"ერთად დავძლიოთ ქალთა მიმართ ძალადობა საქართველოში" (R)

საზოგადოება

"ერთად დავძლიოთ ქალთა მიმართ ძალადობა საქართველოში" (R)

2018 ოქტ 24 12:39:19

არასამთავრობო ორგანიზაცია "ქალები რეგიონის განვითარებისთვის" ახორციელებს პროექტს "ერთად დავძლიოთ ქალთა მიმართ ძალადობა საქართველოში", რომელიც ოქტომბრის ბოლოს დასრულდება.

ორგანიზაციის ხელმძღვანელი ქეთევან ხიდაშელი ამბობს, რომ 2017 წელს გაეროს ბოლო კვლევა ჩატარდა ქალთა მიმართ ძალადობის კუთხით _ აღმოჩნდა, რომ გურია არის ყველაზე დაბალ ნიშნულზე მიმართვიანობის თვალსაზრისით. აქედან გამომდინარე, მიიჩნევა, რომ სადაც პოლიციის გამოძახება და მიმართვიანობა დაბალია, ყველაზე დიდი პრობლემები სწორედ იმ რეგიონშია. აქედან გამომდინარე, გაეროს ქალთა ორგანიზაციამ გამოაცხადა ქალთა მიმართ ძალადობის პრევენციისთვის პროექტების კონკურსი, საინფორმაციო კამპანიის მიმართულებით.

ქეთევან ხიდაშელი, "ქალები რეგიონის განვითარებისთვის": "ამ პროგრამაში მივიღეთ მონაწილეობა და დაგვიფინანსდა ორთვიანი პროექტი, რომლის ფარგლებშიც ყველა იმ ინსტიტუციასთან, რომელიც კანონმდებლობის თანახმად, ვალდებულია, ოჯახში ძალადობის შემთხვევებზე რეაგირება მოახდინოს, ცნობიერების ამაღლების მიმართულებით გვემუშავა. მანამდე, წელიწადნახევრის უკან, ჩვენც გვქონდა მცდელობა, რომ ზუსტად ის ინსტიტუციების ცნობიერება აგვემაღლებინა, რომლებსაც ევალებათ კონკრეტულ ქეისებზე მუშაობა.

შეხვედრები პროექტის გარეშე ჩავატარეთ ოზურგეთის დემოკრატიული ჩართულობის ცენტრში. ამ ინსტიტუციებს შორის კოორდინაცია რომ არ ხდება ხოლმე, ეს იწვევს დიდ პრობლემებს.

მაგალითად, როცა ჩვენ ვმუშაობთ რისკის ჯგუფის მქონე ქალებთან და ვცდილობთ მათ დარწმუნებას, რომ თავი დააღწიონ ამ მდგომარეობას. ეს ადამიანები არიან, ძირითადად, სოციალურად შეჭირვებულები. მატერიალური მდგომარეობა პირდაპირ კავშირში არ არის ოჯახში ძალადობასთან, მაგრამ მაინც, ძირითადად, ასეთ ოჯახებში იჩენს ხოლმე თავს ძალადობა.

ჩვენ ვმუშაობთ ქალებთან იმაზე, რომ როგორმე განაცხადონ ფაქტის შესახებ და დაიწყონ სამართლებრივი ბრძოლა. სოციალურ სააგენტოს როგორც კი მივმართავთ ხოლმე, ისინი ცდილობენ ოჯახის შენარჩუნებაზე იზრუნონ, რაც თავისთავად პრობლემაა.

ასეთი რამდენიმე ქეისი გვქონდა. მაშინ, შეხვედრაზე ოზურგეთის დემოკრატიული ჩართულობის ცენტრში, ვეცადეთ შეგვექმნა საკოორდინაციო საბჭო, რომელიც შედგებოდა ამ სფეროსთან დაკავშირებული ყველა უწყების წევრებისგან. თანხმობა წამოვიდა, მაგრამ რაც არაფორმალურია, ის სისტემა არ მუშაობს ხოლმე. კანონმდებლობით ეს ყველაფერი არის აბსოლუტურად გაწერილი.

ოჯახში ძალადობა, თავისთავად, მოიცავს ბავშვზე ძალადობის ასპექტებსაც. ამიტომ სოციალური სააგენტო უფრო ამ კუთხით არის ჩართული. იმ ოჯახში, სადაც ძალადობა ხდება, ბავშვიც ავტომატურად ძალადობის მსხვერპლი ხდება და ახალი კანონის მიხედვით, ბავშვს ძალადობის მსხვერპლის სტატუსიც ენიჭება.

ამ პროექტმა კი მოგვცა შესაძლებლიბა, რომ ამ ინსტიტუციებთან გვემუშავა, როგორც ერთობლივად, ასევე, ცალ-ცალკე.

პირველი შეხვედრა პოლიციასთან გვქონდა _ ტრენინგი ჩაატარა კანონმდებელმა გია გოგიბერიძემ. საკმაოდ ეფექტური ტრენინგი გამოდგა, რადგან კონკრეტული ქეისები იქნა განხილული. ახალი კანონმდებლობის მიხედვით, საჭიროც აღარ არის სასამართლოს გადაწყვეტილება დამცავი ორდერის გამოწერასთან დაკავშირებით. ახლა უკვე უბნის ინსპექტორს შეუძლია, საკუთარი შეფასების საფუძველზე, გამოსცეს ეს დოკუმენტი. ამასთან დაკავშირებით სამართალდამცავებს ჰქონდათ ბევრი კითხვა. მიუხედავად იმისა, რომ არა ერთი ტრენინგი გაიარეს, შინაგან საქმეთა სამინისტროს სისტემა ისეთი რგოლია, სადაც ყველაფერი ცენტრალიზებულია და აქაც კი, ოზურგეთში, თუ კონკრეტულ საკითხს რაიონული პოლიციის უფროსი არ გადაწყვეტს, რიგით პოლიციელს გადაწყვეტილების მიღების უფლება არ აქვს.

პრობლემა სწორედ ეს არის, რომ ამ ტიპის ტრენინგებს ეს გადაწყვეტილების მიმღები პირები არ ესწრებიან, ესწრებიან ის პოლიციელები, რომლებიც კონკრეტულ სიტუაციაში გადაწყვეტილებას ვერ მიიღებენ. ამიტომ ეს ვერ ცვლის სიტუაციას.

ამჯერად გვქონდა სამი უწყების გაერთიანებული ტრენინგი, მოწვეულები იყვნენ სამართალდამცავი სტრუქტურის, სოციალური მომსახურების სააგენტოსა და ადგილობრივი თვითმმართველობის წარმომადგენლები. თუმცა, გამოცდილებიდან გამომდინარე, უკვე ვხვდებით, რომ როცა სხვადასხვა ინსტიტუციას ერთად ვუტარებთ ტრენინგს, აუცილებლად იკეტებიან და პრობლემებზე არ საუბრობენ ხოლმე. ამიტომ ცალსახად ჯობს, თითოეულ ინსტიტუციას ტრენინგი ცალ-ცალკე ჩაუტარო. შესაბამისად, გადავწყვიტეთ პოლიციასთან ტრენინგი დამატებით, უკვე ცალკე ჩავატაროთ. პრობლემაა ისიც, რომ ამ სახის ტრენინგებზე სამართალდამცავი ორგანოდან მუდამ ერთს და იმავე ხალხს უშვებენ დასასწრებად _ მათგან ზოგი შეიძლება იყოს კანცელარიის თანამშრომელი ან წელიწადში ერთხელ მოუწიოს მსგავს დანაშაულთან შეხება.

უნდა აღინიშნოს, რომ გაერთიანებულ ტრენინგს თვითმმართველობის წარმომადგენლებიც არ ესწრებოდნენ. როცა ჩვენი ორგანიზაცია კონკრეტულ პროექტს წერს, ვწერთ იმიტომ, რომ გარკვეული პრობლემების მოგვარებაზე ვიმუშაოთ და როცა ამდენი რესურსი იხარჯება, ძალიან გვინდა, ამან გარკვეული შედეგი გამოიღოს.

ამას ვერ ვიტყვით სოციალური მომსახურების სააგენტოზე, სადაც ტრენინგმა ძალიან შედეგიანად ჩაიარა. ტრენერები გვყავდა თავად ამ სისტემიდან, ჯანდაცვის სამინისტროდან _ ესე ცხაკაია და მარი წერეთელი. აშკარა იყო, რომ ტრენინგის მონაწილეებს გაცილებით ადეკვატური და პასუხისმგებლიანი დამოკიდებულება ჰქონდათ, რადგან კონკრეტულად მათი სისტემიდან, მათი უფროსები იყვნენ ჩამოსულები. ხოლო როცა არასამთავრობო სექტორს ჩამოყავს ექსპერტები, მათ არასერიოზულად ეკიდებიან.

ასევე, პრობლემაა მოძალადეების სარეაბილიტაციო პროგრამების არარსებობა. ეს არის სახელმწიფო ვალდებულება. ოჯახში ძალადობაზე კანონი ჩვენ 2006 წელს მივიღეთ, სადაც ჩაიწერა, რომ ის საკითხები, რაც კანონმდებლობით არ განისაზღვრება, დელეგირებით მიეცეს თვითმმართველობებს, რათა ამ პრობლემის გადაწყვეტა ადგილზე განახორციელონ. ამ საკითხებში შედიოდა მოძალადეთა სარეაბილიტაციო პროგრამები. თუმცა, ეს პროგრამა დღემდე არ ამუშავებულა.

ამავე პროექტის ფარგლებში გვქონდა სკოლებში, პედაგოგებთან და მოსწავლეებთან ტრენინგები. ახლა დაგვრჩა ერთი სამიზნე ჯგუფი _ მერის წარმომადგენლები სოფლებში, რომლებიც, როგორც წესი, ტრენინგებზე არ მოდიან, ან თუ მოვლენ, აქვთ აშკარად საწინააღმდეგო დამოკიდებულებები.

ჩვენ ვფიქრობთ, რომ ამ პროექტის დასრულების შემდეგ, აუცილებლად სხვადასხვა ინსტიტუციების ჩართულობით ერთიანი სამოქმედო გეგმა დავსახოთ.

ჩვენს ქვეყანაში სისტემები, სამწუხაროდ, ჯერ კარგად არ მუშაობს და თუ პრევენციაზე გავაკეთებთ აქცენტს, ბევრად უკეთესი იქნება, რადგან ხანდახან მოძალადემაც არ იცის, რომ ძალადობს და რასაც აკეთებს, ეს ძალადობაა. ამაზე უნდა ვიმუშაოთ ყველამ ერთად, ხელისუფლებამ, არასამთავრობო სექტორმა, მედიამ და ა. შ.

ყველაზე მნიშვნელოვანი ეტაპი მსხვერპლი ქალის შემთხვევაში არის აღიარება _ ძალადობის ფაქტის აღიარება და იმის თქმა, რომ თავად მსხვერპლია. როცა ქალი ამ უხერხულობას გადალახავს და ამას აღიარებს, მერე უკვე ბრძოლაც უადვილდება".

 

"სწავლის, მუშაობის და ადამიანებთან ურთიერთობის უფლება, ფაქტობრივად, ჩამორთმეული მქონდა"

ოჯახში ძალადობის მსხვერპლი ქალები ჩვენ ირგვლივ მრავლად არიან. ბევრი მათგანი ვერ აღიარებს, რომ ოჯახის წევრების მხრიდან ძალადობას განიცდის, ზოგს საზოგადოების რეაქციის ეშინია და საყოველთაო წნეხში მოხვედრას, ამჯობინებს მძიმე ვითარებას შეეგუოს და ბედს დანებდეს. თუმცა, არიან ქალები, რომლებიც ზოგჯერ საკუთარი ძლიერი ხასიათის, ხშირ შემთხვევაში კი, ქალთა ორგანიზაციების თანადგომით ახერხებენ და ძალადობრივ ურთიერთობებს თავს აღწევენ. მათთვის მომდევნო გამოწვევა დამოუკიდებლად ცხოვრება და საზოგადოებაში თავის დამკვიდრებაა.

მოძალადე ქმარს დააღწია თავი ჩვენმა რესპონდენტმაც, რომელიც იმ გოგონების კატეგორიას მიეკუთვნება, რომლებიც ადრეულ ასაკში და უმეტესწილად წარუმატებლად ქორწინდებიან:

"ბედის ირონიით, მას პათოლოგიური სიმთვრალე აღმოაჩნდა, ორი წლით იყო ჩემზე უფროსი, მაგრამ ხშირად სვამდა და მერე სახლში ყველაფერს ამტვრევდა, მცემდა და მონასავით მექცეოდა. გათხოვების მეორე დღესვე მთვრალი დაჯდა საჭესთან და მანქანა დაამტვრია. ამის გამო, ისეთი სკანდალი მოაწყო, ვერ იფიქრებდი, რომ ჯანსაღი ფსიქიკის პატრონი იყო. ტირილი დავიწყე, ეს სად მოვხვდი,-მეთქი, მაგრამ უკვე გვიან იყო. 5 წელი ვიცხოვრე მასთან ერთად და უკვე ოთხი თვეა დავშორდით. სამი წლის გოგონა მყავს და მასთან ერთად ნაქირავებ ბინაში ვცხოვრობ.

მამამისი ჩუმი კაცი იყო, ეზოში მუშაობდა და არავის საქმეში არ ერეოდა. ბაბუა უკვე მოხუცი იყო, დედამთილმა კი ჩვენთან სამი წელი იცხოვრა, მერე კი საბერძნეთში წავიდა, თუმცა, ეს სამი წელი ჯოჯოხეთად მიქცია. თუკი რამეზე გამიბრაზდებოდა, თავის ნაჩუქარ ტანსაცმელს წამართმევდა და დამალავდა, ამის გამო რამდენჯერ ზამთარში შორტებით მივლია. ჩემი ქმარი ხასიათით მას ჰგავდა, ორივეს სურდა, რომ ყველას მათ ჭკუაზე გაევლო.

ჩემი ბავშვობის ოცნება იყო სტილისტი ვყოფილიყავი, გარდა ოცნებისა, მინდოდა სწავლა გამეგრძელებინა, რაღაც პროფესია რომ მქონოდა. ამიტომ ოზურგეთის პროფესიულ კოლეჯში ჩუმად დავრეგისტრირდი. რა თქმა უნდა, იქაც არ გამიშვა და ეს ინიციატივაც დიდი კონფლიქტით დასრულდა. არადა, უკვე ოთხ კედელში ცხოვრება აუტანელი იყო. სწავლის, მუშაობის და ადამიანებთან ურთიერთობის უფლება, ფაქტიურად, ჩამორთმეული მქონდა.

მცირე პერიოდით, ქმრისგან, როგორც იქნა, მაღაზიაში მუშაობის ნებართვა მივიღე და მუშაობა დავიწყე. პირველივე დღეს, როცა სამსახურიდან სახლში დავბრუნდი, მკითხა, აი, ხომ დაიწყე მუშაობა, საჭმელი რატომ არ მოიტანეო. არადა ხელფასი ძალიან მცირე, 180 ლარი მქონდა და ისიც ჩვენი შვილისთვის მინდოდა. ბავშვს ყველაფერი აკლდა და ყოველთვის მეზობლის ბავშვების ეხარბებოდა. ამის ყურება არ შემეძლო, ამიტომაც დავიწყე მუშაობა. ვიფიქრე, რომ ამ მცირე ხელფასით შვილისთვის ელემენტარულს მაინც გავაკეთებდი. იმის გამო, რომ ოჯახს და მეზობლებს არ ეთქვათ, მუშაობა დაიწყო და ოჯახი მიატოვაო, ყოველ ღამით, 3 და 4 საათზე ვწვებოდი, რომ დილისთვის ბავშვი მომზადებული დამეტოვებინა, სახლი დალაგებული მქონოდა და სადილიც წინასწარ გამემზადებინა. ჩემი ქმარი მაინც მეჩხუბებოდა, არა მხოლოდ ჩემი მიზეზით _ სხვებზეც რომ გაბრაზდებოდა, აგრესია, საბოლოოდ, ჩემზე გადმოჰქონდა.

გადაწყვეტილება რამდენჯერმე მივიღე, მაგრამ ვერ შევასრულე. ჩემი გათხოვილი მულებიც უწყობდნენ ხელს ჩვენს დაშორებას. მახსოვს, მამა რომ გარდაიცვალა და დაკრძალვაზე მოვიდნენ, ერთ-ერთმა დამ მითხრა, ახლა შენ და ჩემი ძმა რომ დაშორდებით, შენი სახლის წილი ჩემს ძმასაც ერგებაო. გამიკვირდა _ რა იცი, რომ დავშორდებით, იქნებ, შეძლოთ ოჯახის შენარჩუნება,-მეთქი. მათ თავიდანვე არ მოვწონდი _ როცა მათმა ძმამ ცოლად შემირთო, თავიდანვე არ იყვნენ ამ გადაწყვეტილების მომხრეები. საბოლოოდ, ქალთა ორგანიზაციის წყალობით გავრისკე და ჩემი ქმრისგან წამოვედი. ბებიაჩემი გვერდით ცხოვრობდა და მასთან გადავედი საცხოვრებლად. მერე კი ბინა ვიქირავეთ მე და დედამ და აქ დავიწყეთ ცხოვრება. ბინის ქირის გადახდაში გვეხმარებიან და ასე ვცდილობთ თავის გატანას, სანამ მე მუშაობას შევძლებ.

ძალიან რთულია ასე ცხოვრება ოჯახშიც, გარეთაც, საზოგადოებაშიც. კაცები საქართველოში გაცილებით მარტივად ცხოვრობენ, ჩვენ კი უამრავი დაბრკოლების, გამოწვევის და სტერეოტიპების წინაშე აღმოვჩნდებით ხოლმე, სულ ბრძოლა გვიწევს. ქეთევან ხიდაშელის ორგანიზაცია რომ არა, არ ვიცი, რა მეშველებოდა. ძალადობის მსხვერპლის სტატუსის მიღებაშიც დამეხმარა და ყველანაირად ცდილობს, ყურადღება მომაქციოს. ამიტომ მაქვს იმედი, რომ ასეთი ადამიანების თანადგომით, მეც გავძლიერდები და დამოუკიდებელ ცხოვრებას და შვილზე ზრუნვას თავს წარმატებით გავართმევ."


სტატიაში გამოთქმული მოსაზრებები არ წარმოადგენს ევროკავშირის და გაეროს ქალთა ორგანიზაციის ოფიციალურ პოზიციას. მის შინაარსზე პასუხისმგებელია პროექტის ავტორები.

(R)




 ახალი ამბები
  • ბახმარო თანამედროვე მუსიკალურო ფესტივალის სამზადისში _ ის, რაც არ უნდა გამოტოვოთSunset Fest Bakhmaro 2019-ის მზადება აქტიურად მიმდინარეობს. უკვე მოწყობილია კარვების ქალაქი, მოსასვენებელი კუთხეები, კაფე-ბარები. ამ წუთებში, ზღვის დონიდან 2050 მეტრზე საკონცერტო სცენის აწყობა მიმდინარეობს. ბახმაროში, ხვალ, 19 აგვისტოს ბევრი სიურპრიზი და დიდი მხიარულება გელით. ტრადიციული დოღის დასრულების შემდეგ, 17 საათზე, მზის ჩასავალი გორის მიმდებარედ (ასასვლელი ვერტოდრომიდან) თანამედროვე მუსიკის ფესტივალი გელოდებათ არაჩვეულებრივი შემსრულებლებით _ Bedford Falls, LOUD speakers, Kordz & Dro, Pitter J, Anushka Chkheidze, Lua და Kraumur თქვენს შესანიშნავ განწყობაზე დილამდე იზრუნებენ. შეაგროვე მთელი წლის სამყოფი ენერგია და მოგონებები. სუფთა ჰაერი, ნისლი, წიწვოვანი ტყე, კოცონები, ვარსკვლავებიანი ცა, კარვების ქალაქი, კარგი მუსიკა, ზაფხულის მზესთან დამშვიდობება _ ეწვიეთ 19 აგვისტოს ბახმაროს! არ გამოტოვოთ დიდი მხიარულება. ფესტივალი „ჩექინ ჯორჯიას“ ფარგლებში იმართება და მისი თანადამფინანსებელია საქართველოს განათლების, კულტურის, სპორტისა და მეცნიერების სამინისტრო. გენერალური სპონსორია „წყალი მარგებელი“. სპონსორები და მხარდამჭერები არიან: „ზედაზენი“; “New Road”; „ორბი ჯგუფი“; „ვასაძის პური“; „სანდომი“; „თქვენი მარკეტი“ ასკანგელი“, ‘გზამშენი 18“, „ლიდერფუდი“, „ბითი ჩერითი ჯგუფი“, „ბახმარო ჰოტელი“; ჩოხატაურის მუნიციპალიტეტის მერია; ლანჩხუთის მუნიციპალიტეტის მერია; „ენერგო პრო ჯორჯია“; საგანგებო სიტუაციების მართვის სამსახური; საგანგებო სიტუაციების კოორდინაციისა და გადაუდებელი დახმარების ცენტრი; ფესტივალის მედია პარტნიორი და საინფორმაციო მხარდამჭერია ... ...
  • „ნაბეღლავი“, „ბახმარო“, „გალფი“ _ ბახმაროში ტრადიციული დოღის სამზადისიახვალ, ბახმაროში, ფერისცვალების დღესასწაულზე ასულ სტუმრებს ბევრი სიურპრიზი ელით. მზადება უკვე დაწყებულია. ტრადიციულ დოღს,  რომელიც მეორე წელია,  ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება, წელს ბევრი სიახლე ახლავს _ „ბახმაროს თასი 2019“ ღონისძიებისათვის კომპანია „წყალი მარგებელმა“ ახალი სპონსორები მოიძია, რის გამოც საპრიზო ფონდი გაზრდილია. _ წინა წელს დავიწყეთ ეს ღონისძიება ამ მასშტაბით და მაშინ დავპირდით  პირველ რიგში გურულებს და მთელ საქართველოს, რომ ბევრად დიდი მასშტაბი იქნებოდა წელს, რაც ვფიქრობ, რომ შევძელით.  ჩვენი გეგმა, რომ 10 წლის მანძილზე ბახმარო გავხადოთ არამარტო გურიის, არამედ მთელი საქართველოს სავიზიტო ბარათი.  დღეს ვნახე და ძალიან გამიხარდა, რომ დოღში მონაწილეთა რაოდენობა გაზრდილია _ მონაწილეები დაგვემატნენ ბათუმიდან, პანკისიდან,  რაც მისასალმებელია. ასევე, სასიხარული და მნიშვნელოვანია, რომ გაიზარდა ბიზნესის ჩართულობაც _  “საქართველოს ბანკის“ შემდეგ, დაგვემატა „გალფი“, „გლოვო“, „კროკო ბეთი“. ჩვენ ვართ ამ ქვეყნის ნაწილი და მთავარი ნაწილი შეიძლება ითქვას . ჩვენთვის ძალიან მნიშვნელოვანია ვიყოთ სახე ქვეყნის და ყველაფერი გავაკეთოთ ჩვენი ქვეყნისთვის, _ ამბობს კომპანია “წყალი მარგებლის“ დამფუძნებელი მიხო სვიმონიშვილი. სვიმონიშვილი იმედოვნებს, რომ წელს, ბახმაროს დოღს შარშანდელზე მეტი ადამიანი დაესწრება: _  წინა წელს 27 000 ათასი ადამიანი დაესწრო დოღს და ამდენი გაღიმებული ადამიანის ერთად ნახვა ბედნიერებაა. იმედი მაქვს, წელს, ეს რიცხვი მეტი იქნება, _ აღნიშნა სვიმონიშვილმა. კომპანია „გალფის“ ვიცე პრეზიდენტის ნინო ჯიბლაძის თქმით, „გალფისთვის მნიშვნელოვანია ჯანსაღი ცხოვრების წესი და ეკოლოგიურად პასუხისმგებელობიანი აქტივობების მხარდაჭერა“: _  წელს პირველად დავუჭირეთ მხარი ბახმაროს დოღს და მოხარულები ვართ, რომ გარდა საპრიზო ფონდში თანამონაწილეობისა, საჩუქრებს და პრიზებს დავაწესებთ ოთხივე გარბენის გამარჯვებულისათვის, _ თქვა ნინო ჯიბლაძემ. ერთი სიტყვით, „ნაბეღლავი“, წყაროს წყალი „ბახმარო“, მათი გენერალური მხარდამჭერი „საქართველოს ბანკი“ და ღონისძიების სპონსორები _ „გალფი, გლოვო და კროკო-ბეთი ხვალ, 19 აგვისტოს, ბახმაროში კარგ სანახაობას გპირდებიან. ზღვის დონიდან 2050 მეტრზე გამართული დოღი ასეთი იქნება: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულა გარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარი I ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი; I ადგილი 1000 ლარი; II ადგილი 500 ლარი; III ადგილი 300 ... ...
  • გადაიწევს თუ არა აბიტურიენტთა ჩარიცხვების ვადების გამოცხადებააბიტურიენტები სახელმწიფოს მიერ 2019 წელს სრულად დაფინანსებული საგანმანათლებლო პროგრამების ე.წ. უფასო ფაკულტეტების სიას ელოდებიან, რომელიც, ჯერჯერობით, არ ჩანს. განათლების, მეცნიერების, კულტურის და სპორტის სამინისტროში edu.aris.ge-ს განუმარტეს, რომ დოკუმენტს ახლო მომავალში გამოაქვეყნებენ და ვადებში ეტევიან. თუმცა, ფაქტია, რომ  აბიტურიენტებს საგანმანათლებლო პროგრამებში ცვლილებების შესატანად ცოტა დრო რჩებათ. საგულისხმოა, ისიც რომ გასულ წლებში უფასო ფაკულტეტების ჩამონათვალი აგვისტოს დასაწყისში უკვე გამოქვეყნებული იყო, მაგალითად: 2016 წელს სახელმწიფოს მიერ სრულად დაფინანსებული საგანმანათლებლო პროგრამების სია გამოქვეყნდა 28 ივლისს, 2017 წელს – 2 აგვისტოს, 2018 წელს – 6 აგვისტოს. უკავშირდება თუ არა სიის გამოქვეყნების დაგვიანება სამინისტროს მიერ უფასო ფაკულტეტების დაფინანსების წესში შესატან ცვლილებებს, ამ ეტაპზე უცნობია. შეგახსენებთ, რომ სამინისტრო პირველ ეტაპზე, 2019 წლისთვის უფასო ფაკულტეტების დაფინანსების მოდელში ცვლილებების შეტანას აპირებდა, მოგვიანებით კი მინისტრი მიხეილ ბატიაშვილი მის საერთოდ გაუქმებაზე ალაპარაკდა, რაც შემდეგ 2020 წლისთვის გადადო. ცნობისთვის! – აბიტურიენტებს უფასო ფაკულტეტების არჩევის ვადა, აპელაციის შედეგების გამოქვეყნებიდან შემდეგი დღის 18:00 საათამდე აქვთ. “ნაეკის” ინფორმაციით, აპელაციის შედეგების გამოქვეყნება, სავარუდოდ, მომავალი კვირის ბოლოს დასრულდება. სამინისტროში კი აცხადებენ, რომ ფაკულტეტების სია, ამ პერიოდისთვის გამოქვეყნებული ... ...
  • საქართველოს საგარეო უწყება საერთაშორისო თანამეგობრობას მიმართავსმივმართავთ საერთაშორისო თანამეგობრობას, ქმედითი ზომები მიიღოს საოკუპაციო ძალების უკანონო მოქმედებების შესაჩერებლად, – ამის შესახებ საქართველოს საგარეო საქმეთა სამინისტროს სპიკერმა, ვლადიმერ კონსტანტინიდმა საოკუპაციო ხაზიდან საქართველოს შვიდი მოქალაქის გატაცებასთან დაკავშირებით საუბრისას განაცხადა. მისი თქმით, საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში. „შეშფოთებას გამოვთქვამთ საოკუპაციო ძალების მიერ შიდა ქართლში საოკუპაციო ხაზის მიმდებარე ტერიტორიიდან შვიდი ადგილობრივი მცხოვრების გატაცების გამო. იმ პირობებში, როცა ბოლო დღეებში განსაკუთრებულად დაძაბულია მდგომარეობა სოფელ გუგუტიანთკარში ხელოვნური ბარიერების აღმართვის გამო, საოკუპაციო ძალების მიერ საქართველოს მოქალაქეების გატაცებისა და უკანონო დაკავებების პრაქტიკის გაგრძელება წარმოადგენს ქვეყანაში ვითარების დესტაბილიზაციის აშკარა მცდელობას. საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში“, – აცხადებს საგარეო საქმეთა სამინისტროს სპიკერი. ვლადიმერ კონსტანტინიდის თქმით, გააქტიურებულია ცხელი ხაზი; საქმის კურსში არიან ჟენევის საერთაშორისო მოლაპარაკებების თანათავმჯდომარეები, პროცესში ჩართულია ევროკავშირის სადამკვირვებლო მისია. „ჩვენ დაუყოვნებლივ გავააქტიურეთ ცხელი ხაზი; უკვე დავუკავშირდით ჟენევის საერთაშორისო მოლაპარაკებების თანათავმჯდომარეებს; პროცესში ჩართულია ევროკავშირის სადამკვირვებლო მისია. მოვუწოდებთ რუსეთის ფედერაციას, დაუყოვნებლივ შეწყვიტოს უკანონო ქმედებები საოკუპაციო ხაზზე და პატივი სცეს ნაკისრ საერთაშორისო ვალდებულებებს. მოვუწოდებთ რუსეთის ფედერაციას, რომ დაიწყოს 2008 წლის 12 აგვისტოს ცეცხლის შეწყვეტის შეთანხმების უპირობო შესრულება, რადგან საქართველოს ტერიტორიიდან ჯარების გაყვანა არის ადგილზე მდგრადი მშვიდობისა და უსაფრთხოების დამყარების ერთადერთი გზა. მივმართავთ ასევე საერთაშორისო თანამეგობრობას, რომ ქმედითი ზომები მიიღოს საოკუპაციო ძალების უკანონო მოქმედებების შესაჩერებლად“, – განაცხადა ვლადიმერ კონსტანტინიდმა. საოკუპაციო ხაზთან რუსმა სამხედროებმა საქართველოს შვიდი მოქალაქე დააკავეს. დაკავებულები სოფელ ახალუბნის მცხოვრებლები არიან. არსებული ინფორმაციით, მოქალაქეები წმინდა გიორგის სახელობის ეკლესიაში იყვნენ წასული, რომელიც საოკუპაციო ხაზთან ... ...
  • რუსმა სამხედროებმა სოფელ არცევთან საქართველოს კიდევ ერთი მოქალაქე დააკავესრუსმა სამხედროებმა საოკუპაციო ხაზთან, ოკუპირებული სოფელ არცევის მიმდებარე ტერიტორიიდან საქართველოს კიდევ ერთი მოქალაქე, სოფელ დიდი მეჯვრისხევის მკვიდრი დააკავეს. ამის შესახებ საქართველოს პირველ არხს სახელმწიფო უსაფრთხოების სამსახურში განუცხადეს. სუს-ის ინფორმაციით, დაკავებული ცხინვალის იზოლატორშია გადაყვანილი. საქართველოს მოქალაქეს ე.წ. საზღვრის უკანონო კვეთას ედავებიან. სუს-ის ცნობით, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია. სახელმწიფო უსაფრთხოების სამსახურის ინფორმაციით, რუსი სამხედროების მიერ დაკავებული საქართველოს შვიდი მოქალაქე ცხინვალის იზოლატორში იმყოფება და ე.წ. სასამართლო პროცესს ელოდება. საოკუპაციო რეჟიმის წარმომადგენლები მათ ე.წ. საზღვრის უკანონო გადაკვეთაში სდებენ ბრალს. ე.წ. სასამართლო პროცესი, სავარაუდოდ, ხვალ ჩაინიშნება. სუს-ის ინფორმაციით, ცხელი ხაზის რამდენჯერმე გააქტიურების შემდეგ, გვიან ღამით შედგა დე-ფაქტოცხინვალის წარმომადგენლობასთან კომუნიკაცია, რომლებმაც დაადასტურეს საქართველოს შვიდი მოქალაქის ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...