"გასწორხაზოვნებით, მდინარე არა და, მე კი გამასწორეს მიწასთან!"

საზოგადოება

"გასწორხაზოვნებით, მდინარე არა და, მე კი გამასწორეს მიწასთან!"

2019 სექ 18 10:33:43

ოზურგეთის მუნიციპალიტეტის სოფელ შემოქმედის მკვიდრის, მარტოხელა პენსიონერის, შორენა სიმონიშვილის შესახებ ჩვენ არაერთხელ ვწერდით, თუმცა, ის ახლაც გვეუბნება, რომ ჟურნალისტების ყურადღების იქით, მისი პრობლემის მოგვარების გზა არანაირ დადებით შედეგთან არ მისულა და არც ერთხელ არ ახსოვს ხელისუფლების თანადგომა.

ამჯერად მარტოხელა პენსიონერს საკუთარი საკარმიდამო ნაკვეთის მდგომარეობა აწუხებს, რომელიც მდინარე ბჟუჟის სანაპიროს გასწვრივ მდებარეობს და გასწორხაზოვნების სამუშაოების ჩატარების შემდეგ, კალაპოტშეცვლილ მდინარეს ნაწილ-ნაწილ მიაქვს ეზოს მიმდებარე ტერიტორია...

2015 წლის სექტემბრის სტიქიის დროს, სიმონიშვილის საკარმიდამო ნაკვეთში ხეები მოითხარა, პირუტყვის სადგომს დაეცა და დაანგრია. ასევე, ადიდებული მდინარე შეიჭრა მის ეზოში და არა ერთი ხე მოთხარა, წაიღო ბამბუკის ტყის ნაწილი.

მაშინ ჩვენ ვწერდით, რომ შორენა სიმონიშვილი სტიქიის შედეგად მიყენებულ ზიანს, მდინარე ბჟუჟის გასწორხაზოვნების შედეგად, ახალი კალაპოტის მისი ეზოს გასწვრივ გადმოგდებას მიაწერდა. ამბობდა, რომ მის დაუკითხვად მოიყვანეს ბულდოზერები და მამაპაპისეული ქვის ყორე დაანგრიეს, რომელსაც უამრავი წლის განმავლობაში ადიდებულმა ბჟუჟმა ვერაფერი დააკლო.

_ მაშინ ისე დაუწყიათ ეს გასწორხაზოვნება, ჩემთვის არაფერი უთქვამთ. ორი საუკუნის წინ მყარად აგებული ქვის ღობე-ყორე ბულდოზერებით დამინგრიეს. რამდენჯერ ადიდებულა ბჟუჟი და ამ ყორეს ვერაფერს უხერხებდა. მარტოხელა ვარ, ოდესმე რაიმე ვთხოვე ვინმეს? აქეთ შემომივარდნენ ეზოში და მაგ გასწორხაზოვნებით მე გამასწორეს მიწასთან, მდინარე კი არა. ახლა აქ დამბა თუ არ გაკეთდა, მიაქვს და მიაქვს წყალს ჩემი საკარმიდამო ნაკვეთის მიმდებარე ნაწილი, მოადგა უკვე ღობეს. მივედი შემოქმედის გამგებელთან და იქ გოჩა ბურჭულაძემ, თანაშემწემ, პროექტის ჩაშლა დამაბრალა _ ადრე გიკეთებდით და უარი თქვიო. მე ვყოფილვარ, რაც ვყოფილვარ _ თურმე, დამბის აგებას ვაფერხებ... ცხელ გულზე კი ვთქვი, რომ მთავრობის ჭიქა წყალიც არ მინდა, არასდროს დამეხმარნენ,-მეთქი, მაგრამ ამისთვის ხომ არ უნდა ჩამიდგნენ კრიჭაში? _ ამბობს შორენა სიმონიშვილი.

ქალბატონ შორენას გასულ წელს საკუთარ საკარმიდამო ნაკვეთში მრავალწლოვანი ბლისა და წაბლის ხეები მოუჭრეს "ენრგო-პრო ჯორჯიას" წარმომადგენლებმა. მარტოხელა პენსიონერი მაშინ ცხარე ცრემლით ტიროდა. "გურია ნიუსში" გამოქვეყნებული წერილის შემდეგ, კომპანიის ხელმძღვანელობამ მას მხოლოდ 150 ლარით დახმარება შესთავაზა, რაც სიმონიშვილმა დაცინვად ჩათვალა და ახლა სასამართლოში აპირებს დავის გაგრძელებას.

ამჯერად შორენა სიმონიშვილი საკუთარი საკარმიდამოს გასწვრივ დამცავი ჯებირის გაკეთებას ითხოვს, ემოციებისგან ისევ ტირის და ამბობს, რომ ადგილობრივი ხელისუფლების წარმომადგენლები არ უსმენენ.

_ მალე ზამთარი დადგება და წამიღებს ბჟუჟი. კი ხედავთ, შარშანდელს აქეთ, რამდენით არის შემოწეული ახალი კალაპოტი. დამეხმარეთ ყველა, რომ ნაპირსამაგრი სამუშაოები ჩატარდეს. ჩემი მეურნეობა მაქვს. ამას წინათ ძროხა ჩამივარდა მაქ, ნაქცევში. ძლივს ამოვიყვანეთ. როცა სანაპირო ჰქონდა მდინარეს, პირუტყვი იქვე ბალახობდა, წყალს სვამდა, მეც ჩავდიოდი. ისე წაიყვანეს საქმე, ახლა ძროხა და ხბო ჩამეხრჩობა აქ და მალე მეც წამიღებს, ალბათ, ჩემი ეზოიანად, _ წუხს მარტოხელა ქალბატონი.

 2015 წლის შემოდგომაზე, როცა სიმონიშვილზე ვწერდით, მაშინდელმა სოფლის გამგებელმა ბესო ლომინაძემ, მისი გასაჭირი მნიშვნელოვნად არ ჩათვალა: "რაღაც სამი ხე მოუთხარა წყალმა, კალაპოტს გასწორხაზოვნება სჭირდებოდა, შემდეგ სტიქიაც მოხდა. მე ნახევარი თხილის ბაღი წამართვა წყალმა, მაგრამ არსად წავსულვარ. ნელ-ნელა აკეთებენ ყველაფერს..." _ თქვა მაშინ ლომინაძემ "გურია ნიუსთან". ახლა ლომინაძე მერის წარმომადგენელი აღარ არის, სიმონიშვილის საკარმიდამო ნაკვეთი კი ნელ-ნელა მიაქვს წყალს.

გამგებლის წარმომადგენლის თანაშემწე სოფელში, გოჩა ბურჭულაძე "გურია ნიუსთან" ამბობს, რომ მან იცის სიმონიშვილის პრობლემის შესახებ:

_ ვიცით ამ ქალბატონის გასაჭირის შესახებ. მისთვის აქ ვინმეს ნიშნისმოგებით კი არ უთქვამს რაიმე, უბრალოდ, შევახსენე, რომ 2016 წელს, როცა გაბიონს აკეთებდნენ ბჟუჟის ნაპირის გასწვრივ, მისი ეზოს უკან, მან ნამდვილად უარი თქვა. მე მაშინაც ვმუშაობდი სპეციალისტად და თვითონ ვახლდი იქ ინფრასტრუქტურის სამსახურის წარმომადგენლებს. ახლა, როცა თხოვნით მოვიდა, უბრალოდ, შევახსენე, რომ ადრე უარი თქვა. რა ატირებს?! მოვიდეს, დავეხმარები...

_ ის მარტოხელაა, ხანდაზმული და ეს შეხსენება მტკივნეულად აღიქვა. ამბობს, წინააღმდეგი არ ყოფილა და ნერვიულობს, შეშინებულია. ფაქტია, მდინარე მისი ეზოს სიღრმეში მოიწევს...

_ ჩვენ მზად ვართ, ვუშუამდგომლოთ მუნიციპალიტეტის მერიასთან. აბა, მეტს რას ვაკეთებთ? წავყვებით, დაწერს განცხადებას. ახლა რომ მოვიდა, უბრალოდ, შევახსენე ძველი ამბავი. არავინ გამოკიდებია მას. შარშანწინ აკეთებდნენ გაბიონს მაქ. თუ დააკვირდით, მისი ეზოს ზემოთ გაკეთებულია სპეციალური დამცავი ჯებირი. ზუსტად ისეთი უნდა გაკეთებულიყო. გადმოვიდა თვითონ უკანა ეზოში და აქ არ გამიკეთოთო, _ თქვა. ჯიბრში არავინ უდგება. არც სანერვიულოა არაფერი. მოვიდეს, დავეხმარებით, _ გვითხრა გოჩა ბურჭულაძემ.

ცხადია ერთი რამ _ შორენა სიმონიშვილის სხვადასხვა სახის გასაჭირის შესახებ "გურია ნიუსი" უკვე მერამდენედ წერს და ის მართლაც გამონაკლისია იმ კუთხით, რომ ხელისუფლების წარმომადგენლები ვერასდროს ვერაფრით დაეხმარნენ.

"გურია ნიუსი" იმედს იტოვებს, რომ ამჯერად მაინც მიაქცევენ ყურადღებას მარტოხელა პენსიონერს.




 ახალი ამბები
  • მოქალაქეები საჯარო სივრცის დასაცავადქაოტური განაშენიანების, რეგულირების გეგმების არარსებობის და გადაწყვეტილების მიღების პროცესში საჯარო ინტერესის გაუთვალისწინებლობის პირობებში, მნიშვნელოვნად შემცირდა გამწვანებული ზონები და საჯარო სივრცეები, დაზიანდა კულტურული მემკვიდრეობა. შედეგად, ყოველდღიურად ილახება ჯანსაღ გარემოში ცხოვრების კონსტიტუციური უფლება. განსაკუთრებით ურბანულ დასახლებებში, უარესდება ეკოლოგიური მდგომარეობა, იზღუდება მოსახლეობის წვდომა საჯარო სივრცეებზე. ამდენად, მნიშვნელოვანია საზოგადოების ინიციატივები და აქტიური მონაწილეობა გადაწყვეტილების მიღების პროცესში ისე, რომ მუნიციპალური საქმიანობის და ურბანული განვითარების პარალელურად, დაცული იყოს საჯარო ინტერესი. 20 ნოემბერს, ღია საზოგადოების ფონდმა საზოგადოებას კონკურსის „საჯარო ინტერესის დაცვა მუნიციპალურ საქმიანობაში“ კონკურსში გამარჯვებული ოთხი პროექტი წარუდგინა, რომელიც თბილისში, ბათუმსა და ოზურგეთში გახორციელდება.  ოთხივე პროექტის მიზანია საჯარო სივრცეების დაცვა ქაოტური განაშენიანებისგან, გამწვანებისა და კულტურული მემკვიდრეობის დაცვის პოლიტიკის შემუშავებაში მონაწილეობა და მდგრადი ურბანული განვითარების ხელშეწყობა. 1)      ახალგაზრდა მწვანეები- დიღმის ტყე-პარკში მრავალფუნქციური კომპლექსისა და ბათუმში „რივიერას“ კომპლექსის მშენებლობის წინაღმდეგ აქტივისტური ღონისძიებების განხორციელება. გარემოსდაცვითი აქტივისტური ჯგუფების გაძლიერება ბათუმში; 2)      სამოქალაქო საზოგადოების ინსტიტუტის ბათუმის ფილიალი - ბათუმის გამწვანებისა და ეკოლოგიის პოლიტიკის კვლევა, ხარვეზების გამოვლენა და ხარვეზების გამოსასწორებლად რეკომენდაციების შემუშავება. გამწვანებითა და ეკოლოგიით დაინტერესებული ადგილობრივი ჯგუფების გაძლიერება; გარემოსდაცვით გადაწყვეტილებებში მოქალაქეთა მონაწილეობის გაზრდა. 3)      საინიციატივო ჯგუფი „გადავარჩინოთ მთაწმინდა“- მთაწმინდაზე მიმდინარე მასიური მშენებლობის  წინააღმდეგ ეკოლოგიური, გეოლოგიური და სამართლებრივი არგუმენტების დამუშავება, სასამართლოში დავის წარმოება, აქტივისტური ღონისძიებების დაგეგმვა და განხორციელება მშენებლობის შესაჩერებლად; 4)      ინოვაციებისა და სამოქალაქო განვითარების ცენტრი- ოზურგეთში გენერალური გეგმის შემუშავებისა და დამტკიცების ადვოკატირების ... ...
  • თსუ სტუდენტური ლიტერატურული კონკურსის "შემოდგომის ლეგენდა 2019" მეათე ფინალისტი ოზურგეთელიათსუ სტუდენტური ლიტერატურული კონკურსის _ "შემოდგომის ლეგენდა 2019" მეათე ფინალისტი ხვიჩა ყაზაიშვილია _ ამის შესახებ ამავე უნივერსიტეტის ფეისბუქის გვერდიდან ხდება ცნობილი. ხვიჩა ოზურგეთის მუნიციპალიტეტის, სოფელ შემოქმედში დაიბადა და შემოქმედის საჯარო სკოლა დაამთავრა. “სწავლობს  _ განათლების სადოქტორო პროგრამაზე; კითხულობს _ რაც უნდა გასაკვირი იყოს, ახლა ჯაბა იოსელიანის "ლიმონათის ქვეყანას" ვკითხულობ. უფრო ხშირად სამეცნიერო ლიტერატურას ვეცნობი, ჩემი საყვარელი ჟანრი კი რეალიზმია;  წერს _  ადამიანებზე, რომლებიც ჩვენს რეალობაში ცხოვრობენ, თუმცა, მათ ვერც სიცოცხლეს და ვერც სიკვდილს ვერ ვხედავთ; ეშინია _ გველების; აშფოთებს _ უსამართლობა;  აბედნიერებს _ ფეხზე წამომდგარი ადამიანების დანახვა; ოცნებობს _ რომ ოდესმე ოზურგეთის "მერცხალი" ჩემპიონთა ლიგაზე ითამაშებს და გურიაში მადრიდის "რეალს" მოუგებს“, _ წერია ხვიჩა ყაზაიშვილის შესახებ “თსუ“-ს ფეისბუქგვერდზე. ერთი პერიოდი ხვიჩა ყაზაიშვილი საინფორმაციო სააგენტოს “გურია ნიუსის“ პრაქტიკოსი იყო. “გურია ნიუსი“ ხვიჩა ყაზაიშვილს წარმატებას და გამარჯვებას ... ...
  • ავღანეთიდან დაბრუნებული მამის შეხვედრა შვილთანსოციალურ ქსელში ვრცელდება ემოციური ფოტო, რომელზეც აღბეჭდილია ავღანეთიდან დაბრუნებული მამისა და შვილის შეხვედრა. „ავღანეთში მიმდინარე „მტკიცე მხარდაჭერის“ მისიიდან დაბრუნებული მშობლის მოულოდნელი და მონატრებული ვიზიტი თბილისის ერთ-ერთ ბაგა-ბაღში. ემოციური წუთები ყველაფრის მთქმელია„, _ წერია ფოტოს დასათაურებაში. წყარო: ... ...
  • "ივანიშვილი იძულებული იქნება სპეცრაზმის მეშვეობით მართოს ქვეყანა"- უგულავაამ წუთებში ოპოზიციის წარმომადგენლები პროკურატურასთან აქციას მართავენ. მათ პროკურატურის ჭიშკარს პროტესტის ნიშნად ბოქლომი დაადეს. როგორც გიგი უგულავამ ჟურნალისტებს განუცხადა, აქციები გაგრძელდება. მისი თქმით, ოპოზიცია მხარდამჭერებთან ერთად ორშაბათს საღამოს შეიკრიბება, ღამეს გაათევს და მეორე დღეს პარლამენტის პიკეტირებას მოახდენს. "გამოიყვნენ სპეცრაზმს? გამოიყვანონ, კი ბატონო ეგ არის ჩვენი მიზანი. ივანიშვილი იძულებული იქნება ქვეყანა მართოს, გადაადგილდეს მხოლოდ სპეცრაზმის მეშვეობით, თუ ამას მართვა ჰქვია",- განაცხადა ... ...
  • აქციის მონაწილეებმა გენარალური პროკურატურის ჭიშკარს ბოქლომი დაადესამ წუთებში ოპოზიციის წარმომადგენლები თბილისში, გენერალურ პროკურატურასთან აქციას მართავენ. მათ პროტესტი უსამართლობის წინააღმდეგ პროკურატურის ღობეზე ბოქლომის დადებით ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

დარწმუნებული ხართ თუ არა, რომ სასმელად ვარგის წყალს მოიხმართ?