"არჩევნებზე საერთო საკუთრება ვართ და ახლა კერძო?!" _ დაპირისპირება ოზურგეთის ბაზარში

საზოგადოება

"არჩევნებზე საერთო საკუთრება ვართ და ახლა კერძო?!" _ დაპირისპირება ოზურგეთის ბაზარში

2019 ივლ 11 11:15:56

ოზურგეთის აგრარული ბაზრის, იგივე შპს "სოფლის ნობათის" ტერიტორიაზეც უამრავი სავაჭრო დახლი და მაღაზიაა განთავსებული. მასში ერთ-ერთ სავაჭრო წერტილს წარმოადგენს "ფრინველებითა და ცხოველებით სავაჭრო" შენობა. ეს ობიექტი წინა ხელისუფლების დროს აშენდა და როგორც აქ მოვაჭრეები ამბობენ, ამოისუნთქეს, რადგან მუდმივად ღია ცის ქვეშ აღარ უწევთ ყოფნა, წვიმაში თავშესაფარი აქვთ და ღამითაც საიმედოდ ტოვებენ შენობაში შინაურ ფრინველებსა თუ ცხოველებს.

თუმცა, ახლა წინა პლანზე წამოიწია პრობლემა, რომელიც, შესაძლოა, დაპირისპირების მიზეზი გახდეს აქ მოვაჭრეებსა და ბაზრის მოსაზღვრედ მცხოვრებ ვახრამოვების ოჯახს შორის.

მოვაჭრეები "გურია ნიუსთან" ცალ-ცალკე საუბრობენ, თუმცა, ვინაობის დასახელებისგან ყველა თავს იკავებს და ამბობენ, რომ ერთ აზრზე არიან, აქ მუშაობენ ყოველდღე და ვისაც უნდათ, იმათ გასცემენ პასუხს.

_ რად გინდათ გვარ-სახელი?! ყველა აქ ვართ, ყოველდღე აქ ვმუშაობთ და ერთ აზრზე ვართ. 17 წლის რომ გავხდი, იმის მერე ამ ბაზარში ვმუშაობ. ახლახან გვითხრეს, სამ დღეში დაგიკეტავთ ამ შენობასო. გვერდით მცხოვრებ ვახრამოვების ოჯახს არ მოვწონვართ _ სუნი აწუხებთ, თურმე. ჩვენ ყოველდღე ვასუფთავებთ აქაურობას. ოზურგეთს მუნიციპალიტეტის მერი კოტე შარაშენიძე მოვიდეს აქ და მოგვხედოს _ არჩევნებზე რომ დარბოდა, ახლაც გაგვირკვიოს, რატომ გვაგდებენ აქედან. ხომ შეგვპირდა, ხმა მოგვეცით და დაგეხმარებითო?! _ ამბობს ერთ-ერთი ქალბატონი.

_ ჩვენ ხმებისთვის ვჭირდებით მაგათ და მაშინ მორბიან ჩვენთან. მერე კი ამბობენ, რომ, თურმე, ეს ბაზარი კერძო საკუთრება ყოფილა და მათ არაფერი ეხებათ. არჩევნებზე საერთო საკუთრება ვართ და ახლა კერძო?! მოვიდეს აქ მერი და გაგვირკვიოს, რა უნდა იმ ოჯახს, რომელსაც წლების მანძილზე საკუთარ სახლში ჰქონდა გახსნილი აქ გასაყიდი ფრინველებისა და ცხოველების სათავსო. ფულს რომ ვუხდიდით, მაშინ არ აწუხებდათ სუნი? ახლა რომ ვთხოვოთ და ქირა გადავუხადოთ, ხომ უცებ დაგვთანხმდება? რაღაც მიზეზს ეძებს სწორედ ამის გამო. იმასაც ამბობს, თურმე, ორი ქათამი ჰყავდათ დატოვებული ზოგჯერ, ისიც ნათესავის. კარგად იკითხეთ მთელ ბაზარში, თუ მაგ ვახრამოვებს სახლში არ ჰქონდათ გახსნილი საქათმე თუ საღორე და ქირას თუ არ ვუხდიდით, _ ამბობენ მოვაჭრე ქალბატონები.

შენობის მოსაზღვრედ მცხოვრები ირმა ვახრამოვი კატეგორიულია და საკითხის სასწრაფოდ მოგვარებას ითხოვს:

_ დავიღალე ბაზრის დირექტორთან და მერიაში სიარულით. ეს სათავსო დაკეტონ ან სისუფთავის ხარისხი ისე დაიცვან, რომ აქ საშინელი სუნი არ იყოს. ამის მიღწევა რთული არ არის _ ყოველდღე დაგვა, მორეცხვა და ქლორით დამუშავება სჭირდება. თუმცა, ეს არ სურთ. ერთხელ დასუფთავება არ კმარა. როცა ასეთი სახით დაიგვება და დამუშავდება, იმ დღეს სუნი არ არის. თუმცა, ეს იშვიათად ხდება და ამიტომაც ყარს აქაურობა. გარეთ ვერ გამოვსულვარ, ფანჯარას ვერ ვაღებ და სტუმარი ვერ შემომყავს სახლში. სასწრაფოდ მოაგვარონ სისუფთავის საკითხი და მერე უნდა ქათმები გაყიდონ და უნდათ _ კამეჩები. ვითხოვ, რომ გადაწყვეტილი პასუხი გამცენ, _ გვითხრა ირმა ვახრამოვმა.

მოვაჭრე ქალბატონები, თავის მხრივ, თავს ყველაზე დაჩაგრულად მიიჩნევენ და ითხოვენ, მათთვის განკუთვნილ შენობას ვინმე დასაკეტად არ შეეხოს.

შპს "სოფლის ნობათის"  დირექტორი ნოდარ ცინცაძე "გურია ნიუსთან" ამ პრობლემის შესახებ ამბობს, რომ თუ შესაბამის სისუფთავეს ვერ უზრუნველყოფენ, შენობას საღამოობით დაკეტავენ და შესაბამისად, მოვაჭრეებს მოუწევთ სახლში წაიყვანონ ფრინველი თუ ცხოველი, რომლის გაყიდვაც დღის განმავლობაში ვერ მოახერხეს:

_ არაერთხელ მივმართე მათ, რომ დაეცვათ სისუფთავის ხარისხი. ყოველდღიურად სრულყოფილი დასუფთავება და დაქლორვაა საჭირო. თუ სისუფთავე არ იქნება დაცული, იძულებული გავხდები, დავკეტოთ შენობას და მოვაჭრეები როცა მოვლენ, მოიყვანონ გასაყიდი ფრინველი თუ ცხოველი და საღამოს, თუ ვერ გაყიდიან, ისევ სახლში წაიყვანონ. მეტი გზა არაა, სხვა გამოსავალს ვერ ვხედავ. არაერთხელ გავაფრთხილეთ, რამდენჯერ მივუთითეთ და რა უნდა ვქნათ მეტი?! _ გვითხრა მან.

ოზურგეთის მუნიციპალიტეტის მერიის ზედამხედველობის სამსახურის უფროსი შუქრი გაბრიჩიძე ამბობს, რომ პრობლემის შესახებ საქმის კურსშია:

_ ეს არის კერძო საკუთრება და უნდა მიხედოს ბაზრის დირექციამ. იქვე მცხოვრები ოჯახი ანტისანიტარიას აპროტესტებს და ითხოვს დახმარებას. ჩვენ მაგ მოვაჭრეებს არაერთხელ მივეცით მითითება. რაც ჩვენზეა დამოკიდებული, გავაკეთეთ.

_ როგორც მოვაჭრეები ამბობენ, ხელისუფლებას არჩევნების დროს ახსენდება იქ მყოფები და მერის, კონსტანტინე შარაშენიძის მისვლას ითხოვენ. თქვენ თუ გაეცანით ადგილზე სიტუაციას?

_ სულ არჩევნები ხომ არ იქნება სალაპარაკო თემა? ელემენტარული სისუფთავეა საჭირო. ყოველდღიურად წყლით უნდა მოირეცხოს, დამუშავდეს და სუნი არ იქნება. თუ ამ რეჟიმს დაიცავენ, პრობლემა მოგვარდება, მაგრამ ასე არ აკეთებენ. ღონისძიება რომ გატარდება, ეჭვგარეშეა, რადგან აუტანელ სუნს ვერავინ იგუებს. ბაზრის დირექტორმა უნდა მიხედოს ამ საქმეს, _ გვითხრა გაბრიჩიძემ.

თავის მხრივ, ნოდარ ცინცაძე ამბობს, რომ მომავალი კვირიდან ეს თემა სალაპარაკო აღარ უნდა იყოს და საბოლოოდ დაესვას წერტილი ამ საქმეს:

_ ვიმეორებ, ამ ხალხს აქედან არავინ აგდებს. მაქსიმალური სისუფთავეა საჭირო და თუ ანტისანიტარია ძველებურად გაგრძელდა და ვახრამოვების ოჯახი კვლავ განცხადებით შემოვიდა, აუცილებლად მივიღებთ გადამწყვეტ ზომებს, _ გვითხრა ცინცაძემ.




 ახალი ამბები
  • "რაც ვამპირის კბილები ჰქონდათ, დააძრეს, უკვე აღარ აქვს" _ ვოლსკი ოპოზიციასადამიანები, რომლებიც თავის კოლეგას მანდილოსანს მიმართავენ, გაგანადგურებ, ყველაზე სუსტ ადგილში დაგარტყამ, ეს მაზოხიზმია თუ სადიზმია, არ მესმის, – ამ სიტყვებით მმართველი გუნდის წევრმა, გიორგი ვოლსკიმ ოპოზიციას მიმართა. “მე ვერ გავიგე ადამიანები, რომლებიც თავის კოლეგას მანდილოსანს მიმართავენ, გაგანადგურებ, ყველაზე სუსტ ადგილში დაგარტყავ, ეს მაზოხიზმია თუ სადიზმია, არ მესმის. იმიტომ, რომ ზუსტად იცის, რომ პასუხი შეუბრუნდება. სადიზმის თემაც არ მესმის, იმიტომ, რომ ის კბილები, რაც ვამპირის კბილები ჰქონდათ, დააძრეს, უკვე აღარ აქვთ და ღმერთმა ნუ ქნას, რომ ახალი ამოუვიდეს”, – განაცხადა ვოლსკიმ. პარლამენტის თავმჯდომარის მოადგილე პლენარულ სხდომაზე რუსეთის თემასაც გამოეხმაურა. “რაც შეეხება რუსეთის თემას, იქ პარტიის ცეკას ინსტრუქტორი და აქ კარიკატურების გამოქვეყნება არ შველის იმ რეალობას, რასაც ჰქვია რუსეთის ხელშეწყობა და სერიოზულად: რუსეთის თემის ექსპლოატაცია საერთოდ მოდაშია, ადვილია სალაპარაკოდ, ცოტა ძნელია სალაპარაკოდ ვთქვათ ციფრები. არის საკითხები რაზედაც შეიძლება კამათი, შეიძლება კონსტრუქციული კამათიც, მაგრამ ეს თემა არ არის, კამათს არ ექვემდებარება. მოხდა ის, რაც მოხდა. რეალურად მოხდა ის, რომ ყველანაირი შეთავაზება, ყველანაირი სტრატეგიული გეგმა, რომელიც ჰქონდა ამერიკის შეერთებულ შტატებს და ევროკავშირს ჩვენთან ერთად შემუშავებული, დაირღვა. რეალობაა ხალხო ეს. მე განსაკუთრებით ახალგაზრდებს მივმართავ იმიტომ, რომ სწორედ თქვენი ტვინის გამორეცხვისათვის არის მიმართული ყველა განცხადება და პროპაგანდისტული ნაბიჯი იმიტომ, რომ ის ემოცია არა გაქვთ, რაც 2008-ში იყო, 11-ში იყო, ბევრმა საკითხმა ისე ჩაიარა, რომ წლებმა გარკვეული მოშუშება უზრუნველყო ადამიანის გულებში და მახსოვრობაში, მაგრამ არის ათასობით ადამიანი, ვისაც ეს კარგად ახსოვს. მე ახალ პოლიტიკურ თემაზე მაქვს ყურადღება გამახვილებული. რაც შეეხება იმ უმტკივნეულო რეზოლუციას, ჯერ ეს ერთი უმტკივნეულო რეზოლუციები რატომ შემოგაქვთ, თუ არაფერს არ ნიშნავს და ნაჭუჭია კვერცხის, მაშინ ნუ შემოგაქვთ, ეს ერთი, მაგრამ არ არის უმტკივნეულო – ეს არის გათვლილი, საკმაოდ მზაკვრული გეგმა რომ ადრე თუ ხელი შეუწყვეს სამხედრო ინტერვენციას, ეხლა ეკონომიკური ინტერვენცია გაძლიერდეს და გამაგრდეს. წინა ხაზზე გაგიყვანონ მაშინ, როდესაც ხელში იარაღი არ გიკავია და იცი ზუსტად, რომ მტერი გაცილებით უფრო ეფექტური იარაღით დაგარტყამს. ეს იყო მიზანი, მთავარი მიზანი. რაც შეეხება საკითხებს, რომელიც ეხება განათლებას, სპორტს, ამ თემებთან დაკავშირებით ვიკამათოთ კი ბატონო, სახელმწიფოს დამსახურებაა თუ არა, რომ ბიუჯეტი იზრდება, ვთქვათ სპორტში. სახელმწიფოს დამსახურება თურმე არ ყოფილა ის, რომ, არ ყოფილა კი არა, თურმე მავნებლობა ყოფილა ის, რომ დედაენა დაბრუნდა სკოლაში. ეს ხომ ფაქტია და ამ ფასეულობებით ვეჯიბრებით ერთმანეთს და საზოგადოებამ ამ ფასეულობების აწონვით უნდა მოგვიჩინოს ის ადგილი პოლიტიკურ ასპარეზზე, რაც კონკრეტულ პოლიტიკურ პარტიებს, რისი პრეტენზიაც აქვს. აქედან გამომდინარეობს მთავარი თემა – დაველოდოთ არჩევნებს და გავაკეთოთ ყველაფერი, განსაკუთრებით მთავრობის მხარეს მოვუწოდებ, რათა საკითხი არ დარჩეს კითხვის ნიშნის გარეშე, რათა საკითხი არ დარჩეს პასუხგაუცემელი, თუნდაც თითოეული ადამიანის, კონკრეტული ადამიანის გაჭირვების თემას ეხებოდეს”, – განაცხადა პარლამენტის თავმჯდომარის მოადგილემ, საპარლამენტო უმრავლესობის ლიდერმა გიორგი ვოლსკიმ პარლამენტის პლენარულ ... ...
  • ჯურუყვეთელ პედაგოგს დამსახურებული მასწავლებლის წოდება მიენიჭალანჩხუთის მუნიციპალიტეტის ჯურუყვეთის #1 საჯარო სკოლის ქართული ენისა და ლიტერატურის ღვაწლმოსილ  პედაგოგს, მიმოზა ბარამიძეს საქართველოს დამსახურებული მასწავლებლის  წოდება მიენიჭა.  მასწავლებელთა პროფესიული განვითარების ცენტრის სიგელი დამსახურებულ პედაგოგს საგანმანათლებლო რესურსცენტრის ხელმძღვანელმა ნინო ჩიტაძემ ახალი სასწავლო წლის პირველ დღეს ... ...
  • საგანგებო სიტუაციების მართვის სამსახური კინოლოგიური სამსახურის განახლებას იწყებსსაქართველოში სამუშაო ვიზიტით გერმანიის ტექნიკური დახმარების ფედერალური სამსახურის (THW) შემფასებელი მისია იმყოფება. საერთაშორისო შემფასებლები საგანგებო სიტუაციების მართვის სამსახურის  კინოლოგიის სამსახურის მომზადების დონეს შეამოწმებენ და ქართულ მხარეს მაშველი ძაღლების სამსახურის განვითარების გეგმის შემუშავებაში  დაეხმარებიან _ აღნიშნულია განცხადებაში, რომელსაც შინაგან საქმეთა სამინისტროს პრესსამახური ავრცელებს. უწყების ცნობით, THW-ის  წარმომადგენლები განსაკუთრებულ საგანგებო სიტუაციებზე რეაგირების მთავარი სამმართველოს სწრაფი რეაგირების ბაზაზე იმყოფებოდნენ, სადაც ნანგრევებში მოყოლილი ადამიანების ძიება-გადარჩენის კინოლოგიური ოპერაციების იმიტაცია მოეწყო. გერმანიის ტექნიკური დახმარების ფედერალური სამსახური INSARAG -ის კვალიფიკაციის მიღების პროცესში ქართული მხარის მენტორი ქვეყანაა და შინაგან საქმეთა სამინისტროს საგანგებო სიტუაციების მართვის სამსახურს რამდენიმე მიმართულებით ეხმარება. საძიებო-სამაშველო ოპერაციებისთვის გაწვრთნილი ძაღლები მნიშვნელოვნად შეუწყობენ ხელს სამსახურის ეფექტურობას  საძიებო სამუშაოების  დროს. შინაგან საქმეთა სამინისტროს საგანგებო სიტუაციების მართვის სამსახური ძაღლების გადამზადებას განსაკუთრებულ ყურადღებას დაუთმობს. უახლოეს მომავალში დაგეგმილია კინოლოგიური სამსახურის გაძლიერება ახალი ცხოველებით. მოეწყობა და განახლდება ვოლიერები, გაუმჯობესდება მათი საცხოვრებელი და საწვრთნელი პირობები. გერმანულ მხარესთან კინოლოგიური სამსახურის  განვითარების კუთხით თანამშრომლობა მომავალშიც ... ...
  • ოზურგეთში საპენსიო ჯილდოზე 174 პედაგოგი გავიდა“174 პედაგოგი გავიდა საპენსიო ჯილდოზე და 105 ახალი პედაგოგი მივიღეთ საჯარო სკოლაში“, _ ამის შესახებ ინფორმაცია “გურია ნიუსს“ ოზურგეთის საგანმანათლებლო რესურსცენტრის უფროსმა ლელა იმედაშვილმა მიაწოდა. 2019 წლის მაისში ცნობილი გახდა, რომ განათლების მინისტრის მიხეილ ბატიაშვილის გადაწყვეტილებით, განათლების რეფორმის შემდეგ ეტაპზე, საპენსიო ასაკის ღვაწლმოსილ პედაგოგებს, რომელთაც არ ექნებათ მინიმალური კომპეტენციის დადასტურებისა და სტატუსის ამაღლების სურვილი, ეძლევათ პრივილეგია, ნებაყოფლობითი არჩევანის საფუძველზე, 2019 წელს სახელმწიფოსგან ერთჯერადი ფულადი ჯილდო - ორი წლის ჯამური ხელფასი მიიღონ. ამის შესახებ მინისტრმა ბრიფინგზე განაცხადა.  ამასთან, მთელი სიცოცხლის განმავლობაში შეუნარჩუნდებათ ჯანმრთელობის დაზღვევის პაკეტი  (საჯარო სკოლების მასწავლებელთა ჯანმრთელობის სადაზღვევო ვაუჩერის პირობების ... ...
  • რამდენი პირველი კლასელია ოზურგეთშიოზურგეთის მუნიციპალიტეტის 42 საჯარო სკოლაში ახალი სასწავლო წლის დაწყება საზეიმო ღონისძიებით აღინიშნა. ოზურგეთის საგანმანათლებლო რესურსცენტრის უფროსის, ლელა იმედაშვილის მიერ მოწოდებული ინფორმაციით, ოზურგეთში წელს 683 პირველ კლასელმა დაიწყო სწავლა. “გურია ნიუსი“, ასევე, დაინტერესდა, პირველ კლასში დაფიქსირდა თუ არა ერთი ან ორი მოსწავლე. ლელა იმედაშვილის თქმით, ასეთი შემთხვევა მხოლოდ გომის საჯარო სკოლაში დაფიქსირდა, სადაც ორი ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...