46 605 აბონენტზე _ მილიონი ლარის ღირებულების ენერგოვაუჩერი

საზოგადოება

46 605 აბონენტზე _ მილიონი ლარის ღირებულების ენერგოვაუჩერი

2011 თებ 9 11:22:38
რამდენი აბონენტია გურიაში და რამდენი ათასი ლარია საჭირო მათი ენერგოვაუჩერით უზრუნველსაყოფად, არის თუ არა მთავრობის ახალი ინიციატივა შედეგზე გათვლილი და რატომ აკეთებს მანანა მანჯგალაძე განცხადებას, რომ არჩევნები კონსტიტუციურ ვადაში ჩატარდება?
საქართველოს პრეზიდენტის პრეს-სპიკერის მანანა მანჯგალაძის განცხადებით, საქართველოში არჩევნები კონსტიტუციით გათვალისწინებულ ვადაში ჩატარდება. ამის შესახებ განცხადება, პრეზიდენტის პრეს-სპიკერმა, მანანა მანჯგალაძემ გასულ კვირას გამართულ ბრიფინგზე გააკეთა. "ადმინისტრაცია ქვეყანაში რიგგარეშე არჩევნების დანიშვნას გამორიცხავს", _ თქვა მან. აქედან რამდენიმე დღეში, საქართველოს პრეზიდენტმა მინისტრები პრეზიდენტის სასახლეში მიიწვია, სადაც მთავრობის ახალი ინიციატივა გახმოვანდა _ 10 თებერვლიდან ქვეყანაში ერთჯერადი ენერგოვაუჩერების დარიგება დაიწყება.
საქართველოს პრეზიდენტის, მიხეილ სააკაშვილის განცხადებით, ენერგოვაუჩერების დარიგება მოსახლეობის მიმართ სოლიდარობის გამოხატულებაა. თუმცა, რამდენად "სოლიდარულია" ელექტროენერგიის მაღალი ფასები, ამის შესახებ არაფერი თქმულა.
ენერგოვაუჩერების დარიგების შესახებ განცხადება ენერგეტიკის მინისტრმა ალექსანდრე ხეთაგურმა პრეზიდენტ სააკაშვილის ეკონომიკური გუნდის მინისტრებთან შეხვედრისას გააკეთა. ხეთაგურის განმარტებით, 20 ლარის მოცულობის ენერგოვაუჩერები ამ დროისთვის დაბეჭდვის სტადიაშია, მისი დარიგება 10 თებერვალს დაიწყება და 15 მარტამდე დასრულდება. ხეთაგურის განმარტებით, თანხა თითოეულ აბონენტს სპეციალურ ბარათზე დაერიცხება და მისი გამოყენებისთვის ენერგოკომპანიაში მისვლა სავალდებულო არ იქნება.
"აბონენტს კომპანიაში მისვლა იმ შემთხვევაში მოუწევს, თუ რომელიმე აბონენტი ვაუჩერის სხვა აბონენტზე გადაცემას გადაწყვეტს, რომელშიც აბონენტები შეზღუდულნი არ არიან", _ აღნიშნა ენერგეტიკის მინისტრმა. აღნიშნულ საკითხთან დაკავშირებით, სააკაშვილმა ენერგეტიკის მინისტრს დავალება მისცა, რათა ბიუროკრატიული საკითხები დროულად მოგვარდეს. პრეზიდენტმა ენერგოვაუჩერზე შრიფტის ზომაც დაიწუნა და განაცხადა, რომ შრიფტი ოდნავ დიდი ზომის უნდა იყოს, რათა მომხმარებელმა ვაუჩერის მოხმარების ინსტრუქცია კარგად წაიკითხოს. სააკაშვილის განცხადებით, 20-ლარიანი ვაუჩერი მოსახლეობას გარკვეულწილად შეუმსუბუქებს მსოფლიოში ფასების ზრდით გამოწვეულ სიძნელეებს. როცა საწვავზე და საჭმელზე ფასები იზრდება, ელექტროენერგიაზე ფასების ცოტათი მაინც შემცირება წინგადადმულ ნაბიჯს წარმოადგენს. ეს არის მთავრობის მხრიდან სოლიდარობის გამოხატვა იმ პრობლემების მიმართ, რომელიც ინფლაციური ტვირთის გამო ექმნება ჩვენს ხალხს.
რესპუბლიკური პარტიის გურიის რეგიონის კოორდინატორი ტიფო მიქატაძე ამბობს, ამ ტიპის დახმარებები _ ეს იქნება ენერგეტიკის, სოფლის მეურნეობის, განათლებისა თუ სხვა სფეროებში, როგორც ერთჯერადი სახის დახმარებები, აბსოლუტურად არაეფექტურია, ხარჯტევადია და არანაირად არ ემსახურება რეალური მდგომარეობიდან გამოსვლას, ანუ მდგომარეობის გაუმჯობესებას. ამას შეგვიძლია  მდგომარეობის ერთჯერადი შემსუბუქება, დავარქვათ.
მისი თქმით, პრეზიდენტმა და მთავრობამ სისტემური ხასიათის ეკონომიკური ცვლილებები უნდა განახორციელონ თუ უნდათ, რომ ეკონომიკური ზრდა მოხდეს, დასაქმების პრობლემა გადაიჭრას და სიღარიბის დონე შემცირდეს. მიქატაძე თვლის, რომ ამ ტიპის ღონისძიებები, ხვალ უფრო რთულ შედეგებს მოგვცემს:
"ერთი რამ ცალსახაა _ პრეზიდენტი არჩევნებს დანიშნავს მაშინ, როცა ეს მომგებიანი და კეთილსაიმედო იქნება მისთვის და ნაციონალური მოძრაობისთვის. თუკი 2012 წელს, ანუ კონსტიტუციით დადგენილ ვადებში უნდა ჩატარდეს და იმ პერიოდისთვის  ელოდება სოციალურ-ეკონომიკური მდგომარეობის გაუარესებას, საერთაშორისო მხარდაჭერის შესუსტებას, ჩვენი ქვეყნის მიმართ და სხვა პოლიტიკურად მისთვის ნეგატიურ პროცესებს, ის აუცილებლად არჩევნებს დანიშნავს წელს, ანუ 2011 წელს. ამ სცენარის შეთხზვა, მოფიქრება და გათამაშება ძალიან ადვილია მისთვის. თუკი პრეზიდენტი ასეთ მოვლენებს არ ელოდება 2011 წლისთვის, უფრო მყარად ეგულება თავისი თავი, ის რა თქმა უნდა ვადებს არ შეცვლის. ამ ხელისუფლების ერთადერთი მოტივაცია ძალაუფლების შენარჩუნებაა", _ აცხადებს ტიფო მიქატაძე.
ოზურგეთის მუნიციპალიტეტის საკრებულოს წევრი ლელა ნაცვალაძე 20-ლარიან ვაუჩერს ხელისუფლების მორიგ პიარად აფასებს.
"ეგ ისეთივე სატყუარაა, როგორიც თავის დროზე შეშის ვაუჩერები იყო, რომელიც ხალხმა ვერაფერში გამოიყენა. ჩვენი უპროგნოზო მთავრობა წინასაარჩევნოდ ემზადება. ენერგოკომპანია კერძოა, სახელმწიფოს კი სად აქვს იმდენი ფული, რომ ყველას მისცეს ვაუჩერი? თოვლის გამო დაზიანებული და პარალიზებული ქუჩები ვერ მოაწესრიგეს და ვაუჩერებს როგორ გაუნაღდებენ ხალხს?!" _ ამბობს ნაცვალაძე.
"ეროვნული ფორუმის" ოზურგეთის რაიონული ორგანიზაციის ლიდერი, შოთა გოგიბერიძე პრეზიდენტის მიერ გაკეთებულ განცხადებას საერთაშორისო პიარს უწოდებს:
"პრეზიდენტის ეს განცხადება საერთაშორისო პიარს ემსახურება; არა მგონია ეს 20-ლარიანი ვაუჩერი ქვეყნის შიგნით საპიაროდ წაადგეს, რადგან საზოგადოების, მოქალაქეების გასაჭირი იმდენად დიდია, რომ ეს მათ ეკონომიკურ სიდუხჭირეს არ შეუმსუბუქებს. საწვავის, შეშის ვაუჩერის, პურის ფქვილის, ახლა 20-ლარიანი ვაუჩერის წამოგდებამ მთლად გაამათხოვრა ადამიანები, დაიღუპა ჩვენი ხალხი, მათხოვრებად გვაქცია. თუმცა, ადამიანთა ერთი ნაწილი ამას ცალსახად აღიქვამს, ადამიანთა მეორე ნაწილი კი სიხარულით ხვდება, რადგან უკიდურეს გასაჭირში მყოფთათვის, თითოეული თეთრი შეღავათი სიცოცხლის შენარჩუნებას ნიშნავს. ხელისუფლებას თუ ადამიანებს დახმარება სურს, მათ დასაქმებაზე უნდა იზრუნოს, სამუშაო პირობები ისე უნდა შეუქმნას, რომ თავიანთი შრომით შეძლონ გადასახადების გადახდა და მათხოვრებივით არ უნდა ჰქონდეთ ხელები გამოწვდილი," _ გვითხრა გოგიბერიძემ.
როგორც "გურია ნიუსს" "ენერგო- პრო ჯორჯიას " საზოგადოებასთან ურთიერთობის სამსახურში განუცხადეს, გურიის რეგიონში სულ 46 605 აბონენტია. აღნიშნული კომპანიის აჭარის ფილიალის საზოგადოებასთან ურთიერთობის სამსახურის უფროსის  გია სურმავას თქმით, ოზურგეთის მუნიციპალიტეტში 25 000 აბონენტი ჰყავთ, ლანჩხუთის მუნიციპალიტეტში _12 605, ჩოხატაურის მუნიციპალიტეტში კი _ 9 000.
ეს კი იმას ნიშნავს, რომ მთავრობის ახალი ინიციატივის გასახორციელებლად, მხოლოდ გურიის რეგიონის აბონენტებისთვის საქართველოს ბიუჯეტიდან 932 100 ლარი დაიხარჯება, თანაც ისე, რომ დახარჯულ მილიონს, არავითარი ეკონომიკური ეფექტი არ მოჰყვება.




 ახალი ამბები
  • სემეკმა მიმდინარე კვირაში მოქალაქეებს 54 ათას ლარზე მეტი ჩამოაწერა (R)საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში გამართულ საჯარო სხდომებზე მოქალაქეებსა და კომპანიებს შორის არსებული დავები განიხილა. საკითხების უმეტესობა მოქალაქეთა სასარგებლოდ დაკმაყოფილდა და ჩამოწერილი თანხების ოდენობამ, ჯამში,  54 887 ლარი შეადგინა. მიმდინარე კვირაში სემეკმა 5 საჯარო სხდომა გამართა და დღის წესრიგებით გათვალისწინებული 99 საკითხი განიხილა. მოქალაქეთა საჩივრები ენერგეტიკისა და წყალმომარაგების სექტორებში მოქმედი კომპანიების წინააღმდეგ მოიცავდა  უსაფუძვლოდ დარიცხულ თანხებს, ხანდაზმულ დავალიანებებს. საჯარო სხდომებზე განსახილველად საკითხები წარადგინეს სემეკის მომხმარებელთა საჩივრების დეპარტამენტისა  და ენერგოომბუდსმენის სამსახურის წარმომადგენლებმა. კომისია შეახსენებს მოქალაქეებს, რომ იმ შემთხვევაში, თუ ელექტროენერგეტიკის, ბუნებრივი გაზისა და წყალმომარაგების სექტორებში მოქმედი კომპანიების მხრიდან ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. მოქალაქეებს კონსულტაციების მიღება შეუძლიათ როგორც ქოლ ცენტრში ნომერზე: 16 216, ისე  სემეკის Facebook გვერდზეც. ... ...
  • სახელმწიფო ფონდის ხარჯზე შემცირებული თანხები ლანჩხუთის ბიუჯეტშიბესიკ ტაბიძის ხელმძღვანელობით ლანჩხუთის მუნიციპალიტეტის საკრებულოს ბიუროს სხდომა გაიმართა, სადაც ადგილობრივი საკანონმდებლო ორგანოს მორიგი სხდომის თარიღად 25 ივლისი დაანონსდა და წესისამებრ, ბიურომ სწორედ ამ დღისთვის განსაზღვრა, როგორც განსახილველი საკითხები, ასევე, ამ საკითხის მომხსენებლები.  ბიუროზე წარმოდგენილი საკითხების მიხედვით გაირკვა, რომ მომავალი საკრებულოს სხდომის  დღის წესრიგით დეპუტატებს მიმდინარე წლის მთავარ საფინანსო დოკუმენტში ცვლილებების შეტანის თაობაზე მოუწევთ მსჯელობა. მერიის საფინანსო  სამსახურის უფროსის, როლანდ ლაშხიას მიერ წარმოდგენილი საკითხის  მიხედვით,  რეგიონებში გასახორციელებელი პროექტების ფონდიდან  მთავრობის განკარგულებით ლანჩხუთის მუნიციპალიტეტს  185 209 ლარი ერგო  ადმინისტრაციულ ერთეულებში საექიმო ამბულატორიისა და მშენებლობის დასაფინანსებლად. კერძოდ,  ზემონახსენები თანხიდან 20 418 ლარი აკეთის ადმინისტრაციულ ერთეულში გაიხარჯება, 22 030 ლარი _ აცანაში, შუხუთში _ 21 765 ლარი, ნიგოითში კი _ 27 828 ლარი. რაც შეეხება სუფსის ადმინისტრაციულ ერთეულს, აქ საექიმო ამბულატორიის მშენებლობის ტერიტორიის მომზადებისთვის  11 430 ლარია გამოყოფილი, უშუალოდ მშენებლობისთვის კი- 81 828 ლარი.  საფინანსო სამსახურის უფროსის მიერ ხელმოწერილი  განმარტებითი ბარათის მიხედვით,  ირკვევა, რომ რეგიონებში გასახორციელებელი  პროექტების ფონდიდან  გამოყოფილი თანხა  324 265 ლარით შემცირდა, აქედან ეს შემცირება გახორციელდება სახელმწიფო ფონდის, მათ შორის  წყლის სისტემის რეაბილიტაციის, საცხოვრებელი და არასაცხოვრებელი ექსპლუატაცია-რეაბილიტაციის, ასევე, გზების რეაბილიტაციის თანხების შემცირების ხარჯზე.  ამის გარდა, გზების სარეაბილიტაციო სამუშაოები  სახელმწიფო ფონდის ხარჯზე  22 086 ლარითაა შემცირებული. საფინანსო სამსახურის მიერ ბიუროს სხდომაზე წარმოდგენილი განმარტებების მიხედვით, გაირკვა, რომ ადგილობრივი ბიუჯეტის თავისუფალი ნაშთის ხარჯზე  მერია გეგმავს  ხუთი ათასი ლარით გაზარდოს გზის მიმდინარე სამუშაოების დაფინანსება, ხოლო ვიდეო კამარების ინსტალაციისთვის  763 ლარი გამოყოს. ამავე თანხიდან, სახელოვნებო სკოლათა გაერთიანების მოთხოვნის საფუძველზე, დამატებით ოთხი ათასი ლარი უნდა მიიმართოს    სამხატვრო სკოლის შტატგარეშე მუშაკთა დასაფინანსებლად.  სპორტული ღონისძიებების დასაფინანსებლად კი _ 1 100 ლარი. გარდა ბიუჯეტში დაგეგმილი ცვლილებებისა, ბიუროზე  საკრებულოს სხდომისთვის სხვა რიგი საკითხებიც წინასწარ მოთელეს დეპუტატებმა. როგორც გაირკვა,  ცვლილება შეეხება ლანჩხუთის საკრებულოს სივრცით-ტერიტორიული დაგეგმარებისა და ინფრასტრუქტურის კომისიის შემადგენლობის დამტკიცების შესახებ განკარგულებას. ასევე, ცვლილება შედის საკრებულოს 2019 წლის 28 მარტის N18 განკარგულებაში „ლანჩხუთის მუნიციპალიტეტის ქონების საპრივატიზაციო ობიექტების ნუსხისა და ლანჩხუთის მუნიციპალიტეტის ქონების პრივატიზაციის გეგმის დამტკიცების შესახებ“. საკრებულოს სხდომის გამართვამდე კი ამ საკითხების კიდევ ერთხელ გავლა მოუწევთ დეპუტატებს დარგობრივ ... ...
  • "შეინახეთ კადრები, სადაც სალია ამბობს სარედაქციო პოლიტიკა არ შეიცვლებაო და შემდეგ გავახსენოთ"ძალიან გთხოვთ, შეინახოთ ის კადრები, სადაც სალია ამბობს რომ არხის სარედაქციო პოლიტიკა არ შეიცვლება , _ ამის შესახებ მედიაექსპერტმა ნინია კაკაბაძემ ჟურნალისტებთან ისაუბრა. კაკაბაძის თქმით, პაატა სალია ასე იტყვის რამდენიმე თვის განმავლობაში, თუმცა მათი მთავარი მიზანი სარედაქციო პოლიტიკის შეცვლაა.  "ბუნებრივია, რომ ამას იტყოდა პაატა სალია პირველ დღეს. მეტსაც გეტყვით, ამას იტყვის ერთი თვე, ორი თვე, რომ სარედაქციო პოლიტიკის შეცვლას არ აპირებს, მაგრამ ეს განცხადება, ცხადია, ღიმილის მომგვრელია, რბილად რომ ვთქვათ. რისთვის იბრძოდნენ ისინი?- იბრძოდნენ იმისთვის, რომ შეცვლილიყო ამ არხის სარედაქციო პოლიტიკა. ამას ჩვენ ერთად ვნახავთ. ძალიან გთხოვთ, შეინახოთ ის კადრები, სადაც სალია ამბობს რომ არხის სარედაქციო პოლიტიკა არ შეიცვლება და შემდეგ გავახსენოთ. საბედნიეროდ, გვაქვს უკვე საკმაო მასალა, სადაც ის ამ პოზიციას აფიქსირებს",- თქვა კაკაბაძემ ... ...
  • გრიგორი კარასინი - საქართველოს მიმართ ღვინოზე სანქციების დაწესების თემა დახურულიასაქართველოსთვის ღვინოზე სანქციების დაწესების თემა დღეს დახურულია, - განაცხადა რუსეთის საგარეო საქმეთა მინისტრის მოადგილემ გრიგორი კარასინმა. „რუსეთში, რომელსაც მრავალი წელია თვითონაც სანქციები აქვს დაწესებული, მსგავსი შემზღუდავი ზომების გამოყენებას სხვა ქვეყნების მიმართ ცდილობენ ფრთხილად მოეკიდონ. საქართველოში მიმდინარე მოვლენების ფონზე ივნისის ბოლოს - ივლისის დასაწყისში სახელმწიფო სათათბიროში რუსეთში ქართული ღვინისა და მინერალური წყლის იმპორტის აკრძალვის საკითხი განიხილებოდა. მაგრამ რუსეთის ფედერაციის პრეზიდენტმა თავშეკავებისკენ და გააზრებული მიდგომისკენ მოგვიწოდა. დაგვავალა გვეხელმძღვანელა ჩვენი ინტერესებით და „ქართველი ხალხის მიმართ პატივისცემით“. ასე რომ, დღეისთვის ღვინის სანქციების თემა საქართველოს მიმართ დახურულია“, _ განაცხადა კარასინმა „რია ნოვოსტისთან“ ... ...
  • IRI-ის კვლევა _ გამოკითხულთა უმრავლესობა საპენსიო რეფორმას მახარს უჭერს “საერთაშორისო რესპუბლიკური ინსტიტუტის” (IRI) კვლევების ცენტრის მიერ გამოქვეყნებული საზოგადოებრივი აზრის გამოკითხვის შედეგების მიხედვით, გამოკითხულთა უმეტესობა საპენსიო რეფორმას მხარს უჭერს. კითხვაზე: როგორ შეაფასებდით პარლამენტის მიერ ინიცირებულ საპენსიო რეფორმას, გამოკითხულთა 36%-მა უპასუხა, რომ უფრო მეტად კეთილგანწყობილია. აღნიშნული რეფორმა ნაწილობრივ მოსწონს 23%-ს, ნაწილობრივ არ მოსწონს 11%-ს. პარლამენტის მიერ ინიცირებული საპენსიო რეფორმის გატარებას არ ეთანხმება გამოკითხულთა 18%, არ იცის ან პასუხი არ აქვს გამოკითხვაში მონაწილე ადამიანების 12%-ს. კვლევა მთელი საქართველოს მასშტაბით 2019 წლის 20 მაისი - 11 ივნისის შუალედში ჩატარდა. (R) წყარო: ... ...

არქივი

ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...