აქვს თუ არა შსს-ს ახალ მინისტრს პოსტის დასაკავებლად საკმარისი კვალიფიკაცია

gurianews.com

საზოგადოება

აქვს თუ არა შსს-ს ახალ მინისტრს პოსტის დასაკავებლად საკმარისი კვალიფიკაცია

2017 ნოე 14 15:33:26

სამთავრობო ცვლილებების შემდეგ, შინაგან საქმეთა მინისტრის გიორგი მღებრიშვილის ადგილი ეკონომიკისა და მდგრადი განვითარების მინისტრმა გიორგი გახარიამ დაიკავა.  „გურია ნიუსი“ დაინტერესდა,აქვს თუ არა ახალ  შინაგან საქმეთა მინისტრს, აღნიშნული  პოსტის დასაკავებლად,  შესაბამისი კვალიფიკაცია და გამოცდილება.  გახარიას ბიოგრაფიის გაცნობის შემდეგ დავადგინეთ, რომ მისი გამოცდილება სხვადასხვა პერიოდში მხოლოდ და მხოლოდ ეკონომიკურ საქმიანობას  უკავშირდება. გიორგი გახარიას ბიოგრაფიიდან განათლების, კვალიფიკაციასა და პროფესიული გამოცდილების ხაზი ასე გამოიყურება.

განათლება და კვალიფიკაცია

2002-2004  წწ-ში სწავლობდა მ.ლომონოსოვის სახელობის მოსკოვის სახელმწიფო უნივერსიტეტი. უმაღლესი ბიზნეს სკოლა - ბიზნესის მართვის მაგისტრი (MBA)

1994-2000 წწ-ში - მ.ლომონოსოვის სახელობის მოსკოვის სახელმწიფო უნივერსიტეტიში.

1992-1994 წწ-ში სწავლობდა  ი.ჯავახიშვილი სახელობის თბილისის სახელმწიფო უნივერსიტეტი, ისტორიის  ფაკულტეტზე.

სწავლობდა პოლიტოლოგიის ფაკულტეტზე _ მაგისტრის ხარისხი პოლიტოლოგიაში

პროფესიული  გამოცდილება

  27.11.2016–წლიდან 2017 წლის ნოემბრამდე იყო საქართველოს ეკონომიკისა და მდგრადი განვითარების მინისტრი;

2014 წლის  დეკემბრიდან  2016 წლის  სექტემბრამდე   – ეკონომიკური საბჭოს მდივანი;

2013 წლის მარტიდან  2016 წლის  ივლისამდე _ საქართველოს ბიზნესომბუდსმენი;

2008 წლის  ნოემბრიდან   2013 წლის  თებერვლამდე   – Lufthansa Service Holding AG. LSG, Frankfurt am Main, Germany GR & ბიზნესის განვითარების დირექტორი აღმოსავლეთ ევროპაში, დსთ-ს ქვეყნებსა და რუსეთის ფედერაციაში;

2006 წლის  სექტემბრიდან  2009 წლის  მაისამდე   – მოსკოვის სახელმწიფო უნივერსიტეტის გამოყენებითი ბიოტექნოლოგიის მოწევეული ლექტორი;      

2004 წლის მაისიდან 2008 წლის ნოემბრამდე იყო  SFK Group - გენერალური დირექტორი;

„გურია ნიუსი“ დაინტერესდა რას ფიქრობენ საპარლამენტო უმრავლესობისა და უმცირესობის წევრები ახალი შინაგან საქმეთა მინისტრის კვალიფიკაციაზე. ამ საკითხზე სასაუბროდ პარლამენტის თავმჯდომარის მოადგილეს გიორგი ვოლსკისა და ,,ევროპული საქართველოს „წევრს სერგი  კაპანაძეს ვესაუბრეთ.

გიორგი ვოლსკის თქმით, გახარია არის პიროვნება, რომელსაც შეიძლება ენდო.

გახარიას  საკმაოდ სერიოზული ხარისხი აქვს  პოლიტიკურ მეცნიერებაში. ის  არის კარგი პოლიტიკოსი, მთავრობის წევრი და  შესანიშნავი მენეჯერი. გამორიცხულია, რომ მთავრობის რომელიმე წევრმა ზედმიწევნით არ იცოდეს სხვადასხვა მომიჯნავე დარგში არსებული მდგომარეობა.  გიორგი მღებრიშვილსა და გიორგი გახარიას აუცილებლად ექნებათ ყველა დეტალთან დაკავშირებით საქმიანი განხილვა. შშს-ს ახალი მინისტრი გიორგი  გახარია არის პიროვნება, რომელსაც შეიძლება დაეყრდნო და  ენდო. პატრიოტი და მაღალი დონის პროფესიონალია.  მე დარწმუნებული ვარ, რომ იგი ამ სფეროშიც გამოდგება და ყველაფერს გააკეთებს ჩვენი უსაფრთხოებისთვის.

 სერგი კაპანაძის თქმით კი, გიორგი გახარია არსდროს ყოფილა „ქართული ოცნების“ პოლიტიკური ფიგურა და ის ბიძინა ივანიშვილთან სიახლოვის გამო დააწინაურეს.

ერთი მხრივ, როცა მინისტრი ინიშნება ასეთ საპასუხისმგებლო პოსტზე მნიშვნელოვანია, რომ იყოს პოლიტიკური ფიგურა, რათა  პოლიტიკური პასუხისმგებლობის ტვირთი აიღოს, რასაც გახარიაზე ვერ ვიტყვით.  ის  არასდროს ყოფილა ,,ქართული ოცნების“  პოლიტიკური ფიგურა. მეორე მხრივ,  ასეთი თანამდებობის პირი  შეიძლება იყოს პროფესიული  გამოცდილების მქონე და როგორც ვიცი,  მას ეს კვალიფიკაციაც არ გააჩნია, რადგან არც იურიდიულ საკითხებზე უმუშავია და არც სასჯელაღსრულების სტრუქტურაში. ნათელია, რომ გახარია ახლოს არის ივანიშვილთან, ამიტომ დაწინაურდა ამ პოსტებზე. როგორც ჩანს, ივანიშვილმა ძალოვანი სტრუქტურის უკეთ მართვა განიძრახა.



 ახალი ამბები
  • როდის ჩატარდება ოზურგეთში ახალარჩეული საკრებულოს პირველი სხდომაოზურგეთის მუნიციპალიტეტში ახალარჩეული საკრებულოს პირველი სხდომის თარიღი უცნობია. “გურია ნიუსი“ დაინტერესდა, როდის გაიმართება პირველი სხდომა და ცესკოს პრეს-სპიკერს ანა მიქელაძეს დაუკავშირდა. “კანონმდებლობის თანახმად საოლქო საარჩევნო კომისიები აჯამებენ არჩევნების შედეგებს არჩევნების ჩატარებიდან არაუგვიანეს 11 დღისა. ოზურგეთის საოლქო საარჩევნო კომისიაც, შესაბამისად, კანონმდებლობით შეაჯამებს შედეგებს და ამის შემდეგ ცენტრალური საარჩევნო კომისია  ოფიციალურად დანიშნავს საკრებულოს პირველ სხდომას“,  _ გვითხრა ანა მიქელაძემ. #60 საოლქო საარჩევნო კომისიის თავმჯდომარის, ზვიად თენიეშვილის თქმით, ოზურგეთში ჩატარებულ არჩევნების შედეგებს 18 ნოემბერს შეაჯამებს და ამის შემდეგ ოფიციალურ ინფორმაციას ცესკოს ... ...
  • ვიცე-მერის პოსტს ირაკლი სირაძე დაიკავებს გავრცელებული ინფორმაციით, ვიცე-მერის პოსტს ირაკლი სირაძე დაიკავებს. აღნიშნულ ინფორმაციას არც უარყოფს და არც ადასტურებს თავად ირაკლი სირაძე. სირაძე ბოლო დროს “შპს მედალფას“ ოზურგეთის სამედიცინო ცენტრში  ბუღალტრულ-ეკონომიკური სამსახურის უფროსად მუშაობდა, მანამდე,  კონსტანტინე შარაშენიძის გამგებლობის პერიოდში, გამგებლის მოადგილის პოსტს იკავებდა, ადგილობრივი თვითმმართველობის არჩევნებში კი, კონსტანტინე შარაშენიძის შტაბს ხელმძღვანელობდა. შარაშენიძე უფლებამოსილების გახორციელებას რამდენიმე დღეში შეუდგება. ჯერჯერობით, არ საჯაროვდება, ვინ იქნებიან შარაშენიძის მოადგილეები. თავად შარაშენიძე “გურია ნიუსთან“ საუბრისას ამბობს, რომ საკადრო პოლიტიკასთან დაკავშირებით ჯერ გადაწყვეტილება არ მიუღია და ამაზე საუბარი ... ...
  • წლის დარჩენილ დროში რას ვერ დააფინასებს ლანჩხუთის ბიუჯეტილანჩხუთის მუნიციპალიტეტის გამგეობის საფინანსო-საბიუჯეტო და მუნიციპალური შესყიდვების სამსახურის უფროსის, როლანდ ლაშხიას ინფორმაციით  2017 წლის ბიუჯეტის შესრულების მაჩვენებელი განვლილი 10 თვის მონაცემების მიხედვით 81,3%-ია. ირკვევა, რომ გადასახადების სახით ბიუჯეტში  807 825 ლარის მობილიზება მოხერხდა, რაც გეგმით გათვალისწინებულის 52,1%-ია. სხვა შემოსავლების კუთხით, ბიუჯეტმა 843 991 ლარი იხეირა, რაც გეგმით გათვალისწინებულის  93%-ია. არაფინანსური აქტივების კლებიდან მიღებულმა შემოსავალმა მხოლოდ 14830 ლარია შეადგინა, რაც წლიური გეგმის მხოლოდ 5,6%-ს შეადგენს. ბიუჯეტის 10 თვის შესრულების ანგარიშის მიხედვით, გრანტის სახით მიღებულია 9612544 ლარი, ანუ წლიური გეგმის 85,7%. აქედან გათანაბრებითი ტრანსფერი _ 4 944 600 ლარი, გეგმის 92,3%;  მიზნობრივი ტრანსფერი _ 183000 ლარი, გეგმის 83,2%;  საქართველოს რეგიონებში გასახორციელებელი პროექტების ფონდიდან გამოყოფილი თანხები _  2 931 075 ლარი, რაც გეგმის 76,8% მოიცავს. სოფლის მხარდაჭერის პროგრამით აზიური ფაროსანას წინააღმდეგ გახარჯულია 103 082 ლარი, გეგმის 47,8-%. სტიქიით მიყენებული ზიანის სარეაბილიტაციოდ კი  1 450 787 ლარი, ანუ გეგმის 90,3%. ამავე ანგარიშის თანახმად, მიმდინარე წლის განვლილ ათ თვეში მუნიციპალიტეტმა 11 126 463 ლარი გახარჯა, რაც წლიური ხარჯის 78,6% შეადგენს. აქედან, შრომის ანაზღაურებაზე 1 323 965 ლარი, რაც, ფაქტობრივად, გაწეული ხარჯების 18,9%-ს შეადგენს. შტატგარეშე მუშაკების შრომის ანაზღაურებაზე ხარჯების 3%, ანუ 214 413 ლარი გაიცა. მივლინების ხარჯზე 4 254 ლარი მიიმართა, ოფისის ხარჯებზე _ 232846 ლარი. რაც შეეხება წარმომადგენლობით ხარჯებს, აქ 12 613 ლარია მიმართული, რბილი ინვენტარის მუხლიდან _ 1 251 ლარი, ხოლო ტრანსპორტის ექსპლუატაციის ხარჯიდან _ 108 070 ლარი. სხვა საქონელი და მომსახურების მუხლით გახარჯულია 170 824 ლარი, ანუ ხარჯების 2,44%. არაფინანსური აქტივების ზრდაზე (ინფრასტრუქტურული ობიექტები) 4 127 817 ლარი, საკასო ხარჯების 58,9%. სუბსიდირებით გაიცა 4 188 343 ლარი, რაც ხარჯების 59,84%-ია. სოციალური უზრუნველყოფის მიმართულებით მუნიციპალიტეტში, განვლილ 10 თვეში 285 917 ლარია გახარჯული, ანუ 4%. სხვა ხარჯების მუხლით კი, განვლილ პერიოდში 294 116 ლარია გახარჯული. ვალდებულებების კლებაში ინფრასტრუქტურული ობიექტების დაფინანსებაზე კი 162 034 ლარია მიმართული. საფინანსო სამსახურის განმარტებით,  იმის გამო, რომ არ შესრულდა არაფინანსური აქტივების კლებიდან და ბუნებრივი რესურსების შემოსავლების წლიური გეგმა, სრულად ვერ დაფინანსდა ბიუჯეტის მიერ აღებული ვალდებულებები. როგორც ირკვევა, განვლილ 10 თვეში მუნიციპალიტეტში ამოწურულია ტრანსპორტის ხარჯი, ასევე, ქალაქის ტერიტორიაზე მუნიციპალურ შენობა-ნაგებობებში მოხმარებული წყლის ხარჯი. წლის დარჩენილ დროში დაუფინანსებელი რჩება დასუფთავების ღონისძიებები. გარდა ამისა, დაფინანსების გარეშე რჩება შპს „ლანჩხუთის“ მიერ გასახორციელებელი ღონისძიებებიც. საფინასო სამსახურის უფროსის განმარტების შესაბამისად, აღნიშნული საკითხების დარეგულირება მთელ რიგ პრობლემებთან არის დაკავშირებული და მუნიციპალიტეტის ბიუჯეტის დაგეგმილი ადგილობრივი შემოსავლებით ვერ იქნება ... ...
  • პრეზიდენტის რეზიდენციის შესანახად ორ წელიწადში ოთხ მილიონ ლარზე მეტი დაიხარჯაქვეყნის პირველი პირი, პრეზიდენტი გიორგი მარგველაშვილი  მმართველი გუნდის კრიტიკის საგანი ხდება.  საქმე ეხება, ერთ-ერთი საინფორმაციო სააგენტოს მიერ  სახელმწიფო დაცვის სამსახურიდან გამოთხოვილ მონაცემებს, რომლის  მიხედვით  ირკვევა, რომ ბოლო 2 წლის განმავლობაში ავლაბრის სასახლის ფუნქციონირებისთვის  4 541 589 ლარი დაიხარჯა. მონაცემების მიხედვით, ეს თანხა 2016 წელს 2 მილიონ 331 ათასი იყო, ფინანსების დიდი ნაწილი კომუნალურ გადასახადებს მოხმარდა - 1 018 962 მილიონზე მეტი. გარდა ამისა, ავლაბრის სასახლის გუმბათის წმენდისა და გამწვანების დანახარჯებმა 2016 წელს 29 077 ლარი შეადგინა. ამ საკითხზე კომენტირებისას, გიორგი მარგველაშვილის ადმინისტრაციის უფროსი, გიორგი აბაშიშვილი ამბობს, რომ ეს თანხები პრეზიდენტის აპარატს არ დაუხარჯავს. მისი თქმით, წარმოდგენილი ხარჯები გაწეულია არა პრეზიდენტის ადმინისტრაციის, არამედ სახელმწიფო დაცვის სამსახურის მიერ. ,,წარმოდგენილი ხარჯები და ციფრები არის გაწეული სახელმწიფო დაცვის სამსახურის და არა პრეზიდენტის ადმინისტრაციის მიერ, შესაბამისად, ეს ციფრები იყო სრულიად სიურპრიზი ჩვენთვის,ისევე, როგორც თითოეულ თქვენგანს და საზოგადოებას, ჩვენც ძალიან გვაინტერესებს თითოეული თეთრის ეფექტიანობა, რომელიც დაცვის სამსახურის მიერ არის გაწეული“ - განაცხადა პრეზიდენტის ადმინისტრაციის უფროსმა გიორგი აბაშიშვილიმა. პრეზიდენტის სასახლის მიერ გაწეულ ხარჯებზე  ,,გურია ნიუსი“ პოლიტოლოგებს პეტრე მამრაძესა და სოსო ცინცაძეს ესაუბრა. პოლიტოლოგ სოსო ცინცაძის თქმით, სახელმწიფო დაცვის სამსახურისგან გამოთხოვილი მონაცემები სიმართლეს არ შეესაბამება. როგორც პოლიტოლოგი აცხადებს, სჯობს, პარლამენტარებმა ეკონომიკური ხარჯების შესამცირებლად პრემიებისა და დანამატების დიდი რაოდენობით აღება შეწყვიტონ. ,,ჩვენი ხელისუფლება ეკონომიას იქ არ ეძებს, სადაც ნამდვილად უნდა ეძებდეს. უმჯობესი იქნებოდა, პარლამენტარებმა 40-ჯერ მიღებული პრემიებით და დანამატების შემცირებით  შეზღუდონ ეკონომიკის ხარჯები. ვიცი, რომ პრეზიდენტი მარგველაშვილი სააკაშვილივით ბიუჯეტის მფლანგველი  არ არის.  მოგეხსენებათ, პრეზიდენტის ადმინისტრაციამ გააკეთა განცხადება და მე არ მაქვს საფუძველი, რომ ამ  კომენტარს არ დავეყრდნო. ვისაც არ ეზარება, ყველა პრეზიდენტისკენ იშვერს ხელს, რაც არალოგიკურია“, _ განაცხადა სოსო ცინცაძემ. საპირისპიროს ფიქრობს პოლიტოლოგი პეტრე მამრაძე. მისი თქმით, ისეთ ქვეყანაში, როგორიც საქართველოა, პრეზიდენტის ადმინისტრაციის დანახარჯები ნაკლები უნდა იყოს და გასარკვევია თუ რას მოხმარდა 2 წლის განმავლობაში დახარჯული  4 მილიონ ლარზე მეტი თანხა. ,,ვფიქრობ, საქართველოსნაირ ქვეყანაში, ვგულისხმობ ეკონომიკურ და ფინანსურ მდგომარეობას, ხარჯები უნდა იყოს გაცილებით ნაკლები. ბალტიის ქვეყნებში თითოეული სამინისტროს  ბიუჯეტი აღემატება ჩვენი ქვეყნის  მთელ ბიუჯეტს. ასეთ ქვეყნებში პრეზიდენტს მსგავსი სასახლე არ აქვს. შეგახსენებთ, რომ მარგველაშვილი აცხადებდა, რომ  რეზიდენციაში არ შევიდოდა, თუმცა, ამის მიუხედავად იქ იმყოფება.  სანახავია, რისთვის დაიხარჯა 2 წლის განმავლობაში 4 მილიონზე მეტი. ამხელა რეზიდენცია სრულიად არაადეკვატურია ჩვენი ქვეყნისთვის“, _ თქვა ჩვენთან საუბრისას პეტრე მამრაძემ. შეგახსენებთ, რომ ავლაბარში პრეზიდენტის სასახლის მშენებლობა მიხეილ სააკაშვილის პრეზიდენტობის დროს, 2004 წელს დაიწყო და 2009 წელს დასრულდა. სახელისუფლებო ცვლილებების შემდეგ, საზოგადოებაში არსებობდა მოლოდინი, რომ ხარჯების ოპტიმიზაციის მიზნით, პრეზიდენტი გიორგი მარგველაშვილი უარს იტყოდა პრეზიდენტის სასახლეში ცხოვრებაზე. მოლოდინის საფუძველი იყო პრემიერ-მინისტრის ბიძინა ივანიშვილის 2012 წლის განცხადება. მისი თქმით,  პრეზდენტის სასახლის შენახვის ხარჯები ძალიან მაღალია. მან პრეზიდენტ მარგველაშვილს ავლაბრის რეზიდენციიდან გადასვლისკენ მოუწოდა. ივანიშვილმა განაცხადა, რომ პრეზიდენტს შეუძლია მთავრობის კანცელარიაში არსებული პრეზიდენტის რეზიდენცია ... ...
  • ირაკლი კობახიძე: როგორც ჩანს, უჩა ნანუაშვილი პოლიტიკური აქტივობისთვის ემზადება პარლამენტის თავმჯდომარე ირაკლი კობახიძე ფიქრობს, რომ მოქმედი სახალხო დამცველი უჩა ნანუაშვილი პოლიტიკური აქტივობისთვის ემზადება. პირველმა არხმა ირაკლი კობახიძეს სთხოვა დაეკონკრეტებინა, რას გულისხმობდა საკუთარ განცხადებაში, როცა სახალხო დამცველს პოლიტიკურად მოტივირებული უწოდა. „აღარ მინდა, ეს დისკუსია გავაღრმავო. უამრავი მიზეზი არსებობს, რომ ასეთი შეფასება გაკეთდეს და სახალხო დამცველი ამის დემონსტრირებას თითქმის ყოველდღიურ რეჟიმში ახდენდა. სამწუხაროდ, ბოლო ერთი წლის განმავლობაში, ის პოლიტიკურ აქტივობაზე გადასული იყო. როგორც ჩანს, პოლიტიკური აქტივობისთვის ემზადება მას შემდეგ, რაც სახალხოდ დამცველის პოსტზე აღარ იმუშავებს“, – განაცხადა კობახიძემ. ამას გარდა, სახალხო დამცველთან დაკავშირებით, კობახიძე იუსტიციის მინისტრ თეა წულუკიანისა და დეპუტატ შოთა შალელიშვილის მიერ გაკეთებულ განცხადებებსაც გამოეხმაურა. „თეა წულუკიანს იმის მორალური უფლება აქვს, რომ სახალხო დამცველის საქმიანობა შეაფასოს. მისი შეფასება მოვისმინე, სადაც საუბრობდა იმაზე, რომ ჩვენი ისტორიის მანძილზე სახალხო დამცველი ყველაზე უსამართლო სახალხო დამცველია. რაც შეეხება საპასუხო განცხადებას, ის კორექტული არ იყო და როცა გუნდის შიგნით აზრთა სხვადასხვაობაა, ეს ჯერ გუნდის შიგნით უნდა გაირკვეს და განცხადება საჯაროდ შემდეგ უნდა გაკეთდეს“, – დასძინა კობახიძემ. რაც შეეხება ახალი სახალხო დამცველის კანდიდატურას, კობახიძემ აღნიშნა, რომ საკითხზე კონსულტაციები გრძელდება და მმართველი გუნდი ჯერჯერობით კანდიდატურას ვერ დაასახელებს. „უახლოეს მომავალში დასრულდება ეს კონსულტაციები და გუნდი თავის კანდიდატურას დაასახელებს“, – განაცხადა კობახიძემ. პარლამენტს ახალი სახალხო დამცველის არჩევა 7 დეკემბრამდე მოუწევს, რადგან მოქმედ ომბუდსმენს, უჩა ნანუაშვილს უფლებამოსილება ეწურება. ... ...

არქივი

ზაფრანი

„სიგარეტი“ და რიანა

ახლახან ჰავაის კუნძულებზე დასასვენებლად ჩასული...

ციტრუსების დიეტა

ცივ ამინდში ორგანიზმს ვიტამინები აკლდება,...

ჭრელა ხარი

ჩინეთის პროვინცია იუნანში ძველი დროიდან...

ნიანგივით „ლამაზი“

ავსტრალიის ქალაქ დარვინში სილამაზის სალონის...

„სუპერშვეულმფრენი“

ჩინეთში, სადაც თვითნაკეთი ავტომობილების, თვითმფრინავების...

მსოფლიოში ყველაზე მაღალი ხიდი

მექსიკაში მდებარეობს მსოფლიოში ყველაზე მაღალი...
კარმიდამო ჩემი

ნატურალური წვენები ჯანმრთელობის სამსახურში

გერმანელმა მეცნიერებმა მასშტაბური გამოკვლევების შემდეგ...

ხიზილალა და ადამიანის ჯანმრთელობა

წითელ ხიზილალას მედიცინა მეტად ძვირფას...

როგორ მოვერიოთ ინტოქსიკაციას

ყოველდღიურად სუნთქვის საშუალებით, საკვებიდან, წყლიდან...

ღიღილო ჯანმრთელობის სამსახურში

ჰიპოკრატეს დროიდან არის ცნობილი ლურჯი...

იაჟუჟუნას სამკურნალო თვისებები

იაჟუჟუნა, ანუ სამფერა ია შედის...

ჯანმრთელობისთვის საჭირო ელემენტები

როგორც კი ცუდად ვიგრძნობთ თავს,...

გემრიელი "დუეტი"

თუ გინდათ იყოთ ჯანმრთელი და...

ფიტოაფთიაქი

სამყურას ეთეროვან ზეთს აქვს ანთების...

ექინაცეას სამკურნალო თვისებები

ექინაცეა სამართლიანად მიაჩნიათ "გონიერ" მცენარედ....

როგორ შევინარჩუნოთ მხედველობა

მხედველობის მრავალი პრობლემა თვალების გადაღლისა...

ძლიერი იმუნიტეტი რომ გვქონდეს

ყოველდღე ორგანიზმში წარმოიქმნება 12 მილიარდი...

როზმარინის სამკურნალო თვისებები

ბერძებმა ექიმებმა იცოდნენ, რომ "როზმარინი...