ფერმერებს მიწას შემოდგომაზეც დაუმუშავებენ

საზოგადოება

ფერმერებს მიწას შემოდგომაზეც დაუმუშავებენ

2015 აპრ 30 16:53:04
სოფლის მეურნეობის სამინისტროს მიერ ინიცირებული "მცირემიწიან ფერმერთა 2015 წლის საგაზაფხულო სამუშაოების ხელშეწყობის პროგრამა", რომელსაც სოფლის მეურნეობის პროექტების მართვის სააგენტო ახორციელებს, აქტიურ ფაზაში შევიდა. მიწის დამუშავება აღმოსავლეთ და დასავლეთ საქართველოში ერთდროულად მიმდინარეობს და ქვეყნის მასშტაბით უკვე 58 ათასამდე ჰექტარი მიწის ფართობია დამუშავებული.

ხვნის სამუშაოებს სოფლის მეურნეობის სამინისტროს შპს "მექანიზატორი" და 105 კონტრაქტორი კომპანია ასრულებს.

ამ დროისთვის, მიწის დამუშავების პროცესი შეუფერხებლად გრძელდება. როგორც შპს "მექანიზატორის გენერალური დირექტორი ზვიად ჩხაიძე ამბობს, მათი კომპანიიდან 600 ერთეული ტრაქტორია გამოყოფილი, თუმცა, კომპანიას, საჭიროების შემთხვევაში 900 ერთეული ტექნიკის გამოყოფა შეუძლია.

"დღეისათვის საქართველოში მთლიანად 58 ათასამდე ჰექტარი მიწის ნაკვეთია მოხნული. საგაზაფხულო პერიოდის დასრულებამდე, ანუ მაისის ბოლომდე, ვვარაუდობთ, რომ 70-75 ათასი ჰექტარი მოიხვნება. დანარჩენი სამუშაოები კი, შემოდგომაზე გაგრძელდება. საერთო ჯამში, პროგრამის ფარგლებში, როგორც შარშან, ასევე წელსაც 125-130 ათასი ჰა მიწის ნაკვეთის დამუშავებას ვვარაუდობთ.

ამ ეტაპზე, ძირითადი სამუშაოები უკვე დაწყებულია. წვიმიანი ამინდების გამო პროცესი 10 დღით შეჩერებული იყო, თუმცა, უკვე ინტენსიურად გაგრძელდა სამუშაოები დასავლეთ საქართველოში. ამის გამო შემჭიდროვებული აგროვადებიდან რომ არ ამოვვარდნილიყავით, აღმოსავლეთიდან დამატებითი ტექნიკა გადავისროლეთ დასავლეთ საქართველოში და დღეის მდგომარეობით, 600 ერთეული ტრაქტორი მხოლოდ ჩვენი კომპანიიდან მუშაობს. სხვა კონტრაქტორებიც აქტიურად აგრძელებენ მუშაობას და ვფიქრობთ, რომ აგროვადებში ჩავეტევით", _ აცხადებს ჩხაიძე.

 მისივე თქმით, მაღალმთიანი რეგიონების გარდა, მიწები მაისის ბოლომდე მოიხვნება, რაც შეეხება მაღალმთიან რეგიონებს, იქ ხვნის პროცესი ივნისის შუა რიცხვებამდე გაგრძელდება:

"ბარათის მოქმედების ვადები 1 დეკემბრამდეა, შესაბამისად, ხვნის პროცესი ამ დრომდე გაგრძელდება. მოსახლეობამ თავად უნდა აირჩიოს, როდის შეასრულოს სამუშაოები _ საგაზაფხულო, თუ საშემოდგომო პერიოდში. უნდა ვეცადოთ, რომ ვისაც სურვილი აქვს მიწის ნაკვეთები საგაზაფხულო პერიოდში დაამუშაოს, მაისის ბოლომდე შევუსრულოთ ეს სამუშაო. დანარჩენებს კი, საშემოდგომო პერიოდში დავუმუშავებთ. რაც შეეხება მთიან ზონებს, იქ პროცესი შესაძლოა ივნისის შუა რიცხვებამდე გაგრძელდეს. ეს დამოკიდებულია ამინდზე. სანამ მიწა არ გაშრება, მანამდე შეუძლებელია ტექნიკის მუშაობა ადგილზე. ამასთან, წინასწარ არის გათვალისწინებული მაღალმთიანი რეგიონებისთვის სხვა აგროვადები, რაც სამუშაოების გაგრძელების საშუალებას ივნისშიც იძლევა. ვფიქრობ, რომ ამ ვადებშიც ჩავეტევით.

ზოგადად, ხვნის პროცესი აღმოსავლეთ საქართველოში თებერვლის დასაწყისიდან იწყება, დასავლეთ საქართველოში კი, მარტიდან. ამას თან ერთვის საგაზაფხულო წვიმები. ამ პერიოდის გამოყენებით, როდესაც ვგეგმავდით სამუშაოებს, ტექნიკა როდესაც გამოთავისუფლდებოდა, აღმოსავლეთ საქართველოში, ნაწილი ამ ტექნიკის დასავლეთ საქართველოში უნდა გადასულიყო. თუმცა ეს არ ნიშნავს, რომ აღმოსავლეთ საქართველოში ხვნის პროცესი უკვე დამთავრებულია. მარნეულისა და ბოლნისის რაიონებში ეს სამუშაოები დასრულებულია, მაგრამ არის რაიონები, სადაც ხვნის პროცესი ჯერ კიდევ მიმდინარეობს, მაგალითად, გარდაბნის სოფლებში - მარტყოფი, ნორიო და ქვედა ზონის სოფლები. წინასწარ ვიცოდით, რომ ეს ასე იქნებოდა. ჯერჯერობით, გეგმის მიხედვით ვმუშაობთ", _ ამბობს ჩხაიძე და დასძენს, რომ სვანეთში და რაჭაში _ ცაგერისა და ონის რაიონების ზემო სოფლებში, ხვნის პროცესი ინტენსიურად მაისის შუა რიცხვებიდან დაიწყება.

შპს "მექანიზატორის" გენერალური დირექტორი ამბობს, რომ მოსახლეობას შეძლებისდაგვარად, მიწის ნაკვეთების მოხვნის გარდა, მექანიზატორის წარმომადგენლები სხვა სამუშაოებშიც დაეხმარებიან:

"მოსახლეობას აქვს მოთხოვნა, რომ ხვნის სამუშაოებში გარდა, სხვა სერვისის მიღებაც უნდათ, რომელიც პროგრამით არ არის გათვალისწინებული. იქ, სადაც ამის საშუალება გვექნება, გვაქვს გამოთავისუფლებული ტექნიკა და შევიყვანთ და შევუსრულებთ თესვისა და დადისკვის სამუშაოებსაც", _ ამბობს ჩხაიძე.

აღსანიშნავია, რომ ბენეფიციარებს, რომლებსაც მიწის ნაკვეთების მოხვნა საგაზაფხულო პერიოდში არ სურთ, არ აქვთ ვალდებულება, რომ კომპანია ამის შესახებ წინასწარ გააფრთხილონ:

 "ამის გარკვევაში გვეხმარებიან ადგილობრივი თვითმმართველი ორგანოების წარმომადგენლები. მათთან ერთად შევდივართ სოფლებში და მათი მეშვეობით ვგებულობთ ვის აქვს საგაზაფხულო პერიოდში სამუშაოების შესრულების სურვილი და ვის აქვს სურვილი, რომ პროცესი საშემოდგომო პერიოდში გადაიტანონ. მონაცემები პერსონიფიცირებული არ გვაქვს, თუმცა, ისინი გვეუბნებიან, ამა თუ იმ სოფელში ხვნის სამუშაოების მოთხოვნა დასრულებულია თუ არა", _ ამბობს ჩხაიძე.

ცნობისთვის, "მცირემიწიან ფერმერთა 2015 წლის საგაზაფხულო სამუშაოების ხელშეწყობის" პროგრამაში მონაწილეობას 800 ათასამდე ფერმერი იღებს, აქედან ხვნის ბარათი 478,074 ფერმერს გადაეცა, ხოლო აგრობარათზე ქულები 286,186 ბენეფიციარს დაერიცხა.

წელს პროგრამაში მონაწილეობას იღებენ ის ფერმერები, რომლებსაც მიწის ნაკვეთები საკუთრებაში, სარგებლობაში ან ფაქტობრივ მფლობელობაში აქვთ.

ფერმერებს, რომლებსაც 0,25 ჰა-მდე ჯამური ფართობის სასოფლო-სამეურნეო დანიშნულების მიწის ნაკვეთი აქვთ, აგრობარათზე 50 ქულა დაერიცხებათ.

0,25 ჰა-დან 1,25 ჰა-ს ჩათვლით ფართობის სასოფლო-სამეურნეო დანიშნულების მიწის ნაკვეთების მფლობელები, რომლებიც ამ ნაკვეთებს ერთწლიანი კულტურების მოსაყვანად იყენებენ, გადაეცემათ ნაკვეთის ფართობის პროპორციული ღირებულების სასოფლო-სამეურნეო (ხვნის) ბარათი, 1 ჰექტარზე 140 ლარის გადაანგარიშებით.
რაც შეეხება, 0,25 ჰა-დან - 1.25 ჰა-ს ჩათვლით ფართობის სასოფლო-სამეურნეო დანიშნულების მიწის ნაკვეთების მფლობელებს, რომლებსაც ნაკვეთებზე გაშენებული აქვთ მრავალწლიანი კულტურების ნარგავები და არ გააჩნიათ ერთწლიანი კულტურების წარმოებისთვის განკუთვნილი მიწის ნაკვეთი აგრობარათზე ნაკვეთის ფართობის პროპორციული ქულების რაოდენობა 1 ჰექტარზე 140 ქულის გადაანგარიშებით დაერიცხებათ. 

დამატებითი ინფორმაციის მისაღებად, ბენეფიციარებს შეუძლიათ მიმართონ  გამგებლის წარმომადგენელს ან სააგენტოს  ცხელ ხაზს ნომერზე" (032)2470101.

თითოეულ სოფელში ხვნის სამუშაოების ჩატარების გრაფიკი გამგებლის წარმომადგენლისთვის ცნობილია. ის ვალდებულია კოორდინაცია გაუწიოს და გააკონტროლოს სამუშაოების შემსრულებლების მიერ გაწეული ხვნის სამუშაოების პროცესი.

ცნობისთვის, "მცირემიწიან ფერმერთა 2015 წლის საგაზაფხულო სამუშაოების ხელშეწყობის პროგრამის" ბიუჯეტი 2013 წელს 195 მილიონი ლარი იყო, 2014 წელს - 90 მილიონი, წელს კი, ბიუჯეტიდან 50 მილიონი ლარია გამოყოფილი, თუმცა, სააგენტოში აცხადებენ, რომ პროექტის ფარგლებში 61 მილიონი ლარის დახარჯვას აპირებენ, საჭიროების შემთხვევაში კი, სააგენტო თანხებს კიდევ დაამატებს. სააგენტოს ინიციატივით, სახნავი მიწებისა და ბარათების დარიგების არეალი გაფართოვდა და მას წელს ქუთაისს, ფოთსა და რუსთავს შემოერთებული სოფლებიც დაემატა. პროექტი მოიცავს როგორც აღმოსავლეთ, ასევე დასავლეთ საქართველოს.

სამთავრობო პროგრამა სოფლად მცხოვრებლების ფერმერულ მეურნეობად ჩამოყალიბების მიზნით მათ ხელშეწყობას ითვალისწინებს.

"მცირემიწიან ფერმერთა ხელშეწყობის პროგრამა", რომელსაც სოფლის მეურნეობის პროექტების მართვის სააგენტო ახორციელებს, 2013 წელს დაიწყო. წელს კი, სამწლიანი პროგრამის ბოლო ეტაპია.

(R)




 ახალი ამბები
  • ამ ბეზპრედელშიკი ივანიშვილის ბოგინი უნდა დამთავრდეს! _ სააკაშვილისაქართველოს ყოფილი პრეზიდენტი მიხეილ სააკაშვილი მხარდამჭერებს სრული მობილიზებისკენ მოუწოდებს და ამბობს, რომ ახლა პარტიულ კუთვნილებას მნიშვნელობა არ აქვს, რადგან მთავარ მიზანს ივანიშვილის დამარცხება წარმოადგენს. "ივანიშვილის „ბეზპრედელი“ უნდა დასრულდეს, ივანიშვილის ბოგინი დამთავრდეს, არცერთ შემთხვევაში არ უნდა დავაჭერინოთ მელია, რადაც არ უნდა დაგვიჯდეს, ყველა აქტივისტი საქართველოში უნდა იქნას მობილიზებული, ენმ-ის ყველა მხარდამჭერი, ახლა არის მომენტი საბოლოო, სრული მობილიზაციის, ახლა არის მომენტი ერთად დგომის, ახლა არის მომენტი ერთმანეთის ხელის ჩაკიდების, ახლა არის მომენტი, სრული, ტოტალური, მშვიდობიანი, მაგრამ ძალიან გადამწყვეტი წინააღმდეგობის დიქტატურის, ამ ბეზპრედელშიკის, ამ საქართველოს დაუძინებელი მტრის წინააღმდეგ. ახლა უკან დახევა აღარ გამოვა და ახლა ყველანაირი მოწოდებები დანებებისკენ, ხელების ჩამოშვებისკენ და ასე, ცხვარივით წაყოლაზე, ეს არის საქართველოს მტრობა. საქართველო საფრთხეშია, ქართულ დემოკრატიას ბოლო ეღება, ახლა საჭიროა, ყველამ ამოვიღოთ ხმა, მიუხედავად წყენებისა, განსხვავებებისა, სხვადასხვა პარტიულობისა, ამას მნიშვნელობა აღარ აქვს, ყველა უნდა დავდგეთ ერთად - ყველა მინუს ერთი, რათა გადარჩეს ჩვენი ქვეყანა და გადარჩეს თითოეული ჩვენგანი,"- განაცხადა მიხეილ ... ...
  • დარბევამდე, პალიკო კუბლაშვილმა გვითხრა, რომ ჩვენთან შეხვედრა უნდოდა გახარიას და ბახტაძეს _ მელიასიამაყე! - ნიკა მელიას განცხადებით, მას სწორედ ეს განცდა ჰქონდა, როდესაც პროკურატურაში ჩატარებული ბრიფინგი მოისმინა და გაიგო, რომ მას ბრალი წაუყენეს. განცხადება „ნაციონალური მოძრაობის“ წევრმა გადაცემა „არჩევანში“ გააკეთა. სავარაუდოდ, ეს არის უკანასკნელი ინტერვიუ "არჩევანში", სანამ მას დაიჭერენ, რადგან ხვალ  დილით პარლამენტი მისთვის მანდატის შეჩერების საკითხს განიხილავს. ნიკა მელია აცხადებს, რომ რადგან მას აკავებენ ე.ი. სწორ ნაბიჯებს დგამს. „სწორედ მიცხოვრია ე.ი. უკანასკნელი წლების განმავლობაში თუ შენ საქმე ბიძინა ივანიშვილის, გაიხადე თავი შენს დასაჭერად. არასწორად ცხოვრობ მაშინ, როდესაც ივანიშვილი მინისტრად ნიშნავს საკუთარ კომპანიაში და არა მთავრობაში. ადამიანი, რომელიც არის აცახცახებული, შეშინებული. ოლიგარქი რომ კითხო, მილიარდერი რომ კითხო ქვეყანას მართავს. მაგრამ რეალურად არის წარმოუდგენლად აკანკალებული,“-განაცხადა ნიკა მელიამ და აღნიშნა, რომ ახლა ბიძინა ივანიშვილს საკუთარ სასახლეში სპეცრაზმელებთან ერთად სძინავს. ნიკა მელია პარალელს 9 აპრილთან ავლებს და აცხადებს, რომ „ქართული ოცნება“ დღეს იყენებს იგივე რიტორიკას, რასაც მაშინ კომპარტია. „თაობებს სიცოცხლე დაუთმიათ, რომ საქართველოს პარლამენტის შენობაზე რუსეთის დროშას არ ეფრიალია და ეს ააფრიალა ბიძინა ივანიშვილმა გავრილოვის სახით. ამის შემდეგ ის მოხდა, რაც მოხდა და ბუნებრივი რეაქცია გამოიწვია. ერთი-ერთში იგივეს იძახდა კომპარტია და კომპარტიის მედია მაშინ. მთავარი მესიჯბოქსი, რა იყო 1989 წლის 9 აპრილის შემდეგ, როდესაც ნიჩბებით დაუჩეხეს თავები საქართველოს მოქალაქეებს. თითქოს, მაშინდელმა ლიდერებმა ბოროტად გამოიყენეს ახალგაზრდების ენერგია, ემოცია, შექმნეს ისტერიული პოლიტიკური ვითარება და ანტისახელმწიფოებრივი მოქმედებებით საზოგადოებრივი ატმოსფერო დაძაბეს და მოხდა ის, რაც მოხდა,“ - განაცხადა ნიკა მელიამ. ნიკა მელიას განცხადებით, ის 20 ივნისის ღამეს სხდომათა დარბაზში იყო და ამბობდა, რომ ის არ აპირებდა გარეთ გასვლას, როცა პარლამენტიდან გამოაგდეს ჟურნალისტებთან ერთად. სწორედ ასე მოხვდა, მისი თქმით, რუსთაველის გამზირზე აქციის მონაწილეებთან. „იქვე გასცეს ბრძანება ჩემი დაკავების, მაგრამ იქ იმდენი ხალხი იყო, ვერ დამაკავეს. რომ ჩავედი ტრიბუნასთან მივედი და მივმართე მე ხალხს ის, რაც მივმართე და ჩემი ვალი იყო, ეს გამეკეთებინა და ათასჯერ გავაკეთებ იგივეს. დიახაც, როცა რუსეთის დროშა ფრიალებს აქ და ათი საათია გასული და პარლამენტის თავმჯდომარეს განცხადება არ გაუკეთებია თანამდებობიდან გადადგომასთან დაკავშირებით და აბუჩად აგვიგდეს და მერე გავიგეთ, რომ თურმე ჩაერთო ტვ იმედს, რომელიც საოცრებებს ლაპარაკობდა, განცხადება გააკეთა იქ, რომ პროტოკოლის სამსახურის ბრალეულობა არისო. მოხდა ის, რაც მოხდა. განცხადება, რომელიც მე გავაკეთე, ამის შემდეგ ორი საათის განმავლობაში იქით ვაჩერებდით უამრავ ადამიანს,“ - განაცხადა ნიკა მელიამ. მისი თქმით, მისი განცხადების გაკეთებიდან 2 საათში მასთან შუამავლად მივიდა ცნობილი პოლიტიკოსი პალიკო კუბლაშვილი, რომელმაც უთხრა, რომ  გახარიას და ბახტაძეს უნდა მასთან შეხვედრა. ნიკა მელიას თქმით, გადაწყდა, რომ ის რამდენიმე ლიდერთან ერთად შევიდოდა მოლაპარაკებაზე, რისი წინააღმდეგიც აქციის მონაწილეები იყვნენ. შესაბამისად, მათ უარი თქვეს პარლამენტში შესვლაზე. ნიკა მელიას განცხადებით, მალევე ამ შეთავაზებიდან სპეცრაზმმა გახსნა ღია ცეცხლი დემონსტრანტების წინააღმდეგ.  „ეს ადამიანი შუამავალი იყო პალიკო კუბლაშვილი. პალიკო კუბლაშვილი, რომელიც იმ დროს აღმოჩნდა პარლამენტის შენობაში, როდესაც ჩვენ გვარბევდნენ გახარიასთან ერთად. ეს ადამიანი იცით, რომ  იყო ყოფილი ნაციონალური მოძრაობის წევრი და დღეს არის "ქართულ ოცნებაში". ვალდებულია ის ადამიანი გამოვიდეს და ისაუბროს,“ - განაცხადა ნიკა მელიამ. წყარო:  ... ...
  • კობახიძე "ეტა რაზ", გახარია "ეტა დვა" - გიორგი მარგველაშვილი აქციაზე მივიდა„ძალიან მტკივნეულია, რომ ეს ისტორია იწერება სისხლით. ჩემი მეგობრის სიტყვებია, რომელიც გარდაიცვალა და რომელიც მე მაშინებდა, რომ თავისუფლების ხე დრო და დრო უნდა იყოს მორწყული პატრიოტთა სისხლით და ეს სისხლი აქ დაიღვარა. და ეს სისხლი დღეს არის საწინდარი იმისა, რომ თქვენ იქნებით ამითი გაერთიანებულები და თქვენ არ შეგეშინდებათ,“ - ეს განაცხადება გიორგი მარგველაშვილმა პარლამენტის წინ აქციაზე გააკეთა და მიმდინარე პროცესები 9 აპრილის ღამეს შეადარა. გიორგი მარგველაშვილის განცხადებით, დღეს აქციის მონაწილეებს „ქართული ოცნების“ სახით უპირისპირდება სუსტი ძალა. „მე მჯერა, რომ მომავალი დაიწერება ძალიან ნათელი და  ძალიან წმინდა. იმ ხალხს, ვინც სამწუხაროდ, დღეს თქვენ დაგიპირისპირდათ ძალიან სუსტი ილეთები გააჩნიათ თქვენ წინააღმდეგ. მმართველ გუნდს დღეს დარჩა რაღაცნაირი მდარე პიარი, მდარე ჭორაობის დონის ბოტები. რაღაცნაირი კრახაბორული ვაჭრობა, რომელიც ვერ შედგება და იმიტომ ვერ შედგება, რომ აქ არის სიმართლე, აქ არის ძალა და აქ არის ჭეშმარიტი სურვილი საქართველოს მომავლისა,“ - განაცხადა გიორგი მარგველაშვილმა. საქართველოს მეოთხე პრეზიდენტის განცხადებით, მისი თაობა ასეთი ბრძოლის დროს უშვებდა შეცდომებს, რადგან არ ჰქონდა სიმტკიცე, ამიტომ მთავარია სიმტკიცე და გამძლეობა, რასაც დღევანდელი აქციის მონაწილეები იჩენენ. გიორგი მარგველაშვილის თქმით, ყველაფერი საბოლოოდ დასრულდება გამარჯვებით. „ამიტომ ცოტა იუმორით, რომ მოგმართოთ კობახიძე "ეტა რაზ", გახარია "ეტა დვა"!“-განაცხადა გიორგი ... ...
  • მელია არ უნდა დავაჭერინოთ, არცერთ შემთხვევაში! ამოვიდა ყელში! _ სააკაშვილისაქართველოს ყოფილი პრეზიდენტი მიხეილ სააკაშვილი Facebook-ზე "ნაციონალური მოძრაობის" წევრისთვის, დეპუტატ ნიკა მელიასთვის ბრალის წაყენებასთან დაკავშირებით წერს.  "მელია არ უნდა დავაჭერინოთ, არცერთ შემთხვევაში! ამოვიდა ყელში! Enough is enough!", _ წერს სააკაშვილი. პარლამენტის წევრს ნიკა მელიას საქართველოს გენერალურმა პროკურატურამ ბრალი წაუყენა. როგორც პროკურორმა განაცხადა ნიკანორ მელიას მიმართ გამოიკვეთა სისხლის სამართლის კოდექსით გათვალისწინებული დანაშაულის ნიშნები.  პროკურატურამ საქართველოს პარლამენტს ნიკა მელიასთვის დეპუტატის იმუნიტეტის მოხსნასთან დაკავშირებით მიმართა. თავად ნიკა მელია მისთვის ბრალის წაყენებას პატივად ... ...
  • ვერ დაიჭერთ! შეგაკვდებით ბევრს თუ ეცდებით. წერტილი! - ქავთარაძე ხელისუფლებასვერ დაიჭერთ! შეგაკვდებით ბევრს თუ ეცდებით. წერტილი! - ქავთარაძე ხელისუფლებას, _ ეს განცხადება  ენმ-ს ერთ-ერთი ლიდერი ირაკლი ქავთარაძემ  ხელისუფლების მისამართით სოციალურ ქსელში გაავრცელა. "თალაკვაძე თავის საქმიანობას ოპოზიციონერი დეპუტატის დაჭერით იწყებს! ეს ხლეჩს საზოგადოებას. ეს არის რუსეთის დაკვეთა. ვერ დაიჭერთ. შეგაკვდებით ბევრს თუ ეცდებით. წერტილი",  _ ირაკლი ... ...

არქივი

ზაფრანი

კიბოს გამომწვევი სამი პროდუქტი დადგინდა

კიბოს დაავადებათა ფართო ჯგუფს უწოდებენ,...

8 საკვები, რომელიც დიდხანს არ მოგაშიებთ

მაკარონის პასტა- შეიძლება ბევრმა თქვას,...

არაჩვეულებრივი ხილი

არაჩვეულებრივი ხილი - ვაშლი, რომელიც...

საინტერესო ფაქტები ჯანმრთელობის შესახებ

იაპონიის კუნძულ ოკინავაზე 450 -ზე...

როგორ ვუშველოთ ქორწინებას?

თუ გრძნობთ, რომ დაკარგეთ ინტერესი...

ხშირი „შეცდომა“ რომელთა გამეორებაც არ ღირს

დააგემოვნო მატარებელში ჩამოტარებული შაურმა; შეეშვა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...