,,განათლების სისტემაში, უფრო მეტად კი სათავეში, ძალიან ბევრი ტიტე ნატუტარი გვყავს“ _ ზინა გაბიჩვაძე

საზოგადოება

,,განათლების სისტემაში, უფრო მეტად კი სათავეში, ძალიან ბევრი ტიტე ნატუტარი გვყავს“ _ ზინა გაბიჩვაძე

25 მარ. 2018, 09:50:20

დღეს საგანმანათლებლო  სისტემაში უამრავი ხარვეზი არსებობს. სკოლა და უნივერსიტეტი ვერ ახერხებს ახალგაზრდა სათანადო ცოდნით აღჭურვოს და ხშირ შემთხვევაში, უნივერსიტეტში მიღებული განათლება შრომით ბაზართან არსებულ სტანდარტებს ვერ პასუხობს, შესაბამისად, საქართველოში საკუთარი პროფესიით მომუშავე ახალგაზრდების რაოდენობა  საკმაოდ დაბალია. რა გამოწვევის წინაშე დგას განათლების სისტემა  და როგორ უნდა  შემცირეს ახალგაზრდებს შორის ბულინგის პრობლემა? _განათლების სისტამაში არსებულ გამოწვევებზე და ახალ საგანმანათლებლო რეფორმებზე  ,,გურია ნიუსი“ ფილოლოგ ზინა გაბიჩვაძეს ესაუბრა.

_ პარლამენტში განათლებისა და მეცნიერების სამინისტროს მიერ ინიცირებულია კანონპროექტი, რომლის მიხედვით, ბაკალავრის პროგრამის რამდენიმე მიმართულებაზე სწავლის ხანგრძლივობა 4- დან 3 წლამდე, მაგისტრატურის კი _ 1 წლამდე მცირდება. როგორ აფასებთ საკონონდებლო ინიციატივას?

_ ამ გადაწყვეტილებას აქვს, როგორც პოზიტიური, ისე ნეგატიური მხარეც, მაგრამ სანამ კანონი არ დაიწერება, სანამ არ გვეცოდინება, რომელ პროგრამებზეა საუბარი, მანამდე კონკრეტული საუბარი რთულია და არასერიოზულიც.

ვფიქრობ, ერთ-ერთი მიზეზი, რისთვისაც ეს კანონი იქმნება, უმაღლესი სასწავლებლების ზედმეტად გაბერილი რაოდენობაა. სავარაუდოდ, სურთ ბევრი „უმაღლესი სასწავლებლისგან“ გათავისუფლება, რადგან ყველა უნივერსიტეტი ამის გაკეთებას ვერ შეძლებს და, თავისთავად, განთლების ორბიტიდან უნდა გაქრეს, მაგრამ გაქრება?

ასეთი რადიკალური ცვლილების გახორციელებისას აუცილებელია კონკრეტული პროგრამების სპეციალისტებთან კონსულტაციები. ოღონდ არა ისე, „ცისფერ მთებში“ ვაჟა ზაზაევიჩი რომ მოითხოვს სოსოსაგან ალაგ-ალაგ წამიკითხე ძირითადი მომენტებიო, საჭიროა, შერჩეული პროგრამების ხელმძღვანელები, პროფესორ-მასწავლებლები აქტიურად იყვნენ ჩართულნი კანონის განხილვაში.

ისე, მაინც მგონია, განათლებისა და მეცნიერების სამინისტრო მატარებელს ჰგავს, რომელიც თავისივე სურვილით ვაგონების გარეშე რჩება და დეპოში შედის, ოღონდ იქ უკვე აღარავინ ეყოლება, რომ უთხრას _ „დეპოში ხარ!“

_ შინაგან საქმეთა სამინისტროს და განათლებისა და მეცნიერების სამინისტროს ინიციატივით, სკოლებში დანაშაულის შესამცირებლად მანდატურს უფლებამოსილებები უფართოვდება. როგორ ფიქრობთ,  უფლებამოსილების გაზრდა იქონიებს გავლენას ახალგაზრდებს შორის მომხდარ დანაშაულთა შემცირებაზე?

_ ახლა თქვენ დაგისვამთ კითხვას _  ქვეყანაში არსებობს შინაგან საქმეთა სამინისტრო, პოლიციის განყოფილებები, გვყავს ათასობით პოლიციელი _  მინიჭებული და მიუნიჭებელი უფლებებით და მაინტერესებს, დანაშაული არ ხდება?

მანდატურთა რაოდენობისა და უფლებამოსილების გაზრდა კი არ შეამცირებს სკოლაში დანაშაულს, არამედ _ საზოგადოების მენტალური ცვლილება. დანაშაული, უმეტესწილად, სკოლის გარეთ ხდება, სადაც მანდატური არ არის. სანამ დანაშაულის დაფარვა კარგ ტონად და ვაჟკაცობად ჩაითვლება, არც მანდატურთა რაოდენობის და არც მათი უფლებამოსილების გაზრდა ვერ შეამცირებს დანაშაულს სკოლის მოსწავლეებში.

_ ქალბატონო ზინა, დღეს მოზარდებში ერთმანეთის ჩაგვრა ურთიერთობის ჩამოყალიბების ფორმად არის ქცეული.  როგორ ფიქრობთ, რა გადაჭრის ახალგაზრდებში  ბულინგის პრობლემას?

_ თავს ნუ მოვიტყუებთ, ძალადობა, ჩაგვრა ყოველთვის იყო, არის და იქნება მანამ, სანამ ჩვენ მართლა არ მოვინდომებთ, რომ მისგან გავთავისუფლდეთ. სანამ ჩვენ, უფროსები, არ გავაცნობიერებთ, რომ ძალადობა საშინელებაა, მხოლოდ სიტყვებით, აქციებით, ხშირ შემთხვევაში, „ნიანგის ცრემლებით“ ვერ დავამარცხებთ მას. უმეტეს შემთხვევაში, ძალადობა ოჯახიდან მოდის. საშინელებაა, როდესაც ბავშვი ხდება ძალადობის თვითმხილველი და უფრო საშინელებაა, როდესც თავადაა მსხვერპლი, მოძალადე კი შეიძლება იყოს დედა ან მამა, ბებია ან ბაბუა.

გუშინ ტრანსპორტში დედა შვილს ეუბნებოდა _ კარგად დაიმახსოვრე, სადაც არ უნდა ვიყოთ, რასაც გეტყვი, ზუსტად ისე გააკეთებ, თორემ სასტიკად დაისჯებიო და მერე რამდენჯერმე ძალიან მკაცრად გაუმეორა _ „ გაიგე, რასაც გეუბნები?!“ და შვილმა, დაახლოებით, 5-6 წლის სიფრიფანა გოგონამ, დიახო უპასუხა. ჩემთვის ნაკლებად საინტერესოა, რის გამო იყო გაბრაზებული დედა და რატომ დაემუქრა ბავშვს ასე. ბავშვს, რომელიც, სახლში მისული, თოჯინებს დასჯის მკაცრად, მერე პატარა ძმას ან დას, მერე მასზე სუსტ ბავშვს და ასე შემდეგ...

განა, ამ ქალბატონს შვილი არ უყვარდა, დარწმუნებული ვარ, ძალიან უყვარს და ვერავინ ასწავლის შვილის სიყვარულს, ვერც ვერავინ დაარწმუნებს (მე ვერ შევძელი), რომ იმ დროს ის მოძალადე იყო და ძალმომრეობის მცირე მარცვალი ჩააგდო პატარაში, რომელიც ან მოახერხებს მის ჩაკვლას, ან ვერა...

ძალადობა ყველა ჩვენგანში იყო ან კიდევ არის, ოღონდ სხვადასხვა ფორმითა და შინაარსით ვლინდება და თუ მართლა გვინდა „დავამარცხოთ“, საჭიროა, უფრო მეტი ვილაპარაკოთ ამაზე, ვუთხრათ და გავაგებინოთ მოზარდებს, რომ ილაპარაკონ, „იყვირონ“ და არ შეეშინდეთ, რომ დასცინებენ თუ მსხვერპლია და არც იმის შეეშინდეთ, რომ გაკიცხავენ და გარიყავენ თუ მოძალადეა და აღარ უნდა ასე ცხოვრება. გავაგებინოთ, რომ ყველაზე დიდი ძალა მათშია და რომ ისინი თავად მართავენ თავიანთ ცხოვრებას და რომ სიყვარულის, ურთიერთპატივისცემის, თანასწორობის გარეშე ამ ქვეყნად ყველაფერი აზრს კარგავს.

_ სახლემწიფო ენის დეპარტამენტის ხელმძღვანელის გიორგი ალიბეგაშვილის განცხადებით, ჟურნალისტებს ერთთვიანი წრთვნა უნდა ჩაუტარდეთ, რათა მათ სწორად მეტყველება შეძლონ. როგორ აფასებთ ინიცატივას და როგორ ფიქრობთ, პრობლემა რაში მდგომარეობს _ ჟურნალისტები არასწორად რომ ეუფლებიან საკუთარ პროფესიას თუ ჟურნალისტებად სხვა პროფესიის ადამიანები რომ მუშაობენ?

_ ამ სპეციალობაზე სწავლა სამწლიანი რომ გახდება, მერე კი ერთწლიან „ტრენინგებს“ ჩავუტარებთ,  აი, მაშინ ეშველებათ. ახალ სერიოზულად, ჟურნალისტებმა, და არა მარტო მათ, უნდა იცოდნენ, რომ ენა ცოცხალი ორგანიზმია. ის იზრდება, ვითარდება და იცვლება. ამიტომაც, მას სჭირდება მოფრთხილება. ენას ბარბარიზმი იმდენად ვერ გაანადგურებს, რამდენადაც სტრუქტურული ცვლილებები. ერთი შეხედვით, ეს ძნელად შესამჩნევი მოვლენა ქართული ენისათვის ძალზე საშიში მტერია. რა მოხდება, რომ თქვან _ მოხდა და არა ადგილი ჰქონდა, შეხვედრა გაიმართა და არა შედგა. ხომ შეიძლება დაიმახსოვრონ, რომ დროს მანძილი, უბრალოდ, არ გააჩნია და თქვან _ არა სამი დღის მანძილზე, არამედ სამი დღის განმავლობაში... უამრავი ასეთი შეცდომა გვხვდება მედიასივრცეში.

ჟურნალისტებს არ ჰყოფნით კვალიფიკაცია, რომ ტექსტი გამართული ქართულით გადმოსცენ, მიზეზი კი ლექსიკის ნაკლებობაა. თანამედროვე ქართული მედიის ენა არაბუნებრივი, გაუმართავი და ღარიბია. ვეღარ ვითარდება, რადგან დღეს სტატიის,ინფორმაციის, რეპორტაჟის ენა ერთგვაროვანი და აღრეულია.

ყველაფრის მიზეზი?

დავიწყოთ იმით, რომ საჯარო სკოლებში თითქმის აღარ ისწავლება გრამატიკა ან ბავშვებს ძალიან დაბალი დონის განათლებას აძლევენ. პრაქტიკულად, სკოლადამთავრებულთა დიდი ნაწილის გრამატიკის ცოდნის დონე აშკარად არადამაკმაყოფილებელია. უნივერსიტეტებს ამის გარკვეული კომპენსირება უწევთ და ეს წარმატებით ყოველთვის ვერ ხერხდება. როდესაც პირველკურსელმა სტუდენტმა არ იცის, რამდენი ბრუნვა გვაქვს ქართულში, რთულია მას სინტაქსურ კონსტრუქციებზე ესაუბრო. ყველა უნივერსიტეტში არ ისწავლება ან მხოლოდ ერთი სემესტრი გადიან ქართულ ენას, რაც, როგორც ვხედავთ, არ არის საკმარისი. გრამატიკული წესების უცოდინარობა პრობლემის მხოლოდ ერთი ნაწილია, მაპატიეთ, ამას რომ ვამბობ, მაგრამ გულსატკენია ჩვენი მედიის დაბალი დონის პროფესიონალიზმი. თუ არ იცი, სირცხვილი არ არის, ვინმეს ჰკითხო ან, უბრალოდ, ჩაიხედო ჟურნალისტის ორთოგრაფიულ-სტილისტიკური ლექსიკონში, რომელიც, ვფიქრობ, ნებისმიერი მათგანის სამაგიდო წიგნი უნდა იყოს.

ნუ შერცხვებათ ამ ლექსიკონში ჩახედვა!

ჟურნალისტი ყველაზე მეტად და ყურადღებით უნდა დაუკვირდეს თავის მშობლიურ ენას, რადგან მას ათასობით მკითხველი და მაყურებელი ჰყავს.

_ როგორ აფასებთ განათლებისა და მეცნიერების ახალი  მინისტრის მიხეილ ჩხენკელისაგანმანათლებლო ხედვებს და, საერთო ჯამში, მის მიერ გატარებულ რეფორმებს?

_ ჯერჯერობით, პრობლემა პრობლემად რჩება, რადგან გადაწყვეტილებების უმეტესობა, რომელთაც სამინისტროში იღებენ, ძირითადად, კონკრეტულ ადამიანთა დამოკიდებულებებსა და ხედვებს ეყრდნობოდა და არა განათლების სფეროში ჩატარებული კვლევების შედეგების ანალიზს. ჩვენ კი ვაჟას მთებივით ვდგავართ და ველით, გახსოვთ? _ “უსაზღვროა მთების მოლოდინი; უსაზღვრო ზღვადა დგას იმათ გულში... სდგანან და ელიან. გული სტკივათ, ძალიან სტკივათ. მაგრამ არ იხოცებიან, არც ჭლექდებიან. ელიან, ვის ან რას? რაღაცას. დიაღ, რაღაცას“.

ჩვენც ასე ვართ, ვნახოთ, რა მოხდება. ისე ქართველებს ასეთი გამოთქმა გვაქვს _  “ახალი ცოცხი კარგად გვის“.

_ საქართველოში განათლების სისტემა ყოველთვის დგას გარკვეული გამოწვევების წინაშე. რა მიგაჩნიათ ამ სისტამაში არსებულ მთავარ პრობლემად?

_ არც სკოლა და არც უმაღლესი სასწავლებელი თავისუფალი არ არის. სისტემაში, უფრო მეტად კი სათავეში, ძალიან ბევრი ტიტე ნატუტარი გვყავს.





 ახალი ამბები
  • ვახტანგ მეგრელიშვილი: ახლა ნიკა მელია ქუჩაში უნდა დაბოდიალობდეს,,ნაცვლად იმისა, რომ ეს დახმარება მიეღო, უარი გამოაცხადა არა მარტო ევროკავშირის გარანტიით გამოსვლაზე 72 საათში, ანუ ფაქტობრივად, ახლა ნიკა მელია ქუჩაში უნდა დაბოდიალობდეს, არამედ გვამუნათებს იმ ხალხს, გინც ვაპირებთ ამ შეთანხმების შესრულების მიზნით მხარი დავუჭიროთ ამნისტიის კანონპროექტს“, _ ამის შესახებ "გირჩის" წევრმა, ვახტანგ მეგრელიშვილმა  ნიკა მელიას ამნისტიასთან დაკავშირებით ჟურნალისტებთან  განაცხადა. "რაც არ უნდა გადაეწყვიტა ნიკა მელიას, კრიზისი მაინც უნდა დასრულებულიყო და დასრულების გარანტირებული ფორმა იყო ამნისტია, რომელიც ავტომატურად აძლევდა ნიკა მელიას გარეთ გამოსვლის საშუალებას მიუხედავად მისი გადაწყვეტილებისა, მაგრამ ნიკა მელიამ და „ნაციონალურმა მოძრაობამ", ნაცვლად იმისა, რომ ეს დახმარება მიეღო, უარი გამოაცხადა არა მარტო ევროკავშირის გარანტიით გამოსვლაზე 72 საათში, ანუ ფაქტობრივად ახლა ნიკა მელია ქუჩაში უნდა დაბოდიალობდეს, არამედ გვამუნათებს იმ ხალხს, გინც ვაპირებთ ამ შეთანხმების შესრულების მიზნით მხარი დავუჭიროთ ამნისტიის კანონპროექტს, რომელიც მხოლოდ და მხოლოდ ნიკა მელიასთვის არის მოფიქრებული, არანაირი პოლიციელისთვის, სხვა ადამიანისთვის, არამედ კონკრეტულად ნიკა მელიასთვის", _ განაცხადა მეგრელიშვილმა.  ... ...
  • ასლან ბჟანია: აფხაზეთის საჰაერო ძალების მოდერნიზება სჭირდება და რუსეთისგან დახმარებას ელოდება,,აფხაზეთის საჰაერო ძალების მოდერნიზება სჭირდება და ქვეყანა რუსეთისგან დახმარებას ელოდება“, _ ამის შესახებ ოკუპირებული აფხაზეთის ე.წ. „პრეზიდენტმა“ ასლან ბჟანიამ TASS- თან ინტერვიუში განაცხადა. "აფხაზეთს ჰყავს საჰაერო ძალები, მაგრამ მათ მოდერნიზაცია სჭირდებათ. გვჭირდება ახალი თვითმფრინავები და შესანიშნავად გაწვრთნილი აფხაზი.  ჩვენ ველოდებით რუსეთის მხარდაჭერას, ეს მხარდაჭერა, სავარაუდოდ, მალე იქნება", _ განაცხადა ბჟანიამ.  მისი თქმით,  რუსეთის გენერალური შტაბის წარმომადგენლებმა, ცოტა ხნის წინ აფხაზეთში იმყოფებოდენ  და აფხაზეთის თავდაცვის მინისტრთან მოლაპარაკებები გაიმართა. ასევე მან აღნიშნა,  რომ შეიქმნა ჯარების ერთიანი ჯგუფი, სხვადასხვა დონეზე ტარდება ერთობლივი წვრთნები სპეციფიკური უნარ-ჩვევების მოსამზადებლად. ამავე დროს, ბჟანიამ ხაზი გაუსვა, რომ არსებობს პრობლემები ეროვნული შეიარაღებული ძალების მოდერნიზებასთან დაკავშირებით.  ”ეჭვგარეშეა, რომ ნებისმიერი ვალდებულება შესრულდება ნებისმიერი მხარის წინააღმდეგ აგრესიის შემთხვევაში”, _ აღნიშნა დეფატქო პეზიდენტმა. ცნობისთვის, აფხაზეთმა და რუსეთმა 2011 წელს ხელი მოაწერეს შეთანხმებას სამხედრო სფეროში თანამშრომლობის შესახებ, 2016 წელს ჯარის გაერთიანებული ორგანოს შესახებ შეთანხმებას და 2019 წელს ქვეყნის შეიარაღებული ძალების მოდერნიზაციის დაფინანსების ... ...
  • დავით სერგეენკო: ამნისტია ვრცელდება გარკვეულ მუხლებზეხელმომწერი პარტიებისა და ცალკეული პოლიტიკოსების, ზოგი მათგანის მოსაზრება იყო, რომ ამნისტია, როგორც ასეთი, უნდა გავრცელდეს კონკრეტულ ადამიანებზე. ეს ნონსენსია და ვერ მოხდება, - ამის შესახებ პარლამენტის ვიცე-სპიკერმა დავით სერგეენკომ განაცხადა. „ამნისტია ვრცელდება გარკვეულ მუხლებზე, რა მუხლები იქნება ეს, რაზეც გავრცელდება ამნისტია, აქ უნდა გაირკვეს დღეს, ხვალ დაუახლოეს მომავალში, ოპოზიიცის ჩართულობით“, - განაცხადა დავით სერგეენკომ. პარლამენტი ამნისტიის შესახებ კანონპროექტს 27 აპრილს დაარეგისტრირებს. ეს მიშელის დოკუმენტის ერთ-ერთი ... ...
  • პარლამენტთან აქცია ,,არა 20 ივნისის ამნისტიას“ გაიმართებაარა 20 ივნისის ამნისტიას _ ამ სახელწოდების აქცია სამოქალაქო აქტივისტებმა 25 აპრილს დააანონსეს.  მოძრაობა "შეცვალე", "დემოკრატიული მომავლისთვის" და "მოძრაობა საქართველოსთვის"  ორგანიზებით აქცია 15 საათზე პარლამენტის წინ გაიმართება. აქციის ორგანიზატორები მოითხოვენ, საერთოდ არ დარეგისტრირდეს  დოკუმენტი აღნიშნული შინაარსით. ,,19-21 ივნისის ღამეზე ამნისტია არის ანტისახელმწიფოებრივი, ის ემსახურება რუსეთის ინტერესებს და ორიენტირებულია გიორგი გახარიას მძიმე პოლიტიკური წარსულის გასუფთავებაზე. კანონპროექტმა შესაძლოა ერთ სიბრტყეში დააყენოს, როგორც დამნაშავე ანტისაოკუპაციო აქციის დამრბევი ჯალათები, ისე დაზარალებულები, რაც სრულად მიუღებელი, ამორალური და დანაშაულებრივია. სრულად ვემიჯნებით 20 ივნისის ამნისტიის კანონპროექტს! შეთანხმებაზე ხელმომწერი მხარეებისგან მოვითხოვთ, რომ საერთოდ არ დარეგისტრირდეს ეს დოკუმენტი აღნიშნული შინაარსით. საქართველოს პატრიოტებს, ვისთვისაც მნიშვბელოვანია ჩვენი სახელმწიფო, ტერიტორიული მთლიანობა და ეროვნული ღირსება, მოგიწოდებთ, კვირას, 25 აპრილს, 15:00 სთ-ზე შევიკრიბოთ პარლამენტის წინ და ერთად გავაპროტესტოთ ანტისახელმწიფოებრივი კანონპროექტი", _ წერია  ორგანიზატორების ... ...
  • შალვა პაპუაშვილი: ნიკა მელია მიიღებს თუ არა ევროკავშირის გირაოს, ამას მნიშვნელობა არ აქვს„ნიკა მელიას გადაწყვეტილებებს ამ შემთხვევაში საერთოდ არ აქვს არანაირი როლი ამ შეთანხმებაში. „ნაციონალური მოძრაობა“ და ნიკა მელია ამ შეთანხმების ნაწილი არ არის, ისინი არ არიან მისი ხელმომწერები და შესაბამისად, მისი შესრულების ვალდებულება აქვს იმ მხარეებს, ვინც ხელს აწერს“, _  ამის შესახებ საპარლამენტო უმრავლესობის წევრი შალვა პაპუაშვილმა „ინტერპრესნიუსს“ განუცხადა, ნიკა მელიას გირაოთი და ამნისტიით გათავისუფლებასთან დაკავშირებით. პაპუაშვილის თქმით, გირაოს შეთავაზება არის გზა იმისთვის, რომ მელიამ სწრაფად დატოვოს საპატიმრო, თუმცა, ამით არ იხსნება მეორე საკითხი, კერძოდ, მის მიმართ 20 ივნისთან დაკავშირებით აღძრული ძირითადი სისხლის სამართლის საქმე, „რისთვისაც არის ამნისტია“. ამის გარდა, პაპუაშვილის თქმით, 20 ივნისის საქმეზე, მელიას გარდა არიან სხვა ბრალდებულებიც, სწორედ ამიტომ არის საჭირო ამნისტიის აქტის მიღება. „ნიკა მელიას გადაწყვეტილებებს ამ შემთხვევაში საერთოდ არ აქვს არანაირი როლი ამ შეთანხმებაში. „ნაციონალური მოძრაობა“ და ნიკა მელია ამ შეთანხმების ნაწილი არ არის, ისინი არ არიან მისი ხელმომწერები და შესაბამისად, მისი შესრულების ვალდებულება აქვს იმ მხარეებს, ვინც ხელს აწერს. ნიკა მელია რას გადაწყვეტს, როდის გადაწყვეტს, მიიღებს გირაოს, აღიარებს თუ არა ამნისტიას, ამ ყველაფერს მნიშვნელობა არ აქვს, რადგან ისინი ამ შეთანხმების მონაწილენი არ არიან. რაც შეეხება შეთანხმების მონაწილეებს, ჩვენ გვაქვს აღებული ვალდებულება, მათ შორის, ევროკავშირს, რომ გირაო უზრუნველყოს და ჩვენ ხელმომწერებს გვაქვს ვალდებულება, რომ ერთად დავაინიციროთ ამნისტია და მივიღოთ ერთად, ეს ვალდებულებები რჩება იმის მიუხედავად მელია ევროკავშირის გირაოს დათანხმდება თუ არა“, _ განაცხადა ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...

გავამზეუროთ ქოთნის ყვავილები

ახლა, ადრიან გაზაფხულზე, მზიან, თბილ...

ქათმის მხალეული

მრგვალად მოხარშული (და არა შემწვარი)...

ბადრიჯნის უხორცო ჩანახი

ერთი კილოგრამი (ან რამდენიც გსურთ)...

უნაბი _ ძვირფასი ხეხილოვანი და სამკურნალო მცენარე

უნაბის ნაყოფი გემოთი და გარეგნობით...

მუშმულა _ საუკეთესო მცენარე, რომელიც უყურადღებოდ არ უნდა დარჩეს

 მუშმულა (იაპონური ზღმარტლი) განთქმულია ნაყოფის...

ჩავატაროთ თხილის "ცისფერი წამლობა"

ჩვენი მკითხველები აქტიურად გვეხმაურებიან და...

გურიაში კივს საშიში დაავადება გაუჩნდა

გურიაში, კერძოდ კი, ოზურგეთში, კივის...