"გურია მომიკითხეთ, ჩემი ნოდარის გურია" _ პოეტი თინა ჭელიძე

საზოგადოება

"გურია მომიკითხეთ, ჩემი ნოდარის გურია" _ პოეტი თინა ჭელიძე

29 იან. 2017, 19:14:26

"დგახარ, როგორც იდგნენ მარად, ქართველ ქალთა კრებულები, მაქეთ მოსვლა გვიხარია, სანამ ხონში გვეგულები", _ ასე სადად, სიყვარულით გამთბარი  უბრალოებით, სახალხო სიყვარულით ნასაზრდოები სტრიქონებით ეფერებიან ხონში  ცნობილ პოეტს, საზოგადო მოღვაწეს,  თინა ჭელიძეს,  ხონელების განმანათლებლად მონათლულ ქალბატონს,  რომლის მისამართითაც, ერთ-ერთ საზეიმო შეხვედრაზე, ქუთაისიდან  მოსულ პოეტ ზურაბ კუხიანიძის თანმხლებ შემოქმედთა ჯგუფიდან,  ღიმილიანი ფრაზა გაისმა:  "შენ ხარ "ხონელების ვოლტერი" , აქაურობისა და აქაურთა განმანათლებელი, ამათი სიყვარულით ხარ ავად და საქმეც იმიტომ გამოგდის ასე  საოცრად"...

პოეტი თინა ჭელიძე ახლახან 80 წლის გახდა. მიუხედავად ასაკისა, ძნელად დასაჯერებელია, რომ  მის მიერ სახალხო სიკეთისთვის ნაშრომ-ნაღვაწი ერთი ადამიანის შესაძლებლობებს აღემატება. მხოლოდ მოღვაწეს შეუძლია აკეთოს ის, რაც მან პატარა ხონში ბავშვობის ასაკიდან აკეთა და დღემდე  არ ჩაუმუხლავს.
სწავლა ხონში დაიწყო.  საბაზო დაწყებითი სკოლა, ქალთა რვაწლიანი სკოლა და ხონის, იმხანად საქართველოში ყველაზე ცნობილი წარმატებული პედაგოგიური სასწავლებელი წარჩინებით დაამთავრა. შემდეგ ქუთაისის პედაგოგიურ ინსტიტუტში ისტორია -ფილოლოგიის ფაკულტეტიც წარჩინებით  დაასრულა და და აქედან დაიწყო მისი, როგორც ისტორიკოს-ფილოლოგის მოღვაწეობა.  პოეტი ქალბატონის გამორჩეული მრავალმხრივი ნიჭიერება, უდიდეს მამულიშვილურ სულისკვეთებასთან წილნაყარი რომ იყო, იმთავითვე გამოჩნდა და  მისი ლექსები  მხოლოდ ერთი მახასიათებელი შტრიხი იყო ამ მრავალმხრიობისა. 
ჯერ კიდევ 60-იან წლებში,   პირველი ლექსების კითხვა-განხილვის შემდეგ, საქართველოს მწერალთა კავშირის ქუთაისის განყოფილებაში გახდა დამწყებ პოეტთა სექციის ხელმძღვანელი.

თინა ჭელიძის პოეტური და საზოგადოებრივი  მოღვაწეობა მისივე ორგანიზებით გამოსულ მისსავე რვა წიგნშია თავმოყრილი. მათ შორის, განსაკუთრებით "სამზეურა" უყვარს, სადაც 25 ადამიანის შემოქმედების ნიმუშებია თავმოყრილი, ვის დაფრთიანება-დაკვალიანებაში უანგაროდ, საკუთარი ფიზიკური და გონებრივი ენერგიის თავდაუზოგავი ხარჯვის ფასად მიაღწია. 

ზოგადად,  თინა ჭელიძემ თავისი  მრავალმხრივი,  სიღრმისეული ნიჭის რეალიზაცია ხონის სინამდვილეს 60-ზე მეტი წლის მანძილზე იმ დოზით მოახდინა, რომ მის მიმართ  მწერლების  მიერ ნათქვამი ღიმილიანი ფრაზა: "ხონელების ვოლტერი",   სასიამოვნო შედარებად იქცა აქაურთათვის.  გაუფრთხილდით, თინას მოეფერეთ, თინა გახსოვდეთო, როცა ამბობენ, ამ დროს  თინა ჭელიძე დღემდე სხვებს უფრთხილდება, სხვებს ეფერება და ცხოვრებისგან არაერთხელ ტკივილნაგვემი,  უახლოეს სამეგობროსაც კი დათრგუნული და უიმედო წამითაც არ უნახავს. ეს, ალბათ, დიდი და უბრალოებით გამორჩეული ადამიანების ნიშაა, ზოგისთვის გაუგებარიც კი...

_სცენა ჩემი ჰობი იყო მუდამ, ოღონდ  არ მიყვარდა იმიტომ, რომ ვიღაცას მხოლოდ ჩემი ლექსებისთვის ესმინა. ასე უფრო ლაღად ვგრძნობდი თავს, ჩემი სიყვარული, ჩემი სათქმელი მიმეტანა თითოეული ხონელის, თითოეული ახალგაზრდის გულის კუნჭულში, რომ იქ ამენთო ნაპერწკალი საკუთარი თავისადმი რწმენის, საკუთარი  კუთხისადმი, ყველაფერი ქართულისადმი, ადამიანთა მოდგმისადმი სიყვარულისთვის.  სულ მჯეროდა და ახლაც ვერავინ შემიცვლის რწმენას, რომ ღვთის შვილს,  ადამიანს უზარმაზარი უნარი და პოტენცია მისცა ღმერთმა სასიკეთო საქმეების კეთებისთვის, ოღონდ მეტ-ნაკლები მიდგომა და გასაღები სჭირდება, რომ მიაგნო და ასე ლამაზი, განუმეორებელი სიცოცხლის კიდევ უფრო გასამშვენიერებლად განაწყო, აიძულო, გამოამზეუროს და გამოიყენოს საკუთარი პოტენციალი. ეს მიმაჩნდა და მიმაჩნია ჩემი ამქვეყნიური არსებობის ერთ უმთავრეს პრინციპად, _ ამბობს ხონელების მეჭირნახულე ქალბატონი.  

თინა ჭელიძეს ჯერ კიდევ სტუდენტობის წლებიდან უხდებოდა საზოგადოებისთვის   ყველა მტკივნულ საკითხზე  საჯარო გამოსვლა.  პირველი ტკივილი მაშინ იწვნია, როცა 1956 წლის სტუდენტურ გამოსვლებში მიიღო მონაწილეობა და ბობოქარი დღეები  ნაწილობრივ მის ჯანმრთელობასაც შეეხო. თუმცა, ეს უდიდესი გამოღვიძების და ძალისხმევის მოკრების დასაწყისიც გახდა. სად არ ნახავდით მას, ფიზიკურად თუ ეკონომიკურად გაჭირვებულის კარზე საკუთარი დანაზოგით დასახმარებლად  ხელგაწვდილს თუ  ნიჭიერი ახალგაზრდობის  დასაკვალიანებლად შემართულს.  განათლების საკითხი კი   მუდამ იყო მისი  ცხოვრების უმთავრესი პრინციპი. 30 წლის  წლის მანძილზე, ძირითადად, ხონის განათლების სისტემაში საკუთარ კვალს ყველა მიმართულებით  ტოვებდა _ სხვადასხვა დროს ასწავლიდა ხონსა თუ ხონის რაიონის სოფლებში  ქართულ ენასა და ლიტერატურას. მისი გაკვეთილების მომსწრე თაობები  თუ  დამსწრე კვალიფიციური სპეციალისტები  მუდამ გაოცებას გამოთქვამდნენ, ასე დახვეწილი, სიღრმისეული ქართულის ცოდნის გამო. 

კიდევ ერთი ფენომენის, ენების შესწავლის  გამორჩეული ნიჭის გამომზეურება იყო ის, რომ ქართულ ენასა და ლიტერატურას, ისტორიას თუ  გეოგრაფიას რუსულ ენაზე ასწავლიდა ხონის  რუსულ საშუალო სკოლაში და იმ დროისთვის ამავე სკოლის სასწავლო ნაწილის გამგეც იყო. ასევე ასწავლიდა გერმანულ და რუსულ ენებს სხვადასხვა დროს ხონის საშუალო სკოლებში, მუშაობდა მეთოდკაბინეტის მეთოდისტად, ქუთაისის დახელოვნების ინსტიტუტის ლექტორად, კითხულობდა ლოგოპედიის კურსს და ასე  თანდათან სკოლამცოდნეობის სიღრმეებს ისე ჩასწვდა, ხშირად უჭირდათ მასთან გამკლავება  განათლების თემაზე მოსაუბრეებს და მხოლოდ მონუსხული უსმენდნენ. 
ხონში ხშირად გაიგონებთ, რომ თვითგანათლების საოცარ უნარს ფლობდა ქალბატონი თინა ჭელიძე.   მთელ საქართველოში  თანამშრომლობდა ცნობილ მეცნიერებთან, წარმატებულ პედაგოგებთან, განათლების სამინისტროს სააღმზრდელო ცენტრს შინაურივით სტუმრობდა, რომ  მერე მშობლიურ ხონში  სასწრაფოდ წამოეღო და  რაღაც ახალი მისეული სინთეზით დაენერგა!  ამ საქმიანობის პარალელურად თინა ჭელიძე დღეს არ ტოვებდა,  არ დაეწერა ლექსი!  გამოჩნდებოდა მისი ახალი სტრიქონები და ზეპირად იცოდა იმერეთმა, იწერებოდა ახალი სიმღერები მის პოეტურ ქმნილებებზე.

პირველი ლექსების კრებული "უიალქნოდ" ახალგაზრდა თაობამ ჩაიხუტა. პირველი სიყვარულის (ბლომდე განუხორციელებლის)  ბოლომდე ერთგულმა  ქალბატონმა, რაც მისი შემდგომი შთაგონების წყარო გახდა,  განსაკუთრებით ახალგაზრდობისადმი  თავდავიწყებულ სიყვარულში გადაიზარდა და ტკივილით თქმული: "უიალქნოდ დავალ ზღვაზე, რა გავშალო,  აფრა არ მაქვს... ამ ვეება ქვეყანაზე მუჭისტოლა გული დამაქვს!..." ხონელი ახალგაზრდობის ლექსი-კუმირი გახდა,   მუჭისტოლა გულში  მთელ სამყაროს იტევდნენ ახალგაზრდები, რომლებიც გუნდ-გუნდად დაჰყვებოდნენ ერთგულების ქალბატონს და მისგან სწავლობდნენ, როგორ უნდა  ჰყვარებოდათ, როგორი ერთგულება უნდა სცოდნოდათ.

მისი ერთ- ერთი პირველი ლექსი:  "მე რომ შენ მყავდე", სწორედ იმ არხილული შვილის წარმოსახვა იყო, რომლის ძალითაც მერე მომავალი თაობები იქცნენ მის შვილებად...

"მე რომ შენ მყავდე, მექნებოდა ურიცხვი ნატვრა,
ჯერ ხარის ბეჭზე გასწავლიდი ნახშირით ხატვას"...

1984 წელს ხონში ახალგაზრდა შემოქმედთა გაერთიანება ჩამოაყალიბა, შექმნა პირველი ხელნაწერი ჟურნალი,  მის სახლში მისაღებ ოთახს კი,   80-იანი წლების ხონის ახალგაზრდობამ   "შტაბ-კვარტირა"  დაარქვა.  ასე იქცა მომავალი თაობის წინამძღოლად, რომელთა წარმომადგენლებს ხშირად უმეორებდა, "გახსოვდეთ, დიდი მდინარეები მუდამ პატარა შენაკადებით ცოცხლობენ და აქ უნდა იძლიეროთ,  წიაღი არ უნდა დაშრეს, რომ მომავლის საქართველოში კიდევ დაიბადოს გალაკტიონი, ანა, მურმანი..."

როგორც წესი,  ხშირად სტუმრობდა ქუთაისის მწერალთა კავშირს, ხონში იწვევდა ცნობილ ახალგაზრდა თუ ასაკოვან, ნიჭიერ და  სახელოვან მწერლებს, რომ აქაურ ახალგაზრდობას  რაც შეიძლება მეტი  მოესმინა, მეტი გაეგო.  მუდამ განრიდებული იყო ყოველგვარ პოლიტიკას, თითოეულ ადამიანში ადამიანურ ნიჭს და უნარებს ეძებდა!   ამიტომაც  შემოქმედთა გაერთიანებაში მუდამ ქართველთა უძველესი კულტურის არსზე საუბრობდა, რაც ჩვენი ერის უნიკალურობის ძირისძირად მიაჩნდა.   შემდეგ ეს ორგანიზაცია ხონის კულტურის განყოფილებას დაუქვემდებარა,    დათმო კონკრეტული პედაგოგიური მოღვაწეობა და ძირითადად  წლები და თავი მიუძღვნა ახალგაზრდა შემოქმედთა შორის ყოფნას. 

1994 წელს, როცა ხონში თოჯინების თეატრი ჩამოაყალიბა,  უშუქობის ხანა იყო. "დაბნელებული პერიოდის" ხონში ბავშვებსა და ახალგაზრდებზე სრულიად უანგაროდ მზრუნველი, შინაურებსაც აოცებდა  თავისი ქველმოქმედებით და ზოგჯერ უახლოესი ადამიანებისგანაც  ისმოდა მერკანტილური, ვიწრო აზროვნებისთვის დამახასიათებელი სიტყვები:  "ნეტა, მოცლილია თუ რად იკლავს თავს, ვინ დაუფასებს ამდენ უანგარო შრომას და უფასოდ სირბილსო"... მაგრამ ხონელების თინათინი განა იმიტომ თესდა, რომ თვითონვე მიეღო მოსავალი?   ის იმ  ქალთა კრებულის გენეტიკის მატარებელი იყო, ვისაც ხშირად ადარებენ  და დღემდე ასე ეხმიანებიან:  "მაქეთ მოსვლა გვიხარია, სანამ ხონში გვეგულები..."

ხელიხელ ნალოლიავები თოჯინების თეატრი არეულ წლებს ემსხვერპლა, თუმცა,  კვლავ ჩვეული თავგანწივა, თუ საჭირო იყო, ყველა კარზე დაკაკუნება და 1999 წელს კვლავ აღადგინა!   ეს თეატრი  დღემდე ემსახურება ხონის მოსწავლე-ახალგაზრდობას.

ხონში თინა ჭელიძის ხელმძღვანელობით ჩამოყალიბდა ლიტერატურული თეატრი და ვოკალური ტრიო "მრავალჟამიერი", ხონის რადიო...  ხოლო გასულ წელს, სახელოვანი მწერლის, ნოდარ დუმბაძის მემორიალი და სამუზეუმო კუთხე  ხონში, დუმბაძის ქუჩაზე, იმ სახლში რომ გახსნილიყო, სადაც მწერლის ბებია ცხოვრობდა და  დედულეთში  ყოფნისას ნოდარ დუმბაძემ ბავშვობის არაერთი წელი გაატარა,  თინა ჭელიძემ თავდაუზოგავი შრომა გასწია და  ბიზნესმენ იუზა უგულავას დახმარებით საქმე ბოლომდე მიიყვანა.
ძნელია ჩამოთვალო და წიგნიც ვერ დაიტევს,   რამდენი სიკეთე, სახალხო და ეროვნული საქმე  აკეთა ქალბატონმა თინა ჭელიძემ ხონის სინამდვილეში, რომელსაც საკუთარი ხელფასიც კი არცერთ დროში საკუთარი თავისთვის არ დაუზოგავს და მუდავ ვიღაცისთვის ემეტებოდა, პურისთვის, სულიერებითვის...
ხონის კულტურულ სამყაროს დღესაც, 80 წლის ასაკში გასაკვირი ენერგიით მიუძღვება, "ხონელების ვოლტერი", ქალი რომელიც თავისი საქმიანობით ხმალამოღებულ  მხედარს ჰგავს, ხოლო როცა  გამოჩნდება მისი ლექსი,  მთელ ამ მოღვაწეობას ლირიულობის, პოეტურობის,  ქალურობის სინაზის ისეთ  არშიას  შემოავლებს, კითხვაც კი გაგიჩნდება,  ამ სტრიქონების  ავტორი და სახალხო   საქმიანობის ხმალამოღებული  წინამძღოლი, ერთი და იგივე ადამიანია?
თინა ჭელიძე ბოლო 30 წელია,  ხონის კულტურის სფეროს ემსახურება და ხშირად ახერხებს ხონისთვის გამორჩეულად სასიკეთო საქმეების კეთებას.  მან ხონის კულტურის ცენტრის დირექტორთან, ალექსანდრე აკობიძესთან ერთად,  სახელოვანი ხონელი ქველმოქმედის კონსტანტინე ჩხენკელის სახელობის ხონის კულტურული აღორძინების ფონდი დააფუძნა, რომლის დაფინანსებით ხონის ისტორიულ ბულვარში კეთილმოეწყო  გამოჩენილი ხონელი საზოგადო მოღვაწის ივანე შარაშიძის საფლავი.

_ ასაკს, როგორც რიცხვებს ისე ვუყურებ. ახლა  ხონის კულტურული აღორძინების ფონდს ვჭირისუფლობ.  უამრავი საქმე მაქვს.  რაც შეიძლება, მეტის კეთება უნდა მოვასწრო ჩემი ხონისთვის...  გურია მომიკითხეთ, ჩემი ნოდარის გურია, _ გვეუბნება ქალბატონი თინა...

გურიაში კი ბევრმა არც იცის, როგორი თავდაუზოგავი შრომა გასწია ამ მოღვაწე ქალბატონმა, ნოდარ დუმბაძის დედულეთში _ ხონში,   ნოდარ დუმბაძის ბებიის ყოფილ  სახლში, რომ გახსნილიყო მწერლის ბარელიეფი და სამუზეუმო კუთხე. 

ვინ ჩამოთვლის თინა ჭელიძის რეგალიებს... ხონის საპატიო მოქალაქე, გასულ წელს საქართველოს მწერალთა ეროვნული აკადემიის წევრად აირჩიეს.




 ახალი ამბები
  • სახელმწიფო ინსპექტორმა ბავშვის ინტერესების დამრღვევი ადვოკატი სამართალდამრღვევად ცნო სახელმწიფო ინსპექტორის სამსახურმა არასრუწლოვანის და მისი ოჯახის შესახებ პერსონალური მონაცემების უკანონოდ გამავრცელებელი ადვოკატი ლ. კ. სამართალდამრღვევად ცნო და ადმინისტრაციული სახდელის სახით - 500 ლარით დააჯარიმა. აღნიშნულის შესახებ განცხადებას ორგანიზაცია „ახალგაზრდა ადვოკატები“ ავრცელებს. „ახალგაზრდა ადვოკატების“ განმარტებით, 2020 წლის 26 მარტს ტელეკომპანია „რუსთავი 2“-ის გადაცემა: „პროფილის“ ეთერით ნაჩვენები იქნა კვიპროსის რესპუბლიკიდან ჩეხეთის მოქალაქე არასრულწლოვანის საქართველოში გადადაგილების ისტორია, რაც ინიცირებული იქნა არასრულწლოვანი დედის მონაწილეობით და საზოგადოებას მიეწოდა არაერთი მცდარი ფაქტი ბავშვის ე.წ. „გატაცებისა“ და „უცნობი“ ადგილსამყოფელის თაობაზე. გადაცემის სოციალურ ქსელში განთავსების შემდგომ არასრულწლოვანის დედამ და მისმა წარმომადგენელმა - ადვოკატმა არაერთი შეტყობინება გამოაქვეყნეს გვერდზე, სადაც მოქალაქეებს მოუწოდებდნენ „დაკარგული“ არასრულწლოვანის „მოძებნას“ და ამ პროცესში აქტიურ დახმარებაზე. როგორც არასრულწლოვანის დედამ, ასევე მისმა წარმომადგენელმა - ადვოკატმა გადაცემის გვერდზე გამოაქვეყნეს ა. არასრულწლოვანის ფოტო-მასალა, ბ. მამის ფოტო-მასალა დედასთან - ბავშვის ბებიასთან ერთად, გ. მამის შესახებ გამოაქვეყნეს მცდარი განცხადებები, რომ ის არის ძებნილი პირი, დამნაშავე, ყოფილი მეუღლე და სხვა. გამოქვეყნებული ფოტოები გააზიარეს Facebook-ის მომხმარებლებმა, რომლებიც ერთმანეთს მოუწოდებდნენ, რომ ბავშვის, მამის და ბებიის თავშეყრის ადგილებში შემჩნევის შემთხვევაში, მიღებულყო გადამჭრელი ზომები. ორგანიზაცია ცალსახად განმარტავს, რომ არასრუწლოვანი დედის წარმომადგენელმა - ადვოკატმა, მხარის მოთხოვნის მიუხედავად, პირადი Facebook-ის გვერდიდან არ წაშალა 2020 წლის 11 მარტს გამოქვეყნებული არასრულწლოვანის ფოტო-მასალა, ხოლო 2020 წლის 22 მარტს გამოაქვეყნა დედა-შვილის ფოტო და გაავრცელა შემდეგი სახის ინფორმაცია, რომ მამამ დედას შვილი „წაართვა“ და „დამნაშავე“ საქართველოს „აფარებს“ თავს. ასევე, ადვოკატმა 2020 წლის 26 მარტს, გადაცემის ეთერში გასვლის შემდგომ, ასევე პირადი Facebook-ის გვერდზე, გადაცემის გაზიარებასთან ერთად, გამოაქვეყნა შემდეგი სახის ინფირმაცია, რომ „ბავშვი გადამალა მამამ“. მსგავსი შინაარსის შეტყობინებები, აგრეთვე მრავლადაა გადაცემა: „პროფილის“ Facebook-ის ოფიციალურ გვერდზე, რომლის მტკიცებულებებიც წარედგინა სახელმწიფო ინსპექტორის აპარატს. ორგანიზაციის სამართლებრივი დასაბუთებით, ადგილი ჰქონდა თანხმობის გარეშე, განსაკუთრებული პერსონალური მონაცემის დამუშავებას, გავრცელებას, რომელიც წარმოდგენილია არასრულწლოვანის, თავისი მამისა და ოჯახის კიდევ ერთი წევრის - არასრულწლოვანის ბებიის ფოტო-მასალის გავრცელებასთან. ამასთან, ადგილი ჰქონდა დასახელებულ პირთა მიმართ დაუდასტურებელი ინფორმაციის გავრცელებას - არასრულწლოვანის გატაცებაზე, მამის სისხლის სამართლის დამნაშავედ მიჩნევისა და მასზე ძებნის მიმდინარეობის თაობაზე, რაც აშკარად ლახავს მხარის პირად არაქონებრივ ინტერესებს, ლახავს მამის ღირსებას და არ ემსახურებოდა არასრულწლოვანის კანონიერ ინტერესებს, რომლის მიმართაც არსებობს მომეტებული საჯარო ინტერესი. ადგილი ჰქონდა არასრულწლოვანის დედის მიზანმიმართულ ქმედებათა ჯაჭვს, რომელსაც მხარდაჭერას უცხადებდა მისი წარმომადგენელი ადვოკატი, რომელიც თავის მხრივ ხელს უწყობს არასრულწლოვანის, მისი მამისა და ბებიის ფოტომასალის გავრცელებას სოციალური მედიის - Facebook-ის მეშვეობით. სამწუხაროდ, ადვოკატი არღვევდა სასამართლოს მითითებას და დახურული სხდომის მიუხედავად, სადაც საქმეთა მასალებით არ დასტურდება მამის ძებნის, არასრულწლოვანის დაკარგვის ან ადგილსამყოფელის მიუგნებლობის ფაქტი, ამავე საშუალებებით ავრცელებდა საწინააღმდეგო მოსაზრებებს. სახელმწიფო ინსპექტორის აპარატის 2020 წლის 6 ივლისის გადაწყვეტილებით აღნიშნულია, რომ 2020 წლის 21 აპრილის წერილით, ადვოკატს ეთხოვა მომჩივანი მხარის განცხადებაში მითითებულ გარემოებებთან დაკავშირებით ინფორმაციის წარმოდგენა არაუგვიანეს 28 აპრილისა. შემდგომში, „საქართველოს მთელ ტერიტორიაზე საგანგებო მდგომარეობის გამოცხადების შესახებ“ პრეზიდენტის ბრძანების შესაბამისად, ადვოკატს გაუხნგრძლივდა მოთხოვნილი ინფორმაციის წარმოდგენის ვადები და სახელმწიფო ინსპექტორის აპარატისთვის დოკუმენტიის წარდგენა დაევალა ქვეყანაში საგანგებო მდგომარეობის დასრულების შემდგომ. გადაწყვეტილებაში აღნიშნულია, რომ ადვოკატმა საგანგებო მდგომარეობის დასრულებიდან (2020 წლის 23 მაისიდან) გონივრული ვადის გასვლის მიუხედავად, სამსახურისთვის მოთხოვნილი ინფორმაცია არ წარუდგენია. 2020 წლის 4 და 18 ივნისს, ადვოკატს წარმოსადგენილი ინფორმაციის შესახებ ხელმეორედ ეთხოვა. ასევე, ეთხოვა დოკუმენტაციის წარმოუდგენლობის მიზეზების განმარტება. სამსახურმა დაადგინდა, რომ ადვოკატს კანონით დადგენილი წესით ჩაბარდა მოთხოვნის წერილები. 2020 წლის 30 ივნისს, ადმინისტრაციული სამართალდარღვევის ოქმის შედგენის მიზნით, ადვოკატი დაბარებულ იქნა სახელმწიფო ინსპექტორის სამსახურში. ამავე წერილით მას კიდევ ერთხელ ეთხოვა შეხვედრაზე შესაბამისი ინფორმაციის (მათ შორის დადგენილ ვადაში ინფორმაციის წარმოუდგენლობის თაობაზე განმარტების) წარმოდგენა. 2020 წლის 2 ივლისს, ადვოკატი სახელმწიფო ინსპექტორის სამსახურში არ გამოცხადებულა და არც გამოუცხადებლობის შესახებ ინფორმაცია მიუწოდებია. სახელმწიფო ინსპექტორის აპარატის გადაწყვეტილების მიხედვით, ადვოკატი გამიზნულად თავს არიდებდა მონაცემთა დამუშავებასთან დაკავშირებული ინფორმაციის წარმოდგენას, რამაც გააჭიანურა განცხადების განხილვის პროცესი და აღნიშნულის შედეგად, სახელმწიფო ინსპექტორის აპარატმა, მოცემულ დრომდე, ვერ შეძლო შეესწავლა მონაცემთა სუბიექტების მონაცემების დამუშავების კანონიერება. ადვოკატი ცნობილ იქნა სამართალდამრღვევად და მას შეეფარდა ჯარიმა 500 ლარის ოდენობით. „ახალგაზრდა ადვოკატები“ განმარტავს, რომ თბილისის სააპელაციო სასამართლოს სამოქალაქო საქმეთა პალატა, „ბავშვთა საერთაშორისო გატაცების სამოქალაქო ასპექტების შესახებ’’ 1980 წლის ჰააგის კონვენციის ფარგლებში, მსჯელობს ევროკავშირისა და ჩეხეთის მოქალაქის, არასრულწლოვანის კვიპროსის რესპუბლიკაში შესაძლო დაბრუნების ან საქართველოში საცხოვრებლად დატოვების საქმეზე. დასახელებულ საქმეზე სამართალდამრღვევი ადვოკატი სწორედ დედის - ოლივია ანტონის ინტერესებს წარმოადგენს, რომელმაც, ამავე პალატამ, 2020 წლის 5 ივნისს, ბავშვის საქართველოდან გადაადგილება (გაყვანა) აუკრძალა. 2020 წლის 30 მარტს, ადვოკატის მიერ პროფესიული მოვალეობების შესრულების პროცესში სავარაუდო დარღვევების შესახებ, წერილობით ეცნობა საქართველოს ადვოკატთა ასოციაციის თავმჯდომარეს. ასოციაციის თავმჯდომარის 2020 წლის 29 აპრილის წერილით, განმცხადებელს ეცნობა, რომ „დასაფასებელია ის სულისკვეთება, რასაც ადვოკატის პროფესიის იმიჯსა და რეპუტაციაზე ზრუნვა ჰქვია“. ასოციაციის აღმასრულებელმა საბჭომ სურვილი გამოთქვა ასოციაციის მოდავე წევრებვს შორის მომრიგებლად (მედოატორად) გამოსულიყო, თუმცა განმცხადებელმა დამატებითი წერილით ასოციაციას აცნობა, რომ საკითხი შეეხებოდა არა კოლეგებს შორის დავას, არამედ საქართველოს ადვოკატთა ასოციაციის ერთ-ერთი კომიტეტის თავმჯდომარის ქმედებებს და განმცხადებელი ვალდებული იყო პროფესიული მოვალეობების განხორციელების პროცესში დარღვევებზე, ოფიციალურად ეცნობებია საქართველოს ადვოკატთა ასოციაციისთვის.  ... ...
  • #გადაარჩინეხადა - ხადის ხეობის დასაცავად პეტიცია შეიქმნახადის ხეობის გადასარჩენად საერთაშორისო პეტიცია შეიქმნა. პეტიცია “გადავარჩინოთ უნიკალური ხადის ხეობა” საქართველოს მთავრობას და საერთაშორისო ბანკებს მოუწოდებს, რუსეთისკენ მიმავალი ქვეშეთი-კობის გზის მონაკვეთი ხადის ხეობის გავლით არ აშენდეს. “უნიკალური ისტორიულ-კულტურული ღირებულებისა და ტურისტული პოტენციალის მქონე ხადის ხეობას საფრთხე ემუქრება”, - ნათქვამია პეტიციაში, რომლის ინიციატორებიც ადგილობრივი მოსახლეობის ნაწილი, ხელოვნებათმცოდნეები, არქეოლოგები, ბიომრავალფეროვნების ექსპერტები და გარემოს დამცველები არიან. საქართველოს მთავრობასთან ერთად,  პეტიციის ადრესატები არიან: ევროპის რეკონსტრუქციისა და განვითარების ბანკი და აზიის განვითრების ბანკი - ის საერთაშორისო საფინანსო ინსტიტუტები, რომლებიც ქვეშეთი-კობის გზის მონაკვეთის პროექტს აფინანსებენ. პეტიციის ხელმომწერები ითხოვენ: დაუყოვნებლივ შეჩერდეს ქვეშეთი-კობის გზის მიმდინარე სამშენებლო სამუშაოები; საზოგადოების ფართო ჩართულობით შემუშავდეს ჩრდილოეთ-სამხრეთი დერეფნის მონაკვეთის ალტერნატივა; პროექტის შესაძლო უარყოფითი ზემოქმედების თავიდან ასაცილებლად ჩატარდეს აუცილებელი წინასწარი კვლევები; ხადის ხეობა დაცულ ლანდშაფტად გამოცხადდეს, რათა დაცული იყოს ხადის ბუნებრივ-კულტურული გარემო და ხელი შეეწყოს მდგრადი ეკოტურიზმის განვითარებას.  “ჩვენ ერთი წლის განმავლობაში ყველანაირ ოფიციალურ მეთოდს მივმართეთ იმისათვის, რომ ხადის ხეობა გადაგვერჩინა, მაგრამ იმის ნაცვლად რომ მთავრობას ჩვენთვის და სპეციალისტებისთვის მოესმინა, მშენებლობა დაიწყო. ვფიქრობთ, ეს არ  არის მხოლოდ ადგილობრივი მოსახლეობის ბრძოლა. ხადის ხეობა თუ დავკარგეთ, მას მთელი საქართველო დაკარგავს. ამიტომ, იმედი გვაქვს, რომ ხადის ისტორიული კულტურული მემკვიდრეობისა და მდიდარი ბიომრავალფეროვნების დასაცავად ყველა გავერთიანდებით”,_ ამბობს ხადის მკვიდრი გიგა ჩოხელი. ხელოვნებათმცოდნე მანანა სურამელაშვილი: „ხადის ხეობის მცირე ტერიტორიაზე თავმოყრილი კულტურული მემკვიდრეობის ძეგლების გასაოცარი სიმრავლე, ტიპოლოგიური მრავალფეროვნება და ფართო ქრონოლოგიური დიაპაზონი ცხადად ადასტურებს მის  უნიკალურობას, რომლის ახსნა ჯეროვან მეცნიერულ შესწავლას საჭიროებს. აქ შემორჩენილ ზოგიერთ ნიმუშს ანალოგი არა აქვს. მათ შორის IX-X სს-ების  ეროვნული მნიშვნელობის სამი ძეგლია. ამას ემატება ხეობის განსაცვიფრებელი ბუნებრივი ლანდშაფტი, მასში ჩაწერილი ტრადიციული სტრუქტურის მქონე  ულამაზესი სოფლებით და მაცხოვრებლებით, რომელთა ხსოვნაში აღბეჭდილი ცოდნა არამატერიალური მემკვიდრეობის ასევე შეუსწავლელი ნაწილია. ეს მთლიანობა დიდი სამეცნიერო, საგანმანათლებლო და ტურისტული პოტენციალის შემცველ კულტურულ ფენომენს შეადგენს, რომლის მნიშვნელობა სცდება ლოკალურ ფარგლებს. ამის საფუძველზე,  დაუშვებლად მიგვაჩნია, მაგისტრალის ხადის ხეობაზე გატარება, რისთვისაც  უნდა მოხდეს  სხვა, ალტერნატიული მონაკვეთის შერჩევა”. პეტიციის სრული ტექსტის გაცნობა და ხელმოწერა შეგიძლიათ აქ. ... ...
  • შვიდი დაშავებული, მათ შორის ორი არასრულწლოვანი - ავტოსაგზაო შემთხვევა ხობში შვიდი ადამიანი დაშავდა ცოტა ხნის წინ, ხობის მუნიციპალიტეტის სოფელ ჭალადიდში მომხდარი ავტოსაგზაო შემთხვევის შედეგად. თვითმხილველების ინფორმაციით, BMW-ს მარკის ავტომობილის მძღოლმა, სავარაუდოდ, საჭე ვერ დაიმორჩილა, სავალი ნაწილიდან გადავიდა და ხეს შეეჯახა. დაშავებულები სასწრაფო დახმარების ბრიგადებმა ფოთის ჰოსპიტალში გადაიყვანა. "ადგილზე მისულ სასწრაფო დახმარების ბრიგადას დახვდა 7 დაშავებული, მათ შორის ორი ბავშვია. საჭირო გახდა დამატებითი ჯგუფების გამოძახება. ერთ-ერთ დაშავებულ ქალს აღენიშნებოდა მრავლობითი ტრავმები და იყო შედარებით მძიმე. ყველა მათგანს ადგილზე გაეწია პირველადი დახმარება და გადაყავნილი არიან ფოთის ჰოსპიტალში", _ განაცხადა საგანგებო სიტუაციების კოორდინირებისა და გადაუდებელი დახმარების ფოთის ცენტრის ხელმძღვანელმა, კესო გელენიძემ. შსს-მ მომხდარ ფაქტზე გამოძება სსკ-ის 276-ე მუხლის მე-2 ნაწილით ... ...
  • „მხარდაჭერას გამოვხატავთ“ _ „პატრიოტთა ალიანსის“ ოზურგეთის რაიონულ ორგანიზაციაში ბრიფინგი გამართეს„ჩვენ არ გვინდა საკითხის პოლიტიზირება და არც ის გვსურს, ვინმემ ასე გაიგოს.   ვხედავთ, რომ საზოგადოება, ჟურნალისტები, ყველა გამოხატავს მხარდაჭერას სასიქადულო სპორტსმენისადმი   და ვერ ვიქნები გულგრილი ამ ფაქტის მიმართ“, _ განაცხადა ბრიფინგის დაწყებამდე  „პატრიოტთა  ალიანსის“ ოზურგეთის რაიონული ორგანიზაციის თავმჯდომარემ, ოზურგეთის  საკრებულოს  დეპუტატმა, შოთა გოგიბერიძემ. _ ჩვენ დღევანდელ   ბრიფინგზე   მხარდაჭერას  ვუცხადებთ  ჩვენს  სასიქადულო მამულიშვილს,  ევროპის ვიცე-ჩემპიონს ბერძნულ-რომაულ ჭიდაობში, იური ლომაძეს, რომელიც ახლა საგამოძიებო საქმის ფარგლებში  დაკავებულია, მეგობრებთან  ერთად. თანადგომას ვუცხადებთ  მის ოჯახს,  გურიის მოჭიდავეთა მთელ  თემს. როგორც ინფორმაციაა   გავრცელებული და ვიცით, საქმე  ეხება ოჯახურ კონფლიქტს, როცა ბავშვთან წაიყვანეს მამა  თავისი სურვილით.  ძალადობა  არ ყოფილა.   გარდა ამისა, ისინი არ  იმალებიან.  თავად  მივიდნენ პოლიციაში.  ამიტომ აღმკვეთ ღონისძიებად პატიმრობა არ არის საჭირო.  გვინდა, მოვუწოდოთ  ჩვენს მართლმსაჯულებას, სამართალდამცავ ორგანოებს, რომ ზედმეტად მკაცრი ნუ იქნებიან.   გაათავისუფლონ ისინი.  აღმკვეთი ღონისძიება შეეცვალოს სახელოვან სპორტსმენს  და  მიეცეს  სპორტული ცხოვრების  გაგრძელების  საშუალება.   ასეთი მიდგომა სტრესულ მდგომარეობაში აყენებს მათ და მოვუწოდებთ  სამართალდამცავებს, გაითვალისწინონ ჩვენი თხოვნა, _ თქვა შოთა გოგიბერიძემ. ბრიფინგის შემდეგ „პატრიოტთა ალიანსის“ ოზურგეთელმა წევრებმა კვლავ ისაუბრეს იური ლომაძის, როგორც ძალზე პერსპექტიული, წესიერი,  შრომისმოყვარე ახალგაზრდის  შესახებ, რომელიც არ უნდა დაიჩაგროს, მისი უფლებები  არ უნდა ... ...
  • ნიკო ნიკოლაძის დაარსებულ ისტორიულ სასწავლო დაწესებულებას რეაბილიტაცია უტარდებასამტრედიის მუნიციპალიტეტში, სოფელ დიდ ჯიხაიშში ნიკო ნიკოლაძის დაარსებული ისტორიული სასწავლო დაწესებულება  სრულ რეაბილიტაციას გაივლის. სარეაბილიტაციო სამუშაოები შემოდგომაზე დაიწყება, რომლის დასრულების შემდეგ, ჯიხაიშში  დასავლეთ საქართველოში ყველაზე მასშტაბური აგრარული პროფილის კოლეჯი ამოქმედდება. მოეწყობა თანამედროვე სასწავლო ბაზები, დაინერგება საერთაშორისო გაცვლითი პროგრამები, კერძო სექტორთან მჭიდრო თანამშრომლობით შეიქმნება სოფლის მეურნეობის დარგში ახალი ცოდნის გავრცელების მექანიზმები. დიდ ჯიხაიშში სასოფლო-სამეურნეო სასწავლებელი დიდი ქართველი მოაზროვნის, პუბლიცისტისა და საზოგადო მოღვაწის ნიკო  ნიკოლაძის თაოსნობით, 1925 წელს დაარსდა. არსებობის 95  წლის მანძილზე სასწავლებელმა სახელოვანი და  ნაყოფიერი გზა განვლო, თუმცა 1990-იან წლებში ქვეყანაში შექმნილმა მძიმე ვითარებამ, საგანმანათლებლო ინფრასტრუქტურის რღვევამ ისტორიულ სასწავლებელსაც მძიმე დაღი დაასვა. დაწესებულება 2016 წლიდან  საქართველოს ტექნიკური უნივერსიტეტის  აგრარული მეცნიერებების და ბიოსისტემების ინჟინერიის ფაკულტეტის დაქვემდებარებაშია. სწორედ ტექნიკური უნივერსიტეტის მიერ მომზადდა დიდი ჯიხაიშის ინფრასტრუქტურის განვითარების გეგმა, რომელიც პირველ ეტაპზე, განათლების, მეცნიერების, კულტურისა და სპორტის სამინისტროს მხარდაჭერით, სასწავლო კორპუსის სრულ რეაბილიტაციას ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...