციას მოიპოვებდა, მას შეეძლო ის ყოველგვარი დაფიქრების გარეშე ეთქვა ღია ეთერში. ამერიკელები ამბობენ, რომ ჟურნალისტი არის საზოგადოებრივი ძაღლი, რომელიც ყოველთვის ყეფს და ხალხს აფხიზლებს, მაგრამ მაშინ ამ "გამომაფხიზლებელმა" ფაქტორმა თუ არასწორმა მიმართულებებმა ხშირ შემთხვევაში უკუჩვენებითი შედეგები გამოიღო.

_ გავრცელებულია მოსაზრება, რომ კრიმინოგენურ სიტუაციებში ჟურნალისტი ქალის მუშაობა უფრო გამართლებულიაო. რას იტყვით ამასთან დაკავშირებით?

_ ქალი უფრო იცავს ზომიერებას, ძალიან ბევრ ნიუანსებს ითვალისწინებს, რასაც შეუძლია სიტუაციების განმუხტვა.

_ თქვენი შემდგომი ჟურნალისტური მუშაობა ტელეკომპანია "მზეში" გაგრძელდა...

_ 7 წელი ვიმუშავე დამოუკიდებელ არხზე, შემდეგ კი გადავედი ტელეკომპანია "მზეში", რომელიც ასევე ნულიდან შეიქმნა. მაშინდელმა საინფორმაციო სამსახურის ხელმძღვანელმა ლევან ყუბანეიშვილმა თითქმის ყველა ტელევიზიებიდან მოიწვია ცნობილი ჟურნალისტები _ ეკა ბერიძე, ინგა გრიგოლია, ირაკლი იმნაიშვილი, ლაშა დვალიშვილი, ნინო ჟიჟილაშვილი, გოდერძი შარაშია, გიორგი კალანდია, ხათუნა ბერძენიშვილი და სხვები. ეს იყო ქართული თანამედროვე ტელევიზიის საუკეთესო შემადგენლობა. ამ ტელევიზიას წელიწადნახევარი ჰქონდა ყველაზე მაღალი რეიტინგი. მე ჯერ ვმუშაობდი ჟურნალისტად, შემდეგ კი გადავინაცვლე პროდიუსინგში. სამწუხაროდ, 2008 წელს ტელეკომპანია "მზე" დაიხურა. ორთვიანი პაუზის შემდეგ, "მზის" ძირითადი შემადგენლობა გადავედით ტელეკომპანია "იმედში", რომელიც იმჟამად დახურული იყო და თავიდან იყო ასამუშავებელი. უკვე მესამედ მომიხდა ახალი საინფორმაციო სამსახურის შექმნაში მონაწილეობის მიღება. მთელი პასუხისმგებლობით შემიძლია ვთქვა, რომ გარდა პროფესიული აზარტისა, ძალიან საინტერესო პროცესია იმ თვალსაზრისითაც, რომ ერთ-ერთ წამყვან რგოლში შენზე ძალიან ბევრი რამაა დამოკიდებული. საერთოდ, მშიშარა ადამიანი არ ვარ, მაგრამ ქვეცნობიერად მაინც ყოველთვის არის უკმაყოფილების გრძნობა და ამიტომ მაქსიმალურად ვცდილობ, ბოლომდე დავიხარჯო და პროფესიულ დონეზე გაკეთდეს საქმე.

_ რა თვისებები უნდა ჰქონდეს ჟურნალისტს?

_ ჟურნალისტისთვის აუცილებლად არის საჭირო სისწრაფე, აზროვნების სისხარტე, ვიზუალობა, ზომიერება, მეტყველება და ინტელექტი. სამწუხაროდ, მოდის თაობა, რომელსაც წიგნთან ნაკლები კონტაქტი აქვს, რაც შემდეგ მათ მუშაობაზე ცხადად აისახება. თუმცა, ბევრი ძალიან ენერგიული, უნარიანი და ნიჭიერი ახალგაზრდებიც მოდიან.

_ რას ნიშნავს თქვენთვის ტელევიზია?

_ ტელევიზია ეს არის მეორე სახლი, სადაც ხშირად 24-საათიან რეჟიმში გიწევს მუშაობა. იქ აკეთებ შენს საყვარელ საქმეს, იქ გყავს უახლოესი მეგობრები, იქ იკვებები, სხვაგან წასვლის სურვილი არც გაქვს. ფსიქოლოგიურად ისე ხარ დატვირთული, დამუხტული და ისე გაქვს ეს ყველაფერი სისხლში გამჯდარი, რომ გგონია ამის გარდა სხვა სამუშაო არ არსებობს.

_ მაგრამ დღეს თქვენ ტელევიზიაში აღარ მუშაობთ.

_ 13 წელი ვიმუშავე ძალიან დაძაბულ რეჟიმში. ვფიქრობ, რომ ამოვწურე ჩემი ფიზიკური რესურსები, თუმცა, თეორიულად შემიძლია და დაგეგმილიცაა, რომ ტელეპროდიუსინგში ჩემი გამოცდილება ერთ-ერთ უმაღლეს სასწავლებელში, როგორც ლექტორმა, გავუზიარო სტუდენტებს. ამით ძალიან კმაყოფილი ვარ. საერთოდ ვერ წარმომედგინა, ტელევიზიის გარდა, თუ იყო სხვაგან საინტერესო სამუშაო, მაგრამ დღეს ვმუშაობ ინტელექტუალური საკუთრების ეროვნულ ცენტრში პრესსამსახურის უფროსად და შემიძლია ვთქვა, რომ ძალიან საინტერესო სამსახური მაქვს. ჩვენი სამსახური იცავს საავტორო უფლებებს, გამოგონებებს, დიზაინს, სასაქონლო ნიშნებს, ბრენდებს, თითქმის ყველაფერს, რაც ჩვენს გარშემო არსებობს. ძალიან საინტერესო სფეროში აღმოვჩნდი, და ძალიან კომფორტულად ვგრძნობ თავს.

_ ჩოხატაურზე რას იტყვით?

_ ჩოხატაური უსაზღვროდ მიყვარს. როგორი გადაღლილი და გათანგულიც არ უნდა ჩავიდე, ორი დღის შემდეგ "ჩიტივით" ვარ ხოლმე. ჩემი სახლის აივანზე რომ გამოვალ და ჩემს ეზო, ბალახს, ატმის და ვაშლის ხეებს შევეხები, მიწის სურნელს შევიგრძნობ, უზარმაზარ ენერგიას ვიღებ, რომელიც საკმაოდ დიდხანს მყოფნის. საოცრად მენატრება ბავშვობის ლაღი წლები, სკოლაში გატაცებული ვიყავი სპორტით. მახსოვს, გოგონათა ტურნირი მოვაწყვე ფეხბურთში. აქტიურად ვმონაწილეობდი დრამატულ წრეში, რომლის ხელმძღვანელი იყო არაჩვეულებრივი პიროვნება ბიჭიკო ღამბაშიძე. არასოდეს დამავიწყდება კულტურის სახლის მიერ 9 აპრილისადმი მიძღვნილი ლიტერატურულ-თეატრალიზებული კომპოზიცია: "საქართველოო, გოლგოთაზე უფრო ციცაბოვ", რომელშიც აქტიური მონაწილეობა მივიღე. ახლაც თვალწინ მიდგას, როგორ სულგანაბული უსმენდა მაყურებელი წარმოდგენას. ისეთი ემოციური ფონი იყო, ყველა ტიროდა. უზარმაზარი ზემოქმედება მოვახდინეთ მაყურებელზე.

როცა ამ ზაფხულს ჩავედი ჩოხატაურში, ისეთი გრძნობა დამეუფლა, რომ ეს კუთხე თითქოს მიტოვებულია და მოწყვეტილია აქტიურ ცხოვრებისეულ რიტმს. საშინელი მოწყენილობა იყო და გული დამწყდა. არადა ბევრი კარგი, ნიჭიერი, ენერგიული, ლამაზი, ახალგაზრდა არის და მინდა, რომ ეს ნიჭი მაქსიმალურად გამოიყენონ, როგორც საკუთარი კარიერისთვის, ასევე მშობლიური კუთხისთვის. მე პირადად ვალში ვარ ჩოხატაურთან და ვეცდები, ყველაფერი გავაკეთო მისი უკეთესი მომავლისთვის.




 ახალი ამბები
  • როდემდე გაუხანგრძლივდათ 1-ელ მაისამდე საქართველოში შემოყვანილ სატრანსპორტო საშუალებებს განბაჟების ვადა 2020 წლის 1-ელ მაისამდე საქართველოს ტერიტორიაზე შემოყვანილ სატრანსპორტო საშუალებებს განბაჟების ვადა გაუხანგრძლივდათ. ამის შესახებ შინაგან საქმეთა სამინისტროს მომსახურების სააგენტოს მიერ გავრცელებულ განცხადებაშია ნათქვამი. „შინაგან საქმეთა სამინისტროს მომსახურების სააგენტო გაცნობებთ, რომ საქართველოს მთავრობის უწყებათაშორისო საკოორდინაციო საბჭოს რეკომენდაციების გათვლისწინებით და ფინანსთა სამინისტროს გადაწყვეტილებით, კორონავირუსის გავრცელების პრევენციული ღონისძიებებიდან გამომდინარე, 2020 წლის 1-ელ მაისამდე საქართველოს ტერიტორიაზე შემოყვანილ სატრანსპორტო საშუალებებს განბაჟების ვადა გაუხანგრძლივდათ 2020 წლის პირველ სექტემბრამდე. მომსახურების სააგენტო მოუწოდებს მოქალაქეებს, რომლებსაც სატრანსპორტო საშუალებები შემოყვანილი ჰყავთ 2020 წლის პირველ მაისამდე, რიგისა და საჯარიმო სანქციების თავიდან აცილების მიზნით, დროულად მიმართონ მომსახურების სააგენტოს და 31 აგვისტოს ჩათვლით განახორციელონ საბაჟო პროცედურები. მომსახურების სააგენტო, მოქალაქეთა უსაფრთხოების მიზნით, სრულად ითვალისწინებს საქართველოს მთავრობის უწყებათშორისი საკოორდინაციო საბჭოს რეკომენდაციებს და სერვისებით სარგებლობის ყველა მსურველს მოუწოდებს, რომ ადგილზე სერვისების მისაღებად სააგენტოში გამოცხადდნენ პირბადით“,_ ნათქვამია ... ...
  • „დაჯექი! ორიანი!“ _ ოზურგეთის საკრებულოს „ოცნების“ დეპუტატმა „ნაციონალ“ მჟავანაძეს „დვოიკა“ დაუწერა5 აგვისტოს, ოზურგეთის მუნიციპალიტეტის საკრებულოს მორიგ სხდომაზე, პირველ საკითხად,   მერიის მიერ ინიცირებული დადგენილების პროექტი:  "გარე ვაჭრობის რეგულირების წესის დადგენის შესახებ“  _ განიხილეს. საკითხის ირგვლივ იკამათეს დეპუტატებმა. კერძოდ, დეპუტატმა ლავრენტი ბიგვავამ პრინციპულად მოითხოვა, გარე ვაჭრობის წესში კონკრეტულად იქნეს მითითებული, ქალაქის რომელ ადგილზე არ შეიძლება გარევაჭრობა და არა მხოლოდ ის, სად იქნება ვაჭრობა  დაშვებული. _ წინააღმდეგ შემთხვევაში, ვიფიქრებთ, რომ აქ რაღაც სხვა მიზანი დევს, _ განაცხადა ბიგვავამ. გარევაჭრობის წესთან დაკავშირებით,  თავისი პოზიცია გამოხატეს საკრებულოს ოპოზიციონერმა დეპუტატებმა.  განსაკუთრებით  აქტიურობდა  „ნაციონალი“ დეპუტატი დავით მჟავანაძე. მან კორუმპირებული უწოდა ოზურგეთის მერს,  კონსტანტინე შარაშენიძეს, რომელიც, მისი განმარტებით, წინა მერს, სიორიძეს  დაემსგავსა ამ საქმეში და ცდილობს, არ ჩამორჩეს. _ მოგესალმებით. მე პატარა შეფასებასავით გავაკეთებ... კრიმინალური საკითხია ცოტა. ოზურგეთის მერმა გამოისყიდა გურიის ქუჩაზე მიწის ნაკვეთი. მერე ნათესავზე გადააფორმა. გამოყარეს იქედან ადამიანები. ადამიანებს არ მიეცით ვაჭრობის  საშუალება, დაულპეთ ათასობით ლარის პროდუქცია. თქვენთვის  ეს არაფერს არ ნიშნავს! მერი კორუმპირებულია. ვინ აგებს პასუხს? _ არ ცხრებოდა მჟავანაძე. _ გვაცალეთ, დავით, ჩვენ და მოვიყვანთ უკეთესს, _ უთხრა მჟავანაძეს   „ქართული ოცნების“ დეპუტატმა აროშიძემ. _თქვენმა მოყვანილმა მერმა არაფერი არ დატოვა ოზურგეთში.  ცენტრალური სკვერებიდან  შეისყიდა ყველაფერი.  მუზეუმის კიბე და ტუალეტიც გაყიდულია. ჩვენ ეს მოვიყვანეთ, მაგრამ დაემსგავსა მას და უნდა, გაასწროს _ ერთმანეთს ეჯიბრებიან, _ განაცხადა მჟავანაძემ სიორიძის და შარაშენიძის შედარებითი დახასიათებისას. _დაჯექი! ორიანი! _მიმართა მჟავანაძეს „ქართული ოცნების“ დეპუტატმა მარიკა ჩხიკვიშვილმა, რასაც დეპუტატების მხრიდან სიცილი მოჰყვა: „ახლა უწერს „დვოიკას“ შარაშენიძეს და არჩევნებზე თავგანწირული უჭერდა მხარს“, _ ხუმრობდნენ ... ...
  • "საუკეთესო გზები თვითმკვლელობის" _ რა იპოვა შსს-მ ბაჩალეიშვილის კომპიუტერშიშსს თამარ ბაჩალიაშვილის საქმის გამოძიების მიმდინარეობასთან დაკავშირებით შუალედური ინფორმაციას ავრცელებს. უწყრბის ინფორმაციით, თამარ ბაჩალიაშვილის კუთვნილი „ეფლის“ მარკის პორტატული კომპიუტერის მეხსიერებაში აღმოჩენილი იქნა ფოტო-ვიდეო ფაილები და კომპიუტერის მეხსიერებაში ვებგვერდებზე შესვლის ისტორია.სსიპ „ლევან სამხარაულის სახელობის სასამართლო ექსპერტიზის ეროვნული ბიუროდან“, 2020 წლის 05 აგვისტოს მიღებული იქნა კომპიუტერული ექსპერტიზის დასკვნა, რომლის მიმდინარეობაშიც მონაწილეობდა ოჯახის ადვოკატი. ექსპერტიზის დასკვნის თანახმად, თამარ ბაჩალიაშვილის კუთვნილი „ეფლის“ მარკის პორტატული კომპიუტერის მეხსიერებაში აღმოჩენილი იქნა ფოტო-ვიდეო ფაილები და კომპიუტერის მეხსიერებაში ვებგვერდებზე შესვლის ისტორია.ექსპერტიზის დასკვნის და დათვალიერების ოქმის თანახმად, 2020 წლის 17 ივლისს, გაუჩინარების წინა დღეს 18:36 საათზე თამარ ბაჩალიაშვილი შესულია „ფეისბუქის“ გვერდის დახმარების განყოფილებაში, სადაც მითითებულია არის ვებ გვერდის სათაური - What will happen to my Facebook account if I pass away?, რაც ქართულად ნიშნავს - რა მოუვა ჩემს ფეისბუქის ანგარიშს თუ მე გარდავიცვლები? ამავე წუთზე გუგლში თამარ ბაჩალიაშვილის მიერ ჩაწერილი და მოძებნილია შემდეგი ტექსტი facebook cancel account after death - რაც ნიშნავს: ფეისბუქის ანგარიშის გაუქმება სიკვდილის შემდეგ.2020 წლის 18 ივნისს, გაუჩინარებამდე ერთი თვით ადრე- 00:16:37 საათზე თამარ ბაჩალიაშვილის მიერ გუგლის საძიებო სისტემაში ჩაწერილია სიტყვები: best ways for suicide - რაც ქართულად ნიშნავს: საუკეთესო გზები თვითმკვლელობისთვის. იმავე დღის 00:15:51 საათზე იგი შესულია საინფორმაციო ხასიათის ვებგვერდ ვიკიპედიაზე - გვერდზე მიწერილი აქვს სათაური - Suicide methods – Wikipedia, რაც ქართულად ნიშნავს: თვითმკვლელობის მეთოდები, აღნიშნული ლინკის გახსნის შედეგად იხსნება ვიკიპედიის სტატია სათაურით: Suicide methods, სადაც მოცემულია ინგლისურ ენაზე სტატია, რომელშიც აღწერილია თვითმკვლელობის სხვადასხვა მეთოდები.დასკვნის მიხედვით, ვებგვერდებზე შესვლის ისტორიიდან და 2020 წლის 22 ივლისს ჩატარებული თამარ ბაჩალიაშვილის ავტომანქანის დათვალიერების ოქმიდან ირკვევა, რომ ავტომანქანაში აღმოჩენილი მედიკამენტები და 2020 წლის 17 ივლისს, გაუჩინარების წინა დღეს, GOOGLE-ის საძიებო სისტემაში მის მიერ მოძიებული მედიკამენტების ნაწილი ემთხვევა ერთმანეთს.აქვე გაცნობებთ, რომ კომპანია, სადაც თამარ ბაჩალიაშვილი მუშაობდა, შპს „ზეგ“ დარეგისტრირდა 2015 წლის 30 დეკემბერს. დირექტორი თამარ კობერიძე. საწყის ეტაპზე 100%-იანი წილის მესაკუთრე იყო ნიკოლოზ გეჯაძე, ხოლო 2018 წლის 30 იანვრიდან 100%-იანი წილის მესაკუთრეა აბრაჰამ რაიხბახი. ამ ეტაპზე დგინდება, რომ კომპანია „ზეგ“ არ ოპერირებს საქართველოში და მისი საქმიანობა დაკავშირებულია საერთაშორისო შეკვეთებთან. კომპანიის საქმიანობის შესწავლის მიზნით გრძელდება საგამოძიებო მოქმედებები. თამარ ბაჩალიაშვილის საქმეზე ინტენსიურად გრძელდება გამოძიება, მიმდინარეობს ექსპერტიზები. სამინისტრო აქტიურ კომუნიკაციაშია ოჯახთან. აღნიშნულ საქმესთან დაკავშირებით პერიოდულად მოხდება საზოგადოების ინფორმირება.მაღალი საზოგადოებრივი ინტერესებიდან გამომდინარე, ვასაჯაროებთ თამარ ბაჩალიაშვილის კომპიუტერიდან ამოღებული ინფორმაციის ... ...
  • "კანონიერი ქურდი" და ქურდული სამყაროს წევრი _ ორ ძებნილს ბრალი წარედგინასაქართველოს პროკურატურამ „კანონიერი ქურდობისა" და ჯგუფურად, დიდი ოდენობით ქონების მიღების მიზნით, გამოძალვის ფაქტზე თ.გ.-ს, ხოლო „ქურდული სამყაროს" წევრობისა და ჯგუფურად, დიდი ოდენობით ქონების მიღების მიზნით, გამოძალვის ფაქტზე გ.გ.-ს დაუსწრებლად წარუდგინა ბრალდება. საქართველოს შინაგან საქმეთა სამინისტროს მიერ ჩატარებული გამოძიებით დადგინდა, რომ თურქეთში მყოფი „კანონიერ ქურდის" - თ.გ.-ს მითითებით და ხელმძღვანელობით, „ქურდული სამყაროს" წევრი გ.გ. თურქეთიდან დაუკავშირდა საქართველოში მყოფ მამას, ასევე „ქურდული სამყაროს" წევრს - ა.გ.-ს და საქართველოში, ბიზნესსაქმიანობით დაკავებული მ.ყ.-სთვის ოჯახის წევრების გატაცების მუქარით, თანხის გამოძალვის ორგანიზება მოახდინეს. მიზნის მისაღწევად, 2020 წლის 1 ივნისს დაზარალებულ მ.ყ.-ს „კანონიერ ქურდის" - თ.გ.-ს დავალებით, უცნობი პირი დაუკავშირდა და ჩეჩნური კრიმინალური დაჯგუფების სახელით, შვილის გატაცების ორგანიზებისგან თავის შეკავების სანაცვლოდ 60 000 აშშ დოლარი მოსთხოვა. მეორე დღეს კი დაზარალებულს „ქურდული სამყაროს" წევრი ა.კ. დაუკავშირდა და წარმოშობილი პრობლემის მოგვარებას „ქურდული სამყაროს" მიერ დადგენილი წესებისა და „კანონიერი ქურდის" თ.გ.-ს დახმარებით დაპირდა. აღნიშნულის შემდეგ დაზარალებულს, თურქეთის რესპუბლიკიდან რამდენჯერმე დაუკავშირდა „კანონიერი ქურდი" - თ.გ. და „ქურდული სამყაროს" წევრი - გ.გ., რომლებიც თავიანთი კრიმინალური ავტორიტეტისა და „ქურდული სამყაროს" იერარქიაში მაღალი სტატუსის ხაზგასმით ცდილობდნენ მ.ყ.-ს დაშინებას, რათა მას ა.კ.-სთვის თანხა გადაეცა. 2020 წლის 12 ივნისს, დაზარალებულმა მ.ყ.-მ დაშინებითა და მუქარით მოთხოვნილი თანხის ნაწილი 10 000 აშშ დოლარი ა.კ.-ს გადასცა, რის შემდგომ სამართალდამცავებმა იგი დააკავეს. 2020 წლის 14 ივნისს ა.კ.-ს წარედგინა ბრალდება და იმავე დღეს აღკვეთის ღონისძიების სახით პატიმრობა შეეფარდა. 2020 წლის 5 აგვისტოს, პროკურატურის შუამდგომლობის საფუძველზე თ.გ.-ს და გ.გ.-ს აღკვეთის ღონისძიების სახით პატიმრობა შეეფარდათ და მათ მიმართ გამოცხადდა ძებნა. საქმეზე გრძელდება გამოძიება საქართველოს სისხლის სამართლის კოდექსის 2231-ე მუხლის პირველი და მეორე ნაწილებით, და 181-ე მუხლის მე-2 ნაწილის „ა" და „გ" ქვეპუნქტებით, რაც სასჯელის სახედ და ზომად ცხრიდან თხუთმეტ წლამდე თავისუფლების აღკვეთას ... ...
  • თიბისის მხარდაჭერით ეროვნულ ბიბლიოთეკაში ქართული ემიგრაციის მუზეუმი დაარსდა (R)თიბისის მხარდაჭერით, საქართველოს პარლამენტის ეროვნული ბიბლიოთეკის მეორე კორპუსში გურამ შარაძის მიერ დაარსებული ქართული ემიგრაციის მუზეუმი გაიხსნა. ემიგრაციის მუზეუმის გახსნას საქართველოს პარლამენტის თავმჯდომარე არჩილ თალაკვაძე, ეროვნული ბიბლიოთეკის დირექტორი გიორგი კეკელიძე, გურამ შარაძის ქალიშვილი რუსუდან შარაძე და თიბისი ბანკის გენერალური დირექტორი ვახტანგ ბუცხრიკიძე დაესწრნენ. ქართული ემიგრაციის მუზეუმი 1994 წელს პროფესორმა გურამ შარაძემ ივანე ჯავახიშვილის სახელობის თბილისის სახელმწიფო უნივერსიტეტში დააარსა. მას ბოლო წლებში გადაწყვეტილი ჰქონდა, საბოლოოდ მუზეუმს ეროვნულ ბიბლიოთეკაში დაედო ბინა, თუმცა მეცნიერის სიცოცხლეში ეს ვერ განხორციელდა.  მამის სურვილის შესრულება გურამ შარაძის ქალიშვილმა, რუსუდან შარაძემ ითავა. თბილისის სახელმწიფო უნივერსიტეტის რექტორის, გიორგი შარვაშიძის ოფიციალური თანხმობით და რუსუდან შარაძის ძალისხმევით ქართული ემიგრაციის მუზეუმი ეროვნულ ბიბლიოთეკას გადაეცა. მუზეუმში დაცულია ქართველი პოლიტიკური ემიგრანტების უძვირფასესი არქივები, პერიოდული გამოცემების სრული კოლექციები, უნიკალური წიგნები და სხვა მნიშვნელოვანი მასალა. ეროვნულ ბიბლიოთეკაში თიბისის მხარდაჭერით, ემიგრაციის დარბაზი 2015 წელს გაიხსნა. ემიგრაციის დარბაზში წარმოდგენილია ათობით ემიგრანტის პირადი არქივი, მათ შორის, ლევილის არქივი, გენერალ გიორგი კვინიტაძის, ორბელიანების, ზალდასტანიშვილების და სხვა ცნობილ ემიგრანტთა არქივები. ისტორიული და სამეცნიერო მნიშვნელობის დღემდე უცნობი ემიგრანტული ლიტერატურა, პირადი არქივები, წერილები თუ ფოტომასალა საქართველოში თიბისის დახმარებით ეროვნულმა ბიბლიოთეკამ ჩამოიტანა. ახლა კი, ემიგრაციის დარბაზში დაცული ფონდები ემიგრაციის მუზეუმში განთავსდება.  „დღიდან დაარსებისა, თიბისი მუდამ იყო ქართული კულტურისა და კულტურული მემკვიდრეობის მხარდამჭერი. თიბისი არის მაღალი სოციალური პასუხისმგებლობის მატარებელი კომპანია და სწორედ ამ პრინციპით ვხელმძღვანელობთ, როდესაც ხელს ვუწყობთ ჩვენი ეროვნული საგანძურის შენარჩუნებას და მომავალი თაობებისთვის გადაცემას. მოხარული ვარ, რომ ჩვენ მიერ მხარდაჭერილი საქმეების სიას ემიგრაციის მუზეუმიც შეემატა,“ - განაცხადა ვახტანგ ბუცხრიკიძემ მუზეუმის გახსნის ცერემონიაზე. ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...