ვინ არის იტალიელი, რომელმაც „საქართველოს ისტორია“ იტალიურად თარგმნა

საზოგადოება

ვინ არის იტალიელი, რომელმაც „საქართველოს ისტორია“ იტალიურად თარგმნა

12 ოქტ. 2016, 20:59:55

იტალიელ ფრანჩესკო ტრეჩის საქართველოსთან და ქართველ ხალხთან დიდი სიყვარული აკავშირებს. ალბათ, არცაა გასაკვირი, რატომ ესტუმრა ოთხჯერ ჩვენს ქვეყანას და გადაწყვიტა საქართველოს ისტორია იტალიურად ეთარგმნა, გაეცნო იგი თავის მოქალაქეთათვის.

"საქართველოს ისტორიის" შესახებ დაწერილმა ამ წიგნმა ფრანჩესკო ტრეჩის ცხოვრება და მისი რიტმი საგრძნობლად შეცვალა,  მეტად საინტერესო და ლიტერატურული გახადა.

მთარგმნელმა იტალიის სხვადასხვა ქალაქში წარუდგინა წიგნი "საქართველოს ისტორია" ადამიანებს, რომელთაც საქართველოს სიყვარული აერთიანებთ. განსაკუთრებული აღიარება კი მან იტალიაში მცხოვრებ ქართველ ემიგრანტებში მოიპოვა. ფრანჩესკო ყველა ქართველისთვის ახლობელი და დასაფასებელი გახდა.

როგორ დაიბადა წიგნის შექმნის იდეა, მიაღწია თუ არა მან დასახულ მიზანს და როგორია იტალიელის თვალით დანახული საქართველო, _ ამის შესახებ ფრანჩესკო ტრეჩი "გურია ნიუსთან" საუბრობს.

_თქვენს ბიოგრაფიაში გაჩნდა ახალი, სრულიად უცხო ქვეყანა - საქართველო. იტალურ ენაზე თარგმნეთ და გამოეცით "საქართველოს ისტორია".  თუ შეიძლება, მინდა, თხრობა იქიდან დაიწყოთ, როდესაც დაიბადა წიგნის დაწერის იდეა.

_ საქართველოს ისტორიის შესახებ წიგნის დაწერის იდეა 2014 წელს გამიჩნდა და მისი განხორციელება მალევე, 2015 წელს შევძელი. საქართველო დიდი ხნის წინ შემიყვარდა. წინა წლებში(2002-2003), როდესაც დავინტერესდი თქვენი ქვეყნით, სამწუხაროდ, საქართველოს შესახებ მაშინ მწირი ინფორმაცია მოიპოვებოდა იტალიურ ენაზე. ქართველი პროფესორის გაგა შურღაიას დამსახურებით და მისი დახმარებით კი, ბევრი გავიგე საქართველოს ისტორიის, კულტურის შესახებ. ვგრძნობდი, რომ მაინც მაკლდა რაღაც, რაც მე თვითონ უნდა დამენახა და აღმეწერა. მინდოდა, უფრო მეტი გამეგო, რა იყო ამ ქვეყნის უკან. ამიტომაც გადავწყვიტე 2003 წელს საქართველოში ჩასვლა.

-_ვის წააკითხეთ პირველად წიგნი და როგორი შეფასება დაიმსახურა?

_ადამიანი, რომელსაც პირველს წავაკითხე ჩემი წიგნი, ფლორენციაში წმ. ნინოს სახელობის ქართული სამრევლოს წინამძღვარი მამა ანდრია ლაცაბიძე იყო. მამა ანდრიას ამ იდეის კურთხევა უნდოდა და ძალიან გაუხარდა, მოეწონა კიდევაც, როცა  წიგნს გაეცნო.

_როდის იგრძენით, რომ რაღაც კარგი გამოგივიდათ?

_ვფიქრობ, კი არადა, დარწმუნებულიც ვარ, რომ  ეს მოხდა წიგნის პირველ პრეზენტაციაზე. არ მეგონა, წიგნს ასეთი დაინტერესება თუ მოჰყვებოდა. ყველაფერი ჩემი ხარჯებით გავაკეთე, რადგან არცერთმა რედაქციამ არ დამიფინანსა. ისიც გაცნობიერებული მქონდა, რომ შესაძლოა მას არ მოჰყოლოდა დიდი გამოხმაურება და, რა თქმა უნდა, მზად ვიყავი წიგნის ეგზემპლარებს საპატიო ადგილი ჩემს სახლში დაეკავებინათ. მე მაინც ყველა შემთხვევაში ბედნიერი ვიყავი. როდესაც ფლორენციაში გამართულ წიგნის პირველ პრეზენტაციას უამრავი ხალხი დაესწრო და იქ წარმოდგენილი ყველა წიგნი გაიყიდა, მაშინ მივხვდი, რომ შევძელი ადამიანების ამ წიგნით დაინტერესება.

_თქვენ არაერთხელ სტუმრობდით საქართველოს. კონკრეტულად რომელი კუთხეები მოინახულეთ და რით მოიხიბლეთ ყველაზე მეტად?

_საქართველოს უკვე ოთხჯერ ვსტუმრობდი. რა თქმა უნდა, ვნახე საქართველოს დედაქალაქი თბილისი. შემდეგ ჩავედი კახეთში, აჭარასა და იმერეთში და ვნახე ქალაქები: მცხეთა, გორი, ქუთაისი, ასევე ვიყავი ყაზბეგში. თუმცა ჯერ კიდევ ბევრი ადგილი დამრჩა სანახავი: ვარძია, დავით გარეჯი, გურია, სამეგრელო, სვანეთი, თუშეთი, მთიულეთი. ყველაზე მეტად, რაც მომეწონა, ეს იყო ქართველი ხალხი. როგორც ადგილი - თბილისი, ჩემთვის მსოფლიოში ყველაზე ლამაზი ქალაქია. ვფიქრობ, რომ თბილისი ნამდვილად გამორჩეულია თავისი მრავალფეროვნებით. მაგალითად, თბილისის ერთ-ერთი უძველესი უბანი, აბანოთუბანი წააგავს ისლამურ ცენტრალურ აზიას. შთამბეჭდავია ძველი თბილისის, სოლოლაკის ეზო- აივნები. ასევე გამორჩეულია რუსთაველის გამზირი თავისი ელეგანტურობით, რომელიც არაფრით ჩამოუვარდება ევროპული ქალაქების იერსახეს. არ შეიძლება, არ აღვნიშნო ნარიყალა, რომელიც დედაქალს და მდინარე მტკვარს გადაჰყურებს. იქიდან ქალაქის ულამაზესი ხედი იშლება, ამის დანახვაზე სუნთქვა შემეკრა და იმ წამიდან შემიყვარდა თბილისი.

_ხომ არ აღმოაჩინეთ რაიმე მსგავსება ამ ორ ქვეყანას - იტალია-საქართველოს შორის?

_ რა თქმა უნდა, კი, ხასიათით, ხალისიანობით ცენტრალურ და სამხრეთ იტალიასთან გაქვთ საერთო, თუმცა ისეთი სტუმართმოყვარეობა, როგორიც თქვენ გაქვთ, ჩვენთან არ არის. საერთოა ჩვენს შორის საჭმლის სიყვარულიც. ჭამა, რა თქმა უნდა, ყველას გვიყვარს, სმაც (იცინის). ყველაზე მეტად ხაჭაპური, მწვადი მომეწონა, ოღონდ სახლში გაკეთებული ბევრად გემრიელია. ასევე მომეწონა საწებელი, რომლის სახელიც არ მახსოვს, მაგრამ გაკეთებული იყო ნიგვზით, რომელიც ახლახანს დავაგემოვნე ქალაქ ბარში წიგნის პრეზენტაციაზე. ქართული სამზარეულო ძალიან კარგი და მრავალფეროვანი. გემრიელი ყველი და ბოსტნეული გაქვთ, მწვანილს გამოვყოფდი. განსხვავებულია ჩვენი სამზარეულოები, თუმცა მსგავსებაც არის -ორივე გემრიელია. ქვევრის ღვინო, რომელიც კახეთში დავაგემოვნე ძალიან მომეწონა. გავსინჯე ისეთი ღვინოც, რომელიც მსუბუქი დასალევია, თან შეგიძლია ბევრიც დალიო. მახსოვს, ვსვამდით თეთრ ღვინოს და იმდენად გემრიელი იყო, არ გვწყინდებოდა მისი დალევა. მძიმე კი იყო, მაგრამ მაინც სასიამოვნო. იმ ხილს და ბოსტნეულს, რომელიც საქართველოში ვჭამე, განსაკუთრებული სურნელი და გემო ჰქონდა.

_ანუ ყველაფერი მოგწონებიათ...

_კი, კი ყველაფერი. (იცინის)

_ქართველი ემიგრანტების გარდა, არიან თუ არა წიგნის შეძენით დაინტერესებულნი იტალიელები?

_ქართველებისთვის ეს წიგნი უდიდესი მოვლენა აღმოჩნდა. რაც შეეხება იტალიელებს, ვისაც კავშირი აქვს ამ ქვეყანასთან, მაგალითად, ჰყავთ ქართველი მეგობრები, ერთხელ მაინც უმოგზაურიათ საქართველოში, ან იტალიელებთან მუშაობენ, აი, მათში დიდ ინტერესს იწვევს.  პულიაში (სამხრრეთ იტალიაში) შევხვდი ადამიანებს, რომლებსაც არანაირი კავშირი აქვთ საქართველოსთან, მაგრამ იციან მის შესახებ და უყვართ. ქალაქ ბარში ისეთ ადამიანსაც შევხვდი, რომელიც დაინტერესებულია ქართულის შესწავლით და მეტიც, უკვე წერს კიდევაც ქართულად. იგი დაახლოებით სამოცი წლის მამაკაცია.

_ქართული ძალიან რთულია ენაა?

_კი, მაგრამ იტალიურიც რთულია, სრულიად განსხვავებული დამწერლობაა, მაგრამ ამ ადამიანმა შეძლო მისი სწავლა. თქვენი ანბანი ძალიან მდიდიარია, დიდი ისტორია აქვს, დაუჯერებელია,  როგორ შეძლო ამ პატარა ერმა მისი მოვლა და დღემდე შენარჩუნება. ეს არის ქვეყნის უდიდესი განძი, მემკვიდრეობა, რომელსაც თქვენ ფლობთ.

_შეგიძლიათ, გაგვიმხილოთ ამ დროისთვის რა რაოდენობის წიგნი არის გაყიდული?

_დღემდე გაიყიდა 700 წიგნი. ასეთ რაოდენობას ვერც წარმოვიდგენდი. ახლა ფლორენციაში ერთ-ერთმა რედაქციამ თავის თავზე აიღო წიგნის გამოცემა და დიდი იმედით ველოდები.

_სად არის შესაძლებელი წიგნის შეძენა?

_წიგნის შეძენა უკვე შესაძლებელია ინტერნეტის საშუალებით,  AMAZON. COM- ის მეშვეობით ( აქ იგი განთავსებულია შემდეგი სახელწოდებით „STORIA DELLA GEORGIA“)  და ზოგიერთ ბიბლიოთეკაში. აგვისტომდე ეს შეუძლებელი იყო. დაინტერესებულ ადამიანებს, ასევე შეუძლიათ წიგნი შეიძინონ იტალიის სხვადასხვა ქალაქებში, ნაპოლში, რომში, ფლორენციაში, რეჯო-ემილიაში, ბოლონიაში, რეჯო-კალაბრიაში და ა.შ. აქ არსებულ ქართულ სამრევლოებში. ყველა სამრევლოში არის ერთი ადამიანი, რომელიც წიგნებს ყიდის. ვფიქრობთ, რომ წიგნები ისეთ ადგილას გავავრცელოთ, სადაც ხალხს მეტი წვდომა ექნება. ჩემთანაც „ფეისბუქის“ საშუალებით შეუძლიათ დაკონტაქტება.

_შეიძლება ითქვას, რომ მიაღწიეთ თქვენს მიზანს, დაგეახლოვებინათ ორი ქვეყნის ხალხი?

_ეგ თუ შევძელი, დიდი პატივი იქნება. ვიმედოვნებ, რომ ბევრი იტალიელი წაიკითხავს და გაიგებს, რამდენად ღირსეულია ჩვენგან შორს მყოფი ეს პატარა ქვეყანა. იმედია, ცოტათი მაინც დავაახლოვე.

_როგორ ფიქრობთ, განვითარების რა ეტაპზეა ახლა საქართველო?

_მახსოვს, 1991 წელს ზვიად გამსახურდიას გამოსვლები და დღე, როცა საქართველომ დამოუკიდებლობა მოიპოვა. რა თქმა უნდა, არის ძალიან ბევრი პრობლემა. ბევრი ემიგრანტი ჰყავს საქართველოს უმუშევრობის პრობლემის გამო, მაგრამ რაც მთავარია დემოკრატია არის ქვეყანაში. ქვეყანა გახდა დემოკრატიული. ქვეყანამ, რომელმაც სახსრების გარეშე მოახერხა ეს და რომელმაც 90-იანი წლებში დიდი კრიზისი გამოიარა, ვგულისხმობ, სამოქალაქო ომების შემდეგ ტერიტორიების დაკარგვას. თუმცა მერე დაიწყო აღორძინება. ბოლო წლებში ცვლილებები შეიმჩნევა ქვეყნის განვითარებისთვის აუცილებელ სფეროებში. ჯერ კიდევ ბევრია გასაკეთებელი, თუმცა მთავარია, საქართველო ადგას განვითარების სწორ გზას. ეს კი ყველას დამსახურებაა.

_ახლა რაზე მუშაობთ, საქართველოს შესახებ თუ არის თემები, რაზეც დაწერთ?

_ ვმუშაობ ელექტრონულ კომპანიაში. კომერციული პასუხისმგებელი პირი ვარ. 16 წლიდან საქართველო ჩემი გატაცებაა. თითქოს, ეს არის ჩემი მეორე, პარალელური ცხოვრება. ამაზე არ გავჩერდები, იტალიის სხვადასხვა ქალაქში გავაგრძელებ პრეზენტაციებს, უკვე დაგეგმილი მაქვს მოდენაში, ქართულ სამრევლოში ჩატარება. ასევე მილანში, რეჯო-კალაბრიაში და ალბათ, მანტოვაშიც. ვფიქრობ, წლის ბოლოს უნდა დავასრულო პრეზენტაცია ფლორენციაში, საიდანაც ეს ყველაფერი დაიწყო. გეგმაში მაქვს, დავწერო წიგნი საქართველოს მხარეებზე რეპორტაჟების სახით. ვიმოგზაურებ ქვეყნის სხვადასხვა სოფელში, ქალაქში და მოგიყვებით მათ შესახებ. თითქმის ყველა ლეგენდა მინდა მოხვდეს ამ წიგნში, რომლებიც იქნება ილუსტრირებული. მინდა იყოს პატარა, უბრალო წიგნი.

_როგორ აპირებთ მომავალში ჩვენს ქვეყანასთან, საქართველოსთან ურთიერთობის გაგრძელებას?

_კარგი იქნება თუ ჩავალ მომავალი წლის გაზაფხულზე, მაგრამ ჯერ ყველაფერი კარგად უნდა დავგეგმო. გამიხარდება, თუ შევძლებ, ის ადგილები ვნახო, რომლებიც არასდროს მინახავს. თუნდაც იმისთვის უნდა ჩავიდე და ვნახო ეს მხარეები, რომ ახალი წიგნის წერას შევუდგე. სურვილი მაქვს, რომ ჩემი წიგნის პრეზენტაცია საქართველოშიც მოვაწყო.




 ახალი ამბები
  • "ცოლი და ახლობელი ადგილზე დაიღუპა, ქმარი კი სიკვდილს ამ წუთებშიც ებრძვის"ხობში მომხდარი ავტოსაგზაო შემთხვევის შესახებ, რომელსაც ორი ადამიანი ემსხვერპლა და ერთი მძიმედ დაშავდა, "გურია ნიუსისთვის" ახალი დეტალები ხდება ცნობილი. როგორც სააგენტოს ერთ-ერთი ოჯახის ახლობელი უყვება, გარდაცვლილები ახალგზარდა ქალი და ოჯახის ახლობელია,  ხოლო მამაკაცი, რომელიც საჭეს მართავდა, ამ წუთებში, ქუთაისის საავადმყოფოში სიკვდილს ებრძვის. "გუშინ საშინელი  ტრაგედია დატრიალდა. ფოთიდან თბილისში მიდიოდნენ ცოლ-ქმარი და მათი ახლობელი. სამწუხაროდ, ორივე  ადგილზე გარდაიცვალა, ხოლო მძღოლი ფოთის საავადმყოფოში გადაიყვანეს, მოგვიანებით კი ქუთაისში",- აცხადებს მოქალაქე. შეგახსენებთ, რომ ავტოსაგზაო შემთხვევა გუშინ, ხობის მუნიციპალიტეტში, სოფელ ჭალადიდში მოხდა. შსს-მ მომხდარზე გამოძიება სსკ-ის 276-ე მუხლით ... ...
  • ქალები ახალი კორონავირუსის დროსCOVID-19-მა მსოფლიო ახლი გამოწვევების წინაშე დააყენა. მან მოქალაქეების ცხოვრება საქართველოშიც მკვეთრად შეცვალა. საზოგადოების ძალიან დიდი ნაწილი უსამსახუროდ და შემოსავლის გარეშე დარჩა. გამონაკლისი არც გურიის რეგიონი ყოფილა. ამ ეტაპზე ჩვენ დაბა ლაითურის, ნასაკირალისა და ნარუჯის მცხოვრებლებით დავინტერესდით. სამივე დაბა ოზურგეთის მუნიციპალიტეტს ეკუთვნის და მათი მოსახლეობის უმეტესობა ეკომიგრანტია. ახალ კორონავირუსამდე შემოსავლის საძიებლად ისინი ძირითადად მეზობელ თურქეთში, სეზონურ სამუშაოზე გადადიოდნენ. „მე და ჩემი მეუღლე თურქეთში სეზონურად,  ჩაის საკრეფად გადავდიოდით. ეს ჩვენი ოჯახის ერთადერთი შემოსავალი იყო. 4 შვილი გვყავს, იქედან ჩამოტანილი ფული  წლიდან წლამდე გვყოფნიდა და ახლა სულ უკაპიკოდ დავრჩით. თურქეთში სამუშაო ძალიან მძიმე იყო, მაგრამ მაინც მირჩევნია წავიდე, ვიმუშაო და სახლში მოვიტანო პურის ფული. მართალია, მოცვის კრეფაზე აქაც დაიწყო მუშაობა, თუმცა ეს სამსახურიც სეზონურია და შემოსავალიც არ არის საკმარისი“, - უყვება დაბა ლაითურში მცხოვრები ფატი ვაშაყმაძე “გურია ნიუსს”. ლია კოტრიკაძე, ახალშექმნილი სათემო კავშირის თავმჯდომარეა, რომელიც ფონდ „ტასოს“ ინიციატივით ჩამოყალიბდა. ლიკა ამბობს, რომ დაბა ლაითურსა და დაბა ნარუჯაში მცხოვრები ადამიანები, რომლებიც თურქეთში დადიოდნენ სამუშაოდ, ადგილზე, ჩაისა და მოცვის პლანტაციებში დასაქმდნენ. „საქართველოში უფრო ნაკლები ანაზღაურებაა, ვიდრე თურქეთში, მაგრამ ჩაისა და მოცვის პლანტაციები საუკეთესო გამოსავალი იყო ამ ადამიანებისთვის. პრაქტიკულად მათი სიცოცხლის გადამრჩენელად იქცა. არიან ისეთებიც, რომლებმაც პარალელურად სოფლის მეურნეობის განვითარება, მწვანილისა და ბოსტნეულის მოყვანა და გაყიდვა დაიწყეს“, - ამბობს ლია და დასძენს, რომ ქალებისთვის საოჯახო საქმეები კორონავირუსმა კიდევ უფრო გაზარდა. „პარალელურ რეჟიმში ქალებს საოჯახო საქმეების კეთება და ბოსტნის მოვლა უწევთ. ზოგი ბავშვებს ონლაინსწავლაში ეხმარება“, - გვიყვება ლია. თურქეთში მუშაობდა დაბა ნარუჯაში მცხოვრები ნადეჟდა კახაძეც. განსაკუთრებით ის ფაქტი აწუხებდა, რომ მცირეწლოვანი შვილის დატოვება უხდებოდა. ახლა მან კალმახა სოკოს სასათბურე მეურნეობის გაკეთება გადაწყვიტა, რისთვისაც ფინანსური მხარდაჭერა ფონდ „ტასოსგან“ მიიღო.  „ახლა უნდა დავიწყო სასათბურე მეურნეობის მოწყობა, თუმცა ფონდიდან ჩამორიცხულ თანხას ჩემი წილიც უნდა დაემატოს, რამაც ისევ ჩიხში მიმიმწყვდია და კიდევ ერთხელ ვიფიქრე, რომ თურქეთი ამ პრობლემას მარტივად გადამაწყვეტინებდა. მე მაინც მგონია, რომ გამოსავალი თურქეთი არ არის. ჩვენი ქვეყნის მთავრობამ ყველაფერი უნდა გააკეთოს იმისთვის, რომ ქვეყნის შიგნით გაჩნდეს სამუშაოები, არ დაგვჭირდეს საზღვარგარეთ, მძიმე პირობებში, ოჯახს მოწყვეტილებს, მიზერულ ხელფასზე მუშაობა და ეს პირობები უნდა გვაკმაყოფილებდეს და უფრო მეტიც, გვახარებდეს. ალბათ დაცულად ვიგრძნობ თავს მაშინ, როდესაც შევძლებ ვიყო დასაქმებული ჩემს ქვეყანაში, ჩემს ოჯახთან და შვილთან ერთან ახლოს და ოჯახის ეკონომიკური მდგომარეობისთვის არ დამჭირდეს დავტოვო შვილი, გავწირო ჯანმრთელობა და ჩემი ცხოვრების მნიშვნელოვანი დრო, ახალგაზრდობა  არ გავატარო სხვის სამსახურში“, - ამბობს ნადეჟდა. საიდა ხოსაძე ხუთ შვილთან და ქმართან წლებია დაბა ნასაკირალში ცხოვრობს. ამ ეტაპზე უმუშევარია და ახლა არაერთი პრობლემის წინაშე დგას. „ყველა ველოდებით სახელმწიფოსგან დახმარებას. ამ კორონავირუსის დრო, როგორც მრავალშვილიანი დედა დამეხმარნენ, მაგრამ ის პროდუქტები, რაც გვქონდა, დაგვიმთავრდა და ახლა ისევ კეთილი ადამიანების იმედად ვარ. თურქეთში გადავდიოდი ხოლმე სეზონზე მე და ჩემი მეუღლე, მაგრამ ახლა საზღვრები ჩაკეტილია და არც ვიცი, წინ რა გველოდება”, - გვითხრა საიდა ხოსაძემ. კორონავირუსის დროს რა პრობლემების წინაშე დადგნენ ქალები და რა დახმარება გაუწია მათ სახელმწიფომ? - ამ კითხვებზე  ოზურგეთის მუნიციპალიტეტის საკრებულოში „გენდერული თანასწორობის საბჭოს” წევრმა ლელა საჯაიამ გვიპასუხა. „COVID 19 - ის კრიზისმა ძალიან მძიმედ იმოქმედა საზოგადოების ყოველდღიურ ყოფაზე, ჯანმრთელობასა და სოციალურ დაცვაზე. ვირუსის შესაკავებლად მკაცრი ზომები იქნა მიღებული, გამოცხადდა საგანგებო მდგომარეობა, შეიზღუდა ეკონომიკური და სხვა ტიპის აქტივობები. ბევრი ადამიანი დარჩა შემოსავლის ან სამუშაოს გარეშე, საგანმანათლებლო დაწესებულებები დაიხურა და მოსახლეობა იზოლაციაში მოექცა კვირებისა და თვეების განმავლობაში. ყოველივე ამან სხვადასხვა საჭიროება და პრობლემა წარმოქმნა. ყველაზე მოწყვლადი ჯგუფების მხარდასაჭერად დამატებითი სოციალური დახმარება იყო აუცილებელი. ქალები იმ მოწყვლად ჯგუფებს შორის არიან, რომელზეც კრიზისმა მნიშვნელოვანი გავლენა იქონია სხვადასხვა მიმართულებით. ერთი მხრივ, ქალები, რომლებიც დასაქმებულები იყვნენ არაფორმალურ ეკონომიკაში იმ სამუშაო ადგილებზე, რომლითაც ან არ იყო უზრუნველყოფილი ან მცირედით იყო უზრუნველყოფილი მათი სოციალური დაცვა, დღესდღეობით დარჩნენ ეკონომიკურად დაუცველები და შეზღუდული/მცირე არჩევანის წინაშე. ასევე, ხანშიშესულები დამატებით წნეხს განიცდიან არარსებული ან მცირე ოდენობის პენსიის გამო. მეორე მხრივ, ქალები ასრულებენ მთავარ როლს ვირუსთან წინააღმდეგ ბრძოლაში, რადგან ჯანდაცვის მუშაკთა და მედდების დიდ ნაწილს სწორედ ქალები წარმოადგენენ. ის ზრდის მენტალურ სტრესს ჯანდაცვის მუშაკებისთვის. კრიზისის განმავლობაში წინა ხაზზე მყოფი პერსონალი, შესაძლოა, ოჯახებშიც დამატებითი სტრესის ქვეშ მოქცეულიყო სხვადასხვა მზრუნველობით პასუხისმგებლობიდან გამომდინარე, როგორიცაა მაგალითად, ბავშვების საჭიროებები, რომელთა სკოლები დაიხურა და უწევდათ დისტანციურ გაკვეთილებზე დასწრება, ან მათ ოჯახებში მცხოვრებ მოწყვლად ადამიანებთან ფიზიკური დისტანცირების საჭიროებიდან გამომდინარე”, - ამბობს ლელა. ფოტოები "გურია ... ...
  • სუს-ი : ოკუპანტების მიერ კასპში დაკავებული საქართველოს მოქალაქე დაჭრილიაოკუპანტების მიერ კასპის მუნიციპალიტეტში დაკავებული საქართველოს მოქალაქე დაჭრილია, - ინფორმაციას სახელმწიფო უსაფრთხოების სამსახური ადასტურებს. „მიმდინარე წლის 11 ივლისს, რუსეთის საოკუპაციო ძალების წარმომადგენლებმა, კასპის მუნიციპალიტეტში არსებული სხვილოს ციხის მიმდებარე ტერიტორიაზე, უკანონოდ დააკავეს კასპის მუნიციპალიტეტის სოფელ ქვემო ჭალაში მცხოვრები ერთი პირი. უკანონო დაკავების პროცესში, რუსეთის საოკუპაციო ძალების წარმომადგენლებმა აღნიშნული პირი ცეცხლსასროლი იარაღის გამოყენებით დაჭრეს ფეხის არეში და აღნიშნულის შემდეგ უკანონოდ აღუკვეთეს თავისუფლება. რუსეთის საოკუპაციო ძალების მიერ ჩადენილი ზემოაღნიშნული მძიმე ინციდენტის ფაქტზე, დაუყოვნებლივ გააქტიურდა ცხელი ხაზი და ინფორმირებულ იქნა როგორც ევროკავშირის სადამკვირვებლო მისია, ასევე, ჟენევის საერთაშორისო დისკუსიების თანათავმჯდომარეები. აღნიშნული ფაქტი წარმოადგენს სახიფათო პრეცედენტს. კიდევ ერთხელ დასტურდება, რომ უკანონო დაკავებების საშიში პრაქტიკა ქმნის მძიმე ინციდენტებისა და ვითარების ესკალაციის ნიადაგს. საოკუპაციო ძალების მიერ განხორციელებული უკანონო აქტივობები არის დესტრუქციული და კრიტიკულად აზიანებს ადგილზე არსებულ უსაფრთხოების გარემოს“, - წერია სუს-ის მიერ გავრცელებულ ... ...
  • ნასაკირალის საჯაროს სკოლის ყოფილმა დირექტორმა სასამართლო პროცესი მოიგო4 წლის და  რამდენიმე თვის შემდეგ საქართველოს სასამართლოს სამივე ინსტანციაში დასრულდა ნასაკირალის საჯარო სკოლის დირექტორის, სპარტაკ გოგიტიძის სასამართლო პროცესი. სპარტაკ გოგიტიძის ადვოკატის, ემზარ ურუშაძის თქმით, ქუთაისის სააპელიცაო სასამართლოს გადაწყვეტილება საქართველოს უზენაესმა სასამართლომ ძალაში დატოვა და ის აღდგენილია სკოლის დირექტორად.  „თითქმის ხუთი წელი გავიდა, რაც უსამართლოდ იქნა განთავისუფლებული სპარტაკ გოგიტიძე სკოლიდან და ახლა დადგა დრო, რომ ის დაუბრუნდეს დირექტორად სკოლას. მინდა გითხრათ, რომ ჩემი დაცვის ქვეშ მყოფისთვის ეს ხუთი წელი იყო ძალიან რთული, რადგან ამ ხნის განმავლობაში ბევრს ქონდა კითხვის ნიშნები მის გათავისუფლებაზე. რაც მთავარია, სპარტაკის ამბავი უკვე დასრულებულია და ახლა ველოდებით სრულად მოხდეს სასამართლოს გადაწყვეტილების აღსრულება“, -  გვითხრა ემზარ ურუშაძემ. განათლების  სამინისტრო  სპარტაკ გოგიტიძეს საბუთების გაყალბებას ედავებოდა და აქედან გამომდინარე, ის თანამდებობიდან განათლების და მეცნიერების მაშინდელმა მინისტრმა, თამარ სანიკიძემ გაათავისუფლა. როგორც საზოგადოებისთვის არის ცნობილი გოგიტიძის გათავისუფლებას წინ უძღოდა შიდა აუდიტის სამსახურის დასკვნა. სწორედ ამ დასკვნის საფუძველზე მოხდა მისი გათავისუფლება. ემზარ ურუშაძე ჩვენთან საუბრის დროს ამბობს, რომ ამ დასკვნაში არის რამდენიმე ეპიზოდი, რომელიც სპარტაკ გოგიტიძეს არ ეხება. სპარტაკ გოგიტიძე “გურია ნიუსთან“ საუბრის დროს ამბობს, რომ ბრძოლას სამართლიანობისთვის ყოველთვის აქვს აზრი. “ველოდებოდი ამ გადაწყვეტილებას, რადგან არაფერი უკანონო და უსამართლო არ გამიკეთებია. ამ ხნის განმავლობაში უამრავი ადამიანი მედგა გვერდში და ისინიც ჩემსავით ელოდებოდნენ სასამართლოს გადაწყვეტილებას“, - გვითხრა სპარტაკ გოგიტიძემ. “გურია ნიუსი“ განათლების სამინისტროს კომენტარს ამ საკითხთან დაკავშირებით ჩაწერისთანავე შემოგთავაზებთ. ამავე თემაზე: ოზურგეთის რაიონული სასამართლოს გადაწყვეტილებას განათლების სამინისტრო გაასაჩივრებს ოზურგეთის სასამართლოში სკოლის ყოფილი დირექტორის პროცესი იწყება ... ...
  • კუს ტბის საბაგირომ მუშაობა განაახლა- რა წესები უნდა დაიცვან მგზავრებმაკუს ტბის საბაგირო გზამ მგზავრების მომსახურება განაახლა. პანდემიის გამო ტრანსპორტზე დაწესებული შეზღუდვები მუნიციპალური ავტობუსებისა და თბილისის მეტროს შემდეგ, კუს ტბის საბაგირო გზისთვისაც მოიხსნა. საბაგირო გზა დღეიდან მგზავრებს ჩვეულ რეჟიმში მოემსახურება. როგორც თბილისის სატრანსპორტო კომპანიაში ამბობენ, საბაგირო გზით სარგებლობისას მგზავრებისთვის უსაფრთხოების ზომების დაცვა სავალდებულოა. კერძოდ, ყოველი მგზავრობისას უნდა გამოიყენონ პირბადე და დაიცვან სოციალური დისტანცია. თითოეულ გონდოლაში დასაშვები იქნება მხოლოდ ოთხი მგზავრი და ერთი გამცილებელი. შეზღუდვა რიყე-ნარიყალას საბაგირო გზაზე კვლავ ძალაში რჩება, რის გამოც, საბაგირო მგზავრებს დროებით ვერ ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...