იუბილარის გზა "დიდი კავშირგაბმულობიდან" "დიდ ფეხბურთამდე"

საზოგადოება

იუბილარის გზა "დიდი კავშირგაბმულობიდან" "დიდ ფეხბურთამდე"

9 ნოე. 2011, 07:23:42

ლანჩხუთში მას ყველა იცნობს. ალბათ, მასზე მეტი სასაცილო ისტორია არავის გადახდენია _ თანაც ისე ჰყვება, აუცილებლად გაგამხიარულებს. თავადაც იუმორის დიდი ნიჭითაა დაჯილდოებული. მრავალი ორგანიზაციის "ყოფილი" და ახლა ლანჩხუთის საფეხბურთო სკოლის დირექტორი დურმიხან ჩხაიძე იუბილარია _ გასულ კვირაში იგი 60 წლის გახდა. ინტერვიუს 80%-ზე მეტი მხიარულ ისტორიებს უკავია. შეიძლება ზოგი მათგანი ადრეც წაგიკითხავთ, მაგრამ არც ამჯერად მოგაბეზრებთ _ ბატონი დურმიშხანის გუშინ მონაყოლზე ხომ დღესაც გაგეცინება კაცს. ამაში თავადაც დარწმუნდებით, თუ ინტერვიუს ბოლომდე ჩაიკითხავთ.

_ ბატონო დურმიშხან, უპირველესად, იუბილეს გილოცავთ!

_ ძალიან დიდი მადლობა. ოფიციალური მონაცემებით, 1952 წელის 3 ოქტომბერს ვარ დაბადებული, მაგრამ ჩემთვის დაბადების მოწმობა, პასპორტი და ყველაფერი, მამაჩემის მიერ იმდროინდელ "ატკრიტკაზე" დატოვებული ხელნაწერია _ ჩემი დურუიე დაიბადა 1951 წლის 21 ოქტომბერს, დილის 10 საათზე.

_ რატომ "მოგპარეს" ერთი წელი?

_ როგორც იმ დროს ხდებოდა, ბიჭი დაიბადებოდა და მინიმუმ წელს პარავდნენ, რათა შემდეგ სპორტში გამოდგომოდა.

_ თქვენ რამდენად გამოგადგათ?

_ ირონიულად მკითხე, მაგრამ სკოლის დამთავრებისას, სპორტის 5 სახეობაში მქონდა პირველი თანრიგი! ბავშვობაში ლამის 24 საათი სპორტს მივსდევდი.

ბავშვობა ჩხაიძეების უბანში გავატარე, ჩემი მეზობლები იყვნენ ვახტანგ და ნიგმარ ძიძიგურები. ფაქტობრივად, მათ კისერში გავიზარდე. ვატა ჩემი ნათლია იყო, ფეხბურთის სიყვარული მათგან გამომყვა. სულ რაღაც 7 წლის ვიყავი, როცა 1958 წლის მსოფლიო ჩემპიონატის რადიორეპორტაჟებს ვუსმენდი. ჩვენთან, ჩაის ფაბრიკის ბინებში რუსები ცხოვრობდნენ და ენა იოლად ვისწავლე. სხვათა შორის, 13 წლისა პირველად ვიჯექი თვითმფრინავში, როცა მამაჩემმა 1964 წლის "დინამოს" საჩემპიონო თამაშზე წამიყვანა ტაშკენტში; ერთი წლის შემდეგ კი, ჩემი საქომაგო ბრაზილიის ნაკრების მატჩს დავესწარი მოსკოვის "ლუჟნიკებში", სსრკ-ს 3:0 რომ მოუგო.

_ ისევ ბავშვობას დავუბრუნდეთ, ბაღში დადიოდით?

_ ოო, ეს იყო დიდი კურიოზი! ბაღში მხოლოდ ერთი დღე გავატარე! ისე მოხდა, რომ ჩემი მეგობრების ჯგუფში ვერ მოვხვდი, რის გამოც მოვიწყინე და ხმას არავის ვცემდი. მეორე დილით, ბაღის მასწავლებელმა უთხრა დედაჩემს, შენს შვილს ვერ მივიღებთ, უმეტყელო ბავშვია და ჯგუფს გაგვიფუჭებსო. მერე, სკოლის მოსწავლე რომ ვიყავი, სულ მაძახებდნენ ბაღში ღონისძიებებზე, ჩვენი აღზრდილი ხარო. არადა, მხოლოდ ერთი დღე გავატარე ბაღში.

_ რას აკეთებდა ბაღში დაწუნებული "უმეტყველო" დურმიშხან ჩხაიძე?

_ მთელი დღე ვთამაშობდი. ფეხბურთი, ნიგვზობია, გამარჯობა ვირო, ლახტი... ახლა რომ გამგეობის შენობაა, იქ გვქონდა კარგი სპორტული კომპლექსი. ერთ დღესაც, მოვიდნენ და რაიკომის შენობის გაკეთება გადაწყვიტეს, მეტი ტერიტორია თითქოს არ იყო! რამდენჯერ ჩაასვეს "კოლები", იმდენჯერ ღამით მივიპარებოდით, ვიღებდით და ვყრიდით. მერე მილიცია დააყენეს და ვეღარ ვიპარავდით. 24 საათი იქ ვიყავი, კომენდანტს მეძახდნენ _ ბურთების საწყობის გასაღებიც მე მებარა. სკოლაში ვწერდი დავალებას, სახლში საქმე არაფერი მქონდა და ღამის 12-მდე გარეთ ვიყავი და სულ ვთამაშობდი. გულჩინა დათიაშვილი გვყავდა მასწავლებელი, ჩემი შემყურე სულ ამბობდა _ მოაშორეთ ამ ბიჭს ბურთი, მუსხელიშვილი გამოვაო.

_ "შატალოზე" თუ დადიოდით?

_ კი, როგორ არა, მაგას გამოვაკლდებოდით?! დავდიოდით კლიტეკარასა და ორაგვეში. სხვა მხრივ, სკოლის გაცდენა არ მიყვარდა. ერთხელაც სკოლაში ნაოპერაციები მივედი, წელზე შალი მქონდა მოხვეული. თავი გავიგიჟე, წავალ-მეთქი. იმ დღეს გავიპარეთ "შატალოზე", მაჩხვარეთში ბლის მოსაპარად წავედით. თურმე რუსულის მასწავლებლის, ალექსანდა ცინცაძის ეზოში აღმოვჩნდით. ბიჭები ზემოთ ავიდნენ, მე ქვემოდან რასაც ვწვდები, იმას ვჭამ. ბიჭებმა ალექსანდრა მასწავლებელი დაინახეს, თავზე გადამახტნენ და გაიქცნენ. მე რას გავიქცეოდი და მომისწრო მასწავლებელმა. ის დამეხმარა ჩამოსვლაში, სახლში შემიყვანა და ერთი კალათი ბალი გამომიტანა. შემრცხვა და არ მიჭამია. მეორე დღეს, რუსულის გაკვეთილი გვაქვს და ფანჯრისკენ ვიხედები _ სკოლის გვერდზე წერეთლები ცხოვრობდნენ და ფანჯრიდან სწორედ მათი ბალი ჩანდა. ალექსანდრა მასწავლებელმა მკითხა: _ ჩემი ბალი ჯობია თუ წერეთლებისო, რასაც კლასში ხარხარი მოჰყვა.

_ ბატონო დურმიშხან, რადგან სკოლა ვახსენეთ, გვითხარით, ვინ იყვნენ თქვენი კლასელები?

_ საერთოდ, ტრადიციულად პირველ და მეორე სკოლის მაღალკლასელ ბიჭებს შორის სულ იყო ჩხუბი, მეტოქეობა, არაფერში ინდობდნენ ერთმანეთს. ჩვენი კლასები იყო ამ მხრივ გამორჩეული და ამიტომაც, იქნებ კი გაგიკვირდეთ, მაგრამ კლასელებად ვთვლი პირველსკოლელ თანატოლებსაც! სამწუხაროდ, ბევრი გამოგვაკლდა _ თამაზ წილოსანი, თენგო ჩხიკვაძე, გოგი კვასხვაძე, გურამ ებრალიძე, გელა კეკელიძე, ნოდარ ნადაშვილი... ჩემი კლასელებიდან ლანჩხუთში არიან: შაკო ნაჭყებია, ამირან მენაღარიშვილი, გოგი ჩხარტიშვილი, თემურ ივანიკოვი, გრიშა ამშიკაშვილი, თენგიზ კეჭახმაძე... თბილისში გადავიდნენ: თემურ კეკელიძე, თენგო სულაბერიძე, გიზო ურუშაძე...

_ როგორც ვიცი, მოსკოვში სწავლობდით. რა გინდოდათ კავშირგაბმულობის ფაკულტეტზე და თბილისი რატომ დაიწუნეთ?

_ დღესაც ვერ ვხვდები, "რა მინდოდა წვენებში"! ერთი მეგობარი მყავდა, ამირან ხონელიძე, "კოჭებიდან" ეტყობოდა "სვიაზისტი" გამოვიდოდა და მისი ხათრით, მეც იმავე ფაკულტეტზე ჩავაბარე.

_ რა ჰქენით, გადარიეთ მოსკოველი პროფესორები?

_ კი, ერთი წლით ადრე დავამთავრე, სხვადასხვა კურსის გამოცდებს ერთად ვაბარებდი. ამაზე მაშაყირებდნენ _ ჩხაიძე, შენ სპირტიან "ბანკაში" უნდა ჩაგსვან, თაობების საჩვენებლადო. როგორც სკოლაში, ყველა საგანში ფრიადი გამომყვა. ათი წლის მანძილზე 3-იანი და 4-იანი არ მიმიღია. 2-ჯერ დამიწერეს 2-იანი, ისიც იმიტომ, რომ პროტესტის ნიშნად, მასწავლებელს ხმას არ ვცემდი.

_ თქვენგან დიდი "სვიაზისტი" რომ არ დადგა, ეს ვიცით. მაინც როგორ დაიწყო თქვენი კარიერა?

_ თქვენ წარმოიდგინეთ, პირდაპირ კავშირგაბმულობის სამინისტროში მოვხვდი, თავიდან ინჟინრად, შემდეგ მთავარ ინჟინრად ვმუშაობდი. თუმცა გეთანხმებით, რომ ეს არ იყო ჩემი საქმე. აქვე იმასაც გეტყვით, რომ ადრე დავოჯახდი და უკეთეს სამსახურზე ნამდვილად ვფიქრობდი. მაქვს აი ცოდვა და კომკავშირის მდივანიც ვიყავი. იმ დროს პარტიის წევრი თუ არ იყავი, კარიერაში წინსვლა არ გელოდა. კომუნისტად გახდომა კი ინჟინრებს ნაკლებად შეეძლოთ _ დაახლოებით 6 კაცს რომ მიიღებდნენ პარტიაში, აქედან, 5 მუშა უნდა ყოფილიყო. ამიტომაც მშვენიერი სქემა მოვიფიქრე _ მე და ჩემი მეგობრები რიგ-რიგობით ვიყავით კომკავშირის მდივანი, რაც პარტიაში მისაღებად ტრამპლინი იყო. ამის შემდეგ, თბილისიდან ლანჩხუთში გადმოვედი. ამის მიზეზი მამაჩემის გარდაცვალება გახდა, მაშინ 25 წლის ვიყავი. აქ მუშაობა დავიწყე რაიკომის საორგანიზაციო განყოფილების ინსტრუქტორად, რაშიც დიდი წვლილი ჯუმბერ ღლონტსა და დათიკო გოგუაძეს მიუძღვით. იმ დროს პატრონი თუ არ გყავდა, რაიკომში არავინ მიგიღებდა. სულ 5 ინსტრუქტორი ვიყავით: მე, მიშა მელუა, ცხონებული მიშა გვარჯალაძე, ლევან შალიკაშვილი და გური ბირბიჩაძე.

_ ბატონო დურმიშხან, სანამ თქვენს კარიერას გავყვებით, დაოჯახებაზეც გვითხარით.

_ ჩემი მეუღლე მაყვალა ჟღენტი გერმანული ენის სპეციალისტია. თუკი ცხოვრებაში რაიმემ გამიმართლა, ყველაზე მეტად ეს ამ არჩევანზე ითქმის. 37 წელია ერთად ვცხოვრობთ და ამ წლებმა ეს დაამტკიცა. ბედნიერი ვიქნები, თუ კიდევ 37 წელი ერთად ვიქნებით. ერთ კურიოზსაც გავიხსენებ: ერთ დღეს ძმაკაცებში ავიჩემე, საცოლეს უნდა ჩავაკითხო ოზურგეთში-მეთქი. მოულოდნელად დავადექით თავზე. მაშინ სხვა დრო იყო, ასეთი სითამამე მიღებული არ გახლდათ. თუმცა კარგად მიგვიღეს, სტუმართმოყვარე ოჯახში სასწრაფოდ დაიწყო სუფრისთვის მზადება. ჩვენ დრო ვიხელთეთ და "ჩერე" გავაჩაღეთ. ერთ ძმაკაცს 20-კაპიკიანი შეუვარდა კარადის ქვეშ. ლამის ვიხოხეთ მის მოსაძებნად; შემრცხვა და ამ ძმაკაცს ვეუბნები _ სირცხვილია, თავს ნუ მომჭრი და რომ ჩავალთ, მანეთს მოგცემ-თქო. ამანაც მასპინძლების გასაგონად მიპასუხა: _ შენ რაის მანეთის მომცემი ხარ, აგერ "ჩერეში" 20 კაპიკს არ "კრავო"...

_ ისე აზარტული ადამიანი ხართ?

_ კი, ძალიან. კარტის, დომინოს თამაში მიყვარს ძალიან. როცა ვმუშაობდი, სამსახურში თამაშს ვკრძალავდი, თუკი ვინმეს დავუნახავდი _ კარტს ვუხევდი და დომინოს ქვებს ვუყრიდი. მერე, როცა რაიკავშირში მეორედ დავბრუნდი, საქმე რომ აღარაფერი იყო, ყარაულებს დავდევდი კარტით და მთელ დღეს "ჯოკრის" თამაშში ვატარებდი.

_ ბატონო დურმიშხან, მივყვეთ თქვენს კარიერას და ყოველ სამსახურთან დაკავშირებით თითო სახალისო ამბავი მოგვიყევით. რას იტყვით, არ უნდა გაგიჭირდეთ, ხომ?

_ უფ, კურიოზების მეტი რა მქონია. ვეცდები საუკეთესოები შევარჩიო.

_ დიდი მადლობა. მაშ ასე, რაიკომიდან მიდიხართ სად?

_ სათავო ჩაის ფაბრიკის დირექტორად. თუმცა მანამდე რაიკომის ამბებს მოგიყვებით. დამიძახა ოთარ მენაბდემ, შემოთავაზება მომცა _ საერთო განყოფილების გამგედ თუ წახვალო; 50 მანეთი მემატება. რა თქმა უნდა, ეს ფული არ მაწყენს და დავთანხმდი, მაგრამ იქვე დაამატა: _ ოღონდ შენი ძმა პურკომბინატიდან უნდა წამოვიდეს! ერთი ძმა განყოფილების გამგედ და მეორე პურკომბინატის უფროსად არ გამოვაო! არ მინდა, ამხანაგო ოთარ, ეს თქვენი 50 მანეთის დამატება! პურს, ფქვილს, შაქარს, კონიაკს _ ყველაფერს ჩემი ძმა მაძლევს, ქორწილში დასაწერ ფულსაც იგი მჩუქნის და რა ვქნა მაგი რომ წამოვიდეს იქიდან, კონვერტზე ენა ვაწო და აი მიშველის-მეთქი?

ძალიან ხშირად მიწევდა მივლინებები. ნამეტანი ბევრი დამიგროვდა და მენაბდე დაეჭვდა. კადრების განყოფილებას ამოაღებინა ჩემი მივლინებები, იქვე საიდანღაც საფეხბურთო კალენადრი გააძრო და "აღმოჩნდა", რომ თბილისის "დინამოს" თამაშებს ემთხვეოდა ჩემი მივლინებები. მენაბდე გადაირია: _ შენ საქმეზე დადიხარ მივლინებაში თუ "დინამოს" თამაშებს უყურებ რაიონის ფულითო?

რაც შეეხება ჩაის ფაბრიკაში ჩემს მუშაობას _ არანაირი გამოცდილება არ მქონდა და ტრესტის მმართველმა მალაზონიამ რომ მკითხა: ჩაის ფაბრიკასთან ახლოს ხარო? _ ვუპასუხე _ კი, როგორ არა, ჩემი სახლიდან 20 მეტრშია-მეთქი. ენამახვილობა მოეწონა და დამნიშნეს. იქიდან კვების მრეწველობის მუშაკთა პროფკავშირის რაიკომის თავმჯდომარედ გადამიყვანეს _ ჩემთან შემოდიოდა 5 ჩაის ფაბრიკა, ყველ-კარაქის და საკონსერვო ქარხანები. ერთი წელი ტაშ-ფანდური მქონდა _ ვოკალურ-ინსტრუმენტული ანსამბლი გვყავდა, ფეხბურთის, კალათბურთის, მოჭიდავეთა გუნდები...

_ როდის გადახვედით ქარხანა "გურიაში"?

_ 80-იან წლებში. ქარხანა "გურია" მაშინ ტიალ მინდორში იყო, კაბინეტები ვაგონებში გვქონდა. ჩვენი ფორმა მაღალყელიანი "ვალინკები" იყო. ანეკდოტად დადიოდა: ქალაქში ქარხნის ბიჭებმა იჩხუბესო; რა იციო, და _ ყველას "ვალინკები" ეცვაო. ერთხელ ქარხანაში მივლინებით რუსი ცოლ-ქმარი ჩამოვიდა. მე და ჩემმა ძმაკაცმა დავპატიჟეთ სასტუმროს ქვემოთ რომ ბარი იყო, კაკოს ბარს ვეძახდით. ათასი შავ-ბნელი აზრი გვაქვს, მოკლედ, გვინდა აი კაცი დავათროთ და... სახლიდან ცეცხლივით ჭაჭა წავიღეთ სამი ლიტრა. სამი ვსვამთ, ქალი ცოტას, მშვიდობიდან ლენინის სადღეგრძელომდე ყველაფერი შევსვით... დილას გამომეღვიძა, არაფერი მახსოვს. დედაჩემი მეუბნება _ ბიჯო, გუშინ რას გავდი, ან იმ რუსის ბაღანას რას ერჩოდით, რომ მოგათრია, მითხრა, აი მეორე სად მივიყვანოო...

ამის შემდეგ რაიკავშირში ვიმუშავე, შემდეგ ქარხანაში დაბრუნდი და ბოლოს ისევ _ რაიკავშირში. მე, საავადმყოფოს, ფოსტის, საყოფაცხოვრებოს და სანეპიდსადგურის უფროსები ბიუროზე გაგვიყვანეს _ სასადილო-მაღაზიები შევამოწმეთ და მღრღნელები და თაგვები აღმოჩნდაო. რაიკომის მეორე მდივანს, თალიკო კილაძეს გამოჰქონდა საკითხი და შევპირდი, ჩაგიშლი მაგ საკითხს-მეთქი. მთელი ბიურო გვიტევს და ბოლოს, პირველი მდივანი ემზარ ბერიძე კითხულობს, ვინმეს სიტყვა ხომ არ გაქვთო.

_ ამხანაგო მდივანო, მართალია ამხანაგი თალიკო, სავსეა ჩემი ობიექტები მღრღნელებით და თაგვებით! _ ჩემი სიტყვის ასეთი დასაწყისი ყველას გაუკვირდა. იქვე განვაგრძე: მაგრამ მიზეზი არ გავარკვიოთ? მე ვაცნობებ ხოლმე სანეპიდსადგურს, ვუხდი ფულს, მოდიან მათი წარმომადგენლები და სპობენ ამ მღრღნელებს. მე კი ვსპობ, მაგრამ ირგვლივ ბევრი უღირსი ორგანიზაციაა, რომლებიც ასე არ იქცევიან, ამიტომ, მათი თაგვები გადმოდიან ჩვენს ტერიტორიაზე და იკავებენ თავისუფალ ადგილს. კატეგორიულად მოვითხოვ, ყველა ორგანიზაციამ თავისი თაგვი "დაბირკოს" და გავიგებთ, ვისი თაგვი შემოდის ჩვენთან. დარბაზში საშინელი ფხუკუნი ატყდა.

ბიურო ჩაიშალა, არადა, სხვა საკითხებიც იყო. პირველი მდივანი აღშფოთებას ვერ მალავდა: რა გეთაგვებოდათ, საქმე დაგელიათ, სხვა განსახილველი არაფერიაო? იმ დღეს "გადარჩენილი" ორგანიზაციების ხელმძღვანელებმა კი სუფრა იკისრეს.

_ როგორც ვიცით, კარგი თამადა ხართ და ერთი მხიარული ამბავი ამ კუთხითაც გაიხსენეთ...

_ ამბობენ, კარგი თამადა ხარო და რა ვიცი, ალბათ, მართლა მოსწონთ. ერთხელ, ახლობლებს მაყრად ვახლდი ვანში. იქაური წესით, მეორე თამადა სტუმარი უნდა იყოს. პირველმა თამადამ განსხვავებული სასმისით დაიწყო და "ბოკალი" არ გადაუდგია. ცოტა პატარა სასმისით სმა მიჭირდა, თორემ ამაში მაგარი ვიყავი. შვიდი-რვა სადღეგრძლოს შემდეგ, თამადა წაიქცა. მესამე თამადამ თქვა, გავაგრძელებო. ვიუარე, მეორე თამადა მე ვარ-მეთქი. მაგრად ვსვი, მეტი აღარ შემიძლია, ლოყები ღვინით მაქვს გაჟღენთილი. სუფრას თავი მოვაბი და გამოვდივარ. ზამთარი იყო და გარეთ გამოსულს სიცივემ გონება დამაკარგვინა, ძლივს ჩამსვეს მანქანაში. ამასობაში მასპინძლებს ჭიშკართან სუფრა გამოუტანიათ, თამადამ კიდევ 5 სასმისი უნდა შესვას და ხონჩას ვაძლევთო. რის დამლევი ვარ?! ცხონებული ჩემი ძმა, მე თუ ვსვამდი, თვითონ არ სვამდა. ერთნაირი ქურთუკი გვაცვია და ქუდებიც ერთნაირი გვახურავს. მან შესვა ის ღვინო და ამაყად წამოვიდა. მას მერე ვანში ლეგენდად დადის ჩემი თამადობის შესახებ _ დურუსნაირი მსმელი ჩვენ არ გვინახავსო.

_ ცოტა ხანი ისევ მოსკოვში იყავით და ბიზნესი გქონდათ...

_ არა, ბიზნესი მეგობრების იყო, მე მათთან ვმუშაობდი. არაფერი გამოვიდა _ რითაც წავედი, იმით ჩამოვედი. მაშინ გაზეთები წერდნენ _ არჩევნების სპეციალისტი მოსკოვიდან ჩამოიყვანესო (იცინის). არადა, თავი ძლივს ჩამოვიტანე, რა არჩევნების სპეციალისტი მე ვიყავი? დილით თავზე დამადგა თემურ კეკელიძე და ასე აღმოვჩნდი ოთარ მენაბდის შტაბში. ერთ დღეს, მათი პარტიული ბოსი გოგი თოფაძე ჩამოდიოდა, შუხუთის შეხვედრა მე უნდა მომეწყო _ თითქოს სპონტანურად შეხვდა ხალხი, ასე უნდა ყოფილიყო, მაგრამ ყველამ იცის, რომ ასეთ შეხვედრებზე ხალხი მოჰყავთ. როცა შუხუთის შეხვედრის დრომ მოაღწია, საშინლად გაწვიმდა და ხალხი გამექცა _ ვარ მარტო მე! მოვიდა კორტეჟი. მენაბდე მეკითხება _ დური, ხალხი სადააო? მეც "ვინაგლე" და ავტობუსის მოსაცდელისკენ მივანიშნე _ წვიმაში გადაიყუდრეს-მეთქი. მივიდა თოფაძე, დაიწყო აგიტაცია _ არც მან იცის, რომ ესენი რიგითი მგზავრები არიან და არც ხალხმა იცის, რა ხდება. ბოლოს ზოგმა იცნო, წავიდა პოლემიკა... დავინახე, რომ ლესა-ქვიანის ავტობუსი უკვე მოდის. დავასწარი, მძღოლს 5 მანეთი მივეცი და ვთხოვე, ნახევარი საათი არ წამოხვიდე, ვითომ, ავტობუსი გაგიფუჭდა-თქო. ასე მოვუწყვე შეხვედრა თოფაძეს. მენაბდე რომ დეპუტატი გახდა, თეატრში გამართულ ღონისძიებაზე მოვყევი ეს ამბავი და ხალხი დაიხოცა სიცილით.

მართალია, ფეხბურთში ყოველთვის ვიყავი, მაგრამ იმ პერიოდში უკვე მთლიანად ჩავერთე ამ სფეროში _ შევქმენით ბავშვთა საფეხბურთო კლუბი, რომელიც 2 წელი კი ვარჩინეთ, მაგრამ შემდეგ ვეღარ შევძელით. გურიის ფეხბურთის ფედერაციის თავკაცად ვიმუშავე 7 წელი, ეს იყო გუბერნატორ-გამგებლებთან ომის წლები, მაგრამ ჩემი გავიტანე _ რეგიონული ფედერაცია ლანჩხუთში დავტოვეთ. უმძიმეს პერიოდში შევითავსე კლუბის პრეზიდენტობაც. თავი არ შეგვირცხვენია და კბილებით მოვიტანეთ "გურია". ახლა, როგორც იცით, ბავშვთა სკოლის ხელმძღვანელი ვარ, მართლაც კარგი საქმე კეთდება. თუ "გურია" უფლის წყალობით, უმაღლეს ლიგაში გადავა, ეს კიდევ უფრო დიდი სტიმული იქნება ბავშვებისთვის, აღარაფერს ვამბობ 4 ასაკობრივი ჯგუფის ბავშვთა ლიგაში ჩართვაზე, რაც მათი წინსვლისთვის აუცილებელია!

_ ბატონო დურმიშხან, ერთი კურიოზი კიდევ მოგვიყევით და შეგეშვებით...

_ იყო ერთი კოლმეურნეობის თავმჯდომარე, გვარს არ დავასახელებ და მეცხოველეობის ფერმის შემოწმებისას, მწველავებს კუროზე მიანიშნა, აი რეიზა არ მოგიწველიათ, იმხელა ცური აქვსო. ერთმა კოლმეურნეობის თავმჯდომარემ კი, მთლად სასწაული მოიფიქრა: ვალებში რომ ვართ, ეტყობა ჩემს წინამორბედებს თავში ტვინი არ ჰქონდათო. სიმინდს გამხმარს რომ ვყიდით, ჭყიპად მოვტეხოთ და უფრო მეტ ფასში გავყიდითო. კუროებზე კიდევ გამახსენდა: იყო ისეთი ობიექტი, სადაც კუროები ჰყავდათ და კოლმეურნეობებს საქონლის დამაკებაში ეხმარებოდნენ. ამ სამსახურის უფროსს სტადიონიდან დაურეკეს _ 15 აბონემენტი უნდა შეიძინოთო. მაშინ ბილეთის "შეწერები" იყო... "თლა 4 თამაშრომელი ვართ და რაი გინდებიენ, თამაშებზე 10 კურო წამემიყვანო?!!" _ გაგიჟდა.

ერთიც: "გურიის" პრეზიდენტი ვარ და სტადიონზე რაიონის ახალი ხელმძღვანელობა მოვიდა. 4:0 მოვიგეთ, მაგრამ კიდევ ბევრის გატანა შეგვეძლო. ახალი ხელმძღვანელი გასახდელში შემოვიდა და ერთ მოთამაშეს დააჯინდა _ შენ ის გოლი კი უნდა გაგეტანაო... 11 კაცში მაინდამაინც მეკარე "ამოარჩია"!!!




 ახალი ამბები
  • ამომრჩეველთა მოსყიდვის და პოლიტიკური ნიშნით დისკრიმინაციის სავარაუდო ფაქტები- ISFED-ის ანგარიში 4 აგვისტოს „სამართლიანი არჩევნებისა და დემოკრატიის საერთაშორისო საზოგადოებამ“ (ISFED) საქართველოს პარლამენტის 2020 წლის არჩევნების წინასაარჩევნო მონიტორინგის მეორე შუალედური ანგარიში წარმოადგინა. ანგარიშში ძირითადად განხილულია 2020 წლის 5 ივლისიდან 3 აგვისტოს ჩათვლით პერიოდი, აგრეთვე მოვლენები, რომელთა განვითარება 5 ივლისამდე დაიწყო. ISFED-ის დაკვირვებით, საანგარიშო პერიოდში გამოვლინდა: ამომრჩეველთა სავარაუდო მოსყიდვის 8 ფაქტი, მათ შორის, საქართველოს პარლამენტის მაჟორიტარი დეპუტატებისა და ოფიციალურად დასახელებული მაჟორიტარობის კანდიდატების მიერ 4, „ლელო საქართველოსთვის” მიერ 1, ხოლო „ერთიანი ნაციონალური მოძრაობის“ მიერ - 2 შემთხვევა; თბილისის საკრებულოს ჩუღურეთის მაჟორიტარი დეპუტატის მიერ - 1; სავარაუდოდ, პოლიტიკური ნიშნით სამსახურიდან გათავისუფლების შემთხვევები 5 მუნიციპალიტეტში; სავარაუდოდ, პოლიტიკური ნიშნით განხორციელებული ზეწოლა/მუქარის 5; ადმინისტრაციული რესურსის სავარაუდო გამოყენების 2; სოციალური დამხარების გაცემისას, სავარაუდოდ, პოლიტიკური ნიშნით დისკრიმინაციის 2; „სამართლიანი არჩევნების” დამკვირვებელზე ზეწოლის 1; პოლიტიკურ საქმიანობაში ხელის შეშლის 1 და ეკლესიის წინასაარჩევნო კამპანიაში ჩარევის 1; პოლიტიკური პარტიის რეგისტრაციის პროცესში  დაბრკოლების შექმნის 1 ფაქტი. მნიშვნელოვან გამოწვევად რჩება მონიტორინგის პირველ შუალედურ ანგარიშში, ტენდენციის სახით გამოკვეთილი ამომრჩევლის სავარაუდო მოსყიდვა. „სამართლიანი არჩევნების” მონიტორინგის მეორე შუალედურ ანგარიშში, მსგავსი 8 ფაქტი დაფიქსირდა, მათ შორის, ცაგერში, ამბროლაურსა და ონში ამომრჩევლების სავარაუდო მოსყიდვა  მოქმედი მაჟორიტარი დეპუტატის, გოჩა ენუქიძის სახელით, რომელიც ოფიციალურად დასახელდა „ქართული ოცნების” მაჟორიტარობის კანდიდატებად შესაბამის ოლქში. ამომრჩევლის სავარაუდოდ მოსყიდვის ნიშნები, ასევე, გამოვლინდა ოპოზიციური პარტიების  „ლელო საქართველოსთვის” და „ერთიანი ნაციონალური მოძრაობის” საქმიანობაშიც, რომლებმაც  სოციალური დახმარების აქციები განახორციელეს, კერძოდ: „ლელო საქართველოსთვის”  სოფელ გლდანში არსებულ მოხუცთა პანსიონატს  დაეხმარა, ხოლო - „ერთიანი ნაციონალური მოძრაობის” ხელვაჩაურის მუნიციპალური ორგანიზაციის ხელმძღვანელმა ორ ოჯახს სურსათი გადასცა. აღსანიშნავია, რომ ცალკეულ მუნიციპალიტეტებში შეიმჩნევა ადმინისტრაციულ ერთეულებში მერის წარმომადგენელთა გათავისუფლება, რაც, სავარაუდოდ, უკავშირდება წინასაარჩევნო კამპანიის უფრო ეფექტიანად წარმართვის მიზანს და, ამ პროცესში, მერის წარმომადგენელთა ჩართულობას. „სამართლიანი არჩევნების” დამკვირვებლებმა, მსგავსი ფაქტები  ზუგდიდში, მარტვილში, ტყიბულსა და ჭიათურაში დააფიქსირეს. მარნეულში „ევროპული საქართველოს” ერთ-ერთი აქტიური წევრის ოჯახში, მარნეულის პოლიციის მიერ ჩაატარებული ჩხრეკისას, პოლიციელების მხრიდან სავარაუდოდ იყო ნარკოტიკის ჩადების მცდელობა. ფაქტის ამსახველი ვიდეო „სამართლიანი არჩევნების” დამკვირვებელმა გაავრცელა. აგრეთვე, ოპოზიციური პარტია „ლელო საქართველოსთვის” წარმომადგენლები, „სამართლიანი არჩევნების” დამკვირვებლებთან აღნიშნავენ მათ აქტივისტებზე განხორციელებულ ზეწოლა/მუქარის ფაქტებს, რის გამოც უჭირთ პოლიტიკური აქტივობა და წინასაარჩევნო კამპანიის წარმართვა. კასპში, სამოქალაქო აქტივისტზე განხორციელდა ზეწოლა, “ჰაიდერბეგცემენტის’’ წინააღმდეგ დაგეგმილი აქციის გაუქმების მოთხოვნით, იმ მოტივით, რომ მიმდინარე წინასაარჩევნო კამპანიისას, ეს მმართველ პარტიაზე უარყოფითად აისახებოდა. სავარაუდოდ, ადმინისტრაციული რესურსის გამოყენების ფაქტები გამოვლინდა საჩხერესა და ლაგოდეხში. მათ შორის, აღსანიშნავია, 8 ივლისს, სამუშაო საათებში, ლაგოდეხის მუნიციპალიტეტის საჯარო მოხელეებისა და საბიუჯეტო ორგანიზაციების თანამშრომლების შეკრება „ქართული ოცნების” ოფისში, სავარაუდოდ, წინასაარჩევნოდ პარტიული ინსტრუქციის მისაღებად, თუ როგორ უნდა იმუშაონ, საპარლამენტო არჩევნების წინა პერიოდში, „ქართული ოცნების” სასარგებლოდ. ხაშურში, ერთ-ერთი ოჯახი მუნიციპალიტეტისგან დახმარებაზე უარს პოლიტიკურ ნიშნით დისკრიმინაციას უკავშირებს, რადგან ოჯახი მმართველი პარტიის მხარდამჭერი არ არის. ასევე, ხელვაჩაურში, მერის წარმომადგენელმა სოფელ ერგეში, ხანდაზმულ მოქალაქეს, პანდემიის ფარგლებში სოციალური დახმარების გაცემაზე უარი განუცხადა და დახმარების მისაღებად „ნაციონალურ მოძრაობასთან” გადაამისამართა, რადგან ოჯახი „ერთიანი ნაციონალური მოძრაობის” მხარდამჭერად მოიაზრება. საგარეჯოში „სამართლიანი არჩევნების” დამკვირვებელზე განხორციელდა ზეწოლა მმართველი პარტიის მხრიდან, კერძოდ, მიანიშნეს, რომ მიმდინარე წინასაარჩევნო მონიტორინგისას, „მშვიდად იყოს და ბევრი არ იაქტიუროს”. მიმდინარე საანგარიშო პერიოდში, დაფიქსირდა მაღალი იერარქიის სასულიერო პირის წინასაარჩევნო კამპანიაში ჩართვის შემთხვევა - მარნეულისა და ჰუჯაბის ეპისკოპოსმა მეუფე გიორგი ჯამდელიანმა, 26 ივლისს, საკვირაო ქადაგებისას განაცხადა, რომ ხელს შეუშლის ეროვნული ინტერესების მოღალატე ადამიანის - „ქართული ოცნების” მაჟორიტარობის კანდიდატის, ზაურ დარგალის პარლამეტში შესვლას. მრევლისადმი მიმართვის სახით კი დაამატა, რომ ვინც ზაურ დარგალს გვერდით დაუდგება, მათზე პასუხისმგებლობას იხსნის და ყველა მათგანს მოუწევს პასუხის გაცემა წინაპრების სულებისთვის. მარნეულისა და ჰუჯაბის ეპისკოპოსი ეკლესიის მაღალი იერარქია და მისი სიტყვები, მოსახლეობაში, აღიქმება როგორც ეკლესიის პოზიცია. რეკომენდაციები: ხელისუფლებასა და პოლიტიკურ პარტიებს პოლიტიკურმა პარტიებმა არ გამოიყენონ ამომრჩევლებთან ურთიერთობის იმგვარი ფორმა, რაც შეიცავს ამომრჩევლის მოსყიდვის ნიშნებს და საკუთარი საქმიანობა განახორციელონ კეთილსინდისიერად; მაჟორიტარობის ოფიციალურად დასახელებულმა კანდიდატებმა თავი შეიკავონ სოციალური დახმარების უშუალოდ გადაცემისგან, რათა არ დაარღვიონ კანონმდებლობის მოთხოვნები და არ შექმნან ამომრჩევლის მოსყიდვის, მის ნებაზე გავლენის განცდა; ქველმოქმედების განხორციელებისას, პოლიტიკურმა სუბიექტებმა დაიცვან ანონიმურობა და თანხები შესწირონ იმ ფონდებს, რომლებიც ამ მიმართულებით საქმიანობენ; პარლამენტის მაჟორიტარმა დეპუტატებმა თავი შეიკავონ სახელმწიფო ან/და ადგილობრივი ბიუჯეტით დაფინანსებულ ღონისძიებებში მონაწილეობის მიღებისგან; პროკურატურამ სათანადო, სწრაფი და გამჭვირვალე გამოძიება უნდა ჩაატაროს, მარნეულში, ნარკოტიკების სავარაუდო ჩადების ფაქტთან დაკავშირებით, რათა საზოგადოებას არ დარჩეს ეჭვები ფაქტის პოლიტიკური სარჩულის შესახებ; ხელისუფლებამ როგორც ცენტრალურ, ისე ადგილობრივ დონეზე არ განახორციელოს აქტივისტებზე, პოლიტიკურ ოპონენტებსა და ოპოზიციურად განწობილ მოქალაქეებზე ზეწოლა/მუქარა ან/და მათ მიმართ დისკრიმინაცია, არ დაუშვას სახელმწიფო სექტორში დასაქმებულთა პოლიტიკური ნიშნით გათავისუფლება; ხელისუფლებამ, პოლიტიკურმა პარტიებმა/კანდიდატებმა და მათმა წარმომადგენლებმა არ განახორციელონ ზეწოლა დამკვირვებლებზე და ხელი არ შეუშალონ სადამკვირვებლო საქმიანობის განხორციელებაში. ადგილობრივი თვითმმართველობის ორგანოებს სახელმწიფო და ადგილობრივი ბიუჯეტის სახსრებით დახმარების გაცემისას იმოქმედონ კეთილსინდისიერების პრინციპის დაცვით და გამორიცხონ ამ პროცესში მოქალაქეთა დისკრიმინაცია პოლიტიკური შეხედულებების ან/და პარტიული კუთვნილების საფუძველზე; ადგილობრივი თვითმმართველობის ორგანოებმა, საქმიანობისას უნდა იხელმძღვანელონ ნეიტრალიტეტის პრინციპით, დაუშვებელია სოფლებში მერის წარმომადგენელთა პარტიული საარჩევნო მიზნით გამოყენება და პოლიტიკურად მოტივირებული საკადრო გადაადგილებები. რელიგიურ ორგანიზაციებს რელიგიურმა ორგანიზაციებმა, წირვა-ლოცვისას, არ გამოიყენონ თავიანთი გავლენა მრევლსა და მორწმუნეებზე და არ მიმართონ პოლიტიკურ აგიტაციას რომელიმე საარჩევნო სუბიექტის სასარგებლოდ ან/და საწინააღმდეგოდ.  ანგარიში სრულად ხელმისაწვდომია ამ ... ...
  • ბაჩალიაშვილის მამა: შსს-ში შეხვედრის აზრი? ისევ ზღაპრებს ჰყვებიან გარდაცვლილი თამარ ბაჩალიაშვილის ოჯახი გამოძიებას უნდობლობას უცხადებს და საგამოიძიებო პროცესში ამერიკული მხარის ჩართულობას ითხოვს. ბაჩალიაშვილის ოჯახის წევრებმა დღეს ამერიკის შეერთებული შტატების საელჩოსთან შეიკრიბნენ გამოძიების პროცესში ამერიკელი სპეციალისტების ჩართვის მოთხოვნით. ოჯახის თქმით, საელჩო მათ დახმარებას დაჰპირდა. როგორც ამერიკის საელჩოს წარმომადგენელთან შეხვედრის შემდეგ „ფორმულასთან“ ბაჩალიაშვილმა განაცხადა, შინაგან საქმეთა სამინისტროში შეხვედრებს აზრი არ აქვს. „შინაგან საქმეთა სამინისტროში შეხვედრის აზრი? წავალთ, ისევ თავის ზღაპრებს ჰყვებიან. ხვალ კომპიუტერი უნდა გაიხსნას, მანქანა... რატომ მოხდა ლადო ბაჭულაშვილის შვებულებაში გაშვება? რატომ გაიხსნა კომპიუტერი? (გზის) გადაკვეთიდან  უცბად გამოჩნდა მანქანა... იმედი აღარ მაქვს და იმიტომ ვითხოვ, რომ ფედერალურმა ბიურომ გამოიძიოს საქმე. იმათ ვენდობი და ამათ არ ვენდობი, ესენი არიან მსახიობები“, - განაცხადა ბაჩალიაშვილმა. შეგახსენებთ, 23 წლის თამარ ბაჩალიაშვილი 5-დღიანი ძებნის შემდეგ თეთრიწყაროს მუნიციპალიტეტის ტყეში გარდაცვლილი ... ...
  • „ოჯახს იმედი აქვს, რომ ბავშვი ცოცხალია“ - ილია ფილფანს 18 დღეა, უშედეგოდ ეძებენმესტიაში დაკარგული მოზარდის, ილია ფილფანის პოვნა ამ დრომდე ვერ ხერხდება. როგორც „გურია ნიუსს“ მერის წარმომადგენელმა სოფელ ლენჯერში, მურთაზ გულედანმა განუცხადა,  სამძებრო ღონისძიებები ინტენსიურად მიმდინარეობს. „მოზარდს მე-18 დღეა,  უშედეგოდ  ეძებენ. ოჯახს იმედი აქვს, რომ ბავშვი ცოცხალია“,- ამბობს  გულედანი. მოზარდის სამძებრო ღონისძიებები მესტიის გარდა, ასევე, ანაკლიაში, ქობულეთსა და ურეკშიც მიმდინარეობს და მასში ჩართულია 80-მდე მაშველი. ცნობისთვის, ილია ფილფანი სახლიდან 18 ივლისს გავიდა და მას შემდეგ არ დაბრუნებულა. შინაგან საქმეთა სამინისტრომ   ფაქტზე გამოძიება სსკ-ის 143-ე მუხლით დაიწყო,რაც თავისუფლების უკანონო აღკვეთას ... ...
  • "გაგვიჭირდა მერისთვის გაგვეგებინებინა, რა გვინდოდა, სამაგიეროდ, კარგად გაიგო გუბერნატორმა..." _ წულუკიანი გომისმთაზე3 აგვისტოს, ოზურგეთის მუნიციპალიტეტში, კურორტ გომისმთას იუსტიციის მინისტრი თეა წულუკიანი ეწვია. მის მოსვლამდე გავრცელდა ინფორმაცია, რომ მინისტრი აქ შეხვდებოდა ადგილობრივ მოსახლეობას, ხელისუფლების წარმომადგენლებს და ძირითადად ისაუბრებდა კურორტზე არსებული უამრავი უკანონო მშენებლობის შემდეგ, თუ როგორ მოხდებოდა საკუთრების რეგისტრაცია. საზოგადოებისთვის კარგად არის ცნობილი, რომ გომის მთას ახლახან მიენიჭა დაბის სტატუსი, შემდეგ კი იქ დაინიშნა ოზურგეთს მუნიციპალიტეტის მერის წარმომადგენელი. მიწის რეგისტრაციის რეფორმის ფარგლებში, ახლა კურორტზე სისტემური რეგისტრაცია იწყება, რომლის პროექტის მოსამზადებელი სამუშაოების მიმდინარეობას ვიცეპრემიერი, იუსტიციის მინისტრი, თეა წულუკიანი აქ გურიის გუბერნატორთან ზურაბ ნასარაიასთან ერთად გაეცნო. მართლაც, მინისტრმა მოსვლისთანავე ამ საკითხზე დაიწყო საუბარი. იგი მიესალმა აქ შეკრებილ ორმოცდაათამდე ადამიანს, ჰკითხა მათ, არიან თუ არა ადგილობრივი მცხოვრებლები და საუბარი დაიწყო რეგისტრაციის შესახებ: "თბილისში ასე ჩაითვალა, რომ ამ და სხვა კურორტებზეც, ყველამ უნდა იცოდეს, ვის რა ეკუთვნის. ამაში იგულისხმება ის, თუ ვის რა ჰქონდა ან რა აქვს. შეიძლება ადამიანს არ ჰქონდა საბუთი, მაგრამ აქვს შენობა-ნაგებობა; შესაძლოა, ჰქონდა, მაგრამ ახლა არ აქვს საბუთი. ასეთ დროს ხდება იმ პირთა მიერ ამ ქონების დადასტურება, ვინც ეს იცოდა. დღეიდან აქ იწყება სისტემური რეგისტრაციის პროცესი. ჩვენ არ ავირჩიეთ სპორადული რეგისტრაციის პროცესი და ავირჩიეთ სისტემური რეგისტრაცია, რაც ნიშნავს იმას, რომ მივდივართ სოფელში. აქ გარკვეული დროის მანძილზე დარჩებიან ჩვენი თანამშრომლები. ისინი მოგემსახურებიან. თქვენ ეუბნებით მათ, რომელია თქვენი ნაკვეთი. აზომვით და დაზუსტებით შედგება ეს ყველაფერი და შემდეგ, როცა დავბრუნდებით თბილისში, დავდებთ იმ დოკუმენტაციას, რა იყო და რა არ არის. თქვენი საქმეა, აქ იცხოვროთ და იყოს მშვიდობა. ჩვენ არ ვართ ჟანდარმები და არც პოლიცია. თუ გინდათ, რომ აქ ზუსტად და სწორად დარეგისტრირდეს, რა გაქვთ და რა არა, უნდა ითანამშრომლოთ მათთან. ისინი არ არიან ადამიანები, რომლებიც გეტყვიან, რა გეკუთვნით და რა _ არა. ისინი მხოლოდ აღრიცხვას მოახდენენ. ამიტომ ნუ შეხვალთ კონფლიქტში, დაზოგეთ ნერვები. მათი ფუნქციაა, მოახდინონ აღრიცხვა. მოგემსახურებიან უფასოდ... ყოველივე ამის შემდეგ, კურორტს ექნება საკადასტრო რუკა... იმუშავეთ შეთანხმებულად, თუ გინდათ, რომ იცოდეთ, რა არის თქვენი და რა _ არა. ამას ჰქვია სისტემური რეგისტრაცია", _ განაცხადა თეა წულუკიანმა. ჩვენს კითხვაზე, იცის თუ არა, რომ აქ უმეტესად უკანონო მშენებლობებია და როგორ მოხდება დაკანონება, როცა მოქალაქეთა გარკვეული ნაწილი დიდი ხანია, აქ ბოძების დარჭობით არის დაკავებული, მინისტრმა კითხვა შემოგვიბრუნა: _ თქვენ იცით, რომ უკანონოა? _ დიახ და თქვენც უმეტესობამ, ყველამ იცით, რომ ასეა... მინისტრთან დასმული კითხვა სასწრაფოდ დაგვიწუნა იქვე მდგომმა სასულიერო პირმა ირაკლი ახალაძემ: _ რა არის ქალბატონო, უკანონო? მის გვერდით მდგომმა მამაკაცმა, გვარად ასათიანმა, რომელიც, როგორც აქ გვითხრეს, "თავისი გაგებით" აწესრიგებს სიტუაციას, ჯიქურ შემოგვიტია: _ თქვენ ჟურნალისტი ხართ? გვითხარით, რომელი ჟურნალისტი ხართ, რომ ვიცოდეთ, მაინც... როცა ვუპასუხე, რომ "გურია ნიუსს" წარმოვადგენ, არაფერი უთქვამს, მინისტრს კი მადლობა გადაუხადა _ ჩვენც ეს გვინდა, რასაც თქვენ ამბობთო. თეა წულუკიანმა თავის მხრივ საუბარი გააგრძელა: _ გომისმთა არ იყო დღის წესრიგში. ჩვენ ჩავწერეთ და მოვდივართ პრეზენტაციით, რომ დაგეხმაროთ. გუშინ ჩვენ გაგვიჭირდა ოზურგეთის მერისთვის გაგვეგებინებინა, რა გვინდოდა. ძალიან ცუდად მიგვიღეს მერიაში. იქ ყველა აჟიტირებული იყო. გვითხრეს, რომ აქ ყველაფერი მიტაცებულია. სამაგიეროდ, კარგად გაიგო გუბერნატორმა... თუ სისტემური რეგისტრაცია არ ჩატარდა, ისე კურორტი ვერ განვითარდება. შესაძლოა, მიტაცებულია, როგორც ქალბატონი ჟურნალისტი ამბობს, შესაძლოა, არ არის ასე. ამიტომ უნდა მოხდეს რეგისტრაცია, _ განაცხადა მინისტრმა. მან მოიყვანა მაგალითები, სხვადასხვა დავის შესახებ, როცა კერძო მესაკუთრეები ვერ ადგენენ ან ვერ იყოფენ საზღვრებს. როცა ერთი ნაკვეთი მეორისაში შედის ან ესაზღვრება. ასეთ დროს ან ერთი მიიღებს, ან _ მეორე ან დარჩება ისე, როგორც არის. თეა წულუკიანმა გამოთქვა საკუთარი მოსაზრება დასახლების ვიზუალური მხარის შესახებ: _ მე მთას კარგად ვიცნობ... რაც შეუიარაღებელი თვალით ვნახე, პატარ-პატარა კომპლექსებია, უფრო დაქუცმაცებულს ჰგავს... გომისმთის გამგებელმა, ბესო ლომინაძემ, რომელიც ახლახან დაინიშნა ამ თანამდებობაზე და კარგად იცნობს მთას, თქვა, რომ აქ თავიდან 700-მდე სახლი იყო. ბოლო პერიოდში კი ორიათასამდეა და მიესალმება რეგისტრაციის პროცესის დაწყებას. ჩვენ გავარკვიეთ, თუ რა საუბარი შედგა წინა დღით ოზურგეთის მერიასა და მინისტრის წარმომადგენლებს შორის, რაზეც წულუკიანმა თავისი გამოსვლისას აღნიშნა. ჩვენი ინფორმაციით, მერმა კონსტანტინე შარაშენიძემ პირდაპირ თქვა, რომ გომისმთაზე არის უკანონო მშენებლობები და შეეწინააღმდეგა ხელაღებით დარეგისტრირებას. თუმცა, შემდეგ გაირკვა, რომ, ამ ეტაპზე, ხდება მონაცემების აღრიცხვა და დაზუსტება, ვის რა საკუთრება გააჩნია კურორტზე. ამ მონაცემების სრულად მოწესრიგების შემდეგ კი, მოხდება საკადასტრო რუკის შედგენა, რაც კურორტის განვითარების წინაპირობაა. ჩვენი წყაროს ინფორმაციით,  უკანონო მშენებლობების პროცესის პარალელურად, გომისმთაზე არაერთი არაკეთილსინდისიერი ადამიანი იჩენდა და იჩენს წარმოუდგენელ სიხარბეს და ზოგს შვიდი და რვა ნაკვეთი აქვს ბოძებით და ხიმინჯებით შემოსაზღვრული, რომ სამომავლოდ გაყიდოს და ეს ერთგვარი საშოვრის წყაროდ აქციოს. არაერთი მოქალაქე ჟურნალისტებს ამ თემაზე საგანგებო მუშაობას და ფაქტების გამოაშკარავებას გვთხოვს. სისტემური რეგისტრაციის პირობების გაცნობის შემდეგ, გომისმთაზე მოსულ ადგილობრივ მცხოვრებლებს გადასცეს საინფორმაციო მასალები. ხოლო საჯარო რეესტრის საველე ჯგუფებმა, რომლებიც აქ სამუშაოდ რჩებიან, გააცნეს ინფორმაცია საკადასტრო აზომვების სხვადასხვა საკითხებზე, რელიეფსა და სხვა პროცედურულ დეტალებზე. აქვე ითქვა, რომ მიუხედავად სხვადასხვა სირთულისა, საამზომველო სამუშაოები აგვისტოს ბოლომდე უნდა დასრულდეს. როგორც ცნობილია, საჯარო რეესტრის ეროვნული სააგენტო მოქალაქეების მომართვას არ დაელოდება და ნაკვეთის რეგისტრაციისთვის საჭირო ყველა პროცედურას _ საკადასტრო აგეგმვა/აზომვითი ნახაზების მომზადება, საკუთრების უფლების დამადასტურებელი დოკუმენტაციის მოძიება-ანალიზი და ნაკვეთების დარეგისტრირება _ საკუთარი ინიციატივით უფასოდ განახორციელებს. პროექტი კერძო მესაკუთრეებს საშუალებას მისცემს, მიწის ნაკვეთები მარტივად და უფასოდ დაირეგისტრირონ, შეძლონ რეგისტრირებული საკუთრების ეფექტურად განკარგვა და ეკონომიკური სარგებლის ... ...
  • გომისმთაზე მიწის სისტემური რეგისტრაცია დაიწყო _ თეა წულუკიანი სამუშაოებს გაეცნომიწის რეგისტრაციის რეფორმის ფარგლებში ოზურგეთის მუნიციპალიტეტის დაბა გომისმთის დასახლებაში მიწის სისტემური რეგისტრაცია დაიწყო. გომისმთაზე მიწის სისტემური რეგისტრაციის პროექტის მოსამზადებელი სამუშაოების მიმდინარეობას ადგილზე გაეცნო ვიცეპრემიერი, იუსტიციის მინისტრი თეა წულუკიანი. მინისტრმა მიწის სისტემური რეგისტრაციის ფარგლებში დაგეგმილი სამუშაოების შესახებ ინფორმაცია გომისმთის მცხოვრებთ პირადად გააცნო და საინფორმაციო მასალები გადასცა. საჯარო რეესტრის საველე ჯგუფებმა მინისტრს გაუზიარეს ინფორმაცია საკადასტრო აზომვების ტექნიკურ საკითხებზე, მათ შორის, რელიეფურ სირთულეებსა და მეტეოროლოგიურ პირობებზე, გეოდეზიური ხელსაწყოების მუშაობის სპეციფიკასა და სხვა პროცედურულ დეტალებზე. მიუხედავად არეალის კომპლექსური ხასიათისა, საამზომველო სამუშაოები აგვისტოს ბოლოსთვის უნდა დასრულდეს. მიწის სისტემური რეგისტრაციის რეფორმა საბიუჯეებით ფინანსდება. ვრცლად, თეა წულუკიანის გომისმთის დასახლებაში ვიზიტის შესახებ, "გურია ნიუსი" მალე ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...