"ასკანელები სხვანაირი გურულები არიან"

საზოგადოება

"ასკანელები სხვანაირი გურულები არიან"

13 ივნ. 2012, 07:47:27
_ ბატონო ზურაბ, როგორი ბავშვი იყავით?

_ სხვათაშორის, განსხვავებული ბავშვი ვიყავი _ არ მომწონდა ის, რაც სხვებს მოსწონდათ; უფროსებთან უფრო კარგად ვგრძნობდი თავს, ვიდრე ჩემს თანატოლებთან; მცენარეები და ცხოველები მიყვარდა უსაშველოდ; ვცდილობდი, რომ კარგი ბაღი მქონოდა; ძალიან მიყვარდა ბოსტანში მუშაობა. ბიძაჩემი, ნიკო შევარდნაძე პროფესიით აგრონომი იყო. როცა მუშაობდა, ყოველთვის მის გვერდით ვიყავი. მახსოვს მყნობა რომ მასწავლა, როგორი ბედნიერი ვიყავი. არა მარტო ჩემს ეზოში, მეზობლების ეზოშიც ვამყნობდი ხეხილს. მცენარეების შესანიშნავი კოლექცია მქონდა, ყოველთვის მყავდა დეკორატიული ჩიტები, თუთიყუშები, იადონები და სხვა.

ჩვენ ყანები გვაქვს ნაგომარში, მერეს რომ ვეძახით, სადაც ბაბუაჩემს ხშირად დავყვებოდი და ერთად ვთოხნიდით. სიხარულით მივდიოდი _ ძალიან მიყვარდა ეს რიტუალი. თითქმის მთელი სოფელი მივდიოდით ერთად, დიდი მანქანით. ვშრომობდით ხალისით, "მერე" აკაციების ჩრდილში გაიშლებოდა სუფრა და ერთად ვსადილობდით, სიმღერასაც დავაგუგუნებდით. სხვათაშორის, წყალზე ყოველთვის მე მაგზავნიდნენ ფუთიანი დოქით. შემდეგ კი დაღლილი, მაგრამ ბედნიერი ვბრუნდებოდით სახლში. მინდა გითხრათ, რომ ერთადერთი, რაც არ მეზარება, არის შრომა. თბილისში ხშირად ჩამოვდიოდით ნათესავებთან. ჩემთვის ყველაზე საყვარელი ადგილი დიღმის ბაზრობა იყო, სადაც შაბათ-კვირას ცხოველებით ვაჭრობდნენ. აქ ბევრჯერ მიყიდია ზაზუნები და კურდღლები.

_ სკოლაში რომელი საგანი გიყვარდათ ყველაზე მეტად?

_ ძალიან მიყვარდა ბიოლოგია, შესანიშნავი პედაგოგი მასწავლიდა _ ნანა ხომერიკი. სწორედ მისი დამსახურებაა, რომ რომ ეს საგანი კარგად ვიცი. საერთოდ, შესანიშნავი პედაგოგები მასწავლიდნენ ასკანის სკოლაში. გურიის თითქმის ყველა სოფელს ვიცნობ, მაგრამ ასკანა მაინც სულ სხვაა _ ასკანელები სხვანაირი გურულები არიან. ჩემს უსაყვარლეს ხალხთან, მშრომელი და მოსიყვარულე ხალხის გვერდით გავიზარდე. ასკანაში ცხოვრობენ ადამიანები, რომლებიც არ ვაჭარბებ, და სიყვარულს აფრქვევენ _ მათ მხოლოდ სიყვარული შეუძლიათ.

_ ისე გიყვარდათ ბიოლოგია, რომ, ალბათ, სხვა სპეციალობაზე არც გიფიქრიათ...

_ დიახ, სკოლის დამთავრების შემდეგ თბილისის სახელმწიფო უნივერსიტეტში შევიტანე საბუთები. ბიოლოგიაში ფრიადი მივიღე. გავხდი სტუდენტი _ ეს ჩემთვის ძალიან დიდი სიხარული იყო. პირველი კურსიდანვე გამოვიჩინე დიდი ინტერესი ბოტანიკისადმი. ამავე კურსზე გვქონდა საველე პრაქტიკა, რასაც ხელმძღვანელობდა ამჟამად უკვე ჩემი დედობილი, ქალბატონი ნანი ჭელიძე. ამ ქალბატონმა მისცა ჩემს ცხოვრებას სწორი მიმართულება. მე მისი ძალიან დიდი მადლიერი ვარ _ "ყირაზე დადგა" და შეუძლებელი შეძლო: რექტორთან შევიდა და უთხრა, ეს ადამიანი არის საჭირო ბიოლოგიის ფაკულტეტისთვის და კათედრაზე უნდა ავიყვანოთო. მისი მეშვეობით დავიწყე მუშაობა ლაბორანტად. მთელი სტუდენტობა გავატარე ბოტანიკის კათედრაზე ჩემი ლექტორების გარემოცვაში. ჩვენს კათედრაზე ასევე მუშაობდა თბილისის ბოტანიკური ბაღის თანამშრომელი, რომლის მეშვეობით პარალელურად იქაც დავიწყე მუშაობა _ ტროპიკულ ორანჟერეას ვხელმძღვანელობდი. მცირე ხელფასი მქონდა, მაგრამ მიუხედავად ამისა, ძალიან ბევრს ვშრომობდი და თან დიდი სიხარულით, იმიტომ, რომ ჩემს საყვარელ საქმეს ვაკეთებდი. იქაც ძალიან გამოცდილი ადამიანების გვერდით მომიხდა ყოფნა. ბევრი რამ შევისწავლე მათთან. საერთოდ, ადამიანები, რომლებსაც ბუნებასთან აქვთ შეხება, სხვანაირები არიან _ ბუნების ენა იციან, სიცოცხლის, ადამიანის ფასი იციან.

_ გერმანიაში როგორ აღმოჩნდით?

_ ბონის და მიუნჰენის ბოტანიკური ბაღის ხელმძღვანელობა, ჩვენს ბოტანიკურ ბაღთან ერთად, ხშირად მართავდნენ ერთობლივ ექსპედიციებს. ერთ-ერთი ექსპედიციის დროს, ბონის ბოტანიკური ბაღის ხელმძღვანელმა, ვოლფრამ ლობინმა გამოაცხადა, რომ მინდა, თბილისის ბოტანიკურ ბაღს დავეხმაროო. ყველას გვეგონა, კომპიუტერს გვიყიდდა (მაშინ ახალი შემოსული იყო კომპიუტერი). ბატონმა ვოლფრამმა თქვა: ჩემი დახმარება ის იქნება, რომ ზურაბს წავიყვან გერმანიაში და მისგან კარგ სპეციალისტს დავაყენებო. ასე დაიწყო ახალი ეტაპი ჩემს ცხოვრებაში _ უცებ აღმოვჩნდი ბონის უნივერსიტეტში, სადაც ბრწყინვალე სპეციალისტები მიკითხავდნენ ლექციებს. ბატონი ვოლფრამის ოჯახში ვცხოვრობდი. მას ჰყავს შესანიშნავი მეუღლე და ორი ვაჟი. ამ ოჯახს, ჩემი ოჯახის შემდეგ, პირველ ადგილზე ვაყენებ. მე მათ მესამე შვილად მიმიღეს. ძალიან დიდი მადლიერი ვარ ამ ხალხის. ვოლფრამ ლობინმა მასწავლა არა მხოლოდ ბოტანიკა, არამედ ცხოვრებაც. საღამოობით ვისხედით და მასწავლიდნენ, რომ ყოველთვის უნდა გააანალიზო, რაზე თქვა თანხმობა და რაზე უარიო. მაჩვენეს მთელი ევროპა, არ დარჩენილა არც ერთი ბოტანიკური ბაღი ევროპის დიდ ქალაქებში, რომ არ მენახა. ყველაზე მნიშვნელოვანი ის იყო, რომ სხვადასხვა ქვეყნის ბოტანიკურ ბაღებში შევდიოდი არა როგორც დამთვალიერებელი, არამედ როგორც საპატიო სტუმარი, სადაც ჩამახედეს მათ სამზარეულოში. ყოველივე ამან დიდი გამოცდილება შემძინა. არასოდეს დამავიწყდება გერმანიაში გატარებული წლები _ არ შემიძლია, ამ ადამიანებზე უემოციოდ ვილაპარაკო...

_ გერმანიაში მიღებული ცოდნით საქართველოში დაბრუნდით. მერე როგორ განვითარდა მოვლენები?

_ გერმანიიდან დაბრუნების შემდეგ, ბოტანიკურ ბაღში აღარ მოხერხდა ჩემი დარჩენა. აღმოჩნდა, რომ სხვა ნაპირზე ვიყავი და მივხვდი, იქ ჩემი ადგილი აღარ იყო. კონსულტაციები გავიარე ვოლფრამთან, რომელმაც მითხრა, გაბრაზებული არ წამოხვიდე სამსახურიდან, თუ ვერ მოახერხებ, შენს დირექტორს, რომელმაც ამდენი პატივი გცა, შუბლზე აკოცო, ჩემთან აღარ ჩამოხვიდეო. მე ძნელად, მაგრამ მაინც შევძელი ასე მოვქცეულიყავი და მშვიდობიანად წამოვედი. ცოტა ხნით ეროვნული მუზეუმის ბოტანიკურ განყოფილებაში ვმუშაობდი. შემდეგ აღმოჩნდა, რომ საპატრიარქოში ვიყავი საჭირო _ დამევალა დეკორატიული მებაღეობისა და ეკოლოგიის ინსტიტუტის ხელმძღვანელობა. უწმინდესს ყოველთვის უნდოდა, რომ საქართველოში ყოფილიყო ასეთი ინსტიტუტი. მისი ლოცვა-კურთხევით შევუდექი ამ საჭირო და საინტერესო საქმიანობას. საქართველოში პროფესია მებაღე არ არსებობს, ამიტომ ამ ინსტიტუტში მუშაობა ძალიან კარგი საშუალება იყო იმისთვის, რომ ჩემი ცოდნა და გამოცდილება სტუდენტებისთვის გამეზიარებინა. ჩემ ირგვლივ ჩემი პედაგოგები, ბოტანიკური ბაღის თანამშრომლები შემოვიკრიბე. უკვე 6 წელია, არსებობს ეს სასწავლებელი და ვზრდით პროფესიონალ მებაღეებს.

_ ყოველ ოთხშაბათს, ტელევიზიის საშუალებით, მთელი საქართველო უყურებს თქვენ მიერ გაშენებულ არაჩვეულებრივ ბაღს, სადაც ორი 2 000-ზე მეტი ჯიშის დეკორატიული მცენარეა.

_ ჩემი ოცნება ყოველთვის იყო, მქონოდა ჩემი პატარა ბაღი. შეძლებისდაგვარად, ეს მოვახერხე. როგორც ხედავთ, აქ კარგი გარემოა, კარგი თანამშრომლები მყავს, გამოგვყავს სხვადასხვა ჯიშის დეკორატიული მცენარე, ბევრი დაინტერესებული პირი მოდის, ძალიან ბევრი ნერგი მიაქვთ ჩვენი სანერგედან. მიხარია, რომ საქართველოში ასეთი დიდი ინტერესი არსებობს მცენარეების მიმართ.

_ გურულებს რას ეტყვით?

_ მინდა, რომ ახალგაზრდებმა, რაც შეიძლება, მეტი ინიციატივა გამოიჩინონ, უფრო მეტი შემართება ჰქონდეთ გურულებს. ყველას ვაჩვენოთ ჩვენი ნიჭი. წინააღმდეგობების არ შეგეშინდეთ. ყველა პრობლემას აქვს სამი გამოსავალი _ ან უნდა შეეგუო, ან უნდა შეცვალო, ან უნდა გაერიდო. გარიდება და გაქცევა ადვილია. მე მიმაჩნია, რომ შეცვლა ყველაზე კარგი, მაგრამ ყველაზე რთული გზაა. უნდა ეცადო, რომ ის სიტუაციები, მოვლენები, რომლებიც შენ ირგვლივ არ მოგწონს, შენს წილად აუცილებლად შეცვალო. ამ დროს ცხოვრება უფრო საინტერესო ხდება.

გავუფრთხილდეთ ერთმანეთს! ძალიან მიყვარხართ, ჩემო ძვირფასო გურულებო!

ასევე, მინდა დიდი მადლობა გადავუხადო "გურია ნიუსს" ყურადღებისთვის, წარმატებებს გისურვებთ!




 ახალი ამბები
  • IRI-ს კვლევა: კმაყოფილია თუ არა მოსახლეობა მთავრობის მოქმედებით პანდემიასთან ბრძოლაშიIRI-ს მიერ ჩატარებული კვლევის მიხედვით მოსახლეობის 79 პროცენტი არის კმაყოფილი, მათ შორის „ძალიან კმაყოფილი“ (41 %) და „მეტნაკლებად“ კმაყოფილი (38 %) მთავრობის მოქმედებით პანდემიასთან ბრძოლაში. "მოსახლეობის 58 პროცენტი, მათ შორის 21 % „ძალიან“, ხოლო 37 პროცენტი „მეტნაკლებად“, კმაყოფილია იმ სოციალური პროგრამებით, რომელიც მთავრობამ შეიმუშავა პანდემიის მიერ გამოწვეული პრობლემების შესამსბუქებლად.  მოქალაქეთა აბსოლუტური უმრავლესობა ეთანხმება(94%) რომ დაავადებათა კონტროლისა და საზოგადოებრივი ჯანმრთელობის ეროვნული ცენტრის, საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის სამინისტროს (91 %) და პრემიერ-მინისტრის ოფისის (81 %) მუშაობა პანდემიასთან ბრძოლაში იყო ეფექტური",_ ნათქვამია კვლევაში. ცნობისთვის, კვლევა ჩატარდა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ, 2020 წლის 4 ივნისი - 2 ივლისის პერიოდში. საველე სამუშაოები ჩატარდა „აიფიემის“ მიერ. მონაცემები შეგროვდა სტრატიფიცირებული მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით.  შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად.  ცდომილების ზღვარი წარმოადგენს +/- 2.5 პროცენტს, გამოპასუხების მაჩვენებელი - 66 პროცენტი. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს ... ...
  • „ლიდერფუდის“ საქმეზე ექსპერტიზის ახალი დასკვნაც სარჩელის ჩაბარების ფაქტს კვლავ გამორიცხავს - არჩილ კაიკაციშვილი "დამოუკიდებელი სასამართლო ექსპერტიზის ახალი დასკვნა კიდევ ერთხელ გვიმყარებს რწმენას, რომ ორგანიზაციამ სწორი დასკვნები გააკეთა სარჩელის და მასზედ თანდართული მასალების ჩაბარების საკითხზე და შეუძლებელია, სასამართლომაც სათანადო დასკვნები არ გააკეთოს, ვინ ვის რა შინაარსის წერილი ჩააბარა 2019 წლის 22 მაისს" - აღნიშნული განცხადება  ორგანიზაცია „ახალგაზრდა ადვოკატების“ ხელმძღვანელმა, არჩილ კაიკაციშვილმა, კომპანია „ლიდერფუდის“ მოქმედი და ყოფილი მესაკუთრეების სამართლებრივ დავაზე ახალი მტკიცებულების შეფასებისას გააკეთა, რომლის მიხედვითაც დგინდება, რომ კომპანიისთვის 2019 წლის 22 მაისს კურიერს ორი კონვერტი აქვს მიტანილი და მათ შორის არც ერთი არ არის სასამართლოს ბრენდირებული კონვერტი. „ახალგაზრდა ადვოკატების“ განმარტებით, ორგანიზაცია ყურადღებით აკვირდება „ლიდერფუდის“ ირგვლივ მოქმედი და ყოფილი მესაკუთრეების სასამართლო დავაზე განვითარებულ მოვლენებს, ვინაიდან შეფასდეს საქმეზე გამოქვეყნებული ორგანიიზაციის კვლევის შინაარსთან მიმართებით სასამართლოს შემდგომი დასკვნების მართებულობა. საზოგადოებისთვის ცნობილია, რომ დაუსწრებელი გადაწყვეტილება, რომლითაც დაკმაყოფილდა კომპანიის ყოფილი მესაკუთრის სარჩელი (შეწყდა ნასყიდობის ხელშეკრულება და ირაკლი დუმბაძე აღირიცხა შპს „ლიდერი-ფუდის“ კაპიტალის 50% წილის მესაკუთრედ), ამჟამად გასაჩივრებულია საქართველოს უზენაესს სასამართლოში. ორგანიზაციამ გამოქვეყნებულ კვლევაში აღნიშნა, რომ საკასაციო სასამართლომ პასუხი უნდა გასცეს შეკითხვას - დაუსწრებელი გადაწყვეტილების ძალაში დატოვებით, არსებითად შეილახება თუ არა პროცესის მონაწილე ერთი მხარის თანასწორუფლებიანობა, სასამართლოს ეს გადაწყვეტილება, მას პირდაპირ უსპობს თუ არა სამართლიანი სასამართლოს უფლებით სარგებლობის შესაძლებლობას, თუ არც ერთ მხარეს, ამ დრომდე, არ მისცემია საკუთარი მტკიცების ტვირთვის განხორციელების შესაძლებლობა. ორგანიზაციამ სასამართლოსთან კომუნიკაციის შედეგად დაადგინა, რომ საკასაციო სასამართლომ საქმე არსებითი განხილვისთვის მიიღო, 2020 წლის სექტემბერში დაინიშნა სხდომა, კვლევა გადაცემული იქნა საქმის განმხილველი პალატისთვის, ასეთი შედეგი კი, ხაზს უსმევს კვლევაში გამოთქმული შეხედულებების მართებულებას, რადგანაც „ახალგაზრდა ადვოკატები“ საქმის განსახილველად დაშვების საფუძვლებსა და არსებითი განხილვის გადაუდებელ წინაპირობებზე საუბობდა. არჩილ კაიკაციშვილის განცხადებით, საჯაროდ გაკეთებული განცხადების თანახმად, ცნობილი გახდა, რომ „ლიდერფუდის“ საქმეში, სარჩელის ჩაბარების ეპიზოდთან დაკავშირებით, წარმოდგენილი იქნა ახალი მტკიცებულება. ორგანიზაციამ მოქმედ მენეჯმენტს მიმართა და გამოითხოვა დასახელებული დოკუმენტი. კერძოდ, დამოუკიდებელი სასამართლოს ექსპერტიზის ცენტრ „ვექტორის“ 2020 წლის 29 ივლისის დასკვნა. ექსპერტი პასუხსს სცემს შემდეგ შეკითხვებს: „შეესაბამება თუ არა წარმოდგენილ ვიდეოჩანაწერში კადრში აღბეჭდილი მამაკაცის ხელთ არსებული კონვერტის სისქის მიხედვით 49 ფურცელ მოთავსებულ კონვერტს?“, „წარმოდგენილ ვიდეოჩანაწერში კადრში აღბეჭდილი მამაკაცის ხელთ არსებულ კონვერტს გააჩნია თუ არა სასამართლოს კონვერტისათვის დამახასიათებელი გაფორმება, თუ ის არის გაფორმების გარეშე თეთრი ფერის გარეშე?“. დასკვნის თანახმად, წარმოდგენილ ვიდეოჩანაწერებში, მამაკაცს ხელში უჭირავს ქაღალდები, რომლებს შორის, ვიზუალური დაკვირვებით, გამოიყოფა კონვერტის მსგავსი აგებულების არა ერთი, არამედ ორი კონვერტი სათითაოდ მიმაგრებული ფურცლებით, რომელთაც აფრიალებს ქარი. ორივე A4 კონვერტების სისქის ან მასში არსებული ფურცლების რაოდენობის განსაზღვრის შესაბამისობა, თუნდაც 49 ფურცელ მოთავსებულ კონვერტთან შეუძლებელია, რადგანაც შეიმჩნევა სისქეების დიდი სხვაობა ხელის მოჭერის ადგილსა და განაპირა ნაპირებს შორის, რაც შეიძლება გამოწვეულ იყოს კონვერტის მაგვარ შეკვრებში სხვადასხვა სისქის ფურცლების ან ჰაერის არსებობით - მითუმეტეს ქარიანი ამინდის დროს, შესაძლებელია ჰაერის შეკვრებში შეღწევა. კადრების დათვალიერებისას და გადიდებისას იკვეთება ორი კონვერტის არსებობა. მათი გადიდებისას, არც ერთ კონვერტზე არ შეიმჩნევა გრაფიკული გაფორმება ან შეფერვა რაიმე ფერის საღებავით და არ მიესადაგება სასამართლო კონვერტის გაფორმებას. აღნიშნული კონვერტები არის გაფორმების გარეშე არსებული თეთრი ფერის კონვერტი. ორგანიზაცია, ექსპერტიზის ახალი დასკვნის მიხედვით, განმარტავს, რომ სარჩელისა და მასზედ თანდართული მასალების ჩაბარების ფაქტი, 2019 წლის 22 მაისს, მართლაც საკამათოა, რაც გამოქვეყნებულ კვლევაში შესაბამისი არგუმენტებით დასაბუთდა კიდეც. 22 მაისს, კომპანიამ ნამდვილად ჩაიბარა მოდავე მხარის კორესპონდენცია, თუმცა არ არსებობს ზუსტი დასკვნა იმის შესახებ, ჩაიბარა თუ არა სარჩელი და მასზედ თანდართული მასალები. სარჩელის ჩაბარების ეპიზოდისთვის პროცესის მონაწილე მხარეების მიერ წარმოდგენილია უკვე სამი შინაარსის მქონე დოკუმენტი/დასკვნა: სსიპ ლევან სამხარაულის სახელობის სასამართლოს ექსპერტიზის ეროვნული ბიუროს 2019 წლის 17 ივლისის დასკვნა, რომელიც ეკუთვნის ირაკლი დუმბაძეს და დამოუკიდებელი სასამართლო ექსპერტიზის ცენტრ „ალტერნატივას“ 2019 წლის 25 ივლისის დასკვნა, დამოუკიდებელი სასამართლოს ექსპერტიზის ცენტრ „ვექტორის“ 2020 წლის 29 ივლისის დასკვნა, რომელიც ეკუთვნის დავით ზეიკიძეს. ა) სსიპ ლევან სამხარაულის სახელობის სასამართლოს ექსპერტიზის ეროვნული ბიუროს 2019 წლის 17 ივლისის დასკვნის მიხედვით, გამოსაკვლევად წარდგენილი იყო ვიდეომასალა, კერძოდ შპს ,,ლიდერი-ფუდის“-ს ოფისის სამეთვალყურეო კამერის ვიდეოჩანაწერები (2019 წლის 22 მაისს კურიერის ვიზიტი ოფისში), კადრში აღბეჭდილი მამაკაცის ხელთ არსებული კონვერტი სისქის მიხედვით არ შეესაბამება 2 ფურცელმოთავსებულ კონვერტს, და მისი ვიზუალური პარამეტრებით შეესაბამება კონვერტში 49 ფურცელმოთავსებულ კონვერტს. მამაკაცის ხელთ არსებულ კონვერტზე დაკვირვების შედეგად გაირკვა, რომ იგი არის გაფორმების გარეშე არსებული თეთრი ფერის კონვერტი და მას ზედა ნაწილში, მარჯვენა და მარცხენა მხარეს, აღენიშნება მუქი შეფერილობის გაფორმება. ბ) აღნიშნული დასკვნის საპირისპიროდ, დავით ზეიკიძის მიერ წარმოდგენილი იქნა დამოუკიდებელი სასამართლო ექსპერტიზის ცენტრ-ალტერნატივას 2019 წლის 25 ივლისის დასკვნა, რომლის მიხედვით, ვიდეოჩანაწერიდან გამომდინარე შეუძლებელია იმის დადგენა თუ რამდენი ფურცელი დევს კონვერტში, რომელიც ვიდეოჩანაწერებში ასახულ მამაკაცს უჭირავს ხელში. ექსპერტიზაზე წარდგენილ ფოტოსურათს და ვიდეოფაილებში ასახულ კონვერტს აქვს სხვადასხვა ფერის შეფერილობა. კერძოდ ექსპერტიზაზე წარმოდგენილ თბილისის საქალაქო სასამართლოს კონვერტის ფოტოსურათის ნაწილს აქვს ლურჯი ფერის შეფერილობა, ხოლო ვიდეოფაილებში ასახული მამაკაცის ხელში არსებული კონვერტი, როგორც პირითი მხრიდან, ისევე ზურგითი მხრიდან არის თეთრი ფერის. გ) დამოუკიდებელი სასამართლოს ექსპერტიზის ცენტრ „ვექტორის“ 2020 წლის 29 ივლისის დასკვნის მიხედვითაც, სისქის ან მასში არსებული ფურცლების რაოდენობის განსაზღვრის შესაბამისობა, თუნდაც 49 ფურცელ მოთავსებულ კონვერტთან შეუძლებელია. კადრების დათვალიერებისას და გადიდებისას იკვეთება ორი კონვერტის არსებობა. მათი გადიდებისას, არც ერთ კონვერტზე არ შეიმჩნევა გრაფიკული გაფორმება ან შეფერვა რაიმე ფერის საღებავით და არ მიესადაგება სასამართლო კონვერტის გაფორმებას. აღნიშნული კონვერტები არის გაფორმების გარეშე არსებული თეთრი ფერის კონვერტი. ორგანიზაცია აღნიშნავს, რომ თავადაც გაეცნო 2019 წლის 22 მაისის კურიერის მიერ განხორციელებულ ვიზიტს საწარმო დაწესებულებაში, თუმცა ობიექტურად, გონივრული განსჯის საფუძველზე, ცასლახად რთულია იმის თქმა, რომ კადრში სასამართლოს ბრენდირებული კონვერტი ჩანდეს. დამოუკიდებელი სასამართლოს ექსპერტიზის ცენტრ „ვექტორის“ 2020 წლის 29 ივლისის დასკვნაც, რომელიც ახალია, იმავე შეხედულებებს იზიარებს, რაც სასამართლოსთვის ანალიზის, შედარებისა და შეფასების საუკეთესო საშუალებას იძლევა. ფაქტია, კურიერმა არაერთი წერილი გადასცა მოსარჩელისგან მოპასუხეს და არ არსებობს კონკრეტული მტკიცებულება, ჩაბარებული გზავნილი ნამდვილად შეეხებოდა თუ არა სარჩელს. აღნიშნული საკამათოა თავად ორი ინსტანციის სასამართლოს მიერ წარმოდგენილი დასკვნების ფარგლებშიც. შესაბამისად, ორგანიზაცის ხელმძღვანელი ფიქრობს, რომ ახალი დასკვნა საქმეზე ჭეშმარიტების დადგენის მიზნით, მნიშვნელოვან როლს შეასრულებს. ცნობისთვის: „ახალგაზრდა ადვოკატებმა“ „ლიდერფუდის“ საქმეზე კვლევა: „ბიზნესი და სასამართლო - „ლიდერფუდის“ საქმის სამართლებრივი ანალიზი“, 2020 წლის 6 ივლისს გამოაქვეყნეს. ორგანიზაციამ ყურადღება დაუთმო ბიზნეს დავის ირგვლივ სასამართლოს დასაბუთებული გადაწყვეტილების შესწავლის ინტერესს და აღნიშნა, რომ სასამართლოს მხრიდან ბიზნეს-დავების განხილვა ნდობის მაღალ ხარისხს უნდა ეფუძნებოდეს. ორგანიზაციამ, ამ მიზნით, საქმის მასალებზე ხელმისწავდომობა პროცესის მონაწილე მხარეებს სთხოვა. პროცესის მონაწილე მხარეებმა სრულად მიაწოდეს ორგანიზაციას საქმის მასალები, რაც იქნა შესწავლილი, კვლევა კი მიეწოდა სასამართლო სისტემას, საერთაშორისო ორგანიზაციებს, ბიზნეს-ინსტიტუციებს. ორგანიზაცია საქმეზე აგრძელებს დაკვირვების ... ...
  • "სწავლის დაწყებისა და არჩევნების თარიღების შეცვლისთვის დღეს საფუძველი არ არსებობს"საქართველოს პრემიერ-მინისტრის, გიორგი გახარიას განცხადებით, სწავლის დაწყების გადადებისთვის წინაპირობა არ არსებობს. მისივე თქმით, ასევე არ არსებობს იმის საფუძველი, რომ არჩევნების თარიღი შეიცვალოს. „დღეის მდგომარეობით, არანირი პირობა, რომ სწავლა გადაიდოს და 15 სექტემბრიდან ბავშვებმა საკლასო ოთახებში არ დაიწყონ განათლების მიღება, არ არსებობს. დღეს ასეთი მოცემულობა არ არსებობს. ასევე, არ არსებობს არანირი საფუძველი არჩევნების ჩატარების თარიღის ცვლილებაზე სასაუბროდ“, – განაცხადა ... ...
  • შაქარაშვილის საქმე _ რის შესახებ გააფრთხილეს ბრალდებულების ადვოკატები გიორგი შაქარაშვილის საქმეზე ბრალდებულების ადვოკატები საქმის მასალებისა და მონაცემების გამჟღავნების დაუშვებლობაზე გააფრთხილეს. ამის შესახებ გენერალური პროკურატურის მიერ გავრცელებულ ინფორმაციაშია ნათქვამი. „საზოგადოებისთვის ცნობილია, რომ საქართველოს შინაგან საქმეთა სამინისტროში ინტენსიურ რეჟიმში მიმდინარეობს გამოძიება გიორგი შაქარაშვილის დამამძიმებელ გარემოებებში ჩადენილი განზრახ მკვლელობის სისხლის სამართლის საქმეზე. მოპოვებული მტკიცებულებების საფუძველზე, 2020 წლის 11 აგვისტოს, ჯგუფურად ჩადენილი განზრახ მკვლელობისათვის საქართველოს სსკ-ის 109-ე მუხლის მეორე ნაწილის ,,ე" ქვეპუნქტით, ბრალდება წარედგინა 5 პირს, რის თაობაზეც ინფორმაცია  საზოგადოებას მიეწოდა. გამოძიების  საწყის  ეტაპზე, სატელევიზიო სივრცეში, ბეჭდურ მედიასა თუ სოციალურ ქსელებში დაფიქსირდა სისხლის სამართლის საქმის მასალების გამოქვეყნების ფაქტები, ხშირი იყო გასაჯაროებული მასალების არარელევანტური ინტერპრეტაციები, რაც დანაშაულის სიმძიმისა და ხასიათის გათვალისწინებით, უარყოფით გავლენას ახდენდა შემდგომში ჩასატარებელი საგამოძიებო/საპროცესო მოქმედებების შედეგებზე, ვინაიდან დასაკითხმა პირებმა დაკითხვამდე წინასწარ იცოდნენ გამოძიების ვერსიები, სტრატეგია და მოსალოდნელი მოქმედებები. აქვე უნდა აღინიშნოს, რომ საქმის მასალების საჯარო განხილვები და არასწორი, ხშირ შემთხვევაში ყოველგვარ საფუძველს მოკლებული, შეფასებები და დასკვნები, იწვევს დაზარალებულთა ხელახალ ვიქტიმიზაციას, აგრეთვე აზიანებს გამოძიებაში მონაწილე ფიგურანტი არასრულწლოვანი პირების საუკეთესო ინტერესების დაცვას. საქმე ეხება უმძიმეს დანაშაულს - მკვლელობას და    მიუხედავად მაღალი საზოგადოებრივი ინტერესისა, უმნიშვნელოვანესია გამოძიება წარიმართოს საპროცესო კანონმდებლობის სრული დაცვით, მართლმსაჯულება აღსრულდეს დანაშაულის ჩამდენ პირთა მიმართ. საქართველოს სისხლის სამართლის საპროცესო კანონმდებლობის მოთხოვნათა დაცვით, ბრალდების მხარემ დაცვის უფლების განხორციელების მიზნით სრულად გადასცა დაცვის მხარეს სისხლის სამართლის საქმეში არსებული მასალები, თუმცა ზემოთ აღნიშნული გარემოებების გათვალისწინებით, მიზანშეწონილად მიიჩნია სისხლის სამართლის საპროცესო კოდექსის 104-ე მუხლით მინიჭებული უფლებამოსილების ფარგლებში, ბრალდებულთა ინტერესების დამცველი ადვოკატები გაეფრთხილებინა საქმის მასალებისა და მონაცემების გამჟღავნების დაუშვებლობაზე. საქართველოს პროკურატურა მომავალშიც უზრუნველყოფს საზოგადოების  ინფორმირებას გამოძიების შედეგების შესახებ“,_ ამბობენ ... ...
  • ჩარკვიანი: გიორგი ვაშაძეს ორი წლის განმავლობაში გამადიდებელი შუშით ვაკვირდებოდიგიორგი ვაშაძეს ორი წლის განმავლობაში გამადიდებელი შუშით ვაკვირდებოდი. მას დღევანდელ საქართველოში ალტერნატივა არ ჰყავს, – ამის შესახებ თაკო ჩარკვიანმა ქუთაისში, „სტრატეგია აღმაშენებელის“ ღონისძიებაზე განაცხადა. მისი განმარტებით, „სტარტეგია აღმაშენებელში“ გაწევრიანდა, რადგან გიორგი ვაშაძესთან ღირებულებითი თანხვედრა აქვს. „მეკითხებიან, რატომ გაერთიანდით და რატომ მაინცდამაინც გიორგი ვაშაძე. ალბათ, თავად ვაშაძემ არ იცოდა, რომ ორი წლის განმავლობაში გამადიდებელი შუშით უყურებდა ერთი ადამიანი და ეს მე ვიყავი. ამოვარჩიე ის ადამიანი, რომელსაც უკვე გაკეთებული აქვს და არ მეშინია იმის, რომ მე ახლა უნდა ველოდო, როდის რას მოიფიქრებს და გააკეთებს. მე ვნახე მისი ნამუშევარი – იუსტიციის სახლი. ვნახე მისი მუშაობა, როდესაც გაერთიანებული ოპოზიციის შტაბის უფროსი იყო. მიხაროდა, რომ იქ იყო ადამიანი, რომელსაც ინდივიდუალური ხმა ჰქონდა. პოლიტიკაში ეს ძალიან მნიშვნელოვანია”,_ განაცხადა თაკო ჩარკვიანმა. ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...