დიდთოვლობა და ფასები

საზოგადოება

დიდთოვლობა და ფასები

2017 თებ 7 03:58:38

გურიაში იანვრის უხვთოვლიანობა, მოსახლეობის აზრით, განსაკუთრებით აისახა ნებისმიერი პროდუქტის ფასზე. შესაბამისად, მოქალაქეები უკმაყოფილებასაც ღიად გამოხატავენ.

სიგარეტზე ფასის მატებამ, მწეველების ნაწილი შინ მოყვანილი თუთუნის კლიენტებად აქცია.ოზურგეთის აგრარულ ბაზარში ათამდე ადამიანს გამოყოფილი აქვს საკუთარი დახლი და კლიენტებს თავაზიანად ემსახურებიან, თუმცა, ხშირად გაიგონებთ იმასაც, რომ ე. წ. რბილი, მაგარი თუ საშუალო სიძლიერის თუთუნის ყიდვის მსურველებს ისე ატყუებენ ერთი და იმავე თუთუნით, რომელიც ცალ-ცალკე დევს, ბევრი საერთოდ ვერ ხვდება.

 ჩვენ დავინტერესდით, იმატა თუ არა მეთუთუნეებთან მოვაჭრე ახალგაზრდების რიცხვმა თამბაქოს ფასის მატების შემდეგ და დადასტურდა, რომ ეს ნამდვილად ასეა.

შუახევის რაიონის სოფელ ჩანჩხალოს მკვიდრი თემურ დუმბაძე ამბობს, რომ მყიდველი არასდროს მოუტყუებია და თავისი შრომით მოწეულ თუთუნს ყიდის:

_ თამბაქოს ხარისხიანი მოსავალი რომ მოიწიო, უმძიმესი შრომა სჭირდება. ჩაი რა მოსატანია _ უფრო მძიმე სამუშაოა. მარტიდან რომ დავიწყებთ ჩითილების გამოყვანას, ოქტომბრამდე უნდა გადაჰყვე ზედ. თუ არავინ მოწევს თუთუნს, ძალიან კარგია, მაგრამ არაა ასე _ ეწევა ხალხი. რამდენჯერ გაძვირდა ჩემს მეხსიერებაში და ვინც ეწეოდა, მაინც ეწევა. ესაა, ახლა თუთუნის მყიდველი ახალგაზრდების რიცხვმა იმატა. ჩვენ ძალიან არ გაგვიძვირებია, მაგრამ ფასი მოიმატებს, დარწმუნებული ვარ. აჭარაში პურის ფული რომ ჰქონდეს იქაურებს, თუთუნი ერთ-ერთი შემოსავლის წყაროა. ჯერ კიდევ არის ხალხში თუთუნის მარაგი _ ის მრავალი წლის მანძილზე ძლებს, თუ კარგად შეინახავ. აი, ის მარაგი რომ გათავდება, უფრო გაძვირდება. აბა, რა გითხრათ? ცუდია, რომ ახალგაზრდები ასე ეტანებიან, თუმცა, იმ სიგარეტზე უარესი მაინც არ მგონია, რომ იყოს. ვინ რა იცის, რა ხარისხისაა სიგარეტები? მაღალ ფასს მარტო თუ დაეჯერება, არ ვიცი. რაც ამას შრომა სჭირდება, კილოგრამი 50 ლარი კი არა 100 ლარი უნდა ღირდეს, _ გვეუბნება ბატონი თემური და გვიამბობს თუ რა შრომის ფასად უხდება თუთუნის 200-დან 300 კილოგრამამდე მოსავალი რომ მიიღოს წელიწადში.

ახლა რომ უფრო აქვს გასავალი და კლიენტმა იმატა, ძალაუნებურად უხარია, თუმცა, გვთხოვს, დავუჯეროთ, რომ გულწრფელად ენანება ახალგაზრდების ფილტვები თამბაქოს კვამლისთვის: _ ნებისყოფა უნდა გამოიჩინონ და მშობლებმაც თავიდანვე უნდა მოახდინონ შვილებზე გავლენაო, _ გვეუბნება ის.

დღეისთვის ოზურგეთში 20 გრამი თუთუნი 1 ლარი ღირს. არც ისე დიდი ხნის წინ ამ ფასად ორჯერ მეტს იყიდდი.

 თუთუნის კიდევ ერთი გამყიდველი თემურ ძირკვაძეც ადასტურებს, რომ თუთუნის მყიდველთა შორის ახალგაზრდების რიცხვმა იმატა:

_ ახლა, რიგი არ დგას, მაგრამ სიგარეტის გაძვირების შემდეგ, ბევრი ყიდულობს, ვიდრე მანამდე. ადრე უფრო ასაკოვანი კაცები ყიდულობდნენ ან მათი ცოლები, _ იცინის ის და თავადაც თემურ დუმბაძის მსგავსად ამბობს, რომ კარგი იქნება, თუ ახალგაზრდები არც თუთუნს გაეკარებიან და სიგარეტსაც თავს დაანებებენ:

_ თუ კაცს ჭკუა გაქვს, არ უნდა გადაყარო მაგაში ფული, დრო და ჯანმრთელობა კი დაზოგო. თუმცა, ჩვენ გავასწორებთ ამ ქვეყანას? _ ამბობს ის.

რაც შეეხება მწვანილის ფასს, მას ქალბატონები კატასტროფულს უწოდებენ, რაზეც ფერმერი შოთა შაქარიშვილი, რომელიც თავისივე მოწეულ მწვანილეულს ყიდის, ამბობს, რომ გაზარმაცებული ხალხისგან საყვედურის მოსმენა არ უყვარს.

_ რა არის კატასტროფა, მიწის მოჩიჩქნა რომ ეზარებათ? მე გავყიდი უფრო მეტს, თუ არ მოიწევენ საკუთარ ეზოში მწვანილს, ჩემთვის უკეთესია, მაგრამ ოხრახუში რატომ არ უნდა გქონდეს ბოსტანში? მერე რა, რომ ზამთარია? პირველად მოვიდა თოვლი? წადი ახლა და დათვალე, სოფელში რამდენს არ აქვს. მე ჩემსას ვყიდი, გადამყიდველი კი არ ვარ! ეს მწვანილი კარგად უძლებს თოვლს, სამი მეტრი პოლიეთილენის პარკი ეყოფა, ზამთარში რომ გადახურო ორი კვადრატული ფართობი. ღიაშიც ვერ მოყინავს, უბრალოდ, დაჩიავდება, _ ამბობს ის და ხუმრობით ოხრახუშის კონას თოვლში არჭობს, _ ასე უნდა გქონდეს ზამთარშიც და ბაზარ-ბაზარ არ იწუწუნებ მერე, კილოგრამი 20 ლარი რატომ ღირსო.

შაქარიშვილი ხელისუფლებას საყვედურობს, სადაც დავჯექი, წამომაგდეს, არ მაყენებენო.

კითხვაზე, რატომ არ დგება სპეციალურ დახლთან, სადაც დანარჩენი გამყიდველები დგანან, გვპასუხობს: "მე გადამყიდველი არ გეგონოთ _ მშრომელი კაცი ვარ და ჩემი აზრები მაქვს. ჭკუა რომ ჰქონდეთ, ერთ საბავშვო ბაღს იაფი მწვანილეულით მოვამარაგებდი. ჩემი მხრიდან ეს იქნებოდა ხელშეწყობა. მაგათ კი ხელი იმით უნდა შემიწყონ, რომ გადამყიდველების გვერდით არ დამსვან. წადით და ნახეთ, რა ფასებში ყიდულობენ ახლა საბავშვო ბაღებისთვის მწვანილს. მშრომელი გლეხისთვის ახლა არავის სცალია. გადამყიდველები კი ქორებივით ბრდღვინავენ და კარგ ადგილზე ვინ გაგაჩერებს?!"

შოთა შაქარიშვილს თავისი ხედვა აქვს და გვთხოვს, საკუთარ კარმიდამოში, თავისივე სათბურში ვეწვიოთ, სადაც ამ დროისთვის უკვე, მიწაში ჩაყრილი 100 კგ. თესლისგან მწვანე ხახვის მოსავალს ელოდება. თუმცა, რეალიზაცია რომ მოახდინოს, ნახევრის ჩაბარება მაინც მოუწევს, რადგან, მისივე აზრით, ძირითადად, გადამყიდველთა ბაზარია და არა მშრომელ ფერმერთა.

რაც შეეხება საკვები პროდუქტების ფასს, რაც ამ პერიოდში განსაკუთრებით აღელვებს ხალხს, თითქმის არ მოუმატებია და ორი თვის წინანდელ ნიშნულზეა _ ერთი კილოგრამი ყველი 7 ლარი ღირს, ხორცი _ 11-12 ლარი; ერთ კილოგრამი სიმინდის ფქვილს ერთ ლარსა და 20 თეთრს აფასებენ; ცოცხალი შინაური ფრინველების თუ ცხოველების ფასიც ორი-სამი თვის წინანდელია _ ქათამი 16-18 ლარი ღირს, წყვილი ციცარი _50 ლარი, ინდაური _ 30-40 ლარი; შედარებით გაზრდილია გოჭის ფასი _ ცოცხალი წონით, ერთი კილოგრამი 9-10 ლარი ღირს. როგორც ამბობენ, შესაძლოა, გოჭის ფასი უფრო გაიზარდოს გაზაფხულის მოახლოებასთან ერთად.

_ გასულ წელს ისევ გაჩნდა ჭირი და სადღაა ძლივს მომრავლებული ღორები?! მყავს გოჭები და მგონი, აშენებას ვფიქრობ, რა ვქნა, ასე ვწვალობ, _ გვეუბნება ხათუნა ლომჯარია, რომელიც აგრარულ ბაზარში ხშირად ვაჭრობს საკუთარი შრომით მოწეული ხილ-ბოსტნეულით და ოჯახში გამოზრდილი შინაური ფრინველ-ცხოველით.

მარინა ღლონტი, რომელიც ბაზარში ცოცხებით და სხვა საოჯახო ნივთებით ვაჭრობს, გვეუბნება, რომ დიდთოვლობის გამო თავისი საქონლის ფასი არ გაუზრდია:

_ ჩვენ აქ მუდმივად ვყიდით რაღაცეებს. პურის ფულს ვშოულობთ, მეტს _ არა, მაგრამ არც ერთ დიდთოვლობაზე არ გვიკადრია, ხალხის გასაჭირით გვესარგებლა და ფასი აგვეწია საქონლისთვის. აგერ, მეგობარი დგას _ ამას წინათ ტაქსისტმა უთხრა, ლიხაურში 15 ლარად წაგიყვანო. როცა იქ ტაქსით ასვლა 5 ლარი ღირს. ასე რატომ უნდა მოიქცე ადამიანი? ის თოვლი მარტო შენ გაწუხებს და სხვას არა? ამინდმა თუ არ დაგვინდო, ჩვენ უნდა შეგვეძლოს ერთმანეთის დანდობა! _ გვეუბნება ის.




 ახალი ამბები
  • "ლაჩარი, არარაობა" - ეკა ბესელია ვანო ზარდიაშვილს პასუხობსეკა ბესელია ვანო ზარდიაშვილის მიერ ცოტა ხნის წინ გაკეთებულ იმ განცხადებას ეხმაურება, სადაც ოცნების დეპუტატი ამბობს, რომ ბესელია ე.წ. ვირთხაა, რომელსაც ნოდარ მელაძესთან "ოცნებიდან" ინფორმაცია გაჰქონდა. საპარლამენტო უმრავლესობის ყოფილმა წევრმა „ქართული ოცნების“ დეპუტატს ლაჩარი და არარაობა უწოდა. ბესელია ბიძინა ურჩევს, რომ თუ მას ვანო ზარდიაშვილის მსგავსი სპიკერები სჭირდება, მის მოთმინებას ნუ გამოცდის. „ოცნებიდან“ წასული დეპუტატი ამბობს, რომ მისი პირადი ცხოვრების კადრების გავრცელების საქმეზე მას ახლა უფრო მეტი კითხვა აქვს, ვიდრე აქამდე ... ...
  • "ზარდიაშვილმა, დღეს აღიარა ჩემი ფარული მიყურადების ფაქტი" - მელაძე "რუსთავი 2"-ის საინფორმაციო სამსახურის ხელმძღვანელი ნოდარ მელაძე, ვანო ზარდიაშვილის მიერ გავრცელებულ განცხადებას ბესელიაზე "ფეისბუქის" გვერდზე ეხმაურება. "დეპუტატ ვანო ზარდიაშვილის თქმით, ჩემი, "რუსთავი 2'-ის საინფორმაციო სამსახურის უფროსის წყარო იყო ეკა ბესელია, რომელიც ახდენდა ჩემს ინფორმირებას იმ სკანდალურ თემებთან დაკავშირებით, რომელიც "კურიერისთვის" მომზადდა, მათ შორის "ქართული ოცნების" დეპუტატების ბიზნესინტერესებსა და შესაძლო კორუფციულ გარიგებებზე. ამ ინტერვიუთი დგინდება. 1.ჩემი, როგორც საინფორმაციო სამსახურის უფროსის საქმიანობის გამო, მმართველი პარტია ახორციელებს, ჩემს უკანონო ფარულ მიყურადებას, იმის დასადგენად, თუ საიდან ხდება ინფორმაციის მოპოვება. 2. იმის გამო, რომ ჩემი სატელეფონო მოსმენების ან სხვა სახის ფარული მიყურადების შესახებ ვერ იქნებოდა გაცემული სასამართლოს სანქცია, იმიტომ, რომ არასდროს!!! ჩემი სახელი არ ფიგურირებდა არც ერთ სისხლის სამართლის საქმეში, ხდება უკანონო ფარული მიყურადება. 3. ფარული მოსმენას ახორციელებს სახელმწიფო უსაფრთხოების სამსახური, შესაბამისად, დგინდება, რომ სუს-ი მისმენს უკანონოდ და საუბრის შინაარსის შესახებ ხდება მმართველი პარტიის დეპუტატების ინფორმირება. მივმართავ არასამთავრობო ორგანიზაციებსა და სახალხო დამცველს, მოახდინონ შესაბამისი რეაგირება, დეპუტატის განცხადებაზე, რომელმაც დღეს, პრაქტიკულად, აღიარა "რუსთავი 2"-ის საინფორმაციო სამსახურის უფროსის ფარული მიყურადების ფაქტი. პ.ს. ანუ ეთერში 100% სიზუსტით ვყვებოდით ყველაფერს, რომ ამტკიცებდით იგონებთო", _ წერს ... ...
  • ევროსასამართლოს გადაწყვეტილების აღსრულება - პაატა სალია განმარტებებს აკეთებსსტრასბურგის სასამართლოს მიერ მიღებული გადაწყვეტილებასთან დაკავშირებით, განმარტებები გააკეთა „რუსთავი 2“-ის გენერალურმა დირექტორმა. სალიას განცხადებით,  იუსტიციის სახლს, არანაირი საფუძველი არ ჰქონია იმისათვის, რომ არ აღესრულებინა ევროსასამართლოს გადაწყვეტილება. სალია ამბობს, რომ განცხადებები, თითქოს იუსტიციის სამინისტროს სამი თვის ვადაში არ შეეძლო აღესრულებინა ევროსასამართლოს გადაწყვეტილება, სპეკულაციურია. "პირველ რიგში, შეგახსენებთ იმას, რომ სტრასბურგის სასამართლომ მიიღო გადაწყვეტილება, რომლითაც სამაუწყებლო კომპანია "რუსთავი 2"-ის სარჩელი და სამაუწყებლო კომპანია "რუსთავი 2"-ის იმდროინდელი რეგისტრირებული მესაკუთრეების, ყარამანიშვილების და ტელეკომპანია საქართველოს სარჩელები არ დაკმაყოფილდა. ცალკე აღნიშვნის ღირსია და ეს არის მნიშვნელოვანი დღევანდელი განმარტების, რომ "რუსთავი 2"-ის სარჩელი, რომელზე დაკავშირებითაც იქნა გამოყენებული უზრუნველყოფის ღონისძიება, შეგახსენებთ, ყველას, რომ ეს უზრუნველყოფის ღონისძიება გამოყენებულ იქნა იმ საფრთხის თავიდან ასაცილებლად, რის თაობაზეც ძალიან ბევრი სპეკულაცია მოვისმინეთ თავის დროზე და ეს საფრთხე იყო თითქოს არხი შეიძლება დახურულიყო და არსებობდა გამოხატვის თავისუფლების, სიტყვის თავისუფლების საფრთხე. სასამართლო გადაწყვეტილებით დადასტურდა და გამოირიცხა ამგვარი საფრთხის არსებობდა. მართალია, უპრეცენდენტო ღონისძიება იქნა გამოყენებული თავის დროზე სასამართლოს მიერ, ვგულისხმობ სტრასბურგის სასამართლოს, თუმცა, მოგეხსენებათ ალბათ, რომ დროებითი ღონისძიების გამოყენებისას მტკიცების სტანდარტი უფრო ნაკლებია, ვიდრე საქმის დასაშვებობის ან არსებითი განხილვისას. შესაბამისად, განიხილა რა, "რუსთავი 2"-ის სარჩელის დასაშვებობა სასამართლომ, მიიჩნია, რომ ეს სარჩელი არ არის დასაშვები. სასამართლომ ასევე, გადაწყვეტილებაში, სადაც შავით თეთრზე წერია, მიუთითა, რომ უნდა გაუქმდეს ის დროებითი ღონისძიება, რომელიც იყო ერთადერთი დამაბრკოლებელი გარემოება საქართველოში მიღებული გადაწყვეტილების დასარეგისტრირებლად და ქიბარ ხალვაშის ამ კომპანიის მესაკუთრედ აღრიცხვასთან დაკავშირებით. არსებობს ასევე, მიღებული წერილი იუსტიციის სამინისტროს მიერ, რომელიც მან გაასაჯაროვა, სადაც ცალსახად არის მითითებული, რომ ეს დროებითი ღონისძიება გაუქმდა. შესაბამისად, ყველანაირი სპეკულაცია ამასთან დაკავშირებით არის ყოველგვარ საფუძველს მოკლებული, ჩვენი მოქმედება პირველ რიგში, ქიბარ ხალვაშის და მისი წარმომადგენლის მოქმედება, წარგვედგინა უზენაესი სასამართლოს კანონიერ ძალაში შესული გადაწყვეტილება იუსტიციის სახლში, იყო აბსოლუტურად სწორი და კანონიერი. ვერცერთი ის პირი, ვინც დღეს კომენტარები გააკეთა, ვერ მიუთითებს იმაზე, რომ რომელიმე საკანონმდებლო ნორმის დარღვევა მოხდა ამ კუთხით. ამიტომ, ძალიან ვთხოვ ყველას, თავი შეიკავონ დაუსაბუთებელი განცხადებებისგან, თავი შეიკავონ ისეთი განცხადებებისგან, რომელმაც შეიძლება არხის ინტერესებს ზიანი მიაყენოს", _ განაცხადა პაატა ... ...
  • "ეკა ბესელია იყო მელაძესთან მიბმული ვირთხა, რომელსაც გაჰქონდა ინფორმაციები" _ ზარდიაშვილი"დასტურდება, რომ ეკა ბესელია იყო ნოდარ მელაძესთან მიბმული ე.წ. ვირთხა, რომელსაც გააქვს ხოლმე შიგნიდან ინფორმაციები", _ ამის შესახებ ოცნების დეპუტატმა ვანო ზარდიაშვილმა განაცხადა. ზარდიაშვილის თქმით, ბესელიას საბოლოოდ ჩამოეხსნა ნიღაბი. „ის ინფორმაციების გაჟონვა, რომელიც "ქართულ ოცნებაში" ხდებოდა ხოლმე უკვე დადგენილია. ჩემი აზრით, უკვე უდავოა ეს ფაქტი. ეს იყო ეკა ბესელია. მას ჰქონდა პირდაპირი კავშირი ნოდარ მელაძესთან, რომლის მეშვეობითაც ჟონავდა ხოლმე უმრავლესობის სხდომებიდან ინფორმაცია. ამის დამადასტურებლად მე გეტყვით ერთ ფაქტს. იმ ცნობილი უმრავლესობის სხდომიდან, სადაც ეკა ბესელიასთან მიმართებაში დაისვა კორუფციასთან მის სიახლოვესთან კითხვები, რატომღაც იმ უმრავლესობის სხდომაზე ამ ინფორმაციას არ გაუჟონია. მხოლოდ და მხოლოდ გამოვიდა ის ინფორმაცია, რომ ვითომ ირაკლი კობახიძემ მოუხადა ეკა ბესელიას ბოდიში. არადა იმ შეხვედრაზე ჩვენმა ერთ-ერთმა კოლეგამ ბესელიას, კორუფციულ საკითხებთან დაკავშირებით დაუსვა კითხვა. რატომღაც ამ ინფორმაციამ არ გაჟონა. შესაბამისად, არ აწყობდა ეკა ბესელიას ამ ინფორმაციის გაჟონვა და უკვე ნათელია, რომ აქამდეც ყველა ინფორმაცია უმრავლესობის სხდომიდან და მიმდინარე პროცესებიდან გაჰქონდა ეკა ბესელიას. ნოდარ მელაძის საშუალებით. "რუსთავი 2"-მა იცოდა შიდა მიმდინარე პროცესები და ყველაფერი ჟონავდა. დასტურდება, რომ ეკა ბესელია იყო ნოდარ მელაძესთან მიბმული ე.წ. ვირთხა, რომელსაც გააქვს ხოლმე შიგნიდან ინფორმაციები. საბოლოო ჯამში, ნიღაბი ჩამოეხსნა ამ ქალბატონს, რომელიც როგორც გუნდის შიგნით, ასევე გუნდის გარეთ მხოლოდ კორუფციული ინტერესებიდან მოქმედებს და მას სხვა ინტერესი არ გააჩნია. მან ქვეცნობიერად ვერც კი გაიგო, თავის პარტიის ფერად აირჩია დოლარის ფერი და ასე ეხვეწება თემიდას, რომ იქნებ ფული აშოვნინოს, მაგრამ ვერ მიიღებს ეკა ბესელია სასამართლოდან ფულის შოვნას. მისი სახე არის ნათელი“, _ განაცხადა ვანო ... ...
  • "მეტი სერიოზულობაა საჭირო, ვიდრე ასეთი სატყუარების გადაგდება" _ ბესელია შსს-ს ინფორმაციაზედეპუტატმა ეკა ბესელიამ შსს-ში ცოტა ხნის წინ გამართულ ბრიფინგზე გაჟღერებული ინფორმაციის შესახებ კომენტარი გააკეთა. ბესელიას თქმით, მეტი სერიოზულობაა საჭირო, ვიდრე ასეთი სატყუარების გადაგდება, სომხეთის ციხეში მყოფი ამ პატიმრის თაობაზე რამდენიმე თვეა, ვიცოდით „მგონი ცოტა მეტი სერიოზულობაა საჭირო, ვიდრე ასეთი სატყუარების გადაგდება, რადგან სომხეთის ციხეში მყოფი ამ პატიმრის თაობაზე რამდენიმე თვეა, ვიცოდით. მახსოვს, „რუსთავი 2“-ის ეთერში გავიდა ინტერვიუ სწორედ ამ პატიმართან, რომელიც ძალიან უცნაურ რაღაცებს ამბობდა. არ ვიმეორებ იმ ფრაზებს, რაც მაშინ თქვა, რასაც და ვისაც ასახელებდა. მაშინ ეს არავინ ჩათვალა სერიოზულად. ამ პატიმრის თაობაზე ცნობილია რამდენიმე თვეა, აქამდე მაშინ რატომ არ იყო მისთვის ბრალი წარდგენილი? როცა საგამოძიებო მასალებს გავეცანი, ვიკითხე, დაკითხული იყო თუ არა ეს პატიმარი, მითხრეს, რომ ელოდებოდნენ სომხეთიდან მასალებს, რომ ჩვენი გამომძიებელი არ შეუშვეს და მას არ მისცეს უფლება, დაეკითხათ ეს პატიმარი, რაც ასევე უცნაურია, რატომ არ მისცეს ამის უფლება საქართველოს მხრიდან გამომძიებელსა და პროკურორს. რამდენიმე დღის წინ კიდევ გადავამოწმე იყო თუ არა სომხეთიდან რაიმე ინფორმაცია ამ პატიმართან დაკავშირებით და პროკურატურამ მითხრა, რომ ეს პატიმარი ჩვენებას არ იძლეოდა. მთავარი კითხვა დავსვი, იყო თუ არა ეს პირველი წყარო, საიდანაც მოხდა ამ უკანონო ქმედების განხორციელება და მითხრეს, რომ ეს არ არის პირველი წყარო და რომ პირველწყაროს ვერ ადგენდნენ. ყველაფერი, რაც ჩამოვთვალე, ეს იძლევა საფუძველს, რომ ეს ინფორმაცია სერიოზულად მივიღოთ? მე ახალი არაფერი მომისმენია პირადად. ამ პატიმრის თაობაზე ვიცოდი. გამოძიებასთან მაქვს კითხვა, ამდენი თვის განმავლობაში ბრალი რატომ არ ჰქონდა წარდგენილი, თუ ადასტურებდა ეს ადამიანი, რომ მან უკანონოდ გაავრცელა“, – განაცხადა ეკა ბესელიამ. შეგახსენებთ, რომ შსს-მ გამოავლინა და პასუხისგებაში მისცა პირი, რომელმაც დეპუტატის პირადი ცხოვრების ამსახველი კადრები საჯარო სივრცეში პირველმა ატვირთა და გაავრცელა. შსს-ში აცხადებენ, რომ ვიდეოჩანაწერი 2019 წლის იანვრარში მკვლელობისთვის ამჟამადაც პატიმრობაში მყოფმა საქართველოს მოქალაქემ დ.ა.-მ ინტერნეტით გაავრცელა სომხეთის ... ...

არქივი

ზაფრანი

რა თანხას ითხოვენ ვარსკვლავები ავტოგრაფის სანაცვლოდ

ბრიტანულმა გამოცემამ "Daily Mail" ვარსკვლავების...

„დაწყევლილი” ნახატები

1) სვეტლანა ტელეცის - “წვიმის...

ანჯელინა ჯოლის ბრძოლა სიგამხდრესთან

ჟურნალ "ვოგის" ცნობით 44 წლის...

საუკეთესო საყვარლები ესპანელი მამაკაცები ყოფილან

სხვადასხვა ქვეყნის 15 ათასი ქალის...

ქალებს მამაკაცებში ინტელექტი და ცნობადობა იზიდავთ

ცოტა ხნის წინ რამდენიმე ევროპულმა...
კარმიდამო ჩემი

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...