"ჩემს გასაჭირს ქუჩაში სიმღერით ვიქარვებ"


საზოგადოება

"ჩემს გასაჭირს ქუჩაში სიმღერით ვიქარვებ"

6 ოქტ. 2017, 15:26:07

ოზურგეთის ბაზარში ხშირად შეხვდებით სიმპათიურ, ასაკოვან ქალბატონს, ფანდურით ხელში, რომელიც უმეტესად დედაზე მღერის.  შიგადაშიგ ნაცნობ ტექსტს, საკუთარ ტკივილიან სიტყვებს ურევს და თვალებს არც ახელს, ისე ასრულებს. მერე კი, სამოწყალო ყულაბაში იცქირება და ზოგადად, მადლიერებას გამოხატავს ადამიანებისადმი. ეს ქალბატონი 86 წლის ცაცა მამალაძეა.

"ქმარი ადრე გარდამეცვალა, სამი შვილი მყავს. ჩოხატაურელი ქალი ვარ, ვანისქედიდან. ნაგომარში გამათხოვეს დიდი ხნის წინ. სამი შვილი კი გავზარდე, მაგრამ  ვაჟიშვილთან ვეღარ ვიცხოვრე. ოჯახია, უკმაყოფილება ხდება, არ მინდა ახლა ამაზე ბევრი საუბარი.  გოგოებსაც არ ულხინთ. ერთი ბათუმში ცხოვრობს და აქ, სოფელ მელექედურში საშუალო ღირებულების სახლი იყიდა. იქ ვათევ. თუმცა, დღემდე სოციალური დახმარება არ დამინიშნეს. ოთხი წელი იქნება, რაც მომიხსნეს. მას მერე ასე ვარ. პენსია წამალს სჭირდება. ინფარქტიდან, რა არ მაქვს გადატანილი. ვმღერი ბავშვობიდან. მომღერალი ოჯახი გვერქვა. ცოტ-ცოტა ფულს მიგროვებენ კეთილი ადამიანები ჩემს პატარა ყულაბაში და გამაქვს ასე დღეები. როგორ მინდოდა, მოხუცთა თავშესაფარს შევკედლებოდი. თუმცა, ხელმძღვანელობის დიდი მცდელობის მიუხედავად, პედაგოგთა კავშირის თავმჯდომარემ მარინა თოფურიამ ვერ მოახერხა ჩემი იქ გადაყვანა, რადგან სოციალურად დაუცველის სტატუსი არ მაქვს. რატომ არ მაქვს? რატო მარ მანიჭებენ? რა ვქნა? ვინმე დამეხმარეთ, ჩემზე უკეთ ხომ შეგიძლიათ, გაიგოთ, როგორ უნდა მოხდეს ჩემნაირი მოხუცის დახმარება? შვილებსაც რომ უჭირთ, არ გაგიგიათ? დალხინებული რომ იყვნენ, მეც უკეთ ვიქნებოდი. რაც შეუძლიათ, ხელს მიწვდიან, მაგრამ ხომ ატყობთ, რომ მაინც გასაჭირში ვარ? ჩემს გასაჭირს ქუჩაში სიმღერით ვიქარვებ, განა, მემღერება, მარა რა ვქნა?" _ მოგვიყვა თავისი გასაჭირის შესახებ ცაცა მამალაძე.

"ახალგაზრდა პედაგოგთა კავშირის" წარმომადგენელმა, ნონა სადრაძემ "გურია ნიუსთან" ისაუბრა ცაცა მამალაძის შესახებ და თქვა, რომ მის შესახებ კარგად იცის. კერძოდ, ის ცხოვრობდა სოფელ ნაგომარში, თუმცა, შემდეგ სოფელ მელექედურში გადავიდა. დაზუსტებული არ არის, კონკრეტულად, სად ცხოვრობს.

_ მიუხედავად ჩვენი დიდი ძალისხმევისა, შეგვძლებოდა მისი მოხუცთა თავშესაფარში გადაყვანა, ეს ვერ მოვახერხეთ, რადგან, არ ატარებს სოციალურად დაუცველის სტატუსს. თავის მხრივ,   სოციალური მომსახურების სააგენტოც, ჩემი აზრით, ვერ მიანიჭებდა ქულას და სტატუსს, თუ ქალბატონს კონკრეტული  საცხოვრებელი მისამართი არ ექნება. ეს არის სულ, რაც შემიძლია, ცაცა მამალაძის შესახებ გითხრათ, _ აღნიშნა სადრაძემ.
სოციალური მომსახურების სააგენტოს გურიის რეგიონული სამსახურის უფროსი თეა ლომჯარია განმარტავს, რომ კონკრეტულმა პირმა განცხადებით უნდა მომართოს  სოციალურ სამსახურს.  მას აუცილებლად მისცემენ წინადადებას, რომ ერთ  მისამართზე გაჩერდეს. ქუჩაში ხომ არ დარეგისტრირდება? შესაძლოა, იყოს შვილთან, ან სულაც ქირით, ოღონდ, კონკრეტული მისამართი უნდა არსებობდეს. ასეთ შემთხვევაში, მას ჩვენი მუშაკები დახმარებას აღმოუჩენენ იმ მხრივ, რომ მივლენ, შეამოწმებენ და შეივსება დეკლარაცია. თუ არ მოგვმართა, ან კონკრეტულ მისამართზე არ იცხოვრა, რა უნდა ვქნათ? სადღაც ხომ ათევს ღამეს? ქუჩაში არ იქნება და სწორედ ერთ კონკრეტულ ბინაში უნდა იყოს, რომ შევძლოთ მოხუცის შემოწმება, _ გვითხრა მან.
თავის მხრივ, ცაცა მამალაძე ამბობს, რომ მას სოციალური დახმარება ოთხი წლის წინ მოუხსნეს და მას შემდეგ აღარ დაუნიშნეს. თუმცა,  ვერ აკონკრეტებს, ბოლოს,  რამდენჯერ ან როდის მიმართა  სოციალურ სამსახურს განცხადებით.
_ კარგი, კიდევ წავალ, იქნებ, თქვენც დამეხმაროთ, არ ვტყუი, იქნებ, რაიმე მეშლება,  გასაკვირი არაა, ამ ხნის ქალი ვარ, მარა გონებაზე კი ვარ, ჯერჯერობით, _ გვეუბნება ცაცა მამალაძე.




 ახალი ამბები
  • ანა იოსავა: "ვფქირობ და ფაქტია ჩემი მოშორება უნდათ!"დღეს ფოთის საქალაქო სასამართლოში ჩანიშნული იყო ანა იოსავას საქმის მოსმენა, რომელიც 10 იანვარს დააკავეს ქალაქ ფოთში თევზის სუნის საპროტესტო აქციაზე. იოსავას თქმით, სასამართლო პროცესი უკვე მეორედ გადაიდო ერთი და იგივე მიზეზის გამო _ სამართალდამცავებს არ ჰქონდათ წარდგენილი ვიდეო მტკიცებულება. მიზეზად ასახელებენ ანა იოსავას მიერ დაკავების დროს ვიდეო კამერის დაზიანებას და შესაძლებელია კადრები ვერ აღდგეს. „წარადგინეს საბუთები, რომ გაგზავნილი აქვთ ვიდეო აპარატი  სამი-ოთხი დღის წინ,  როცა პირველი სასამართლო თითქმის ერთი თვის უკან ჩატარდა. ჩემი აზრით, რაღაც საქმეს კერავენ. რაღაცას მედავებიან, თვითონაც არ იციან რას“, _ ამბობს ანა. იგი აღნიშნავს იმასაც, რომ დღეს სასამართლოზე ედავებოდნენ ისეთ დანაშაულს, რაც ოქმში არ იყო მითითებული-ქუჩის უკანონო გადაკეტვას  და სამართალდამცავებისთვის შეურაცხყოფის მიყენებას: “აქ არის მნიშვნელოვანი მომენტი _ აკაკის ქუჩაზე, რომელზეც ჩვენ ვმოძრაობდით, მიმდინარეობს გზის რეკონსტრუქცია და გადათხრილია ტროტუარი. იქ შესაძლებელია მხოლოდ ერთმა ადამიანმა გაიაროს. აქციის დროს,  შეუძლებელია, 7-6 ადამიანის ამ ტროტუარზე  ერთდროულად მოძრაობა. პოლიციელმა დაკავების დროს შეურაცხყოფა  თვითონ მომაყენა და ხელით შემეხო, როცა მეუბნებოდა, გადაიწიეო. მე ამის გამო არ გავჩერებულვარ და მაინტერესებდა, რის გამო მაკავებდა. ამათ კი არ დამაკავეს, წამათრიეს“. იოსავას  თქმით,  გრძელდება მისი თვალთვალი, ქუჩაში აყენებენ სიტყვიერ შეურაცხყოფას და ისმინება მისი მობილური ტელეფონი: „ეს რომ იყოს სისხლის სამართლის დანაშაული, საქმე, რომელსაც გამოძიება და დრო სჭირდება, გავიგებდი, მაგრამ ეს არის ადმინისტრაციული დანაშაული, რომელსაც ამდენი ხანი გაწელვა არ სჭირდება. ვფიქრობ და ფაქტია, ჩემი მოშორება უნდათ“. მესამე სასამართლო პროცესი ჩანიშნულია 11 თებერვალს, 11 ... ...
  • 21 წლის მამაკაცი ჩამომხრჩვალი ნახეს21 წლის მამაკაცი საკუთარი საცხოვრებელი სახლის ეზოში, ჩამომხრჩვალი ნახეს. ტრაგედია თელავში, სოფელ ბუშეტში მოხდა. ინფორმაცია "გურია ნიუსს"  მერის წარმომადგენელმა აღნიშნულ თემში, ივანე გობეჯიშვილმა დაუდასტურა. "პატიოსანი ახალგაზრდა იყო. არვიცი რა გახდა ტრაგედიის მიზეზი",-ამბობს გობეჯიშვილი. შსს-მ მომხდარზე გამოძიება სსკ-ის 115-ე მუხლით ... ...
  • გურიაში საერთაშორისო პროექტის „ევროპული სოლიდარობის დღეები პრეილში“ დასკვნითი შეხვედრა გაიმართა (R)გურიის რეგიონში საერთაშორისო  პროექტის „ევროპული სოლიდარობის დღეები პრეილში“ დასკვნითი შეხვედრა გაიმართა, სადაც  მრავალმხრივი პარტნიორული ურთიერთობების განმტკიცებასა და ურთიერთთანამშრომლობის შესახებ ისაუბრეს. შეხვედრაში ლატვიაში საქართველოს საგანგებო და სრულუფლებიანი ელჩი, გურიის მხარისა და ადგილობრივი ხელისუფლების, ასევე, პროექტის პარტნიორები:  პრეილის (ლატვია) და ნიჟინის (უკრაინა) მუნიციპალიტეტების წარმომადგენლები მონაწილეობდნენ.  შეხვედრაზე  პროექტის ფარგლებში გამოცხადებული საერთაშორისო შემოქმედებით კონკურსში გამარჯვებული ოზურგეთის  საჯარო სკოლის მოსწავლეები და მათი პედაგოგები დაჯილდოვდნენ. მათ საჩუქრები საერთაშორისო ჟიურის, გურიის სამხარეო ადმისტრაციის, ოზურგეთის  მუნიციპალიტეტის სახელით სახელმწიფო რწმუნებულმა ზურაბ ნასარაიამ და საკრებულოს თავმჯდომარემ დავით დარჩიამ  გადასცეს.  მხარეებმა შეხვედრის მონაწილეებს მისასალმებელი სიტყვით მიმართეს და წარმატებები უსურვეს. „პროექტი მიზნად ისახავს ლატვიის ადგილობრივი მოსახლეობის ინფორმირებას აღმოსავლეთ ევროპის პარტნიორობის შესახებ, რომლის ფარგლებშიც ჩატარდა ლატვიურ-უკრაინულ-ქართული შემოქმედებითი კონკურსი ახალგაზრდებისათვის. კოვიდ - 19 გათვალისწინებით პროექტი მოდიფიცირდა და ონლაინ ფორმატში წარიმართა ( ჩატარდა საინფორმაციო, საგანმანათლებლო  ონლაინ ვებინარი და ინტერაქტიული შეხვედრები). პროექტის მონაწილეები შეთანხმდნენ სამომავლო თანამშრომლობაზე, თანამონაწილეობით პროცესების გააქტიურებაზე. მინდა მადლობა გადავუხადო მხარდაჭერისთვის ლატვიაში საქართველოს საგანგებო და სრულუფლებიან ელჩს და კონკურსის ორგანიზატორებს“ - ამბობს გურიის სახელმწიფო რწმუნებული ზურაბ ნასარაია.   „ძალიან სასიხარულოა, რომ გურიის რეგიონის ჩართულობა ლატვიაში, ადგილობრივი სოლიდარობის ევროპული დღეების პროექტის ფარგლებში  აქტიურად და წარმატებით ხორციელდება,  რაც კიდევ უფრო უწყობს ხელს ურთიერთობების გაღრმავებას, მუნიციპალიტეტების დონეზე ლატვიას და საქართველოს შორის და გამოცდილების გაზიარებას. მინდა მადლობა გადავუხადო პროექტის ორგანიზატორებს, მონაწილეებს და ვულოცავ პროექტის გამარჯვებულებს“ - თქვა  თეა მაისურაძემ,  ლატვიაში საქართველოს საგანგებო და სრულუფლებიანმა ელჩმა.   როგორც შეხვედრაზე ოზურგეთის საკრებულოს თავმჯდომარემ დავით დარჩიამ აღნიშნა, ოზურგეთისთვის მნიშვნელოვანია  ურთიერთხელსაყრელი თანამშრომლობის გაღმავება. საერთაშორისო გამოცდილებისა და კარგი პრაქტიკების გაზიარების  მიზნით, მუნიციპალიტეტი კვლავაც აქტიურად გააგრძელებს  თანამშრომლობას ლატვიის, უკრაინის და  სხვადასხვა ქვეყნის მუნიციპალიტეტებთან. ასევე, იგეგმება მემორანდუმის გაფორმება პროექტში მონაწილე პარტნიორებთან. ... ...
  • საბანკო ასოციაცია მოქალაქეებს კიბერშეტევების შესახებ აფრთხილებსქვეყანაში კიბერთაღლითობის ახალი შემთხვევები დაფიქსირდა. ამის შესახებ სოციალურ ქსელში სპეციალურ განცხადებას საბანკო ასოციაცია ავრცელებს. როგორც ორგანიზაციაში აცხადებენ,  თაღლითობის ახალი სქემის მიხედვით, კიბერდამნაშავეები შეტევის დროს იყენებენ Google-ის საძიებო სისტემას, სადაც ისინი თაღლითური ვებგვერდების რეკლამას აკეთებენ. ასეთი ყალბი გვერდების მისამართი, ხშირ შემთხვევაში, მიმსგავსებულია კომერციული ბანკების ინტერნეტბანკის ნამდვილ მისამართებთან. „გთხოვთ, გაითვალისწინოთ რჩევები კიბერთაღლითობის (ფიშინგის) პრევენციისთვის: არ გადახვიდეთ საეჭვო ბმულებზე; ბმულზე კურსორის მიტანით გამოჩნდება ვებგვერდის რეალური მისამართი; ყურადღებით დააკვირდით იმ ვებგვერდის მისამართს, სადაც პაროლი შეგყავთ, დარწმუნდით, რომ ნამდვილად ბანკის ვებგვერდზე იმყოფებით. ზოგიერთ შემთხვევაში, გაყალბებული მისამართი შეიძლება მხოლოდ ერთი სიმბოლოთი განსხვავდებოდეს ნამდვილისგან. ინტერნეტბანკით სარგებლობისთვის, Google-ის საძიებო ველში რომელიმე კონკრეტული ბანკის სახელით მოძებნის ნაცვლად, მისამართის ველში პირდაპირ აკრიფეთ კომერციული ბანკის ვებგვერდის მისამართი; მობილური მოწყობილობიდან, ისარგებლეთ მობაილბანკის აპლიკაციით,“  – ნათქვამია ასოციაციის მიერ გავრცელებულ ... ...
  • "გამყრელიძე-ცერცვაძე-იმნაძესთან მიმართებაში სერიოზული გამოძიებაა ჩასატარებელი"„ტრიბუნას“ ლიდერი დავით ჭიჭინაძე აცხადებს, რომ გამყრელიძე-ცერცვაძე-იმნაძესთან მიმართებაში გამოძიებაა ჩასატარებელი. „ვფიქრობ, გამყრელიძე-ცერცვაძე-იმნაძესთან  მიმართებაში სერიოზული გამოძიებაა ჩასატარებელი! რადგან,  ამ სამეულმა ისე მოახვია საკუთარი მმართველობა  ქვეყანას, არანაირი არჩევანი არ დატოვეს. მათ მიერ გადადგმული ყველა ნაბიჯი,  საკმაოდ ძვირი დაუჯდა ქვეყანას, ხალხს,  როგორც ეკონომიკურად,  ისე ჯანმრთელობის მხრივ. მოკლედ, დღეს ყველა ზიანი კონკრეტულია! არანაირი ოპოზიცია, საუბარია ახალგაზრდებზე, ბიზნესის წარმომადგენლებზე, რიგითი ადამიანებზე, ისინი, ვინც თავს დამოუკიდებელ მოქალაქეებად  გრძნობდნენ,  დღეს კი, ისეთ ხაფანგში მოახვედრა ხელისუფლებამ, ყველანაირი პერსპექტივა წაართვა. რაშიც  „წარმატებულად“  ეხმარება გაფეტიშებული სამეული და  ფსიქოლოგიური შეტევას ახორციელებენ,  რათა ავადმყოფობიდან გამომდინარე შიშის ფაქტორით, ბოლომდე გადატეხონ ადამიანებში  ყველანაირი წინააღმდეგობის გრძნობა. მოკლედ, უნდათ, არ უნდათ გაზაფხული მოვა, ამას ვერ გაექცევიან. „ქართული ოცნებაც“ ვეღარ დარჩება ხელისუფლებაში, გამორიცხულია,  უბრალოდ როგორ გაუშვებენ, აი მაგაზეა საუბარი“,_ აცხადებს ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....