რატომ გახდა სტიქიის თანხები მაჟორიტართა უკმაყოფილების საბაბი

საზოგადოება

რატომ გახდა სტიქიის თანხები მაჟორიტართა უკმაყოფილების საბაბი

8 აგვ. 2016, 18:34:16

9 ივლისს მომხდარი სტიქიის შედეგების სალიკვიდაციოდ, ლანჩხუთის მთავარ საფინანსო დოკუმენტში ასახულმა მილიონ 652 300 ლარმა, რომელიც თექვსმეტივე ადმინისტრაციულ ერთეულზე გადანაწილდა, საკრებულოს წევრთა შორის აზრთა სხვადასხვაობა გამოიწვია.

მაჟორიტარ დეპუტატთა ნაწილი მიიჩნევს, რომ თანხა, რომელიც მათ სოფელს ერგო, სტიქიის შედეგების აღმოსაფხვრელად არაა საკმარისი.

სუფსის მაჟორიტარმა დეპუტატმა ჯუმბერ ბლაგიძემ საკუთარი წყენა ამ ფაქტთან დაკავშირებით საკრებულოს ბოლო სხდომაზე ხმამაღლა დააფიქსირა და როგორც მუნიციპალიტეტის გამგებელს, ასევე, საკრებულოს თავმჯდომარეს თხოვნით მიმართა, რომ ადგილზე ჩასულიყვნენ და საკუთარი თვალით ენახათ, რა მდგომარეობაცაა სუფსაში. ბლაგიძის თქმით, სუფსის ადმინისტრაციულ ერთეულს მოთხოვნილი თანხის მხოლოდ 10% ერგო:

"მე ამომრჩეველთან ვარ პასუხისმგებელი _ ის მთხოვს დახმარებას. ყველაფერი დავასურათე თითქოს, მაგრამ ზარალის ზომები შემცირებულია", _ აღნიშნა ბლაგიძემ და იმ კომისიის შემადგენლობაც დაიწუნა, რომელიც ადგილზე სწავლობს სტიქიის შედეგებს.

აღმოჩნდა, რომ წელს მომხდარი სტიქიის სალიკვიდაციო თანხიდან სუფსას მხოლოდ 20 ათასი ლარი ერგო, რომელიც მოსახლეობის ნაკვეთის მიმდებარედ კოლექტორის რეაბილიტაციას მოხმარდება.

იმავე სხდომაზე მყოფმა ლანჩხუთის მუნიციპალიტეტის გამგებელმა ზაზა ურუშაძემ უპასუხოდ არ დატოვა ბლაგიძის მხრიდან გამოთქმული შენიშვნა:

"ყველგან პირადად ჩავდიოდი და ვნახულობდი ობიექტებს. სუფსაში მე დაზიანებული ობიექტი არ მინახავს. თქვენ ვისაც ენდობით, იმას დაათვლევინეთ ზარალი".

ბლაგიძის გარდა, სტიქიის თანხის განაწილებით უკმაყოფილო დარჩა ნიგოითის ადმინისტრაციული ერთეულის დეპუტატი თემურ ალექსაიაც, რომელიც, როგორც გაირკვა, 60 ათას ლარს ითხოვდა, თუმცა, საბოლოოდ, 34 ათასი ლარი ერგო, რაც სამ ობიექტზე გადანაწილდა. კერძოდ, სოფელ ნიგოითში 4 ათას ლარი დამეწყრილი ადგილის გაწმენდასა და დამცავი რკინა-ბეტონის კედლის მოწყობას მოხმარდება; ნიგოითშივე 24 ათას ლარად ხიდი გაკეთდება; სოფელ ქვიანშიც ხიდის რეაბილიტაციას მოხმარდება დარჩენილი თანხა.

სხვათა შორის, ალექსაია გასული წლის ოქტომბერში მომხდარი სტიქიის სალიკვიდაციო 850 ათასი ლარის განაწილებითაც ვერ დარჩა კმაყოფილი, რომელიც საქართველოს მთავრობის განკარგულებით, ახლა გამოეყო მუნიციპალიტეტს _ ამ თანხიდან ნიგოითს 10 982 ლარი ერგო.

სოფელ ჩოჩხათის წილმა ცხრა ივლისის სტიქიის სალიკვიდაციო თანხიდან 78 800 ლარი შეადგინა. ჩოჩხათის მაჟორიტარი დეპუტატის მოსაზრებით, როცა სახელმწიფო გაძლევს ამდენს თანხას, მასზე უარის თქმა დაუშვებელია: "ფეხის ტრავმის გამო, არ ვიცი, ჩოჩხათს რა ზიანი მიადგა, მაგრამ ამ თანხაზე უარის თქმა არ ღირს. სტიქია ყველგან ერთნაირი არ იქნება და თანხები გადავანაწილოთ", _ აღნიშნა სარიშვილმა.

78 800 ლარიდან, რომელიც ჩოჩხათის ადმინისტრაციულ ერთეულს ერგო, 6 900 ლარი სოფელ ხორეთთან დამაკავშირებელი ხიდის აღდგენას მოხმარდება, 1400 ლარად მილხიდი გაკეთდება, ხოლო 18 ათასი ლარით _ ყორე-ქვის გაბიონი გაკეთდება იქ, სადაც მდინარემ წაიღო და დააზიანა მოსახლეობის ნაკვეთები. ჩოჩხათში, ე.წ. კუპრაძეების უბანში სტიქიის გამო მწყობრიდან გამოსული ხიდის მოსაწყობად 19 500 ლარია გათვალისწინებული, 22 ათასი ლარით კი ნაბუქარაში მდინარის მიერ ჩამოშლილი გზის ნაპირის რეაბილიტაცია გახორციელდება. დაზიანებული შიდა სასოფლო გზების აღდგენისთვის 11 ათასი ლარია გამიზნული.

უშუალოდ ქალაქის ტერიტორიაზე ცხრა ივლისს მომხდარი სტიქიის სალიკვიდაციოდ 35 500 ლარი გაიხარჯება. აქედან, 17 500 ლარით საცალფეხო ხიდის ნაპირსამაგრი სამუშაოები გახორციელდება, ხოლო 18 ათასი ლარი ხოფერიას ქუჩაზე ხიდის რეაბილიტაციას ესაჭიროება.

აკეთის ადმინისტრაციაში, სტიქიის თანხიდან 118 500 ლარის სამუშაოების შესრულება იგეგმება: 20 400 ლარი ხიდის აღდგენისთვის გაიხარჯება აცანა-აკეთის დამაკავშირებელ გზაზე; 18 ათასი ლარია საჭირო აკეთი-ძიმითის გზის მონაკვეთზე მილხიდის რეაბილიტაციისთვის; 2 200 ლარით სტიქიის შედეგად დამეწყრილი გზა გაიწმინდება; 3 500 ლარით აკეთში მცხოვრები გოჩა ჩხაიძის ეზოსთან მილხიდი გაკეთდება; 8 600 ლარით ასევე მილხიდი გაკეთდება; სოფელ გაგურში საბავშვო ბაღთან მილხიდის მოწყობას 5 300 ლარი ესაჭიროება; დაზიანებული ხიდის მოსაწყობად 17 500 ლარია გამოყოფილი; ოზურგეთთან დამაკავშირებელ გზაზე ხიდის აღსადგენად 18 ათასი ლარია საჭირო, ხოლო სოფლის შიდა გზების რეაბილიტაციისთვის 25 ათასი ლარია გამოყოფილი.

მამათის ადმინისტრაციულ ერთეულში სტიქიისგან მიყენებულმა ზარალმა 159 600 ლარი შეადგინა, რაც შვიდ ობიექტზე გადანაწილდა. კერძოდ, კონჭკათის გზაზე ჩამოწოლილი მეწყრის გასაწმენდად 10 500 ლარი დაიხარჯება; ქვემო მამათში მდინარეზე ნაპირსამაგრი სამუშაოების შესასრულებლად 52 500 ლარი საჭირო; ე.წ. საცავას უბანში ხიდის მოწყობას 18 200 ლარი მოხმარდება; ამავე უბანში მეორე ხიდის სრული რეაბილიტაციისთვის 20 600 ლარია გამოყოფილი; მამათში მცხოვრები ზურაბიშვილის ეზოსთან მდებარე ხიდის წესრიგში მოსაყვანად 23 500 ლარია საჭირო; სოფლის სასაფლაოსთან საცალფეხო ხიდის რეაბილიტაციისთვის _14 300 ლარი; შიდა გზების აღდგენისთვის _ 20 ათასი ლარი.

ჯურუყვეთში სტიქიის შედეგების აღმოსაფხვრელად ამ ჯერზე 160 ათასი ლარი გაიხარჯება. 35 ათას ლარად აქ ვასილ გიგინეიშვილის ეზოსთან დაზიანებული ხიდის რეაბილიტაცია მოხდება; ასევე ხიდი გაკეთდება ჯურუყვეთელი აკაკი დიასამიძის ნაკვეთთან, რისთვისაც 45 ათასი ლარია საჭირო; ამავე სოფელში, ერთ-ერთ ეზოსთან არსებული ხიდის გამაგრებას 5 000 ლარი მოხმარდება; ასევე ხიდის რეაბილიტაციას მოხმარდება დარჩენილი 75 ათასი ლარიც.

ღრმაღელეში სტიქიამ რვა ობიექტი დააზიანა, რისთვისაც 117 200 ლარია საჭირო. აქ გზის გარკვეულ მონაკვეთზე, სადაც ჩამოწოლილია მეწყერი და ჩახერგილია საწრეტი არხი, გაწმენდითი სამუშაოების გასახორციელებლად 1 200 ლარია საჭირო; სოფელ ომფარეთში, სადაც ადგილი აქვს მეწყერულ მოვლენებს და საფრთხე ემუქრება საკარმიდამო ნაკვეთსა და საცხოვრებელ სახლს, გამაგრებითი სამუშაოების შესასრულებლად 7 000 ლარი დაიხარჯება; სოფელ ორმეთში ერთ-ერთი მოსახლის საკარმიდამო ნაკვეთთან ხიდის მოსაწყობად 15 ათასი ლარის ღირებულების სამუშაოები შესრულდება; მსგავსი საქმისთვის წყალწმინდაში 17 ათასი ლარია საჭირო; წყალწმინდაშივე მდინარეზე ნაპირსამაგრი სამუშაოები გახორციელდება და ჯამში 47 ათასი ლარია გათვალისწინებული; დაზიანებული შიდა გზების რეაბილიტაციას 30 ათასი ლარი მოხმარდება.

ნინოშვილში სტიქიის ზარალმა 133 500 ლარია შეადგინა, რაც ხუთ ობიექტზე გადანაწილდა: აქ 60 ათასი ლარით ყორე-ქვის გაბიონით მდინარის კალაპოტი გაკეთდება; ხიდისთვის 12 ათასი ლარია საჭირო; 13 500 ლარად კი ე.წ. "ანჯიეთის" ხიდის რეაბილიტაციას მოხმარდება; სანიაღვრე არხის მოწყობისთვის 9 800 ლარია გამიზნული. მოსახლის ეზოსთან ორრიგიანი ყორე-ქვის გაბიონის გასაკეთებლად 32 ათასი ლარის ღირებულების სამუშაოები შესრულდება; ნინოშვილში გზის შეკეთებისთვის 6 200 ლარი გახდა საკმარისი.

ყველაზე მეტი თანხა აცანას ერგო, სადაც რვა ობიექტზე სამუშაოების შესასრულებლად 235 700 ლარია გათვალისწინებული. აქედან ორ ობიექტზე მილხიდის რეაბილიტაცია იგეგმება, რისთვისაც ჯამში14 800 ლარია საჭირო; 8 500 ლარის სამუშაოები შესრულდება იმ მონაკვეთზე, სადაც მეწყერმა გარესამყაროს ხუთი ოჯახი მოწყვიტა; ხიდის მოწყობისთვის 6 200 ლარითაა შესაძლებელი; მდინარე აცაურასგან დაზიანებული მონაკვეთის რეაბილიტაციას 60 ათასი ლარი მოხმარდება; აცანა-აკეთის გზაზე, სადაც სანიაღვრე არხის მოწყობაა აუცილებელი, 120 ათასი ლარი დაიხარჯება; ე. წ. მერვე ბრიგადაში ჩამოწოლილი მეწყერის გასაწმენდად 1 400 ლარი გამოიყო; 24 800 ლარით დაზიანებული შიდა გზების რეაბილიტაცია მოხდება.

ზარალმა სოფელ შუხუთში 44 600 ლარი შეადგინა, საიდანაც ზემო შუხუთში სანიაღვრე არხის გასაწმენდად 3 500 ლარი დაიხარჯება; ორ ობიექტზე ყორე-ქვის გაბიონის გასაკეთებლად, ჯამში, 37 600 ლარია გამიზნული, ხოლო შეროზიების უბანში 3 500 ლარად რკინა-ბეტონის სანიაღვრე არხი მოეწყობა.

გვიმბალაურის ადმინისტრაციულ ერთეულში 175 ათასი ლარის სამუშაოები შესრულდება სტიქიის სალიკვიდაციო თანხიდან, რაც სრულად მოხმარდება ნაპირსამაგრი სამუშაოების შესრულებას.

მაჩხვარეთისთვის 121 300 ლარია გათვალისწინებული, რაც ხუთ ობიექტზე გადანაწილდა: 22 ათას ლარად ორაგვეში დაზიანებული ხიდის აღდგება; 21 ათასი ლარი გზის შევიწროებული ნაწილის აღდგენისთვის დაიხარჯება; ერთ-ერთი მოსახლის ეზოსთან ნაპირის გასამაგრებლად 35 ათასი ლარია საჭირო; ე.წ. "მაშოს" ხიდის რეაბილიტაციას 17 500 ლარი ესაჭიროება; რკინა-ბეტონის არხის მოსაწყობად 7 800 ლარია გამიზნული; ორაგვეში გზის შეკეთებას 62 ლარი სჭირდება.

ჩიბათში ზარალის აღმოსაფხვრელად 145 200 ლარის სამუშაოები უნდა გახორციელდეს: მურმან ქურციკიძისა და მანანა იმნაძის ნაკვეთებთან მისასვლელი გზის რეაბილიტაციას, ჯამში, 48 ათასი ლარი სჭირდება; არხის გაწმენდისთვის 5 500 ლარია გათვალისწინებული; ყორე-ქვის გაბიონის მოწყობა ჩიბათში სამ ობიექტზე მოხდება და მთლიანობაში საამისოდ 46 300 ლარია განკუთვნილი; "კანტორასთან" ხიდის რეაბილიტაცია 1 400 ლარის სამუშაოებს ითვალისწინებს, ხოლო მერეს უბანში დაზიანებული ხიდის მოწყობასთან ერთად, ნაპირსამაგრი სამუშაოებიც უნდა გახორციელდეს, რისთვისაც 30 ათასი ლარია გამიზნული.

ნიგვზიანში 114 ათას ლარად ხუთ ობიექტზე გახორციელდება სტიქიის სალიკვიდაციო სამუშაოები. აქ ხიდის რეაბილიტაცია ორ ადგილზე მოხდება და ჯამში, 34 ათასი ლარია გათვალისწინებული. ასევე, ორ ობიექტზეა გასახორციელებელი ნაპირსამაგრი სა




 ახალი ამბები
  • „სჯობს, ტყუილებს გადაეჩვიონ”:დიზელის საწვავზე ერთლარიანი შეღავათი 39 თეთრამდე ჩამოსწიეს საქართველოს მთავრობის მიერ  შემუშავებული ანტიკრიზისული ეკონომიკური გეგმა, რომლის მიხედვით ფერმერებს ერთი ლარის ფასდაკლებით სთავაზობდნენ დიზელის საწვავის შეძენას, დღეს ეს შეღავათი, მაქსიმუმ,  32 თეთრს  შეადგენს და ბენეფიციარები უკმაყოფილებას არ მალავენ. ისინი განსაკუთრებულ გულისწყრომას ბანკებსა თუ ბენზინგასამართ სადგურებში, რიგში დგომისას,  გამოხატავენ: _ზუსტად ერთი ლარის ოდენობის შეღავათს შეგვპირდნენ, მერე რომ  მივხვდით, გვატყუებდნენ, ერთ ლარამდე გეხმარებოდითო. ახლა   1,48 თეთრს  ვიხდით  და სულ ერთი ლიტრი დიზელის საწვავი 1,87 ლარი ღირს. რა გამოდის? 39 თეთრია შეღავათი. თან ყოველ კვირაში აკლებენ. რა  ჰქვია ამას, თან  ახლა ვის სჭირდება საწვავი. ყანები დახნულ-დათესილია.  მოსავლის აღების და შეშის მოჭრის სეზონი ჯერ არ არის. სჯობს, ტყუილებს გადაეჩვიონ, დიზელის საწვავზე ლარიანი შეღავათი 39 თეთრამდე რომ ჩამოსწიეს. ტყუილია საქმე, თორემ არც მაგას გვაძლევდნენ და კი ვიყავით. როდის დასრულდება თვალლთმაქცური ტყუილები ამ ქვეყანაში? -გვეუბნებიან ფერმერები: სერგო ბოიაჯანი, ალექსანდრე ხინთიბიძე, გიორგი ლომჯარია, თინა ვაშაყმაძე და სხვები.  მართლაც, როცა  პრემიერმა წარადგინა ანტიკრიზისული გეგმა,  კონკრეტულ მიმართულებაში „ზრუნვა სოფელსა და ფერმერეზე“, ქვეთავში,  „პროგრამით სარგებლობის ინსტრუქცია“,  ნათქვამი იყო, რომ: „პროგრამაში ჩართულ ფერმერებს სოფლისა და სოფლის მეურნეობის განვითარების სააგენტოს რეგიონულ სამსახურებში, იუსტიციის სახლებსა და საზოგადეობრივ ცენტრებში დაურიგდებათ ავტოგასამართი კომპანიის (,,სოკარ ჯორჯია პეტროლეუმი”) ფასდაკლების ბარათები. აღნიშნული ბარათებით, პროგრამით მოსარგებლე ფერმერებს, შესაძლებლობა ექნებათ, დიზელის საწვავი, მიმდინარე წლის განმავლობაში, დიზელის ბრენდირებულ ავტოგასამართ სადგურებში ფიქსირებულ ფასზე,  დაახლოებით, 1 ლარით ნაკლებ ფასად შეიძინონ. საწვავის შეძენა შესაძლებელი იქნება „სოკარ პეტროლეუმ-ჯორჯიას” საბითუმო ბაზებიდან და ავტოგასამართი სადგურებიდან.“  „გურია ნიუსი“ კვლავ დაუკავშირდა სოფლის მეურნეობის სამინისტროს პრესსამსახურს. აქ მოგვცეს საშუალება, პროგრამის კოორდინატორთან, ლევან მიროტაძესთან გვესაუბრა.:  ლევან მიროტაძე ადასტურებს, რომ ახლა  ნაკლებია  შეღავათი და ის 32   თეთრს შეადგენს. თუმცა,  ამას ასე ხსნის: _ანტიკრიზისული გეგმის ფარგლებში როცა გახორცილედა პროექტი, ბენზინგასამართ სადგურებზე 1,90 ლარი ღირდა დიზელის საწვავის ფასი. პროექტის მიხედვით კი _ 1,10 ლარი.   ჩვენი მიმართვის საფუძველზე მხოლოდ „სოკარმა“ შემოგვთავაზა იდეალური ფასი, ტენდერის ფარგლებში. თუმცა, ყოველ თვეში  იცვლება საწვავის კონსოლიდირებული ფასი. როცა დავიწყეთ პროექტი, მაშინ ფასი დაბალი იყო. დღეისთვის კი კონსოლიდირებული ფასი 1,66 ლარია. ახლა გამოდის შეღავათი 32 თეთრი. ეს შეღავათი წლის ბოლომდე გვაქვს გადანაწილებული და სავარაუდოდ, საწვავის ფასი უფრო დაიწევს. ციგრებით რომ ვისაუბროთ, ჯამში  2 მილიონ ლარზე მეტია დანაზოგი, - გვითხრა ... ...
  • თიბისის მხარდაჭერით, „აჭარა ტექსტილის“ ჯგუფის კიდევ ერთი საწარმო - „ქართული ტექსტილი“ გაიხსნებარუსთავში, თიბისის მხარდაჭერით, ტექსტილის მაღალტექნოლოგიური საწარმო - „ქართული ტექსტილი“ გაიხსნება. 14 ივლისს, 38 000 კვ.მ ფართობის მიწაზე 20 000 კვ.მ ფართობის ქარხნის მშენებლობას ჩაეყარა საძირკველი. შ.პ.ს „ქართული ტექსტილი“ „აჭარა ტექსტილის“ ჯგუფის რიგით მეოთხე საწარმოა. ქსელის სხვა საწარმოების მსგავსად, რუსთავში მდებარე ახალ სამკერვალო ქარხანაში სპორტული სამოსი შეიკერება, რომელიც ექსპორტზე გავა. საწარმოში 2000-მდე ადგილობრივი ადამიანი დასაქმდება. პროექტის ჯამური ღირებულება 30 მილიონი ლარია, საიდანაც 10 მილიონ ლარს თიბისი სააგენტოს - „აწარმოე საქართველოში“  პროგრამის ფარგლებში დააფინანსებს. ქართული ექსპორტიორი კომპანია „აჭარა ტექსტილი“ საფეიქრო მრეწველობის სფეროში 2009 წლიდანაა ჩართული და დღემდე ბათუმში, ქობულეთსა და ფოთში სამ სამკერვალო ქარხანას აერთიანებდა, სადაც ჯამში 3500 ადამიანია დასაქმებული. კომპანია სპორტული პორდუქციის რეალიზაციას საერთაშორისო ბაზარზე ახორციელებს და ისეთ მსხვილ სპორტულ ბრენდებთან თანამშრომლობს, როგორებიცაა: Nike, Adidas, Puma, Lotto, Erima, Under Armour და სხვა. საწარმოებში სპორტული სამოსი მსოფლიოში წამყვანი სპორტული გუნდებისთვის (აიაქსი, არსენალი, ლიონი, მალაგა, ატლეტიკო, მადრიდი, გალათასარაი) და სხვადასხვა ეროვნული ნაკრებისთვის (საფრანგეთი, ინგლისი, პორტუგალია, ხორვატია, შევიცარია) იკერება. ჯგუფი წლიურად 10 000 000 ერთეულ სპორტულ პროდუქტს ქმნის, რუსთავში ახალი ქარხნის ამოქმედებით კი წარმოების მოცულობა კიდევ უფრო გაიზრდება. „თიბისისთვის პრიორიტეტული და განსაკუთრებით მნიშვენლოვანია ისეთი ბიზნესების მხარდაჭერა, რომლებიც მაღალი ხარისხის ეროვნულ წარმოებას ავითარებს და ადგილობრივების დასაქმებას უწყობს ხელს. ჩვენთვის საამაყოა იმ პროდუქციის შექმნაში წვლილის შეტანა, რომელიც საერთაშორისო ბაზარზე Made in Georgia-ს ეტიკეტით გადის. „აჭარა ტექსტილის“ დამსახურებით საფეხბურთო ჩემპიონატებზე არაერთი გუნდი სწორედ საქართველოში შეკერილი ფორმებით ასპარეზობს. არსებულ კრიზისულ პერიოდში ჩვენი მთავარი მიზანია უზრუნველვყოთ ბიზნესსექტორის და ზოგადად, ქართული ეკონომიკის უწყვეტი ფუნქციონირება. გვიხარია, რომ გამოწვევებითა და სირთულეებით სავსე ახალი რეალობის მიუხედავად, ეროვნული წარმოება გრძელდება და ფართოვდება კიდეც“, - ლევან შავკაციშივილი, თიბისი ბანკის კორპორატიული კლიენტების მომსახურების დეპარტამენტის უფროსი. ... ...
  • "ოკრიბაზე" მძღოლებს თანხას სძალავდნენ- შსს-მ ე.წ. კრიმინალური ავტორიტეტები დააკავათბილისში დააკავეს ე.წ. კანონიერი ქურდები, რომლებიც "ოკრიბაზე" მძღოლებს ყოველთვიურად თანხას სძალავდნენ. როგორც შინაგან საქმეთა სამინისტროს მიერ გავრცელებულ ინფორმაციაშია ნათქვამი: „შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად სამი პირი: 1971 წელს დაბადებული მ.რ., 1968 წელს დაბადებული ლ.ა და 1973 წელს დაბადებული კ.დ. „ქურდული სამყაროს“ წევრობისა და ჯგუფურად ჩადენილი გამოძალვის ბრალდებით დააკავეს. დანაშაული 7-დან 10 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ე.წ. კრიმინალური ავტორიტეტები და „ქურდული სამყაროს“ წევრები - ლ.ა., კ.დ. და მ.რ. თბილისში, ავტოსადგურ „ოკრიბას“ მიმდებარე ტერიტორიაზე თვითდასაქმებულ მოქალაქეებს, რომლებიც საკუთარი ავტომობილებით მგზავრთა გადაყვანას ახდენდნენ, ფიზიკური ანგარიშსწორების მუქარითა და „ქურდული გარჩევის“ გზით, ყოველთვიურად გარკვეულ თანხას სძალავდნენ. „ქურდული სამყაროს“ წევრობის და გამოძალვის ფაქტებზე გამოძიება საქართველოს სისხლის სამართლის კოდექსის 223-ე პრიმა მუხლის 1-ლი ნაწილით და 181-ე მუხლის მე-2-ნაწილის „ა“ ქვეპუნქტით ... ...
  • " გადაურჩა დაწვას"- მკვლელობის მცდელობა გენდერული დისკრიმინაციის ნიშნით საქართველოს პროკურატურამ ოჯახის წევრის მიმართ განსაკუთრებული სისასტიკით ჩადენილი განზრახ მკვლელობის მცდელობის ფაქტზე  შ.გ.-ს ბრალდება დაუზუსტა და დანაშაულის ჩადენის მოტივად  გენდერული დისკრიმინაცია დაადგინა. შინაგან საქმეთა სამინისტროს მიერ ჩატარებული გამოძიებით დადგინდა, რომ 2020 წლის 30 ივნისს, შ.გ.-მ მასთან არარეგისტრირებულ ქორწინებაში მყოფ ს.შ.-ს მიაყენა სიტყვიერი და ფიზიკური შეურაცხყოფა, შემდეგ ბენზინი მიასხა და ცეცხლი წაუკიდა. ბრალდებული შემთხვევის ადგილიდან მიიმალა, ხოლო ს.შ.-ს ადგილზე შეკრებილი ადამიანების დახმარებით გადაურჩა დაწვას. სამართალდამცველებმა ს.შ. იმავე დღეს დააკავეს. მას ბრალდება  საქართველოს სისხლის სამართლის კოდექსის 11 პრიმა 19,109-ე მუხლის მე-2 ნაწილის ,,ვ'' ქვეპუნქტით და მე-3 ნაწილის „ბ" ქვეპუნქტით წარედგინა. სისხლის სამართლის საქმეზე მიმდინარე გამოძიების ფარგლებში შეკრებილი მტკიცებულებების საფუძველზე დადგინდა, რომ შ.გ.-მ მკვლელობის მცდელობა გენდერული დისკრიმინაციის ნიშნით ჩაიდინა. ასევე, გამოძიებით დადგინდა, რომ  2020 წლის თებერვალსა და მაისში  შ.გ.-მ გენდერული დისკრიმინაციის ნიშნით ს.შ.-ს მიმართ ფიზიკური ძალადობა განახორციელა. 2020  წლის 13 ივლისს შ.გ.-ს ბრალდება დაუზუსტდა და  ბრალი  წარედგინა საქართველოს სისხლის სამართლის კოდექსის 11 პრიმა 19.109-ე მუხლის მე-2 ნაწილის ,,დ1"  და ,,ვ" ქვეპუნქტებით და მე-3 ნაწილის ,,ბ" ქვეპუნქტით და 126-ე პრიმა მუხლის პირველი ნაწილით (ორი ეპიზოდი). სისხლის სამართლის საქმეზე გამოძიება ... ...
  • მოხმარებისთვის გამოუსადეგარი ოდენობით ნარკოტიკის უკანონო შეძენა/შენახვისთვის მსჯავრდებული პატიმრობიდან გათავისუფლდათბილისის სააპელაციო სასამართლომ, რამდენიმე წუთის წინ, დააკმაყოფილა GDI-ს შუამდგომლობა განაჩენის გადასინჯვის თაობაზე. სასამართლომ გააუქმა მსჯავრდებულისთვის სასჯელის სახედ და ზომად დანიშნული 5 წლიანი პატიმრობა და ის გაათავისუფლა პენიტენციური დაწესებულებიდან. მსჯავრდებული 2016 წლიდან სასჯელს იხდიდა ნარკოტიკული დანაშაულისთვის, კერძოდ მეტამფეტამინის, წონით 0,000036 გრამი და ამფეტამინის, წონით 0,000033 გრამი შეძენისა და შენახვისთვის. სასამართლომ გაიზიარა დაცვის მხარის და ექსპერტის პოზიცია, რომ ნარკოტიკული საშუალებების აღნიშნული ოდენობები არ მიეკუთვნებოდა მოხმარებისთვის ვარგის დოზებს, ხოლო პატიმრობის გამოყენება წარმოადგენდა ღირსების შემლახავი სასჯელის გამოყენებას. საქართველოს საკონსტიტუციო სასამართლომ 2020 წლის 4 ივნისის განჩინებით, ღირსების შემლახავი სასჯელის გამოყენებად მიიჩნია და არაკონსტიტუციურად ცნო სისხლის სამართლის კოდექსის იმ ნორმის შინაარსი, რომელიც პატიმრობის გამოყენებას ითვალისწინებდა მოხმარებისთვის უვარგისი ოდენობით ნარკოტიკულ საშუალებათა უკანონო შეძენისა და შენახვისთვის. GDI აცხადებს, რომ მზად არის განაჩენის გადასინჯვაში დაეხმაროს ყველა იმ პირს, ვინც მოხმარებისთვის უვარგისი ოდენობით ნარკოტიკული საშუალების უკანონო შეძენა/შენახვისთვის იხდის ... ...

არქივი

ტესტები

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...