საარჩევნო ხმები ბავშვის საოპერაციო თანხის სანაცვლოდ!

საზოგადოება

საარჩევნო ხმები ბავშვის საოპერაციო თანხის სანაცვლოდ!

2012 ოქტ 9 07:41:12

აღსანიშნავია, რომ ამ სამი თვის განმავლობაში, უკანასკნელი ორი თვე, წინასაარჩევნო კამპანიის პერიოდი იყო. ამ სიაში მოხვდა ოზურგეთის მუნიციპალიტეტის ერთ-ერთ სოფელში მცხოვრები 17 წლის მოზარდი, რომელსაც სიმსივნე აღმოაჩნდა. ოპერაცია მისთვის საზღვარგარეთ უნდა გაეკეთებინათ, რასაც ძალიან დიდი თანხა სჭირდებოდა.

 

ისტორია, რომელსაც ახლა მოგიყვებით, ორი თვის წინანდელია, მაგრამ ეს წერილი დღემდე იმიტომ ვერ გამოვაქვეყნეთ, რომ შეიძლებოდა ბავშვისთვის შეპირებული ფული აღარ მიეცათ _ ხელისუფლება მოზარდის ოჯახს, თანხის სანაცვლოდ, სიჩუმეს და არჩევნებში ხმების შეგროვებას სთხოვდა.

ჩვენი წყაროს ინფორმაციით, ოზურგეთის მუნიციპალიტეტის ერთ-ერთ სოფელში, აგვისტოს დასაწყისში, 17 წლის მოზარდს კ. ლ.-ს სასწრაფოდ სჭირდებოდა ოპერაცია, რომელიც საზღვარგარეთ უნდა გაკეთებულიყო და ძალიან ძვირი ღირდა. როგორც ამბობდნენ, ამის გამო, შეწუხებული სოფელი ოჯახის დასახმარებლად თანხებს აგროვებდა. როგორც კ. ლ.-ს დედა, ქალბატონი მ. დ. "გურია ნიუსთან" ამბობდა, მათ დასახმარებლად ხელისუფლებასაც მიმართეს და ოპერაციის დაფინანსების პირობაც მიიღეს, თუმცა სოფელში გავრცელებული ინფორმაციით, ეს იმ შემთხვევაში მოხდებოდა, თუ სანაცვლოდ, ნაციონალები არჩევნებზე ამ სოფელში მაქსიმალური რაოდენობის ხმებს მიიღებდნენ.

"როცა შენი შვილის სიცოცხლეს საფრთხე ემუქრება, როცა გეუბნებიან, რომ შეიძლება ინვალიდი დარჩეს, ყველაფერს გავაკეთებ ჩემი შვილის სიცოცხლისთვის, მისი ჯანმრთელობის შესანარჩუნებლად! ეს ფული არის საჩქარო, ჩქარა გვჭირდება," _ ეს სიტყვები 17 წლის მოზარდის დედას ეკუთვნის.

_ ერთი წლის წინ, სკოლაში წაიქცა და კრუნჩხვა მოუვიდა. წავიყვანეთ თბილისში, არაფერი სერიოზული არ დაუდგინდა _ ჩათვალეს, რომ იყო მოწამვლა. ეს მოხდა შარშან, 29 მაისს. ახლა 19 ივლისს, მეზობლის ბავშვთან ერთად იყო, ცივი ყავა როგორც კი დალია, თქვა, რომ ყურში რაღაც ესმის. ამას ერთი წელია იჩემებდა, ჩვენ კი ემოციურობაში ვუთვლიდით. ამასთან, მეტყველებაც ეკარგებოდა, მოექცა ყბა, თუმცა აზრი არ დაუკარგავს, ბავშვი იყო ნაცრისფერი, _ ჰყვება ქალბატონი მ. დ. _ წავიყვანეთ თბილისში, ავუღეთ ყველანაირი ანალიზი, გადავუღეთ ტომოგრაფია, რომელმაც აჩვენა, რომ თავში, ურთულეს ადგილზე აქვს სიმსივნე. არის დიდი შანსი, რომ ბავშვი დაინვალიდდეს. უნდა გაუკეთდეს ოპერაცია საზღვარგარეთ _ თურქეთში, ჩეხეთში ან გერმანიაში. ჯერჯერობით, არ ვიცი, ზუსტად რა დაჯდება, ამ სამ ქვეყანაში გაგზავნილი გვაქვს წერილი და პასუხს ველოდებით.

_ მიმართეთ თუ არა ვინმეს დასახმარებლად?

_ ნათესავები, მეზობლები მეხმარებიან, მივიდნენ გამგეობაში, გვპირდებიან დახმარებას. ჩვენი სოფლის რწმუნებული და ჩემი მეზობელი იყვნენ მისული ხელისუფლებაში, სთხოვეს დახმარება. მე თვითონ არ მივსულვარ, ლაპარაკიც არ შემიძლია. სოფელიც აგროვებს ფულს და ხელისუფლების იმედიც მაქვს. სხვას ვის უნდა მივაკითხო, არ ვიცი... დაახლოებით, 10 000 დოლარი ჯდება ამ ოპერაციის გაკეთება თურქეთში, თანაც, ძალიან სასწრაფოა.

"ნაციონალურ მოძრაობაში" მივედით. მაგათ იმედზე ვართ. თბილისში რომ გაგვეკეთებინა, 70 პროცენტით დაფინანსებას გვპირდებოდნენ, მაგრამ აქ ვერ ენდობი, ვერ გააკეთებენ ისე, როგორც საჭიროა. ფულის გამო, ბავშვს ვერ გავიმეტებ.

_ ვინ იყო მისული "ნაციონალურ მოძრაობაში"?

_ სოფლის რწმუნებული. ის ძალიან გვეხმარება.

_ გვაქვს ინფორმაცია, რომ თქვენი შვილის ოპერაციის გასაკეთებლად, ნაციონალებს ხმების შეგროვებას შეჰპირდა თქვენი კუთხე, აგროვებენ პირადობის მოწმობის ნომრებს.

_ ჩემამდეც მოვიდა ეს ინფორმაცია, მეც ასე ვიცი. მითხრეს მეზობლებმა, რომ მზად ვართ, ყველამ დავუჭიროთ მხარი ნაციონალურ მოძრაობას, ვართ თუ არა მათი მომხრე, ოღონდ ამ ბავშვს ეს თანხა გადმოურიცხონო. მე ვიცი ეგ მეზობლებისგან, _ გვიყვებოდა ორი თვის წინ ქალბატონი მ. დ.

ერთ-ერთი მეზობელი, პედაგოგი, "გურია ნიუსს" 17 წლის მოზარდის ჯანმრთელობის შესახებ, შეწუხებული უყვებოდა: _ მე დამრიგებელი ვარ მაგ ბავშვის და ძალიან განვიცდი მისი ავადმყოფობის ამბავს, ერთხელ სკოლაშიც გახდა ცუდად. ჩვენც, ბავშვებიც, მეზობლებიც _ ყველა ვაგროვებთ ფულს; მე ასე ვიცი და ასე მითხრა ჩვენმა მეზობელმა, ვიყავით მისულები რაიონის გამგებელთან, რომელმაც დაგვპირდა, რომ ნიკოლაიშვილს შეგახვედრებთო თუ შევხვდითო. ნიკოლაიშვილი დაგვპირდაო, ვინაიდან უცხო ქვეყანაში თანხის გადარიცხვა არ შეიძლება, ხელზე ფულს მოგცემთ, რისი საშუალებაც გვექნებაო. სამწუხაროდ, ახლა ვერ აკეთებს ბიძინა ივანიშვილი დაფინანსებას, თორემ ხომ დაუფინანსებდა მაგ ოპერაციას?! ასე მითხრა მისმა მეზობელმა ი.ს.-მ, მე და გამგებელი დავრბივართ მაგ საქმეზეო და მას ჰკითხეთ, ეცოდინება, რას დაპირდა ნიკოლაიშვილი! _ აცხადებდა ჩვენთან საუბრისას ქალბატონი.

ი.ს.-ს დედამთილი: _ ჩემი რძალი საარჩევნო კომისიის წევრია ნაციონალებისგან. დაპირდნენ დახმარებას, ნიკოლაიშვილმა დაპირდა, ჯერ უთხრეს, რომ გადავცემთ ნიკოლაიშვილს, დავუკავშირდებითო, მოგეხმარებითო. ჩემი რძალი იყო პირადად მისული.

_ რაში დაგეხმარებითო?

_ არჩევნებზე დაგეხმარებითო, ასე უთხრეს.... რა ვიცი, ვისაც უნდა, მისცემს ხმას და ვისაც არ უნდა, არ მისცემს, მაგას ძალას ვინ დაატანს.

ოზურგეთის მუნიციპალიტეტის ამავე სოფლის რწმუნებული "გურია ნიუსს" მაშინ ამ საქმესთან დაკავშირებით, გაკვირვებული ეკითხებოდა:

_ რა ხდება, შემოვიდა მაგასთან დაკავშირებით ვინმე განცხადებით, თუ რა? ბავშვი ძალიან გაჭირვებულია, დახმარება უნდა ნამდვილად.

_ რითი ეხმარებით?

_ იცის მთავრობამ, საქმის კურსშია. ჯერ არ ვიცით, ზუსტად, რა დაჯდება ოპერაცია. საქმის კურსშია ყველა, ვუთხარი მე მაგათ, რომ ასეა საქმე,-მეთქი..

_ ვის უთხარით?

_ პირადად ვესაუბრე დეპუტატს, ჩვენი პარლამენტარს, გოჩა შანიძეს, მე და ი.ს. ვიყავით ჩასულები. დაგვპირდა, როცა დოკუმენტს წარვადგენთ, მაშინვე დაეხმარებიან და ჩაურიცხავენ თანხასო.

_ რამაზ ნიკოლაიშვილთან გქონდათ საუბარი ამის თაობაზე?

_ არ მქონია. თუ საჭირო იქნება, იმასაც შევაწუხებ. საქმე ბავშვის სიცოცხლეს ეხება აბა, ავადმყოფებს არ უნდა დაეხმარონ? მაგის მეტს რას აკეთებს ჩვენი ხელისუფლება? მაგ მხრივ ვინ იტყვის, რომ არ დაგვეხმარაო? ყველას ეხმარებიან! _ გვითხრა რწმუნებულმა.

საარჩევნო კომისიის წევრი ი.ს., ნაციონალური პარტიის წარმომადგენელი "გურია ნიუსთან"კატეგორიულად უარყოფდა ინფორმაციას იმის შესახებ, რომ მან ნაციონალებს დახმარებისთვის მიმართა.

_ თქვენ ბრძანდებით სოფელში საარჩევნო-კომისიის წევრი ნაციონალური პარტიიდან, უკვე რამდენიმე წელია.

_ კი, ბატონო. გისმენთ.

_ გვაქვს ასეთი ინფორმაცია, რომ თქვენ ნაციონალებს მოთხოვეთ 17 წლის ავადმყოფი ბავშვისთვის დახმარება, ფულის ჩარიცხვა საოპერაციოდ და სანაცვლოდ, არჩევნებში ხმების შეგროვებას დაჰპირდით. თუ გინდათ არჩევნებზე დახმარება, თქვენც დაგვეხმარეთო.

_ ეს არის აბსურდული და ცრუ ინფორმაცია. არ მაინტერესებს, ვინ გითხრათ. გეუბნებით, რომ აბსოლუტურად ცრუ ინფორმაცია გაქვთ მიღებული.

ჩვენი წყაროს ინფორმაციით, 17 წლის მოზარდს გამგეობა გარკვეული თანხით დაეხმარა. ოზურგეთის მუნიციპალიტეტის ამავე სოფლის მაჟორიტარი დეპუტატი "გურია ნიუსთან" ამბობს, რომ ის ამ საკითხთან დაკავშირებით, თავიდანვე საქმის კურსში არავის ჩაუყენებია. მისი განცხადებით, შესაბამისად, არც ინფორმაციას ფლობს იმასთან დაკავშირებით, გამგეობა დაეხმარა თუ არა და რამდენი ლარით.

_ ერთი ის კი ვიცი, რომ მეზობლებმა და საერთოდ სოფელმა შეუგროვა ფული, გამგეობის ამბავი ნამდვილად არ ვიცი, _ აცხადებს მაჟორიტარი.

"გურია ნიუსი" დაუკავშირდა სოფლის რწმუნებულს, რომელიც ამ საკითხთან დაკავშირებით, მეტად აგრესიული ჩანდა:

_ არ ვიცი არაფერი, არ ვიცი და რა გითხრათ. ვიცი, 500 ლარით დაეხმარნენ.

_ ჩვენ ინფორმაცია გვაქვს, რომ გამგეობა კ. ლ.-ს უფრო სოლიდური თანხით დაეხმარა.

_ მე არ ვფლობ ამ ინფორმაციას და რა გიყოთ? გითხარი, არ ვიცი არაფერი,-მეთქი, თქვენ თუ ფლობთ სხვა ინფორმაციას, ფლობდეთ, კაცო! _ გვითხრა რწმუნებულმა.

რაც ყველაზე მნიშვნელოვანია, მოზარდს, ოპერაცია დროულად ჩაუტარდა და მის სიცოცხლეს საფრთხე არ ემუქრება.

 




 ახალი ამბები
  • მოვუწოდებთ ყველა მხარეს, რომ შეინარჩუნონ სიმშვიდე _ აშშ-ს საელჩოს განცხადებაამერიკის შეერთებული შტატების საელჩო საქართველოში უზენაესი სასამართლოს უვადო მოსამართლეების დამტკიცებას ეხმაურება და პარლამენტს და ხელისუფლების შესაბამის წარმომადგენლებს მოუწოდებს დამატებითი კანდიდატების შერჩევამდე რეაგირება მოახდინონ უზენაესი სასამართლოს მოსამართლეთა შერჩევის პროცესში დაფიქსირებულ ხარვეზებზე. "ბოლო თვეების განმავლობაში ამერიკის შეერთებული შტატების საელჩო ყურადღებით აკვირდება საქართველოს უზენაესი სასამართლოს მოსამართლეთა შერჩევის პროცესს უვადოდ გამწესებისთვის. მაისში ჩვენ გამოვთქვით წუხილი პარლამენტის მიერ მიღებულ შერჩევის პროცედურებზე, რომელმაც ვერ ასახა ვენეციის კომისიის, ეუთო/ოდირისა და საქართველოში ამერიკის შეერთებული შტატებისა და ევროკავშირის მისიების ბევრი რეკომენდაცია. ჩვენ ვიზიარებთ საერთაშორისო დამკვირვებლებისა და ქართველი ექსპერტების შეფასებას, რომ კანდიდატთა შერჩევის შემდგომი პროცესი იუსტიციის უმაღლეს საბჭოში იყო არასაკმარისად გამჭვირვალე, შედეგად, რიგი ნომინირებული პირებისა არ წარმოადგენდნენ საუკეთესო კვალიფიციურ კანდიდატებს. ნომინირებული კანდიდატების მოსმენები პარლამენტის იურიდიულ კომიტეტში იყო ღია და გამჭვირვალე. მოსმენებისას კანდიდატების გარკვეულმა ნაწილმა ვერ შეძლო საკმარისად წარმოეჩინა იურიდიული ცოდნა ან ერთგულება მიუკერძოებლობისადმი. ჩვენ ვწუხვართ, რომ დღეს პარლამენტის მიერ დამტკიცებულ სიაში ეს ნომინირებული კანდიდატებიც არიან. სასამართლო დამოუკიდებლობა უზრუნველყოფს კანონის უზენაესობას, არის დემოკრატიის გარანტი და ეკონომიკური ზრდის ქვაკუთხედი. იმისათვის, რომ საქართველოს სასამართლო სისტემამ მოიპოვოს უფრო მეტი ნდობა, ჩვენ ვურჩევთ პარლამენტს და ხელისუფლების შესაბამის წარმომადგენლებს, რომ დამატებითი კანდიდატების შერჩევამდე რეაგირება მოახდინონ უზენაესი სასამართლოს მოსამართლეთა შერჩევის პროცესში დაფიქსირებულ ხარვეზებზე. ამასთან, იმ მღელვარების გათვალისწინებით პარლამენტში, რაც თან ახლდა დღევანდელ კენჭისყრას, მოვუწოდებთ ყველა მხარეს, რომ შეინარჩუნონ სიმშვიდე და იმოქმედონ თავაზიანობისა და კონსტრუქციულობის ფარგლებში,"_წერია ამერიკის შეერთებული შტატების საელჩოს ... ...
  • სასტუმრო „ოზურგეთი პლაზას“ გახსნა: „ოზურგეთის სიყვარულში ყველას შევეჯიბრები“დღეს, ოზურგეთში  გურამიშვილის ქუჩაზე,   სასტუმრო „ოზურგეთი პლაზა “ გაიხსნა. ხელისუფლების და საზოგადოების წარმომადგენლებს, ასევე, ჟურნალისტებს მიესალმა  ოზურგეთის ყოფილი მერი,  ბიზნესმენი ბეგლარ სიორიძე. მან ყველას მადლობა გადაუხადა მობრძანებისთვის,  განაცხადა, რომ მას შემდეგ , რაც საჯარო სამსახურში აღარ არის, გადაინაცვლა კერძო სტრუქუტურაში და სურს ამ კუთხით განაგრძოს მუშაობა. _ დამფუძნებელი  არის ჩემი მეუღლე, ლელა თოიძე. ჩვენ დავიწყეთ  ეს საქმე. ძალიან მიყვარს ოზურგეთი და ყველას,  ვისაც სურს, ოზურგეთის სიყვარულში შევეჯიბრები, _ თქვა მან და სტუმრები ახლად გახსნილ სასტუმროში მიიპატიჟა. სასტუმროს  გახსნის სომბოლური ჟესტი, ლენტის გაჭრა წილად ხვდა  ლელა თოიძეს, გურიის გუბერნატორს ზურაბ ნასარაიას და ოზურგეთის საკრებულოს თავმჯდომარეს დავით დარჩიას. სასტუმრო „ოზურგეთი პლაზა“ ოთხვარსკვლავიანია. ის ხვალიდანვე შეუდგება  მუშაობას, .გათვლილია 44 ადამიანზე. აქვეა სააქტო დარბაზი, სადაც 50 ადამიანის მომსახურება  შეიძლება. სასტუმრო ადაპტირებულია შშმ პირებისთვის. აქ  მოემსახურებიან როგორც ტურისტებს,  ისე ნებისმიერ სტუმარს. ასევე სრული შესაძლებლობა იქნება და ყველანაირი კომფორტი ტრენინგებისა  თუ კონფერენციების ... ...
  • ოთარ ჩრდილელი დეპუტატის მანდატს ტოვებსსაპარლამენტო უმრავლესობის წევრი, ოთარ ჩრდილელი დეპუტატის მანდატს ტოვებს. ამის შესახებ მან განცხადება სოციალურ ქსელ ფეისბუქში გაავრცელა. “ერთი წელია, ვცდილობთ რომ არ დაზიანდეს სასამართლოს იმიჯი. მთელი ეს პერიოდი კონკრეტულად ამ საკითხზე ბევრჯერ შეიკრიბა გუნდი, ვცადეთ უდანაკარგოდ მიგვეღო გადაწყვეტილება და მივსულიყავით კონსესუსამდე. რა შედეგიც დადგა-ყველამ ერთად ვნახეთ. შესაძლოა მე ვცდები და ზედმეტად მუქ ფერებში ვხედავ(დი) მოსამართლეთა დუჟინას. და რა იქნება მომავალში?-არც არაფერი, უბრალოდ მივიღე გადაწყვეტილება, რომ დავტოვო დეპუტატის მანდატი. ჩემთვის ორი მოწვევის დეპუტატისთვის, მნიშვნელოვანია, რომ შევინარჩუნე ინდივიდუალიზმი და (არა შაბლონური) მადლობა ,,ქართულ ოცნებას,, რომ მთელი რიგი სენსიტიური საკითხებისადმი გუნდის წევრებს გვქონდა პლურალისტური მიდგომა, გარედან შესაძლოა სჩანს რომ: ყველაფერი ერთ ხმაში, ხავერდოვნად მიდის, მაგრამ მერწმუნეთ: შიგნით-დუღილის ტემპერატურა ძალიან მაღალია. მე არ მქონდა მორალური უფლება, რომ ,,ქართული ოცნების,, პროპორციული სიით შესულს დამეტოვებინა უმრავლესობა და პარლამენტში სხვა ფრთაზე გავმაგრებულიყავი. თითქმის ერთი წლით ადრე ვტოვებ პარლამენტს, სადაც შევიძინე: მეგობრები, გამოცდილება და შაქარი. არასოდეს გამიწყვეტია კონტაქტი მოსახლეობასთან და ამით ვამაყობ. პირადად ვინც მიცნობს იცის, რომ ჩემთვის ღირებულია-ადამიანი, კანონი, მორალი, პატიოსნება.კიდევ ერთხელ-ყველას მადლობას მოგახსენებთ, უდიდესი ნდობისთვის. წარმატებებს და ბედნიერ შობა-ახალ წელს გისურვებთ. მრავალჟამიეეერ. ღმერთი ჰფარავდეს, დედა-სამშობლოს“, - წერს ოთარ ... ...
  • ეკა ბესელიამ პარლამენტის იურიდიული კომიტეტი დატოვაეკა ბესელიამ პარლამენტის იურიდიული კომიტეტი დატოვა. დამოუკიდებელი დეპუტატის თქმით, ის ამ კომიტეტში მუშაობას ვეღარ გააგრძელებს. კომიტეტიდან ბესელიას წასვლა უზენაესი სასამართლოს უვადო მოსამართლეებად იმ პირების არჩევას უკავშირდება, რომლებსაც ბესელია მოსამართლეთა კლანის წევრებად ასახელებს. რამდენიმე თვის წინ, სწორედ უზენაესი სასამართლოს მოსამართლეობის კანდიდატთა სია გახდა ბესელიას მიერ იურიდიული კომიტეტის თავმჯდომარის პოსტის დატოვების ... ...
  • პარლამენტმა უზენაესი სასამართლოს 14 უვადო მოსამართლე დაამტკიცაპარლამენტმა უზენაესი სასამართლოს 14 უვადო მოსამართლე დაამტკიცა, მათ შორის არიან: გენერალური პროკურორი შალვა თადუმაძე (89 ხმით), მისი მოადგილე მამუკა ვასაძე (88 ხმით) და იუსტიციის უმაღლესი საბჭოს მდივანი გიორგი მიქაუტაძე (85 ხმით). უფრო დეტალურად, პარლამენტმა მხარი უზენაესი სასამართლოს მოსამართლეობის შემდეგ კანდიდატებს დაუჭირა: მერაბ გაბინაშვილი - 86 ხმა, მირანდა ერემაძე - 83 ხმა, მამუკა ვასაძე - 88 ხმა, მაია ვაჩაძე - 90 ხმა, თამარ ზამბახიძე - 89 ხმა, შალვა თადუმაძე - 89 ხმა, ვლადიმერ კაკაბაძე - 86 ხმა, ლევან მიქაბერიძე - 89 ხმა, გიორგი მიქაუტაძე - 85 ხმა, ნუგზარ სხირტლაძე - 90 ხმა, ლალი ფაფიაშვილი - 88 ხმა, ნინო ქადაგიძე - 85 ხმა, ქეთევან ცინცაძე - 85 ხმა, ალექსანდრე წულაძე - 87 ხმა. პარლამენტმა ჩააგდო შემდეგი კანდიდატები: თამარ ალანია - 0 ხმა, გოჩა ჯეირანაშვილი - 2 ხმა, ლაშა ქოჩიაშვილი - 2 ხმა, შოთა გეწაძე - 2 ხმა , პაატა სილაგაძე - 0 ხმა. უზენაესი სასამართლოს მოსამართლის დასამტკიცებლად საჭირო იყო 76 დეპუტატის მხარდაჭერა. სხდომას არ დასწრებია არცერთი ოპოზიციონერი დეპუტატი. კენჭისყრამ ასევე ჩაიარა დამოუკიდებელი დეპუტატების გარეშე. უმრავლესობის წევრების გარდა, სხდომაზე მხოლოდ ერთი დამოუკიდებელი დეპუტატი, ეკა ბესელია იმყოფებოდა. ... ...

არქივი

ზაფრანი

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...

2020 წლის ჩინური ჰოროსკოპი

ჩინური ჰოროსკოპი ცხოველთა 12 ნიშანს...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...