ნაციონალებს ყატარის პრინცის მიერ ნაჩუქარი სარეცხის მანქანების დაბრუნებას სთხოვენ

საზოგადოება

ნაციონალებს ყატარის პრინცის მიერ ნაჩუქარი სარეცხის მანქანების დაბრუნებას სთხოვენ

2012 ოქტ 19 14:49:40
ისინი ამტკიცებენ, რომ დახმარების გარეშე, ძირითადად, "ქართული ოცნების" მხარდამჭერები დარჩნენ.

პანკისელთა მტკიცებით, ყატარის პრინცი ხეობას ივლისში სტუმრობდა, თუმცა, ოფიციალური ინფორმაცია ამ ვიზიტის შესახებ არსად მოიძებნება. ამ პერიოდში საქართველოს ყატარიდან მართლაც ეწვია ყატარის წითელი ნახევარმთვარის გენერალური მდივანი სალეჰ ალი ალ მუჰანადი და საერთაშორისო ურთიერთობების ხელმძღვანელი დოქტორი ოუსედიკ ფავზის შემადგენლობით. სავარაუდოდ, სწორედ ისინი ჩავიდნენ პანკისში და მოსახლეობას დახმარებას დაჰპირდნენ.

"ქართული ოცნების" წარმომადგენელი მათე ქავთარაშვილი "გურია ნიუსთან" საუბარში აცხადებს, რომ ზუსტი ინფორმაცია ყატარიდან გადმორიცხული თანხის შესახებ ვერსად მოიპოვა. მან საქართველოს წითელი ჯვრის ხელმძღვანელ ნანა ყეენიშვილსაც მიმართა, თუმცა, ამ უკანასკნელმა ინფორმაციის გასაჯაროებაზე უარი უთხრა.

"ჰუმანიტარული ტვირთის დარიგებას სოფლებში დიდი უკამყოფილება მოჰყვა. პირადად დავინტერესდი, რა თანხა გადმოირიცხა ყატარიდან და კონკრეტულად რა სახის პროდუქტისგან შედგებოდა თითოეული ყუთი, რადგან როდესაც ყუთები გაიხსნა, იქ ერთგვაროვანი პროდუქტი არ აღმოჩნდა _ ზოგან ძირითადად მაკარონი იდო, ზოგან კი _ ფქვილი. ეს იყო ადგილობრივ ბაზარზე შეძენილი პროდუქტი. როგორც გავარკვიეთ, ყატარიდან გადმოირიცხა ფული და პროდუქტის შეძენა საქართველოში მოხდა," _ აცხადებს მათე ქავთარაშვილი "გურია ნიუსთან" საბარში.

ქავთარაშვილის მტკიცებით, პროდუქტის ნაწილი საკვებად უვარგისია, რადგან თაგვების მიერ არის შეჭმული. სოფელში ამბობენ, რომ ყუთები არჩევნებამდე ჩამოიტანეს ხეობაში და სხვადასხვა ფერმებში და სათავსოებში არასათანადო პირობებში ინახავდნენ.

სოფლის რწმუნებული მერაბ ქავთარაშვილი მოსახლეობის ბრალდებებს უარყოფს და აცხადებს, რომ პროდუქტი დაზიანებული არ ყოფილა და მადლიერი ხალხი დღემდე უხდის მადლობას: "ყველაფერს რომ თავი დავანებოთ, ჰუმანიტარული დახმარება განკუთვნილი იყო არა დუისის მოსახლეობისთვის, არამედ 800 ჩეჩენი ლტოლვილისთვის. როდესაც აღვწერეთ, აღმოჩნდა, რომ ამ ოჯახების უმრავლესობა აღარ ცხოვრობდა პანკისში. ამის შემდეგ გადავწყვიტეთ პროდუქტი სოციალურად დაუცველი ადგილობრივი მოსახლეობისთვის დაგვერიგებინა. პროდუქტს მართლაც ვინახავდით არჩევნებამდე, რადგან გვეშინოდა ამომრჩევლის მოსყიდვაში არ დავედანაშაულებინეთ," _ აცხადებს დუისის რწმუნებული "გურია ნიუსთან" საუბარში.

მერაბ ქავთარაშვილი ამბობს, რომ პირადად მოაწერა ხელი მიღება-ჩაბარების აქტს 800 ყუთზე, მაგრამ როდესაც დაითვალეს, აღმოჩნდა, რომ 23 ყუთი აკლდა. ეს ინფორმაცია მაშინვე მიაწოდეს თბილისში წითელ ჯვარს. დუისის რწმუნებულის მტკიცებით, პანკისის ხეობის სოფლებში 750 ყუთი დარიგდა, დარჩენილი 27 ყუთი კი მან მძღოლებს და მტვირთავებს დაურიგა:

"ყველა ყუთი აღნუსხული მაქვს მძღოლების და მტვირთავების ხელმოწერებით და პირადი ნომრებით. სახლში არაფერი წამიღია. ამ ამბიდან ტყუილად ცდილობენ სკანდალის აგორებას," _ აცხადებს ქავთარაშვილი.

პანკისის მოსახლეობის ერთი ნაწილი ფიქრობს, რომ ქავთარაშვილმა პროდუქტი მაღაზიებს ჩააბარა და გაყიდა. ისინი ასევე ირწმუნებიან, რომ ყუთებს გახსნის კვალი ეტყობოდა, რაც მათ აფიქრებინებს, რომ პროდუქტის ნაწილი ვიღაცამ მიითვისა.

ანჟელა ქავთარაშვილის ოჯახი სოფელ დუისში ყველაზე ხელმოკლედ ცხოვრობს. "გურია ნიუსთან" საუბარში ის ამბობს, რომ პრინცი პირადად იმყოფებოდა მის სახლში: "მოვიდა და თავისი თვალით ნახა ყველაფერი, ფოტოებიც კი გადაუღო ჩემს ქოხს, მერე მკითხა, ყველაზე მეტად რა გჭირდებაო. სარეცხის მანქანა ვთხოვე და დამპირდა, გიყიდითო. პრინცი თან ახლდა ბელა ბაღაკაშვილს, რომელიც ნაციონალური მოძრაობის აქტიური მხარდამჭერია."

"პრინცს" სარეცხის მანქანა სთხოვა კიდევ ერთმა ოჯახმა, რომელიც დაპირებულ საჩუქარს დღემდე ელოდება.

დუისის მკვიდრი ლეილა "გურია ნიუსთან" საუბარში აცხადებს, რომ სარეცხის მანქანები მართლაც შეუძინეს სოციალურად დაუცველ ოჯახებს, მაგრამ აღარ მისცეს: "მე როგორც ვიცი, ეს ტექნიკა ბელა ბაღაკაშვილის სახლში ინახებოდა. ამ სახლში სხვათაშორის ნაციონალების ოფისი იყო გახსნილი. ბელასთან ის ოჯახი მივიდა, ვისაც სარეცხის მანქანა ეკუთვნოდა, მაგრამ არ გაატანა _ არჩევნების მერე მოდი, თორემ ამომრჩევლის მოსყიდვაში ჩაგვითვლიანო. არჩევნები რომ დამთავრდა, ოჯახმა კვლავ მიაკითხა, მაგრამ აღარაფერი დახვდა. ბელას უთქვამს, რა ვიცი, სად გაქრა, აქ ვინახავდი და, ალბათ, მოიპარესო. ოჯახმა "ქართულ ოცნებას" მისცა ხმა და ალბათ ეს იყო მიზეზი."

დუისის რწმუნებული მერაბ ქავთარაშვილი "გურია ნიუსთან: საუბარში სარეცხის მანქანების ყიდვის ფაქტს ადასტურებს: "სარეცხის მანქანები, რამდენიმე საცხობი ღუმელი და კიდევ სხვა საოჯახო ტექნიკა ბელას ოჯახში ინახებოდა. ჩემი ინფორმაციით, ეს ნივთები ღარიბ ოჯახებს დაურიგეს, ვის მისცეს და როდის, ეგ არ ვიცი. ბელასგან ვიცი, რომ კიდევ დარჩა რამდენიმე ღუმელი ."

დუისელები დღემდე ამაოდ ცდილობენ ყატარიდან გადმორიცხული თანხის ოდენობის დაზუსტებას.




 ახალი ამბები
  • კახა სიორიძე ოზურგეთში „ლელოს“ უხელმძღვანელებს„გურია ნიუსის“ ინფორმაციით, ოზურგეთში საზოგადოებრივი მოძრაობის „ლელოს“ ოფისის გახსნა იგეგმება. ჩვენს მიერ მოპოვებული ინფორმაციით, ოზურგეთში ახალდაფუძნებულ მოძრაობას შპს “ასკანგელ ალიანსის“ ყოფილი გენერალური დირექტორი კახა სიორიძე უხელმძღვანელებს. კახა სიორიძემ ჩვენს მიერ მოპოვებული ინფორმაცია დაადასტურა. „დიახ გიდასტურებთ, რომ “ლელოს“ ოფისი იხსნება ოზურგეთში. დანარჩენი დეტალები შემდეგ კვირაში იქნება  ცნობილი“,_გვითხრა კახა სიორიძე. „ლელოს“ ახალი ოფისის გახსნა ოზურგეთში შემდეგ კვირაშია დაგეგმილი. სწორედ გახსნის დროს გახდება ცნობილი ვინ იქნება კახა სიორიძესთან ... ...
  • სამტრედიაში მომხდარ მკვლელობის ფაქტზე მუხლი გადაკვალიფიცირდასამტრედიაში მომხდარ მკვლელობის ფაქტზე მუხლი გადაკვალიფიცირდა. მამაკაცს, რომელმაც სამტრედიაში ცოლი მოკლა,17-წლამდე პატიმრობა ელის. შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის სამტრედიის სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1992 წელს დაბადებული გ.ა. სამტრედიაში, ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით დააკავეს. ინფორმაციას შსს ავრცელებს. უწყების ცნობით,გამოძიებით დადგინდა, რომ ბრალდებულმა სამოქალაქო რეესტრის სააგენტოს სამტრედიის ფილიალის მოქალაქეთა მომსახურების დარბაზში, განქორწინების პროცედურის დაწყებამდე, ცოლს - 1994 წელს დაბადებულ ს.ბ.-ს ცივი იარაღით სასიკვდილო ჭრილობები მიაყენა. დაჭრილი ქალი შემთხვევის ადგილზე გარდაიცვალა. სამართალდამცველებმა გ.ა. მომხდარიდან მალევე, ცხელ კვალზე, სამოქალაქო რეესტრის სააგენტოს სამტრედიის ფილიალის მოქალაქეთა მომსახურების დარბაზშივე დააკავეს. პოლიციამ დანაშაულის ჩადენის იარაღი - დანა შემთხვევის ადგილიდან ნივთმტკიცებად ამოიღო. გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ის 11 პრიმა 109-ე მუხლის მე-2 ნაწილის „ვ“ ქვეპუნქტით მიმდინარეობს. აღნიშნული დანაშაული 13-დან 17 წლამდე ვადით თავისუფლების აღკვეთას ... ...
  • სიახლე ოზურგეთში _ დასაქმების ბირჟამ ფუნქციონირება დაიწყოახლახან, ოზურგეთელმა ნუგზარ რუხაძემ შრომის ბირჟა გახსნა. ის არაერთ ხელმძღვანელ თანამდებობაზეა ნამუშევარი და როგორც თავად ამბობს, კარგად ერკვევა , თუ რა პროფესიის ადამიანები სჭირდება ქალაქს და როგორ დაასაქმოს ისინი ისე, რომ მოსახლეობას მლესავის, ელექტროშემდუღებლის თუ უბრალოდ, დამხმარე მუშის საჭირობის დროს, პრობლემა არ შეექმნას. _ ხშირად გვესმის, რომ ხალხი სამუშაოს ეძებს და დასაქმების შანსი არ არის. არადა, ბევრჯერ პირიქითაა: ადამიანები ეძებენ ელექტრომონტიორს, კაფელის ხელოსანს თუ მლესავს და ვერ პოულობენ. ამიტომ დავისახე მიზნად, თავი მოვუყარო მაღალი კლასის და დავასაქმო  საჭიროების  მიხედვით. ჩვენ უკვე აღრიცხვაზე ავიყვანეთ სანტექნიკოსები, დურგლები, მეთუნუქეები, ელექტროშემდუღებლები, მღებავები, სახლის მშენებლები, პიანინოს ამწყობები,  უბრალოდ, ტვირთის გადამზიდავები და მიწის დამბარავებიც კი. ზოგს აწი მივიღებთ. მთავარია, თავის პროფესიაში ერკვეოდნენ კარგად და  შესაბამისად, დასაქმებისას კარგ ანაზღაურებასაც მიიღებენ, ჩვენ უკვე დავიწყეთ მუშაობა, _ თქვა „გურია ნიუსთან“ ინდმეწარმე ნუგზარ რუხაძემ. დასაქმების ბირჟა ოზურგეთში, რკინიგზის სადგურში, პირველ სართულზეა განთავსებული და მასში უკვე ბევრი სხვადასხვა პროფესიის ადამიანი გაწევრიანდა.      ... ...
  • ჩოხატაურელი მხატვარი გურამ მიქაძე გარდაიცვალაჩოხატაურელი მხატვარი გურამ მიქაძე გარდაიცვალა, _ ამის შესახებ ფეისბუქის საკუთარ გვერდზე  ჩოხატაურის სამხატვრო სკოლის დირექტორმა მზია კვინტრაძემ დაწერა. "წავიდა ჩვენგან უნიჭიერესი მხატვარი, უანგარო და ერთგული მეგობარი გურამ მიქაძე. ღმერთმა ნათელში ამყოფოს მისი სული", _ წერს გურამ მიქაძის ... ...
  • მკვლელობა სამტრედიაში _ მამაკაცს, რომელმაც ცოლი მოკლა,15-წლამდე პატიმრობა ელის სამტრედიაში მომხდარ მკველობასთან დაკავშირებით შსს-მ გამოძიება სსკ-ის 108-ე მუხლით (განზრახ მკველობა) დაიწყო, _ ამის შესახებ "გურია ნიუსს" უწყების პრესსამსახურში განუცხადეს. მათივე ინფორმაციით, სავარაუდო ბრალდებული უკვე დაკავებულია. ბრალის დამტკიცების შემთხვევაში, მამაკაცს 7-დან 15-წლამდე პატიმრობა ელის. შეგახსენებთ, მკველობა სამტრედიაში ცოტა ხნის წინ მოხდა. ახალგაზრდა მამაკაცმა ცოლს სასიკვდილო ჭრილობა ცივი იარაღით რამდენჯერმე ... ...

არქივი

ზაფრანი

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...