"სახლი, რომელსაც მეწყერულ ხრამს ხუთიოდე მეტრი აშორებს, შესაძლოა, ჩაიქცეს და ჩამიტანოს!"

საზოგადოება

"სახლი, რომელსაც მეწყერულ ხრამს ხუთიოდე მეტრი აშორებს, შესაძლოა, ჩაიქცეს და ჩამიტანოს!"

2016 ოქტ 27 17:13:28

ლია ურუშაძე ოზურგეთის მუნიციპალიტეტის სოფელ ქაქუთში ცხოვრობს. მისი საცხოვრებელი სახლი სოფლის ბოლოს, ზეგანზე მდებარეობს და როგორც ქალბატონი ლია ამბობს, არ ახსოვს, აქ ცხოვრების 40 წლის განმავლობაში, სტიქიას შეეწუხებინოს. თუმცა, შარშანწინ, ზამთარში, სახლის მარჯვენა მხარეს, სადაც ფერდობია, მიწა ჩაიქცა და სახლიდან ხუთიოდე მეტრის მანძილზე ხრამი წარმოიშვა.

ლია ურუშაძემ მაშინვე მიმართა ადგილობრივ ხელისუფლებას. იგი ამბობს, რომ მუნიციპალიტეტის გამგებლის წარმომადგენელი მერაბ ბერაძე არაერთხელ იყო მისული, შეჰპირდნენ დახმარებას, თუმცა, დღეს მაინც საშიშროების წინაშე დგას.

_ მაინტერესებს, იცხოვრება თუ არა აქ? დახმარებას კი შემპირდნენ, პატარა წყალგამტარი გვირაბიც გააკეთეს ეზოს ბოლო ნაწილში, თუმცა, ეს არაფერს ცვლის. იქნებ, როგორმე მოხერხდეს და შეისწავლონ, მეწყერულია თუ არა ეს ზონა? ღამით ჩემს ეზოში ვერ გაივლის ადამიანი _ სახლთან ხუთ მეტრში ხრამია. ღმერთმა ნუ ქნას და ერთხელ კიდევ რომ განმეორდეს მსგავსი რამ, ეს ჩემი სახლი, რომელსაც მეწყერულ ხრამს ხუთიოდე მეტრი აშორებს, შესაძლოა, ერთხელაც, ჩაიქცეს და ჩამიტანოს, _ ამბობს ლია ურუშაძე.

ქალბატონ ლიას მეუღლე ადრე გარდაეცვალა. ახლა მარტო ცხოვრობს და როცა ზაფხულობით შვილიშვილები სტუმრობენ, როგორც თვითონ ამბობს, ბავშვებს შიშით სახლში ღამეს ვერ ათევინებს და მეზობლებთან, ნათლიასთან იძინებენ.

_ არ ვარ პრეტენზიული ან უმადური ადამიანი. სახლის შეკეთებას არ ვთხოვ ვინმეს და რაიმე თანხას. ჯერ მაინტერესებს, იცხოვრება თუ არა აქ? იქნებ, შეისწავლონ. არც ისე მინდა, ტყუილად გაისარჯონ, თანხა და შრომა დაიხარჯოს და მერე კიდევ განმეორდეს მსგავსი რამ, _ გვეუბნება შეწუხებული ქალბატონი და მოახლოებული ზამთრის გამო შიშობს.

_ მართალია, შარშანდელი ზამთარი მშვიდობიანად გადავიტანე, მაგრამ რა ვიცი, მომავალ ზამთარში რა მოხდება.

ოზურგეთის მუნიციპალიტეტის გამგებლის წარმომადგენელი სოფელ ჭანიეთში (ქაქუთი ჭანიეთს თემში შემავალი სოფელია) მერაბ ბერაძე ამბობს, რომ ოჯახს არაერთხელ ეწვია და გაეცნო მდგომარეობას:

_ ლია ურუშაძის ოჯახში მე, პირადად, არაერთხელ ვიყავი მისული, ასევე, მივიყვანეთ გეოლოგები და მოხდა დათვალიერება. ზუსტად ვერ გეტყვით, მაგრამ ინფრასტრუქტურის სამსახურში ეცოდინებათ დასკვნის თაობაზე. ეს მეწყერი საკმაოდ დიდია და იქ ჯებირი რომ ამოიყვანო, დიდ თანხებთან არის დაკავშირებული. თუმცა, გარკვეული სახის სამუშაოები ნამდვილად შევასრულეთ. ეს მოხდა შესაძლებლობის ფარგლებში. კონკრეტულად, ჩამოქცეული მონაკვეთის ბოლოში, გავჭერით არხი და წყლის გამტარი მილები ჩავდეთ. იქ მეორე ოჯახიც ცხოვრობს, რომლის შესასვლელი ჩახერგა ჩამოწოლილმა მეწყერულმა მასამ და თავისთავად, გავასუფთავეთ ის გზაც. უფრო დაზუსტებით, აღნიშნული საქმის შესახებ მუნიციპალიტეტის ინფრასტრუქტურის სამსახურში იციან. რა სახის დასკვნა გაკეთდა, ჯერჯერობით, მე არ ვარ ინფორმირებული. ვიცი მხოლოდ ის, რომ ამ ეტაპზე ფინანსური რესურსი არ არის. მცდელობას ნამდვილად არ დავაკლებთ, რომ როგორმე ის სახლ-კარი გამაგრდეს და კვლავ არ ჩამოწვეს მეწყერი.

ოზურგეთის მუნიციპალიტეტის ინფრასტრუქტურის სამსახურის წარმომადგენელმა აივაზ ბერიძემ გვითხრა, რომ ურუშაძის ოჯახში არ არის ისეთი სახის საშიშროება, რომ ცხოვრება არ შეიძლებოდეს:

_ ჩვენ ურუშაძის ოჯახში გეოლოგებთან ერთად მივედით. სახლი ნამდვილად მეწყერულ ზონაშია, თუმცა, არ არის ისეთი სახის საშიშროება, რომ ცხოვრება არ შეიძლებოდეს. გასასახლებელი ნამდვილად არ არის. დანამდვილებით შემიძლია გითხრათ, რომ იმ შემოგარენის გამაგრება ნამდვილად შესაძლებელია. ახლა საჭიროა სახსრები, რომელიც ამ ეტაპზე არ გვაქვს. ვფიქრობ, უახლოეს მომავალში ეს მოხერხდება და ამ ოჯახს აუცილებლად დავეხმარებით, _ გვითხრა ბერიძემ.




 ახალი ამბები
  • SOLO-ს და Erti Gallery-ს თანამშრომლობით კოკა რამიშვილის პერსონალური გამოფენა „სინათლის მანქანები“ გაიხსნა (R)ERTI Gallery-ს და SOLO-ს თანამშრომლობა გრძელდება. 15 სექტემბერს კოკა რამიშვილის პერსონალური გამოფენა  „სინათლის მანქანები“ გაიხსნა. გამოფენაზე, რომელიც 23 ოქტომბრამდე გაგრძელდება, წარმოდგენილია  არტისტის მიერ შექმნილი უნიკალური ფოტოები, რომლებიც დამთვალიერებელს არამხოლოდ სასიამოვნოდ გააოცებს, არამედ განსაკუთრებული ემოციებითაც აავსებს. კოკა რამიშვილი თავის ნამუშევრებში გეომეტრიულ ფორმებს ქმნის. ის ფოტოგრაფიის საშუალებით იმ სინათლეს წარმოაჩენს, რომელსაც ხელოვანი რბილ ნაცრისფერ მონოქრომულ რიგად ანაწევრებს. არტისტი არ იყენებს შავ-თეთრ კონტრასტებს, რომლებიც  სხვადასხვა ტონს ერთმანეთისგან მკაცრად გამიჯნავდნენ. „პირიქით, ნიუანსების დიდსულოვანი რიგი და მისი ბუნდოვანი კონტურები თვალს სინათლისა და სიბნელის, სიზმრისეულისა და რეალობის ზღვარზე მდებარე შუალედურ სამყაროში შეღწევის შესაძლებლობას ანიჭებენ“,- ასე აფასებს გამოფენის კურატორი, კატრინ ტისო კოკა რამიშვილის შემოქმედებას. SOLO და Erti Gallery-ს თანამშრომლობა 2018 წელს დაიწყო,  რაც გულისხმობს Erti Gallery-ს სივრცეში წარმატებული ქართველი ხელოვანების გამოფენების მოწყობას. გალერეაში  ისეთი ქართველი მხატვრების ნამუშევრების გამოფენას, რომლებთანაც გალერეა ექსკლუზიურად თანამშრომლობს. SOLO-სა და Erti Gallery-ს თანამშრომლობის ფარგლებში ერთი წლის განმავლობაში უკვე მოეწყო სამი გამოფენა. კოკა რამიშვილის „სინათლის მანქანები“ კი რიგით მეოთხე გამოფენაა. ყოველი გამოფენის შემდეგ SOLO -სა და Erti Gallery-ს პარტნიორობის ფარგლებში გამოიცემა  წიგნი, რომელთა ავტორებიც, მსოფლიოს წამყვანი ხელოვნებათმცოდნეები არიან.   Erti Gallery-ს და SOLO-ს ურთიერთთანამშრომლობის მიზანია, საქართველოს სახელოვნებო სივრცეს მეტი პოპულარიზაცია შესძინოს. დამატებითი სტიმული მისცენ მსოფლიოს მაშტაბით ნიჭიერ არტისტებს და ისინი ქართული პლატფორმის ქვეშ გააერთიანონ. SOLO-ს მიზანია, პატრონაჟი გაუწიოს თანამედროვე ხელოვნების განვითარებას. სწორედ ამ მიზნით, SOLO-მ საინვესტიციო კოლექციის შეგროვება დაიწყო.  ყოველი გამოფენიდან SOLO შეისყიდის ერთ ნამუშევარს, რომელიც კონკრეტული არტისტების შემოქმედების უკეთ გაცნობისა და საქართველოში თანამედროვე ხელოვნების განვითარების  მიზნით  სოლო ლაუნჯებში გამოიფინება.  დამატებითი ინფორმაციისთვის, SOLO-ს შესახებ ეწვიეთ: www.SOLO.ge;  ... ...
  • "მთავარსარდალი რომ ხარ, პასპორტი არ უნდა ჩააბარო, ძმაო” _ ხაზარაძე სააკაშვილზესაზოგადოებრივი მოძრაობა „ლელოს“ დამფუძნებელი მამუკა ხაზარაძემ გადაცემა მთავარ აქცენტებში სტუმრობისას განაცხადა, რომ საქართველოს მესამე პრეზიდენტი მიხეილ სააკაშვილი, თავისივე შექმნილი პროკურატურის და სასამართლოს მსხვერპლია, რომელიც შემდგომ ივანიშვილმა გადმოიბარა. "სააკაშვილი თავისივე შექმნილი პროკურატურის და სასამართლოს მსხვერპლია, რომელიც ივანიშვილმა გადმოიბარა. უფრო მეტიც - მთავარსარდალი რომ ხარ, პასპორტი არ უნდა ჩააბარო, ძმაო”, - განაცხდა ... ...
  • ქობულეთში პირველკლასელებს წითელი და ლურჯი ყელსახვევები გაუკეთესაჭარის ტელევიზიის ინფორმაციით, ქობულეთში, ერთ-ერთ საჯარო სკოლაში, სასწავლო წლის დაწყებასთან დაკავშირებული საზეიმო მიღების დროს, პირველკლასელებს საბჭოთა სიმბოლო - წითელი და ასევე ლურჯი ყელსახვევები გაუკეთეს.  აჭარის საზოგადოებრივი მაუწყებელს კლასის პედაგოგმა უთხრა, რომ ბორდოსფერი და ლურჯი ყელსახვევების შეკერვის იდეა მას ეკუთვნის. ყელსახვევები საკუთარი ფინანსებით შეიძინა, გადაწყვეტილება კი, დირექციასთან არ შეუთანხმებია.  „ასეთი წესი გვაქვს, ყველა მასწავლებელი მოსწავლეს საჩუქარს ახვედრებს. ბავშვები სხვებისგან, რომ გამერჩია ამ მიზნით გადავწყვიტე ყელსახვევების გაკეთება. ამაში ჩემი ფული დავხარჯე და პირადი გადაწყვეტილებით გავაკეთე. სკოლის ადმინისტრაციასთან არ შემითანხმებია.  ლურჯი ბიჭის ფერია, ბორდოსფერი კი გოგოს, ამიტომ შევარჩიე. სხვა კონტექსტი არ ქონია ამ ამბავს. მშობლებსაც არ გამოუთქვამთ პროტესტი“.- ამბობს მასწავლებელი.  „თავისუფლების ქარტიის“ საქართველოს კანონის მე-7 მუხლის მე-6 პუნქტის მოთხოვნების შესაბამისად, კომუნისტური ტოტალიტარული სიმბოლიკის გამოყენება ... ...
  • პრემიერმა მოსწავლეებს ახალი სასწავლო წლის დაწყება მიულოცასაქართველოს პრემიერ-მინისტრმა გიორგი გახარიამ სკოლის მოსწავლეებს ახალი სასწავლო წლის დაწყება მიულოცა. მთავრობის მეთაურმა სწავლის დაწყება განსაკუთრებით მიულოცა პირველკლასელებს, რომლებიც დღეს პირველ ნაბიჯს დგამენ თავიანთი დიდი, წარმატებული ცხოვრების დასაწყისისთვის. „მინდა, სასწავლო წლის დაწყება მივულოცო სკოლის მოსწავლეებს და განსაკუთრებით – პირველკლასელებს, რომლებიც დღეს გადადგამენ პირველ ნაბიჯს თავიანთი დიდი წარმატებული ცხოვრების დასაწყისისთვის. იმ ცხოვრების, რომლითაც ისინი უნდა ემსახურონ პირველ რიგში თავის სამშობლოს. გისურვებთ, იყოთ წარმატებულები, ჯანმრთელები, ბედნიერები, რომ ემსახუროთ ამ ქვეყანას“, – განაცხადა გიორგი ... ...
  • ზურაბ ნასარაიამ რეგიონის მოსწავლეებს ახალი სასწავლო წლის დაწყება მიულოცა (R)გურიის მხარისა და ადგილობრივი ხელისუფლების წარმომადგენლებმა, ლანჩხუთში, ოზურგეთში და ჩოხატაურში, ახალი სასწავლო წლის დაწყება საჯარო სკოლის მოსწავლეებსა და პედაგოგებს მიულოცეს. მხარის რწმუნებულმა, ზურაბ ნასარაიამ თითოეულ მათგანს წარმატება უსურვა. „ახალი სასწავლო წლის დაწყებას ვულოცავ ჩვენი რეგიონის მოსწავლეებს, სტუდენტებს, პედაგოგებს, მშობლებს. განსაკუთრებით ვულოცავ ჩვენს პირველკლასელებს და სკოლამდელი აღზრდის დაწესებულებათა აღსაზრდელებს. ვუსურვებ წარმატებებს და ნათელ მომავალს. მიმდინარე წელს, გურიის რეგიონში, სხვადასხვა სარეაბილიტაციო სამუშაოები ჩაუტარდა 35 საჯარო სკოლას. განახლდა საკლასო ოთახები, სველი წერტილები და სპორტული დარბაზები.2018-19 წლებში საგანმანათლებლო ინფრასტრუქტურის კეთილმოწყობისთვის დაიხარჯა 2 220 000 ლარი. ეს პროცესი კიდევ გაგრძელდება, რადგან ჩვენი სახელმწიფოსთვის განათლება და მისი ხელმისაწვდომობა პრიორიტეტულია,“- აღნიშნა მან. ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...