ერთი _ უარყოფს, მეორე _ ადასტურებს

საზოგადოება

ერთი _ უარყოფს, მეორე _ ადასტურებს

2011 აპრ 2 13:55:34

ოზურგეთის ე.წ. ძველი აგრარული ბაზარი ისევ რამდენიმე ადამიანის ბიზნეს-ინტერესის სფეროს წარმოადგენს. აღნიშნული ტერიტორიის ნაწილი ჯონი (კაკო) ურუშაძეს სახელმწიფომ იჯარით გადასცა. საინტერესოა ის ფაქტი, რომ, როგორც ოზურგეთის მუნიციპალიტეტის გამგებელი გიორგი ტაკიძე "გურია ნიუსთან" საუბარში აღნიშნავს, დღეის მდგომარეობით, ბაზრის ტერიტორიაზე არანაირი მშენებლობის ნებართვა არ არის გაცემული. ჯერჯერობით, არ არის ცნობილი, კონკრეტულად რის მშენებლობას აპირებენ აქ მეიჯარეები.

ჯონი ურუშაძე "გურია ნიუსთან" საუბარში ადასტურებს ინფორმაციას, რომ მან მიწის ნაკვეთის იჯარით აღებისთვის გამგეობას 6-7 თვის წინ მიმართა და ნებართვაც მიიღო _ მას უკვე ეს ნაკვეთი ოფიციალურად აქვს 20-წლიანი სარგებლობის უფლებით მიღებული და სამუშაოებსაც უახლოეს ხანში დაიწყებს.

_ ბატონო ჯონი, ვისთან გააფორმეთ ხელშეკრულება?

_ გამგეობასთან. განცხადება დავწერე, ბაზარი რომ დაიშალა, ერთი ადგილი გამომიყავით,-მეთქი. აღნიშნული ტერიტორია არის სახელმწიფო მიწა და არავის არაფერს არ უშლის. აქ პიროვნული ინტერესი თუ არის, არ ვიცი და მე ყველაფერი კანონიერად მაქვს გაკეთებული.

_ აგრარული ბაზრის მოვაჭრეები ამბობენ, რომ ეს არის გზა და მისი გაყიდვა არ შეიძლება.

_ ხელისუფლებას აქვს იმის უფლება, სახელმწიფო მიწა გასცეს იჯარით, რომელშიც ფულს ვუხდი. ეს იყო თავისუფალი მიწა.

_ რას აშენებთ?

_ კაპიტალურ შენობას.

ოზურგეთის მუნიციპალიტეტის გამგებელი გიორგი ტაკიძე ამბობს, რომ ყოფილი აგრარული ბაზრის ტერიტორიაზე იჯარით არის გაცემული ნაკვეთები, რომელზეც, ჯერჯერობით, მოიჯარეებს მშენებლობის ნებართვის უფლება არ აქვთ: _ მშენებლობის ნებართვის მოსაპოვებლად ან რაიმეს გასაკეთებლად, ჩვენთვის არ მოუმართავთ. ამდენად, არ შეიძლება, რომ რაიმე მშენებლობაზე იყოს საუბარი.

ჩვენ უკანონო მშენებლობას არ დავუშვებთ. მეიჯარეების შესახებ ინფორმაცია, შეგიძლიათ, ბაზრის ადმინისტრაციისგან მიიღოთ _ კონკრეტულად გეტყვიან, რამდენი მეიჯარე ჰყავთ იმ ტერიტორიაზე. ერთია, ვიღაცამ აიღოს ტერიტორია იჯარით, მაგრამ მშენებლობის ნებართვის გაცემა ჩვენი პრეროგატივაა და სანამ არ ექნება ეს ნებართვა, მშენებლობას ვერავინ დაიწყებს. ჩვენ ყველა იმ საკითხს შევისწავლით, რომელიც იმ ადამიანებს აწუხებთ, წერილობით რომ მოგვმართეს და იმასაც, რაც მეიჯარის ინტერესში შედის. საკითხი გამგეობაში იქნება განხილული და მერე მივიღებთ გადაწყვეტილებას.

_ ჯონი ურუშაძე ამბობს, რომ აღნიშნულ ტერიტორიაზე კაპიტალურ მშენებლობას იწყებს. როგორც თავად ამბობს, განცხადება 6 თუ 7 თვეა დაწერილი აქვს და შესაბამისად, მშენებლობის ნებართვაც მიიღო.

_ იქ იჯარით არის გაცემული ნაკვეთები. ზოგი ახლა გაიცა და ზოგიც _ რამდენიმე ხნის უკან. ნაკვეთები აღებულია ბაზრის ადმინისტრაციის ნებართვით და მფლობელებს გარკვეული მიზნები აქვთ. მშენებლობის წარმოებისთვის აუცილებელია, მშენებლობის ნებართვა მიიღონ. ჩვენთან კი, ჯერჯერობით, ასეთი განცხადებით არც ერთი მეიჯარე არ მოსულა.

_ თქვენი პრესსამსახურის თანდასწრებით, ინფრასტრუქტურის სამსახურში გვითხრეს, რომ მხოლოდ ერთადერთი განცხადებაა შემოსული მშენებლობის ნებართვის გაცემაზე და ისიც მინდია სალუქვაძის სახელზე, რომელიც აღნიშნულ ტერიტორიას არ ეხება. ურუშაძე კი ამბობს, რომ მისი განცხადება გამგეობაში დევს და ნებართვაც აქვს.

_ ის კაცი რას ამბობს, არ ვიცი. მოგვწერეთ ოფიციალური წერილი და მიიღებთ დოკუმენტებს, აქვს თუ არა ურუშაძეს განცხადება დაწერილი.

_ მოვაჭრეები ამბობენ, რომ არ დაუშვებენ აღნიშნულ ტერიტორიაზე მშენებლობის წამოწყებას.

_ არ ვიცი, რატომ არიან ახალი მშენებლობის წინააღმდეგი. თუმცა, კიდევ ერთხელ ვაკონკრეტებ _ დღეის მდგომარეობით, არანაირი მშენებლობის ნებართვა არ არის გაცემული.

"გურია ნიუსმა" გამგებლის კომენტარის შემდეგ, ჯონი ურუშაძეს ნებართვის ჩვენება სთხოვა, თუმცა უარი მიიღო:

_ რატომ ხართ ასე დაინტერესებული? გიმეორებთ _ მე ყველა საბუთი და ნებართვაც კანონიერად მაქვს მიღებული. მიდით და სხვაგან მოიპოვეთ, თავად ამოიღეთ საჯარო რეესტრიდან. კომენტარს აღარ გავაკეთებ. სახელმწიფო მიწაა და გამგეობას აქვს უფლება, მსურველს კანონის ფარგლებში მისცეს და დაუკანონოს, _ გვითხრა ურუშაძემ.

"გურია ნიუსისთვის" ისიც ხდება ცნობილი, რომ იჯარით გაცემულ მიწაზე არ შეიძლება კაპიტალური შენობა-ნაგებობის აგება. როგორც იურისტები ამბობენ, ეს ხელშეკრულებაში უნდა იყოს მითითებული, თუმცა, ჩვენ ხელშეკრულება ამ ეტაპზე ვერ მოვიპოვეთ.




 ახალი ამბები
  • ავტოსაგზაო შემთხვევა სოფელ ბობოყვათში - არის მსხვერპლი ქობულეთის მუნიციპალიტეტის სოფელ ბობოყვათში მომხდარი ავტოსაგზაო შემთხვევის შედეგად ერთი ადამიანი გარდაიცვალა. როგორც "გურია ნიუსს" ერთ-ერთმა თვითმხილველმა განუცხადა, მსუბუქი ავტომობილი გზის სავალი ნაწილიდან გადავიდა. რა გახდა ავტოსაგზაო შემთხვევის გამომწვევი მიზეზი, ჯერჯერობით, უცნობია. შსს-მ მომხდარ ფაქტზე გამოძიება სსკ-ის 276-ე მუხლით ... ...
  • „ან ბოდიში მოიხადე, ან სინანული დაგეტყოს ვის ემუქრები?“_ ხიდაშელი მერაბიშვილსვანო მერაბიშვილის საპატიმროდან გამოსვლას სოციალურ ქსელში  ეხმაურება თავდაცვის ყოფილი მინისტრი, თინა ხიდაშელი. „ქალაქში ახალი ცირკი ჩამოდგება დღეიდან. ყოველ ჯერზე როდესაც დღეს ციხიდან გამოსულ კაცზე ისაუბრებთ, ან ეთერში გეყოლებათ ან მის გმირად და რეჟიმის მსხვერპლად წარმოჩენას შეეცდებით ნუ დაგავიწყდებათ, რომ ამით გმირულ საქციელად მიიჩნევთ: პოლიციურ რეჟიმს, რეპრესიებს, დემონსტრაციის შემდეგ დატოვებულ გვამებს, მოპარულ არჩევნებს, ასობით გადამალულ და სასტიკად ნაცემ დემონტრანტს. ნუ დაგავიწყდებათ რომ სწორედ ეს კაცია შემოქმედი ქვეყანაში იმ ბოროტების მანქანის რომელიც დღემდე ვერ მოვიცილეთ. PS ან ბოდიში, მოიხადე, ან სინანული დაგეტყოს  ვის ემუქრები? შენ რომ დაამხობ და მერე დაბრუნდები, ის ხელისუფლება ისევ დასამხობი, რომ იქნება კი უნდა ხვდებოდე უკვე “ – წერს თინა ხიდაშელი. ... ...
  • იმპერატორის დაბადების დღისადმი მიძღვნილი საღამო იაპონიის საელჩოშისტუმართა შორისაა სამტრედიის მუნიციპალიტეტის მერი ვალერიანე ფოცხვერია, რომელიც შეხვედრაზე მიტოიოს მერიამ ... ...
  • „საქართველოს წარმომადგენლების ნამუსზე ვტოვებთ"_ კრემლი კიბერშეტევაზესაქართველოს საგარეო საქმეთა სამინისტროს მიერ  კიბერშეტევასთან რუსეთის კავშირზე გაკეთებულ განცხადებას რუსეთი გამოეხმაურა. „ამ კომენტარს საქართველოს იმ წარმომადგენლების ნამუსზე ვტოვებთ, ვინც ეს გააკეთა. რუსეთი არ აპირებდა და არ აპირებს რაიმე ფორმით ჩაერიოს საქართველოს შიდა საქმეებში”, _ განაცხადა რუსეთის საგარეო საქმეთა მინისტრის მოადგილემ, ანდრეი რუდენკომ. ცნობისთვის, საგარეო საქმეთა სამინისტროში დღეს გამართულ ბრიფინგზე განაცხადეს, რომ  2019 წლის 28 ოქტომბერს საქართველოში განხორციელდა ფართომასშტაბიანი კიბერშეტევა საქართველოს პრეზიდენტის ადმინისტრაციის, სასამართლო სისტემის, სხვადასხვა მუნიციპალიტეტის საკრებულოების, სახელმწიფო, კომერციული და მედია ორგანიზაციების ვებგვერდებზე, სერვერებსა და სხვა მართვით სისტემებზე. კიბერშეტევის შედეგად დაზიანდა ზემოაღნიშნული ორგანიზაციების სერვერები, მართვითი სისტემები და მნიშვნელოვნად შეფერხდა მათი ფუნქციონირება. კიბერშეტევა კი მიზნად ისახავდა საქართველოს ეროვნული უსაფრთხოების ხელყოფას, საქართველოს მოსახლეობისათვის ზიანის მიყენებას და სამთავრობო სტრუქტურების, ასევე სხვადასხვა ორგანიზაციების ფუნქციონირების შეფერხებით და მოშლით საზოგადოებაში მღელვარების დათესვას. როგორც გამოძიებამ დაადგინა, საქართველოს პრეზიდენტისა და სხვა ოფიციალური უწყებების ვებგვერდებზე კიბერშეტევა რუსეთმა განახორციელა.   ... ...
  • ოზურგეთელ მონადირეთა ჯგუფმა, ათ დღეში სამი მგელი მოკლაოზურგეთის მუნიციპალიტეტში მომრავლებულ გარეულ მტაცებელ ცხოველებს შორის,  ყველაზე დიდი ზიანს სოფლის მოსახლეობას აყენებს მგელი, რომელიც ანადგურებს არა მარტო მსხვილფეხა და წვრილფეხა საქონელს, არამედ ოჯახის ძაღლების მოტაცების ფაქტებიც დაფიქსირდა. გუშინ, 19 თებერვალს,  სოფელ ბაილეთის მიდამოებში ოზურგეთის მუნიციპალიტეტის მგელზე მონადირე სპეციალურმა ჯგუფმა მოახდინა ერთი მგლის ლიკვიდაცია.  მანამდე, 10-12 თებერვალს, იმავე ჯგუფმა ჩალიან-მოლიანის ტერიტორიაზე ორი მგელი მოკლა. ჯგუფის  ერთ-ერთი ყველაზე აქტიური წევრია ახალგაზრდა, მაგრამ  უკვე გამოცდილი მონადირე,სოფელ კონჭკათის მკვიდრი შოთა ზოიძე. როგორც ამ ჯგუფის ხელმძღვანელი, ნატანებელი ფერმერი,  გამოცდილი მონადირე ნიკოლოზ გობრონიძე გვეუბნება,  დღეს,  20 თებერვალს, საღამოს ჩალიანის დასახლებაში, მდინარე ჩოლოქის პირზე დაფიქსირდა მგლის ადამიანებზე თავდასხმის მცდელობის ფაქტი. როგორც ბატონი ნიკოლოზი ამბობს, ასეთი ფაქტი ბოლო წლებში არ ყოფილა და ის ვარაუდობს, რომ შესაძლოა,  მგლის ასეთი აგრესიულობა გამოწვეული იყოს რაიმე ... ...

არქივი

ზაფრანი

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...