"ტრაქტორი სურათის გადასაღებად რომ დააყენეს "რაიკომის" წინ, ეს არის დახმარება?!"

საზოგადოება

"ტრაქტორი სურათის გადასაღებად რომ დააყენეს "რაიკომის" წინ, ეს არის დახმარება?!"

21 იან. 2011, 23:11:49

 

გლეხისა და მიწის ურთიერთჩივილის შესახებ ნაკლებად ესმის ვინმეს, მით უფრო, ხელისუფლებას, რომელიც, თითქოს, გამუდმებით ადამიანებზე ზრუნავს, თუმცა, სინამდვილეში  ქართული სოფლის ფეხზე დასაყენებლად ჯერ არავის მოუცლია. ახლახან ოზურგეთის მუნიციპალიტეტის გამგებლის მოადგილედ დანიშნული ლაშა ღლონტი, რომელიც სოფლის მეურნეობის საკითხებს კურირებს, "გურია ნიუსთან" ინტერვიუში, გლეხებისადმი რჩევების მიცემით შემოიფარგლა, რამაც არაერთი სოფლის მეურნის გაკვირვება გამოიწვია და რჩევების მიცემას იქეთ შეპირდნენ ახალგაზრდა აგრონომს, მიუხედავად მისდამი და მისი განათლებისადმი პატივისცემისა.
"გურია ნიუსი", როგორც ყოველთვის,  სოფლის არაერთ მცხოვრებს, უშუალოდ მიწაზე მომუშავე  ადამიანს შეხვდა, ვინც მამაპაპისეულ საქმეს ვერ ელევა, მიწის და შრომის ფასი იცის, მაგრამ ეკონომიკური ყოფა გასაქანს არ აძლევს, რომ მეურნეობა მოამჯობინოს.
გენო მახარაძე: _ ძალიან კარგია, თუ აგრონომიული განხრით, ხელისუფლებიდან ვინმე გლეხისთვის იზრუნებს და, საერთოდ, სოფლის მეურნეობას მიხედავს, მაგრამ ცარიელი რჩევა ვის სჭირდება, ეს გამაგებინონ. შესაწამლი პრეპარატი რომ ვიყიდო, ფასს თუ შევწვდები? ეს მოაგვარონ!  საწვავი რა ღირს, რომ წავიდე სოფელში, სადაც საკმაო ფართობი მაქვს? გადასაადგილებლად რომ მჭირდება, იმდენი საწვავის ყიდვა მიჭირს, ახლა ხვნა-თესვას რამდენი სჭირდება, ესეც იკითხე. მერე სასუქი, ტექნიკა... რომელი ჩამოვთვალო?  
თამარ ლომჯარია: _ გლეხს მუშაობას ვერავინ ასწავლის, თუიქნება ხელმისაწვდომ ფასში საწვავი, სასუქი; უპროცენტო ხანგრძლივ სესხს რომ გაიმეტებს მთავრობა მიწის ერთგული ხალხისთვის,  მაშინ იქნება საშველი... არ მითხრათ ახლა, საიდანო. რჩევაზე უფრო, ეს გვჭირდება, რა დროს მარჩიელობაა? 1 ჰა ფართობზე სხვადასხვა კულტურის მოყვანას რა თანხაც სჭირდება საწვავის, სასუქის თუ თესლის ჩათვლით, ამის მარაგი სოფლის მცხოვრებთა უმეტესობას, შინ არასოდეს აქვს, დასაქმებულია ვინმე თუ რა? რამდენიმე ტრაქტორი სურათის გადასაღებად რომ დააყენეს "რაიკომის" წინ, ეს არის დახმარება?!
თამაზ ლომჯარია: _ გლეხს არ აქვს გასაქანი, რჩევაზე უფრო რომ დახმარება გვჭირდება, ეს თუ არ იციან, მაშინ, რა იციან? დაუჩემებიათ, ფერმერები უნდა გაგხადოთო. ჯერ ერთი, გლეხი ასე უსაშველოდ რით განსხვავდება ფერმერისგან?! მეორეც, სანამ მძლავრი ფერმერული მეურნეობა გვექნება, მანამ რჩევებს ვუსმინოთ? გლეხს სჭირდება თანხა, საწვავი, სხვადასხვა მინერალური სასუქი, შესაწამლი საშუალებები. ფული გადაინახეო, რომ გვირჩევს, ეგ კაცი ჩვენებურია? სად მაქვს, რომ შევინახო? მასეთ მასწავლებლებზეა ნათქვამი, ვაგონია ჩამომდგარიო.
სოფლების მკვიდრ, შრომაში გამოცდილ სხვადასხვა ასაკის ადამიანებთან შეხვედრის შემდეგ, "გურია ნიუსი" კვლავ ეწვია ოზურგეთის მუნიციპალიტეტის გამგებლის მოადგილეს სოფლის მეურნეობის საკითხებში ლაშა ღლონტს. იგი გულღია და დაუზარელი მოსაუბრე ნამდვილად არის და რასაც ამბობს, ეტყობა, თავად ძალიან სჯერა:
_ ბატონო ლაშა, თქვენი წინა ინტერვიუ, საკმაოდ შემაშფოთებელი დარჩა მიწასთან მომუშავე ადამიანებისთვის... ამბობენ, ვის სჭირდება მაგათი რჩევა, ხალხს ეკონომიკურად მოგვხედონ და ჩვენ თვითონ ვეპატრონებით ჩვენს კარ-მიდამოსო.
_ რატომ არ სჭირდებათ? მანდარინს რომ აკლია შეწამვლა, გასხვლა, რეგულარულად ორგანული სასუქის შეტანა, ასევე _ მინერალურის, ხან ნაკელი შეაქვთ, ხან არ შეაქვთ, ხან სხლავენ, ხან _ არა, ჰგონიათ, თუ მიუშვებენ, მცენარე თავისით დაარეგულირებს ყველაფერს? სასუქის ფული თუ არ აქვთ, შეიძლება ოჯახში მომზადდეს კომპოსტი. ადგებიან და ნედლ ნაკელს პირდაპირ მცენარის ძირში ყრიან,
ელემენტარულ რაღაცეებს არ ითვალისწინებენ, უბრალოდ, ჟიჟის  დამზადებასაც თავისი წესი აქვს.
_ გლეხები ითხოვენ, რომ სახელმწიფომ მათთვის გამოყოს იაფი კრედიტი და დაეხმარონ სოფლის მეურნეობის აღორძინებაში. ამ ეტაპზე თავს ხელისუფლებისგან მიტოვებულად თვლიან...
_ სახელმწიფოს სად აქვს მაგის ხარჯები? კომუნიზმი კი არ არის, ყველას გამოუყოს სასუქი ან შესაწამლი პრეპარატი უფასოდ. დამთავრდა კომუნისტების დრო, ახლა ბიუჯეტიდან გლეხს არავინ მისცემს მუქთად არაფერს.
_ კი, მაგრამ, ისევ მოქალაქეების მიერ შექმნილ ბიუჯეტში ძალიან მაღალი ხელფასებისა და პრემიებისთვის ხომ აქვს ხარჯები? ამ დაქცეულ ქვეყანაში რომ, მაგალითად, ოზურგეთის საკრებულოს თავმჯდომარე, სოლიდურ ხელფასთან (2360 ლარი!)  ერთად, იმავე რაოდენობის პრემიას იღებს საახალწლოდ, თავის თანამშრომლებთან ერთად, ეს ნორმალურია?
_ ეს მე არ მეხება და არც ვიცი ამის შესახებ. მე ვამბობ იმას, რომ გლეხმა როგორმე უნდა გადაინახოს ხვნა-თესვის ფული, გაზაფხულზე ყველა იძახის, არ მაქვს საშუალება და ყანას ვერ დავთესავო, მოვა ივნისის დასაწყისი და მერე ყველა თესავს, ზოგი ქათამს ყიდის, ზოგი _ გოჭს, ცოტა ადრე რომ გაყიდოს ის ქათამი თუ გოჭი, არ შეიძლება?
_ "გამარტება" _ ეს მშიერი დროა! ამიტომ ხდება ბატონო ლაშა, ასე, მაისის ბოლომდე კი რაღაცით მაინც სულს ითქვამს გლეხი, ვიღაცას ნისიად ეხვეწება ყანის დახვნას, ვიღაცას თხილის სეზონამდე ფულის სესხებას თხოვს, არ შეიძლება, მათ კრედიტი მისცენ? ვიღაცამ ხომ უნდა გასწიოს ამ საქმის ორგანიზება?
_ მერე რით არის გარანტირებული, რომ იმ სესხს გადაიხდის? ვთქვათ, ვერ მოიწია ბარაქიანი მოსავალი, პროცენტსაც ვერ გადაიხდის არა თუ ძირეულ თანხას, უნდა მოვიფიქროთ რაღაც, არსებობს მანდარინის მომგებიანი ჯიშები, ყინვაგამძლე, ადვილად შესაკრავი, ბლომად ისხამს, გვალვასაც უფრო უძლებს.
_ ასეთი ჯიშის მანდარინი რომ დარგონ, 3-4 წელი ხომ უნდა, მოსავალი რომ მიიღონ? მანამ რა ჭამონ?
_ კუთვნილი მიწის ფართობიდან გამოყონ ნაწილი, რაზეც დარგავენ მანდარინს, დანარჩენზე სხვადასხვა კულტურა მოიწიონ და ასე გაიტანონ თავი.
_ ბატონო ლაშა, თქვენ ისეთ რჩევებს ხომ არ აძლევთ გლეხებს, შვილიშვილი რომ ბებიას რაღაცეებს ასწავლიდა? რასაც თქვენ ურჩევთ, ფიქრობთ, რომ მათ ეს არ იციან? ის კი არა და, ლამის დაავიწყდათ ეს ყველაფერი. ჩაის ფაბრიკები რომ დაშალეს და ჩაის კულტურა გაავერანეს, ამაზეც უკმაყოფილოა ხალხი, ამბობენ, თავს ჩაით ვირჩენდითო...
_ ის ფაბრიკები დასანგრევი იყო და იმიტომ დაანგრიეს, ძალიან დიდი მასშტაბის ფაბრიკები იყო, უხარისხო ჩაიზე მუშაობდნენ, ახლა მომხმარებელი ხარისხიან ჩაიზეა ორიენტირებული, პატარა მინი-ფაბრიკები აქვთ და კილოგრამ ჩაიში 1 ლარს კი უხდიან, თუ ვინმე მოკრეფს.
_ "მარტინ ბაუერს" რომ დაანგრევინეს მთელი ფაბრიკები და ჩაის მრეწველობის სისტემა, ეს იყო დასანგრევი? თუ დიდი ფაბრიკები არ იყო საჭირო, მის ადგილას პატარა რატომ არავინ ააშენა, თუ ჯართში ჩასაბარებლად უფრო ადვილი იყო?
_ ამაში მართალი ბრძანდებით, გემი ისე არ შეიძლება დაიშალოს, ნავი არ გამოვიდეს, თუმცა ეს მეპატრონეზეა დამოკიდებული და მე კომპეტენტურ პასუხს ვერ გაგცემთ. გლეხს რაც არ უნდა ურჩიო, მაინც ყველაფერს ეჭვის თვალით უყურებს, მართალიც არის, რადგან ძალიან დიდხანს ატყუებდნენ მას. იგი მაინც უნდა დაფიქრდეს, შეარჩიოს ოპტიმალური ვარიანტი და სხვადასხვა კულტურა გამოსცადოს, 2-3 წელი მოითმინოს და შედეგსაც მიიღებს. მე გლეხისკენ ვარ, მინდა, ისინი ფერმერები გავხადო, სულ ვამბობდი, თუ კახელ გლეხს ვეხმარებით და სუბსიდირება ხდება, რატომ არ უნდა დავეხმაროთ გურულ გლეხს?
_ სიმინდთან დაკავშირებით მსურს გკითხოთ, თუნდაც ერთ ჰექტარ მიწის ფართობზე, გლეხს თითქმის მოსავლის ღირებულების საფასური უჯდება ყველა ჩასატარებელი სამუშაო, რაღაც ხომ უნდა დარჩეს, რა უნდა ქნას, როცა ყველაფერი ძალიან ძვირია? 
_ სიმინდზე ხელს ხომ ვერ ავიღებთ, მაგრამ გვალვაგამძლე ყვითელი სიმინდი უნდა დავთესოთ. ის ხარისხიანია, არ არის გენმოდიფიცირებული, რატომღაც ჭორებს რომ ყრიან, რაჭაში საუკეთესო შედეგი მიიღეს, ერთ ჰექტარზე _ 10 ტონა! ჩვეულებრივი, საადრეო, ძირითადად ერთტაროიანი სიმინდია. ვფიქრობ, ეს დიდ მოსავალს მისცემს გლეხებს, თესლიც არ ღირს ძვირი.
_ გაზაფხული ახლოვდება, თებერვალი კარს არის მომდგარი და ხეშიც წყალი მალე ჩადგება, როგორც ახალი კადრი, რას ეტყვით სოფელს, გლეხკაცს _ დამაიმედებელს, რომ გულში იმედი გაუჩნდეს?
_ სახელმწიფო აპირებს დიდი ფართობების აღწერა მოახდინოს, ჩამოჰყავთ ინვესტორთა ჯგუფი, უმჯობესი კია, ინვესტორმა იჯარით აიღოს ეს ფართობები, ექსპერტთა ჯგუფთან ერთად, შეამოწმებენ, რა რისკ-ფაქტორებია, რა სჯობია და რა _ არა. გლეხებს მისცემენ სამუშაოს, მიწის გამოუყენებლობა არის საცოდაობა. თითოეული მტკაველი მიწა უნდა იქნეს ათვისებული. ყველა რაიონში  კეთდება ათიდან ოც ჰექტრამდე საცდელ-სადემონსტრაციო ნაკვეთები, სადაც გაშენდება სხვადასხვა ახალი კულტურები, მოცვი, პავლონია, ყვითელი ჯიშის სიმინდი, ბამბუკი და დააკვირდებიან, რომელი სჯობს. გლეხი თვითონ აირჩევს, რომელი კულტურა იქნება მისთვის სარგებლის მომტანი.
_ პირადად თქვენ, რას ურჩევთ გლეხებს, თვითონ თუ გაქვთ რომელიმე კულტურის მოყვანის გამოცდილება, რომელმაც მოგება მოგცათ?
_ როგორ არა, მე დავრგე პავლონია, მქონდა კივიც, რისგანაც მშვენიერი ბიზნესი ვაწარმოვე. ასევე დათესილი მქონდა ყვითელი ჯიშის სიმინდიც, რომელიც შესანიშნავია. არის ჰიბრიდული, შიში ნურაფრის აქვთ. ბუნებრივი კატაკლიზმები კიდევ უფრო მეტად მოსალოდნელია, ამიტომ, სავარაუდო გვალვის პირობებში, უმჯობესი იქნება, ამ ჯიშის სიმინდი დავთესოთ. ვიმეორებ, მე გლეხისკენ ვარ და მაქვს უდიდესი სურვილი, თითოეული გლეხი უახლოეს მომავალში წარმატებული ფერმერი გახდეს.

 




 ახალი ამბები
  • საკარანტინო სივრცეში მყოფი პირი მეოთხე სართულიდან გადახტაბათუმში ერთ-ერთ სასტუმროში, საკარანტინო სივრცეში მყოფი პირი მეოთხე სართულიდან გადახტა. შინაგან საქმეთა სამინისტროს განცხადებით, მიმდინარე წლის 13 აგვისტოს, ბათუმში, ერთ-ერთ სასტუმროში, საკარანტინო სივრცეში მომხდარ ინციდენტზე შინაგან საქმეთა სამინისტროს აჭარის პოლიციის დეპარტამენტმა გამოძიება სისხლის სამართლის კოდექსის 115-ე მუხლით დაიწყო. „გამოძიებით დადგენილია, რომ 1993 წელს დაბადებული, საქართველოს მოქალაქე ფ.ჯ. მიმდინარე წლის 13 აგვისტოს სარფის სასაზღვრო გამტარი პუნქტიდან შემოვიდა საქართველოში, რის შემდეგაც ის სავალდებულო კარანტინის გავლის მიზნით, თანმხლებ პირთან ერთად, გადაყვანილ იქნა ბათუმში, ერთ-ერთ სასტუმროში, საკარანტინო სივრცის ერთ ნომერში. 14 აგვისტოს ფ.ჯ., რომელიც ამ ეტაპზე გამოძიების მიერ გაურკვეველი მიზეზით არაადეკვატურად და აგრესიულად იქცეოდა, მოულოდნელად სასტუმროს მე-4 სართულიდან სასტუმროს შიდა ტერიტორიაზე გადახტა. დაშავებული ფ.ჯ. გადაყვანილია ბათუმის საერთაშორისო ჰოსპიტალში“,_ აცხადებენ შინაგან საქმეთა ... ...
  • ოზურგეთში თხილის გატეხვა და ფასის ამ მეთოდით დადგენა დაიწყესმიუხედავად იმისა, რომ წლევანდელი  სეზონის გახსნიდან აქამდე,  ოზურგეთში თხილის გატეხვა არ ხდებოდა, ფასის დადგენის მიზნით, დღეს, როგორც  გაბრაზებული მოქალაქეები ამბობენ, „ტახატუხი“ მაინც დაიწყეს. _დიახ, დავიწყეთ გატეხვა. ნახეთ, რა მოაქვთ. ფუტურო, შარშანდელი ნაგავი, მთლიანად უვარგისი  თხილი. არ მიაქვთ ქარხნებს,  უკან დაგვიბრუნეს, რაც წაიღეს. რა ვქნათ? ერთი  საღი გული 50 თეთრია.  ათი გატეხილი ნაყოფიდან თუ ყველა კარგი იქნება, ერთ   კილოგრამში  5 ლარს გადავუხდით, - გვითხრეს  ოზურგეთში, გაბრიელ  ეპისკოპოსის  ქუჩაზე  მდებარე თხილის მიმღებ  პუნქტებში მომუშავე პირებმა. კითხვაზე, ყოველი გატეხილი ათი ცალი თხილიდან, ყველა საღი არასდროს არ იქნება, იშვიათი გამონაკლისის გარდა და არიან თუ არა მაინც გლეხები დაზარალებული ამ მეთოდით,  კვლავ  შემოგვწყრნენ: _ჩვენ არ ვართ დაზარალებული, ნაგავი რომ მოაქვთ? მთელი დღე რომ  გვიყრია ეს თხილი ტომრებით და არავის მიაქვს? ვინ გითხრათ, რაიმე ბრძანება არის, რომ არ გავტეხოთ? ქობულეთში, ორი კვირაა, ტეხენ.  მიუხედავად ამისა, ზოგ პუნქტში თხილის გატეხვა მაინც არ ხდებოდა.  „გურია ნიუსი გაესაუბრა ქალაქში მყოფ არაერთ ფერმერს, რომლებსაც  თხილის პლანტაციები აქვთ და საგანგებოდაც  უვლიან. როგორც მათი შეფასებიდან ირკვევა, თხილის ვარგისიანობის  შესამოწმებლად, სხვა უფრო დახვეწილი  ფორმა უნდა მოიძებნოს. _ ამ მეთოდით მაინც რიგითი მეურნე ზარალდება, - თქვეს ... ...
  • Global Finance-მა თიბისის კორპორატიული ციფრული ბანკი საქართველოში საუკეთესოდ აღიარა (R)საერთაშორისო ფინანსურმა ჟურნალმა, Global Finance თიბისის სამომხმარებლო და კორპორატიული ციფრული ბანკი საუკეთესოდ დაასახელა რამდენიმე კატეგორიაში. ავტორიტეტულმა გამოცემამ, თიბისის კორპორატიული ციფრული ბანკი 2020 წლის ყველაზე ინოვაციურ ციფრულ ბანკად აღიარა ცენტრალურ და აღმოსავლეთ ევროპაში,  საქართველოში კი - საუკეთესოდ. გარდა ამისა, თიბისის  ციფრული ბანკი აღმოსავლეთ და ცენტრალურ ევროპაში საუკეთესოდ დაასახელდა ციფრული მარკეტინგისა და სერვისის მიმართულებით, როგორც ფიზიკური, ისე იურიდიული პირებისთვის. გამარჯვებული ფინანსური ინსტიტუტები სპეციალურმა ჟიურიმ შეარჩია, რომლის წევრები საერთაშორისოდ აღიარებული ექსპერტები არიან ტექნოლოგიების, საკონსულტაციო და სხვა სფეროების მიმართულებით. საუკეთესო ციფრული ბანკები შემდეგი კრიტერიუმებით შეირჩნენ: გამორჩეული სტრატეგია; მომხმარებლისთვის შეთავაზებული ინოვაციური და მრავალფეროვანი ციფრული სერვისები და პროდუქტები; მომხმარებლების რაოდენობის ზრდა; ციფრული ბანკის დიზაინი და ფუნქციონალი და სხვა. საერთაშორისო გამოცემა Global Finance უკვე 20 წელზე მეტია ასახელებს მსოფლიოს საუკეთესო ბანკებს სხვადასხვა ნომინაციაში. წლების განმავლობაში, თიბისის ინტერნეტ და მობაილბანკს Global Finance-ისგან არაერთი ჯილდო აქვს მიღებული სხვადასხვა კატეგორიაში. 2019 წელს Global Finance-მა თიბისის მობაილბანკი სამომხმარებლო ციფრულ ბანკებს შორის მსოფლიოში საუკეთესოდ აღიარა. ... ...
  • 200-ლარიანი დახმარების მისაღებად 17 წლამდე ბავშვების რეგისტრაცია ხვალიდან დაიწყება0-დან 17 წლის ჩათვლით ბავშვებისთვის, 200-ლარიანი დახმარების მისაღებად,  მშობლები სპეციალურ  პორტალზე  რეგისტრაციის გავლას   ხვალიდან  შეძლებენ. რეგისტრაციის შესახებ შესაბამისი ინსტრუქცია ხელმისაწვდომია, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ვებ გვერდზე: www.moh.gov.ge და ელექტრონულ პორტალზე -daxmareba.moh.gov.ge ელექტრონულ პორტალზე უნდა განთავსდეს შემდეგი სახის ინფორმაცია: •             ბავშვის სახელი, გვარი, დაბადების თარიღი, პირადი ნომერი; •             მშობლის/კანონიერი წარმომადგენლის სახელი, გვარი, პირადი ნომერი; •             მშობლის/კანონიერი წარმომადგენლის სახელზე კომერციულ საბანკო დაწესებულებაში გახსნილი საბანკო ანგარიშის რეკვიზიტები (ბანკის ანგარიშის ნომერი); •             საკონტაქტო მობილური,  რომელზეც  მოკლე ტექსტური შეტყობინებების გაგზავნა მოხდება. იმ შემთხვევაში,  თუ იუსტიციის სამინისტროს სერვისების განვითარების სააგენტოს მიერ, ვერ ხდება ბავშვსა და მშობელს შორის ურთიერთკავშირის დადასტურება, მშობელმა ელექტრონულ პორტალზე  ბავშვის დაბადების მოწმობა უნდა ატვირთოს. იმ შემთხვევაში, თუ  სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს მიერ ვერ ხდება ბავშვსა და კანონიერ წარმომადგენელს შორის ურთიერთკავშირის დადასტურება, კანონიერმა წარმომადგენელმა ელექტრონულ პორტალზე მეურვედ/მზრუნველად დანიშვნის გადაწყვეტილება უნდა ატვირთოს. ელექტრონულ პორტალზე შევსებული განაცხადით, მშობელი/კანონიერი წარმომადგენელი ადასტურებს შევსებული მონაცემების სისწორეს. სოციალური დახმარება, ბავშვის ერთ-ერთი მშობელის ან კანონიერი წარმომადგენლის მიერ, ბავშვის ელექტრონულ პორტალზე  განცხადების შევსების შემდეგ გაიცემა. 0-დან 17 წლის ჩათვლით ბავშვებისთვის 200-ლარიანი დახმარების მისაღებად,  მშობლებს რეგისტრაციის გავლა 15 აგვისტოდან პირველ დეკემბრამდე შეეძლებათ.  დახმარების მიღება შესაძლებელი იქნება მიმდინარე წლის სექტემბრიდან. იმ შემთხვევაში, თუ ფიზიკურ პირი ელექტრონულ პორტალზე რეგისტრაციის გავლას ვერ ახერხებს, უნდა მიმართოს: •             სსიპ სოციალური მომსახურების სააგენტოს ყველა ტერიტორიულ ერთეულს •             საქართველოს რეგიონული განვითარებისა და ინფრასტრუქტურის სამინისტრო და ადგილობრივი თვითმმართველბებს •             საქართველოს იუსტიციის სამინისტროს იუსტიციის სახლებს და საზოგადოებრივ ცენტრებს •             „ლიბერთი ბანკის“ ფილიალებს ელექტრონულ პორტალზე შესაბამისი დოკუმენტაციის ატვირთვა 24 საათის განმავლობაშია შესაძლებელი. დამატებითი ინფორმაციის მიღება შესაძლებელია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ცხელ ხაზზე -  1505. ... ...
  • გაუთქმელობის დაკისრებით შესაძლოა მხარეთა თანასწორობა დაირღვეს - ომბუდსმენი შაქარაშვილის საქმეზესაქართველოს სახალხო დამცველი ეხმიანება გიორგი შაქარაშვილის მკვლელობის საქმეზე ბრალდებულთა ადვოკატებისთვის გაუთქმელობის ვალდებულების დაკისრებას და მიიჩნევს, რომ დაცვის მხარისთვის გაუთქმელობის ვალდებულების დაუსაბუთებელი დაკისრებით მოცემულ სიტუაციაში შესაძლოა დაირღვეს მხარეთა თანასწორობის უფლება.  2020 წლის 12 აგვისტოს საქართველოს პროკურატურამ გიორგი შაქარაშვილის ჯგუფურად განზრახ მკვლელობაში ბრალდებული 5 პირის ადვოკატები დაავალდებულა, არ გაამჟღავნოს და გაახმაუროს სისხლის სამართლის საქმეში არსებული მასალები და მონაცემები. პროკურატურამ ადვოკატებს განუმარტა, რომ წინააღმდეგ შემთხვევაში, ისინი შესაძლოა სისხლისსამართლებრივ პასუხისმგებლობას დაექვემდებარონ. საგულისხმოა, რომ ადვოკატთა ნაწილმა აღნიშნულის გამო საქმეთა მასალების ჩაბარებაზე უარი განაცხადა.  საპროცესო კანონმდებლობის თანახმად, პროკურატურა უფლებამოსილია, პროცესის მონაწილე დაავალდებულოს, რომ მისი ნებართვის გარეშე არ გაამჟღავნოს საქმეში არსებული ცნობები. თუმცა, ამ უფლებამოსილების გამოყენება არ უნდა მოხდეს სისხლის სამართლის პროცესის უმთავრესი პრინციპების - შეჯიბრებითობისა და მხარეთა თანასწორობის უგულებელყოფის ხარჯზე. არსებული მექანიზმი გასაჩივრებულია საქართველოს საკონსტიტუციო სასამართლოში. ბრალდების წარდგენისას პროკურატურამ საზოგადოებას გააცნო საქმეში არსებული მტკიცებულებები, გამოძიებების ვერსია და აღნიშნულის შესაბამისი გრაფიკული რეკონსტრუქცია. ამ პირობებში ბუნებრივად, დაცვის მხარესაც უნდა ჰქონდეს შესაძლებლობა თანაბრად ისაუბროს საქმის მასალების შესახებ და საზოგადოებას აღნიშნულის შესახებ თავისი მოსაზრება და პოზიცია მიაწოდოს. სახალხო დამცველი მიიჩნევს, რომ მოცემულ შემთხვევაში, ადვოკატებისთვის მსგავსი ვალდებულების დაკისრება არ გამომდინარეობს სისხლის სამართლის საპროცესო კანონმდებლობის მიზნებიდან და იმ არასწორი პრაქტიკის გაგრძელებას წარმოადგენს, რომელიც არაპირდაპირი გზით დაცვის მხარის არათანაბარ მდგომარეობაში ჩაყენებას ისახავს მიზნად. საქართველოს სახალხო დამცველი მოუწოდებს საქართველოს პროკურატურას, საქმის მასალების გასაჯაროების საკითხთან მიმართებით, უზრუნველყოს სისხლის სამართლის პროცესში მხარეთა თანასწორობის პრინციპის დაცვა. „ აქვე გვსურს მოვუწოდოთ ყველა მხარეს, მაქსიმალურად დაიცვან და პატივი სცენ სისხლის სამართლის საქმეთა ფარგლებში მონაწილე პირთა (მოწმეთა, დაზარალებულთა, ბრალდებულთა) უფლებებს. აღნიშნული მნიშვნელოვანი გარემოებაა ნებისმიერი გამოძიების ეფექტურად და ჯეროვნად წარმართვისა და ადამიანის უფლებების დაცვისთვის“,_ აცხადებს სახალხო ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...