"ექვთიმეობა" და მემორანდუმი ოზურგეთსა და ზუგდიდს შორის

საზოგადოება

"ექვთიმეობა" და მემორანდუმი ოზურგეთსა და ზუგდიდს შორის

21 ოქტ. 2019, 11:47:55

17 ოქტომბერს, ოზურგეთის მუნიციპალიტეტის სოფელ ლიხაურში ტრადიციული "ექვთიმეობა" წელს იმით გახდა ნიშანდობლივი, რომ ექვთიმე თაყაიშვილის სახლ-მუზეუმში, ოზურგეთის და ზუგდიდის მუნიციპალიტეტების საკრებულოებს შორის ურთიერთთანამშრომლობის მემორანდუმი გაფორმდა.

შეხვედრა ოზურგეთის მუნიციპალიტეტის საკრებულოს თავმჯდომარის სამუშაო ოთახიდან დაიწყო, სადაც სტუმრებს _ ზუგდიდის საკრებულოს თავმჯდომარეს, მამუკა წოწერიას და მერიის წარმომადგენლებს დახვდნენ ოზურგეთის საკრებულოს თავმჯდომარე დავით დარჩია და მისი გუნდი, ასევე, ოზურგეთის მუნიციპალიტეტის მერის პირველი მოადგილე ალექსანდრე სურგულაძე, მოადგილე ირაკლი სირაძე და ადმინისტრაციული სამსახურის უფროსი გიორგი ინწკირველი.

 შეხვედრისას ორივე მხარის წარმომადგენლებმა უმნიშვნელოვანეს მოვლენად შეაფასეს ორი მუნიციპალიტეტის ინოვაციური ნაბიჯი და თქვეს, რომ თვითმმართველობის დამკვიდრების შემდეგ, ასეთი სახის ურთიერთობას პირველად ეყრება საფუძველი.

ლიხაურში წასვლამდე სტუმრები, მასპინძელთა წინამძღოლობით, ოზურგეთის სახელმწიფო თეატრს ეწვივნენ, სადაც მასშტაბური სარეაბილიტაციო სამუშაოები ტარდება "ქართუ" ჯგუფის მიერ. თეატრის დირექტორი ვასილ ჩიგოგიძე სტუმრებს ესაუბრა სრულად განახლებული დარბაზის, საუცხოოდ გაკეთებული შიდა ინტერიერის თუ გარე ფასადის შესახებ და ამ საქმეს საშვილთაშვილო უწოდა.

თეატრში მცირე ლირიული გადახვევის მოწმეც გავხდით _ საკრებულოს დეპუტატს, ცნობილ მომღერალს, ოზურგეთის "შვიდკაცას" წევრს ლევან ნინიძეს სთხოვეს, რომელიმე არია წაეღიღინებინა და ამით თეატრის აკუსტიკის ხარისხზე წარმოდგენა შექმნოდათ. ისედაც მაღალი რეგისტრის ხმის მქონე ლევან ნინიძემ გამოცდა სახელდახელო წამღერებით "ჩააბარა" და ტაშიც დაიმსახურა.

სტუმრები, ასევე, ეწვივნენ ოზურგეთის მერაბ ბერძენიშვილის სახელობის სახვითი ხელოვნების ცენტრს, სადაც გაეცნენ მხატვარ გურამ ღლონტის გამოფენას. ცენტრის დირექტორმა ავთანდილ თავართქილაძემ სტუმრებს აჩვენა, როგორ მუშაობენ აქ დაზგური გრაფიკის მეთოდით. კოლეჯ "ჰორიზონტში" სტუმრები გაეცნენ სასწავლებლის სტრუქტურას, დაათვალიერეს ყველა სამუშაო ოთახი, წარმოდგენილი ნამუშევრები, რომლებიც აქ დაუფლებული პროფესიების მეშვეობით შექმნეს სასწავლებლის სტუდენტებმა.

ოზურგეთის ფოლკლორის ცენტრში, სტუმრებს, დირექტორმა ავთანდილ სურგულაძემ ცენტრის მუშაობის პრინციპებსა და მზარდ ინტერესზე უამბო, რასაც ხალხი იჩენს ფოლკლორის მიმართ. ასევე, მათ აჩვენა საგამოფენო დარბაზში წარმოდგენილი საუკუნის ფოტოდ წოდებული ფოლკლორის დიდოსტატთა წარმომადგენლობის სურათი, რომელიც თბილისშია გადაღებული და გადიდებული ფორმატით კედლის ფასადს ფარავს. იქვე კი ძუკუ მელიას სახელობის სამეგრელოს ეთნოგრაფიული გუნდის და რემა შენგელიას გუნდის ფოტოებიც აჩვენა, რომელიც 1930 წელს არის გადაღებული და ოზურგეთის ფოლკლორის ცენტრის კედლებს ამშვენებს.

"ექვთიმეობის" ტრადიციული სახალხო ზეიმით აღნიშვნამდე, სტუმარ-მასპინძლებმა, ზუგდიდის და ოზურგეთის საკრებულოების ხელმძღვანელებმა, დავით დარჩიამ და მამუკა წოწერიამ ხელი მოაწერეს მემორანდუმს ურთიერთთანამშრომლობის შესახებ.

ექვთიმე თაყაიშვილის სახლ-მუზეუმის დირექტორმა, რუსლან ურუშაძემ მიმართვით დაიწყო თავისი ემოციური გამოსვლა:

_ მინდა მივესალმო ჩვენს სტუმრებს საქართველოს განსაკუთრებული კუთხიდან. განძის ამბავმა წალეკა ექვთიმე თაყაიშვილი, თუმცა, ამ განძის გარეშეც ხომ არსებობს დიდი ექვთიმე? 1887 წელს ის ჩამოდის თბილისში, ჩვეულებრივი მასწავლებელია ამ დროს. დაინახავს საქართველოს მდგომარეობას და ვიდრე ჩვენი ტრაგედია დაიწყება, 1917 წელს ვგულისხმობ, როცა ძლიერდება მარცხენა მარქსისტული ფრთა, ექვთიმე იმთავითვე მემარჯვენე პოზიციას ამჯობინებს. მისი ტოლები კი მემარცხენეები ხდებიან. ჩვენი საზღვრები ერზრუმიდან ტრაპიზონამდე გადის ამ დროს, ნუ გვიწყენენ თურქები. ჩვენი მოძმე სომხები კი კვლავ იჩემებენ ტაო-კლარჯეთს და ამ დროს ექვთიმე ახდენს ავტოკეფალიის აღდგენას. თბილისში ჩამოდის ივანე ჯავახიშვილი, არსდება უნივერსიტეტი და ქვეყნის საზღვრებში ატარებს უმნიშვნელოვანეს ექსპედიციას, რომ ამ ქვეყანაზე პრეტენზია არავის გაუჩნდეს. ამ დროს პეტერბურგიდან გზავნილი მოდის, რომ ექვთიმე არ დამდგარიყო ჯავახიშვილის გვერდით და დაეარსებინათ კავკასიის რუსული ინსტიტუტი. ექვთიმემ არც ნიკო მარს აწყენინა, ის ინსტიტუტიც დააარსა და რომ დასჭირდა სამშობლოს, გახდა პოლიტიკოსიც. ეს უნდა იცოდეს ყველამ! მან მოახერხა და საქართველოს კულტურის გვირგვინი დაადგა. ექვთიმეს სურვილები გვქონოდეს საქართველოში, ოჯახებში და მთელ მსოფლიოში! _ თქვა რუსლან ურუშაძემ.

ოზურგეთს მუნიციპალიტეტის მერმა კონსტანტინე შარაშენიძემ ლიხაურს ექვთიმეს გზით მავალი სოფელი უწოდა, რომელიც მომავალშიც ამ გზას გააგრძელებს.

მემორანდუმის ხელმოწერის შემდეგ, ზუგდიდის საკრებულოს თავმჯდომარემ მამუკა წოწერიამ "გურია ნიუსთან" კომენტარი გააკეთა და ამ ხელმოწერას ურთიერთობებში სრულად განსხვავებული ეტაპის დაწყება უწოდა:

_ მივესალმები თქვენს მკითხველებს, გურიას, სამეგრელოს, სრულიად საქართველოს და გილოცავთ დღევანდელ დღეს. ძალიან სასიხარულოა, რომ ექვთიმე თაყაიშვილის სამშობლოში ზუგდიდის და ოზურგეთის მუნიციპალიტეტები, მის მშობლიურ ლიხაურში აწერენ ხელს მემორანდუმს. მემორანდუმი იხილავს სხვადასხვა მიმართულებებს, რაც მთავარია, ადგილობრივი თვითმმართველობის, მოსახლეობის ჩართულობის, ეფექტური მეთოდების დანერგვას, ერთმანეთისთვის საუკეთესო პრაქტიკის და გამოცდილების გაზიარებას, მოსახლეობის ჩართულობას ინოვაციურ მეთოდებში. აქედან გამომდინარე, საკმაოდ წარმატებული იქნება ამ ორი მუნიციპალიტეტის გამოცდილების ერთმანეთისთვის გაზიარება, რაც მთავარია, საერთო პროექტების გახორციელება. რა თქმა უნდა, იქნება საპასუხო ვიზიტი და იქაც მოხდება კონკრეტული ღონისძიებების დაგეგმვა, რათა ერთობლივად გავახორციელოთ სხვადასხვა პროექტი.

"ექვთიმეობის" დღესასწაულის აღსანიშნავ კონცერტზე საკუთარი შემოქმედება წარმოადგინეს ქორეოგრაფიულმა და ფოლკლორულმა ანსამბლებმა: "გურიამ," "ზენაარმა," "ვახტანგურმა," "შემოქმედმა," "რეხეულმა," "ალილუიამ"...

ასევე, ლიხაურის საჯარო სკოლის მოსწავლეების მონაწილეობით წარმოდგენილი იყო პერფორმანსი _ "წერილი ".




 ახალი ამბები
  • „ნაციონალური მოძრაობის" მხრიდან ძალადობა არ წყდება- მდინარაძე საპარლამენტო უმრავლესობის ლიდერი, მამუკა მდინარაძე მარნეულის მუნიციპალიტეტში საოლქო საარჩევნო კომისიის შენობასთან  "ენმ"-სა და "ოცნების" წარმომადგენლებს შორის მომხდარ დაპირისპირებას გამოეხმაურა. „კრიმინალური და მავნებელი ძალის, „ნაციონალური მოძრაობის" მხრიდან პროვოკაციები და ძალადობა არ წყდება. ამჯერად, არსებული ინფორმაციით, მარნეულის მუნიციპალიტეტში, ნაციონალური მოძრაობის პარტიული აქტივის წარმომადგენლები მივიდნენ ცესკოს საოლქო კომისიის შენობასთან, რომლის მიმდებარე ტერიტორიაზეც არის ჩვენი ოფისიც, ,,ქართული ოცნების" შტაბი, საიდანაც მძიმე შეურაცხყოფის ფონზე აპირებდნენ ჩვენი შტაბის წევრების პროვოკაციაზე წამოგებას, თუმცა ჩვენ, როგორც იცით, ჩაშლილი გვაქვს მკაცრი დირექტივა პარტიაში, რომ პარტიულმა აქტივმა მაქსიმალურად უნდა შეიკავოს თავი მსგავს მავნებლობაზე. ამიტომ, ,,ნაციონალური მოძრაობის" მხრიდან პროვოკაციის პირველი მცდელობა დასრულდა უშედეგოდ.  ამის შემდეგ, ცესკოს საოლქო ორგანიზაციის შენობაში შეუშვეს მათი აქტივისტი და ცენტრალური საარჩევნო კომისიის წევრი ნაციონალური მოძრაობიდან ( ეს პირი იდენტიფიცირებულია და შეგნებულად არ ვამბობ სახელს და გვარს) ,  რომელმაც ფიზიკური შეურაცხყოფა მიაყენა და მაისური შემოახია ცესკოს თანამშრომელს, რასაც მოჰყვა მცირე ფიზიკური დაპირისპირება. შენობასთან შეკრებილმა „ნაციონალური მოძრაობის" წარმომადგენლებმა და აქტივისტებმა აღნიშნულზე დაიწყეს ხმაური და სიტყვიერი შეურაცხყოფა, სიტუაციის თავის სასარგებლოდ გამოსაყენებლად. „ნაციონალური მოძრაობის" წევრები უკვე რამდენიმე დღეა და თქვენ ეს ფაქტები ყველამ მშვენივრად იცით, ცდილობენ „ქართული ოცნების" წევრების პროვოკაციაზე წამოგებას, თუმცა, დღეს, როდესაც ჩვენი გუნდის წევრების მიმართ მათი ასეთი მცდელობები წარუმატებელი აღმოჩნდა, ისინი უკვე ცესკოს თანამშრომელზე გადავიდნენ და აღნიშნული პიროვნება მათი ძალადობის მსხვერპლი გახდა. ამჟამად, როგორც ჩვენ ინფორმაცია გვაქვს, ადგილზე იმყოფება პოლიცია და  დაწყებულია გამოძიება. ყველას კარგად მოეხსენება, რომ ეს ადამიანები ყველაფერზე არიან წამსვლელები, რადგან მათ არჩევნებში იციან, რომ წარმატების არანაირი შანსი არ აქვთ და მხოლოდ პერმანენტულ ძალადობაზე, მუდმივ პროვოკაციაზე არიან გადასულები. კიდევ ერთხელ, დაბეჯითებით მოვუწოდებთ საქართველოს ყველა მოქალაქეს, არა მხოლოდ ჩვენს აქტივისტებს და განსაკუთრებით ჩვენი პარტიის წევრებს და აქტივისტებს,  მაქსიმალურად შეიკავეთ თავი „ნაციონალური მოძრაობის" წარმომადგენლების პროვოკაციაზე რეაგირებისგან. როგორც ჩანს უკვე მათ აქვთ თავისი პარტიის წინასაარჩევნო კამპანიის მთავარ ხაზად განსაზღვრული პროვოკაციები, ამიტომ ჩვენ ყველას გვმართებს, რომ პროვოკაციებზე არ წამოვეგოთ. სრული მობილიზება მოვახდინოთ ყველა მიმართულებით, რადგან ასევე აქვს საქართველოს მოსახლეობას უნიკალური შანსი, რომ ,, ნაციონალური მოძრაობის" რეიტინგი არჩევნების შედეგებში იყოს  ისტორიულ მინიმუმზე. ასევე, მოვუწოდებთ  საერთაშორისო პარტნიორებს და სამოქალაქო სექტორის წარმომადგენლებს, რომ „ნაციონალური მოძრაობის" მხრიდან საარჩევნო პროცესში დესტრუქციის შემოტანაზე შესაბამისი რეაგირება მოახდინონ. ხაზგასმით ვაცხადებთ, რომ ყველა კანონდარღვევას, ძალადობის ყველა ფაქტს სახელმწიფოს მხრიდან შესაბამისი, მკაცრი პასუხი მოჰყვება და დესტაბილიზაციის საშუალება არავის მიეცემა“,_ განაცხადა ... ...
  • სოფლის ცენტრში, ტუალეტში ბამბუკია ამოსული : „გაკეთებული საქმეების „მშვენება“ “ოზურგეთის მუნიციპალიტეტის სოფელ დვაბზუს მოსახლეობის უმთავრესი პრობლემა წყალსადენის მშენებლობაა, რომლის  პროექტირებაც  უკვე  დაწყებულია. აქაურები ითხოვენ  სოფლის ყველა უბანში გზის გაკეთებას, რომლის მოასფალტება შეუძლებელია თუ ჯერ წყლის გაყვანა არ მოხდა. „გურია ნიუსი“ სოფელს ეწვია. ჩვენ  გავეცანით  აქაურთა პრობლემებს. ადგილობრივები ამბობენ, რომ ბოლო წლებში ბევრი საქმე  გაკეთდა, განსაკუთრებით  კი  დვაბზუსა და გაღმა დვაბზუს შორის, მდინარე  მაღელაზე  ხიდის  აგებისთვის,  გამოთქვამენ კმაყოფილება, სომელიც მუნიციპალიტეტის მერიის მხარდაჭერით  აიგო.  მათივე თქმით, ძველი დროიდან მოყოლებული, ერთ დიდი პრობლემას წარმოადგენდა. სოფლის ცენტრში, საბავშვო  ბაღის შენობის  მიმდებარედ, სადაც ასევე სამედიცინო უბანია განთავსებული,   ტერიტორიის მოზრდილი ფართობია, რომლის უკანა კუთხე ეკალ-ბარდითაა დაფარული.  ხოლო იქვე მდგარ, ამჯერად უფუნქციოდ დარჩენილ ტუალეტში , ბამბუკის ხეებია ამოსული.   ბარდები და  და ჭინჭარია ასევე  ამოსული სამედიცინო უბნის კედლების გასწვრივ. ჩვენს კითხვაზე, თუ   რატომ არის  აქ ასეთი მდგომარეობა და შესაძლებელია თუ არა აქვე მომუშავეთა მიერ,  დასუფთავების დღის მოწყობა,  ადგილობრივებმა გვითხრეს, რომ   სოფელში გაკეტებული ბევრი კარგი სქმის „მშვენება“, ნამდვილად არ უნდა იყოს ცენტრში ასეთი ანტისანიტარიული  ადგილი. _მოვახერხებთ, დავალაგოთ და მოვაწესრიგოთ აქაურობა, - გვითხრეს მათ.   ჩვენის მხრივ, ვიტყვით, რომ აქაურობის იერ-სახეზე, დასუფთავებასა და მოვლაზე,  ხელისუფლების ადგილობრივ წარმომადგენლებს , დეპუტატს  თუ აქვე , სხვადასხვა სფეროში მომუშავეებს, ერთნაირად  უნდა შესტკიოდეთ   გული და საკუთარი ინიციატივით უნდა აწყობდნენ „დასუფთავების დღეებს“. _აქ მალე სკვერი უნდა გაკეთდეს. ზოგადად, კოორდინირებული მუშაობით, ადგილობრივ ხელისუფლებასთან და ჩვენს მოსახლეობასთან ერთად, ბევრი რამის გაკეთება შევძელით _ გვითხრა მუნიციპალიტეტის  მერის წარმომადგენელმა სოფელში, მამუკა გოგოუაძემ. დვაბზუს მცხოვრებთაგან, დღეისთვის სამ მცხოვრებს აღმოაჩნდა კორონა ვირუსი (ისინი ქობულეთის ფაბრიკის, „აჭარა ტექსტილის“ თანამშრომლები არიან)  და ყველა გადაყვანილია ბათუმში. „გურია  ნიუსი“ ვრცლად,  დვაბზუში  არსებული პრობლემების თუ   გაკეთებული საქმეების ირგვლივ, საგაზეთო სტატიაში ... ...
  • 2 დაღუპული და 2 დაშავებული_ ავარია ავტობანზეავტოსაგზაო შემთხვევას თბილისი-სენაკი ლესელიძის საავტომობილო მაგისტრალის გორის მონაკვეთზე ორი მამაკაცი ემსხვერპლა,  ორი კი მძიმე დაზიანებებით საავადმყოფოებში გადაიყვანეს. არსებული ინფორმაციით, ავტობანზე მოძრავი „ნისანის” მარკის ჯიპი ტრაილერს შეეჯახა. შემთხვევის გამო ავტობანის აღნიშნულ მონაკვეთზე დასავლეთ საქართველოდან თბილისის მიმართულებით მოძრავი ტრანსპორტის მოძრაობა ... ...
  • „თხილის ფასს არ ეხება ომი და წაბლისას აფარჩაკებს? “ _ ოზურგეთული „გარჩევა“ ფასებზე დღეს, დილიდან, ოზურგეთში თხილის ფასის კიდევ ერთი ახალი  ფორმულაა ძალაში - ამჯერად ერთი კილოგრამი შვიდლარნახევარი ღირს,  სულერთია, „ბერძნულაა “ თუ „გულშიშველა“.  ოღონდ  ათი ცალი გატეხილი თხილიდან, რვა მაინც საღი უნდა იყოს _ ასეთია თხილის მიმღები  პუნქტების ოპერატორთა ლოგიკა. კითხვაზე, თუ  ერთ ცალ საღ გულში აპირებენ 80 თეთრის გადახდას, თან ზოგი ამბობს, რომ ათიდან, რვა რომ იყოს საღი, მაინც რვა ლარს გადავიხდითო, ეს რა ლოგიკაა? _ ვკითხეთ მათ. _ის ლოგიკაა, რომ მაგდენი საღი თხილი არცერთ ვარიანტში არ   გამოვა. ტყუილა იძახიან, _ თავ-თავის „ლოგიკას“  იშველიებენ ფასებზე და ერთმანეთზე   აღრენილი  თხილის მიმღები ოპერატორები. _არაფრით არ შეიძლება ათი ცალიდან ათივე საღი გამოვიდეს,    „ბერძნულა“   ნამეტურ. ამიტომ ნუ ამბობთ და ნუ წერთ რომ, ერთი კილოგრამი რვა ლარი  ღირს. მასეც რომ იყოს, მაინც არავინ გადაიხდის შვიდლარნახევარზე მეტს. რატომ,  იცით?   გარჩეული, მზა ნედლეული, ერთი კილოგრამი თხილი დღეს  ღირს 18 ლარი. ერთ კილოგრამ გარჩეულ თხილს 2,400 კგ გაუტეხავი თხილი სჭირდება. ახლა იანგარიშეთ, რამდენია? 19 ლარს აჭარბებს გარჩეული თხილის გულის ფასი, თუ გაუტეხავში 8 ლარს გადაიხდიან.  ვინმე წაგებაზე წავა? ამიტომ, ვინც იძახის, რომ ერთ  ცალში 80 თეთრს იხდის და შესაბამისად,  ერთ კილოგრამში 8 ლარს მიიღებთო, გატყუებთ, _ გვითხრეს თაყაიშვილის ქუჩაზე განლაგებულ ჯიხურებში. რაც შეეხება წაბლის ფასს, რომელიც  ერთი კვირაა, რაც ბაზარზე შემოვიდა, ერთ კილოგრამს 2 ლარად იბარებდნენ.  თუმცა,  დღეს  ერთი კილოგრამის  ფასი  ერთი ლარია. _თხილის  ფას კი მიფრინავს, ერთი ეს გვითხარით, წაბლი რომ ღირდა 2 ლარი, ახლა რატომ განახევრდა ფასი?  ეს საქმეა?  თან საკმაოდ კარგად  ასხია წელს,_   სვამდნენ კითხვებს წაბლით სავსე ჩანთებით მოსული სოფლის მცხოვრებლები. _ხომ გითხარით, აზერბაიჯანში გაჰქონდათ, ახლა ომიაო და ამიტომ შეჩერდა გატანა. აქით თურქეთიც ჩაკეტილია, ამიტომ დაეცა ფასი. თქვენზე უფრო გვინდა ჩვენ, მაღალი ფასი რომ ჰქონდეს _ განმარტებებს არ იშურებდნენ თხილის პუნქტებიდან. _ თხილის ფასს  არ ეხება ომი და  წაბლისას   აფარჩაკებს?  _ უპასუხოდ დარჩა იმ ქალბატონების კითხვა, რომლებაც  პირი იბრუნეს და ჩასაბარებლად წამოღებული წაბლი ისევ შინ ... ...
  • საქართველოს ბანკის მხარდაჭერით ახმეტაში უალკოჰოლო ლუდის მინი საწარმო აშენდასაქართველოს ბანკი ადგილობრივი ბიზნესების მხარდაჭერას განაგრძობს. სწორედ ამ მიზნით, ახმეტაში, კერძოდ სოფელ ომალოში, უალკოჰოლო ლუდის მინი საწარმო აშენდა. კომპანია დღიურად 100 ლიტრ ლუდს აწარმოებს და მის რეალიზაციას ძირითადად ადგილობრივ ბაზარზე  ახდენს.  სამომავლოდ საწარმო ხილის გადამუშავებას და ახალი ასორტიმენტის შეთავაზებას აპირებს მომხმარებლისთვის. ისეთის როგორიცაა, ვაშლის ლუდი, კუნელის ლუდი და ასე შემდეგ. ამ ეტაპზე განხორციელებული ინვესტიციის ჯამური მოცულობა 100 000 ლარია, აქედან შეღავათიანი აგრო კრედიტის ფარგლებში საქართველოს ბანკის თანამონაწილეობა 40 000 ლარს შეადგენს. კომპანია აქტიურ რეჟიმში აწარმოებს უალკოჰოლო ლუდს და პროდუქციას ყიდის თბილისში, რუსთავში, მარნეულში, თელავსა და გურჯაანში.  კომპანია გაყიდვების ზრდას და შესაბამისად, კიდევ უფრო მეტი ადამიანის დასაქმებას ელის. ამ ეტაპზე კომპანიაში 6 ადამიანია დასაქმებული. „საქართველოს ბანკი  ადგილობრივი ბიზნესის მხარდაჭერის მიზნით აქტიურად აგრძელებს  ახალი პროექტების წახალისებას. მოხარულები ვართ, რომ კიდევ ერთხელ მოგვეცა შესაძლებლობა შეგვეტანა წვლილი ადგილობრივი წარმოების, კერძოდ უალკოჰოლო ლუდის საწარმოს მშენებლობის განხორციელებაში. მიგვაჩნია, რომ მსგავსი პროექტები დაეხმარება რეგიონის ეკონომიკას და დადებით გავლენას მოახდენს ახალი სამუშაო ადგილების შექმნაზე. გვინდა წარმატებები ვუსურვოთ საწარმოს სამომავლო საქმიანობაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls