"ჩოხატაურის კულტურული ცხოვრების ისტორია, ყველამ კარგად უნდა იცოდეს" _ რევაზ ლორია

საზოგადოება

"ჩოხატაურის კულტურული ცხოვრების ისტორია, ყველამ კარგად უნდა იცოდეს" _ რევაზ ლორია

2017 მარ 7 12:04:33

რევაზ ლორიას  ბევრი წარდგენა არ სჭირდება. მას გურიაში, განსაკუთრებით კი ჩოხატაურში, კარგად იცნობენ _  91 წლის  ომის, საბრძოლო ძალების და შრომის ვეტერანი, რაიონის დამსახურებული მუშაკი ათეული წლები  ჩოხატაურის კულტურული  ცხოვრების სადარაჯოზე იდგა.

ახლა სახლშია, წერს ლექსებს, პოემებს, ელოდება სპონსორს და უვლის საკმაოდ დიდი კარმიდამოს _ კივს, ვენახს, ციტრუსს, თხილს. ცდილობს, რომ ახალგაზრდებს ასწავლოს, თუ როგორ უნდა უნდა გახდნენ წარმატებული მეურნეები. შესაბამისად, მის ეზოში სულ ხალხმრავლობაა.  სოფლის მეურნეობაზე დაწყებული საუბარი, როგორც წესი ხელოვნებაზე საუბრით  სრულდება.

ასე მოხდა ჩვენი სტუმრობის დროსაც _  ჩვენმა რესპონდენტმა "გურია ნიუსთან" ის წლები გაიხსენა,  რომელიც ისტორიაშია ჩაწერილი, თუმცა, როგორც თავად ამბობს, ზოგიერთი, არასწორად  ჰყვება:

_ ჩოხატაურის სახალხო თეატრზე  ერთხელ ეწერა, რომ 135 წლის გახდა, შემდეგ დაიწერა, რომ 150 წლისაა. არადა, არცერთი არ არის სწორი. 1940-იან წლებში ჩოხატაურში არსებობდა სახელწმიფო თეატრი. 1946-48 წლებში მე ამ თეატრის მსახიობი ვიყავი. მისი დირექტორი და რეჟისორი მიხეილ ჯალაღანია  გახლდათ, რომელსაც შემოკრებილი ჰყავდა უნიჭიერესი მსახიობები, როგორც რაიონიდან, ასევე სხვადასხვა ქალაქებიდან. თეატრი დგამდა ისეთ აკადემიურ  სპექტაკლებს, როგორებიც იყო: "სადგურის უფროსი", "მეგობრობა", "ხევისბერი გოჩა", "ყვარყვარე თუთაბერი", "ნაცარქექია, "ტირიფის ქვეშ" და სხვა მრავალი.

სახელმწიფო თეატრის გაუქმების შემდეგ 1949 წელს მსახიობები სხვადასხვა თეატრში გადავიდნენ. რაიონის კულტურის სახლთან შეიქმნა დრამატული წრე, რომელშიც გაერთიანდნენ ადგილობრივი მსახიობები. ვალოდია მგელაძე, შემდგომში საქართველოს დამსახურებული არტისტი, უნიჭიერესი ბიჭიკო ღამბაშიძე, გოგა სურმანიძე, ვაჟა გოგოლაძე, ბიჭიკო ცინცაძე, ვლადიმერ ბენდელიანი  დიმიტრი პაიჭაძე, ლოლა კობიძე, მერი გიორგაძე", გურამ მეგრელიძე და სხვები, _ იხსენებს ბატონო რევაზი, რომელიც, 1953 წლის დასაწყისში,  სასწავლებელის დასრულებისთანავე დაინიშნა ჩოხატაურის კულტურის სახლის დირექტორად.

 _ დირექტორობასთან ერთად აქტიურად ვიყავი ჩართული დასის მუშაობაში. 1959 წლის ივნისში მუშაობა დავიწყეთ ახალი პიესის _  "სამი უბედურის" დადგმაზე. ერთხელ, მეცადინეობის დროს, დამტარებელმა ჟურნალ-გაზეთები მოიტანა. ცოტა ხნით რეპეტიცია შევწვიტეთ და პრესას თვალი გადავავლეთ.  ხუთი წუთი არ იყო გასული, თეატრის რეჟისორი  ბიჭიკო ღამბაშიძე სკამიდან წამოხტა და იყვირა: საქართველოში სამი სახალხო თეატრი გახსნილა. გურჯაანში, ხარაგაულში და სამეგრელეოშიო.  სწორედ ამ დროს დაგვებადა აზრი, შუამდგომლობა  აღგვეძრა კულტურის სამინისტროში, რომ ჩოხატაურშიც გახსნილიყო სახალხო თეატრი. ვალოდია მგელაძემ, როგორც ლიტერატორმა (გუთურის სკოლის დირექტორი იყო) შეადგინა ტექსტი,  რომელიც მივიტანეთ რაისაბჭოს აღმასკომში, რადგან მათი სახელით უნდა გაგზავნილიყო.

მაშინ საბჭოს გრიგოლ მამალაძე ხელმძღავნელობდა. მითხრა, რომ ჩოხატაურში სახალხო თეატრს არავინ გახსნიდა, თუმცა არა შევეპუე. "დედაბარმა თქვა,  ზღვა დავრწყავიო და ჩვენც ვსინჯოთ-მეთქი. ვთხოვე, მიმართვა გადაებეჭდა და დავპირდი, რომ ბიძაჩემს, გრიგოლ ზამბახიძეს  დავიხმარებდი, რომელიც თბილისის საქალაქო კომიტეტის პირველი მდივანი იყო. დამეთანხმა და მეორე დღეს, დილის 8 საათზე  ბიძასთან ვიყავი.  მანაც კულტურის მინისტრს დავით ჩხიკვიშვილს  დაურეკა და თანხმობაც  მივიღეთ, _ სახალხო თეატრის შექმნის ისტორიას იხსენებს 91 წლის რესპონდენტი.

ჰყვება, რომ  თეატრის  შემდგომ ფუნქციონირებაში წვლილი იმ ჩოხატაურელებსაც აქვთ შეტანილი, რომლებიც თბილისში სხავადასხვა თანამდებობაზე მუშაობდნენ:

_ მინისტრიდან მიღებული თანხმობის დოკუმენტით,  იმავე დღეს  მივედი კულტურის სამინისტროს საგეგმო სამმართველოს უფროსთან. ჩვენებური კაცი იყო, ქვენობნიდან, სიმონ სიმონიშვილი და დახმარება ვთხოვე, სამი საშტატო ერთეული გამომიყო. გამოვდიოდი, როცა ოთახში ოპერისა და ბალეტის თეატრის მთავარი მომარაგებელი, ჩაისუბნელი ილიკო ბოლქვაძე შემოვიდა. ახალი ამბავი მასაც ვახარე და დახმარება მასაც  ვთხოვე _ ოპერაში ჩამოწერილი დეკორაციები და ტანსაცმელი მოეცა. დამეთანხმა და  ერთ კვირაში  დანაპირები შეგვისრულა, _ ამბობს რევაზ ლორია, რომლის თქმით, სახალხო თეატრის შექმნის ზუსტი თარიღი  1959 წელია, რაც იმას ნიშნავს, რომ ჩოხატაურის სახალხო თეატრი 58 წლისაა.

ბატონი რევაზი ჩვენთან საუბრისას მუსიკალური სკოლის და მუზეუმის შექმნის ისტორიასაც იხსენებს:

_ 1965 წელს რაიკომის პირველი მდივნის აკაკი გობრონიძის უშუალოდ დავალებით მოვძებნეთ მუსიკათმცოდენე _ ქვენობანში  მცხოვრები ნონა თავართქილაძე. და ამის შემდეგ  დავიწყეთ მოსწავლეების  მოძიება.  პირველ წელს ცოტანი იყვნენ _ გობრონიძის ორი ქალიშვილი,  ვალერიან მახარაძის შვილები, ძმა იანეულიდან და კიდევ  სამი-ოთხი მოსწავლე. ნონას ზემოფარცხმელი ვერა ჩხიკვაძე ეხმარებოდა.

მეორე წელს მოსწავლეთა მიღებაზე კონკურსი იყო. სკოლის დირექტორად  კი სამტრედიელი მურმან ბერულავა დაინიშნა, რომელმაც წარმატებით  გააგრძელა მუშაობა.
რაც შეეხება მუზეუმს _  ისიც ამ წლებში შეიქმნა, კულტურის დარგის მუშაკებს სოფლებში სხვადასხვა ექსპონატები ჰქონდათ  შეგროვებული და იდეაც აქედან წამოვიდა. მუზეუმის დირექტორად გუთურის   სკოლის  დირექტორი ვალოდია მგელაძე დაინიშნა, რომელიც 1961 წელს რაფიელ გიორგაძემ  შეცვალა, _
იხსენებს  ბატონი რევაზი.

ამბობს, რომ გასახსენებელი ბევრი აქვს. გვიყვება, რომ სხვადასხვა წლებში ჩოხატაურის კულტურულ ცხოვრებაში მნიშვნელოვანი ფურცლის ჩასაწერად ბევრ ადამიანს აქვს მონაწილეობა მიღებული, რომელთა დავიწყება არ შეიძლება.

ბატონი რეზო წუხს იმაზე, რომ ამ ადამიანებს შესაბამისი დაფასება არა აქვთ და მომავალმა თაობამ მათ შესახებ არაფერი იცის. ჩვენს რესპონდენტს მიაჩნია, რომ მათ შესახებ ბევრი უნდა დაიწეროს და ბევრი უნდა ითქვას.

_ ჩოხატაურის კულტურული ცხოვრების ისტორია,  სწორად უნდა აღიწეროს და  ყველამ კარგად უნდა იცოდეს, _ დასძენს ბატონი რევაზი.




 ახალი ამბები
  • სემეკში თავმჯდომარის არჩევნები ჩატარდასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები  გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ახალი რეგულაციით,   კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში განისაზღვრა თავმჯდომარის არჩევის წესი და პროცედურა. წესის შესაბამისად, არჩევნებში გამარჯვებულად ცხადდება ის კანდიდატი, რომელიც მიიღებს არჩევნებში მონაწილე წევრების ხმათა უმრავლესობას. ახალი პროცედურების მიხედვით, კენჭისყრის შედეგების დამტკიცება მოხდება საჯარო სხდომაზე. თავმჯდომარის უფლებამოსილების ვადის ათვლა დაიწყება საჯარო სხდომაზე კენჭისყრის შედეგების დამტკიცების მომენტიდან. საჯარო სხდომა ხვალ, 22 ოქტომბერს 11:00 საათზე გაიმართება.  (R) ... ...
  • საქართველოს ბანკის მხარდაჭერით NASA Space Apps Challenge-ს საქართველომ პირველად უმასპინძლა (R)საქართველოს ბანკის მხარდაჭერით, ილიას სახელმწიფო უნივერსიტეტის აბასთუმნის ასტროფიზიკურმა ობსერვატორიამ NASA Space Apps Challenge Abastumani-ს უმასპინძლა. 18-20 ოქტომბერს გამართული ჰაკათონის მთავარი მიზანი იყო ისეთ ინოვაციურ თემებზე მუშაობა, რომლებიც მიმართულია კაცობრიობისთვის მნიშვნელოვანი პრობლემატიკის მოგვარებისკენ. მაგალითად, როგორიცაა გლობალური დათბობა და მისი მავნე შედეგები, ოკეანის გასუფთავება მავნე ნივთიერებებისა და ნაგვისგან, მთვარის მტვრის იდენტიფიცირება და მისი ნეგატიური გავლენის შემცირების მექანიზმები და ა.შ.  ჰაკათონის ფარგლებში, ისევე, როგორც სხვა ქვეყნებში გამართული Space Apps Challenge-ის მონაწილეებს, საქართველოშიც ჰქონდათ ხუთი სამუშაო თემა: ოკეანეები, მთვარე, მზის სისტემის პლანეტები და ეგზოპლანეტები, გზა დედამიწიდან ვარსკვლავებისკენ, ცხოვრება ჩვენს სამყაროში. თემის არჩევის შემდეგ, მონაწილეებმა 48 საათის განმავლობაში იმუშავეს ისეთ პროექტებზე, როგორებიცაა: ღია ოკეანეში ინტერნეტთან წვდომის პრობლემის გადაჭრა, ვიდეოთამაშის მოფიქრება კოსმოსური ნარჩენების შესაგროვებლად; ციფრული გლობუსის ვებაპლიკაციის შექმნა, რომელიც დედამიწის სამეცნიერო მონაცემების ვიზუალიზაციას NASA-ს Web WorldWind-ის გამოყენებით შეძლებს და სხვა.  „საქართველოს ბანკისთვის მნიშვნელოვანია ინოვაციური პროექტების განხორციელების მხარდაჭერა. განსაკუთრებით ისეთი ფორმატისა, რომელშიც გამორჩეულ და საინტერესო იდეების მქონე ადამიანებს აქვთ შესაძლებლობა,  ფართო საზოგადოებას გააცნონ საკუთარი მიგნებები და ამავე დროს, გააცნონ საქართველო მსოფლიოს. საქართველოს ბანკისთვის მნიშვნელოვანია მსგავსი ღონისძიებების მხარდაჭერით ინოვაციების ხელშეწყობა“, - აცხადებენ საქართველოს ბანკში.  ინფორმაციისთვის, NASA Space Apps მსოფლიოში ყველაზე ფართომასშტაბიანი ჰაკათონია, რომელიც ერთდროულად იმართება 200 სხვადასხვა ადგილას და 48 საათი მიმდინარეობს. ის ინოვაციათა ინკუბატორის პროგრამაა. ჰაკათონში მონაწილეობა შეუძლია ყველას, ვისაც შეუსრულდა 18 წელი და დაინტერესებულია დედამიწისა და კოსმოსის კვლევებით, კოდირებით, ტექნოლოგიებით, დიზაინითა და სხვა გამოყენებითი მეცნიერებებით. პირველ და მეორე ადგილზე გასულ პროექტებს ფულადი ჯილდოები გადაეცათ. გამარჯვებულია გუნდი Algien პროექტით -  Nature at work, რომელიც ორიენტირებულია  წყლის რესურსების მართვისა და რისკების შემცირების სფეროში მწვანე ინფრასტრუქტურის რთული ამოცანების გადაჭრაზე. ასევე, გუნდი Baby Shark პროექტით- Ship chain, რომელიც  ღია ოკეანეში ინტერნეტთან წვდომის პრობლემის გადაჭრას ემსახურება. NASA Space Apps Challenge ჰაკათონის საუკეთესო პროექტებს Global Awards-ის დაჯილდოებაზე წარადგენენ. ... ...
  • ოზურგეთის "ლაშეს" სტადიონის შეტრიალების ინიციატივით დასრულებული ხანგრძლივი დავა ხმაური და ხანგრძლივი დავა მოჰყვა ოზურგეთის მუნიციპალიტეტის საკრებულოს სხდომათა დარბაზში ჩატარებულ თანამონაწილეობითი ბიუჯეტირების პროექტის ფარგლებში  გამარჯვებული პროექტის _  „ლაშეს სტადიონის კეთილმოწყობა“ _ ავტორებთან, მხარდამჭერებთან და დაინტერესებულ პირებთან ერთად განხილვას. მხარდამჭერი მოქალაქეები, მწვრთნელი აკაკი ათუაშვილი, არასამთავრობო და სამთავრობო სექტორის წარომადგენლები დიდხანს დაობდნენ ლაშეს  სტადიონის ტერიტორიის განაშენიანების პროექტზე, რომლისთვისაც 75 ათასი ლარია გათვალისწინებული. აზრთა სხვადასხვაობა თავიდან გამოიწვია შენობის და სხვა ნაგებობების  განთავსების თემამ. _ ჩვენ  ვინც ვართ  ფეხბურთის სპეციალისტები და როგორც ვიტყვით, ის აზრი გათვალისწინებული უნდა იქნეს. მაქვს კითხვა, არის თუ არა სტადიონი სტანდარტში ჩამჯდარი? იქ კეთდება სარბენი ბილიკები, კალათბურთის მოედანი, მაგრამ ჩვენ ფეხბურთის კუთხით ვუყურებთ პირველ რიგში, დღეს აქ ვერ  ვხედავ პიროვნებას, ვინც პროექტი დაწერა, _ თქვა  მწვრთნელმა აკაკი ათუაშვილმა, რაზეც უპასუხეს, რომ პროექტი შედგა ხალხის გამოკითხვის მხარდაჭერით. _ მოსახლეობის გამოკითხვას  მე ვუძღვებოდი, კარგად ვიცი, რა უნდათ _ დიდი ჯოხით  როდის შემორეკონ ძროხები სტადიონზე, _ თქვა გაბრაზებულმა მწვრთნელმა. შეღობვა, სანიაღვრე არხების მოწყობა, დამატებითი სივრცის გამოყოფა _  ეს და კიდევ მრავალი პრობლემური საკითხი წამოსწიეს განხილვის მონაწილეებმა, თუმცა, აკაკი ათუაშვილი დაჟინებით  ითხოვდა სტადიონის მიმდებარე სივრცის გადიდებას, რაც გასახდელების ბოლომდე,   საზღვრის ღობემდე მიწევას გულისხმობდა. _ ვარჯიში სხვა რამეა და თამაში _ სხვა! როცა ვარჯიშია, შეიძლება სტადიონის ერთ ნახევარზე ერთმა ჯგუფმა  ივარჯიშოს და მეორეზე _ მეორემ.  ჩვენ გვჭირდება სივრცე და ეს სივრცე გვაქვს და ამისდაკარგვა არ შეიძლება.  გასახდელები უნდა მივიწიოთ, რომ სივრცე გათავისუფლდეს, _ ასე ვინ  შეადგინა ეს პროექტი, მეარ მეასმის, _ არ ცხრებოდა ათუაშვილი.   _ გადაწყვეტილი არაფერია. ეს პროექტი  თქვენია, თქვენ მოიგეთ და როგორც გსურთ, ისე უნდა გაკეთდეს. გამოგიგზავნით  გენგეგმას, ერთხელ კიდევ დავსხდეთ, შეიტანეთ ცვლილებები, როგორც ჩათვლით საჭიროდ, _ უთხრა ათუაშვილს ოზურგეთის მუნიციპალიტეტის მერის მრჩეველმა ალეკო ბერიძემ, რომელიც განხილვაში აქტიურად მონაწილეობდა და გამუდმებით არწმუნებდა ლაშეს სტადიონის მოწყობის მხარდამჭერებს, რომ ყველაფრი ისე გაკეთდებოდა, როგორც მათ სურდათ. _მე თანახმა ვარ, თუ სტადიონი შეტრიალდება, სივრცე მეტი დარჩება. გარდა ამისა, ახლანდელ შემთხვევაში  დასავლეთ და აღმოსავლეთ  მიმართულებები არ არის გათვალისწინებული  და მეკარეს მზე პირდაპირ  თვალებში ანათებს, _ თქვა ბერიძემ. _აგაშენა  ღმერთმა, მეც ამის თქმა მინდოდა, მაგრამ ბოძების ხელახლა ამოთხრა და სხვა სამუშაოები დამატებით ხარჯებს მოითხოვს და ამიტომ ვერ ვთქვი, _ თქვა ათუაშვილმა. _სჯობს ათასი ლარით მეტი დაიხარჯოს და მოვიძიოთ ეს თანხა, ვიდრე 75 ათას ლარიანი პროექტი გახორციელდეს და უყაირათოდ გაიხარჯოს და ხელახლა გახდეს საკეთებელი, _ უთხრა მას ალეკო ბერიძემ. ხანგრძლივი დავისა და ხმამაღალი  უთანხმოების გამოხატვით გაწელილი  განხილვა მალევე დასრულდა შეთანხმებით, _ მიიღეს  სტადიონის შეტრიალების  გადაწყვეტილება.    დააზუსტეს,  რომ ასეთ შემთხვევაში  სივრცე მეტი დარჩებოდა და აქამდე მიუღწეველი შეთანხმებაც შედგა. „გურია ნიუსის“ კითხვაზე, სტადიონის შეტრიალებით როგორ  მოგვარდებოდა პრობლემა, უფრო ზუსტად რომ ეთქვათ, ალეკო ბერიძემ განაცხადა, რომ მთავარია ისიც,  თამაშის დროს მეკარეს მზე არ მიანათებს თვალებში. _ მზის მინათებისთვის არ დაობდა მწვრთნელი ათუაშვილი. სივრცე აინტრესებდა... _ სხვა რამეზე დაობდა. ის დაობდა, რომ გასახდელი, რომელიც ახლოს არ იყო სტადიონთან, გადატანილიყო ღობესთან და გასახდელს და სტადიონს შორის გამოთავისუფლდებოდა ადგილი. ახლა, სტადიონის შეტრიალებით,  ის სადავო საკითხი ამოვარდა და სივრცეც დარჩება. ამ ყველაფერს როცა ადგილზე ნახავთ, უფრო მიხვდებით. _ თავიდანვე ასე რომ გადაგეწყვიტათ? _ კამათში იბადება ჭეშმარიტება, _ რიტორიკა მოიშველია  ბერიძემ, რის განმტკიცებაშიც მას  საკრებულოს პარატის უფროსი  ნანა თავდუმაძეც შეეშველა: „სამოქალაქო ბიუჯეტირება კარგად ხორცილედება და კონსესუსის მიღწევა შესაძლებელია  მაშინ, როცა  არის უწყვეტი კომუნიკაცია, აზრთა შეჯერება, როგორც დღეს მოხდა აქ,“  _თქვა ... ...
  • სოფელ დარჩელში ბაბუამ შვილიშვილი დაჭრაზუგდიდის მუნიციპალიტეტის, სოფელ დარჩელში ბაბუამ შვილიშვილი დაჭრა. დაჭრილი 27 წლის ასაკის მამაკაცია. როგორც საქართველოს პირველი არხის ჟურნალისტი იუწყება, დაშავებული კლინიკაში ზუგდიდის რეფერალურ ჰოსპიტალში გადაიყვანეს. ექიმების თქმით, მას მარჯვენა მხარის მიდამოებში სავარაუდოდ, ბასრი საგნით აქვს ჭრილობა აქვს მიყენებული, რომელიც ქირურგიულად დამუშავდა. დაჭრილი პალატაში უკვე გადაიყვანეს და მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, მომხდარზე აღძრულია სისხლის სამართლის საქმე და დაკავებულია 1937 წელს დაბადებული ... ...
  • სუს-ის უფროსის ახალი მოადგილე ლილუაშვილის ბიძაშვილია _ ოპოზიციის ბრალდებები და უმრავლესობის განმარტებადანიშნა თუ არა სუს-ის უფროსმა, გრიგოლ ლილუაშვილმა, საკუთარ მოადგილედ მისი ახლო ნათესავი _ დღეს ამ თემაზე პარლამენტში კომენტარები დილიდან კეთდება. ოპოზიცია ირწმუნება, რომ სუს-ის უფროსის ახალი მოადგილე, გიგა ნიკოლეიშვილი, გრიგოლ ლილუაშვილის ბიძაშვილია. პარლამენტის ფრაქცია "ნაციონალური მოძრაობის" თავმჯდომარე რომან გოცირიძე აცხადებს, რომ ლილუაშვილი ქვეყანაში არსებული ნეპოტისტური ცხოვრების წესის პრინციპით მოიქცა, რაც მას არ აკვირვებს.  "თუ ნდობაზეა საკითხი, ვის უნდა ენდოს თუ არა ახლობელს. რა თქმა უნდა, სანდო ადამიანია და სანდოობის პრინციპით და დღეს საქართველოში მოქმედი ნეპოტისტური ცხოვრების წესის პრინციპით მოიქცა, ისე, როგორც უნდა მოქცეულიყო. რა გიკვირთ? მე პირიქით გამიკვირდებოდა, რომ ღია კონკურსი გამოეცხადებინათ და მსოფლიოში საუკეთესო სპეციალისტი ჩამოეყვანა მოადგილედ," - განაცხადა რომან გოცირიძემ. მმართველ გუნდში აცხადებენ, რომ მსგავს ინფორმაციას არ ფლობენ და ფაქტს უარყოფენ. პარლამენტის საგარეო ურთიერთობათა კომიტეტის თავმჯდომარის მოადგილე ამბობს, რომ არანაირ მსგავს ინფორმაციას არ ფლობს. დიმიტრი ცქიტიშვილი აცხადებს, რომ გიგა ნიკოლეიშვილი საკმაოდ გამოცდილი კადრია და ის დიდი ხანია რაც არსებულ სისტემაში მუშაობს. "ბიძაშვილია ნამდვილად? სხვა არაფერი არ აქვს იმ ადამიანს? ანუ მე არ ვიცი ვინაა, მაგრამ მას სხვა დამსახურებები არა აქვს სამსახურში? არ ვიცი, მე ვერ გეტყვით რამდენად ბიძაშვილია თუ არა, მე რამდენადაც ვიცი ეს პიროვნება დიდი ხანია მუშაობს ამ სისტემაში და არის გამოცდილი. დანარჩენი დეტალები არ ვიცი. არ ვიცი ბიძაშვილია თუ არა და ვერ გეტყვით, თქვენ ამბობთ, რომ ბიძაშვილია და შეიძლება არც არის, შეიძლება ნათესავია, საქართველოში ბევრი ვიღაცა ერთმანეთის ნათესავია," - აცხადებს დიმიტრი ცქიტიშვილი. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...